教育王國

標題: 學校有多少個net teacher (外國人不是abc) [打印本頁]

作者: yeewaibb    時間: 11-10-26 14:21     標題: 學校有多少個net teacher (外國人不是abc)

請問lmc有多少個net teacher (外國人不是abc)?
作者: KimB    時間: 11-10-26 16:19

You can go to the school website and take a look!
作者: 橫風王道    時間: 11-10-27 12:01

如果純鬼,只得一位英國人一位瑞士人,其餘大部份都係香港年青人,坦白講,就以呢個 team 做骨幹,能唔能 fulfil 到學校既 mission/vision,真係成疑!語言方面係咪真係做到流利英語?

剛看過上年既家長問卷,短短一個問卷,英文方面竟然有咁多 grammatical errors!其實此校好多通告 d  英文水平都唔係好得,甚至校長網上封信都有 errors,都咪話唔擔心。

另外,first interview 當日,有位 senior teacher 負責安排,佢 d 港式英語真係令人憂慮……

一路睇呢個 d forum 都知好多家長都對呢間小學投以信心一票,但實際上語言方面係咪真係有優勢呢?有冇高年班既家長可以分享下?你既小朋友讀左三年,英普程度如何呢?

P.S. 我唔係黎踩場,亦非有惡意,只想得到更多客觀意見,謝!
作者: lmcvgood    時間: 11-10-27 14:28

問心, 有D老師D英文的確馬馬地.  但我覺得家長們也要睇餸食飯.  以LMC的月費, 想好似國際學校咁多外國老師, LMC可能不是你想去的.  

以我所知, 教英文的老師會比其他老師的英文好(好似廢話), 但我想講, 不是你想像中的差.  當然也要看小朋友自己吸收到幾多.  

早排有學生上臺present, 有幾個D英文也很好.  咁啦, 在英小, 學到及用到英文的機會一定比中小多.  我覺得LMC 是很ok 的.
作者: MONALISA_LMC    時間: 11-10-27 23:23     標題: 回覆 1# lmcvgood 的文章

我絕對同意,因我小朋友在這裏可以學到英文只俾一些學費,絕對物超所直,起碼我小朋友同外國同學溝通無問題及放心講。
坦白講,當然也要睇小朋友自己吸收到幾多及平時在小息,放學後有無講/聽...

作者: 不平明    時間: 11-10-27 23:33

你完全講出本人心聲, 我已經有些擔心會越讀越差, 對不起, 我絕不是自負/有成見. 因為我的小朋友英文情度確實不低. 當然不是100% 很好,還有很多改善空間. 但他時常問我點解老師會講: 例子:

the weather  is cooler and cooler .

don't run so quick

see the video
(以上3句出自不同老師) 等等.

我明白學費不是很高, 不得要求太高等等, 不過我估不到是這樣的.



原帖由 橫風王道 於 11-10-27 12:01 發表
如果純鬼,只得一位英國人一位瑞士人,其餘大部份都係香港年青人,坦白講,就以呢個 team 做骨幹,能唔能 fulfil 到學校既 mission/vision,真係成疑!語言方面係咪真係做到流利英語?

剛看過上年既家長問卷,短短一個問卷,英文方面竟 ...

作者: 橫風王道    時間: 11-10-28 09:13

睇餸食飯就必然架喇,如果我大把餸都唔食呢碗飯啦,有什麼好憂慮的?CKY、TT、ESF,及其他國際學校多的是!家長拜倒 DSS ,都係因為語境好而價錢平,問題係,學校響限米煮限飯既情況下,係咪真係有能力做到呢?現時好多免費既官津都有至少一位 Net teacher,甚至連我個仔讀緊果間學卷制幼稚園都有,咁以 LMC 咁既陣容,同呢類免費既官津小可能分別都唔大喎,如果根本分別不大,不如讀免費學校?

學校稱自己為英文小學,但從很多方面及跡象看來,好明顯是不達標的…

如果同 SMC 呢類比就真係差好遠,簡介會當日曬冷,都真係有幾多 Net teachers,有兩個德籍學生同我地傾計,及見到有幾個其他學生以英語交談,真係幾 impressed,奈何僧多粥少……

原帖由 lmcvgood 於 11-10-27 14:28 發表
問心, 有D老師D英文的確馬馬地.  但我覺得家長們也要睇餸食飯.  以LMC的月費, 想好似國際學校咁多外國老師, LMC可能不是你想去的.  

以我所知, 教英文的老師會比其他老師的英文好(好似廢話), 但我想講, 不是你想像 ...

作者: 橫風王道    時間: 11-10-28 09:17

感謝你的回應,請問你的孩子是現時 P1 生嗎?學壞師也是我最擔心的問題。

原帖由 不平明 於 11-10-27 23:33 發表
你完全講出本人心聲, 我已經有些擔心會越讀越差, 對不起, 我絕不是自負/有成見. 因為我的小朋友英文情度確實不低. 當然不是100% 很好,還有很多改善空間. 但他時常問我點解老師會講: 例子:

the weather  is cooler a ...

作者: giveupaguy    時間: 11-10-28 11:33

我又覺得. 每學校都有賣點/不足之處; 要是明確知道自己要食d咩, 就不如去搵自己想食既野. 自己唔喜歡食既野. 請你食都唔會欣賞 (補充 : 好似榴槤咁, 它是甲之熊掌, 卻是我既砒霜 )

如果你的孩子英文有一定程度, 可投考另一些達到你心中水平的學校呢!  作為家長, 始終都想為子女揀最岩身的. 一起努力吧!



申報權益 : 本人有報考其他學校, 暫時非LMC一份子(將來唔知 )

只是想說出 我們應向自己的方向邁進.  只基於理性的交流. 純無冒犯之意

[ 本帖最後由 giveupaguy 於 11-10-28 11:50 編輯 ]
作者: 橫風王道    時間: 11-10-28 12:05

我一開始就係打算理性討論架啦,唔洗擔心喎!企鵝仔,你當初點解報 LMC 先?唔好話你只係為左 Moral and Control 喎,language 唔係最大原因?大家都係睇呢點先入紙姐,campus 呢 d 硬件野已經放得好開,但越睇多 d、聽多 d,疑問就越大。我超級鍾意食榴槤,但買左返屋企後,大淡咬落去,點解味道似奇異果架?開左冇得退貨過喎,唔研究清楚 d 先?

雖然你未係 LMCites ,但都好多謝你意見!我最想見到有高年班既家長回應囉,不過呢板咁新,應該都冇乜架喇。

原帖由 giveupaguy 於 11-10-28 11:33 發表
我又覺得. 每學校都有賣點/不足之處; 要是明確知道自己要食d咩, 就不如去搵自己想食既野. 自己唔喜歡食既野. 請你食都唔會欣賞 (補充 : 好似榴槤咁, 它是甲之熊掌, 卻是我既砒霜 )

如果你的孩子英文有一定程度, 可 ...

作者: giveupaguy    時間: 11-10-28 12:38

原帖由 橫風王道 於 11-10-28 12:05 發表
我一開始就係打算理性討論架啦,唔洗擔心喎!企鵝仔,你當初點解報 LMC 先?唔好話你只係為左 Moral and Control 喎,language 唔係最大原因?大家都係睇呢點先入紙姐,campus 呢 d 硬件野已經放得好開,但越睇多 d、聽多 d,疑問就越 ...


Language 係原因之一, 另一個原因係呢間學校的家長, 家長的身教對小朋友影響都好大; 疑問多都係好事, 証明左你花了時間了解學校. 問多d. 會知多d.

至於你想知道既野. 真係有勞其他家長提供.
作者: acustica    時間: 11-10-28 22:15

原帖由 橫風王道 於 11-10-28 09:13 發表
睇餸食飯就必然架喇,如果我大把餸都唔食呢碗飯啦,有什麼好憂慮的?CKY、TT、ESF,及其他國際學校多的是!家長拜倒 DSS ,都係因為語境好而價錢平,問題係,學校響限米煮限飯既情況下,係咪真係有能力做到呢?現時好多免費既官津都有至 ...

英文係重要,中文亦好緊要噃,SMC係多NET,但係亦出哂名d學生淨係識英文,中文字都唔識多隻•••我對保良機構攪既野有信心,起碼唔會老點,唔會好似有d突然間話校長又貪污,突然間又話學校攞左條數去買股票,而家咁多五花八門既DSS,你估間間都清清楚楚攞個心出黎搞教育呀?掛羊頭賣狗肉呃你D錢咋傻婆?醒下啦?要多鬼咪送個仔去外國或者國際學校,咪多鬼Lo,如果又要平呀?送佢入去外國d野雞黑鬼學校都又平又多鬼架?到時你個仔d英文又勁又叻過MC Jin,仲係條頸或手臂到送埋個紋身比你做生日禮物,你就真係飲得杯落啦,我都係理性討論呀。
作者: acustica    時間: 11-10-28 22:52

原帖由 橫風王道 於 11-10-28 12:05 發表
我一開始就係打算理性討論架啦,唔洗擔心喎!企鵝仔,你當初點解報 LMC 先?唔好話你只係為左 Moral and Control 喎,language 唔係最大原因?大家都係睇呢點先入紙姐,campus 呢 d 硬件野已經放得好開,但越睇多 d、聽多 d,疑問就越 ...


老實講,我覺學校咁新,真係要比時間佢搞,比佢成長,睇你搏唔博?如果早知佢會變成下間TSL,就算你唔係到數佢有幾多NET都冇人蘇你,你唔想搏,就診早d過主走去SMC或其他出名津校lo,唔好係到唗你時間,我信得過保良,我信佢搞教育唔會攞幾皮野去起狗屋,我會搏,就算而家入到2nd round 都只有4份1機會,我唔係淨睇佢英文level勁唔勁,我仲會睇埋我細路會讀得開唔開心,唔會比個囝比學校谷到淨係成績英文勁,冇哂自己性格同快樂童年,我會睇全面,學費,中英數德智體群美,校網,學校潛力,入讀機會率我樣樣都睇,唔會凈係知佢係XO但最後你入唔到到時又係係到齋up! 你話SMC多NET,佢凈係學費都比LMC貴Double啦唔計下數~仲有d雜費呢?SMC既ECA放學後鬼有校巴接送呀?d收費又貴過保良一大巨,計計埋埋鬼有保良咁經濟實惠呀?我計過若係LMC 曰日都返ECA法文呀,小提琴呀,跆拳道呀etc 連校巴送埋返屋企都冇SMC淨學費咁貴,你估d 家長傻唔識計數呀?

[ 本帖最後由 acustica 於 11-10-29 00:19 編輯 ]
作者: 蝦膏媽    時間: 11-10-29 12:32

Acustica,

多謝你分析, 亦幫我再次注入強心針! 昨天睇完部分評語個心都突然冷一截, 不過我諗咗成晚, 我當初揀LMC, 係因為覺得小朋友係度返學好開心, 係無壓力既情況下學到外語, 唔想佢變成讀書機器,
以佢哋既年紀, 應該最先要令小朋友習慣用外語, 致於文法.....真係咁驚既咪請補習羅, 1對1, LMC 收費再加補習都可能唔使報讀個啲名名校咁貴啦~~~,
如果又唔想補習既咪自己教羅, 一聽就知道老師啲英文唔得, 咁即係家長啲英文好得啦, 咁咪自己教羅, 教育孩子家長都有責任嘛~~如果真係要求咁高, 咁LMC根本就唔係嗰位家長杯茶, 咁重咩要係度霸住個位同個啲好想入LMC既人爭呢?


有時啲野係要互動既,
你交得個小朋友俾呢間學校, 你就要信佢, 你發現有不足, 可以試下同學方反映下/商量下, 甚至乎看看有什麼地方可以協助校方, 係互相合作既情況下大家先有得進步。LMC 係新校, 看似好亂咁, 但佢有心要攪好間學校係睇得出既, 佢無心大可以做普通準校, 使乜要攪咁多野。我明白萬事起頭難, 所以作為LMC既家長就更加要忍讓, 團結, 希望學校同自己小朋友都一齊茁壯成長。呢個都係我選LMC的原因, 因為我覺得呢度既家長都好有心, 好想學校好, 好團結。
會唔會間間校學都可以搵到咁團結既家長呢?
大家心中有數~~


P.S. : 雖然我唔知我有冇機會做成LMC家長, 但能夠在這裡認識到呢班LMC家長係我既榮幸, 多謝你哋~
作者: 不平明    時間: 11-10-29 12:39

救命. 完全脫離理性討論. 仲邊有人夠膽講野. 如果有問題都係私人pm了. 不過我唔係成日上網.

(本人認為. 英文唔叻唔緊要. 物講返中文. 點解要小朋友學錯曬.:;pppp: )
作者: KimB    時間: 11-10-29 16:30

請問你的小朋友在LMC讀幾年級?

原帖由 不平明 於 11-10-29 12:39 發表
救命. 完全脫離理性討論. 仲邊有人夠膽講野. 如果有問題都係私人pm了. 不過我唔係成日上網.

(本人認為. 英文唔叻唔緊要. 物講返中文. 點解要小朋友學錯曬.:;pppp: ) ...

作者: 蝦膏媽    時間: 11-10-29 20:04

sorry 不平明, 我都係有感而發, 絕對無意針對/攪對抗, 如果令你好反感我同你講多聲Sorry~~

因為呢個問題, 我再次入去學校網址睇睇個個教育局發俾LMC的報告, 當中提到學生英文水平GOOD, 中文勉強OK, 咁可能佢哋的英文程度未致於令人咁擔心呢?  致於教錯/教港式英語問題, 有冇同學校反映過呢? 可能有你提醒, 學校會改善得再快啲呢~~

唔好咁動氣, 大家上得黎傾都係想自己細路好啫, 咁慢慢傾, 希望搵到最好既方法幫個小朋友羅~
作者: JackyBaBa    時間: 11-10-29 20:15

原帖由 蝦膏媽 於 11-10-29 12:32 發表
Acustica,

多謝你分析, 亦幫我再次注入強心針! 昨天睇完部分評語個心都突然冷一截, 不過我諗咗成晚, 我當初揀LMC, 係因為覺得小朋友係度返學好開心, 係無壓力既情況下學到外語, 唔想佢變成讀書機器,
以佢哋既年紀, ...

蝦膏媽,每年到呢個緊張關頭前後都會有好多呢d不明來歷既客觀討論,前2年係咁,今年亦唔見會例外。(過左5\6月後又回復番正常)我見到都開始習慣。咁出d口術同計仔,等其他competitor自動棄權,以此提高命中既機會率,又其實好易理解。好高興睇到你既目標方向肯定同正確,又清楚知道比d乜野自己既囝女係最好既,我個囝每日都好鍾意間學校同返學。所以真係好希望2nd int 既時候校長主任們睇得出邊d係真係有心想讀,邊d係純粹想搵個水泡而已。
祝您願望成真,早日加入我地呢個大家庭。

[ 本帖最後由 JackyBaBa 於 11-10-29 20:26 編輯 ]
作者: 橫風王道    時間: 11-10-30 18:36

咁都叫理性討論,咁真係冇野好講!你寫呢兩大段野,簡直係可用作批判思考既教才,滿佈謬誤,難得有家長覺得係分析,笑死!首先,你無里頭地製造一個對手,然後完全離題地攻擊佢,寫咁多野做乜?幾句講完:我是 LMC 的 die hard fan,我信保良局!我對 LMC 投以信心一票!已講完!

至於有家長認為我地以事論事地表示憂慮係一個搶位的陰謀,又係一種奇怪的推論,嘆!

我開呢條 thread 之前都幾乎睇晒所有 thread 先開,上年最長條 thread 關於有一班準 LMC 家長最終如何得償所願,我都睇到好感動,特別係 white pine 最後終能由 waiting list 上往注冊,呢班家長目前既子女只係剛剛讀了兩個月 P1,可能未能對學校英語水平方面有實質的評估,所以我一直希望有 P2 以上家長回應,但暫時未有,畢竟呢板太新。

從觀察所得,此校的確有一批 die hard fans,我個人都好羡慕類似蝦膏媽呢類家長,一條心,目標明確,毫無懷疑地向目標努力,但我做唔到,我冇信心,我想搵多 d 實質支持,可惜搵唔到,打擾晒!





原帖由 acustica 於 11-10-28 22:52 發表


老實講,我覺學校咁新,真係要比時間佢搞,比佢成長,睇你搏唔博?如果早知佢會變成下間TSL,就算你唔係到數佢有幾多NET都冇人蘇你,你唔想搏,就診早d過主走去SMC或其他出名津校lo,唔好係到唗你時間,我信得過保良,我信佢搞教育唔會 ...

作者: Whitepine    時間: 11-11-1 17:01

Hello 大家好,橫風王道,你好。

因為你提到我的名,所以我應該回應一下。

首先,2年前好想阿仔入到LMC,最後入到,好開心。今日,仔仔讀P2,上學期又快完啦!

如果你問我對LMC有無改觀,當然有同2年前有D分別。不過,我仍然覺得LMC是一間適合我仔仔的小學。相信每位家長對自己的兒女成長有不同的要求,例如英語好(要有外國人口音),普通話好(北京的)...而我對仔仔的要求是英語、普通話都要有一定的水準,好學,開心上學,喜歡閱讀,以上(經過2年)LMC都可以比到仔仔。

大家似乎都學集中關心LMC的英語水平,是否港式英語(應該是指accent吧),其實以我看仔仔的學業成績及平時的英語交談,真係都幾好啦!!口音方面好難作準,例如英式口音好D,定美式口音好D呢,就算是港式口音又點呢?我對仔仔的要求是,英語要通順流暢,清楚明白,可以自如地運用。讀左1年半,仔仔D英語已經可以在家全英語對答,英語運用已經可以自如地做到,文法都用得幾好(有D應該在課程上未正式教,但相信因為在學校聽得多、講得多,所以不知不覺學左),所以LMC確實提供到我要求的水準。

正如大家所講,天上有天,人上有人。LMC唔係最好最優秀的英文小學,但我認為LMC是一間好的英文小學!!

原帖由 橫風王道 於 11-10-30 18:36 發表
咁都叫理性討論,咁真係冇野好講!你寫呢兩大段野,簡直係可用作批判思考既教才,滿佈謬誤,難得有家長覺得係分析,笑死!首先,你無里頭地製造一個對手,然後完全離題地攻擊佢,寫咁多野做乜?幾句講完:我是 LMC 的 die hard fan,我信保良局 ...

作者: caca169    時間: 11-11-1 23:27

不平明,你小朋友現讀LMC嗎?既然擔心小孩英語水平會被拖累,轉校吧!準會找到高質素的學校不要屈就呀。
橫風王道,既然first interview 見到D老師已經不順眼,還有需要討論下去?換轉是我,那怕2nd interview 直情要放棄拉。無謂免強。
吾明點解對LMC甘多concern 同不認同,還要討論下去,需要嗎?去求第2碗飯吃吧!
作者: 橫風王道    時間: 11-11-2 10:12

白松兄,

謝謝你的回應,原來是兩年前了,那麼以一個 P2 家長的 comment,我覺得極據參巧價值,非常有用!

至於我指“港式英語”,並不是指 accent 問題,事實我一向覺得口音並非太重要,就以我的印度籍朋友們為例,佢地 d 口音真係好重,第一次可能你會唔知佢講乜,但由於佢地講得好流利及文法正確,好快就會令人適應,溝通無障礙。“港式英語”可能唔係一個好既形容字眠,但我係指開口 d 文法錯得有 d 誇張既 "broken English",即係有時要人估佢想講乜。

有人覺得我在踩間學校,其實我從無呢個意圖,我係聽完簡介會,認同理念先入紙既,我舉既都係實證,有冇人可以話我錯?難道有人覺得問卷既英文冇問題?

我只係覺得辦學唔係齋叫口號,既然要打做成一間出色既英文小學,點解唔做得全面 d ,徹底d?proof-reading 都唔做就將資訊公佈?interview 只用英語, 咁既重要日子都唔可以安排一個英語較佳既老師主持?

有 d 人覺得討論區不是用作討論及交流的,非黑即白,覺得伴侶之間有意見不合,最佳做法是分手。其實我目的是想收取想得到的資訊,其實目標已達到。好多謝 lcmvgood、不平明及白松兄既留言!
原帖由 Whitepine 於 11-11-1 17:01 發表
Hello 大家好,橫風王道,你好。

因為你提到我的名,所以我應該回應一下。

首先,2年前好想阿仔入到LMC,最後入到,好開心。今日,仔仔讀P2,上學期又快完啦!

如果你問我對LMC有無改觀,當然有同2年前有D分別。不過,我仍然覺得LMC是 ...

作者: Whitepine    時間: 11-11-2 12:34

LMC是一間新校,今年只踏入第五年,有好多地方都有改善的空間。正如橫風王道的比喻,用婚姻比喻選小學的話,真係"情人眼裡出西施",無一定絕對的好壞!!

反而橫風王道 所講的"港式英語",我反而無留意到,可能有D新老師真係有問題?? 不過文校長係唔會容許這些"不合水準"的老師留低的,因為LMC每年都有老師無得留低,大多原因是"水準或教學不到水準"吧。不過作為家長可以從仔女平日的家課,測驗會知道LMC老師的教學水平好與不好,以我這1年半的觀察,LMC都不算太差,而英語方面OK,我不太擔心。

原帖由 橫風王道 於 11-11-2 10:12 發表
白松兄,

謝謝你的回應,原來是兩年前了,那麼以一個 P2 家長的 comment,我覺得極據參巧價值,非常有用!

至於我指“港式英語”,並不是指 accent 問題,事實我一向覺得口音並非太重要,就以我的印度籍朋友們為例,佢地 d 口音真係好 ...

作者: helenli    時間: 11-11-2 12:50     標題: 回復 22# 橫風王道 的帖子

你所指的問卷是KimB Email給各位家長參考那份? 我相信那是KimB憑記憶將問卷大意用電腦打返一次出來, 不是原文照錄吧!
作者: 橫風王道    時間: 11-11-2 14:12

當然,新校要畀多 d 時間佢,多謝你分享。

那個並非新老師,可能我要求高左 d,但如果你家裡都有英語水平偏低既印尼籍 helper,你可能都會明白,要改個仔所學到既壞英語係一件幾咁難既事情,小朋友呢個學習黃金期,學壞師都幾長手尾。

不過lmcvgood 其實講得好岩,要睇餸食飯,香港地,除非你畀得起,否則想學好語言呢樣咁基本既需要都要妥協。
原帖由 Whitepine 於 11-11-2 12:34 發表
LMC是一間新校,今年只踏入第五年,有好多地方都有改善的空間。正如橫風王道的比喻,用婚姻比喻選小學的話,真係"情人眼裡出西施",無一定絕對的好壞!!

反而橫風王道 所講的"港式英語",我反而無留意到,可能有D新老師真係有問題? ...

作者: 橫風王道    時間: 11-11-2 14:19

問卷係朋友 forward 畀我既,如果係呢度既家長憑記憶筆錄既,咁我惟有說包對不起,因為都冒犯左呢位為人民服務既家長。

但其實學校好多通告都有文法問題,有冇興趣睇睇呢封通知信,找找有幾多個 grammatical errors?
http://www.plklmceps.edu.hk/doc/201213_P1_final_round.pdf

我做咁多功課,都係唔想結左婚後先再考慮離婚,但坦白咁討論及舉證都會被家長群插,其實對學校有歸屬感及覺得有責任協保聲譽,我都明,但學校其實可能都冇要求家長誓死效忠過喎,如果有問題都唔接受及唔理會,對學校會有好處咩?咁樣會有進步?

原帖由 helenli 於 11-11-2 12:50 發表
你所指的問卷是KimB Email給各位家長參考那份? 我相信那是KimB憑記憶將問卷大意用電腦打返一次出來, 不是原文照錄吧!

作者: KimB    時間: 11-11-2 14:45     標題: 回復 24# helenli 的帖子

hi, 那份問卷是去年一位家長在面試後copy出黎,在forum跟大家討論時分享所寫的,我見有用所以特別save左個file。我只記得問題的意思係一樣, 冇特別考究字眼是否跟學校既完全一樣。如果某些家長係因為這份問卷的文法而覺得學校既水平有問題,我可以講聲sorry, 因為我唔sure是否100%出自學筆。我send俾大家,只作參考作用, 叫做知道學校可能會問些什麼問題而已。

其實,每一間學校都有其獨特之處,最重要既係你是否認同學校的理念, &是否適合個小朋友。舉例來說,有好多家長聽完"英華"既簡介會, 都會好like呢間學校, 但有d家長就會覺得林校長太過PR啦;正如有d家長覺得LMC名過於實, 質疑其英文程度一樣。bk係提供一個平台給家長討論, 讓一班愛自己子女的家長交流only, 大家無需動怒, 唔啱channel就唔回應囉!
作者: Whitepine    時間: 11-11-2 16:41

我睇左個通告,確實有D sentence structure 可以改善,同有一D grammatical errors. 我認為校方proof-reading 做得不足。如果有其他老師認真proof-read下,應該可以改正過來的。

其實我平時收到學校的circulars,有時都發現相同的careless mistakes. 不過我懷疑這些circulars可能是在office D clerks draft 後比老師approve,所以可能老師太忙無時間認真去proof-read and amend掛。

現在被橫風王道指出這些問題是一件好事,相信校方見到這個thread,應該會留意及改善吧!!LMC 是一間英文 小學,對外的文件、通訊在英文上有錯漏,真係會影響學校型像!!

這次就是例子。

原帖由 橫風王道 於 11-11-2 14:19 發表
問卷係朋友 forward 畀我既,如果係呢度既家長憑記憶筆錄既,咁我惟有說包對不起,因為都冒犯左呢位為人民服務既家長。

但其實學校好多通告都有文法問題,有冇興趣睇睇呢封通知信,找找有幾多個 grammatical errors?
http:// ...

作者: 橫風王道    時間: 11-11-2 17:26

白松兄,態度好正面呀!


原帖由 Whitepine 於 11-11-2 16:41 發表
我睇左個通告,確實有D sentence structure 可以改善,同有一D grammatical errors. 我認為校方proof-reading 做得不足。如果有其他老師認真proof-read下,應該可以改正過來的。

其實我平時收到學校的circulars,有時都發現 ...

作者: Whitepine    時間: 11-11-2 18:39

對LMC的各方面,我仍然滿有期望同信心。不過經過這兩年,意會作為家長亦要同學校完全一起努力,在家要用心去教導及踉進兒女學業上的進度,有需要時要同學校反影,不足的地方要補足,或用多些時間教導及改正錯處。

如果老師真是有問題,不妨同學校反影。如果發覺仔女講或用"港式英語",家長要立刻指出仔女的錯處,自己教導仔女正確的"英語"吧。(我假定有家長能指出"港式英語"是怎樣錯,應該懂的何為"非港式英語"的正確,自己可以改正過來罷!!)

我認為教育是家長不能完全依靠學校教導所有的東西,家長亦要參與一大部分。

原帖由 橫風王道 於 11-11-2 17:26 發表
白松兄,態度好正面呀!

作者: bchi    時間: 11-11-4 14:37

嘩, 呢一個topic 好熱鬧啊 ~~~~~

其他野白松兄都答晒喇, 我真係好想知, 不平明呢一位家長, 你個小朋友讀幾年級 ?

唔鍾意一件事, 只會令你愈睇愈眼火爆, 早早幫小朋友轉校, 對你同小朋友都好的. 祝早日插到心水小學 ~




歡迎光臨 教育王國 (/) Powered by Discuz! X1.5