關於嶺南大學香港同學會直資小學

TommyGirl

大家好! 我都有去open day plus 簡介會,請讓我發表下意見.............

當天禮堂的咪聲較細,小部份家長又讓小朋友在場走走叫叫,真的太嘈,坐後面真的好難聽到校長及老師講

最後,超時太多,4:30pm未到答問時間我已走了

我本身今年已去過幾個簡介會,除家長分享環節外,總體以嶺小這個最實而不華,印象亦最好;我有刻意留意該校學生的功課,其實課程不能說淺,數學算普通,中文唔淺,英文絕對拍得住外面英小(我有点擔心>.<)

但校園真的太細,交通亦不方便。

我有幾個問題都好想問,唔知當日校長有冇解答過呢?

例如:
1. 現在得P1~P3 6班,師資及場地尚可應付.....當一路開班上去12班就會愈來愈逼,師資又會分薄左,校長有冇唸過下一部點做?

2. 請問知否幾時報2010小一,面試有冇要求?

如當天冇問過,請問嶺小的家長們或laam1228可否解答或向校長了解一下呢?

Thanks

原帖由 laam1228 於 09-5-22 10:56 發表


對今次的 簡介會 為你帶來不愉快的經驗, 真的遺憾!

希望, 將來有機會再開 簡介會 時, 你可以再次光臨, 我認識的 鄭校長 是一個從善如流的好校長, 下次一定會做得比較好的!

嶺小 一級只有2班, 目前只有 百多對 家 ...

[ 本帖最後由 TommyGirl 於 09-5-24 00:31 編輯 ]

laam1228

....................

FongBaBa

呵呵,呢D心情我好明白的. 當初我們選嶺小係第一屆,根本冇舊生家長可以問. 果陣就靠對趙均鴻博士的信任就去左簡介會,覺得校長,老師都異乎常人的好(有見地,有愛心,相信是趙博士親自挖角來的), 理念又相同,所以把心一橫就報名了.

入學後都還戰戰兢兢的,高度關注左幾個月後,先完全放心. 中文科的進度真是快得令人吃驚,但學得一D都唔辛苦.

後來升二年班後,有一段時間見女兒對數學提不起興趣,就向校長反映. 好快,學校請來左數學專家開講座,三年班又請左經驗豐富,又識搞氣氛的兩位數學老師,分別成為我大女二女的偶像. 兩個女宜家都好鍾意上數學課.

英文科課程注重讀寫聽講,以自由發揮為主,比較不注重默書及考試,所以未必個個家長會滿意. 勝在日日有外籍老師傾計,表達能力唔錯. 幾千本英語讀物,按程度歸類,確保每個孩子都隨時有適合的書睇. 其實很多英文小學都冇咁好的條件.

不過講到底,係要問下你自己到底想自己孩子讀點樣的學校. 好的學校有很多的,當然有包括嶺小啦...

原帖由 dreambutterfly 於 09-5-21 16:00 發表
多意你寶貴意見。我絕不是對嶺小有成見，我希望大家出來分享意見是因為我想深入d了解間學校，希望搵到間好學校比自己的孩子，唔想因為"簡介會"印象(沒殺)左一間好學校姐。 ...

dreambutterfly

多意你寶貴意見。我絕不是對嶺小有成見，我希望大家出來分享意見是因為我想深入d了解間學校，希望搵到間好學校比自己的孩子，唔想因為"簡介會"印象(沒殺)左一間好學校姐。

原帖由 FongBaBa 於 09-5-21 11:36 發表
呢位家長的意見好有道理,競爭力亦係我地D家長同校方3年來一直在討論改進的地方. 不過,正如我之前說的,如果你純粹係為左搏高分/入名校/爭第一而來這間學校,你會很懊惱失望,勸你趁早另擇高明了.

再者,競爭有很多種,包 ...

laam1228

..............

FongBaBa

呢位家長的意見好有道理,競爭力亦係我地D家長同校方3年來一直在討論改進的地方. 不過,正如我之前說的,如果你純粹係為左搏高分/入名校/爭第一而來這間學校,你會很懊惱失望,勸你趁早另擇高明了.

再者,競爭有很多種,包括考試名次,自學能力,社會競爭力等等.嶺小的重點放在考試名次上的不多. 有不少家長希望改變這一點,學校係有耐心聽取每位家長意見,但亦必須平衡大部分學生的利益及教學理念,而不將分數放第一位. 學校的重點係在於引發學習興趣,培養自學能力,在輕鬆環境下掌握實際知識.成效係有目共睹的. 太貪心的話就變填鴨式,與辦學理念及大部分家長的期望相違背了.

說到嶺小只收問題學生,就大錯特錯了.如果你真是一個細心的家長,開放日那天應該會留意到在場的學生素質:有禮,自信,好學.  果日我在英語室幫手,見到有幾個學生有空閒就一直坐在果度睇書.如果想再睇清楚D,不妨等放學時間去校門外感受一下.

事實上,嶺小係一間收費學校,送孩子來呢度D家長多數都唔會放任自流.雖然唔係好嚴格的入學考試,也要經過一D基本的面試及篩選,相信可令學生程度相差不太遠. 頑皮的學生必定會有少少,但別指望將他們"剷除".犯錯的孩子亦受到尊重,正面的教導效用很大的.  我認為孩子有不同程度的同學一起成長,他們的思想觀念才會比較正常,以後出來社會亦可笑著面對各種人. 其實如果你個仔女係醒目,在嶺小學到的東西一定多過大部分名校,升中亦不會有問題.

每一位家長的理念可能都不一樣,需求也不一樣,所以不可能所有家長都認同嶺小的理念. 簡介會的目的只是"簡"單"介"紹一下嶺小的理念及教學方式, 而不可能照顧到每位家長的需要. 加上這次忽然多左咁多聽眾,包括年邁的婆婆同吵鬧的弟妹,禮堂擴音器又遇上D問題,難免很多家長聽完後頭上還頂著一個大問號.  

其實簡介會只是開放日的其中一個項目.教室內都會有負責老師同家長義工樂意回答問題. 幾複雜尖刻的問題都未見他們皺過眉頭.  如果你要得到最有效實質的答復,就有必要將你自己的情況說出來,而不是一直問別人有沒有問題. 如果你淨係要讀一間必入BAND ONE的精英訓練班,就真係搵錯地方喇,唔好再o洗時間.

祝你搵到心儀的學校啦! :)

原帖由 dreambutterfly 於 09-5-21 07:28 發表
對於間學校係有愛心我一d都唔會去質疑，個日去聽簡介會什麼都吸收唔到，淨係聽到佢地咩都話愛心。當然辨學一定是以愛心為先，但除左愛心真係冇咩其他point再去支持間學校咁，最多就係話中文有一套方法去教。個社會好現實，家長 ...

laam1228

.............

dreambutterfly

對於間學校係有愛心我一d都唔會去質疑，個日去聽簡介會什麼都吸收唔到，淨係聽到佢地咩都話愛心。當然辨學一定是以愛心為先，但除左愛心真係冇咩其他point再去支持間學校咁，最多就係話中文有一套方法去教。個社會好現實，家長固然希望子女得到學校的悉心照顧，但係都希望子女將來有一定競爭力。有教無類係好，但係一些子女屬資質較高既家長可能真係未必會考慮此校(學校簡介會中根本比唔到d咩實質野去支持)。這樣我都驚收生質優的少頑劣的多，一定唔多唔少影響學校質數。總括而言透過簡介會學校真係比唔到d信心家長讓小朋友報讀。或者有冇多d讀緊此校小朋友家長比多意見d想報此校既家長作參考? & 我想知道有冇家長小朋友係冇咩讀書問題(eg:幼稚園程度較低、上堂唔專心、唔鐘意做功課、唔鐘意返學等等)，都會考慮報此校?原因又係d咩?

原帖由 FongBaBa 於 09-5-21 01:48 發表
個大女o係嶺南直資讀左3年,屬開國元老級,細女都讀左快1年嘞,經歷左唔少風波. 剛剛知道有呢個網站,覺得有呢個平台同新生家長分享下真係幾有意義,聽下唔同意見都可以免做井底之蛙.

總括o黎講,我覺得嶺南直資最大既特 ...

FongBaBa

個大女o係嶺南直資讀左3年,屬開國元老級,細女都讀左快1年嘞,經歷左唔少風波. 剛剛知道有呢個網站,覺得有呢個平台同新生家長分享下真係幾有意義,聽下唔同意見都可以免做井底之蛙.

總括o黎講,我覺得嶺南直資最大既特點係"愛心". 同啟思一樣,D老師都係充滿愛心,將孩子利益放在第一位. 有左呢點我已經唔使擔心,差極有個譜, 何況又有咁好o既師資同教學方法. 但如果你僅僅係為左谷升學而選校,呢間恐怕未必係最佳選擇.

嶺南直資仲有一點我好鍾意:有教無類. 傳統名校收生都係百裡挑一,清一色精英班,調皮D都被踢出校. 呢間學校唔洗考試,先到先得,所以新生未必都係天才,但一樣教得有聲有色. 我識得幾個本來好頑皮的小朋友,讀左一兩年後就明顯變乖左,真係要寫個服字比D老師. 如果忍受唔到其他調皮仔D家長要三思喇,因為呢度D小朋友都要學習包容其他人...

hollisterneko

laam1228,  感謝你詳細的解答!  令我們都放心很多了!  :D

原帖由 laam1228 於 2009-5-18 19:21 發表
16/5 的開放日, 我也在場但身份是家長義工, 囡囡是應屆小一生, 此校的地理環境實在有點令人卻步, 但不用擔心打樁的問題, 因為最近學校的地盤要放學後才可以打樁的, 對日常上課沒有影響的!

至於,學校位於舊區家長會 ...

laam1228

.................

hollisterneko

此校收了小女為09-10 小一生。 上星期六開放日時, 我們一家 (包括公公、婆婆)也一起參觀。 長輩們對校方的教學也喜歡, 可是却對學校處於很多屋村、工廠大厦及地盤區附近有點擔心。請問各位家長對此有何看法？或是我們多慮了? 因小孩子還小, 始終有點擔安全問題。近地盤又會否很大噪音呢？請賜教。謝謝。

hollisterneko

此校收了小女為09-10 小一生。 上星期六開放日時, 我們一家 (包括公公、婆婆)也一起參觀。 長輩們對校方的教學也喜歡, 可是却對學校處於很多屋村、工廠大厦及地盤區附近有點擔心。請問各位家長對此有何看法？或是我們多慮了? 因小孩子還小, 始終有點擔安全問題。近地盤又會否很大噪音呢？請賜教。謝謝。

NewSnoopy

其實我大致上是對dreambutterfly所列出的幾點抱有同感。尤其是對該新界西家長的"偉論"，一方面覺得礙耳，二方面替兩所學校傷心，該媽媽簡直是好心做壞事，一心以為在讚嶺小和啟思幼稚園，其實變成"倒米"!

我的小朋友也是啟思幼稚園的，對於被標籤為"課程淺"學校，早已習以為常，反正我不認同。不過，此方面無謂在此發up風，因為這裡說的是嶺小。

我想先註明一下，前天我也是第一次到嶺小，是從baby kingdom得到開放日的資訊，而非從啟思(因我的孩子只是K1)。我覺得這樣好，因為我未聽過趙博士的推介，我可以自己靜心的觀察。

說回"家長推介"，我覺得，當天數位家長所說都有"搔不著癢處"之感，"新界西"阿媽更是肉緊有餘而成事不足。當時心想，學校真的"唔夠貨"，千選萬選的家長代表，出來"倒米"，把學校說成是"救那些無人要的pair懶幼稚園教出來的受不了壓力的學生的避風港"。但是，當晚我再消化下整個情形，我猜學校收生這麼少，很難找到肯回來講話，又要表達能力超班的家長。而最重要的是家長只可以代表她自己，作為觀眾的我可以選擇過濾她的說話。

NewSnoopy

前天我也有到此校參觀及聽講座。對於此校的印象是正面的。

至於講座"亂"，我個人認為很大程度是某些不為人設想的家長所為。為什麼這樣說? 學校的擴音器不夠大聲，雖然是學校的不足。但是，最大的問題，是"中排"有些家長把孩子帶進會堂。其實，學校明明在樓上課室安排了playright的工作人員，有各種的遊戲，不明白為何他們不讓孩子到樓上玩。初時想著是否擔心孩子獨自在樓下玩不太好，但是那些孩子，當中包括較大的小朋友和幼兒，聲浪實在太大，幼兒更不時尖叫，家長竟然無打算抱幼兒離場!

最後我卻發現他們是有帶姐姐(外傭)來的，而外傭居然是一起聽講座，我覺得他們真的很自私，不為人設想!

dreambutterfly

想請教各家長，這間學校係未咁值得推介?尋日去完簡介會，但係都唔係好知學校教學理同特色，聽得好辛苦好細聲，感覺一個字"亂"，但係我唔係想(沒殺)了任何好學校的考慮，請大家提供意見及幫忙，謝謝!
另外重有d隱憂:
1)學校唔會特別去提供d拔尖補底支援個別特別需要學生，起碼話要夠一組人先會考慮提供資源協助。
2)活外活動要錢，只要求每個小朋友最少有一活動，其他直資大都免費提供多元化課外活動，校長話學校冇咁多錢(但係其他直資就有???)。
3)尋日見到有位家長住屯門，我問佢點解考慮這間學校，佢既答案果然係話因為佢小朋友讀緊課程好淺既幼稚園，嶺小課程會接到佢個小朋友程度，聽到有d驚，我個女現在讀緊既幼稚園都唔屬於淺，咁我係未有需要考慮讀嶺小呢?
*不過d教職員、書記同校長比我既感覺都幾友善。

BEBELI303

津校今年是最後1年, 7月15日就正式close, 所以無咩必要理會.

lro14sheung

我見到一間同佢同地址名又差不多但是津校...兩者有什麼關係,有什麼不同呢?

ICU

http://www.luaaps.edu.hk/DSS/index.htm

stephanieching

十分贊同你此句 :
" 老實講作為家長同小朋友選學校一定要選擇一間適合他們及教學方式受到認同的學校是最為重要"

我上年7月己同囡囡面試此校並己取錄註冊, 來緊9月入讀小一, 一早己放棄了政府派位和考其他報私校的機會, 當時的朋友都問點解咁早決定選此間名不經傳, 校舍細舊, 歷史短, 前途不明的小學(仲要交學費), 是緣是此校我囡在K1時我己去過其簡介會, 給人感覺是此校以"學生"利益為主, 校長老師好有熱誠, 雖然校舍細細, 但有大家庭之感覺, 況且其教學方法不同一段"宮校或名校"的填鴨壓迫方式(以成績掛帥), 好適合我個囡活潑好動的性格(最喜歡其中文教法), 囡囡有過快樂的童年是我首要條件 !

當我面試時, 雖然囡囡週圍走表現又不太好, 但我好明確表示想入讀此校, 對此校之教學情況亦一早了解, 好認同其學之教校理念與我哋相同, 原來08年底己停了面試 (此校額少), 慶幸一早去註冊和堅持自己的決定 !