教育王國
標題: 質疑傳統簡約觀念「好陰功」 [打印本頁]
作者: 加樂爹 時間: 4 天前 標題: 質疑傳統簡約觀念「好陰功」
本帖最後由 加樂爹 於 26-5-19 14:18 編輯
容許先做下標題黨, 其實想講學習生涯規劃.
年輕夫婦離家自住 始覺水電費低廉：而家冷氣無熄過 質疑傳統簡約觀念「好陰功」
上面新聞有趣點, 分析幾個原因：
1. Perception 由家庭對個人年少成長影響很大。
2. 當成長後有很多錢，視角可以擴大很多，可以嘗試跳出固有思想。
3. 個人懂從了解整個大經濟模式, 自己財富位置後，決定個人的消費模式的改變。 即係話讀書讓自身明白而改變消貴習慣。
當然可以, 三者都唔知唔諗，只要跟大隊做就得，係最後一種?
作者: 加樂爹 時間: 4 天前
本帖最後由 加樂爹 於 26-5-18 09:57 編輯
坦白說, 在EK內會發現有不同見解.
越是能夠認真討論的人, 本身對事物越有既定認知.
同一句話, 有不同程度理解, 甚至完全相反意見.
最後結論是, 從討論中反問自己, 了解自己, 是最重要.
縱然大家理解不同, 但靜心想下, 他們有一個共通點是, 對下一代有很好的"學習規劃"
這個值得尊重及學習.
尢其是這世代未到十年時間會轉一個學習模式.
當大家教育子女, 肯定沒有依上面 "簡約觀念 (努力用功)" 就是好的模式嗎?
對我來說, 對近十年的高等教育情況擁有的知識及眼光一定缺乏.
想得太多可能是不切實際, 但一直跟大隊去做, 又會怎樣?
對於現在有子女在中小學學習的家長, 未曾想到嗎?
是到大學畢業後才想?
又或是管不到就算, 即是正如上面用電的1-4項其中一項?
P.S. 為防誤解, 澄清這個題目, 重點不是講AI 怎樣改變學習生涯規劃.
作者: 加樂爹 時間: 4 天前
這個題目, 有點涉及之前帖文"理想的孩子" .但重點不是說以今日孩子的成就, 去回想是否跟自己想要的理想模樣.
而是, 對於子女已在大學/職場, 分享家長當年的一些體驗, 考慮點, 當時對學習/事業發展的insight (展望).
當中發展在子女能力, 學校制度的限制, 怎樣去幫助子女取得優勢.
例如什麼的增潤課程, 活動, 個人性格發展, 與學校/機構的溝通/協作.
這些都是珍貴經驗.
當然, 以這個經驗, 若家長願意再以現在教育情況, 去再回想重做一次, 又會有什麼意見?
對於新的家長來說, 以上面用電的"簡約觀念"為比喻, 今日的學習生涯是否跟以前的"默默努力" 就可以呢?
相信放出來討論, 最後都會學到野, 縱然可能方向各有不同.
P.S. 我是比較實際, 討論前都比較先想清楚自已目的, 所以可能會被認為主觀, 其實是討論的threads.
作者: beastiebistro 時間: 4 天前
加樂爹 發表於 26-5-18 10:14 
這個題目, 有點涉及之前帖文"理想的孩子" .但重點不是說以今日孩子的成就, 去回想是否跟自己想要的理想模樣 ...
只可以話，我暫時非常滿意我嘅安排，重做都會係咁。
作者: 加樂爹 時間: 4 天前
本帖最後由 加樂爹 於 26-5-18 12:31 編輯
回覆 beastiebistro 的帖子
是的, 之前都有了解過, 確實計劃得唔錯 
P.S. 你主觀性好強, 所以之後等你評下我的看法, 會有獲益.
作者: beastiebistro 時間: 4 天前
本帖最後由 beastiebistro 於 26-5-18 17:11 編輯
加樂爹 發表於 26-5-18 12:23
回覆 beastiebistro 的帖子
是的, 之前都有了解過, 確實計劃得唔錯
個人認為冇主見，不如唔好好分享。當然唔代表一定啱，不過始終都要有POV，分享/討論先有價值/意義，先可以激發網友思考。我當然都會自省，日日都做添，所以蒸餾咗自己嘅意見先發聲...
作者: barque 時間: 3 天前 標題: 回覆樓主：
本帖最後由 barque 於 26-5-19 08:04 編輯
本帖最後由 barque 於 26-5-19 08:01 編輯
我覺得唔好用晒所有時間在讀書和成績上，性格上的培養和發展同樣重要。
曾經見過幾個讀書好叻，成績又好的小朋友，從小有乖又聽老師話。一直都覺得沒有什麼問題。但是大學畢業後找不到比較好的工作，父母建議不如去外國試吓，或者去外國名大學讀過碩士課程增加機會。
但是怎樣勸那個小朋友都是唔肯去，只肯在香港繼續讀碩士。其實我覺得這個和小朋友自己的見識，獨立能力和是否大膽走出Comfort Zone， 沒有冒險精神有關
自己覺得太聽老師話，其實都是一個問題，反而比較喜歡孩子聰明靈活，甚至乎有少少反叛和蠱惑。
但是這些特質在孩子大過後才發現其實好難改變
作者: ANChan59 時間: 3 天前
barque 發表於 26-5-19 07:58
本帖最後由 barque 於 26-5-19 08:01 編輯
「自己覺得太聽老師話，其實都是一個問題，反而比較喜歡孩子聰明靈活，甚至乎有少少反叛和蠱惑。」
立即想到幾間傳統名校，對號入座！
作者: 964000 時間: 3 天前
barque 發表於 26-5-19 07:58
本帖最後由 barque 於 26-5-19 08:01 編輯
同意性格和EQ培養絕對重要過齋讀書，雖然好多性格係天生，但後天培養可以補足吓，其實長大好多工作和家庭問題，都係性格有關，我越嚟越覺得性格決定命運。
你朋友個小朋友呢啲性格咪啱做公務員/專業人士，唔需要好大膽，勤勤力力守規矩就好。
作者: barque 時間: 3 天前
964000 發表於 26-5-19 09:10
同意性格和EQ培養絕對重要過齋讀書，雖然好多性格係天生，但後天培養可以補足吓，其實長大好多工作和家庭 ...
本帖最後由 barque 於 26-5-19 10:29 編輯
問題是現在畢業要找公務員，老師或專業的工作都非常之不容易。這位孩子是讀傳統名校從小成績優異。
自己真心覺得在原校升讀碩士，有什麼作用呢？反而放膽出外國試吓，或者試吓在外國讀碩士，以佢能力好大機會可以另外闖出一番天地。所以確實有些可惜，覺得是膽色見識冒險精神限制咗發展。
我只是說個別例子
作者: beastiebistro 時間: 3 天前
barque 發表於 26-5-19 10:01
本帖最後由 barque 於 26-5-19 10:04 編輯
本帖最後由 barque 於 26-5-19 10:02 編輯
家長嘅短視、過分呵護、甚至虛榮心（小朋友讀名校／成績好）就係害死小朋友嘅源頭。
作者: ANChan59 時間: 3 天前
barque 發表於 26-5-19 10:01
本帖最後由 barque 於 26-5-19 10:29 編輯
我係好想個仔出外讀大學，出外地工作，他一一拒絕，到忽然之間想出去闖下，跳出comfort zone也讓我很突然。
觀察到係人都有惰性，除非去到pain of no change > pain of change，個人肯用下腦就會作出改變！
作者: barque 時間: 3 天前
beastiebistro 發表於 26-5-19 10:24
個人認為同由細嘅家教有直接關係。可能係比較保護溫室嘅環境長大，或者咩都習慣有屋企人做好晒，從來唔使冒 ...
本帖最後由 barque 於 26-5-19 10:43 編輯
我同你的睇法一樣。自己的孩子長大了。回應版主的討論，多些放手讓孩子單獨去完成學習，或做其他活動。容許佢自己在可控的空間犯錯，一般佢不出口詢問求助我都不會出聲。
還記得孩子小學時和1位同學做一個project，佢哋自己去聯絡咗幾間NG O問人哋可否安排一個訪問面試去攞資料，全部過程佢同那位同學好似大人一樣自己安排得妥妥當當。作為父母只是安排接送。事後我亦都沒有問佢個過程怎樣。
我覺得佢哋在這個過程中，學會咗怎樣爭取機會，怎樣面對被人拒絕。
作者: barque 時間: 3 天前
ANChan59 發表於 26-5-19 10:31
我係好想個仔出外讀大學，出外地工作，他一一拒絕，到忽然之間想出去闖下，跳出comfort zone也讓我很突然 ...
那麼你覺得他這個決定，現在回看過嚟怎樣？
作者: beastiebistro 時間: 3 天前
barque 發表於 26-5-19 10:35
我同你的睇法一樣。自己的孩子長大了。回應版主的討論，多些放手讓孩子單獨去完成學習，或做其他活動。容 ...
我嗰啲13歲去晒寄宿之後，基本上所有嘢都係自己搞掂喇。
作者: twhkleung 時間: 3 天前
beastiebistro 發表於 26-5-19 10:43
同意㗎，個人認為其實小朋友細應該要慢慢開始放手。當然係循序漸進，冇話一次過放晒手。我嘅選擇係規劃咗初 ...
好多小朋友(包括我同阿仔), 呢個年紀, 都只係四圍框, 週圍彈下彈下, 睇下呢樣,搞下嗰樣...
作者: beastiebistro 時間: 3 天前
twhkleung 發表於 26-5-19 11:31
嘩! 你仔仔真係叻, 13歲就已經咁成熟.
好多小朋友(包括我同阿仔), 呢個年紀, 都只係四圍框, 週圍彈下彈下 ...
作者: twhkleung 時間: 3 天前
beastiebistro 發表於 26-5-19 11:38
我三個仔女都係13歲去英國寄宿喇。佢哋基本上讀書、揀科、搭飛機轉機都係自己搞掂（事實上我想幫都幫唔到） ...
作者: beastiebistro 時間: 3 天前
twhkleung 發表於 26-5-19 11:41
為人父母, 你最後嗰句, 一定係最終目標
作者: ANChan59 時間: 3 天前
barque 發表於 26-5-19 10:40
那麼你覺得他這個決定，現在回看過嚟怎樣？
有幾個層次去睇：
1。個人事業成長係正面嘅，專業知識進步也是明顯，特別在Al及Fintech方面。
2。他自己都開心自己個部門好國際化，對大家做事方式，文化，溝通，協作有更好嘅理解。
3。收入方面，撇除交稅都比香港高不少。但係再升職加薪幅度不是三級跳之話，會係marginal。
4。work life balance係好多！長周末去歐洲旅行休息，好放便好平！放假冇人搵你做公事。
5。他因為是Arsenal seasonal ticket holder，所以有機會抽30/5在布達佩斯舉行的歐聯決賽門卷。又可能睇到Arsenal 22年後再次贏Premier League Champion。
6。識到一個獨立自強嘅女朋友！
作者: ANChan59 時間: 3 天前
beastiebistro 發表於 26-5-19 11:44
不過好多家長冇諗清楚應該點做先achieve到，甚至做相反嘅（令小朋友永遠長唔大）... ...
我覺得合係相輔相承，家長當然有責任，但子女的性格也是一個原因。
作者: beastiebistro 時間: 3 天前
ANChan59 發表於 26-5-19 11:50
我覺得合係相輔相承，家長當然有責任，但子女的性格也是一個原因。
作者: ANChan59 時間: 3 天前
beastiebistro 發表於 26-5-19 11:56
我個人認為主要係家長責任，因為性格有得訓練。我三個仔女嘅性格都南轅北轍，但係無咗佢哋融入寄宿生活，學 ...
我知道係可以訓練，但真係有啲係爛泥，扶唔上。
作者: beastiebistro 時間: 3 天前
ANChan59 發表於 26-5-19 12:10
我知道係可以訓練，但真係有啲係爛泥，扶唔上。
作者: ANChan59 時間: 3 天前
beastiebistro 發表於 26-5-19 12:13
所以家長應該接受培訓，生仔應該要考牌
咁咪去番封建時代？！
作者: beastiebistro 時間: 3 天前
ANChan59 發表於 26-5-19 12:18
咁咪去番封建時代？！
作者: barque 時間: 3 天前
twhkleung 發表於 26-5-19 11:31
嘩! 你仔仔真係叻, 13歲就已經咁成熟.
好多小朋友(包括我同阿仔), 呢個年紀, 都只係四圍框, 週圍彈下彈下 ...
本帖最後由 barque 於 26-5-19 12:56 編輯
一定唔係家長心目中嘅叻，學校數學教得慢，平時功課全部在學內完成和冇考試。見佢愛閱讀和寫作，所以我們都不心急，其他知識慢慢嚟。
作者: Radiomama 時間: 3 天前
barque 發表於 26-5-19 07:58
本帖最後由 barque 於 26-5-19 08:01 編輯
孩子的成長過程中，其實我好多時都會羨慕身邊其他家長，他們的小朋友又乖又聽話。
我的那個好難搞，就算依家大學畢業，佢都唔係咁易聽我「講」；連影畢業相咁簡單嘅事，佢都有自己嘅想法 ～會
話我係sheep, 凈係識得跟大隊。所以我有啲覺得個性有時係天生嘅，我對佢嘅訓練可能就只係「信任」。
作者: 加樂爹 時間: 3 天前
本帖最後由 加樂爹 於 26-5-19 14:08 編輯
講我對人生規劃前, 這是我前天在朋友圈內分享的視頻.
是繼續我開題時, 講開孩子的認知話題.
他徒手攀巖，完成神話級壯舉，卻25歲逝世......|名人物語
朋友說我不用這麼認真跟孩子講這麼深入話題.
我話黎緊都中學啦, 兩父子不是平日都可以天南地北一番嗎?
很多意識溝通既野, 父子都應該分享下.
我話好似上面視頻既留言, 我同阿仔一路睇一路笑...
這事件本應是一件憂傷的事，可以表達致敬，惋惜，同情。。。都是人之常情。
我明白留言者都想"特別"用心去表達.
但有些古靈精怪，什麼寧可由被奴隸的人（我們一般人), 他可以跳出成為英雄，什麼生命鬥士，什麼替她母親感到驕傲，值得高興，有價值的人生。。。
大部份留言都係呢D, 真係....
我心想, 要不是認知出現問題, 就是語文能力差.
兩者都應該在幼年時培養.
作者: akys 時間: 3 天前
加樂爹 發表於 26-5-18 12:23
回覆 beastiebistro 的帖子
是的, 之前都有了解過, 確實計劃得唔錯
呢度唔少家長都有好強嘅教育理念，亦都通過驗證，即孩子們不是已經在職場發光就是成功入讀大學。細節不同，但大方向是一樣的。至少好少見到主張死背死做嘅家長。
作者: stillgood20 時間: 3 天前
Radiomama 發表於 26-5-19 13:58
孩子的成長過程中，其實我好多時都會羨慕身邊其他家長，他們的小朋友又乖又聽話。
我的那個好難搞，就算 ...
我兩個囝。
大的少時有: 对立性反抗症。(我老婆教得幾辛苦。我反而無問题)
细囝: 有数学天赋(他十分反感去做IQ test.)雖然個性平和，無所谓的人。
但，心思跟身边所有同学不同。
一个東。一个西。
我的唯一家教，就是和睦。
所以，就目前，我說的，未見过別的家庭比我的和睦。
父母子女除了爱䕶，還有尊敬/孝顺。
這些，都是要灌输的。
一一一一
各家有各家的好。
也各家有各家的難！
不比较，就沒羨慕了。
當然，唔係唔你唔比较，別人或是学校/社會裡，都在比较。
不过，平常心喇。
一一一一
另外，有時点去比较？
又乖又聽話。
我寫过: IQ130左右+積優。
係最理想。
有時，太聰明，也不容易。
作者: 加樂爹 時間: 3 天前
akys 發表於 26-5-19 14:20
呢度唔少家長都有好強嘅教育理念，亦都通過驗證，即孩子們不是已經在職場發光就是成功入讀大學。細節不同 ...
若果, 怕得罪唔講, 倒不如約朋友飲茶, 對嗎?
平常心.
作者: stillgood20 時間: 3 天前
Radiomama 發表於 26-5-19 13:58
孩子的成長過程中，其實我好多時都會羨慕身邊其他家長，他們的小朋友又乖又聽話。
我的那個好難搞，就算 ...
我跟细囝講。
我明白，但是也許考虑妈妈的期待。
縱然，不是喜欢。但是責任不可少。
他也明白。
而且，畢業了，進入社会。
就面对更多的不願意。
一一一一
我細囝入了社会工作。
做得最好的，是降维。
不爭論。
作者: beastiebistro 時間: 3 天前
本帖最後由 beastiebistro 於 26-5-19 15:24 編輯
加樂爹 發表於 26-5-19 14:38
我當然同意, 從睇你地留言會引發不同想法, 但想法多, 就要經過驗證, 才不會行彎路.
若果, 怕得罪唔講, 倒不 ...
喺度搭訕得嘅家長，我估或多或少都覺得自己嘅教養方法係正確嘅，效果係滿意嘅。
但應該補充返，每個家庭對教養嘅態度、成果嘅要求同標準、執行能力同程度、客觀自我評估、家庭環境、小朋友能力性格都有別。我哋喺度交流吹水冇咩問題，不過我諗好難真係攞（哪怕一少部分）照抄就諗住會有一樣效果。例如我個仔有能力讀醫有餘，唔報可能俾其他家長話我失敗添。我當然懶理其他人點睇，但係對目標唯有做「星球人」醫生嘅家長嚟講，我嘅做法佢地反而嗤之以鼻喇。又例如有人可能認為訓練係令小朋友聽話，我就認為訓練係要佢獨立思考、分析形勢，最後勇於承擔結果。咁有啲家長覺得，哇！咁危險，咁冇得操控，我就覺得越早學識越好。
我亦從來唔敢籠統講我嗰套啱其他人用，只係講下我自己點做，出嚟效果如何。我做效果好，換咗另一個做，效果又未必滿意。命就得一條，好難話我3歲到7歲跟你個方法試下，希望唔會走歪路。因為錯咗就係錯咗，冇得時光倒流再嚟一次...
作者: barque 時間: 3 天前
Radiomama 發表於 26-5-19 13:58
孩子的成長過程中，其實我好多時都會羨慕身邊其他家長，他們的小朋友又乖又聽話。
我的那個好難搞，就算 ...
佢都冇同提起影畢業相的安排, 我見佢哋一班朋友有影畢業相，佢發送咗幾張俾我哋。我諗到時在埸搵手機影幾張就算，現在手機都可以影得好靚。
你睇我好，我睇你好。我覺得你嗰個生性過我嗰個。
作者: 加樂爹 時間: 3 天前
beastiebistro 發表於 26-5-19 15:05
喺度搭訕得嘅家長，我估或多或少都覺得自己嘅教養方法係正確嘅，效果係滿意嘅。
但應該補充返，每個家庭 ...
咪搞搞震, 拖拖拉, 叫佢快D去做功課仲實際D.
我覺得家長是要找一個評核點:
1. 老師
但係預左老師係以學習成績立埸評論, 所以有優缺點.
這點家長不用想太多, 有差去改, 有好既去發展, 不用管是否學習/日後/以外的發展.
2. 社工/活動導師:
我地有參加親子義工, 探訪....一同做手工, 遊戲.
社工好處係佢地見太多家庭, 平常心, 仲有永遠都以欣賞角度, 讚賞口吻.
評論者住住留點距離, 但又要見cases 多.
我個仔一到要做手工就"閃", 係真係"閃"左出去房間外, 發下夢, 睇下書!
你話係正規活動, 都令到家長幾監介.
但係佢鍾意探訪老人家, 在我視角, 雖則我又唔覺得佢在當中做得特別好.
不過樂意參與及付出.
可想而知, 以我標準, 跟社工標準不一樣.
但經過兩年多的活動, 佢懂得怎樣跟長者相處.
我認為是性格上是多了一塊puzzle.
在長年對他的教養下, 我對於呢個年代既細路, 不是靜/動, 聽話/活潑, 勤力/散慢....
我都會試去了解, 再想每個孩子會有什麼發展空間.
所以, 又係咁講, 家長 "都係覺得子女是一些"特別"".
唔知羞
你地當年曾經有無呢種感覺?
作者: 964000 時間: 3 天前
barque 發表於 26-5-19 10:35
本帖最後由 barque 於 26-5-19 10:43 編輯
本帖最後由 964000 於 26-5-19 17:38 編輯
其實想孩子獨立家長懶啲就可以，唔好咁micro-management. 留多啲白比佢。
作者: beastiebistro 時間: 3 天前
加樂爹 發表於 26-5-19 16:31
其實我覺得係會既, 講得自己仔女既家長, 都係覺得子女是一些"特別".我太太都係咁話我, 佢有物野特別呀?!
咪 ...
我時常警惕唔會攞自己小朋友同其他人、兄妹之間比較。亦嚴禁其他家人、或者小朋友自己去同人比較。所以有冇「特別」喺我哋家庭嚟講，根本唔重要。
作者: Radiomama 時間: 3 天前
beastiebistro 發表於 26-5-19 18:39
驕傲乃失敗之父。
我時常警惕唔會攞自己小朋友同其他人、兄妹之間比較。亦嚴禁其他家人、或者小朋友自己去 ...
死啦，我哋最近驕傲咗。
不過，好快在美東遊的旅途中，阿仔嘅「頂心杉」本色再次提醒我哋佢唔係咁叻，仲有好多地方要改善，於是我哋又會不斷同佢傾（哦），出嚟工作要如何如何（下刪一千字）⋯
而最重要係提醒佢，有事就搵爸媽商量，我哋永遠stand by.
作者: beastiebistro 時間: 3 天前
Radiomama 發表於 26-5-19 18:51
死啦，我哋最近驕傲咗。
不過，好快在美東遊的旅途中，阿仔嘅「頂心杉」本色再次提醒我哋佢唔係咁叻，仲 ...
作者: Radiomama 時間: 3 天前
barque 發表於 26-5-19 15:14
佢都冇同提起影畢業相的安排, 我見佢哋一班朋友有影畢業相，佢發送咗幾張俾我哋。我諗到時在埸搵手機影幾 ...
畢業禮嗰兩個日，校園人頭湧湧，大家都在landmarks 位置爭取/排隊影相。我仔就話，無意思呀，平日我都唔去嗰度。最後佢主要帶我去佢常去的教學樓、課室、lab、workshop參觀同影相。
講番樓主提出的討論，我嘅觀察係有時孩子不只受父母影響，還會受長輩一些觀念薰陶。
作者: Radiomama 時間: 3 天前
加樂爹 發表於 26-5-19 16:31
其實我覺得係會既, 講得自己仔女既家長, 都係覺得子女是一些"特別".我太太都係咁話我, 佢有物野特別呀?!
咪 ...
我的孩子特別「難教」，幼稚園老師話千祈唔好走傳統路線；行國際學校，佢都屬於「杉手」一類。
今日算走上正軌，多得有專業人士分享話對佢要不斷灌輸正向思維、講正面故事，俾空間佢成長、建立內在的規律。未夠18歲到了美國唸大學，我哋少咗介入，佢獨立地學習、生活。
童軍訓練讓佢享受郊外行山、玩水、釣魚，work life balance 做得唔錯，已經是個小大人，希望未來抗逆能力可以繼續增強。
作者: akys 時間: 3 天前
Radiomama 發表於 26-5-19 22:25
我的孩子特別「難教」，幼稚園老師話千祈唔好走傳統路線；行國際學校，佢都屬於「杉手」一類。
今日算走 ...
我嗰個10歲嗰年去睇CP，CP直程話香港唔適合佢，去外國讀書啦，當年真係好慘，唔知點教得佢聽。童軍啲活動多元，遠足，定向，單車，游水，獨木舟。。等文又有武又有，值得參與。眨下眼咁就十年了。
作者: beastiebistro 時間: 3 天前
akys 發表於 26-5-19 23:11
我嗰個10歲嗰年去睇CP，CP直程話香港唔適合佢，去外國讀書啦，當年真係好慘，唔知點教得佢聽。童軍啲活動 ...
我唔單只仔女係，我自己當年都係，深明童軍好處...
作者: stillgood20 時間: 前天 08:46
加樂爹 發表於 26-5-18 09:43
容許先做下標題黨, 其實想講學習生涯規劃.
年輕夫婦離家自住 始覺水電費低廉：而家冷氣無熄過 質疑傳統簡 ...
有一種叫Back to basic.
把知識整理好，去努力學習。
不是表现，計分数，高低，名氣。
把基本做好，再精益求精。
那便是<本質>。
作者: Radiomama 時間: 前天 08:51
akys 發表於 26-5-19 23:11
我嗰個10歲嗰年去睇CP，CP直程話香港唔適合佢，去外國讀書啦，當年真係好慘，唔知點教得佢聽。童軍啲活動 ...
咁你哋係一早去外國讀書定在香港努力呢？佢又係好有想法、包抝頸嗰類？
作者: 加樂爹 時間: 前天 09:46
本帖最後由 加樂爹 於 26-5-20 09:47 編輯
今早才有時間番看你們留言.
@Barque @96400, 帖文#7, #8
EQ, 性格真是先天的禮物.
對於小時已明白, 能夠跟進家長/老師指去學習既小朋友, 真心, 好叻!
呢個時代, 沒有蠢的小孩, 能夠做到既孩子在心性, 管控能力, 清晰目標都優勝.
試換個角度想---學習生活可能正符合到他們性格.
是不是太乖?
我覺得是性格一種, 家長指點他們認識自己, 行一條合適既路.
我同意你們前說:
1. 特質在孩子大過後才發現其實好難改變
2. 性格有關，越嚟越覺得性格決定命運
這個年代, 珍貴的性格是耐心, 冒險, 探求, 願意表達, 不怕失敗…
尚有其它….但做好這些, 已經非常非常好.
對性格:
“我覺得可以某程度改變, 我覺得性格特質是可以由多方面去成長支持的; 我覺得在高小以後, 在日常生活討論分享仍可以改變, 因為性格會某程度受思想改變”
你們會怎做?
作者: 加樂爹 時間: 前天 10:05
本帖最後由 加樂爹 於 26-5-20 10:06 編輯
我前說, 我仔是想做一個小說家.
或者在小學, 我只著重他兩文, 數學沒理, 科學我當是思考訓練, 語句應用, 所以不太在意成績.
所以, 阿仔眼光只在小說家, 小說會放上平台, 等人訂閱, 期望到達一家訂閱有錢收.
Youtube 拍片, 學那些教打機技巧的人, 見到有100+ views 以上好開心, 覺得係大生意.
性格都是先坐在椅上發下夢, 雖則佢真係會諗野, 但係好遊....
10-15分鐘後, 一起筆就不會停下來…
閱讀小說是”歎世界”的一種活動…
所以, 我不擔心閱讀問題, 這段考試溫習時間, 做完溫習後做看小說, 差不多一天多一本.
說回來, 某程度, 這個人沒有多大的責任心.
什麼都不在意, 等我地offer 比佢.
我羨慕自動自覺孩子, 因為你們教導的, 他們都有”根基”去建立起來.
作者: barque 時間: 前天 10:13
Radiomama 發表於 26-5-19 22:25
我的孩子特別「難教」，幼稚園老師話千祈唔好走傳統路線；行國際學校，佢都屬於「杉手」一類。
今日算走 ...
對的，孩子都有自己的特性。父母清楚了解他的特性，提供一個適合的空間和教育系統給他成長就好了。
我們從小觀察到自己孩子算是self awareness 和自制能力好好的人，我們擔心如果給他讀傳統學校，佢會全部按學校和老師的期望去做。所以我哋選擇國際學校希望有空間比佢慢慢成長，可以開明些和多點冒險精神。
作者: 加樂爹 時間: 前天 10:14
本帖最後由 加樂爹 於 26-5-20 10:15 編輯
P.S.
他兩文可以了, 中文略為弱一點, 但這個方向繼續下去, 條路會好走下去, 我算是做到達標了.
中學…學習規劃, 是我在想的.
先說, 性格是一個重要點….
之後再請教各位, 在中學以後情況....
作者: 加樂爹 時間: 前天 10:37
本帖最後由 加樂爹 於 26-5-20 10:38 編輯
beastiebistro 發表於 26-5-19 10:24
個人認為同由細嘅家教有直接關係。可能係比較保護溫室嘅環境長大，或者咩都習慣有屋企人做好晒，從來唔使冒 ...
現代的教育制度下, 能上級頭的都不是省油的燈, 好叻.
雖則不管是溫室或過份呵護.
我同意你用”短視”去形容, 這是家長要評估及適時插入位!
你怎樣做, 你係強勢, 我相信你呀仔應該都係強勢自律.
見到你, 我就想起圍棋.
當時, 阿仔暑期報班, 只余下圍棋中班, 要求有初班能力.
佢成功在youtube 學會了30幾種食棋方法, 用AI對奕.
圍棋是他喜歡的, 可能是那種貓”捉老鼠”既感覺.
作者: beastiebistro 時間: 前天 10:38
加樂爹 發表於 26-5-20 09:46
今早才有時間番看你們留言.
@Barque @96400, 帖文#7, #8
能力係無論後天點努力都改唔到嘅，但係性格係可以經家庭教育去「補強」。唔係「改變」只係可以學識「避重就輕」，學習某啲技巧去放大好嘅地方，縮小唔好嘅地方。
作者: 加樂爹 時間: 前天 10:43
beastiebistro 發表於 26-5-20 10:38
個人認為能力同性格都係天生嘅。
能力係無論後天點努力都改唔到嘅，但係性格係可以經家庭教育去「補強」。 ...
能力, 與性格, 避重就輕....
家長盡力幫助, 在小時, 但要如何做?
幸好, 成功不是一定雖要最頂尖的人, 才能做到.
所以, 我仍是樂觀的. 
作者: 加樂爹 時間: 前天 10:47
帖文 #51, 我用的是引導.
小學合理, 因為道理講唔明.
但效率低.
中學呢, 你們認為呢?
你們在小學, 跟中學對孩子態度有沒有改變?
作者: beastiebistro 時間: 前天 10:57
加樂爹 發表於 26-5-20 10:37
現代的教育制度下, 能上級頭的都不是省油的燈, 好叻.雖則不管是溫室或過份呵護.
我同意你用”短視”去形 ...
我係有強烈主見，亦有好細緻嘅規劃，但係我從來唔高壓控制我嘅子女。Rules are rules，一出世就已經訂左，亦從來唔會移動，所以佢地唔會覺得我好「強勢」，因為我唔會無啦啦唔俾、或者一定要佢地做某啲嘢。當一個人由出世已經有一啲清楚嘅規則，佢唔覺得係咩問題，我唔需要「高壓」，去令佢就返。我當然會解釋點解有某啲規矩，亦會話俾佢地聽去到某年齡，某啲規矩會放寬。
而且我上面都講咗我從來唔會，亦唔俾小朋友同人比較，無論比賽贏輸、考試成績好壞，我哋都習慣輕描淡寫。讚頂多都係一句起兩句止，亦唔會點鬧，反而第二句就係倍佢self reflect。輸嘅錯嘅分析下自己錯咩，下次點改進。或者人哋贏喺邊，有咩學到。贏嘅，諗下有咩做啱，internalise佢，下次可以攞返出嚟參考。
所以我哋屋企從來冇強勢高壓環境，仔女都完全唔係外在強勢嘅人。
作者: beastiebistro 時間: 前天 11:02
加樂爹 發表於 26-5-20 10:43
我有同樣看法!
能力, 與性格, 避重就輕....
性格就絕對可以學習避重就輕...
作者: 加樂爹 時間: 前天 11:20
我分享下我方法, 睇大家意見.
我不想他做小說家, 不穩定, 文人有那幾個可以成功.
但礙於他的視角, 我不會說反對.
當然, 我想他從事科技行業.
原因, 以前香港根本沒有工業發展, 跟現在不同, 科技競爭很重要.
雖未考量能力, 但心態上要跳出圈子.
上星期看了個節目, 不記得是那間大學, 發明了一些黏膜性塗層, 可以用窗戶/屋頂, 有效降低5-6度室溫.
主角是學生跟學院教授, 在畢業後搞專利, 開創自己事業....
科研不是畢業後, 找一間公司, 去跟進公司項.
應該平常有準備, 抓緊機會.
看到機會, 有數據, 有潛在人材, 便是把握, 而不是冒險了.
我又看到, 那些新興產業, 那個老板不是30多出頭的人.
訪問他們優勢在那裡. 他們好坦白說, 在完整產業鏈, 在開發周期短!
我跟仔說, 不要擔心, 這會是你們的年代.
雖則初創有80%是失敗, 但到你們年代, 能從中學習認識的不限於一間公司成敗.
只要確定自己在浪頭, 水漲船高.
你要寫作, 可以, 但先有自主的生活, 找多一些自己有能力, 有興趣的事去投入, 是中學時代的目標.
作者: 加樂爹 時間: 前天 11:25
beastiebistro 發表於 26-5-20 10:57
我諗呢方面你可能有少少誤會。
我係有強烈主見，亦有好細緻嘅規劃，但係我從來唔高壓控制我嘅子女。Rules ...
我理解"強勢" 是"鮮明", "明確方向" 性格
作者: beastiebistro 時間: 前天 11:31
加樂爹 發表於 26-5-20 11:20
我分享下我方法, 睇大家意見.
我不想他做小說家, 不穩定, 文人有那幾個可以成功.
但礙於他的視角, 我不會說 ...
我認為你只可以同佢講，供佢讀完大學你就完成責任，而佢嘅責任係要思考以後點樣可以維生。如果佢寧願打散工都要支持自己創作，who are you to say no?。佢寧願讀歷史做老師，都唔喜歡科技，who are you to say no? 最重要係講清楚你唔會俾佢「啃老」，冇嘢留俾佢，佢要自己諗掂咪得...
作者: beastiebistro 時間: 前天 11:33
加樂爹 發表於 26-5-20 11:25
解釋下, 我意思你是強勢, 不是說高壓.(未去到考慮你跟子女教導方法模式, 這個或之後再請教)
我理解"強勢" ...
作者: 加樂爹 時間: 前天 11:48
本帖最後由 加樂爹 於 26-5-20 11:59 編輯
beastiebistro 發表於 26-5-20 11:33
我認方向鮮明，但係唔認高壓。（強勢對我嚟講有高壓嘅implication ）
係呀, 拉開下話題, 點解香港教育答題是由寫短句開始.
我認為是2nd language 問題.
小學是用懂關鍵詞, 好像這個"高壓" 會有令人用誤解, 老師會幫我改正.
之後當短句子成了, 會學習延長答題, 會把更多關鍵詞成答案.
我同阿仔講, 雖則你語文OK, 但到長文表達時. 可能令人摸不著頭腦.
因為不是寫小說, 每次答長題後, 都要檢視用了多少關鍵詞, 因為每個詞都代表一個意思, 幫別人了解自己, 特別是相關科目的名詞.
但當你在大學以後, 你希望讓別人了解你, 你需要創造你的意思, 你便不限在固有詞語上.
但到時, 寫作能力便需要配套到你想表達的意思上.
是的, 這是我提醒他不要自滿在寫作上, 有很多要學, 要行,
作者: 加樂爹 時間: 前天 11:54
beastiebistro 發表於 26-5-20 11:31
個人意見係，你唔想佢做小說家無可厚非，但係你「想」佢做科技就係問題。
我認為你只可以同佢講，供佢讀完 ...
你覺得有沒有空間?
作者: 加樂爹 時間: 前天 11:56
我不客氣, 講了很詳盡, 阻了你早上那麼多時間.
作者: beastiebistro 時間: 前天 12:06
本帖最後由 beastiebistro 於 26-5-20 12:28 編輯
加樂爹 發表於 26-5-20 11:54
我要想想, 如果現在他在高中, 真的客觀不容許, 我會咁做.但現在小六, 我都想試下.
你覺得有沒有空間?
我嘅做法係不停feed唔同嘅範疇嘅書俾佢哋。一嚟我自己睇好多，亦對唔同範疇有興趣。二嚟，我哋屋企不嬲都係海量嘅書。如果從而某學科引起佢興趣，咪睇下有冇發展空間囉。
作者: stillgood20 時間: 前天 12:45
加樂爹 發表於 26-5-20 11:48
係呀, 拉開下話題, 點解香港教育答題是由寫短句開始.
我認為是2nd language 問題.
小學是用懂關鍵詞, 好像 ...
中央台(港台33)晚上正播著﹤主角>一剧。
原著茅盾文学獎2019。
昨晚，是最精彩一段。
好幾年，未看过感人的一段戲。
女主角由地位最低，被人討厭，生活克苦。
自己默默天天，余下苦鍊。
巧遇機會，排除萬難。
首次被推上台表演。
正式，踏上台。這一刻，往后，改变命運。
當中，藝術性極高。
戲内的唱/做/打。
戲外，主角需要克苦鍛鍊。
一一一一一
所谓，教育。找目标鍛練
所谓，主角。 也許是精英，要排得位。
天時
地利
人和
努力
如果，欠一，啥也不是。
。。。。
同期，
張雪机車和車手。
刚5次奪冠。
也是，绝地翻身。
。。。。
如果，你囝喜欢文藝。
我推荐，看一下日本著名導演黑澤明的<天国與地獄>。
人，有視角<差>。
寫作，要有天份，有人的感觉。
。。。。
前晚，胞弟傳来一幀水彩畫，是用AI生成的。由父母年青黑白照，生成的。
AI生成，毫無感觉。
没有人的創作氣息，我没有点評。
作者: akys 時間: 前天 12:55
本帖最後由 akys 於 26-5-20 13:06 編輯
Radiomama 發表於 26-5-20 08:51
咁你哋係一早去外國讀書定在香港努力呢？佢又係好有想法、包抝頸嗰類？
...
留喺HK讀， 正式考DSE， 自修AL，而家英國讀大學。 我孩子唔係行IB， 國際學校條路，但結果都可接受，所以覺得學制只是成長其中一樣，每樣都有其優劣，知道學制那裡不足自行補充一下就可以了。我和陳sir一樣，都是多元智能擁護者，自己對小學初中學業成績不大緊張，反而對創意，解難，獨立自主，人際（點努力都係失敗），音樂，運動等去著墨。
佢係好有想法、但唔算包抝頸，肯講（佢認為啱嘅）道理嘅，例如同學問佢點Hack server, 佢教咗嘅同學走咗去Hack學校嘅server, 佢覺得唔關自己事，係冇錯嘅。高中家庭有變，成個人沉實晒。起碼獨立自主係成功嘅，自己自修AL，自己報大學，叫我先付學費，將來畢業工作後會還給我，我只係做塘邊鶴討論一下咋。
作者: 加樂爹 時間: 前天 13:21
本帖最後由 加樂爹 於 26-5-20 13:22 編輯
stillgood20 發表於 26-5-20 12:45
我又拉開一下話题。
中央台(港台33)晚上正播著﹤主角>一剧。
原著茅盾文学獎2019。
呢套劇 "主角" 我都有睇呀, 好好睇.
我會同人分享, 香港劇出品成本低, 但懂得找特點, 用劇情, 節奏去拍攝;
用這個角度看片, 就覺得香港人真係好叻.
但內地劇, 是看細膩情節, 跟閱讀小說一樣.
演員是用心演, 貼切演出身心理, 背景, 情節讓你懂故事.
用心去看, 你會懂演員角色, 你會懂編劇深意.
昨天, 當劇中觀眾在台下拍手, 我們又何嘗不是在心中喝采!
這套劇唱腔, 做手, 每個秦劇的表演者都好吸引.
那套劇服, 原本新束束是那麼的耀目.
其實這套片在片尾, 應該找如羅家英這些前輩去導賞及示範下.
P.S. 我仔都係睇得好投入, 我心裡面放心左, 他懂又明, 這是文化, 只要維持引導, 中文不會差到那裡, 思想空間擴闊左.
見你前有另外 Post, 再傾, 謝謝.
作者: 加樂爹 時間: 前天 13:59
本帖最後由 加樂爹 於 26-5-20 14:01 編輯
Radiomama 發表於 26-5-19 22:25
我的孩子特別「難教」，幼稚園老師話千祈唔好走傳統路線；行國際學校，佢都屬於「杉手」一類。
今日算走 ...
我仔小一是Covid, 到小二後半年才算陸續實體課.所以, 校內活動基本上很難插到入去.
個子不高, 所以運動類沒"抽中"; 童軍是熱門活動, 又抽唔到.
當時, 真係有D唔開心.
當在揀淨蔗之下, 入了Battle of Book, 及 Campus TV.
回想, Battle of book 聯校閱讀比賽, 及 Campus TV 學拍攝, 剪片, 確實對今天的他有很好的影響.
至於沒有校內運動, 便向外田徑會, 比錢訓練.
要一體一藝...便去私教鋼琴.
沒有童軍這些團體活動....便找了長者探訪, 跟著有不定期的山野活動 (露營/遠足/定向).
所以, 你說開童軍, 我明白這種可以把孩子從學習上"拉"出來的活動, 非常好.
給孩子及家長另一個空間.
喜歡帶領的導師 (我的是社工/義工), 容許孩子成長, 養份.
作者: stillgood20 時間: 前天 14:17
加樂爹 發表於 26-5-20 13:21
呢套劇 "主角" 我都有睇呀, 好好睇.
我會同人分享, 香港劇出品成本低, 但懂得找特點, 用劇情, 節奏去拍攝; ...
戱剧中，有一种叫<吐氣揚眉>。
<否極泰耒>。
你有看<主角>便明白。
现实，張雪机車World SSP 電单車賽53号車手。
一样精采。被Yamaha車隊放弃，而且，身負一身債。
差点要離开車壇。
卻大翻身。
赢第一次冠军，獎金去還好債務。
接著赢了4場。
這話题說过了。
不再继续了。
謝謝。
作者: 加樂爹 時間: 前天 14:19
加樂爹 發表於 26-5-20 13:59
我仔小一是Covid, 到小二後半年才算陸續實體課.所以, 校內活動基本上很難插到入去.
個子不高, 所以運動類 ...
我認為在小學是OK 既, 但在中學的活動, 例如STEM, Robot..., 尢其是聯校比賽那些, 是否要盡力能參與呢? 到中學情況會是怎樣?
作者: 964000 時間: 前天 14:28
加樂爹 發表於 26-5-20 09:46
今早才有時間番看你們留言.
@Barque @96400, 帖文#7, #8
好多野天生，盡量做，同一個家庭幾個仔女都可以得出不同結果。
不過我同意呢句說話：
【父母最大的成功，不是孩子聽話，
而是孩子願意跟你說真話。】
作者: beastiebistro 時間: 前天 14:29
加樂爹 發表於 26-5-20 14:19
想請教下, 其實以上的課外活動其實對日後升學沒有幫助 (俗D叫唔等洗 )
我認為在小學是OK 既, 但在 ...
作者: 加樂爹 時間: 前天 14:31
beastiebistro 發表於 26-5-20 14:29
唔好咁現實啦。佢有興趣咪俾佢玩，冇興趣無謂逼佢。為升學而參加太本末倒置喇... ...
作者: 加樂爹 時間: 前天 14:37
本帖最後由 加樂爹 於 26-5-20 15:18 編輯
stillgood20 發表於 26-5-20 14:17
你喝什么采！你知道嗎？
戱剧中，有一种叫。
真係題外話, 唔好覆.
你呢個激動, 令我想起早餐時看新聞, 我忍不住比朋友留言:
新聞報導: 漢堡網球ATP職業賽, 雙方全場犯無壓力錯誤，各自幾十次。。。
我覆朋友:
攻方果個固然在無把握時搶攻，守方技術唔夠，防守力比個亂打既攻破，甚至無節奏地跟從的，更無冷靜既創造機會, 去等待對方失誤，自己間接得分？。。。
打得職業賽，仲會去博波？其實，知唔知網球係D物野？
呢兩個球手, 應該blacklist 罷!
作者: beastiebistro 時間: 前天 14:45
加樂爹 發表於 26-5-20 14:31
咁其實即係呢D活動有無用?
制服團體當然超級有用啦。
學游水係求生技能，有用。
學棋，訓練耐性，宏觀睇事物，有用。
學樂器，陶冶性情，有用。
其他嘅，有興趣咪有用，冇興趣冇用。
為考中學大學而學，全部冇用...
作者: 加樂爹 時間: 前天 15:39
本帖最後由 加樂爹 於 26-5-20 15:40 編輯
beastiebistro 發表於 26-5-20 14:45
我認為：
制服團體當然超級有用啦。
學游水係求生技能，有用。
多謝你資料, 覺得輕鬆好多, 因為我小學真係試過"揀淨蔗".
我聽中學的簡介會時, 比我感覺是小學"好包容", 小學教育方針是讓孩子成長.
所以小學簡介, 會有很多親子, 學校互動交流.
到中學, 規舉, 要加強, 補底.
參加活動...學校有什麼什麼比賽獎, 讓什麼類別學生得到提升....之類.
我感覺學校是講求學生價值.
學校資源得咁多, 要拿資源, 就比有價值的學生.
我當時跟一些家長說起, 他們反應都覺得是合理, 始終已不是小學生了, 是青少年到成日的一個學習生活.
*** 我不介意把我想法講出, 想再多問, 以防萬一, 我想再確認其他家長都這樣認為, 是嗎?
作者: akys 時間: 前天 16:02
加樂爹 發表於 26-5-20 14:31
咁其實即係呢D活動有無用?
上到中學有一個活動可以錦上添花。IMO 代表國家／地區攞金獎， 報考某些elite university 有優勢，當然孩子嘅成績已經係頂尖啦。 另外，頂級運動員或校長推介都係一條出路，但我覺得比讀好書難上百倍。
我覺得中學活動係開智用，去找出自己嘅興趣和人生方向，包括career and recreational， 不用太著意得失了。
作者: beastiebistro 時間: 前天 16:35
本帖最後由 beastiebistro 於 26-5-20 16:48 編輯
akys 發表於 26-5-20 16:02
上到中學有一個活動可以錦上添花。IMO 代表國家／地區攞金獎， 報考某些elite university 有優勢，當然孩 ...
項尖大學錄取標準改 數奧學生被拒
其實連IMO都唔一定有幫助喇。
比賽都係有益身心為重，有興趣就玩，用嚟考中學大學太過功利喇。而且家長有功利嘅諗法，自自然然會傳遞咗去小朋友到...
我諗我都算有啲資格講，因為我仔係入選代表英國隊去參加國際比賽攞獎牌嘅。佢玩純粹係出於興趣，對入大學毫無幫助。我估一般香港家長一早要佢cut咗，我就由得佢，就算係考A level嘅年份照俾佢去牛津集訓。唔係為咗考學校，純粹因為佢鍾意玩...
作者: akys 時間: 前天 16:54
beastiebistro 發表於 26-5-20 16:35
項尖大學錄取標準改 數奧學生被拒
其實連IMO都唔一定有幫助喇。
你個例子唔啱用，因為佢入到好學校，分唔到有冇關係 。消息來源係阿仔， 早兩年阿仔話佢啲師兄講Cambridge Trinity College Maths 好多都有IMO獎。
作者: beastiebistro 時間: 前天 16:59
本帖最後由 beastiebistro 於 26-5-20 17:08 編輯
akys 發表於 26-5-20 16:54
你個例子唔啱用，因為佢入到好學校，分唔到有冇關係 。消息來源係阿仔， 早兩年阿仔話佢啲師兄講C ...
我相信玩得IMO攞金獎嘅本身對數學就有濃厚興趣，亦非一般普通人能力。所以我認為唔係普普通通玩下課外活動嘅取捨...
去到咁嘅程度，亦唔會係為咗考入劍橋先玩...
事實上係有唔少隊友而家都係佢同學（both數學隊同埋語言學隊），不過呢啲朋友係咪隊都會入到劍橋。佢哋入到英國代表隊已經證明咗能力，不過無咩邊個係因為想入劍橋而參加比賽...
作者: barque 時間: 前天 17:26
加樂爹 發表於 26-5-20 14:19
想請教下, 其實以上的課外活動其實對日後升學沒有幫助 (俗D叫唔等洗 )
我認為在小學是OK 既, 但在 ...
本帖最後由 barque 於 26-5-20 17:27 編輯
覺得香港升大學看成績為主，基本上夠分就一定收。就算有些科目需要面試，只要成績夠，面試中規中矩都應該冇問題。
要睇你將來升學的計劃，如果係香港本的大學為主。全力讀書以成績目標最為簡單。
如果會考慮英國的頂級大學劍橋牛津，佢哋會看重面試和你個人嘅Profile，所以在這個情況下你中學所參加的活動，比賽各方面的事項都有幫助。
如果會考慮美國升學，除咗成績仲會看其他方面。可能中三已經要開始準備。
所以如果你現在開始計劃孩子的活動和比賽，想他們對將來的升學有幫助。其實你要開始考慮你將來打算在哪裏升讀大學。
作者: beastiebistro 時間: 前天 17:32
barque 發表於 26-5-20 17:26
本帖最後由 barque 於 26-5-20 17:27 編輯
覺得香港升大學看成績為主，基本上夠分就一定收。就算有些科 ...
美國大學就真係需要，不過未必關能力事。佢哋要小朋友demonstrate長期對某方面嘅dedication同埋passion ，所以又係返返去有冇興趣問題。為考學校而參加，兩嘢就睇得穿，冇咩意義。
作者: ANChan59 時間: 前天 17:34
beastiebistro 發表於 26-5-20 16:59
我相信玩得IMO攞金獎嘅本身對數學就有濃厚興趣，亦非一般普通人能力。所以我認為唔係普普通通玩下課外活動 ...
你講這個好真，follow your heart，不要完全目標為本。
見不少小朋友或者年輕人在某方面做得好，係因為熱愛，才會日以繼夜夜以繼日，盡心盡力去努力。
作者: barque 時間: 前天 17:38
beastiebistro 發表於 26-5-20 17:32
牛劍都係睇科入學試成績 + Interview + PG。而且interview唔吹水齋講學術嘢，所以都係冇需要其他活動。
美 ...
美國就係Admission Office負責收學生，教授冇份參與。
英國就由教授自己揀將來的學生。
兩地收取學生的方法可不同
作者: beastiebistro 時間: 前天 17:40
barque 發表於 26-5-20 17:38
美國就係Admission Office負責收學生，教授冇份參與。
英國就由教授自己揀將來的學生。
作者: barque 時間: 前天 17:46
beastiebistro 發表於 26-5-20 17:40
啱呀，我認為你建議諗清楚喺邊度升學都好重要
本帖最後由 barque 於 26-5-20 17:47 編輯
如果是本地大學（非醫科），最好考慮埋如何培養個人特質和其他長處，這樣才能在畢業後找工作，如何在一班背景差不多的學生中脫穎而出。
因為見有些朋友，中小學是以入大學為目標，忽略其他方面的發展。大學畢業後發現找工作困難。
建議你可以整體長遠地去規劃小朋友的路線。
作者: beastiebistro 時間: 前天 17:48
barque 發表於 26-5-20 17:46
本帖最後由 barque 於 26-5-20 17:47 編輯
如果是本地大學（非醫科），最好考慮埋如何培養個人特質和其 ...
作者: barque 時間: 前天 17:49
beastiebistro 發表於 26-5-20 17:48
你建議比樓主啦
係俾樓主的覆錯咗， 唔好意思
作者: 加樂爹 時間: 前天 17:52
剛在看, 好正呀你們的答案, 實際cases, 非常多謝
作者: akys 時間: 前天 19:38
barque 發表於 26-5-20 17:26
本帖最後由 barque 於 26-5-20 17:27 編輯
覺得香港升大學看成績為主，基本上夠分就一定收。就算有些科 ...
牛劍第一件事就係考好入學試，個個都4A* predict grade, 入學試分到高低，之後就是面試了，不過感覺入學試佔分好重。
作者: akys 時間: 前天 19:45
barque 發表於 26-5-20 17:46
本帖最後由 barque 於 26-5-20 17:47 編輯
如果是本地大學（非醫科），最好考慮埋如何培養個人特質和其 ...
當年就係玩下學生會，XX Soc，XX club上吓莊攞所謂行政管理經驗，我諗而家要睇暑期工，intern履歷了。我想唔止香港，歐美都有此需要了。
作者: Radiomama 時間: 前天 19:45
加樂爹 發表於 26-5-20 14:19
想請教下, 其實以上的課外活動其實對日後升學沒有幫助 (俗D叫唔等洗 )
我認為在小學是OK 既, 但在 ...
本帖最後由 Radiomama 於 26-5-20 19:46 編輯
課外活動對升學有冇幫助？
如果真心投入活動，對孩子的成長一定有幫助。
我自己係合唱團、我仔就係數學隊，我哋都在其中學習團隊合作、得失成敗等。
但要specifically 為升學？辯論隊、MUN可能會有，唔係靠奬牌，而係在過程中學會「思」「辯」，對升大學有益。
至於Barque提出大學之後更要思考生涯規劃，這個我十分同意。好多香港學生入大學之後無去諗這問題，到畢業時才徬徨。
作者: beastiebistro 時間: 前天 19:45
akys 發表於 26-5-20 19:38
牛劍第一件事就係考好入學試，個個都4A* predict grade, 入學試分到高低，之後就是面試了，不過感覺入學試 ...
作者: barque 時間: 前天 20:06
akys 發表於 26-5-20 19:38
牛劍第一件事就係考好入學試，個個都4A* predict grade, 入學試分到高低，之後就是面試了，不過感覺入學試 ...
本帖最後由 barque 於 26-5-20 20:08 編輯
其實我想講無論你報什麼大學，盡力做好成績是基本。因為你需要成績去達到入學資格或面試資格。
課外活動的目的主要不是為咗將來升學，反而是培養學生的其他方面能力和特質，令到佢面試時提高勝算，將來工作在大家都是同一個學位畢業的人群中，能夠有出色的工作表現和發展個人的事業。
作者: twhkleung 時間: 前天 22:16
呢度幾位網友家長, 分享成功的美英升學經驗, 十分有用.
我仔當年的升學經驗, 可能就係一個好的反面教材, 提前了解清楚十分重要!
作者: stillgood20 時間: 昨天 08:19
本帖最後由 stillgood20 於 26-5-21 08:32 編輯
加樂爹 發表於 26-5-20 11:48
係呀, 拉開下話題, 點解香港教育答題是由寫短句開始.
我認為是2nd language 問題.
小學是用懂關鍵詞, 好像 ...
有关寫作，我有兩個分享。
一。 细囝只有数学天赋，中英語文/通識，中学時，成绩排级尾。
中四見班主任派成绩表，班主任質問我，為何亜囝成绩的兩極，
不要讓他偏食。有些孩子只努力自己喜欢的科目。
我回: 亜囝，数学並没有偏食，反而，什么也没有做。只做功课，從不温習。
之后，我没再解释了。
而事实，数学成绩不是排级前幾名，不温習而已。
由测驗卷/考试卷去细看。亜囝自己嘗試一些自己的計算方法，並不是考学範圍，因而扣分。答案是对，解题不对。
另一方面，是否偏食！？！
其实，並不是的。
我係请了学校師姐去私補的。
師姐是前三屆，成绩最好的。
。。。
中，英，通識，都是5**.
而且，中文是作家级别。
聽說，入大学後，寫作有獲獎的。
学姐大学畢業成为老师。
我睇过師姐的教中文筆記。
十分有系统。相信，比坊间什么補習天王/王后，没差。
其实，考试是一种系统。
而，寫作是文藝。
兩者，都要控制好。
二. 老同学的太太。
在日本大企业是中国和週边地区的高管。
太太年青時，曾在国内大学教日語。
所以，日语水平，不只是一般工作水平。
日常交談/工作之外，需要日本人也信服的語言能力(包括講，寫，文化…)
同学說，太太十分忙。然而，她喜欢寫作。
她的中文，更好。
曾寫散文書出版。
它日，退休，想會多花時間寫作。
。。。。
個人想法。
文藝上的寫作能力。是一种天赋。
考试/工作，是另一种系统。
如果，兩者兼得，也許不錯。
。。。
此外，发揮天赋，更有效益。
可以說，天赋，可以讓<放飛>。
當然，仍然是。天時，地利，人和，努力，系统，方法。
p.s.我想表达的，如果有天赋，那發揮天赋的效益，理想得好。
每个人有各自特質/特長。
雖然，社会在某一段時間空間，对某些特質需求变化。
但，跟市场，未必一定是好事。
好似，CS科，十年八载前，超级勁。
可是，市场會变
作者: barque 時間: 昨天 10:23
加樂爹 發表於 26-5-20 10:05
我前說, 我仔是想做一個小說家.
或者在小學, 我只著重他兩文, 數學沒理, 科學我當是思考訓練, 語句應用, 所 ...
回來想起孩子和你仔一樣從小想做作家，喜歡閱讀和寫作。隨著他們長大對世界的認識和閱讀名家的著作，佢慢慢型成個人的寫作風格和文筆。家長多作鼓勵，少給意見以免影響他的天賦。
作者: akys 時間: 昨天 11:47
twhkleung 發表於 26-5-20 22:16
呢度幾位網友家長, 分享成功的美英升學經驗, 十分有用.
我仔當年的升學經驗, 可能就係一個好的反面教材, ...
比較市儈或者叫做精于計算，有一樣嘢從細就教導阿仔，而佢亦確實掌握到竅門，就是要爭取甚麼，就要先知道遊戲規則，從報課外活動，扣門入中學，報大學，到暑期工都有其規則，要知道如何提昇機會率就可以了。今年9月要開始揾intern，見佢已經有諗法有準備，成功與否已經不重要了。
作者: 加樂爹 時間: 昨天 12:35
本帖最後由 加樂爹 於 26-5-21 12:36 編輯
akys 發表於 26-5-21 11:47
比較市儈或者叫做精于計算，有一樣嘢從細就教導阿仔，而佢亦確實掌握到竅門，就是要爭取甚麼，就要先知道 ...
我非常同意.
// 比較市儈或者叫做精于計算，有一樣嘢從細就教導阿仔，而佢亦確實掌握到竅門，就是要爭取甚麼，就要先知道遊戲規則....//
1. 以前用"責任感"呢個詞語, D細路聽唔明, 就直接用等價交換. 事實上, 世界都係咁做.
2. 昨天你們很多好有用既建議, 我會留起來比佢自己睇:
- 自己知道位置所在, 所謂知進退, 未見過勁人, 就踏實地去努力.
- 大家都努力, 你要同樣更努力, 才可以爭取機會.
- 當然, 都鼓勵下佢, 雖則比你叻既人很多, 但人各有志, 不是每個人都同你爭同一個位. 只要有興趣, 努力就好了.
作者: 加樂爹 時間: 昨天 12:45
barque 發表於 26-5-21 10:23
回來想起孩子和你仔一樣從小想做作家，喜歡閱讀和寫作。隨著他們長大對世界的認識和閱讀名家的著作，佢慢 ...
呢個問題真係值得討論---插入管教, 導引, 規則, 或規劃.
每個人都有不同看法, 跟孩子性格, 做法都會不一樣.
例如, 父(母)子間關係距離, 對自律, 發展空間, 積極性....等概念.
同那個時段的成長期....
當然, 同一句話, 溝通方法都是問題.
| 歡迎光臨 教育王國 (/) |
Powered by Discuz! X1.5 |