教育王國

標題: 可唔可以接受自己老婆賭馬？ [打印本頁]

作者: holver2881 時間: 6 天前 標題: 可唔可以接受自己老婆賭馬？

本帖最後由 holver2881 於 26-5-7 09:33 編輯

希望大家將情緒放低，純粹理性討論，我老婆而家將近40歲，佢阿爸阿媽（即係我外父外母），同埋佢阿哥有好大嘅賭癮，
賽馬嘅時候，就會坐喺電視前面全日，喺度賭馬。

我同我老婆一齊咗差唔多20年啦，有一個小朋友讀緊小學
最近我地因為失業，冇辦法底下，要喺佢阿哥嗰間大屋住兩年，
咁佢阿哥都係例牌賭馬啦，
直到而家感染埋我老婆，令到佢都每逢賽馬嘅時候都喺電視前面賭馬…..
一開跑嘅時候，就會好大聲咁叫啲馬跑，中咗就好興奮，輸咗就怨天尤人.

喺賽事與賽事之間，佢就喺度撳電話，睇吓網上面嘅貼士.
一場夜晚嘅賽事，一搞就搞幾個鐘啦.

而同時間阿仔啲功課，默書，測驗，都係由我搞掂…

咁我聽佢講，佢依家都係賭好少，玩吓啫，都係唔使咁認真咁，
話上次輸咗百零蚊咁啦，

平心而論，我對賭博其實係存在一定嘅反感，因為我自己老竇就係因為賭馬，輸咗好大部份，
佢新辛苦儲返嚟嘅錢，同時間佢有酗酒嘅問題，令到我成個童年都好唔開心，而因為我主觀覺得呢樣嘢係壞事，所以我直覺就會覺得咁樣係會教壞我哋個仔。

而同時間我收到外父外母嘅訊息就係，佢哋可以通過賭馬而賺得到錢，小賭怡情啫，使咩咁緊張？

而我係一個唔係好想束縛其他人選擇權，尊重每一個人選擇嘅人，

所以大家明白嗎，我依家處於一個好矛盾嘅心理，我都唔知點好，希望大家真係冇情緒地分析呢件事，小弟先謝謝！

作者: 加樂爹 時間: 6 天前

本帖最後由加樂爹於 26-5-7 10:36 編輯

回覆 holver2881 的帖子

我太太幾十歲人去追星, 搞fans club, 屋企野唔理, 阿仔功課我全管, 但淨係會投訢.
坦白講句, 後生時好多野都看得鬆, 唔介意.

人大左, 會在意對方點解無好好管束自己, 做番跟自己身份合宜既事.
簡單黎講, 咁大個人, 都要識諗下野啦.

我建議是, 不要讓自己繼續去探討對方有幾錯, 自已有幾對.
只要錢不是多, 佢當是一種娛樂, 能夠在之後抽身.
可以讓她生活中, 一家人參與多些 (賽馬外) 的活動便好了.

作者: barque 時間: 6 天前

有少少 “釣魚文”的感覺，希望之後唔好又PM你

歡迎光臨教育王國 (/)