教育王國

標題: 入名校墊底定喺普通學校考級頭好？ [打印本頁]

作者: ciciwon 時間: 26-5-4 18:14 標題: 入名校墊底定喺普通學校考級頭好？

最近開始報小學，突然之間喺度諗入名校墊底定喺普通學校考級頭好？
讀名校老師教得深、同學質素高、資源多。就算係最後幾名，學術能力都可能好過普通學校頭幾名，但係入面競爭激烈，會打擊小朋友自信心，日日跟功課跟到喊，家長又要瘋狂俾錢補習。

而讀普通學校，小朋友學業成績較好，會更有自信，但驚環境太舒服，令小朋友變咗「井底之蛙」，驚升到中學先發現自己落後於人。

大家有咩睇法？

作者: RainyRice 時間: 26-5-4 18:22

ciciwon 發表於 26-5-4 18:14
最近開始報小學，突然之間喺度諗入名校墊底定喺普通學校考級頭好？
讀名校老師教得深、同學質素高、資源多 ...

本帖最後由 RainyRice 於 26-5-4 18:26 編輯

小學而言，在「普通學校」考級頭嘅人，去到名校都唔會墊底。名校墊底嘅人，去到「普通學校」都唔會突然變成級頭或者成績突飛猛進。當然，如果呢間名校，教法唔適合小朋友，墊底都唔出奇。反而一間一啲都唔普通嘅「普通學校」，如果老師教得好，能夠啟發小朋友，就可能又喺名校包尾變咗嚟到呢間好學校，排頭。
不過排名前後亦都唔等於會打擊小朋友自信。打擊小朋友自信嘅係身邊老師家長的睇法及點同佢溝通。在SPCC都唔一定要競爭激烈。

讀書，尤其係小學，成績其實唔係最重要。學習態度能力，更加重要。

所以小學最緊要揀一間適合家庭理念嘅學校，而唔係喺學校出唔出名或者升中數據。就算龍同非龍都各有擁躉。

作者: BB-Tiger 時間: 3 天前

本帖最後由 BB-Tiger 於 26-5-11 10:18 編輯

RainyRice 發表於 26-5-4 18:22
本帖最後由 RainyRice 於 26-5-4 18:26 編輯

小學而言，在「普通學校」考級頭嘅人，去到名校都唔會墊底 ...

完全同意。其實除非小朋友遇強越強，否則係名校排尾個10%係好打擊信心嘅。係普通學校排係上游確實會增強信心，亦唔會級頭入名校會包尾。
還有在一些名校容易發生名聯小的學生抱團的現象，有好有壞，有時被某位不那麼成熟或者操行較差的學生用作欺負外來的學生。

歡迎光臨教育王國 (/)