教育王國

標題: 北區家長小一選校困惑 [打印本頁]

作者: 行者無疆 時間: 前天 14:46 標題: 北區家長小一選校困惑

各位媽咪下午好。我係新手媽媽，小女20年細B。來緊26年9月入讀小一，我十分困惑唔知要從何準備。特來請教大家。
我地係81校網粉嶺。

我女資質普通，成績中上，性格較活潑好動，唔怕醜。但我地自行得15分，心儀學校係80校網馬小。呢個分數自行絕對陪跑，叩門都無咩亮眼成績同人爭。心淡。又唔甘心去二線小學。更擔心大抽獎時無運行，抽中寶校。於是心大心細出去考直資。因為對於小朋友未來讀書規劃，除非佢自己考到否則出國唔係首選，所以從未了解過直資或者私立。呢幾日睇左地咨詢，發現通勤係最大問題。離我的近嘅沙田幾間直資學校，熱門，我地幾乎0希望。再遠，實在唔忍心小朋友每日咁辛苦奔波。

所以，請教大家，我地究竟要主動嘗試直資學校（唔知申請邊間有把握，實在擔心0 offer，接受唔到咁大打擊）定著重部署區內自行及大抽獎？請有經驗嘅爸爸媽媽傳授下經驗，非常感恩。

作者: fmf903 時間: 昨天 09:05

坦白說，考直資嘅家長已經喺未入入讀幼稚園之前已經籌備，由陪讀認知學習，先過到第一輪面試學術過關先有機會入第二輪。K2先準備實在太遲。
考直資嘅人一開始已經唔會讀津校，唔係諗住抽唔到先去讀直資，如果諗住咁諗，係冇得爭。
如果冇諗住搬屋嘅話，就繼續先試自行，唔得就大抽獎，最後就叩門，都係呢一條路。叩門都要有相當嘅實力，所以你都要好好裝備自己小朋友，最重要都係學術，

作者: 行者無疆 時間: 昨天 11:08

回覆 fmf903 的帖子

多謝你滴冷靜分析，好有道理。👍

作者: 阿厘爸爸 時間: 昨天 13:21

坊間有面試班，建議俾小朋友參加呢啲升小面試班。

然後密切留意你所居住嘅區域有沒有「直資」及「私立」小學，如果有，就要每日留意小學學校網頁，有沒有「小一簡介會」，參加學校的小一簡介會了解學校是否適合自己小朋友，如果看得適合，就再留意學費，如果都可以應付到，就按學校要求及時間遞交入學申請。

千萬不要看輕自己仔女的能力，在緊餘的時間盡量作準備，小朋友的潛在能力偶爾會讓父母有驚喜

歡迎光臨教育王國 (/)