教育王國

標題: 虛心請教：VSA vs DBSPD [打印本頁]

---

作者: Ldku    時間: 25-4-27 04:41     標題: 虛心請教：VSA vs DBSPD



想聽聽大家會如何選擇/有哪些考慮點。謝謝

---

作者: RainyRice    時間: 25-4-27 08:05

Ldku 發表於 25-4-27 04:41
想聽聽大家會如何選擇/有哪些考慮點。謝謝

我覺得最大考慮因素是學制以及公開試制度，VSA是100% IB。其他可以考慮的是宗教、地點、校舍、男女/男校、學費、廣東話或普通話作為中文的教學和日常語言、學校對音樂體育學界獎的重視程度、DB光環（及學校文化）、學校風氣。
中文：VSA的中文程度算最不錯而且可以學繁體中文，但對比本地學校仍會有一定距離。
公開試成績：教學成績兩間到考公開試的時候高分那批應該都差不多。
教學課程學制：IB教小學框架比較難以觸摸，未必間間學校都推行得好，VSA是推行PYP MYP口碑不錯、和家長的溝通似乎都唔錯的學校。這方面你可以再了解。

以前為了廣東話以及中文，名校光環，我會覺得先讀本地學校，例如DBS到小學畢業或高小才轉國際課程學校；但近年各種原因令到100%國際課程學校更難插班入；加上本地學校要承受的壓力越來越大；所以如果家長和學生偏向喜歡國際課程及公開試，而選擇是一間小學課程及中文程度唔錯的私立國際學校或國際學校，我偏向選擇直接入PIS,IS多於先讀幾年本地。

---

作者: Ldku    時間: 25-4-27 12:26

回覆 RainyRice 的帖子

非常感謝你詳細的回覆和建議，特別是最尾那段，正正也是我主要糾結的原因。
小朋友有幸有兩家學校的offer，而兩家都是很好的學校。
家中的孩子算是願意主動學習、專注力高、語言能力還不俗，應付VSA理應沒太大問題，但不清楚DBS的課程會否非常深，會否功課量非常繁重，例如平均每日多少樣功課。
長遠我們是喜歡IB的國際考試，感覺一些軟技能比較是將來世界需要用到的素質。
但同時間聽說DBS算是本地學校中，不太注重抄寫，而著重訓練思考邏輯的一所學校，想了解一下會不會有相關經驗的家長可以分享。

直接入讀VSA是很正常的選擇，特別如果希望最終考IBDP，但也在想會不會可以先在DBS建立強大的基礎，往後再轉PIS/IS？因為同時間亦怕VSA小學時學IB有點空泛？同時間，有擔心小朋友到小學階段，自己的意見會愈來愈強，相比幼稚園時沒那麼聽家長的話，在沒什麼功課下，會否變得心散；而DBS因為整個制度有測驗考試，同學間學習氣氛應該更濃厚，所以小朋友都沒辦法太鬆懈？
另外語文溝通方面，掌握不到DBS小朋友之間溝通的語言是廣東話還是英語為主？會否英文都比較港式？還是視乎個別學生？

再次感謝你認真的回覆，因為我們真的同時間都有喜歡這兩家學校的某些元素，而且覺得是一個很大很重要的決定。

---

作者: 「路路」    時間: 25-4-27 13:54

[ 本帖最後由 「路路」 於 25-4-27 14:34 編輯 ]

回覆 Ldku 的帖子

男拔一樣有IBDP讀，不過就行精英制，教過啲仔英文能力唔差過IS，其他方面可能受益於校內競爭大+名校光環，接觸過嘅話你會覺得佢哋比同齡嘅學生（不論LS定IS）更sharp醒，當然唔係個個都頂得住，我有幾個學生就係中途轉走，因為佢哋父母見個仔越讀越唔開心，自信心被消磨殆盡， 所以就幫佢哋轉PIS/IS，基本上出自呢間學校嘅學生要轉校都唔困難。如果aim high 將來以45分為目標的話，不妨先入少林寺磨練一下，只係要預過木人巷辛苦就一定架啦，同要有心理準備留意小朋友需要（假設受唔住壓力要行back up），但好處基礎亦會比VSA打得更扎實，尤其將來揀科雙語揀中文lang A的話，對唔少香港IB學生黎講就係爭呢1、2分拎唔足45分。
簡單選擇，如果屋企近邊間直接揀間近嘅最好，無經濟壓力又無所謂將來點行，純粹但求小朋友開開心心、愉快成長，直接VSA唔駛煩。

---

作者: 964000    時間: 25-4-28 18:00

Ldku 發表於 25-4-27 04:41
想聽聽大家會如何選擇/有哪些考慮點。謝謝

如果間間差唔多
我會首選地點
如果地點不是問題
我會揀VSA
一條直路唔好咩
不過大前提你小朋友想考IB

---

作者: RainyRice    時間: 25-4-28 19:01

Ldku 發表於 25-4-27 12:26
回覆 RainyRice 的帖子

非常感謝你詳細的回覆和建議，特別是最尾那段，正正也是我主要糾結的原因。

本地學校是否比較穩打穩扎、基礎更加強大，我不能定論，但相信本地傳統學校出來的孩子更能理解勤力坐定定溫習讀書的重要性，測驗考試溫習讀書的氣氛一定更濃。
我不認為IS PIS的精髓只在最後那個IBDP。同事仔讀本地傳統單向教學學校(有做project presentation)，轉國際學校PYP MYP後，仔用了好幾年時間去適應，同事觀察到孩子比較習慣黑白分明的框架和答案，需要比較多時間去適應開放式鼓勵思考沒有答案的模式。他觀察到國際模式讀上去的小朋友思考上比起他的小朋友更加快。當然一個人兩間學校的經驗不能一概而論，但可以作為參考。

另外兩個考慮點：
- 如果揀咗VSA，將來應該好難轉去本地學校；如果入DBS，將來轉PIS IS的選擇會比較多。入唔到VSA，將來還有CIS CDNIS HKIS Kellet …..
- 學校是100%國際公開試還是有部份可以考DSE，如果大部份學生都要考香港公開試，教學方式上無論幾活動幾鼓勵思考，無可避免從小開始要幫助學生學習在香港模式考試中和評分標準下如何攞分。

兩間都好，但有猶豫的話便選DBS吧。

---

作者: poonseelai    時間: 25-4-28 20:44

RainyRice 發表於 25-4-28 19:01
本地學校是否比較穩打穩扎、基礎更加強大，我不能定論，但相信本地傳統學校出來的孩子更能理解勤力坐定定 ...

我孩子有同學vsa 小學後轉去Marymount, St Joe, 家長話中文差少少,但唔難追返

個人覺得小學階段對培養skills係最重要

---

作者: Adiezz    時間: 25-4-29 16:08

我嗰屆考到DBSPD都會先入讀，打好基礎，將來再考慮插班IS 或 IB課程

---

作者: sainsbury    時間: 25-5-7 12:18

1。學制：DBS行校本直接受教育局規管，例如教術科老師被要求在其課堂內加入國安法元素。VSA through-train IB小學開始PYP一路上。

2。學習模式：DBS雖然較少抄寫較多活動project等，但始終係測考，knowledge-based性質沒有變。Again VSA through-train IB inquiry-based learning。

3。英文水平：VSA個語境係國際學校語境講英文，DBS係講廣東話，但DBS讀寫能力不會差，不過不是國際學校那種會話模式。

結論：DBS係間頂尖嘅LS，有光環有包裝但個餡即性質上就係LS，如果最終想行IS讀IB，VSA已經係最折衷嘅好選擇。自小adapt嗰個inquiry-based嘅學習同思考模式更緊要，個人認為你個case應該選VSA。

---

作者: KafkaOnTheShore    時間: 25-5-8 15:28

好奇究埋樓上有幾多人真係理解 dbs 係一間點樣既學校...

---

作者: sainsbury    時間: 25-5-8 16:01

KafkaOnTheShore 發表於 25-5-8 15:28
好奇究埋樓上有幾多人真係理解 dbs 係一間點樣既學校...

利申: old boy

---

作者: RainyRice    時間: 25-5-8 16:04

sainsbury 發表於 25-5-8 16:01
利申: old boy

---

作者: 964000    時間: 25-5-9 09:58

sainsbury 發表於 25-5-8 16:01
利申: old boy

哈哈，所以你講的最有說服力

---

作者: farn0801    時間: 25-5-9 10:03

Ldku 發表於 25-4-27 12:26
回覆 RainyRice 的帖子

非常感謝你詳細的回覆和建議，特別是最尾那段，正正也是我主要糾結的原因。

回答返樓主的疑問，DB功課量不多，小朋友喺學校有時間做，返到屋企一般已經做晒或者剩餘的半小時內完成。

不著重抄寫，功課重質不重量。

小朋友一般英文聽說讀寫都好好。前校長係一個訪問中講過，佢有信心你求其喺學校執一個小朋友出嚟叫佢即時做英文Public Speaking，佢都會講得好。DB 仔嘅英文能力，尤其係 blue blood 由 DBSPD 上，係唔需要懷疑的。

另外，喺學校每一項運動，或者樂團，choir嘅training都係頂尖。如果小朋友有一技之長，DB 係一個好好嘅地方俾佢發揮,令佢push得更高。

IB stream的確係競爭激烈，叻嘅仔先入到。有啲小朋友去到grade 6左右都大概知道自己未必入到IB, 或者計劃去外國讀書，就會轉國際學校，見佢哋轉嘅學校都不比VSA差，有啲更加係轉返頂尖Level，HKIS, GSIS, etc.

我當年係DB vs CKY, 考慮點就係CKY 轉返出來難，DB轉 CKY 或其他IB 學校應該不難。另外，放棄CKY offer 我覺得有點可惜，但係放棄 DBSPD offer 我覺得可惜到接受唔到

純分享，各人有各人 preference。恭喜你有幸福的煩惱

---

作者: 「路路」    時間: 25-5-9 10:26

KafkaOnTheShore 發表於 25-5-8 15:28
好奇究埋樓上有幾多人真係理解 dbs 係一間點樣既學校...

我都好奇留言嘅有幾多人真係理解樓主小朋友係咩性格特質…

---

作者: sainsbury    時間: 25-5-9 10:59

「路路」 發表於 25-5-9 10:26
我都好奇留言嘅有幾多人真係理解樓主小朋友係咩性格特質…

FYI 樓主第3個留言講過，佢講幾多大家知幾多，樓主上嚟問到大家多口俾下意見。大家唔識個小朋友當然唔會真係理解樓主小朋友係咩性格特質。It's just an online forum. 家中的孩子算是願意主動學習、專注力高、語言能力還不俗，應付VSA理應沒太大問題，但不清楚DBS的課程會否非常深，會否功課量非常繁重，例如平均每日多少樣功課。 長遠我們是喜歡IB的國際考試，感覺一些軟技能比較是將來世界需要用到的素質。 同時間聽說DBS算是本地學校中，不太注重抄寫，而著重訓練思考邏輯的一所學校，想了解一下會不會有相關經驗的家長可以分享。 直接入讀VSA是很正常的選擇，特別如果希望最終考IBDP，但也在想會不會可以先在DBS建立強大的基礎，往後再轉PIS/IS？因為同時間亦怕VSA小學時學IB有點空泛？同時間，有擔心小朋友到小學階段，自己的意見會愈來愈強，相比幼稚園時沒那麼聽家長的話，在沒什麼功課下，會否變得心散；而DBS因為整個制度有測驗考試，同學間學習氣氛應該更濃厚，所以小朋友都沒辦法太鬆懈？ 另外語文溝通方面，掌握不到DBS小朋友之間溝通的語言是廣東話還是英語為主？會否英文都比較港式？還是視乎個別學生？ 再次感謝你認真的回覆，因為我們真的同時間都有喜歡這兩家學校的某些元素，而且覺得是一個很大很重要的決定。//

---

作者: sainsbury    時間: 25-5-9 11:05

farn0801 發表於 25-5-9 10:03
回答返樓主的疑問，DB功課量不多，小朋友喺學校有時間做，返到屋企一般已經做晒或者剩餘的半小時內完成。
...

轉HKIS嗰個講緊李嘉欣個仔？

---

作者: 「路路」    時間: 25-5-9 16:28

sainsbury 發表於 25-5-9 10:59

哈哈，無諗過你答得咁認真。我純粹睇完果句：好奇究埋樓上有幾多人真係理解 dbs 係一間點樣既學校...，想了解下樓上係咪有咩深層次想表達，所以先咁留言者。


係丫，就係online forum，十個人自然會有十種不同見解，而且學校又唔係一個倒模嘅模具，唔會我覺得學校係「Y」，之後小朋友讀完出黎就係「Y」。我自己越接觸得多，越發現上左「神檯」嘅學校，越多隱形學生，尤其越高班越嚴重，老師教書慣左飛住教，我唔敢話無心教，可能真係唔夠時間，咁唯有預左你識晒或者自己諗辦法搞掂佢，反正讀唔掂真係要退出，一樣馬上有大把人爭住補上。

---

作者: RainyRice    時間: 25-5-9 16:48

「路路」 發表於 25-5-9 16:28
哈哈，無諗過你答得咁認真。我純粹睇完果句：好奇究埋樓上有幾多人真係理解 dbs 係一間點樣既學校...，想了 ...

講真校友都係幾十年前讀，學校而家都唔同咗，除非有位家長兩位小朋友分別正在讀這兩間學校，否則全部都是會有自己的主見包含在裏面。當然學校詳細情況要在讀家長分享。
但其實樓主只係問考慮點/因素，相信所有有仔細研究過本地vs IS vs PIS學校、曾經有這兩間學校Offer(s)的家長其實都會有些insight可以分享.

---

作者: ticoneva    時間: 25-5-10 15:16



DBS舊生 + 現時初小家長

DBSPD每天都有功課，不過比其他名校少，小朋友快的話一小時內可以完成。默書每科最多隔週一次，且中英文不會同一週進行。語境看小朋友自己，在學校只用英語的學生大有人在。以我家為例，我和兒子交談自小都是用英語，媽媽就用廣東話。我另一個舊同學就是爸爸用普通話，媽媽用英語。

我個人覺得是否適合入讀DBS，最緊要是看家長和小朋友對發展一技之長有多執著。DBS是一家超級看重「特異功能」的學校，無論這能力是學業還是課外活動。家長是否覺得自己的小朋友有能力在某一方面達至全港同齡最高水平？是否有心理準備在時間和財力上支持小朋友發展一技之長？

---

歡迎光臨 教育王國 (/)

Powered by Discuz! X1.5