教育王國
標題: 小五，不小心成為了老師的眼中釘（長文，慎入） [打印本頁]
作者: mandi_lui 時間: 25-3-28 16:22 標題: 小五，不小心成為了老師的眼中釘（長文，慎入）
這件事雖然已經過去，但一直令我猶有餘悸。
小朋友屬於活潑開朗型，讀書一直成績優異，保持在級前三名。好景不常，小五的時候口多多得罪了新來的數學老師，隨後便處處被針對。針對的事情非常瑣碎，但就日日都有。例如明明做對的功課被打大交叉；舉手答問題，容易的永遠不給你答；就算答對了題，經常多謝另一位同學；遇到困難問老師時，老師會當衆反問 “你咁都唔明，下課來找我？”，結果下課便一支箭跑走；測驗的時候，正正站在小朋友旁邊說話造成騷擾... 等等。我承認這些事情都很瑣碎，所以剛開始時我也掉以輕心，可是小朋友的自信心一日一日下降。
數學測驗考試由本來一向 9X 降至 8X，再降至 7X，呈分試逼近，小朋友變得越來越緊張。我們向班主任反映，沒想到他竟然直接把我們的問題轉告數學老師，而數學老師的霸氣回覆是：小朋友的數學底子好差，連level one的題型都理解唔到，建議家長在家幫他預習，不要阻礙全班同學的進度。
聽到這個回覆我很震驚，但亦馬上檢討。先先買了好幾本補充練習給他做，完全冇問題；然後再聘請了有經驗的補習老師給他評估，第一堂課完結後，老師反問究竟問題在哪裏？不建議補習，可是成績依舊沒有好轉。然後...然後我們發現，小朋友情緒出現了問題，會匿埋不斷做數，一日十幾頁紙，一邊計一邊狂抓頭，抓至出血甩頭髮。我們發現的時候，頭頂至後尾枕已經是一禿一禿一塊一塊了，非筆墨能形容的心痛。
那年我們飽受了精神折磨，幸運地小朋友最後成功轉校至龍校升讀小六，避過了這劫。還記得收到插班試邀請那天，小朋友興奮得流眼淚，誓言一考到馬上離開，我到現在還記得嗰種心痛。
最後，請大家不要忽視欺凌問題，日復日的小事如星星之火，如涓涓滴水，對小朋友的成長可以造成極大傷害。
作者: mandi_lui 時間: 25-3-28 16:28
補充少少。
去到新學校，小朋友沒需要補習，亦同時停曬所有數學補充練習，在第三次呈分試考獲滿分。原來，他的數學底子一直沒有問題。
作者: TAIOU4 時間: 25-3-28 16:42
本帖最後由 TAIOU4 於 25-3-28 16:48 編輯
mandi_lui 發表於 25-3-28 16:22 
這件事雖然已經過去，但一直令我猶有餘悸。
小朋友屬於活潑開朗型，讀書一直成績優異，保持在級前三名。好 ...
如果尼位老師冇細路讀緊同一間小學
我諗你應該唔係唯一一個
首先多謝班主任冇牙力先
依家已經完全得罰晒佢
如果佢小氣就實玩o野 (唔洗如果)
其實我細個都試過
真係好相似
不過我唔止一次
依家諗返
可能會Win返一兩個數學比賽
求其拎個乜獎都好
跟住走去多謝佢話係佢令阿仔得到尼個獎
仲要賣笑咁對佢笑多D
可能玩得尼位臀部靈魂掂
作者: GOODWIN 時間: 25-3-28 16:45
反而我想知道到底小朋友做左乜野，講左乜野個數學老師要咁對佢？
作者: mandi_lui 時間: 25-3-28 17:05
GOODWIN 發表於 25-3-28 16:45
反而我想知道到底小朋友做左乜野，講左乜野個數學老師要咁對。佢？
新來的老師英文水平比較一般，剛開始很多同學都聽唔明講課。有日上堂，老師問：究竟係我英文唔好，定係你哋英文差，咁都聽唔明？
成班同學笑而不答，得阿仔衰多嘴答左：咁梗係你英文唔好啦！然後成班一陣狂笑。
下課後他當趣事跟我分享，我已經教返佢唔可以咁講嘢，但已經補救唔到。
作者: mcl233 時間: 25-3-28 17:22
mandi_lui 發表於 25-3-28 17:05
新來的老師英文水平比較一般，剛開始很多同學都聽唔明講課。有日上堂，老師問：究竟係我英文唔好，定係你 ...
英小？冇龍？ TSL? 範圍縮窄好多了～ 
作者: mandi_lui 時間: 25-3-28 17:22
TAIOU4 發表於 25-3-28 16:42
首先多謝班主任冇牙力先
依家已經完全得罰晒佢
如果佢小氣就實玩o野 (唔洗如果)
我唔知這種算不算欺凌，事實上亦冇證冇據，小朋友遇到這類問題，真係叫天不應，叫地不聞，只有父母可依靠。
作者: mandi_lui 時間: 25-3-28 17:31
mcl233 發表於 25-3-28 17:22
英小？冇龍？ TSL? 範圍縮窄好多了～
撇除這件事，我知道多年來多位老師也盡心盡力教導學生。我不希望因為我小朋友的事影響其他老師和同學。
作者: TAIOU4 時間: 25-3-28 17:34
本帖最後由 TAIOU4 於 25-3-28 17:34 編輯
mandi_lui 發表於 25-3-28 17:22
當時我和爸爸見到情況越來越嚴重，到了下學期才向班主任反映的，但班主任的做法實在令人無奈。
我唔知這種 ...
你真係好好彩走得甩
響儒家思想o既免費教育界眼中
除非你拎到好多獎
否則學生同家長都冇乜價值
整佢唔死整佢唔走
又收買唔到佢
除o左自己走就真係冇計
作者: mcl233 時間: 25-3-28 17:36
mandi_lui 發表於 25-3-28 17:31
請恕我不能透露哪間小學。
撇除這件事，我知道多年來多位老師也盡心盡力教導學生。我不希望因為我小朋友的 ...
都唔使咁認真去開名既，男仔，數學老師英文唔好，非高小先全英數，冇龍，全港仲有幾多間～～～ 
作者: 73662710 時間: 25-3-28 17:54
mandi_lui 發表於 25-3-28 16:22
這件事雖然已經過去，但一直令我猶有餘悸。
小朋友屬於活潑開朗型，讀書一直成績優異，保持在級前三名。好 ...
作者: twobirds 時間: 25-3-28 18:07
mandi_lui 發表於 25-3-28 16:22
這件事雖然已經過去，但一直令我猶有餘悸。
小朋友屬於活潑開朗型，讀書一直成績優異，保持在級前三名。好 ...
小朋友一定係心思細密，好彩你成功轉校。
有一年，自己兒子一直受到班主任欺凌，瑣碎嘅事情不停罰，罰，罰，學習報告卡也是寫得很刻薄，我根本轉唔到學校，走又走唔到，只能硬受！
直至，第二年轉左班主任，一天光晒！
好在，我仔天性樂觀，也可能當時，是混沌未開竅，不將這些事放心上。
那一年，家長難受到不得了⋯⋯
作者: TAIOU4 時間: 25-3-28 18:17
本帖最後由 TAIOU4 於 25-3-28 18:44 編輯
twobirds 發表於 25-3-28 18:07
小朋友一定係心思細密，好彩你成功轉校。
有一年，自己兒子一直受到班主任欺凌，瑣碎嘅事情不停罰，罰，罰 ...
要細路面對人性
一世流流長
仲會遇到幾個渣渣
要幫佢去適應
作者: Rpp 時間: 25-3-28 18:24
我囡小學唔記得小幾也受過班主任的欺凌，要當住每個小朋友面鞠躬道歉，要玩謝曬咁，父母好心痛，畢業時佢走來問我同囡有邊幾間學校offer，我女笑而不語沒答理佢，覺得我囡情商高過我呢個媽媽。
作者: mandi_lui 時間: 25-3-28 18:32
73662710 發表於 25-3-28 17:54
Poor boy.....
衰多口係要付出代價的。
作者: twobirds 時間: 25-3-28 18:36
TAIOU4 發表於 25-3-28 18:17
要細路面對人性一世流流長
仲會遇到幾個渣渣
要幫佢去適應
作者: Rpp 時間: 25-3-28 18:42
mandi_lui 發表於 25-3-28 18:32
係，佢上咗好慘痛的一課
衰多口係要付出代價的。
都係衰多口，會唔會同一間小學？
作者: mandi_lui 時間: 25-3-28 18:50
twobirds 發表於 25-3-28 18:07
小朋友一定係心思細密，好彩你成功轉校。
有一年，自己兒子一直受到班主任欺凌，瑣碎嘅事情不停罰，罰，罰 ...
我哋當時唔走唔得，因為五、六年班係唔會轉老師教。當時問咗很多意見，冇人答到我小六轉校後少咗一次呈分會有什麼影響，只係知道升中學時有機會成為 band 0 學童。幸運是近幾年有移民潮，如果唔係根本唔會有龍校收小六生。
作者: mandi_lui 時間: 25-3-28 19:23
本帖最後由 mandi_lui 於 25-3-29 18:24 編輯
TAIOU4 發表於 25-3-28 17:34
整佢唔死整佢唔走
又收買唔到佢
除o左自己走就真係冇計
你這三句話好到位，
亦係香港教育制度的悲哀。
作者: TAIOU4 時間: 25-3-28 19:28
本帖最後由 TAIOU4 於 25-3-28 19:28 編輯
mandi_lui 發表於 25-3-28 19:23
你這三句話好到位，
亦係香港教育制度的悲哀。
出面見到惡人都係咁做
做佢唔低就要識閃
作者: rubyick 時間: 25-3-28 19:34
本帖最後由 rubyick 於 25-3-28 19:34 編輯
回覆 mandi_lui 的帖子
好彩 你仔可以及時轉校，校園欺凌如果是來自老師，仲難處理。感覺有一些老師心態都係打份工，最緊要唔好阻住佢收工
請問什麼是band 0學童，小六才轉校為什麼會少了一次呈分呢？
作者: mandi_lui 時間: 25-3-28 20:53
本帖最後由 mandi_lui 於 25-3-28 21:00 編輯
rubyick 發表於 25-3-28 19:34
回覆 mandi_lui 的帖子
好彩 你仔可以及時轉校，校園欺凌如果是來自老師，仲難處理。感覺有一些老師心態都 ...
連教育局和學校職員都答唔到我，呈一的分數可唔可以跟學生轉校一起轉走。如果沒有了第一次呈分的成績，新學校有可能唔能夠替學生呈分，那學生便成了 band0。一旦學生要參加升中統一派位，band 0學生的優先等值最低，即是將會待 band 1、2、3 完成派位，才會處理band 0 學生。就算學生要報考直資學校或參加自行分配學位，rank order 也必然是最低值。
這是我的理解，希望有高人指點一下。
作者: 馬烏 時間: 25-3-29 07:22
本帖最後由 馬烏 於 25-3-29 07:27 編輯
對樓主深表理解，但此類問題在所難免。
可能不少小孩在學校都會遇到相似情況，只是程度不同。
成長過程，什麼人都有可能遇到，社交始終是重要一課。
我仔有段時間數學老師對他非常刻薄，導致他不願意聽數學老師的課，還好小學數學簡單，升班也換了老師。
但也有非常好的老師，我仔小六了，學校評選最佳老師，他每年都是選小一時的班主任。可見這位老師在他心中的分量。另有一位老師，會在班上所有小朋友的生日，都送上一張賀卡，並手寫上祝福語，這不是每個老師都能做到，有些老師能讓學生感恩記住一輩子，不是憑空得來的。
作者: ANChan59 時間: 25-3-29 09:12
twobirds 發表於 25-3-28 18:07
小朋友一定係心思細密，好彩你成功轉校。
有一年，自己兒子一直受到班主任欺凌，瑣碎嘅事情不停罰，罰，罰 ...
有冇考慮過搵校長開心見誠咁傾？
作者: UTB 時間: 25-3-29 10:51
本帖最後由 UTB 於 25-3-29 11:12 編輯
睇完你個case，轉校係明智之舉。其實老師欺凌學生的情況一直存在，只不過畢業後事過境遷，好快就忘記這些不快的經歷，又或者覺得係小事一樁。不過回想當日，被針對的過程有如精神虐待。香港有些學校好黑暗，佢哋有部分老師係心理變態，所以點解揀學校咁重要。
作者: UTB 時間: 25-3-29 10:54
ANChan59 發表於 25-3-29 09:12
有冇考慮過搵校長開心見誠咁傾？
作者: cafeva 時間: 25-3-29 11:00
幾拾年前一樣比老師針對. 不過果時已經中四/六 身心健全對我無咩影響.
小學生真係大影響
作者: twobirds 時間: 25-3-29 11:22
ANChan59 發表於 25-3-29 09:12
有冇考慮過搵校長開心見誠咁傾？
本帖最後由 twobirds 於 25-3-29 12:24 編輯
有，一言難盡，總之，有時找校長並不能解決問題，尤其遇上充滿語言偽術的校長。
不過，兩年後，嗰個老師冇再做班主任了，唔知係咪俾家長投訴得多，校長不勝其煩，冇再俾佢做班主任了。
作者: Rpp 時間: 25-3-29 12:04
同屆同學讀區男女B1A，英文唔好抽獎入讀，成績不好跟唔上進度，班上只要同某個人傾偈都係罪，因為是某個條仔，同學分幫結派杯葛霸凌，長年缺席所以留班，因為情緒有問題要多次出入醫院，呢啲問題發生在校園多到平常，家長要多留意自己仔女情況。
作者: Rpp 時間: 25-3-29 12:10
有靚女形象讀書又叻的收乒唔止一個，有同學問點解分手又復合，係咪經濟有問題？女生答係。個傻仔樣貌普通讀書一般，基本上無存在感嘅。
作者: mandi_lui 時間: 25-3-29 12:26
馬烏 發表於 25-3-29 07:22
但也有非常好的老師，我仔小六了，學校評選最佳老師，他每年都是選小一時的班主任。可見這位老師在他心中的分量。另有一位老師，會在班上所有小朋友的生日，都送上一張賀卡，並手寫上祝福語，這不是每個老師都能做到，有些老師能讓學生感恩記住一輩子，不是憑空得來的。
能遇到讓學生感恩記念的老師真是人生大幸，老師真係可以用生命影響生命的工作，所以好老師係好值得表揚的。你仔仔沒有因為一位老師的行為影響他對學校的觀感真係好彩，證明恩典還是比厭惡大。
我成日同大女兒講她是幸運兒，小學階段遇到幾位好老師，一直用心教導，用愛帶領。雖然已經離開咗好多年，但仍然可以好proud咁話畀人聽她來自那間小學。
作者: mcl233 時間: 25-3-29 12:28
mandi_lui 發表於 25-3-28 20:53
連教育局和學校職員都答唔到我，呈一的分數可唔可以跟學生轉校一起轉走。如果沒有了第一次呈分的成績，新 ...
直屬小學收得你，佢地玩法熟過你，直小生就係部署為中學部既子弟兵，收你一年叫你走，為乜呢？收得小六插班，只要係適合對辦，就自然有辦法令學生可以直升。只係，以往一直甚少收小六插班，早幾年例外～～～
作者: ANChan59 時間: 25-3-29 12:52
UTB 發表於 25-3-29 10:54
如果校長係開明能幹或可解決問題，否則事件鬧大咗會更麻煩。
我哋都有過類似經驗，最後完滿解決。
作者: ANChan59 時間: 25-3-29 12:53
twobirds 發表於 25-3-29 11:22
本帖最後由 twobirds 於 25-3-29 12:24 編輯
有，一言難盡，總之，有時找校長並不能解決問題，尤其遇上 ...
明白
作者: mandi_lui 時間: 25-3-29 12:54
UTB 發表於 25-3-29 10:51
睇完你個case，轉校係明智之舉。其實老師欺凌學生的情況一直存在，只不過畢業後事過境遷，好快就忘記這些不 ...
現在我覺得轉校係明智之舉，但當時真係有點唔甘心，畢竟努力咗好多年，對升中選校有一定期望，當日轉校係有少少敗走的感覺。其實有其他同學有相同遭遇，都選擇忍一忍，不過我知道情緒病如同花粉敏感，你唔離開致敏原，只會越嚟越嚴重，冇可能自己好返。
作者: mandi_lui 時間: 25-3-29 13:07
本帖最後由 mandi_lui 於 25-3-29 18:34 編輯
mcl233 發表於 25-3-29 12:28
直屬小學收得你，佢地玩法熟過你，直小生就係部署為中學部既子弟兵，收你一年叫你走，為乜呢？收得小六插 ...
我意思係因為三次呈分試分開咗兩年，所以小六轉校選擇好少，只可以揀有直屬小學嗰幾間，而事實上當時我哋的情況比較倉卒，所以只揀咗一間。
同你的諗法一樣，龍校收得點都唔會一年就踢走我，當時有心理準備，就算真係唔適合，大不了捱兩年。
作者: mandi_lui 時間: 25-3-29 13:22
Rpp 發表於 25-3-29 12:04
同屆同學讀區男女B1A，英文唔好抽獎入讀，成績不好跟唔上進度，班上只要同某個人傾偈都係罪，因為是某個條 ...
作者: mcl233 時間: 25-3-29 13:32
mandi_lui 發表於 25-3-29 13:07
我意思係因為三次呈分試分開咗兩年，所以小六轉校選擇好少，只可以揀有直屬小學嗰幾間，而是實上當時我哋 ...
本帖最後由 mcl233 於 25-3-29 13:34 編輯
因為除左前幾年，直小係絕少係小六收插班生，甚或小五已經如是，一係因為呈分角度，另一係要保障原小生直升中學部既問題，多收一個外來生，就會影響一個原校生。始終辦學團體係希望提供12年教育比自己學生，所謂親生仔，只係要外流亦阻不了～
話當年，某校校長亦提醒過， "真係有需要要返黎，我一定收返，只係最好係小五前，你明的" 。佢都係只講“最好"，而非一定，咁多年小五已經絕少，小六直情未見過～
作者: mandi_lui 時間: 25-3-29 13:42
Rpp 發表於 25-3-29 12:10
有靚女形象讀書又叻的收乒唔止一個，有同學問點解分手又復合，係咪經濟有問題？女生答係。個傻仔樣貌普通讀 ...
親身經歷，我細個讀書的時候也遇過這種女生，迷倒一衆外貌和能力都普通的男生，而且令佢哋越變越普通。
所以我唔太贊成中學讀男女校，特別係男仔。唔希望佢在未擁有能力和魄力之前，被眼前美色迷住。畢竟男孩子多數係視覺型人，同誘惑保持距離為佳。
作者: Rpp 時間: 25-3-29 13:55
mandi_lui 發表於 25-3-29 13:22
已經去到多次出入醫院，就唔係普通情緒問題，一定要離開，一定一定要離開。成日有人講打交杯葛欺凌問題間間 ...
成績太差無辦法轉校。
作者: Rpp 時間: 25-3-29 13:59
mandi_lui 發表於 25-3-29 13:42
親身經歷，我細個讀書的時候也遇過這種女生，迷倒一衆外貌和能力都普通的男生，而且令佢哋越變越普通。
所 ...
有啲女生個男同學屋企收緊錢根時即棄。
作者: twobirds 時間: 25-3-29 14:10
mandi_lui 發表於 25-3-28 18:32
係，佢上咗好慘痛的一課
衰多口係要付出代價的。
本帖最後由 twobirds 於 25-3-29 14:54 編輯
你仔衰多口，老師小氣。
我又諗起有個朋友嘅遭遇，也是老師小氣。
話說她學校有個問卷調查，班主任說是匿名的評核，讓學生反應意見。既然匿名，就放心去發表意見，她的女兒給了某個老師差評，說冇用心教兼教學質素差。
之後，該女仔俾老師捉咗去鬧，鏟上天花板！
她女兒心心不憤，感覺俾學校出賣，不是說匿名問卷嗎？怎麼老師會知道？返回同亞媽哭訴。
朋友也覺得學校及校長都不可信任，話匿名但老師又知？令學生面對壓力。點交涉都一定冇妥善方案，可能搞大件事仲麻煩，於是決定忍一忍，同嗰女搵學校轉，冇浪費時間。
這種情況，我都認同是學校冇保護好學生，如果最後冇轉校，好難想像佢嗰女之後會遇上咩難題。
作者: mandi_lui 時間: 25-3-29 14:25
twobirds 發表於 25-3-29 14:10
你仔衰多口，老師小氣。
我又諗起有個朋友嘅遭遇，也是老師小氣。
話說她學校有個問卷調查，班主任說是匿 ...
如果意見只可以係正面嘅，叫學生寫感恩卡咪得囉！
作者: valentinored 時間: 25-3-29 14:26
樓主小朋友轉左去旺角男校?
作者: mandi_lui 時間: 25-3-29 14:34
本帖最後由 mandi_lui 於 25-3-29 14:42 編輯
valentinored 發表於 25-3-29 14:26
樓主小朋友轉左去旺角男校?
不是這個級數的學校，這亦都係轉校其中一個痛點。
唔係新學校唔好，老師同學也很幫忙，讓小朋友適應得很好，現在已經中一了。但係升中選校本身就好似一場人生好重要的戰役，明明裝備好自己，未真正上場就已經退出了，我覺得有點遺憾。
作者: mandi_lui 時間: 25-3-29 14:46
回覆 twobirds 的帖子
不過將匿名意見公開這個做法好可恥，轉校是好事，唔走真係怕學壞。
作者: mandi_lui 時間: 25-3-29 14:46
回覆 twobirds 的帖子
不過將匿名意見公開這個做法好可恥，轉校是好事，唔走真係怕學壞。
作者: twobirds 時間: 25-3-29 15:00
mandi_lui 發表於 25-3-29 14:46
回覆 twobirds 的帖子
不過將匿名意見公開這個做法好可恥，轉校是好事，唔走真係怕學壞。 ...
我轉述唔夠準確，唔係公開意見。而係話係匿名，正常老師唔會睇到學生名。然而，事實上，係老師竟然會知道問卷係出來自邊個學生。所以，我朋友的看法係可以睇出學校管理及校長均不可信，這種情況一定要轉校。正如職場一樣。
作者: UTB 時間: 25-3-29 16:21
mandi_lui 發表於 25-3-29 12:26
能遇到讓學生感恩記念的老師真是人生大幸，老師真係可以用生命影響生命的工作，所以好老師係好值得表揚的 ...
作者: 馬烏 時間: 25-3-29 16:42
UTB 發表於 25-3-29 16:21
完全同意。好老師會令學生脫胎換骨，庸師會令學生對學習失去方向，劣師會令學生留下陰影，扭曲了人生。好多 ...
作者: UTB 時間: 25-3-29 19:12
本帖最後由 UTB 於 25-3-29 19:13 編輯
馬烏 發表於 25-3-29 16:42
劣師最可恨之處，是讓學生對其所教學科失去興趣，導致該科目成績一落千丈，這種例子非常多。
...
唔好嘅老師仲有一個特點：就係當遇到家長／學生批評嘅時候，立即反駁隊上身，一支機關槍亂掃，話學生成績差100%係學生嘅問題（佢自己就係完美，完全冇問題嘅） - 學生上堂唔專心，學習唔用功，心散又懶惰，又唔見其他學生有咁嘅問題……呢類老師我見得太多，見佢哋俾d咁嘅反應幾乎可以肯定佢哋係hea師。
作者: lot888 時間: 25-3-29 19:20
我發覺我原來很不幸，小時遇到这類型老師，出嚟做嘢遇到同一類老細，其實我亞媽都係咁，这個冇得轉。sorry，玩吓啫。
作者: hiuching8 時間: 25-3-30 14:36
twobirds 發表於 25-3-29 14:10
本帖最後由 twobirds 於 25-3-29 14:54 編輯
你仔衰多口，老師小氣。
真係好睇學校，有啲學校嘅教學評估問卷係記名的，啲小朋友純真，照樣負評，老師知道咗之後係驚咗個學生，希望佢唔好投訴
作者: LM88 時間: 25-3-30 16:54
本帖最後由 LM88 於 25-4-1 15:35 編輯
我仲以為得我個小朋友曾經有過類似嘅遭遇。我小朋友係多口族來的。試過被老師多次有好多野都唯獨漏咗佢果份，其實一兩次就話咁橋，但咁多次真係好明顯。仲有話小朋友無交好多野，但好彩我地自己有曬留底，之後老師又可以搵返。仲有好多好奇怪嘅事……. 。小朋友感受到壓力，佢嘅成績仲一路跌……小朋友好想轉校，陪佢interview見到佢真係好努力（其實我心中係好心痛，因為證明阿仔之前真係好唔開心） ，最後真係俾佢考到，之後係學校好開心，成績仲做到最top，所以個人認為遇到一個好老師係好重要。
轉校後我哋將老師的行為告訴了舊學校校長知道，不過可能學校都未必會跟進。好彩我小朋友又係性格樂觀，如果唔係真係唔知點…..其實現在明點解有好多小朋友也有情緒的問題。
作者: TAIOU4 時間: 25-3-30 23:01
LM88 發表於 25-3-30 16:54
我仲以為得我個小朋友曾經有過類似嘅遭遇。我小朋友係多口族來的。試過被老師多次有好多野都唯獨漏咗佢果份 ...
跟本冇將教師當作正常人看待
其實佢o地只不過係受過訓練的一個工種
都係有七情六慾o既人類
當然會有好與壞之分
當佢由一個無權力者變成當權者
心理的優越感會異常地高
如果尼個人咁大個人都唔化的話
你批評佢就死硬
作者: Rpp 時間: 25-3-30 23:13 標題: 回覆樓主：
本帖最後由 Rpp 於 25-3-30 23:15 編輯
好多小朋友衰多口，我個當年亦衰多口，件事係隔離班很好的同學問妳哋班主任好大聲講野，衰女包就多口附和係呀，聽聲就知幾．．唔知有無加「惡」結果個同學轉頭添油加醋描述給某人聽⋯⋯，就唔知點描述，結果係被班主任玩謝曬。後悔當初無投訴佢，覺得自己好軟弱非常後悔。後來升到高班就遇到好好嘅班主任。
作者: melolo317 時間: 25-3-31 05:51
小朋友童言無忌，可惜遇到個壞心腸心理不平衡嘅人，好彩成功脫離欺凌魔掌。大個咗回想惡夢一場，相信都會警惕自己慎言嘅重要。
祝福樓主小朋友有快樂嘅校園生活，唔會再遇到呢d老師。
作者: bananaGi 時間: 25-3-31 10:16
mandi_lui 發表於 25-3-28 16:22
這件事雖然已經過去，但一直令我猶有餘悸。
小朋友屬於活潑開朗型，讀書一直成績優異，保持在級前三名。好 ...
有無投訴個老師?
作者: bananaGi 時間: 25-3-31 10:17
TAIOU4 發表於 25-3-30 23:01
因為人人都以為教師有光環
跟本冇將教師當作正常人看待
其實佢o地只不過係受過訓練的一個工種
真係好多打份工, 無料到. 仲要衰格
作者: TAIOU4 時間: 25-3-31 11:00
本帖最後由 TAIOU4 於 25-3-31 11:00 編輯
bananaGi 發表於 25-3-31 10:17
真係好多打份工, 無料到. 仲要衰格
有好多幼教片同膠劇都係咁送光環畀老師
不斷洗腦式話父母唔識教育子女浪費了人才
係, 農村的確係咁
這個現代先進的社會
個個父母都受過高等教育
其實父母才是子女的最好老師
最了解並教導子女的人
待人交際一定要從小陪養
除非係皇親國戚
否則沒有禮貌不懂奉承的孩子好難有好運
作者: UniKitty 時間: 25-3-31 12:09
好奇家長為什麼不去學校投訴數學老師？
作者: TAIOU4 時間: 25-3-31 12:13
本帖最後由 TAIOU4 於 25-3-31 12:16 編輯
UniKitty 發表於 25-3-31 12:09
好奇家長為什麼不去學校投訴數學老師？
跟據經驗
尼D Case要搵傳媒先肯睬你
但一驚動到傳媒就會連你現在學校高層都知
除非已上了大學 / 出了國
否則一定會影響到人質
作者: mcl233 時間: 25-3-31 14:47
TAIOU4 發表於 25-3-31 12:13
跟據經驗
尼D Case要搵傳媒先肯睬你
但一驚動到傳媒就會連你現在學校高層都知
做左人質，咪又東張西囉，反正都東張西開～～～
作者: Rpp 時間: 25-3-31 15:19
TAIOU4 發表於 25-3-31 12:13
跟據經驗
尼D Case要搵傳媒先肯睬你
但一驚動到傳媒就會連你現在學校高層都知
其實個個啞忍都係擔心老師隻手遮天對待自己個小朋友，在校期間可能受到不公平對待。有啲忍唔住便轉校囉。或者寄望升班再遇上好老師。
作者: Rpp 時間: 25-3-31 15:28
好欣慰係直到今日問個囡以前嘅事，佢可以輕描淡寫咁講當年老師當年可能更年期，變態嘅，咁形容，沒有什麼特別心理陰影。不過，此事之後佢一下子就成長了，幾好嘅朋友都會出賣自己，唔好在眾人面前講人是非，免招來橫禍。
作者: 馮盈盈死忠 時間: 25-3-31 15:34
mandi_lui 發表於 25-3-28 17:05
新來的老師英文水平比較一般，剛開始很多同學都聽唔明講課。有日上堂，老師問：究竟係我英文唔好，定係你 ...
作者: 猴子爸 時間: 25-3-31 16:10
mandi_lui 發表於 25-3-28 17:05
新來的老師英文水平比較一般，剛開始很多同學都聽唔明講課。有日上堂，老師問：究竟係我英文唔好，定係你 ...
这位老师小器，居然耍这些手段来对付一个级三的学生。
如果是我的话，我会用自己的人脉来联系这间学校的校董。对，找校长都是浪费时间的，要找就要找权力最高级别的。当然，同时间安排转校都是有必要的。
我有个朋友很积极参与家长会，甚至竞选入校董会，我问他为什么那么积极？ 他说他知道他儿子是什么货色，很容易被人针对，所以要先发制人，进入权力核心，万一有老师要不公平对待他儿子前，都要好好考量一下。
我本来觉得这位朋友真的太过杞人忧天，但看到你的故事，反而觉得他有先见之明。
至于看到其他家长话你儿子衰多口，我反而觉得你儿子很有guts, 很有自信的人才会有这样的表现。别人拍讲出口的，他不怕。少年英雄气，男仔一生人中总需要拥有的， 最后虽然要付出代价，但就算是一个人生经历吧。聪明的人，立刻就会知道以后应该如何处事了。
作者: mandi_lui 時間: 25-3-31 17:59
bananaGi 發表於 25-3-31 10:16
有無投訴個老師?
作者: mandi_lui 時間: 25-3-31 18:11
UniKitty 發表於 25-3-31 12:09
好奇家長為什麼不去學校投訴數學老師？
感覺我嘅投訴，畀咗機會佢投訴返轉頭，當時真係怕咗佢，唯有諗辦法轉校。
作者: 蛋白超人 時間: 25-3-31 19:19
一個老師要霸凌一個學生真係太容易，學生同佢嘅家長真係好慘，唔投訴又唔得，投訴咗反而仲變本加厲受到有關老師嘅加倍針對！我諗起前排出席過一個教育講座，某幾個名校校長都話最驚尖子剛進入學校初時，學校仲未嚟得徹幫學生拔尖，尖子嘅某些特質就會容易引來個別老師採取拔（除）尖（子）嘅行為，佢哋承認的確係有D老師會成為尖子殺手，不得不防！
作者: Derek118 時間: 25-3-31 19:50
蛋白超人 發表於 25-3-31 19:19
一個老師要霸凌一個學生真係太容易，學生同佢嘅家長真係好慘，唔投訴又唔得，投訴咗反而仲變本加厲受到有關 ...
有冇人問呢啲校長，佢哋會點樣去保護受影響學生，同埋點樣處理相關教師問題？
作者: piyohk 時間: 25-3-31 20:58
Derek118 發表於 25-3-31 19:50
有冇人問呢啲校長，佢哋會點樣去保護受影響學生，同埋點樣處理相關教師問題？
...
這是一個好問題。
某校預備退休校長可否分享保護措施？明顯的多年來什麼保護措施也沒有，甚至滅聲。
作者: Rpp 時間: 25-3-31 21:19 標題: 回覆樓主：
本帖最後由 Rpp 於 25-3-31 22:00 編輯
唔想多事，刪
作者: bboo1 時間: 25-3-31 22:04
本帖最後由 bboo1 於 25-3-31 22:04 編輯
mandi_lui 發表於 25-3-28 16:22
這件事雖然已經過去，但一直令我猶有餘悸。
小朋友屬於活潑開朗型，讀書一直成績優異，保持在級前三名。好 ...
你現在應用些方法反映／投訴去學校，及令其他老師都知佢嘅處事態度／惡行。
作者: mandi_lui 時間: 25-3-31 22:08
猴子爸 發表於 25-3-31 16:10
至于看到其他家长话你儿子衰多口，我反而觉得你儿子很有guts, 很有自信的人才会有这样的表现。别人拍讲出口的，他不怕。少年英雄气，男仔一生人中总需要拥有的， 最后虽然要付出代价，但就算是一个人生经历吧。 ...
要靜落嚟才慢慢覆你。多謝你的回覆，你的文字有療癒的功效。
當事情慢慢惡化，呈分逼近又越嚟越大壓力的時候，我都有怪責阿仔，做一刻英雄，帶來咁多麻煩，多多少少語氣帶點厭惡。到後來阿仔出現情緒問題，我相信我也是其中一個加害者。
如果當時有你這翻話壯壯胆，我可能會豪氣地拍心口同阿仔講，有阿媽喺度你唔使怕，又冇做錯嘢！大不了轉校後然後投訴。要是這樣，可能就唔會出現那一禿一撻的頭皮和染血的指甲沿邊~~
作者: 猴子爸 時間: 25-4-1 10:01
mandi_lui 發表於 25-3-31 22:08
要靜落嚟才慢慢覆你。多謝你的回覆，你的文字有療癒的功效。
當事情慢慢惡化，呈分逼近又越嚟越大壓力的 ...
可能很多人会选择息事宁人，大事化小，小事化无，但为了儿子的心结，是我的话，我会选择继续为他讨回公道。
儿子长大后，他会记得在人生中，爸妈曾为他出头，为他遮风挡雨。
作者: ANChan59 時間: 25-4-1 10:03
見到幾位家長分享自己孩子及個人以前不太開心的經歷，我又分享一下我們遇到的經歷及解決方法。
兒子在小五上學期考完英文科，改完卷之後，英文科老師發回試卷，然後跟大家解釋答案。過程中，有幾個學生包括兒子覺得自己嘅答案跟標準答案不一樣，但是還是合理及適合嘅答案，所以問老師可否加返分數。
學校以往小五小六主科係用最有經驗的老師輪流教授，但今年用咗一個經驗較淺的老師負責教。由於經驗所限，她用標準答案做托詞，不會接受其他答案。
到第二日，幾個同學（都係男仔）拿住牛津字典向老師展示，個別同學的答案跟字典例句差不多一樣。但係老師還是堅持以標準答案為理由。課堂就開始起哄，最後驚動英文科主任及訓導主任。
英文科主任也是用標準答案作理由，不理會同學的訴求。訓導主任向他們作口頭警告，如果再犯就按嚴重性作紀律處分。
男仔們當時冇再爭取，但心中好唔開心。晚上阿仔將件事來龍去脈跟我哋講。當日拿回家給CEO睇嘅時候，她已經講你的答案也是可以的，你自己跟老師講，後來幾個男同學發現有類似問題，所以一齊追問老師。
了解整個過程及一些疑點，CEO寫咗一封信給英文老師及英文科主任。內容計對兩個重點，
第一她認為一個教育工作者應該為這幾個學生而開心，因為他們肯定閱讀很闊，而且懂得應用，不單是死記教科書的答案，而且肯翻查字典去為自己的答案作辯論，係非常好嘅表現，如果她有幸教導他們，一定稱贊他們，同時接納其他合適的答案。
第二點係問學校的試卷Quality Assurance Procedure ，問題係向科主任提出。
CEO有向兒子解釋信件內容，第二日兒子將封信親手交給英文老師，而且向班主任講述這封信嘅內容。
當日晚上，校長致電給CEO，向她道歉及解釋問題的成因，然後講出她的跟進及處理方法。
校長睇完試題，同時睇番所有同學相關題目嘅答案，合理嘅全部加分。她們再強化試卷的QA。她要求老師們處理類似問題要有彈性，也要鼓勵學生的主動性。
她也向CEO承諾會親自review呈分試試卷及答案，保證一定公平公正。而且肯定不會作紀律處分，所以不會影響操行評核及評語。
第二日，老師在班上向有關同學道歉，同時將分數加回去。
晚上CEO跟兒子傾談，問到他們發覺答案有問題時，向老師的反應會否過激？他首先認為係老師錯，導致他們有過激反應。他估唔到CEO要他明天向英文老師道歉，針對係得理不饒人的態度。兒子當然有反應，CEO也籍此機會解釋什麼是「萬事留一线，日後好相見」。
第二日兒子跟其他同學商量，然後一齊在班上向老師為過激行為道歉，老師都好感動。
這次事件發生之後，這屆男生在校內考試名列前茅，全級頭十名有七個男生，頭三名都係男生，係罕見的例子。
作者: ANChan59 時間: 25-4-1 10:12 標題: 回覆樓主：
本帖最後由 ANChan59 於 25-4-1 18:55 編輯
CEO處理這些事情很有經驗，所以信件只去到英文科老師及科主任，冇提升層次，讓老師們有廻旋空間。
信中刻意不提紀律問題，因為這是枝節，也是留伏筆去教仔，不要有「得理不饒人」的態度，所有人都會反感，蝕底最後都係自己。
利申：每個個案都不盡相同，每個孩子的說法不盡是事實的全部，誤會好易產生。
作者: Rpp 時間: 25-4-1 10:22
ANChan59 發表於 25-4-1 10:12
CEO處理這些事情很有經驗，所以信件只去到英文科老師及科主任，冇提升層次，讓老師們有廻旋空間。
信中刻 ...
你的案例我哋小學階段經常發生，班上家長有十幾個仲係中學教師，有時候做教師嘅家長據力爭辨答案，所以校長及老師都特別小心處理。記得英文老師口音不佳，有同學經常指出老師發某個音不對，老師會當面對自己糾正。這些老師還是有的。不是所有老師不好。
作者: ANChan59 時間: 25-4-1 10:24
Rpp 發表於 25-4-1 10:22
你的案例我哋小學階段經常發生，班上家長有十幾個仲係中學教師，有時候做教師嘅家長據力爭辨答案，所以校 ...
多謝分享你的經驗。
作者: twobirds 時間: 25-4-1 12:12
hiuching8 發表於 25-3-30 14:36
真係好睇學校，有啲學校嘅教學評估問卷係記名的，啲小朋友純真，照樣負評，老師知道咗之後係驚咗個學生， ...
另外一樣嘢, 學校用不記名, 都係想俾學生如實反應,改善教學, 學生講出真實感受反而被閙, 情緒及價價值都會受到影響.
真係唔做好過做, 有呢的情況, 若果不正視及改善, 呢啲學校又點會進步呢?
作者: hiuching8 時間: 25-4-1 22:53
twobirds 發表於 25-4-1 12:12
無論係記名問卷或者係不記名問卷, 重點係被負評老師都絕對唔可以向學生施壓, 閙學生! 再著, 不記名問卷資料 ...
同意，學生係學校教育最重要嘅持分者，一定要重視
作者: mandi_lui 時間: 25-4-2 14:48
ANChan59 發表於 25-4-1 10:03
第二點係問學校的試卷Quality Assurance Procedure ，問題係向科主任提出。 ...
雖然篇幅很長，但我看了三次，獲益良多！特別欣賞CEO向科主任提問有關試卷的Quality Assurance Procedure ，好有智慧，製造壓迫感，又唔會表現苛刻，不多不少，恰到好處
再加上結尾一封孩子寫的道歉信，完美解決！
我的個案中最令我咬牙切齒的，正正就係我覺得自己愚蠢，唔應該貿然投訴，欠缺了你家CEO的智慧和冷靜，讓自己陷入進退兩難。最後兵行險著，勉強過關，所以個個都話我 “好彩”。今次學到嘢，再有類似遭遇，我會善用文字的威力。
請借用你的嘴，代我給CEO一個大大的
作者: ANChan59 時間: 25-4-2 15:30
mandi_lui 發表於 25-4-2 14:48
好多謝你分享你孩子的經歷和CEO的解決方法，文章好長，一定花咗好多時間，感激！
雖然篇幅很長，但我看了三 ...
只是分享其他方法，希望可以用得着。
小朋友不是寫道歉信，係在班上向老師道歉，俾足面老師。
CEO是我太太。
作者: 流浪地球 時間: 25-4-2 17:14
NPC不懂CEO😄
作者: mandi_lui 時間: 25-4-2 17:27
本帖最後由 mandi_lui 於 25-4-2 17:28 編輯
ANChan59 發表於 25-4-2 15:30
CEO是我太太。
我知道呀，如果唔係怎麼敢叫你送上
順手讚下仔仔和幾個同學仔，好醒目，又聽教
作者: 流浪地球 時間: 25-4-2 17:44
有時事情真係難分對錯，由此件事情我得出一個小小結論，最終結果都係講有冇力量。有冇power. 遊戲規則點都係強者話事。
作者: LM88 時間: 25-4-3 07:55
猴子爸 發表於 25-3-31 16:10
这位老师渣，没有自知之明，既然英文不济，就别到英文小学教书。聘请他的学校高层也要负责任。这位老师蠢， ...
題外話，就算如果有其他學生做咗一啲老師認為錯嘅事，佢哋的職責係咪應該用心教好學生，而唔係用不當的方法去報復學生。唔通如果病人俾意見醫生，醫生就可以醫死佢？
作者: LM88 時間: 25-4-3 08:00
TAIOU4 發表於 25-3-31 12:13
跟據經驗
尼D Case要搵傳媒先肯睬你
但一驚動到傳媒就會連你現在學校高層都知
其實不同的職業都有好＆壞的人。每個行業有不同懲處的標準。我猜教育界應該都有監管呱？雖然我知現在是欠缺老師人手的時候……可能校長都怕左嗰啲老師。
不知道呢度從事教育界的家長會唔會提供到一些我哋普通家長唔知的意見？
作者: ANChan59 時間: 25-4-3 08:30
LM88 發表於 25-4-3 07:55
好認同你所講的，樓主的小朋友的多口是勇於表達意見。多口有好多種，例如沒有違背尊師重道發現有錯的地方指 ...
如果可以聽到老師的版本，可能會有不同的看法及定論。
很多時小朋友一開始只講自己有利及認為啱嘅版本，會影響我們作為家長的判斷。以平常心問得詳細啲，可以(emoji)清疑點，先作反應。
自己兒子間中都會咁講，不單是學校的事情，後來知道我哋會問到底，問埋老師或者其他人，就好淸楚事情大部份嘅真相。兒子曾經投訴我哋有時信工人姐姐版本多過佢講嘅版本。
作者: LM88 時間: 25-4-3 09:12
人人觀點唔同，睇吓咩角度睇。當然家長要了解清楚，不會只聽自己的孩子一面的說法。
重點在：老師對學生做報復的不當行為（有其他人都見到都知道的行為）而其他人的說法都一樣，我諗聽老師的說法可能已經無用，除非全班同學都講大話）
作者: 猴子爸 時間: 25-4-3 09:35
LM88 發表於 25-4-3 09:12
人人觀點唔同，睇吓咩角度睇。當然家長要了解清楚，不會只聽自己的孩子一面的說法。
重點在：老師對學生做 ...
作者: 猴子爸 時間: 25-4-3 09:38
流浪地球 發表於 25-4-2 17:44
有時事情真係難分對錯，由此件事情我得出一個小小結論，最終結果都係講有冇力量。有冇power. 遊戲規則點都 ...
虽然这不是我们教育系统里面的概念，却是很多时候生活中处处见到的事情。
看看美国开征关税，换是另外一些弱国，它们敢吗?
作者: 猴子爸 時間: 25-4-3 09:47
LM88 發表於 25-4-3 07:55
好認同你所講的，樓主的小朋友的多口是勇於表達意見。多口有好多種，例如沒有違背尊師重道發現有錯的地方指 ...
作者: TAIOU4 時間: 25-4-3 11:29
本帖最後由 TAIOU4 於 25-4-3 11:38 編輯
LM88 發表於 25-4-3 08:00
如驚報傳媒會影響到人質，咁其實報教育局有冇用？
其實不同的職業都有好＆壞的人。每個行業有不同懲處的標 ...
你真係當o左教師係聖人
要有神一般思為品格先可以做
建議先看看教職人員入職條件係乜
如果某某想做教師
教育科目入學分數要求係幾多?
在入學時洗唔洗經過你所想的品格測試?
若果自己細路讀到神科佢話走去做普通教師你會否失落?
咁到底做教師有幾%原因係為教育?
有幾%原因係打工賺錢?
又看看各大補習社補習天皇補習社的教師介紹
有冇Show到名師人格相關資訊
但家長搵補習根本唔會理尼D
難道家長搵學校會以品格行先唔係Banding行先?
好
教師是一個從來都未出外工作未受過職場白眼o既小職員
但尼個小職員對每班的三四十人都有無上權威
你試諗下這對一個年青人又好老年人都好
係一件幾咁自由幾咁爽的事
一畢業搵到工就好似皇帝登基咁
所以大部份教師教非常非常小氣
你要皇帝聽你意見
就絕對唔可以用強硬手段
明白?
得罪佢佢針對你已經叫正常
你真係未見過條友o既嗜好係每班搵幾個人尼玩
名列前矛一樣照玩
一上堂就係佢o既娛樂節目開始
鐘意罰你就對你針對性修例
好慶幸當年尼條友臀部痕癢又有錢移澳
唔係你都見我唔到
作者: ANChan59 時間: 25-4-3 11:37
TAIOU4 發表於 25-4-3 11:29
你真係當o左教師係聖人
要有神一般思為品格先可以做
現今情況能夠有席係幾難搵㗎，好多係supply teacher 或者係 teaching assistant，幾年後有位先可以坐正。
你講得啱喎，品格係好難評核，除咗欏良民證加遵守及考國安法合格。
作者: ANChan59 時間: 25-4-3 11:38
TAIOU4 發表於 25-4-3 11:29
你真係當o左教師係聖人
要有神一般思為品格先可以做
我又唔會一竹篙打一船人，有不少老師都係有心有力嘅！
作者: TAIOU4 時間: 25-4-3 11:45
本帖最後由 TAIOU4 於 25-4-3 11:51 編輯
ANChan59 發表於 25-4-3 11:38
我又唔會一竹篙打一船人，有不少老師都係有心有力嘅！
通常有宗教信仰或上了年紀的會冇咁好火
回想自己開頭打工跟程序冇做錯都畀人鬧
就知道個教師乜o野心情
作者: ANChan59 時間: 25-4-3 11:56
TAIOU4 發表於 25-4-3 11:45
通常有宗教信仰或上了年紀的會冇咁好火
回想自己開頭打工跟程序冇做錯都畀人鬧
就知道個教師乜o野心情
你肯定比我後生好多，有團火係好事。
作者: ANChan59 時間: 25-4-3 12:04
TAIOU4 發表於 25-4-3 11:45
通常有宗教信仰或上了年紀的會冇咁好火
回想自己開頭打工跟程序冇做錯都畀人鬧
就知道個教師乜o野心情
話時話，我最憎就係啲官員，公營機構職員，大學教職員同我講跟足程序去做，冇辦法㗎，晤係我錯，我就火都黎埋。
到大家合作一段時間，互相了解之後，明白大家嘅難處，互相支持才可以前進。
| 歡迎光臨 教育王國 (/) |
Powered by Discuz! X1.5 |