教育王國
標題: 請問有在讀啟新書院小學及中學的父母可以分享學校情況嗎? [打印本頁]
作者: Thankful1010 時間: 24-12-2 14:29 標題: 請問有在讀啟新書院小學及中學的父母可以分享學校情況嗎?
請問有在讀啟新書院小學及中學的父母可以分享學校情況(校風及學習風氣如何)嗎?
見IB成績近幾年每年都下跌,所以想知道係咪多左有經驗既老師走左?早幾年IB成績突然上升會唔會係因為收左有名小既插班生?
先謝謝大家分享!
作者: poonseelai 時間: 24-12-2 17:48
Thankful1010 發表於 24-12-2 14:29 
請問有在讀啟新書院小學及中學的父母可以分享學校情況(校風及學習風氣如何)嗎? 見IB成績近幾年每年都下跌, ...
早幾年covid, ibo取消了考試, 用校內成績評分, 大部分學校分數也高咗, 這兩年已回復考試
作者: Radiomama 時間: 24-12-2 20:52
Thankful1010 發表於 24-12-2 14:29
請問有在讀啟新書院小學及中學的父母可以分享學校情況(校風及學習風氣如何)嗎? 見IB成績近幾年每年都下跌, ...
爬下文，唔難發現以前應該都有唔少談RC嘅學校情況和校風等分享。睇完再具體問，我諗容易啲答你。
RC的IBDP成績近年在ESF中學裏面算係不錯，你嘅「近幾年每年都下跌」是從何說起？
Covid 期間，評估及grade boundary 每年均因為疫情而調整，所以是整體成績有波動起伏，不能作準。試吓用2019年(mean score: 34.7)跟2024年(mean score: 36)的成績去比較，我覺得不錯喎。
作者: Radiomama 時間: 24-12-2 20:53
poonseelai 發表於 24-12-2 17:48
早幾年covid, ibo取消了考試, 用校內成績評分, 大部分學校分數也高咗, 這兩年已回復考試
...
香港嘅IB其實只有2020年呢一年無考公開試。
作者: Radiomama 時間: 24-12-2 20:58
Thankful1010 發表於 24-12-2 14:29
請問有在讀啟新書院小學及中學的父母可以分享學校情況(校風及學習風氣如何)嗎? 見IB成績近幾年每年都下跌, ...
我仔那一屆RC有六位45 scorers, 全部由Y1讀上去的；當然插班生中也有很多出色的同學。
作者: JBI1604 時間: 24-12-2 21:28 標題: 回覆樓主：
本帖最後由 JBI1604 於 24-12-2 21:43 編輯
本帖最後由 JBI1604 於 24-12-2 21:41 編輯
不同意啟新IB成績「近年每年下跌」
反之近年的IB成績是平穩上升中！
引用2023年數據，其平均分是37 （跟Sha Tin College 一樣), 合格率為98%, 23% 拿到bilingual diploma, 1/3的考生達到40分或以上
這是學校過去四年之IB平均分
2020: 35.5
2021: 38.8
2022: 38
2023: 37
Source: which school advisor 網頁
我對啟新的校風是滿意的，頗多家長本是中文大學的教職人員或來自其他領域的專業人士，大家對小朋友的學習有要求。校內與家長之間的溝通尚算透明。學校之童軍活動安排特別出色，都是家校合作熱心的成果。本人雖然對IB框架仍然一知半解，但發現學校老師對學生關顧，在發展學生的態度、價值觀和性格方面，有着正面影響！
題外話，今年HKU Med School的白袍禮，啟新與其他傳統名校同獲邀出席，這樣的安排應該只有同一間中學有超過五名畢業生入讀醫學院，才會獲邀參與典禮。
作者: Thankful1010 時間: 24-12-3 11:04
早晨, 多謝大家回覆我呀!
因為我地非常新手,但想了解RC係咪真正適合我地, 所以我地上網搵左唔同既資料同RC相關既post, 再從RC網頁整合左近幾年既IB成績… 見到passrate%同 mean pointscore都下跌, 想了解下會係咩原因…
我地無期望要小朋友做狀元榜眼,只係希望可以幫小朋友同我地自己定個目標,可以有個方向去幫助小朋友發展,再睇埋近年香港top3大學收生分數同英美加澳比較好既大學收生標準..唔計神科, 都基本上要38分以上先比較有競爭力入比較好既大學
| 2018 | 2019 | 2020 | 2021 | 2022 | 2023 | 2024 |
| Number of students achieving the IB diploma | | 130 | 128 | 129 | 126 | 122 | 104 |
| Pass Rate (%) | 98% | 95% | 100 | 100% | 100% | 98% | 96% |
| Bilingual pass rate(%) | 99% | 100% | 100 | 100% | 100% | 100% | 100% |
| Mean point score for IB | 35 | 34.7 | 36.6 | 38.8 | 38 | 37 | 36 |
| 30+ | 85% | 84% | 91.40% | 93.10% | 93% | 93% | 81% |
| 35+ | 60% | 52% | 65.60% | 81.40% | 75% | 67% | 59% |
| 40+ | 20% | 17% | 35.90% | 50.40% | 46% | 30% | 28% |
| Mean grade for all students | 5.5 | 5.4 | 5.7 | 6.1 | 6 | 6 | 6 |
我地好新手, 如果有任何錯誤, 希望各位可以多多指教同分享多少少經驗比我地, 謝謝!!
作者: Thankful1010 時間: 24-12-3 11:17
回覆 Radiomama 的帖子
早晨, 好開心收到你既回覆呀. =)
我第一篇爬文就係你之前分享既長文呀! 內容豐富而且分析非常中肯! 我地覺得非常值得參考!
而且都有爬其他相關post, 可惜大部分年份較遠, 所以唔清楚內容提及既資訊同近年有無大轉變
我地小朋友性格外向開朗，比較受朋輩影響，喜歡自由度大的環境。我們希望她能夠有個快樂的校園生活，IB的學制似乎也很合適她，爬文知道IB要讀得好，特別要求小朋友有自主學習的動機及自律，我們比較擔心在太自由環境中，而如果身邊的朋輩學習氣氛不夠，就很難養成自主學習的動機。所以想了解
1. RC的學習氣氛如何？還是都是活動式教學，所以沒有氣氛可言？
2. RC 或IB課程中有沒有刻意培養小朋友的自律？是滲透在活動式教學中？還是主要受家中的影響？
3. 最後想問你過來人的意見，作為一個RC學生的家長，如果想小朋友在RC讀得好，我們應該如何參與到小朋友的學習過程中？
先謝謝您抽時間回覆!
作者: Thankful1010 時間: 24-12-3 11:40
回覆 JBI1604 的帖子
早晨, 多謝你回覆呀! 其實我地主要見到個pass rate% 由以往100% 到近兩年有failed...而且mean point score都跌左, 我唔知咁樣比較岩唔岩..所以希望你可以多多指正呀
校風係另一樣我地重視既地方, 睇完你分享有覺得安心d, 可以問多少少平日校園個學習氣氛嗎?
岩岩weekend去左RC個fair, 見好多(估計係, 因為無著校服) RC比較高年級學生坐埋一邊/訓地下打機玩電話, 不過佢地個個態度都好友善
上課日子在校園係咪都可以自由帶手提電話玩? 擔心小學生平日校園見到其他哥哥姐姐既行為有樣學樣, 有聽其他媽媽分享過 兩個小朋友是RC小學同中學在讀生, 話佢地小學開始粗口已經好流利
明白校規一定唔可以同local school比較, 但我地小朋友好外向同活潑, 所以都擔心如果入左RC會唔會好快就變甩繩馬騮, 難以管教..
作者: Thankful1010 時間: 24-12-3 11:43
回覆 Radiomama 的帖子
成績好好!
所以都想知道成績好40+ 以上既學生, 大部分係由RC Y1開始讀上去定係插班生比較多
作者: Poyau 時間: 24-12-3 13:02
Thankful1010 發表於 24-12-3 11:04
早晨, 多謝大家回覆我呀!
因為我地非常新手,但想了解RC係咪真正適合我地, 所以我地上網搵左唔同既資料同R ...
疫情期間(2020-2022年)量化寬鬆
看看復常後(2023年及之後)成績
比較疫情前(2019年及之前)成績
作者: Poyau 時間: 24-12-3 13:13
Thankful1010 發表於 24-12-3 11:40
回覆 JBI1604 的帖子
早晨, 多謝你回覆呀! 其實我地主要見到個pass rate% 由以往100% 到近兩年有failed... ...
疫情前學生水平較平均
疫情後學生較趨向兩極
高分段比例向上顯示低分亦多咗
作者: Radiomama 時間: 24-12-3 18:44
Poyau 發表於 24-12-3 13:13
疫情前學生水平較平均
疫情後學生較趨向兩極
高分段比例向上顯示低分亦多咗
好同意你嘅分析，疫情幾年帶來嘅影響相信會維持一段時間。
作者: Radiomama 時間: 24-12-3 19:00
Thankful1010 發表於 24-12-3 11:40
回覆 JBI1604 的帖子
早晨, 多謝你回覆呀! 其實我地主要見到個pass rate% 由以往100% 到近兩年有failed... ...
睇數據嘅話，睇番多幾年，反正學校網頁上有2016至2024年的數據。
多年觀察，學校管理層、教職員及家長整體是有心把學生教好和推一把，教學和課程發展也不斷在改良，每隔幾年可能已經有不同做法。
遇上怎樣的老師有時人夾人，我仔遇過嘅好老師，有時聽過其他人反而話唔好。
「自律」源自家庭和小朋友的性格，當然後天培養是有的，可能由BB時候養成規律飲食和睡眠時間開始做起。
孩子除了讀書還應該有其他方面的學習和鍛鍊。我仔從Y2 開始參加童軍grasshopper, 一直到Y13做埋venture嘅captain, 山頭野嶺的訓練我覺得畢生受用。
作者: Radiomama 時間: 24-12-3 20:16
Thankful1010 發表於 24-12-3 11:17
回覆 Radiomama 的帖子
早晨, 好開心收到你既回覆呀. =)
我仔在RC 讀13年，我也同樣在這校咁多年；我哋識咗一班家長朋友，也認識咗唔少老師，小學時我是天天送孩子上學，並且入埋學校hea的，他有他去玩，我有我跟家長打牙骹。我也會盡量配合做parent helper, 課室內外都會幫手。
久而久之，我會更明白課堂的內容、老師的要求，同學仔也會認識我、仲會向我打小報告。當然其實我是在職媽媽，我只是將可以空岀來的時間都俾晒個仔。
多觀察他的生活，了解他的需要；其中補習的問題我思考咗13年，最後佢無出去補習。因為我哋認為補習班幫唔到佢，佢自己揾咗其他出路，其中一途就係搵學校老師幫手。
我個仔係古靈精怪類、多嘴、有主見，被老師話咗好多年嘅chatterbox, 又成日串同學，曾經令我好頭痛。不過當年佢無特別講粗口，所以唔確定依個情況係特例定泛例。
作者: clkam 時間: 24-12-4 00:26
Thankful1010 發表於 24-12-2 14:29
請問有在讀啟新書院小學及中學的父母可以分享學校情況(校風及學習風氣如何)嗎? 見IB成績近幾年每年都下跌, ...
大囝在疫情下入讀小學，細囝在疫情尾時入學，現在一個高小一個低小，可見到學校從疫情中主要集中爭取恢復學生回校，到疫後慢慢針對不同年級學生強弱地改進教學模式。
低小主要幫助建立小朋友適應，心理，情緒，社交和學習的不同技巧，沒有功課測考，學術基本多方面也會cover的，但不是快起跑的模式，初小要求和標準不會高，也會有少量跟程度教學，近年初小開始淡化中文分班，英文也增加了很好的閱讀計劃助初小小朋友進入閱讀。
到高小課堂習作難度和要求也見增加的，各科老師都會慢慢增加小朋友意識為自己學習負責，開始中文科會有堂課要帶回家完成，也會有每單元做評估，其他科暫未見回家的功課，但課堂上也很常有課前課後評估檢測小朋友程度能力，方便分組教學。
小學生涯有幾年都有國際性評估會做，看到小朋友有否落後，眼見當然會有少部份家庭係很放手小朋友學習的，但大部份其實也緊張小朋友的學習，各司各法去跟進。啟新我感覺比較著重小朋友全面發展，單看成績可能較遜於一兩間英基中學。
我自己喜歡是小學幫助學生建立閱讀的環境，當然也很必需家庭適當配合才會有效，學術上也是。
高小會有較多不同活動給學生參加。
至於校風，我認知是需要的規定學校是有的，老師，家長，至學生也會知，靠各方自律去執行而不是靠學校老師去捉或懲罰不守規的學生。
作者: Thankful1010 時間: 24-12-5 07:56
回覆 Radiomama 的帖子
早晨 多謝您分享呀！
我地小朋友都係非常活潑，非常多嘴….坐唔定..所以呢個都係其中一個原因，點解我地唔選擇傳統學校。
如果有幸入到RC, 我地一定會多加參與小朋友嘅學校活動，而且定必與其他父母多多交流。
真心希望小朋友可以好似你囝囝咁，可以有個愉快嘅13年校園生活！🙂
作者: Thankful1010 時間: 24-12-5 08:11
回覆 clkam 的帖子
早晨 多謝你分享咁多資訊比我呀！
Soft skills好重要，希望好似你分享咁，老師會喺初小時，著重多啲佢地情緒、心理同社交等等嘅發展！🙏🏻
見你提及 淡化中文分級， 請問實際意思係？知道依家RC有將小朋友分三個level，但之後將會由ESF 兩年K之後直上，所以依家都估到底學校將會對中文課程嘅程度如何做一個轉變。ESF表示，25/26年K1嘅課程仍然係用簡體字教學，但RC係教繁體（其中一個原因令我地選擇RC)，我都因為要讀兩年簡體再轉繁體而有啲擔心。
另外，想請教每年升班時都會係原班升番上去嗎？定係每年會同唔同同學同班？
謝謝您分享。
作者: Thankful1010 時間: 24-12-5 08:31
我仲有一個關於一條龍學校嘅問題，唔知道我嘅擔憂是否多慮。
小朋友係RC裏結識的可能就是13年的朋友，佢哋會培養非常深厚嘅關係，這可能是他們非常珍貴的資產。但另一方面，他們的圈子可能會長時間是同一班人，他們會否缺少了在成長的不同階段，結識不同朋友的機會？特別是R C從下年開始就會由幼稚園一條龍到中學，係講緊15年。
可否分享一下你們在這方面的觀察？ ESF 是否有很多跨校的活動？ 小朋友是否可以透過這些跨校活動去擴闊自己嘅社交圈子？
少少離題…作為新手父母，由幫小朋友選擇PN開始，已經一直有好多不同的顧慮同擔憂，小朋友是女兒，感覺擔心的事更多，我地平日做到就是將工作以外的時間全部用作陪伴小朋友成長，從小每日不間斷陪讀，希望培養小朋友閱讀習慣，帶小朋友到處遊玩上天下海，希望小朋友能對世界一直保持好奇心同有自學能力，但最終有多少可以做到父母心中所寄望…… 世上最難的工作，原來係作為父母一職。
作者: clkam 時間: 24-12-5 18:05
Thankful1010 發表於 24-12-5 08:11
回覆 clkam 的帖子
早晨 多謝你分享咁多資訊比我呀！
我囝入小學時，中文的三個pathway係由year 2開始分，但今學年呢個動作將改為由year 3才開始分，由於我小朋友都過了這階段，所以我也不清楚了解不分PW的year 2中文教學實質如何行。
簡轉繁我自己感覺沒什麼問題，幼稚園其實只學到少量字，我囝也是入了小學我才自己教他認字，用繁體認讀。
至於中文分班在小學生涯裡面，每年老師也會在全年教學中評估每個小朋友能力，有機會新一年會升也會降，越高年級會較為穩定，出入人數會很少。
作者: 2/1 時間: 24-12-6 00:27
我仔今年Y9, 聯校活動有d係 inter-ESF eg Music Workshop, 佢又參加左 Model United Nations，每次3日既event 會由唔同嘅學校做host, 今年好似有例如 CDNIS, DBS, etc … Y9 亦有一個 inter-ESF 六星期去澳洲嘅trip, 舊年大概有90人(out of ESF Y9) 去咗
作者: Kai92 時間: 24-12-6 08:08
2/1 發表於 24-12-6 00:27
我仔今年Y9, 聯校活動有d係 inter-ESF eg Music Workshop, 佢又參加左 Model United Nations，每次3日既eve ...
請問澳洲是學校選學生去還是學生自由報名？費用約多少？
作者: vandr 時間: 24-12-6 09:49
想請教RC每年升班時都會係原班升番上去嗎？定係每年會同唔同同學同班？怎樣分班?
作者: WesRosa2019 時間: 24-12-6 10:56
vandr 發表於 24-12-6 09:49
想請教RC每年升班時都會係原班升番上去嗎？定係每年會同唔同同學同班？怎樣分班?
...
Mix
作者: Thankful1010 時間: 24-12-6 11:24
回覆 clkam 的帖子
多謝您詳盡既分享呀!
想問兩位小朋友, 每班係咪都係大約30人一班? 加一個老師做班主任同時教Eng, Math, Science?
小朋友返左RC之後有無分享下平日上堂同校園生活係咪都開心呀?
謝謝!
作者: Thankful1010 時間: 24-12-6 11:34
回覆 2/1 的帖子
多謝您分享呀! 聽落都好多可以同其他學校既聯誼活動!
想請教中學既課程進度會唔會同小學時差好遠, 小朋友一升中時會唔會比較難適應? 另外想問中學部既校園風氣係點樣, 家長群呢?
因為除左之前school tour 同岩岩RC 個fair 之外, 暫時未有機會接觸到RC既學生
謝謝!
作者: 2/1 時間: 24-12-6 12:04
Kai92 發表於 24-12-6 08:08
請問澳洲是學校選學生去還是學生自由報名？費用約多少？
學生自己申請，再由學校決定，我相信唔難成功申請
費用大概$70,000
作者: 2/1 時間: 24-12-6 12:14
Thankful1010 發表於 24-12-6 11:34
回覆 2/1 的帖子
多謝您分享呀! 聽落都好多可以同其他學校既聯誼活動!
升中學之後 學科上係多咗嘢做，不過唔難適應，反而係好多課外活動，同學要學吓點樣管理自己嘅時間
校風我覺得正常啦，其實上咗中學之後好多嘢都係同學自己嚟，家長已經比較少參與
作者: mandy_ng207 時間: 24-12-6 15:28
2/1 發表於 24-12-6 12:14
升中學之後 學科上係多咗嘢做，不過唔難適應，反而係好多課外活動，同學要學吓點樣管理自己嘅時間
校風我 ...
想請問課外活動係學校規定要參加幾多項，定係學生全權自己決定？
有冇限制最多或最少要參加幾多？
謝謝
作者: Thankful1010 時間: 24-12-6 15:59
回覆 2/1 的帖子
學科上多左野做, 係指功課, project, assessment? 請問你地小朋友有無出去外補中英數?
謝謝!
作者: 2/1 時間: 24-12-6 16:54
mandy_ng207 發表於 24-12-6 15:28
想請問課外活動係學校規定要參加幾多項，定係學生全權自己決定？
有冇限制最多或最少要參加幾多？
謝謝
學生自己決定，唔覺有限制
作者: 2/1 時間: 24-12-6 17:00
Thankful1010 發表於 24-12-6 15:59
回覆 2/1 的帖子
學科上多左野做, 係指功課, project, assessment? 請問你地小朋友有無出去外補中英數?
坦白講我又唔係跟得好足，都係一般project n presentation咁啦，assessment 就做完都唔知佢做咗，無外補
作者: piglover 時間: 24-12-6 20:37
Thankful1010 發表於 24-12-6 15:59
回覆 2/1 的帖子
學科上多左野做, 係指功課, project, assessment? 請問你地小朋友有無出去外補中英數?
本帖最後由 piglover 於 24-12-6 20:38 編輯
Wrong post
作者: piglover 時間: 24-12-6 20:39
Thankful1010 發表於 24-12-6 15:59
回覆 2/1 的帖子
學科上多左野做, 係指功課, project, assessment? 請問你地小朋友有無出去外補中英數?
你要調整心態，如果你選IS，都打算狂外補全科嘅話。
選IS，就係希望小朋友多d時間閱讀。
你不如努力考番傳統學校，step by step咁讀。至少傳統學校有清晰嘅課程，考試。
作者: Radiomama 時間: 24-12-6 23:21
RC 小學Y1應該是每班28人、一位Class teacher 加一位EA; 另外音樂、體育、中文、Visual Art呢啲就有專科老師。
每年升班都會被「打散」，但又會「好人道」咁讓學生indicate想同邊兩三位同學一齊；老師仲會按男女比例分班，所以多年後基本上全級都識晒。
越高年班課外活動越多，不過其實好多活動咪係由高中生統籌囉。中學生會有個網頁記錄佢哋參與的課外活動和義工服務等的時數節數，Y10-11有一定要求。IBDP有一個C.A.S. 的要求，successful completion of CAS is a requirement for the award of IB Diploma.
作者: clkam 時間: 24-12-6 23:40
Thankful1010 發表於 24-12-6 11:24
回覆 clkam 的帖子
多謝您詳盡既分享呀!
小學分班安排如radiomama講的現在還是這樣，小朋友家長其實也是讀得開心，校內沒太多傳統學校限制，回校，小息，午飯，放學全部是自由時間social, 蹦跑。
大部份老師也很有技巧引導小朋友的，加上家校合作，戶外體驗很多時會請家長幫手，這並非等老師舒服點，而是小組戶外學習的確對小朋友更得益，上星期去戶外學習動植物的field trip,學校分配家長義工帶領3,4位小朋友，參觀不同地方，完成booklet, 當天也見很多本地小學生以至中學生也安排參觀，但只有一位老師領全班，變左趕鴨仔的到此一看，或由老師單向講解，加上要控制秩序，我覺得整個學習氣氛跟啟新班小朋友的field trip其實有很大對比。
初小沒太多學校/校外活動可參加，高小音體藝都增加好多機會給小朋友參與，加上好多也沒門欄/選拔，真的有心就參加到。呢兩年也見到小學積極完善教學，低小的閱讀計劃，高小的數學分組教學都令我覺得欣賞。學校的童軍由義工家長帶領，也是做得超出我預期的好，小朋友也很享受的。
作者: Radiomama 時間: 24-12-6 23:48
Thankful1010 發表於 24-12-6 15:59
回覆 2/1 的帖子
學科上多左野做, 係指功課, project, assessment? 請問你地小朋友有無出去外補中英數?
一步一步唔使心急。學校每年會有parent night，每次都去聽幾個題目, 自然會了解學習嘅情況。
中學的學習好忙，是功課、評核、presentation 都多，再加上各人都有自己要學的琴棋書畫、還有學校內外的活動，未計社交活動都可能已經填滿一個星期的時間表。時間管理和學會取捨是一個挑戰。
我仔初中最癲時曾經恆常參加三個體育項目、兩個樂器，再加樂團、數學隊、辯論隊和童軍。除咗學、仲要練，仲有比賽、表演，真係忙到死。到Y12-13, 就只集中做有領導角色的活動。
作者: rabbitsecret 時間: 24-12-7 13:18
校風會唔會好open？（成日都擔心IS會有drug/ 太開放嘅問題(emoji)(emoji))
謝謝!
作者: Radiomama 時間: 24-12-7 19:43
rabbitsecret 發表於 24-12-7 13:18
校風會唔會好open？（成日都擔心IS會有drug/ 太開放嘅問題(emoji)(emoji))
謝謝!
Er…. 你嘅觀念會唔會太過時？
作者: Radiomama 時間: 24-12-7 21:29
rabbitsecret 發表於 24-12-7 13:18
校風會唔會好open？（成日都擔心IS會有drug/ 太開放嘅問題(emoji)(emoji))
謝謝!
RC嘅學校一向鼓勵同學之間好有愛，競爭性不太重，出嚟選house captain可能已經係最大挑戰。
我哋讀咗13年，無遇過「drug」呢個問題，可能我哋係普通家庭，無錢俾阿仔去蒲。
至於何謂open? 「中學生不應談戀愛」果啲friend? 咁我哋好open囉，會同佢講各種嘅話題，我哋選擇同佢做朋友，中學嘅老師同佢哋亦一樣。當然有啲老師也會「虎媽」上身，對佢哋嚴加管教。
作者: saikungmom 時間: 24-12-9 09:41
rabbitsecret 發表於 24-12-7 13:18
校風會唔會好open？（成日都擔心IS會有drug/ 太開放嘅問題(emoji)(emoji))
謝謝!
本帖最後由 saikungmom 於 24-12-9 10:47 編輯
本帖最後由 saikungmom 於 24-12-9 09:43 編輯
好快睇完成個chain，講講我呢嗰用家既感受，我有3個仔，都係由yr 1開始讀啟新，大仔HKUMed Yr 2，2仔 yr 10，細仔yr 7。
大仔細個係怕醜仔，好騰雞好驚，我見到係RC佢嘅成長，小學畢業佢參加house captain 選舉，成功踏出第一步(emoji)中學嘅時候變得越來越outgoing，sports captain，student council，model united nation，debat 乜都玩，成績都突飛猛進，所以好surprise，y13佢入到幾間美國好好嘅大學。一路讀上嚟，同學感情真係好好，考完 IB 7條仔一齊去旅行，到宜家有同學返香港都一齊食飯。佢y12開始拍拖，我冇乜所謂，試問自己當年都係差唔多時間開始，佢同女同學都係食飯、溫書，正正常常，當然亦都冇影響佢IB成績。佢同學校老師關係亦都幾好，有幾個老師考完IB 請佢哋食飯，宜家都有返學校探老師。另外校長Dr Brown真係好正，佢記得所有學生嘅名，我三個仔同佢講果啲野，佢真係記得。2023年RC有5個學生入港大醫科，再加2個讀完學士學位入嚟讀MBBS，校長有嚟參加白袍禮，作為家長好感動。
2仔一班都會男男女女一齊約出去食飯，打波，踢波或者上嚟我屋企打機，好正常好開心。
細仔上到中學，真心覺得RC比佢地玩體育活動，比大仔讀緊果時仲多，講得出嘅運動都好似有得玩。
你話drugs問題，咁多年我都淨係聽大仔講過一次，然後聽講學校好嚴重處理。同學家長都係正正常常香港中產。
所以我真心覺得RC唔錯。
作者: Thankful1010 時間: 24-12-9 09:59
回覆 piglover 的帖子
謝謝提醒!
我地就係唔想要好似其他朋友既小朋友讀LS 要十全大補, 所以先諗EFS 同RC
但慢慢聽其他媽媽分享, 入左IS唔代表可以放任小朋友自己發展, 我地希望佢可以繼續保持閱讀習慣, 同時我地都要諗可以點樣在小學階段輔助佢, 特別係中文, 因為講到尾, 之後升中到考IBD 其實都要靠佢自己, 所以希望可以佢小學時打好基礎, 之後升中可以唔使要追得太辛苦
作者: Thankful1010 時間: 24-12-9 10:04
回覆 Radiomama 的帖子
我之前成日覺得一班25個小朋友已經係超大班, 但岩岩有在職老師朋友同我講, 原來教育局定義30個小朋友為之小班, 31以上先叫大班
作者: Thankful1010 時間: 24-12-9 10:10
回覆 clkam 的帖子
開心聽到會有家校合作, 而其他家長都願意參與學校活動, 因為我覺得呢點好影響學校氣氛
聽完你同Radiomama分享, 如果有幸入到RC, 我地都好想小朋友加入童軍!
作者: Thankful1010 時間: 24-12-9 10:13
回覆 Radiomama 的帖子
會呀, 如果有幸入到RC, 一定會參與學校活動去了解學校課程,教學方向, 仲有小朋友學校既發展
作者: piglover 時間: 24-12-9 10:29
Thankful1010 發表於 24-12-9 10:04
回覆 Radiomama 的帖子
我之前成日覺得一班25個小朋友已經係超大班, 但岩岩有在職老師朋友同我講, 原來教 ...
25個才是小班。
而家local school 提倡嘅小班係25人。
作者: Thankful1010 時間: 24-12-9 10:35
回覆 saikungmom 的帖子
好多謝你分享呀! 恭喜你小朋友係RC可以咁開心咁成長, 大仔仲要咁叻讀med!
聽完你地幾位媽媽咁中肯同正面既分享, 令到我更加希望囡囡可以入到RC! 不過真係好多人爭, 所以要入到都唔容易
我地小朋友性格非常熱情活潑好動,坐唔定,LS 會定義呢類小朋友係"曳, 百厭"既小朋友"
唔想LS比個框架佢成長, 但同時掙扎入到IS會唔會因為太自由而令佢呢種性格被放大到收唔到……..所以作為媽媽, 我總係有好多擔憂....
作者: Thankful1010 時間: 24-12-9 10:39
回覆 piglover 的帖子
其實依家真係好似好少聽到30個以下一班, PC, CKY 都成30個..如果真係可以做到咁小班對小朋友同老師都係好事
作者: piglover 時間: 24-12-9 10:42
Thankful1010 發表於 24-12-9 10:39
回覆 piglover 的帖子
其實依家真係好似好少聽到30個以下一班, PC, CKY 都成30個..如果真係可以做到咁小班 ...
優才係28人一班。好多津小都轉了25人一班。
PC CKY係私校，又唔同。
IS都有小班嘅，係20人左右一班，你自己可以搵下。
作者: mandy_ng207 時間: 24-12-9 13:49
有關小班，RC係28人一班再有6班，即係168人，真係幾多吓
呢樣係我唯一覺得RC比其他IS無咁優勝嘅地方。
我不想再詳細解釋，純個人感覺，謝謝。
作者: Thankful1010 時間: 24-12-10 09:49
回覆 mandy_ng207 的帖子
題外話, EFS話TC 2025/2026 有144個K1 offer, 因為黎緊係直升RC, 所以聽你咁講 RC Y1 有168個位, 假設K 無人轉校, 即係得番24個位比外校生......RC會再難入左
作者: bbroy 時間: 24-12-10 10:18
saikungmom 發表於 24-12-9 09:41
本帖最後由 saikungmom 於 24-12-9 10:47 編輯
本帖最後由 saikungmom 於 24-12-9 09:43 編輯
唔好意思呀！我有少少confused。請問大仔去左美國讀書還是去了HKUMed？(emoji)
作者: bbroy 時間: 24-12-10 10:30 標題: 回覆樓主：
本帖最後由 bbroy 於 24-12-10 10:31 編輯
我從LS轉過來讀Y7，我和他都好滿意的。各科教左d乜透明度都好高！中文不用擔心會退步，評核過才按你程度分流。我好記得Y7中文第一個單元，由古詩教到新詩（按朝代），好有系統，阿仔老師講解好好，不用幫手，其中一份功課係作新詩，佢係一路跟著老師教過o既指引做，見到佢交o既功課有板有眼，好安慰！Y8教緊楊修之死…..聽講local school S1都教緊！其他科目都大開眼界！
作者: saikungmom 時間: 24-12-10 17:35
bbroy 發表於 24-12-10 10:18
唔好意思呀！我有少少confused。請問大仔去左美國讀書還是去了HKUMed？(emoji)
...
HKUMed
作者: minia 時間: 24-12-10 18:54
回覆 Radiomama 的帖子
想請教一下RC 對ADHD, SEN 支援情況? 有用家可以分享一下嗎?小朋友係屬於唔專注, 唔太organized 的adhd 小朋友, 但好鐘意做project based learning, 比較適合多活動, 主動學習的教學模式. 想了解RC 的 IB 模式適合嗎? Thanks for sharing
作者: Radiomama 時間: 24-12-10 23:03
minia 發表於 24-12-10 18:54
回覆 Radiomama 的帖子
想請教一下RC 對ADHD, SEN 支援情況? 有用家可以分享一下嗎?小朋友係屬於唔專注, ...
學校有老師專責支援學生不同的情況，但每個case不同，所以要主動跟學校聯絡。詳情我不清楚，但以往都有聽講個ADHD這些問題。
作者: clkam 時間: 24-12-11 07:08
Thankful1010 發表於 24-12-10 09:49
回覆 mandy_ng207 的帖子
題外話, EFS話TC 2025/2026 有144個K1 offer, 因為黎緊係直升RC, 所以聽你咁講 R ...
其實係，西沙幼稚園係令啟新變幼小中龍了，所以如無意外大部份幼稚園會直入啟新，要家長提早在幼稚園已決定㨂啟新，餘額應被 sibling, staff, alumni, INR priority 佔晒。過往觀察烏溪沙幼稚園約一半一半人㨂啟新同STJ, 就算加埋其他幼稚園，我估計約一百人。
作者: accounting_girl 時間: 24-12-11 07:15
minia 發表於 24-12-10 18:54
回覆 Radiomama 的帖子
想請教一下RC 對ADHD, SEN 支援情況? 有用家可以分享一下嗎?小朋友係屬於唔專注, ...
你小朋友如果需要LOA3或以上support應該去其他Esf學校
作者: Radiomama 時間: 24-12-11 09:16
RC 只有Learning enhancement team (老師及EA組成）及Wellbeing team(Councilor, play therapist 及social worker組成）。
作者: Thankful1010 時間: 24-12-11 13:18
回覆 bbroy 的帖子
聽到都替你開心呀!!
我相信小朋友本身讀LS個中文底子已經比RC同年小朋友高, 但聽到你提到老師上堂講解得好好, 令小朋友O係個中文氛圍無LS咁強既環境下, 都繼續有興趣去學中文, 呢點對我地未真實體驗RC既家長係好大鼓舞!
你提到對其他科目都大開眼界, 可以分享多少少嗎?知道RC係同一個老師負責唔同科目(除左visual art, etc…),所以都想知真係唔同老師會自己自定教學內容嗎? 定係全級都會basedon 同一個框架,再比老師自由發揮?
謝謝!
作者: Thankful1010 時間: 24-12-11 13:23
回覆 clkam 的帖子
所以我好緊張....聽日play visit.... 我地又係N無人士, 所以都怕入唔到K, 之後變相入RC機會更加微
作者: bbroy 時間: 24-12-11 14:08
Thankful1010 發表於 24-12-11 13:18
回覆 bbroy 的帖子
聽到都替你開心呀!! 我相信小朋友本身讀LS個中文底子已經比RC同年小朋友高, 但 ...
Design、Theatre（唔記得佢地叫Theatre還是Drama）、PE、Science是一種充滿自主性的學習，從無到有自己一手一腳造出來，老師從旁給了很多指引，不是拋下一句話「自己做」。還有，學習從不同角度評價別人和自己的作品/成功。
感覺是小朋友能不斷在外面放波子（書面知識和具體運用）入去瓶子（自己的腦袋）了，學得很具體充實。
說得再白一點，「外面」（免得罪其他人，自己想）是在掏空小朋友的精神，不是input知識，是硬put知識入腦袋。
以上正面的評價應該不是RC特有，應該是IB 課程的特質，只是我覺得RC執行得好具體。讓我這個不是讀IB出身的人都知道他們在做什麼。
作者: Radiomama 時間: 24-12-11 15:16
Thankful1010 發表於 24-12-11 13:18
回覆 bbroy 的帖子
聽到都替你開心呀!! 我相信小朋友本身讀LS個中文底子已經比RC同年小朋友高, 但 ...
本帖最後由 Radiomama 於 24-12-11 15:20 編輯
小學同中學嘅安排係唔同㗎。
Y1-6 係小學，由Class Teacher做主力（English, Maths, Unit of Inquiry etc), 其他專科(中文, PE, Music, Visual Art)就專教。
Y7-13是中學，不設班主任，但就有advisor, 所有科目都是專科專教。
作者: Mrspan 時間: 24-12-11 17:00
回覆 Radiomama 的帖子
MYP是否這些科目？
- Language and Literature: English and Putonghua (Chinese)
- Language Acquisition: Putonghua (Chinese)
- Individuals and Societies (formerly Humanities)
- Sciences
- Mathematics
- Physical and Health Education (formerly Physical Education)
- Design (formerly Design and Technology)
- The Arts: Music, Theatre (formerly Drama) and Visual Art
- MYP Global Contexts (PYP Transdisciplinary themes)
那，請問History & Geography怎樣教？Thanks.
作者: Radiomama 時間: 24-12-11 17:45
History and Geography 包含在Individual and Societies 裏；而少量嘅古代中國歷史，會在中文科裏出現。
而Sciences就會比較清楚劃分physic, chem 同bio
作者: Radiomama 時間: 24-12-11 17:49
至於點樣教，我真係忘記咗，印象模糊；可能我仔對呢兩個題目無興趣。我凈係記得佢有做個research 講WWII 同 Rwandan Genocide.
作者: poonseelai 時間: 24-12-11 19:32
Mrspan 發表於 24-12-11 17:00
回覆 Radiomama 的帖子
MYP是否這些科目？
我孩子在另一間ib school, 記得校長講過history 係要令孩子think like a historian, 一個historian 做嘅工作係收集資料, 分析, 從不同角度 （area of interaction) 看一段歷史
我孩子歷史科revolution 研究的就 Arab Spring, 當時的Syria , 其實MYP最重要的是個過程
作者: Thankful1010 時間: 24-12-13 09:19
回覆 Radiomama 的帖子
Y7-13中學不設班主任? 咁仲有parents day嗎? 到時會係見Advisor, 由佢講解學生在校情況?
作者: 2/1 時間: 24-12-13 12:58 標題: 回覆樓主：
本帖最後由 2/1 於 24-12-13 13:00 編輯
本帖最後由 2/1 於 24-12-13 12:58 編輯
逐科見，最近一次係安排左 2日zoom + 1日面見，自己book時間 （自由參與）
作者: Radiomama 時間: 24-12-13 20:11
Thankful1010 發表於 24-12-13 09:19
回覆 Radiomama 的帖子
Y7-13中學不設班主任? 咁仲有parents day嗎? 到時會係見Advisor, 由佢 ...
每位subject teacher都可以約見，advisor都一樣；通常中文科、數學科老師最搶手，見面時孩子要一齊傾。我係一直到Y13都見晒所有修讀科目的老師，好多家長到高年班時會缺席。
作者: penp0319 時間: 25-1-11 16:13
請問啟新中學的數學程度是否同本地課程差唔多？
作者: Radiomama 時間: 25-1-12 01:01
penp0319 發表於 25-1-11 16:13
請問啟新中學的數學程度是否同本地課程差唔多？
IB MYP 每一科都分四部份去評核:
Criteria A : Knowledge and understanding
Criteria B : Investigating patterns
Criteria C : Communicating
Criteria D : Applying maths in real life context
Knowledge 是最容易掌握，B-D就要適應新的學習模式。
所以好難同本地課程嘅內容及考測去比較。如果為進入大學讀science/computer/engineering等科目而打穩基礎，IB的Maths完全無問題。
作者: Thankful1010 時間: 25-1-22 12:02
非常多謝對呢個post 有不同回應同無私分享的家長!
我地係N無人仕, 但感恩終於收到ESF TC offer, 之後會直升RCHK
小朋友非常好動活潑坐唔定, 理解入學後, 無論學校文化同教學方向將會同依家非常唔一樣, 小朋友咁細, 我心入面有好多擔憂同顧慮, 但希望呢個係對我地一家最合適的安排!
升學後若有難題或疑問, 希望各位可以繼續分享同多多指教!
祝各位一家大小新一年有一個新開始, 身體健康,事事順心順利!
作者: Saboc 時間: 25-1-23 07:00
據聞STC 同RC 近年校風同讀寫氣氛差咗好多,高中都還可以,初中就....
作者: mandy_ng207 時間: 25-1-23 13:44
回覆 Saboc 的帖子
有興趣知多啲。點解初中會退步？是因為課程更改了？Management team換了班？用多咗IT?
謝謝～
作者: Kai92 時間: 25-1-23 19:01
Saboc 發表於 25-1-23 07:00
據聞STC 同RC 近年校風同讀寫氣氛差咗好多,高中都還可以,初中就....
請問點樣差法？
作者: Thankful1010 時間: 25-1-24 16:18
回覆 Saboc 的帖子
請問係點樣差左呀? 轉左批老師? 課程有改動?
仲有校風呢? 我最緊張呢樣
作者: rabbitsecret 時間: 25-1-24 17:34
Saboc 發表於 25-1-23 07:00
據聞STC 同RC 近年校風同讀寫氣氛差咗好多,高中都還可以,初中就....
請問點樣差？ 謝謝！
作者: Radiomama 時間: 25-1-25 07:53 標題: 回覆樓主：
本帖最後由 Radiomama 於 25-1-25 22:16 編輯
網上討論，有時一句「據聞⋯」可以帶來好大嘅殺傷力。
我是過氣RC家長，無一手資料，現時嘅情況，留待其他人補充。
不過我想in general咁分享，由小學升上中學，學生及家長都要適應。
初中學生步入青春期，開始反叛、唔講學校嘅嘢你知、有自己一套、狂打機、睇YouTube 、shopping ⋯咩情況都有。同學校有冇關？可能有嘅，不過其實間間學校都會發生差唔多嘅啫。
作者: Md852 時間: 25-1-25 11:47
Radiomama 發表於 25-1-25 07:53
網上討論，有時一句「據聞⋯」可以帶來好大嘅殺錯力。
我是過氣RC家長，無一手資料，現時嘅情況，留待其他 ...
同意，講得據聞就唔係在讀生嘅家長，唔知道喺邊度得出咁嘅結論
作者: mandy_ng207 時間: 25-1-25 17:00 標題: 回覆樓主：
本帖最後由 mandy_ng207 於 25-1-25 17:02 編輯
但我都好奇想知學校係咪變了。因為我的朋友兒子十幾年前入RC感覺教學程度深一些，想考英國私校都ok，但現在的課程好像比英國私校慢（咗唔少）。我是希望MYP有轉變的，所以更想了解初中情況。
作者: Radiomama 時間: 25-1-25 17:52 標題: 回覆樓主：
本帖最後由 Radiomama 於 25-1-25 17:53 編輯
我仔讀初中果陣，中英數呢三科都有分streaming；中文最明顯，因為大家都知按pathway分班，A組B組的課程有不同。數學在Y8也會明確分組，程度高一點的在之後幾年會逐步建立，最後在DP時多數會揀Math HL; 至於英文，一般較平均，但也有個別老師曾為學生辦增潤課程。
反而，RC其中一個可愛之處是有learning enhancement team嘅老師為一些有需要學生補底。
初中混沌狀態係平常事，反而要建立學生健康成長、找到自己嘅目標及想做嘅事。過早只著重學業成績，學生容易在之後的日子出現疲態。
作者: mandy_ng207 時間: 25-1-25 21:29
Radiomama 發表於 25-1-25 17:52
我仔讀初中果陣，中英數呢三科都有分streaming；中文最明顯，因為大家都知按pathway分班，A組B組的課程有不 ...
謝謝分享，我聽老師講中學中文有五個組，請問你仔嘅時候係咪一樣？咁樣五個組又點樣對返四個DP程度？（A - HL /SL, B - HL/ SL) 謝謝
作者: Radiomama 時間: 25-1-25 22:14
mandy_ng207 發表於 25-1-25 21:29
謝謝分享，我聽老師講中學中文有五個組，請問你仔嘅時候係咪一樣？咁樣五個組又點樣對返四個DP程度？（A - ...
個運作唔係咁精密、唔係咁死咕咕㗎，仲要睇個學生佢整體HL 及SL嘅分佈同報大學咩科。
最高嗰組要讀Chi Lit A/Chi Lang & Lit A, 不過SL 定HL就可以俾學生自己揀，因為DP規定三科HL, 三科SL, HL一定留俾related major subjects。
中間果啲有機會要讀Chi B HL, 咁就要同老師傾會唔會影響報大學嘅major;下游果啲組別最好，疊埋心水讀Chi B SL就可以。
作者: mandy_ng207 時間: 25-1-25 22:18
謝謝。另外想問吓中學係專科專教，程度會唔會深番少少，同埋係咪有教科書的？（個人感覺PYP基礎知識教得比較少，呢個亦係我想知係咪同十幾年前係有分別，感覺而家嘅課程對於基礎知識好似蜻蜓點水一樣⋯）
作者: Radiomama 時間: 25-1-26 08:11
mandy_ng207 發表於 25-1-25 22:18
謝謝。另外想問吓中學係專科專教，程度會唔會深番少少，同埋係咪有教科書的？（個人感覺PYP基礎知識教得比 ...
中學專科專教，要買教科書，但唔會好似local school咁全程用，有時到學期尾會發現，成本書新簇簇。
每科老師都有自己嘅課程，教科書（大部份係IGCSE課程用書）係參考，可以叫個孩子自習時使用。我仔以前用嚟自修考IGCSE。
呢幾年嚟，local school嘅學生都會出現一個疫後學習差異擴大的現象，所以老師要慢慢調教返啲學生，唔知呢個係咪都係RC的情況。
作者: Nbs 時間: 25-1-27 09:29
我女而家讀緊y4
我係唔谷嘅家長，老實無乜點跟佢學業
學校會跟返小朋友程度，呢一年spelling 爭d 學校有比extra 的learning session 佢
唔覺得"風氣" 差，小朋友返學開心的，亦唔覺佢有"學壞"
作者: 964000 時間: 25-1-29 16:33
其實我咁多年見咁多家長，主要local家庭，也有日本家長，小朋友有在不同IS自少讀小學的，包括ESF, VSA, GSIS 等，九成九都覺得小朋友小學冇野學，有個仲話「we have wasted 6 whole years」，感覺家長因為冇功課冇測驗都好insecure.
作者: poonseelai 時間: 25-1-30 11:58
Saboc 發表於 25-1-23 07:00
據聞STC 同RC 近年校風同讀寫氣氛差咗好多,高中都還可以,初中就....
美國近日全國調查發現grade 4 and grade 8 reading 水平下降, 原因可能同covid時remote learning, 過多screen time 等有關, 唔知香港有無類似調查
作者: 964000 時間: 25-2-1 18:00
poonseelai 發表於 25-1-30 11:58
美國近日全國調查發現grade 4 and grade 8 reading 水平下降, 原因可能同covid時remote learning, 過多scr ...
本帖最後由 964000 於 25-2-1 21:08 編輯
除了整體水準下降，研究話其實有資源個班同冇資源的個gap亦大咗。
不過除了學術，社交及軟技能肯定差咗，我女剛復課初初都話好怕在班上發言和present, 經過半年至一年之後已經恢復正常非常踴躍，呢啲soft skills 係家庭環境也培養不到。
作者: Thankful1010 時間: 25-2-15 16:33
回覆 964000 的帖子
請問你意思係RCHK小學有小朋友讀完 家長覺得浪費左6年時間？
作者: 964000 時間: 25-2-15 20:39
Thankful1010 發表於 25-2-15 16:33
回覆 964000 的帖子
請問你意思係RCHK小學有小朋友讀完 家長覺得浪費左6年時間？ ...
本帖最後由 964000 於 25-2-15 22:18 編輯
不是RC家長說的，而且只是某校家長自己主觀地覺得。
作者: Kai92 時間: 25-2-18 18:54
964000 發表於 25-2-15 20:39
本帖最後由 964000 於 25-2-15 22:18 編輯
不是RC家長說的，而且只是某校家長自己主觀地覺得。
請問該家長的小朋友是讀RC嗎？
作者: Thankful1010 時間: 前天 08:56
請教各位
IB 課程在2030年將會有改動。請問大家知唔知道RCHK有無已經開始同學生和家長分享並討論這些改動？
學校將會如何安排同幫助學生和老師適應這些變化？
謝謝!
作者: poonseelai 時間: 前天 09:40
Thankful1010 發表於 25-5-20 08:56
請教各位
ibo定期會更新課程內容，一直都係咁
作者: Thankful1010 時間: 前天 13:46
回覆 poonseelai 的帖子
多謝回覆!
請問學校會唔會因為課程既改動同家長溝通?
作者: poonseelai 時間: 前天 13:49
Thankful1010 發表於 25-5-20 13:46
回覆 poonseelai 的帖子
多謝回覆!
本帖最後由 poonseelai 於 25-5-20 13:51 編輯
我不是RC家長, 自己孩子學校不會特別講比家長知
2030新加一科DP subject, 相信會多些資訊比學生
作者: Thankful1010 時間: 前天 15:10
回覆 poonseelai 的帖子
明白！多謝你分享呀！
作者: poonseelai 時間: 前天 16:05
Thankful1010 發表於 25-5-20 15:10
回覆 poonseelai 的帖子
明白！多謝你分享呀！
https://www.straitstimes.com/singapore/international-baccalaureate-pilots-new-subject-on-leadership-with-four-schools
星加坡有份試行new subject
作者: Radiomama 時間: 前天 19:06
Thankful1010 發表於 25-5-20 13:46
回覆 poonseelai 的帖子
多謝回覆!
RC 每年開學之後都會有Parent’s night除咗在禮堂聽校長嘅整體分享外，之後就可以按各個題目去唔同課室聽老師介紹，有講IBDP/MYP/PYP不同課程嘅內容和情況，也有針對中文課程、海外交流、電腦應用等。
孩子在校時，我每年均參加，一次聽唔晒就按孩子成長需要逐年聽，所以各個題目都可以涉獵到。
| 歡迎光臨 教育王國 (/) |
Powered by Discuz! X1.5 |