教育王國

標題: 想請問下九龍塘基督教中心幼稚園暨幼兒園好唔好傢? [打印本頁]

作者: bblaulau 時間: 24-11-14 16:20 標題: 想請問下九龍塘基督教中心幼稚園暨幼兒園好唔好傢?

同問, 想瞭解多d 基督教中心幼稚園暨幼兒園 , 感覺呢間學校有d神秘.報左N , 有無現讀生可以分享下.感謝~~

作者: kaetang 時間: 24-11-17 03:20

阿女依家讀緊N班，當初都對呢間有好多疑問，網絡又無咩關於呢間學校既近期資訊，但最後都係鍾意佢整體校園佈局，面試時老師既氛圍吸引到，同埋最緊要係當時面試過既咁多間學校當中，呢間佢係最開心賴死唔走既，所以最後揀左呢一間讀N。
間學校老師對小朋友都好上心，女女係返學時有咩好既或唔好既轉變，老師係放學都會第一時間打比家長講返個情況，同家長商量一下。學校d姨姨都好好，上兩星期返去打針，基本上姨姨同老師全部都叫得出女女個名，呢樣野對於初初送個女返學既我係一個好大既安慰。另外學校都差不多每隔2星期都有親子活動，依家就做緊澆花帶左棵花返屋企每日淋水等開花😂 仲有最近自創故事活動同女女一起拍片，都多元化。英文方面學校有2位net其中一位係好好聽的British accent（我自己倫敦讀書所以鍾意呢位net口音），每日有25分鐘英文堂net教的，好似聽講其他卷校唔係咁？呢個我就唔係好清楚啦。功課方面每個星期都會好簡單的填色寫字工作紙，女女一見到個file就係咁話要做功課。總之我自己就覺得好好彩最後揀左呢間而唔係其他所謂比較有名氣的n班，基中都係一間多方面被低估既學校，我當初都係睇學視報告見到呢間學校的。我都係講返女女平時既情況，希望呢d資訊幫到你啦。

作者: deess 時間: 24-11-17 15:19

kaetang 發表於 24-11-17 03:20
阿女依家讀緊N班，當初都對呢間有好多疑問，網絡又無咩關於呢間學校既近期資訊，但最後都係鍾意佢整體校園 ...

請問N班收多少人？幾多人一班？

作者: bblaulau 時間: 24-11-20 13:55

回覆 kaetang 的帖子

英文方面學校有2位net!好好wo!

作者: jinjinli 時間: 25-1-20 18:54

鄰居的小朋友在這間讀n，剛退學。因為老師一直投訴她女兒，說她上課不專心，一直搞搞震。有一日回到家媽媽覺得女兒不對勁，一量發燒了，老師完全沒發現。

歡迎光臨教育王國 (/)