教育王國
標題: 開心-關心-體驗生活 [打印本頁]
作者: 加樂爹 時間: 24-9-24 09:23 標題: 開心-關心-體驗生活
本帖最後由 加樂爹 於 24-9-24 09:23 編輯
過去幾天, 寫的聽的有關教育後, 整理了自己, 學習了不少.
開心學習原來各人有不同看法.
以往以為只是 ”蒙特梭利” 族群, IS, IB 學習模式所有.
現在更專重其他人有不到看法, 始終不同情況, 有些人輕鬆看, 有些人增加不同原素.
最能令我學習到的, 開心是來自於情感, 關心, 對困難亦可以是生活體驗的一部份.
這裡不再多說模式, 不再道理, 只是單純的把發現開心的地方記下來.
作者: 加樂爹 時間: 24-9-24 09:29
阿仔慣左12點都唔瞓, 無辦法下, 我夾佢一齊瞓.
佢問我點解, 我想唔通我省佢一輪, 話因為佢唔瞓, 要昅實佢, 更鬧佢阻我瞓覺?
我一開首說阿仔, 阿爸其實好鍾意見你熟睡個樣, 可以抱下你, 幫你好蓋被...不過可能幾年後, 你大左就唔會比阿爸咁做啦...
窩心的瞓!
作者: 加樂爹 時間: 24-9-24 09:32
本帖最後由 加樂爹 於 24-9-24 09:33 編輯
昨天行緊街, 細路睇住部youtube 片傻笑,
我想, 都成5年級, 仲笑到咔咔聲?!
今次轉頭和他看, 一齊笑, 共嗚?
我走左入佢世界.
作者: ANChan59 時間: 24-9-24 11:31
太太之前在大專曾經負責全人發展項目，正值兒子反叛期，她的同工包括社工，CP，EP给我們一些非常有用的3個建議。
1。Open communication;
2。Unconditional love; and
3。Don’t push him out of the door.
經過實踐，係簡單，但是有效。
作者: 加樂爹 時間: 24-9-24 11:36
ANChan59 發表於 24-9-24 11:31 
太太之前在大專曾經負責全人發展項目，正值兒子反叛期，她的同工包括社工，CP，EP给我們一些非常有用的3個 ...
呢個題, 純粹日常生活事分享, 如果有家長剛有些分享亦可.
包括你, beastietro, Stillgood, 你地仔女大啦, 我叫你記返十幾年前既野, 應該都是理論多, 例子小.
不過, 有閒時, 寫一兩件事, 提醒下自己, 感染下別人, 都會是好事,
作者: 天外之人 時間: 24-9-24 11:37
加樂爹 發表於 24-9-24 09:23
過去幾天, 寫的聽的有關教育後, 整理了自己, 學習了不少.
開心學習原來各人有不同看法.以往以為只是 ”蒙特 ...
作者: 天外之人 時間: 24-9-24 11:39
回覆 加樂爹 的帖子
孩子越大越難這樣子做,所以孩子爸都理解,可以都讓我多陪孩子一起睡,起碼都可以聽到孩子好多心裡話,不論好事唔好事都知道,這樣孩子家庭溫暖幾足夠.
作者: 天外之人 時間: 24-9-24 11:42
ANChan59 發表於 24-9-24 11:31
太太之前在大專曾經負責全人發展項目，正值兒子反叛期，她的同工包括社工，CP，EP给我們一些非常有用的3個 ...
作者: 加樂爹 時間: 24-9-24 11:44
天外之人 發表於 24-9-24 11:37
其實咩學習方式,最主要孩子學得好,都要孩子有心才可以,那些所謂既”蒙特梭利” 族群, IS, IB, 填鴨式學習模 ...
都是你的女兒已到大學了, 你可以堅持你的方法, 怎說都是好事.
有時間可以分享下一些事.
我覺得在討論中, 發表了自己意見就可以了, 而有得著是聽別人意見.
但太多理論, 暫時, 我說暫時, 我得到是開心包含關心及體驗生活.
可能有其他類似如陪伴, 聆聽....
不過, 行左基本的, 珍惜現有的, 有欠缺的再加強, 應該無錯.
歡迎你分享下日常生活 (之前或現在亦可) 
作者: ANChan59 時間: 24-9-24 11:49
講到動之以情，又分享一個個案。
兒子高中的時候，有一次某個四個口的女兒犯事，傳媒矛頭指向四個口而不是女兒，兒子覺得奇怪，點解唔係一人做事一人當。
CEO解釋砌個女仔冇乜銷量，砌個四個口先有話題，有銷量。特別係生果報及方向報。
打蛇隨棍上，CEO跟佢講，你要睇住我，唔好行差踏錯，不然的話我會上A2或者A1，某某教育高層⋯⋯⋯。自此之後，我哋知道佢有放在心裡，不想媽媽躺着中箭。
作者: beastiebistro 時間: 24-9-24 12:03
加樂爹 發表於 24-9-24 11:36
好的, 我都學習緊.
呢個題, 純粹日常生活事分享, 如果有家長剛有些分享亦可.
我嘅分享，以前喺日誌都有寫過。
我每日都問（以前細啲每日啦，而家因為佢哋全部喺英國寄宿，所以係講電話嘅時候問）兩條問題：
- Who loves you the most in this whole wide world?
- Who do you love the the most in this whole wide world?
慶幸到今日我都係答案...
作者: ANChan59 時間: 24-9-24 12:06
加樂爹 發表於 24-9-24 11:36
好的, 我都學習緊.
呢個題, 純粹日常生活事分享, 如果有家長剛有些分享亦可.
Beastiebistro的小朋友還在中學，他的日誌，Facebook分享都好精彩。
作者: 加樂爹 時間: 24-9-24 12:08
ANChan59 發表於 24-9-24 11:49
講到動之以情，又分享一個個案。
兒子高中的時候，有一次某個四個口的女兒犯事，傳媒矛頭指向四個口而不是 ...
你留意到阿仔記在心裡, 一定覺得父慈子孝既方向, 有點著落 (在高中期時).
作者: ANChan59 時間: 24-9-24 12:20
加樂爹 發表於 24-9-24 12:08
雖未到捨身救母, 亦有些保護家園的意識.
你留意到阿仔記在心裡, 一定覺得父慈子孝既方向, 有點著落 (在高中 ...
他是好孝順嘅，爺爺嫲嫲在世，每次出糧俾家用係去老人家屋企，親自交俾老人家，見到倆老眉開眼笑。
到我舊年去倫敦，他安排4場波俾我睇，今次放兩個星期大假陪我哋歐遊，出錢出力出時間，收貨了。
作者: 加樂爹 時間: 24-9-24 12:24
beastiebistro 發表於 24-9-24 12:03
其實我嗰啲都唔算好大，最大嗰個都未入大學。
我嘅分享，以前喺日誌都有寫過。
我每日都問（以前細啲每日啦 ...
作者: beastiebistro 時間: 24-9-24 12:35
本帖最後由 beastiebistro 於 24-9-24 12:46 編輯
加樂爹 發表於 24-9-24 12:24
想問你, 其實阿仔/女咁自律, 在高小時, 自動自覺做完野, 每日晚上每做D物野? ...
睇書。
我其實日誌有詳細紀錄。
簡單嚟講，我哋屋企consciously六歲前零電子產品（包括我同太太）。六歲後都係每個星期六睇少少電視，佢哋係全級最後一個有電話嘅同學（中學先有）。我地連玩具都少買，但係書屋企有不下三千本（中英文，小說，天文地理科學，詩詞歌賦，藝術旅遊，甚至漫畫）。所以好早已經培養咗喺書本搵樂趣。
另外就係天南地北咁同我傾偈，同埋玩board games...
作者: ANChan59 時間: 24-9-24 13:17
加樂爹 發表於 24-9-24 09:29
阿仔慣左12點都唔瞓, 無辦法下, 我夾佢一齊瞓.
佢問我點解, 我想唔通我省佢一輪, 話因為佢唔瞓, 要昅實佢, ...
你這招高呀，他知道你點解咁要求，佢會早點上床瞓，以退為進！
作者: stillgood20 時間: 24-9-24 15:59
加樂爹 發表於 24-9-24 11:36
好的, 我都學習緊.
呢個題, 純粹日常生活事分享, 如果有家長剛有些分享亦可.
我補充一個觀點:
2個睇.
睇清楚(事實)
體諒(將心比已)
事實: 人人的本質.不同.
弱點/缺陷: 沒人沒有.
作者: 加樂爹 時間: 24-9-24 19:23
beastiebistro 發表於 24-9-24 12:35
睇書。
我其實日誌有詳細紀錄。
簡單嚟講，我哋屋企consciously六歲前零電子產品（包括我同太太）。六歲後 ...
Board games, 有時好羡慕家裡人多, 可以聚首一齊玩.
我只可托於附近青協既恆常圍棋班, 阿仔話都會有些玩比賽的對手, 我係估唔到佢投入.
因為時間考慮, 當初報名只進階班, 阿仔在youtube 自學.
圍棋這門真是考起我, 看得慢, 看不清, 對不上變化, 我話我.
有個圍棋app (青協sir 介紹既), 分級數, 練叫吃, 及一些高手局.
有玩開, 可以交流下 (講小朋友).
作者: 加樂爹 時間: 24-9-24 19:31
stillgood20 發表於 24-9-24 15:59
謝謝你的關注.
我補充一個觀點:
坦白說, 內地及台灣人較多這種情感, 香港人小D.
有時教細路留空間比自己, 神來會有不同體驗.
作者: 加樂爹 時間: 24-9-24 19:39
ANChan59 發表於 24-9-24 13:17
你這招高呀，他知道你點解咁要求，佢會早點上床瞓，以退為進！
看別人的有趣方法, 可能獲益更多.
簡單說, 好像不懂講笑話的人, 就要常常聽笑話.
作者: beastiebistro 時間: 24-9-24 19:42
加樂爹 發表於 24-9-24 19:23
好呀, 會睇下你日誌, 我仔都係一個大書虫, 不和你比較, 只是嗜書嗜書再嗜書那種.
Board games, 有時好羡慕 ...
作者: 加樂爹 時間: 24-9-24 19:52
beastiebistro 發表於 24-9-24 19:42
當然可以呀，圍棋我仔係有玩開，亦係而家英國學校圍棋學會會長（棋力大約一級同一段之間）。等佢今年搞埋報 ...
我一坐入去, 就知自己唔係呢瓣; 阿仔睇小我, set 住凡慢慢玩.
你應該享受過好多.
你呀仔高手, 3個叻
作者: beastiebistro 時間: 24-9-24 19:58
加樂爹 發表於 24-9-24 19:52
你呀仔呢D太高手啦, 勁呀!
我一坐入去, 就知自己唔係呢瓣; 阿仔睇小我, set 住凡慢慢玩.
作者: ANChan59 時間: 24-9-24 20:43
加樂爹 發表於 24-9-24 19:39
我沒有高招, 正如我寫野都是直直板板錄下來, 亦希望有人可以同樣分享.
看別人的有趣方法, 可能獲益更多.
阿仔初小開始，每日講一個笑話俾CEO聽，慢慢有幽默感，啲gags有啲好好笑。到高小要求他用英文講，開始當然生硬，慢慢有改善。
到現在出嚟做事，講故事，講笑話係佢嘅強項，可以緩和冷場。
作者: 天外之人 時間: 24-9-24 21:34
本帖最後由 天外之人 於 24-9-24 21:39 編輯
原來你們喜歡POST自己野在日誌. 在網上我好少做呢啲,正常唔會放個人野及家庭野在網上,衹會手寫在薄上不公開. 可以講你們知我連IG/FB/微博呢D都冇玩,所以在論壇上算係講得比較多,正常論壇上沒有封號或關閉網站,應該都可以睇翻以往既留言.
還有留言既幾位家長孩子喜愛閱讀,沒有抗拒讀書既念頭,這就已經可以係孩子享受學習既根源,有了這個'心'自然不用担心孩子學習,亦都係我所指原意.
作者: 加樂爹 時間: 24-9-24 23:31
本帖最後由 加樂爹 於 24-9-24 23:41 編輯
天外之人 發表於 24-9-24 21:34
原來你們喜歡POST自己野在日誌. 在網上我好少做呢啲,正常唔會放個人野及家庭野在網上,衹會手寫在薄上不公開 ...
其實我都係果D明係比佢玩，暗是導引佢去睇及投入學習的家長。
我問beastiestro平日完成功課後，子女玩物，原因係比我阿仔打機既，覺得其實佢係有佢喜愛既野，當我見佢做超過了面前功課，希望你比佢玩一陣機，係咪錯呢？我很難忍得心下去。
佢返放學，小息，學校讀書會，都會睇書，算學校出聯校比賽的主力。之後去完功課班，返到黎屋企，和我review完功課進度後，呢段空間做物好？！
我會除左引他去看科學，歷史得電視節目，我可以令佢同我睇慶余年，繁花...因為普通話都可以加強，阿仔5年級，大既都比我引導佢睇左1/3既慶余年小說 （全集我記得約20幾本）。
呢D係佢樂趣，正如beastiestro說都是2~3歲家長刻意種落既功夫。
但是佢有空都想打機。
所以，我有問自已，我係咪過份，我想有些小朋友天生係好強意志和自律性去讀書，所以考試會好; 但我呢條細路，鍾意讀，鍾意找資料, 但係馬夫...所以真係唔比佢D空間去打下機嗎，我常問自己
作者: beastiebistro 時間: 24-9-24 23:58
本帖最後由 beastiebistro 於 24-9-25 00:07 編輯
加樂爹 發表於 24-9-24 23:31
其實我都係果D明係比佢玩，暗是導引佢去睇及投入學習的家長。
我問beastiestro平日完成功課後，子女玩物， ...
每個小朋友都唔同，每個家庭都唔同，每個家長取態都唔同。天生就係人人唔同，冇可能一套方式用落所有人度。我認為我做法最啱我小朋友，你嗰套亦可能最啱你小朋友，大家都可以好好，換咗我嗰套落你小朋友又未必效果最好。
最重要係主動權完全喺家長手，最怕有第三者（或政府）強套邏輯，夾硬控制唔俾選擇。
打機冇大問題嘅，唔沈迷就得啦。我嗰啲只係因為我嘅舖排，變咗冇咩打機意欲，真係一鋪起兩鋪止，寧願走去搵書睇。
作者: 加樂爹 時間: 24-9-25 00:23
beastiebistro 發表於 24-9-24 23:58
每個小朋友都唔同，每個家庭都唔同，每個家長取態都唔同。天生就係人人唔同，冇可能一套方式用落所有人度 ...
作者: ANChan59 時間: 24-9-25 04:54
beastiebistro 發表於 24-9-24 23:58
每個小朋友都唔同，每個家庭都唔同，每個家長取態都唔同。天生就係人人唔同，冇可能一套方式用落所有人度 ...
有些家長認為打機無問題，也有些家長認為十惡不赦。我不喜歡二分法，在1和0中間有無限可能。
大家傾出一個中間方案，例如先做完功課，溫完書，係可以玩嘅。
在初中他打機打到攞亞洲區冠軍，好似係足球，獎金有幾萬元港幣，但他贏咗就冇再打比賽，我覺得奇怪問點解唔再打，他的答案係好花時間同時要求體力及精神專注，跟讀書有衝突，所以改為玩票性質，不再沉迷打機。
另一個原因係上網速度，我哋住宿舍，當時光纖拉未到，網速差太遠，他好難跟其他人打。他問過管理處，網絡供應商，知道冇辦法，就不再勉強，我都慶幸當年冇光纖網絡。
他的同學屋企管得嚴，只可以假期來我們家打機，我哋會自動消失，給兒子錢買外賣，其他同學家長係知道嘅。結果到大學及畢業之後，他們久不久都約在我們屋企打機。而新屋裝修，所有光纖網絡無線上網就他一手策划。
作者: 天外之人 時間: 24-9-25 11:58
本帖最後由 天外之人 於 24-9-25 12:03 編輯
加樂爹 發表於 24-9-24 23:31
其實我都係果D明係比佢玩，暗是導引佢去睇及投入學習的家長。
我問beastiestro平日完成功課後，子女玩物， ...
人係有思想,基本上正常係個個做法都唔同,表現出效果亦都唔一樣,我既一套得人地唔得,陳sir/你/beastiestro等等那套得亦可以講其他人唔得,大家都係講出自己方式,睇既家長自會去參考. beastiestro家長都識得講主動權在家長,令孩子有"心"既動力,所以做成呢個"心"我係覺得唔關學校事,大部份都係家長用簡單或過度方式做成,得與唔得睇孩子自己,因此家長做法亦都做成孩子成長心理與外在健康因素.現階段要家長改變係好難,制度改善比較容易去令家長改變.最近得知瑞典係第三個更改教育制度既國家,人地教育制度咁好都要去改,為何孩子學習壓力咁重及開心指數咁低既香港,仲要研究?
沉迷呢個字,各人都有自己準則,亦都定唔到怎樣才叫超過,玩樂係孩子天性不分男女,亦可以講係人天性,冇得玩唔開心基本上會影響其他野(包括學習),亦都係產生叛逆開端. 就好像陳sir講孩子初中贏咗就冇再打,孩子都知道好花時間同時要求體力及精神專注,之後改為玩票性質不再沉迷打機. 我的孩子就冇咁厲害玩到有獎金,不過佢玩"皇者"都玩到好高級,但都任佢玩到一定時間,因他知道我冇抗拒佢玩(更陪佢玩),玩多了就會厭,慢慢成長到中學生思想漸成熟,自會分輕重去做每件事多與少. 當然早期愛的思想教育不可缺少,要做到自覺鐘意睇書,從小培養對書本喜愛很重要,這樣孩子就算玩到咩時間都會容易停止,更唔會限制佢睇咩書,始終好多書作者都唔同寫法(加上我唔好既中文),這樣更令佢知道有什麼不同,亦都因此令佢寫既野,常常都可登在書本上列出給同學參閱.
作者: Radiomama 時間: 24-9-25 13:53
睇呢個帖，發現應該可能或者係一個全男討論。
無我嘅事⋯⋯我都係出返去先。
感謝分享。
作者: beastiebistro 時間: 24-9-25 14:37
Radiomama 發表於 24-9-25 13:53
睇呢個帖，發現應該可能或者係一個全男討論。
無我嘅事⋯⋯我都係出返去先。
感謝分享。
作者: 加樂爹 時間: 24-9-25 16:27
ANChan59 發表於 24-9-25 04:54
有些家長認為打機無問題，也有些家長認為十惡不赦。我不喜歡二分法，在1和0中間有無限可能。
大家傾出一 ...在初中他打機打到攞亞洲區冠軍，好似係足球，獎金有幾萬元港幣，但他贏咗就冇再打比賽，我覺得奇怪問點解唔再打，他的答案係好花時間同時要求體力及精神專注，跟讀書有衝突，所以改為玩票性質，不再沉迷打機。
作者: 天外之人 時間: 24-9-25 16:35
回覆 Radiomama 的帖子
錯,我都係師奶一名,論壇上係不分男女暢所欲言.
作者: 加樂爹 時間: 24-9-25 16:40
本帖最後由 加樂爹 於 24-9-25 16:41 編輯
Radiomama 發表於 24-9-25 13:53
睇呢個帖，發現應該可能或者係一個全男討論。
無我嘅事⋯⋯我都係出返去先。
感謝分享。
你好, 未有意思全男分享.
只係剛剛好由另一個帖有關教育制度, 我覺得自己太多道理, 不如令自己留意生活一些點滴.
當然歡迎有不同角度, 對小朋友慼知既一面.
作者: beastiebistro 時間: 24-9-25 20:25
加樂爹 發表於 24-9-25 16:40
你好, 未有意思全男分享.
只係剛剛好由另一個帖有關教育制度, 我覺得自己太多道理, 不如令自己留意生活一 ...
作者: ANChan59 時間: 24-9-25 21:29
加樂爹 發表於 24-9-25 16:27
真係估你唔到....高手在民間
你指我兒子？
作者: ANChan59 時間: 24-9-25 23:43
beastiebistro 發表於 24-9-25 20:25
喺我家庭，食都係維繫嘅重要一環。除咗睇書同踢波之外，我最大嗜好係食，連帶仔女都感染埋。從前一到週末我 ...
我都話你係被廣告擔誤的美食家！
煮食，係我們家的共同點。
兒子試完會有honest feedback，我會改善，到他認為係他覺得的極致。後來去倫敦之前跟我學煮餸，去年去倫敦玩，我再跟他一齊去改良食譜，localise 啲食材及調味料，到我返香港搵，佢煮俾CEO食。你在我FB 都見過一些美食/劣食
他大學時已經有一批成年人飲食朋友，他們去捐窿捐Na搵好嘢食，而且配埋wine pairing。有些餐廳要預早半年去訂。他請過我同班朋友一齊試嘢，多數都係專業人士或者做生意。
這兩次去英國及歐洲玩，他帶我哋食米芝蓮及不少特色餐廳，我有放上FB，在倫敦他又搵到另一班飯腳，還有教朋友手沖咖啡，又識另一班朋友。
作者: 加樂爹 時間: 24-9-26 00:01
我做不到夠強硬都是原因，考慮他理由太多是短點。
打機會引致收機時情緒問題，起碼15分鐘左右。另外，專注情度變差，打完機後要做番15分鐘四則運算，我同佢講呢D係殺菌 （打機菌）既情序。
規舉定下，但只有靠他逐漸成長能確切執行幾多。
（所以寧願不容許，容易處理好多）
阿仔喜歡規劃，包括學習，有時畫晝，看書。。。不過，坦白說打機會增加很多痳煩。
我們一家出門旅行都是好隨意，佢會習慣早上都溫1-2小時書才出外的。
所以，我想只要讀書習慣，board games, 能夠平衡，沉迷都有個迴轉位。
我不多嗜食，因為我是運動人，可惜阿仔唔係，算只有喜歡田徑keep住跑練習。
作者: 加樂爹 時間: 24-9-26 00:40
天外之人 發表於 24-9-25 11:58
人係有思想,基本上正常係個個做法都唔同,表現出效果亦都唔一樣,我既一套得人地唔得,陳sir/你/beastiestro ...
同意簡單直接，寧可禁左打機，因為家長要留意好多情況。
我當時想法，做法---當然又係明比佢打機，又引導佢做好多野。
年前在EK，好似有個POST, 十幾年前阿仔打機打上癮, 有成百幾版既回覆。
我爬文，差不多全看 （真係好好學），值得引以為戒。
打機，上網找資料，CODING，拍片剪片，做YouTuber...可以expand 左生活方法。
但係事前準備，開道外。。。我想沉迷原因是，細路本身有無其他成功的嗜好。
我有時公司有片，同事太忙，我都會請阿仔幫手，我係佢既director，順便同佢講下物野係商業原素，節奏。。。等等。
唔係要佢明白，只係講開左，日後又多一種溝通，又或者係細藝。
作者: ANChan59 時間: 24-9-26 05:17
加樂爹 發表於 24-9-26 00:01
我做不到夠強硬都是原因，考慮他理由太多是短點。
你係讓他打完機才做功課及溫習？抑或先做功課及溫習完才打機？
你禁係可以，但要留意年紀，撞正暴風期，反叛期，有好大機會得不償失。阿仔轉捩點係中三整年已經收心養性，專注校內成績選科，中二讓他了解中四選科對升大學的重要性。Timing 係幾重要。
如果他喜歡規劃，理論上很多方面成功機率會高啲，可唔可以build on positive，讓佢做一些大型啲或者顯眼啲嘅規劃，要包括執行及睇到明顯嘅效果。可以在學校或者教會，社會或義工組織，制服團隊，創造多啲成功感。
作者: 加樂爹 時間: 24-9-26 09:33
ANChan59 發表於 24-9-26 05:17
你係讓他打完機才做功課及溫習？抑或先做功課及溫習完才打機？
你禁係可以，但要留意年紀，撞正暴風期， ...
小五, 開學同佢約定, 打機在假日, 平日做完功課可以睇youtube 片.
不過細路, 做網上功課, 偷偷玩, 真係有.
要嚴打定放鬆是即時操施, 而提高其他因素, 如你說的教會, 團體活動或義工, 更是長遠包圍圈.
初小實際落手落腳去睇住佢, 建立習慣.
細路大左, 覺得高小更係溝通期, 評估下佢自律性, 幫佢搭多D對外既活動.
我同佢一齊做親子義工, 上門探下老人家.
其實幾好既活動, 半個鐘對佢老人家, 點去了解別人, 提問, 傾談, 最重要係學習開放及同理心.
你有提到爺爺, 嫲嫲, 你做得好好, 小朋友情感係好受父母影響.
看你每個階段都好仔細做好, 對的 TIMING 真係用心留意去做.
作者: beastiebistro 時間: 24-9-26 09:39
本帖最後由 beastiebistro 於 24-9-26 10:05 編輯
加樂爹 發表於 24-9-26 00:01
我做不到夠強硬都是原因，考慮他理由太多是短點。
我個人睇法係，開初嘅狠心（零電子產品）就係對佢地將來嘅仁慈。況且小朋友未「識性」嘅時侯唔接觸，都唔會因為冇機打而唔開心。但係開咗頭要收返就比較困難。
其實只要唔係沉迷，玩一陣都冇咩問題吖。佢喜歡規劃，咁咪同佢約法三章。例如每日只可以玩30分鐘，之後一定要揾本書睇返30分鐘咁。不過執行上真係要夠狠心同埋恆心（我直頭俾人話獨裁，set咗嘅紅線從來一步都唔讓），咁我哋小朋友唔會lur，唔會發爛渣，唔會死蛇爛鱔，因為佢哋知我唔會就範。
唔喜歡食唔緊要（各施各法），搵下其他共同興趣啦。例如我大仔係數人，我陪佢搵數計；二女係藝術家，我咪同佢兩個人去行畫展，買藝術書；三女係跳舞人，我咪陪佢對住個電視跳K-pop囉（大咗可以睇少少電視之後）。
作者: 加樂爹 時間: 24-9-26 10:04
beastiebistro 發表於 24-9-26 09:39
我個人睇法係，開初嘅狠心（零電子產品）就係對佢地將來嘅仁慈。況且小朋友未「識性」嘅時侯唔接續，都唔會 ...
家裡3個小朋友, 統一行動, 當然緊要, 仲好勁!
大家庭, 一齊生活, 互相填補空隙.
剎雞警猴, 統一戰線...手法你應該用得唔小.
作者: beastiebistro 時間: 24-9-26 10:10
加樂爹 發表於 24-9-26 10:04
你好強呀
家裡3個小朋友, 統一行動, 當然緊要, 仲好勁!
作者: 加樂爹 時間: 24-9-26 10:22
本帖最後由 加樂爹 於 24-9-26 10:22 編輯
回覆 beastiebistro 的帖子
你提到食野係家庭聚會維繫既一種, 我見有D家長都係咁做, 包括我太太未結婚前, 果果星期, 約去D表度食.
周末, 都一同出街, 其實去旅行, 不管長/短trip 都是食玩瞓. 
我係另類D, 最開心既trip, 係去有靚球場既resort, 早上打完沒, 旁晚又打場, 中間食野游水.
所以阿仔跟唔上, 佢話鍾意自己睇下書, 打下機.
佢又唔係宅, 只係選鍾意既野玩出外.
作者: beastiebistro 時間: 24-9-26 10:35
加樂爹 發表於 24-9-26 10:22
回覆 beastiebistro 的帖子
你提到食野係家庭聚會維繫既一種, 我見有D家長都係咁做, 包括我太太未結婚前, ...
作者: 天外之人 時間: 24-9-26 10:57
本帖最後由 天外之人 於 24-9-26 10:58 編輯
加樂爹 發表於 24-9-26 00:40
你地好多仔女都打機叻，佢地都大晒，亦獨立自律。我諗我呢幾年過緊關。
同意簡單直接，寧可禁左打機，因為 ...
應該講孩子會唔會沉迷,好睇家長所做既野,反過來講太沉迷讀書也不見得係好事,就如打機有好多知識及好處可能父母都不知道,打得好都要手腳靈活頭腦清醒排兵佈陣結構安排等等,可以講腦筋運作都用唔少,衹係一知道打機就話唔好,但就冇試過同佢一起打,一起玩,一起做,這個"陪"字好多都冇真正或用心去做.
所以講父母多陪伴孩子好重要,你與他多溝通係好,但若講太多關於你工作及他未有興趣既野,反叛起來好容易會有抗拒既心,當然相信若成日都陪孩子及溝通多既父母,孩子思想定性會好很多,就算真係多玩,都唔會玩到亂而影響其他.
作者: ANChan59 時間: 24-10-2 18:39 標題: 回覆樓主：
本帖最後由 ANChan59 於 24-10-3 08:57 編輯
我自己家庭入面，CEO較擔心兒子打機，做e-commerce，投資股票。我見其他朋友嘅太太都係這種傾向，所以係有不同聲音。我哋就私下討論解決，不會讓兒子知道。
最後她肯聽我嘅意見係因為我解釋教兒子跟女兒係有不同思維，不同方法，這點她都認同，她的睇法用在兒子身上未必行得通。
另一方面係很多家長有個錯覺，好多嘢大個先學或者大個自然會識。我覺得他如果問到，我會同佢分享。例如911之後，他見到我在電視留意美股，他就問好多問題，Dow Jones，NASDAQ，S&P是什麼？股票點解會升會跌？股票跌，啲錢去咗邊度？小朋友能否買股票？我唔夠錢買一手，點樣買？什麼時候買什麼股票？
最後，他選股票，我替他買，然後變成碎股俾佢。我再用Excel 做個季度結單俾佢。
我勢估唔到佢最後會有誘因去讀QFin，做分析師，自己會投資股票。源於911的一次對話，一些行動，良性效果，疊加起來的效果。
所以我成日講exposure 係小朋友成長的養份。
作者: 加樂爹 時間: 24-10-3 09:52
本帖最後由 加樂爹 於 24-10-3 10:46 編輯
ANChan59 發表於 24-10-2 18:39
我自己家庭入面，CEO較擔心兒子打機，做e-commerce，投資股票。我見其他朋友嘅太太都係這種傾向，所以係有 ...
多謝你既分享經過, 我現在經歷緊.
中間要guide 住不太於偏離, 對我是一個責任, 須要多觀察, 用不同方法去引導佢.
家長本身心態會主導教育方法, 打機係一個點頭, 再會涉及與子女的溝通方向及范圍.
因為我性格是比較隨和, 喜歡討論, 這樣就定了要家教方向.
知識隨著成長學習, 這與成長後才學習, 會有分別, 因為佢地會試好多野, 去發問找答案.
有一次, 太太隨電視同阿仔說開"電競"發展, 對反應思想都有鍛鍊....云云...好似好投入.
阿仔最後問, 其實既然咁好, 我係咪可以抽可打多d機?!
當然, 要家長回答呢類問題一d都唔難.
困難係規限與引導發展的比重.
引導發展, 能夠去到多闊?
我反思, 或者是取決對他的"自律" 和 "能力".
很多時, 我問阿仔, 你既表現比幾多credit 我?
反饋看效果, 再修改.....循環去做.
作者: 加樂爹 時間: 24-10-3 10:36
本帖最後由 加樂爹 於 24-10-3 10:37 編輯
學校的英作是有關Halloween 的小說故事.
阿仔思索間, 問我題材意見:
1. 寫有關Halloween 的鬼故事.
2. 寫有關 Halloween Trick and Treat 既習俗
3. Halloween 既然有鬼, 為什麼沒有保護我們的聖獸?
我不知道有無第3個既傳說, 不過既然問到, 我便隨口話有, 叫佢去作D pumpkin, 糖果之類驅邪用, 便算了.
剛巧, 阿仔看了很多希臘神話, 以為順理成章, 可以cross over Halloween, 建構一只保護人類既monster.
在網上查左好多野, 搞左成4個幾鐘, 阿媽當然嘈到震天.
我就扮忙, 唔出聲, 心想阿仔若你聰明D, 既然係作故仔, 仲洗物找咁多資料.
呢個都係一個典型問題.
作者: ok_ko 時間: 24-10-3 14:49
加樂爹 發表於 24-10-3 10:36
學校的英作是有關Halloween 的小說故事.
阿仔思索間, 問我題材意見:
我們只有機會教養自己的孩子，特別是第一個，都是摸著石頭過河。
分享我的一個經驗，一個容易受別人攻擊的經驗。我小孩過了兩歲，到我認爲佢對【幻想】有概念時，我嘗試循序漸進地教佢幻想。起初是憑空想象前面有些物件，然後避開它；慢慢在家裏坐火車；去公園；後來還建立起森林。這個過程，一直要留意佢嘅變化。感覺佢又跟得上，而且有佢自己的世界了。兩歲半後，我們養起了（幻想的）動物來。佢有一隻，我有一隻。佢要告訴我，他的動物大概是怎樣的，叫什麽名字，…。
寫到這裏，提醒各位不要隨便學。只是用來説明大家有大家不同的方法。用了方法後，要對孩子觀察和跟進。
作者: ANChan59 時間: 24-10-3 15:29
加樂爹 發表於 24-10-3 09:52
多謝你既分享經過, 我現在經歷緊.
中間要guide 住不太於偏離, 對我是一個責任, 須要多觀察, 用不同方法去 ...
教養係幾各師各法，睇家長取態，兒女成熟程度，學習方式及社會氣氛等等，要靈活及彈性引導。
作者: beastiebistro 時間: 24-10-3 19:55
ok_ko 發表於 24-10-3 14:49
我們只有機會教養自己的孩子，特別是第一個，都是摸著石頭過河。
分享我的一個經驗，一個容易受別人攻擊的 ...
我覺得大家都應該參考...
作者: ANChan59 時間: 24-10-3 23:12
ok_ko 發表於 24-10-3 14:49
我們只有機會教養自己的孩子，特別是第一個，都是摸著石頭過河。
分享我的一個經驗，一個容易受別人攻擊的 ...
有趣的方法，我想如果兩歲半的兒子，應該應付不了。
作者: 加樂爹 時間: 24-10-4 08:59
ok_ko 發表於 24-10-3 14:49
我們只有機會教養自己的孩子，特別是第一個，都是摸著石頭過河。
分享我的一個經驗，一個容易受別人攻擊的 ...
或者說男士們都是在設計及摸索中去教育.
我意思係"摸底", 不斷測試, 不斷改方法.
跟子女玩完遊戲後, 會有點得著, 再有計劃.
日積月累, 大既暸解及溝通到不少.
有云 "知子莫若父，知女莫如母, 知夫莫若妻, 知臣莫若君", 係有點智慧.
作者: ok_ko 時間: 24-10-4 09:58
beastiebistro 發表於 24-10-3 19:55
很好的方法呀，我哋屋企都會做。我認為係其中一樣令我小朋友愛書嘅原因，因為文字可以化為無限想像。
我覺 ...
見笑了！我有點班門弄斧。
談到文字，我在他過了歲半，就讓他認字。從前我在EK都説過，感覺上有些網友對閃卡有偏見。在我的情況，我覺得很有效。每天三節，每節30秒。就這樣，每天1分半鐘的時間，3個月後他學會了大概100個中文單字。那時他還不到兩歲。然後，我從這100個字中做了幾句他經常會說的話，讓他看著讀出來。他讀完後的錯愕表情，我現在還記得… …。
作者: ok_ko 時間: 24-10-4 09:59
ANChan59 發表於 24-10-3 23:12
有趣的方法，我想如果兩歲半的兒子，應該應付不了。
每個小孩都不同。你懂得讓他在何時發力，免去了他很多折磨。
作者: ok_ko 時間: 24-10-4 10:00
加樂爹 發表於 24-10-4 08:59
我估你應該係爸爸, 輕鬆些說, 因為阿媽甚少會做呢D野
或者說男士們都是在設計及摸索中去教育.
作者: beastiebistro 時間: 24-10-4 10:24
ok_ko 發表於 24-10-4 09:58
見笑了！我有點班門弄斧。
談到文字，我在他過了歲半，就讓他認字。從前我在EK都説過，感覺上有些網友對閃 ...
作者: ok_ko 時間: 24-10-4 10:42
beastiebistro 發表於 24-10-4 10:24
各施各法啦。我個人係唔buy閃卡嘅，但係我就選擇自己教phonics。而且我家庭係兩歲前全英文，所以我嘅小朋友 ...
你是對的。學中文和學英文存在差異。懂phonics，平時又聼得多，小孩很快就可以看較深的英文書了。
儘管我以中文先入手，懂phonics後，他也是偏向英文書本了。
作者: beastiebistro 時間: 24-10-4 10:54
ok_ko 發表於 24-10-4 10:42
你是對的。學中文和學英文存在差異。懂phonics，平時又聼得多，小孩很快就可以看較深的英文書了。
儘管我 ...
我嘅選擇有我嘅原因（日誌有記載），主要因為我喺佢哋未出世已經plan咗初中會送佢哋去英國讀寄宿學校。
幸運嘅得着係兒子係資優，因為咁樣「XX撞棍」嘅舖排，令佢更容易領會同發揮...
作者: ANChan59 時間: 24-10-4 12:28
beastiebistro 發表於 24-10-4 10:54
都冇話對與錯嘅。
你對孩子教養方面係另類啲，不過有效果，他們及你們都開心滿意，這才是關鍵。
作者: ANChan59 時間: 24-10-4 12:30
beastiebistro 發表於 24-10-4 10:24
各施各法啦。我個人係唔buy閃卡嘅，但係我就選擇自己教phonics。而且我家庭係兩歲前全英文，所以我嘅小朋友 ...
CEO好細教他phonics ，係好有效。
我冇研究出外面學，抑或自己父母教phonics 的效果，你有冇心德。
作者: ANChan59 時間: 24-10-4 12:32
加樂爹 發表於 24-10-4 08:59
我估你應該係爸爸, 輕鬆些說, 因為阿媽甚少會做呢D野
或者說男士們都是在設計及摸索中去教育.
你最後一段很有智慧，所以父母的職責不應該被取消或者取替。
作者: beastiebistro 時間: 24-10-4 12:52
本帖最後由 beastiebistro 於 24-10-4 12:54 編輯
ANChan59 發表於 24-10-4 12:30
CEO好細教他phonics ，係好有效。
我冇研究出外面學，抑或自己父母教phonics 的效果，你有冇心德。
其實都冇咩特別心得。最主要係我同太太都放過洋，英文係native。我自己母親大人係港大英文系畢業，亦曾經短時間喺某中半山女子中學（佢母校）做高中英文老師。佢自己教我，所以我都係兩/三歲就學識phonics嘅原理。
我個人就認為家長如果明白原理，自己教事半功倍，又同時增加伴讀/互動嘅親子時間。如果家長唔曉，出去學亦無可厚非...
作者: ANChan59 時間: 24-10-4 13:02
beastiebistro 發表於 24-10-4 12:52
其實都冇咩特別心得。最主要係我同太太都放過洋，英文係native。我自己母親大人係港大英文系畢業，亦曾經 ...
我自己家中，CEO是洋文強，她負責英文，我負責中文及體育。
作者: cafeva 時間: 24-10-6 13:09
ANChan59 發表於 24-10-2 18:39
我自己家庭入面，CEO較擔心兒子打機，做e-commerce，投資股票。我見其他朋友嘅太太都係這種傾向，所以係有 ...
作者: ANChan59 時間: 24-10-6 13:53
cafeva 發表於 24-10-6 13:09
好奇問下，經過專業訓練，現時你仔睇市準D定係有經驗既你睇市準D?
他準啲，風險管理做得好好，而且他會用多些工具做hedging 或者leverage。
如果倫敦買屋唔需要我幫首期，應該好ok！
作者: ANChan59 時間: 24-10-6 14:13
cafeva 發表於 24-10-6 13:09
好奇問下，經過專業訓練，現時你仔睇市準D定係有經驗既你睇市準D?
他每個周末screen 一百幾十隻股票，然後推介一些啱我投資目標嘅股票，他more speculative ，他退休金的選股係另一回事。
你強於半新股，TMT，Semiconductor ，Fintech 及Crypto 。但clients股票唔買得。
作者: akys 時間: 24-10-8 20:53
本帖最後由 akys 於 24-10-8 21:09 編輯
我覺得每個孩子能力和性格都不同，只能揸住大方向不斷微調。不過有幾樣嘢係共通。想英文好，細细個讀phonics係一個有效辦法。多看書，幼年每晚陪讀事半功倍。電子產品越遲越好，但到中學已經好難禁止了，因為學校同學都用apps 溝通。能安排嘅話玩童軍或類似團體就更好。
我對學業要求唔高，保持中上就得，所以孩子中學階段放在電子產品時間都唔少，長輩和其他朋友都成日鬧我。因為成日講責任，佢知道考試時要收下。如果問我如果嚴啲成績會唔會好啲? 答案是一定的，但夠就算了，如其他網友講要愉快童年嘛。
最後，天份好重要，名校尤其所謂精英班有好多天份+努力同學，冇天份會好難追，會好痛苦。順其自然，不要強求。
作者: ANChan59 時間: 24-10-9 10:26
akys 發表於 24-10-8 20:53
我覺得每個孩子能力和性格都不同，只能揸住大方向不斷微調。不過有幾樣嘢係共通。想英文好，細细個讀phonic ...
本帖最後由 ANChan59 於 24-10-10 13:09 編輯
天份就冇得好講，真係可以有好大差距，教養方式都已經很不同。天份也要了解清楚，如果音樂樂有天份，冇讀書緣，夾硬追求學術也是拉牛上樹，不是強求，而是有點無知，
我們的長辈及朋友一直冇指手劃腳，可能是我太太是做教育，我們也有點學識。
作者: 加樂爹 時間: 24-10-10 10:54
akys 發表於 24-10-8 20:53
我覺得每個孩子能力和性格都不同，只能揸住大方向不斷微調。不過有幾樣嘢係共通。想英文好，細细個讀phonic ...
作者: 加樂爹 時間: 24-10-10 10:56
ANChan59 發表於 24-10-9 10:26
天份就冇得好講，真係可以有好大差距，教養方式都已經很不同。天份也要了解清楚，如果音樂樂有天份，有讀 ...
作者: ANChan59 時間: 24-10-10 21:04
加樂爹 發表於 24-10-10 10:56
你好中肯, 好全面, 教養當中有困難,情感一面都有經歷過
教養孩童一點都不容易。
作者: poonseelai 時間: 24-10-10 21:19
ANChan59 發表於 24-10-9 10:26
本帖最後由 ANChan59 於 24-10-10 13:09 編輯
天份就冇得好講，真係可以有好大差距，教養方式都已經很 ...
所以我讚姜濤媽咪會陪個仔去追夢
作者: ANChan59 時間: 24-10-10 21:31
poonseelai 發表於 24-10-10 21:19
所以我讚姜濤媽咪會陪個仔去追夢
我沒有追這些新聞，不太了解。
作者: poonseelai 時間: 24-10-10 21:35
ANChan59 發表於 24-10-10 21:31
我沒有追這些新聞，不太了解。
本帖最後由 poonseelai 於 24-10-10 21:47 編輯
姜濤正正係你講讀書唔成, 熱愛表演, 他媽媽無迫佢去讀書, 仲陪佢去參加比賽, 當時未夠18歲
作者: ANChan59 時間: 24-10-10 22:45
poonseelai 發表於 24-10-10 21:35
本帖最後由 poonseelai 於 24-10-10 21:47 編輯
姜濤正正係你講讀書唔成, 熱愛表演, 他媽媽無迫佢去讀 ...
I see.
| 歡迎光臨 教育王國 (/) |
Powered by Discuz! X1.5 |