教育王國
標題: 教育局終於正視問題 [打印本頁]
作者: 天外之人 時間: 24-9-11 16:47 標題: 教育局終於正視問題
本帖最後由 天外之人 於 24-9-11 16:49 編輯
講了咁多年,終於睇到教育局正視了整個教育制度根本問題,開始著手改善幼稚園方向.但要真正改變到家長『望子成龍』『望女成鳳』心態,小學方面都一定要去改善,特別階級觀念.
https://news.tvb.com/tc/local/66e11d685a5edaf9a8c6ae52/%E6%B8%AF%E6%BE%B3-%E6%95%99%E8%82%B2%E5%B1%80%E6%8C%87%E5%A4%9A%E9%96%93%E5%B9%BC%E7%A8%9A%E5%9C%92%E9%AB%98%E7%8F%AD%E8%AA%B2%E6%A5%AD%E8%89%B1%E6%B7%B1%E4%BF%83%E4%BF%AE%E6%AD%A3-%E6%A5%AD%E7%95%8C%E6%8C%87%E5%B9%BC%E7%A8%9A%E5%9C%92%E6%95%99%E8%82%B2%E4%B8%8D%E6%87%89%E5%B0%8F%E5%AD%B8%E5%8C%96
作者: stillgood20 時間: 24-9-11 17:00
天外之人 發表於 24-9-11 16:47 
講了咁多年,終於睇到教育局正視了整個教育制度根本問題,開始著手改善幼稚園方向.但要真正改變到家長『望子 ...
你真覺得家長會減少/舒緩競爭？
教育局不去做.
家長自已去做.
執輸行頭.慘過敗家: 是香港精神啊！
作者: 天外之人 時間: 24-9-11 17:08
本帖最後由 天外之人 於 24-9-11 17:16 編輯
stillgood20 發表於 24-9-11 17:00
不要期望過高？
你真覺得家長會減少/舒緩競爭？
教育局不去做.
所以我講這個開頭未係完善,之後所講那個才是重點. 但世事所有野都係先要有踏出既第一步,連第一步都唔敢踏出,何來走上更好既路.
且我都冇咩特別太大期望,始終我都已經不用再面對這方面既問題,我衹係講出咁多年睇到既野,教育制度攪好啲,對未來既小朋友能真真正正享受學習都係好.同埋成日都將香港精神亂咁用,且現實中行梗所謂既執輸行頭.慘過敗家既宗旨,好多最後都失望而回,更間接做成好多唔上唔落及品德唔好既人才出現.
作者: poonseelai 時間: 24-9-11 18:33
天外之人 發表於 24-9-11 16:47
講了咁多年,終於睇到教育局正視了整個教育制度根本問題,開始著手改善幼稚園方向.但要真正改變到家長『望子 ...
鳳係雄性呀
作者: 天外之人 時間: 24-9-12 09:59
本帖最後由 天外之人 於 24-9-12 10:05 編輯
poonseelai 發表於 24-9-11 18:33
鳳係雄性呀
所以太死板執著就係局限自己思維,我不知分咩性別,衹係按好多文化人所舉例子而已,若然真係咁執著,之前那些文化人所講出來又唔見反駁,
https://www.google.com.hk/search?q=%E6%9C%9B%E5%AD%90%E6%88%90%E9%BE%8D%E6%9C%9B%E5%A5%B3%E6%88%90%E9%B3%B3&sca_esv=708ca891a389fdf3&sca_upv=1&sxsrf=ADLYWILd5oZEqu8p3_gmx6Al6_VNvDYOlQ%3A1726106042710&source=hp&ei=ukniZpbQJ5-rvr0P4ZCo-A0&iflsig=AL9hbdgAAAAAZuJXymv-H2XmU5jtNZgQsHSSsQRxwMIa&oq=%E3%80%8E%E6%9C%9B%E5%AD%90%E6%88%90%E9%BE%8D%E3%80%8F%E3%80%8E%E6%9C%9B%E5%A5%B3%E6%88%90%E9%B3%B3%E3%80%8F&gs_lp=Egdnd3Mtd2l6IiTjgI7mnJvlrZDmiJDpvo3jgI_jgI7mnJvlpbPmiJDps7PjgI8qAggAMggQABiABBiiBDIIEAAYogQYiQUyCBAAGKIEGIkFSN0YUABYAHAAeACQAQCYAW-gAW-qAQMwLjG4AQPIAQD4AQL4AQGYAgGgAneYAwCSBwMwLjGgB9gB&sclient=gws-wiz
作者: akys 時間: 24-9-12 12:26
儒家文化嘅核心。中國，日本，韓國，新加坡都一樣。 除非大刀闊斧，破舊立新，否則可見未來幾十年都改變唔到。心態變唔到就會行前一步退兩步。
作者: poonseelai 時間: 24-9-12 12:49
天外之人 發表於 24-9-12 09:59
所以太死板執著就係局限自己思維,我不知分咩性別,衹係按好多文化人所舉例子而已,若然真係咁執著,之前那些 ...
我睇陸小鳳已知鳳係雄性啦
作者: akys 時間: 24-9-12 13:26
鳳（男）求凰（女）
作者: 加樂爹 時間: 24-9-12 14:14
本帖最後由 加樂爹 於 24-9-12 15:12 編輯
akys 發表於 24-9-12 12:26
儒家文化嘅核心。中國，日本，韓國，新加坡都一樣。 除非大刀闊斧，破舊立新，否則可見未來幾十年都改變唔 ...
你意思係如果孔子在生, 都會求考功名, 把思想及知識放在次要的一種手段?
我看法是國家/社會立國之根基是什麼, 會影響到對教育的態度.
如果社會是:
- 長年打扙, 肯定重武輕文
- 有很好福利, 肯定養懶人
- 以文化輸出, 例如音樂, 電影, 設計...呢D無話讀多書就叻既學科, 肯定出左班日日去思想吹水既人
- 日日去講保育既, 社會肯定對發展要求不高, 而著重社會規劃, 生活閒適,
...很多年前老話, 去外國前讀水電, 維修, 可以過活, 咪引到不管你怎樣學歷, 都很滿足去讀.
事實上, 誰說工科不出頭? 你去看德國的工種, 薪金, 有看不起誰嗎?
你去內地看, 有些讀工科的, 看經濟不好, 回老鄉去種中成藥, 當然是政府的推動, 不要少看, 若中藥本身沒有好的種植, 那不用講什麼功效了.
其實, 社會發展行業夠闊, 媒體把不同人及事正面介紹, 讓人明白如何尋找自己發揮地方, 對自己, 對多元化社會都是好事. 學校教育能夠多方面支援社會職場需求最是理想, 若然未做到, 亦不致於被完全歸究成問題主因.
作者: akys 時間: 24-9-12 16:18
本帖最後由 akys 於 24-9-12 16:22 編輯
加樂爹 發表於 24-9-12 14:14
你意思係如果孔子在生, 都會求考功名, 把思想及知識放在次要的一種手段?
我看法是國家/社會立國之根基是什 ...
孔子周遊列國，都係想搵戶好人家啫。科舉隋代才出現，孔子唔使考試，可以專心做私學養家和做學問。 而且求考功名和做學問未必一定有衝突。 （後記： 2000年前冇考試又可造就孔子老子墨子孫子。。。等等學者， 可以考慮取消考試，就近入大學，學科就抽籤， 可能係教育上一個突破）
『書中自有黃金屋，書中自有顏如玉』讀好書有錢有老婆， 我諗大部分人都聽過父母，長輩，老師講過， 幾百幾千年灌輸應該已經植入骨子裡，好難改變，尤其對『讀書脫貧』有憧憬嗰啲家長。
作者: poonseelai 時間: 24-9-12 16:55
akys 發表於 24-9-12 16:18
孔子周遊列國，都係想搵戶好人家啫。科舉隋代才出現，孔子唔使考試，可以專心做私學養家和做學問。 而且求 ...
一說法係孔子周遊列國也找不到好人家落戶,才回老家,如果當日有君主認同孔子那一套, 他可能封候拜相, 而不是萬世師表
作者: ANChan59 時間: 24-9-12 20:06
poonseelai 發表於 24-9-12 16:55
一說法係孔子周遊列國也找不到好人家落戶,才回老家,如果當日有君主認同孔子那一套, 他可能封候拜相, 而不 ...
細個時，家父教我 - 「有狀元學生，冇狀元先生。」
作者: poonseelai 時間: 24-9-13 10:38 標題: 回覆樓主:
"萬般皆下品，唯有讀書高"是不少華人的嘅念，但幾時開始越來越深？同直資出現有無關係？以前大部分人都係讀官津，只有少數入私校，而家普遍家庭資源多咗，家長學歷高咗，變成越學越深？我聽過升K2唔識寫我們已經好遲，K3背乘數表，嚇死我
作者: cafeva 時間: 24-9-13 11:47
一向教深都係私幼, 政府都管唔到啦
作者: 天外之人 時間: 24-9-13 11:49
本帖最後由 天外之人 於 24-9-13 11:49 編輯
poonseelai 發表於 24-9-13 10:38
"萬般皆下品，唯有讀書高"是不少華人的嘅念，但幾時開始越來越深？同直資出現有無關係？以前大部分人都係讀 ...
其實"萬般皆下品，唯有讀書高"同直資應該冇咩關係,直資衹不過唔用本地教學模式改用可自由選擇性既教學模式.正正因為咁既教學自由方式,做就出孩子在學習上越來越失敗及有競爭性,唔可以享受到真真正正學習既教育.當然有些因越級學習在知識上比他人及他國效率好,但造就出衹著重分數既學習與及容易有狗眼看人低既心態出現.所以我由始至終都講整個教育制度出問題,最重要部份就係幼稚園及小學.講了咁多年,終於開始做事.
這句說話古時應都不是代表讀書好既方面,衹係說明工作上不論怎麼行業都係皆下品,衹有做到官先可以人人奉為上品,點樣做到官,平民百性就衹有參加科舉才可以, 反而這句"知識改變命運"比"萬般皆下品，唯有讀書高"更加好,當然我就唔會比喻在將來工作上所用,衹係一個人有知識總比冇知識為好及更加比其他人機會高,當然行行出狀元,唔一定讀書好就有機會,所以我會改為"萬般皆平等,讀書出路多",
作者: beastiebistro 時間: 24-9-13 11:53
poonseelai 發表於 24-9-13 10:38
"萬般皆下品，唯有讀書高"是不少華人的嘅念，但幾時開始越來越深？同直資出現有無關係？以前大部分人都係讀 ...
不過諗下都知冇可能。「我讀完碩士博士高薪厚職，冇理由我小朋友係天生揸巴士喎，我點都要谷到佢入牛劍先得啦... 你學校唔俾我谷，我咪自己請家教谷囉... 根本冇解決過問題...」
作者: 天外之人 時間: 24-9-13 11:54
cafeva 發表於 24-9-13 11:47
一向教深都係私幼, 政府都管唔到啦
作者: poonseelai 時間: 24-9-13 12:09 標題: 回覆樓主：
本帖最後由 poonseelai 於 24-9-13 12:10 編輯
直資要考入去喎, 入到才可享受自由D學習, 要考到就要提前谷啦, 父母資源多咗就會考慮直資, 私校和國際
父母心態當然係重點, 唔敢講完全唔關學校事, 如何選學生會影響父母如何準備孩子去考學校
作者: cafeva 時間: 24-9-13 12:15
poonseelai 發表於 24-9-13 12:09
直資要考入去喎, 入到才可享受自由D學習, 要考到就要提前谷啦, 父母資源多咗就會考慮直資, 私校和國際
父 ...
作者: 天外之人 時間: 24-9-13 12:38
本帖最後由 天外之人 於 24-9-13 12:40 編輯
poonseelai 發表於 24-9-13 12:09
直資要考入去喎, 入到才可享受自由D學習, 要考到就要提前谷啦, 父母資源多咗就會考慮直資, 私校和國際
父 ...
所以咪造就出私幼越級去學野既問題出現,更因此影響到正常津貼學校唔夠學生問題而縮班甚至殺校,感覺都會因此而影響教學質素. 更何況直資雖然自由D學習,但唔代表輕鬆,且仲會為了名聲更加越級,不論追唔追得上都自然又令家長付出額外資源在補習方面彌補問題,唔係點會可以有亮麗既表比家長睇而選擇入學就讀(攪到津貼都係要咁做).
所以我係支持政府,因應現在庫房緊湊,直資學校不用再給資源,這些學校都可以在學費及商業機構贊助去教學,且因應越級教學書本上同津貼學校既不同,直資更可以專注全都係去考IB既考試,唔需要涉足本地既DSE,那就不會出現不公平既考試. 當然大前提大學選生分配同津貼中小學校一定要銃一才可以,要做到這樣肯定還要一定既時間,這亦都可以改善了家長們煩選來選去得個吉既學校心態,會否到2047年就到時再看吧.
作者: 加樂爹 時間: 24-9-13 12:43
春秋時代, 百家爭嗚, 謀士爭相到各國輸出自己思想, 單純是為利, 或成就自家流派, 我不敢自己下定論, 始終所知不多, 要把萬世師表拉下神壇, 不會單用一兩個自想論點, 怕自己把黑白混淆, 所以留一個餘地較好.
不過, 肯定的事實是:
1. 自古文人都不是單吃素的人, 不是神佛, 去sell 自己思想不是奇怪.
2. 肯定孔子沒有為到要符合別國喜好, 把自家的思想更改, 為求受聘, 去屈就, 這不是文人的骨風嗎?
3. 儒家核心思想, 應核沒有目標為本呢家野.
我明白很多人 (old saying), 香港教育的問題, 在於中國人大都受儒家思想影響, 甚至把韓國人, 日本人, 新加坡人有著此現象, 都拉上受儒家思想影響....我認為這是一個錯誤的認知, 當問題根源是錯, 解決方向是錯, 好像是要把儒家拋掉, 才能重新? 喂, 若方向錯, 把主位搞錯, 除了負面去看每個教育改革, 好像是要廢掉自己原生的價值觀, 才能解決問題?
我沒有批評意思, 只是我覺得如我前所說的, 社會發達之本, 與教育方向的影響, 比之儒家文化有更大影響.
把這個謬誤拿走了, 教育的方向不用等幾十年去除自我, 而是考慮能否討論方法及實行到的問題.
作者: 加樂爹 時間: 24-9-13 13:58
本帖最後由 加樂爹 於 24-9-13 14:05 編輯
加樂爹 發表於 24-9-12 14:14
你意思係如果孔子在生, 都會求考功名, 把思想及知識放在次要的一種手段?
我看法是國家/社會立國之根基是什 ...
大家討論, 錯對沒關係, 才會大膽拋出來討論.以下我說的不是什麼道理, 只是在座車時想到的一些.
若果依上所想, 社會/國家立足之點夠大夠闊, 媒體懂得識別思想, 傳出正確觀念給大眾 (這要比儒定思想更確實影響), 我會這樣看教育發展.
1. 以往阿媽年代, 免費教育到中三, 只有一條路, 談不上與社會有何關係, 當然在有限的學位上, 而引致壓迫性向上游的田鴨式教育, 只是當時社會連兩餐都困難, 加上重男輕女, 所以壓力好像不大, 而不是因為當時人受到儒家思想較現在的人小, 所以家長沒用心強逼在孩子教育.
2. 之後, 由HKCEE年代到DSE, 普遍覺得是家長越是清楚遊戲玩法, 越是增加自身壓力, 見EK近來的貼文, 沒有了你們以前怎麼培育孩子題文, 更多是怎樣插班去神校的帖文, 補習那個最好, 真正想子女要什麼, care 那個部份?
想真一下, 真係每個人都有資質去某方面既專才? 更中肯說, 了解自己長處只符合某方面的專才...
過去30年, 做明星普遍好似跑贏大部份成績好的讀書人; 做小生意好呀, 不過risk lover 呢D性格從小沒陪養; 做銷售好過安安定定做文職, 不過心裡面不能接受不穩定環境; 那些寧可坐上了大公司, 做流程一部份, 不願意去試下初創企業了.
想下, 是否每個人都想向上游? 你看畢業後, 有幾成人會再進修?
進修什麼學科及人數, 可以比較公道反映認為讀書是前路的重要性.
其實好多人根本不是那麼aggressive 的人生, 人生有好多野更精彩, 你驕傲自己人工職級高, 後生個代唔care, 甚至覺得你好傻, 多多道理. Lift style 是我出來做事後, 見到很多本應有才能的人, 選擇了自己合節奏的人生... 沒有對錯.
讀書去爭, 只係因為這個機制, 自己把上面的一切都可以唔想, 只單併成績, 學校排名, 自己與無關系的事情作比較, 而所引致的不安!
想下, 搭飛機教你有序疏散, 就是事先要你明白刻服心理恐懼, 不會胡亂去爭迫, 而不是單靠一個機制.
為什麼教育, 媒體, 家長, 社會, 會疏忽了這點?
社會由上而下的協調教育是重要的, 家長唔明要什麼, 了解自己孩子, 了解教育可以看到什麼前景.. 只有死逼下去.
作者: akys 時間: 24-9-13 14:10
beastiebistro 發表於 24-9-13 11:53
對，所以搞錯咗重點。根本問題在家長，唔關啲學校事，政府點搞啲學校都唔會改變家長心態。要解決問題，最好 ...
制度，學校，家長互相影響。三方之中，家長最被動，睇住頭兩點來應對， 亦比較根深蒂固，相對難於改變。 當制度係推崇精英主義，學校又可自行擇優而教，家長只會選擇（自己認為）對孩子前途最有利嘅做法。每隔幾年就會出現一種片，某某虎爸虎媽成功把孩子們送入XX名校，跟住話唔覺得孩子辛苦，而且『吃得苦中苦，方為人上人』，呢類影片受眾唔少㗎。
眾生唔平等，父母就想要冇咁叻嘅孩子將勤補拙，可惜火位拿捏唔容易。
又去到如何改變父母（其實係市民）心態呢樣嘢，我比較悲觀， 覺醒者始終少於遊戲參與者。制度，印象（職業歧視），文化（儒家文化）非輕易可以改變。
作者: beastiebistro 時間: 24-9-13 14:19
akys 發表於 24-9-13 14:10
又去到如何改變父母（其實係市民）心態呢樣嘢，我比較悲觀， 覺醒者始終少於遊戲參與者。制度，印象（職業歧視），文化（儒家文化）非輕易可以改變。 ...
我掉返轉咁睇件事，我認為應該大幅降低大學學位，有咁精英得咁精英（好似幾十年前）。咁家長慢慢可以接受返只有真正讀得書嘅先應該上大學，其他高中畢業出嚟做嘢，學門手藝係好平常嘅事，冇咗歧視。
當然係個人睇法。
作者: cafeva 時間: 24-9-13 14:46
beastiebistro 發表於 24-9-13 14:19
我同意㗎，所以我認為點改教學制度都冇用。無論係冇受過教育嘅家長，以至飽讀詩書嘅父母，其實最後都唔會接 ...
作者: beastiebistro 時間: 24-9-13 14:51
本帖最後由 beastiebistro 於 24-9-13 15:06 編輯
cafeva 發表於 24-9-13 14:46
咁阿董生點解增加大學學位既呢?
董生根本唔識教育。
佢將個責任交俾又係唔識嘅梁錦松就係教改禍端嘅開始。
而且增加大學學位好「聽」吖嘛，有咩人會唔拍手呢？（除咗我呢啲多事，會諗多幾步嘅人）...
作者: cafeva 時間: 24-9-13 14:56
beastiebistro 發表於 24-9-13 14:51
董生根本唔識教育。
佢將個責任交俾又係唔識梁錦松就係教改禍端嘅開始。
作者: beastiebistro 時間: 24-9-13 15:05
cafeva 發表於 24-9-13 14:56
我都好唔贊成直資. 香港咁細, 如果中小學全港統一大抽獎咁就學校學生家長都無哂壓力啦.
...
其實我又掉翻轉，我認為應該全面學券制，全部學校都自主收生。學校想收夠學生嘅資助去營運，自己諗辦法去提升。唔得嘅市場自然會淘汰，辦得好嘅自然年年排長龍。
當然又係我個人睇法。
作者: cafeva 時間: 24-9-13 15:08
beastiebistro 發表於 24-9-13 15:05
我認為想提供選擇唔係錯，錯在直資又可以攞政府資助又可以收學費，仲可以自主收生同埋有某程度嘅課程自主。 ...
作者: beastiebistro 時間: 24-9-13 15:10
cafeva 發表於 24-9-13 15:08
咁咪仲大壓力?
起碼呢個方式，學校局住做嘢，否則聽執。
作者: stillgood20 時間: 24-9-13 15:11
本帖最後由 stillgood20 於 24-9-13 15:16 編輯
beastiebistro 發表於 24-9-13 14:19
我同意㗎，所以我認為點改教學制度都冇用。無論係冇受過教育嘅家長，以至飽讀詩書嘅父母，其實最後都唔會接 ...
個人手藝？真係有無嫁.
前幾日.睇YT一個音響視頻.
訪談一位香港古小提琴製作師.
據他自己說:
他已經是奧地利認許專業小提琴演奏級樂手.
也是美國著名制作古小提琴名師.學習了世界現存無幾人能懂製古琴.
目測一個大約500尺新蒲崗工厦workshop,
工作和生活範圍.
兩對屏風喇叭.一些音響器材...
一年只製幾支琴.
自嘘造出來的琴. 音色媲美百萬元大師作品.
CP值很高. (P.S. 我絕對相信.並且拜服.但給人感覺這匠人的潦倒. 跟現實脫節)
我係無聊人.
我真係去思考佢講ge製作工藝.
秘密技巧在那.
怎樣破解？
其實. 有錢人係無CP值的概念.
（所以.他思維上.生活上. 遇上困難.可能其中一個原因)
一一一一一
現在這世界.
已經快到想像唔到.
不要期望.用一d教育.教育界去.製作效果.
黑神話悟空7日打掉了1.5億元的Concord.
iPhone16 仲用垃圾袋颜色做機売. 可憐！
一一一一一
家長.
總之.
各師各法.
學校只係一個教育場所.
作者: beastiebistro 時間: 24-9-13 15:15
stillgood20 發表於 24-9-13 15:11
個人手藝？真係有無嫁.
前幾日.睇YT一個音響視頻.
作者: stillgood20 時間: 24-9-13 15:29
beastiebistro 發表於 24-9-13 15:15
咁整水喉冷氣揸巴士暫時都要有人做，有幾多大學畢業生會肯紓尊降貴去做呢？從前去做呢啲其實都係工一分。 ...
話說兩三星期前.
陪太太去家庭醫生例行檢查.
三十年相識嘅醫生.
檢查完畢後.
佢講開佢自己最近.
參加了健身.
有教練指導.
效果唔錯. 醫生以前一直跟我哋提嘅健步運動.
對身體有好處.
我話: 你做嘅係負壓運動.
呢個負壓運動.我經常做.
好似幫姨仔維修舊樓剝落天花.
換抽氣扇.
批牆油漆.
最近去通水管.
我跟醫生講:
通水管.好似心血管通波仔差唔多.
有物理性.
有藥理性.
有結構性.
我完全清楚由洗碗盤整個排水系統.
如何倒塞嚴重.整套排水喉.
我都識換走去.
我講緊做嘅粗重嘢.
其實就係等同醫生建議嘅負壓運動.
我老婆成都以為我係傻㗎.
咩都話要自己做.
一一一一一一一
工藝.
已經唔係話.
你想去做.
就去做.
未來更難.
作者: beastiebistro 時間: 24-9-13 15:34
stillgood20 發表於 24-9-13 15:29
好多野.意義兩字.可以有很大不同理解.
話說兩三星期前.
從來冇講過去學「工藝」，除非自己想...
作者: poonseelai 時間: 24-9-13 16:03
beastiebistro 發表於 24-9-13 15:05
我認為想提供選擇唔係錯，錯在直資又可以攞政府資助又可以收學費，仲可以自主收生同埋有某程度嘅課程自主。 ...
多年前已有人提出$跟學生走
作者: beastiebistro 時間: 24-9-13 16:07
本帖最後由 beastiebistro 於 24-9-13 16:11 編輯
poonseelai 發表於 24-9-13 16:03
多年前已有人提出$跟學生走
係呀，我意思唔係我諗出嚟，只係冇咩人了解或者贊同。
而且，教育界（官津學校）梗係唔制。要對營運負責喎，咁咪要「做」嘢？唔可以懶懶閒求求其得過且過...
作者: stillgood20 時間: 24-9-13 16:12
beastiebistro 發表於 24-9-13 15:34
明呀，所以我話「手藝」。我以為一般理解都係啲技術工作...
謝謝了！
作者: poonseelai 時間: 24-9-13 16:22
beastiebistro 發表於 24-9-13 16:07
係呀，我意思唔係我諗出嚟，只係冇咩人了解或者贊同。
私人機構做唔掂自會被淘汰, 但好似不能用這概念在學校
作者: beastiebistro 時間: 24-9-13 16:25
poonseelai 發表於 24-9-13 16:22
私人機構做唔掂自會被淘汰, 但好似不能用這概念在學校
作者: beastiebistro 時間: 24-9-13 18:41
stillgood20 發表於 24-9-13 16:12
明眼人.都睇到手藝係死路.越走越窄.
謝謝了！
我認為就算呢個世界大部份工由AI取代，都要有人整水喉，都要有人整冷氣，反而呢啲「手藝」先至抵得住時代變遷。
再重申一次，我理解「手藝」嘅意思係學一門技術（木工／水電／揸貨車等），我相信大部份有啲年紀嘅都應該唔會誤會我話學做藝術家啩...
作者: twobirds 時間: 24-9-13 18:50 標題: 回覆樓主：
本帖最後由 twobirds 於 24-9-13 18:55 編輯
本帖最後由 twobirds 於 24-9-13 18:55 編輯
木工／水電／揸貨車等…這些工種一向都有人做，收入都唔差。點解講到冇人肯做咁？
父母望子靠讀書成就人生，望得幾多年呢，時間最後都會令人接受現實，時間一到，該消耗嘅消耗完了，該清醒時就清醒，咁咪得囉。
這些工種早一年，遲幾年學都冇問題。
作者: poonseelai 時間: 24-9-13 20:35
beastiebistro 發表於 24-9-13 18:41
其實我唔同意。
我認為就算呢個世界大部份工由AI取代，都要有人整水喉，都要有人整冷氣，反而呢啲「手藝」 ...
我理解手藝同你一樣
作者: ANChan59 時間: 24-9-13 20:45
beastiebistro 發表於 24-9-13 18:41
其實我唔同意。
我認為就算呢個世界大部份工由AI取代，都要有人整水喉，都要有人整冷氣，反而呢啲「手藝」 ...
Loud and clear
作者: stillgood20 時間: 24-9-13 21:45
beastiebistro 發表於 24-9-13 18:41
其實我唔同意。
我認為就算呢個世界大部份工由AI取代，都要有人整水喉，都要有人整冷氣，反而呢啲「手藝」 ...
我試過一個人托出一部匹半窗口冷氣機.
去通排水.
好多手藝.我一直有留意.
只係揸筆ge人.不去嘗試去做.
理解不到.手藝的價值.
所有手藝都在進化中.
其中.工具運用. 工具改進.工具的價錢便宜.
更加上.網上學習.網上分享.
做手藝也在進步.
而且.有不進則退之感.
一一一一一
我媽媽去年底走了.
胞弟收到房子.
房子也有點殘破.
弟弟想維修一下.以便租出.
我說: 是是但但.叫個裝修師傅.無十萬蚊.無人有興趣.
房子的維修. 如果不是要求高.
我教弟弟做.
我弟經濟學博士教書.
不懂手藝.
我細說各手藝細節.
有一些手法和改進.
機本上可以做到6成效果.
下星期一.我花一兩天.把需要的.再整理一下.
便達8成了.
一一一一一
有得揀.
真心不建議去入職這些手藝.
如果當興趣.都唔錯.
特別.當留意到工具不斷改進.
幾過瘾.
一一一一一
在外國. 技術人員貴.
有d人就好有興趣.
特別有d德國人.
車房workshop, 連屋都起得出嚟.
一一一一一一
係e個話題上.
我ge睇法. 可能跟大家不一樣的.
作者: beastiebistro 時間: 24-9-13 23:12
本帖最後由 beastiebistro 於 24-9-14 16:33 編輯
stillgood20 發表於 24-9-13 21:45
你有無試過整冷氣機？
我試過一個人托出一部匹半窗口冷氣機.
去通排水.
唔緊要。你整到冷氣，裝修到屋企，甚至揸到貨櫃車拖頭你叻，唔代表市場冇需要。
有時唔可以太離地咁認為每個人都可以自己整冷氣，就算有啲真係得，佢都可能覺得冇咩需要攞苦嚟辛，俾錢揾人搞就得啦...
我嘅睇法係唔係人人適合讀大學。In fact，適合讀大學嘅人其實少之又少。一部份人入大學讀mickey mouse degree，讀完又覺得自己係大學生，唔可以紓尊降貴去做體力勞動工。其實最好就係早啲分流，呢批人去咗啲適合佢天生能力做嘅嘢。社會資源唔會錯配，學生唔會嘥咗時間，家長唔會歧視某啲工種。
作者: akys 時間: 24-9-13 23:17
本帖最後由 akys 於 24-9-13 23:51 編輯
cafeva 發表於 24-9-13 14:46
咁阿董生點解增加大學學位既呢?
當年阿松，沙皇，羅范負責教改。 三人都極推崇美式教育，講過要將教育『產業化』， 可以賺大錢。同期產業化嘅仲有醫療服務。按佢哋諗法，而家幾成學生來自境外，大學收入甚豐，而且大學全球排名都不俗－－大成功－－
至於會唔會大學生氾濫，我諗佢哋當時冇諗過，或者覺得香港會無止境發展，能消化所有大學生啩。始終那時候香港四小龍之首，貨運／空運世一，世界金融中心首3，3間大學亞洲區排前列， 外國企業亞洲區總部首選。。。。
作者: twhkleung 時間: 24-9-14 01:46
本帖最後由 twhkleung 於 24-9-14 01:53 編輯
akys 發表於 24-9-13 23:17
當年阿松，沙皇，羅范負責教改。 三人都極推崇美式教育，講過要將教育『產業化』， 可以賺大錢。同期產業 ...
同意.
要教育『產業化』其中一样野一定要做的, 就是投入海量的经费去research (foundation/theory 同application都要), HK也有投入大量经费, 但多半是去了prof的人工, 相信Oxbridge / MIT / Stanford的Prof人工都比唔上HK 的prof一半, 咁, 重剩番几多钱落到个project道?
雖然话3大5大8大排名都鬼甘高, 我地HK人好似好叻好有面, 但实際呢? 有边d 科研成果係同个排名咁成比例地影响住个世介?
好似E科咁,以经係只有HK精英中的精英才能入讀, 年年d 狀元, SPCC/DGS都好似feeder咁入去, 幾十年來如事, 但,结果呢? d 有钱人有(大)病, 就飛哂去外面e, 此终, 平时 講到天花龍鳳都好,去到命仔关头, 还是信些排名低的研究成果, 而唔信自己咁高排名, 又只有精英中的精英的成果. (有冇听过边过外國有钱佬來HK 享受HK的高排名研究成果呢? e.g., E病?)
作者: stillgood20 時間: 24-9-14 08:06
beastiebistro 發表於 24-9-13 23:12
唔緊要。你整到冷氣，裝修到屋企，甚至搾到貨櫃車拖頭你叻，唔代表市場冇需要。
有時唔可以太離地咁認為每 ...
但是. 方向是否走向下流/下游的.
比如.老同學兒子三幾年前劍橋讀純數.
其實成績都唔錯.但去唔到1st hon.
我話: 點解唔轉去新科目.
最終.Master時轉了讀modelling.
咁.即係同我細囝Asso Data Science,...
有咩分別.
我只係講香港. 向新.向廣. 向深....都可以分流.
靚仔靚女口才好. 可以做KOL,
大隻. 去訓練運動 . 做教練.
打遊戲叻. 又可發展.
時代唔同.
知識(不是教育)會改變.
手藝.
有幾多後路？
有幾多效益.
一一一一一
昨天.幫細囝去深水埗拿電腦去維修.
位師傅跟我差不多年紀.
我畀部機佢維修.
大家都認同.
宜家. 什麼新設備都模組化.
維修方法不同.
我話. 之前HP(品牌. 1年即壞兩次.好彩有保修)
第二次買華碩.兩年保修.
下次. 一定買機.有三年保修.
就唔會出街搵師傅去整.
除了模組化. Mass production 和產品更新.
機械產品更便宜. 維修價值低.
我們之間. 有幾多手藝慢慢消失和轉形.
作者: ANChan59 時間: 24-9-14 08:19
beastiebistro 發表於 24-9-13 23:12
唔緊要。你整到冷氣，裝修到屋企，甚至搾到貨櫃車拖頭你叻，唔代表市場冇需要。
有時唔可以太離地咁認為每 ...
我讀HD的時候在理工的工業中心實習好長時間，所以修理冷氣機係冇問題，手鎚銼風電焊，鉋鑼車床都識得。正如你所講點解唔交俾更有技術的師傅來做，自已做更善長的事及專業，機會成本！
我是被分流出去，然後走另一條較迂廻的路，回到主流的目標，分流都重要有multiple exits and multiple entry points 就可以。過程中父母沒有太多角色，是在讀MBA課程時，他們在金錢上的支持，我才可以達成目標。
我覺得最失敗，但又不去改嘅係AD，當時只係臨時降低年青人失業率，HD比較可取，較實在。
作者: ANChan59 時間: 24-9-14 08:28
stillgood20 發表於 24-9-14 08:06
我完全理解你對分流的概念.
但是. 方向是否走向下流/下游的.
分流不等於下流，正如我上面所講，教育制度及資歷架構有multiple entry points 就可以上流。
分流之後，學習及工作經驗都可以讓學生再想清楚自己想怎樣走下去。好過掛過大學畢業，但實力可能跟不上去，特別係冇專業資格的課程，課程，考核，合格率都係好sexy！
作者: poonseelai 時間: 24-9-14 08:30
stillgood20 發表於 24-9-14 08:06
我完全理解你對分流的概念.
但是. 方向是否走向下流/下游的.
有時世界發展方向又唔一定只得單向嘅, 當人人上網download和聽歌, 以為實體唱片CD死梗, 近日CD銷量超越download
而家AI發展咁快, 可能取代modeling 快過大部分手藝
作者: stillgood20 時間: 24-9-14 09:15
ANChan59 發表於 24-9-14 08:28
分流不等於下流，正如我上面所講，教育制度及資歷架構有multiple entry points 就可以上流。
分流之後， ...
手藝可以升華去工藝.
各行各業面對社會和科技改變而進化.
作者: stillgood20 時間: 24-9-14 09:23
poonseelai 發表於 24-9-14 08:30
有時世界發展方向又唔一定只得單向嘅, 當人人上網download和聽歌, 以為實體唱片CD死梗, 近日CD銷量超越dow ...
我唔識得搭你.
作者: beastiebistro 時間: 24-9-14 09:52
本帖最後由 beastiebistro 於 24-9-14 11:20 編輯
stillgood20 發表於 24-9-14 08:06
我完全理解你對分流的概念.
但是. 方向是否走向下流/下游的.
Sorry, 我諗你都唔係好明我意思。
1. 點解分流就係下流呢？點解你要歧視技術工作呢？
2. 其實嚴格嚟講，我認為唔讀大學去做運動教練（或者舒適寶嗰隻）甚至拍片做KOL、打電競都只係一門「手藝」。你可以話時代變咗，所以手藝涵蓋嘅範圍都變咗。其實最終都係「唔讀大學」，搵啲自己能力做到嘅「手藝」去學去做。
我嘅討論重點係唔係人人適合讀大學，又或者唔係人人適合喺18歲入大學。有啲人（我甚至覺得大部分人）根本唔應該18歲入大學，而係應該揾樣「技藝」去學/做（費事再嘥時間喺個interpretation喇）。技藝係咩我好open，但我唔會歧視整冷氣，講到佢係下流，令到想揀佢嘅人覺得難受。
作者: ANChan59 時間: 24-9-14 10:12
stillgood20 發表於 24-9-14 09:15
如果.按你的評估.手藝屬於上.中.下游？
手藝可以升華去工藝.
你可苦扁低手藝呢？
廚師，畫家都有中高低，係睇人嘅造旨，修養。
我以為上下游係講供應鏈，點解你咁樣形容？
作者: stillgood20 時間: 24-9-14 10:46
ANChan59 發表於 24-9-14 10:12
你可苦扁低手藝呢？
廚師，畫家都有中高低，係睇人嘅造旨，修養。
一個長期參與手藝/工藝的.
會睇低手藝？
好矛盾啫
作者: stillgood20 時間: 24-9-14 11:08
beastiebistro 發表於 24-9-14 09:52
Sorry, 我諗你都唔係好明我意思。
1. 點解分流就係下流呢？點解你要歧視技術工作呢？
2. 其實嚴格嚟講，我 ...
謝謝你所有回覆.
有趣！
作者: ANChan59 時間: 24-9-14 12:32
stillgood20 發表於 24-9-14 10:46
今天郊遊.心情不錯.
一個長期參與手藝/工藝的.
出面會唔會好熱？
作者: losoco 時間: 24-9-14 18:02
天外之人 發表於 24-9-11 16:47
講了咁多年,終於睇到教育局正視了整個教育制度根本問題,開始著手改善幼稚園方向.但要真正改變到家長『望子 ...
呵呵，我安排小兒BB時入託兒所，
跟著在託兒所同系的幼兒學校繼續讀
幼兒學校行蒙特梳理，訓練大小肌肉為主，玩樂中學習
到了最後一年的最後一學期才開始學寫字
從來沒有名次
幼兒學校每級好少人
之後上小學冇同學一齊去
新同學好多來自名幼
冇人認識他讀的幼兒學校
都冇所謂，反正我以為他能擠進頭三分一就是band 1
可以任揀升中，我以為
我安排佢打波多過安排佢做其他野
我都估唔到佢初小能一直考到廿幾名
到升小五時，小四班主任推佢入精靈班
嘩，我好驚，小五班主任開學前打電話來打招呼
我仲同佢講驚個仔讀唔掂
嘩，結果佢小學最後是頭幾名畢業
不過，如果你問我，從小谷同唔谷有冇分別
我會話有
因為真係見到有同學在某些方面特別出色
例如英文口語好好
或者數學已經好高程度，鋪好路之後讀更高級的科學資優課程
咁當然，人生路漫漫，而且資質各有不同
冇話一直在學校帶頭帶到尾先至做到一個有用和快樂的人
作者: twhkleung 時間: 24-9-15 07:52
加樂爹 發表於 24-9-13 13:58
大家討論, 錯對沒關係, 才會大膽拋出來討論.以下我說的不是什麼道理, 只是在座車時想到的一些.
若果依上 ...
本帖最後由 twhkleung 於 24-9-15 08:00 編輯
"其實好多人根本不是那麼aggressive 的人生, 人生有好多野更精彩, 你驕傲自己人工職級高, 後生個代唔care, 甚至覺得你好傻, 多多道理.Lift style 是我出來做事後, 見到很多本應有才能的人, 選擇了自己合節奏的人生... 沒有對錯."
埋个已经进入一个超级大道理的範疇, e.g., 1. individual, 2. family, 3. country, 咁, 到底係321, 定123, 定132, 或其它?
年青一代, 明顯1先行, 我同呀爸果代, 2先行,呀爺代, 3先行...what's next?
係咪真係一個教改,就可改度個trend?
(我唔識)
作者: 天外之人 時間: 24-9-16 10:57
本帖最後由 天外之人 於 24-9-16 10:58 編輯
twhkleung 發表於 24-9-15 07:52
本帖最後由 twhkleung 於 24-9-15 08:00 編輯
"其實好多人根本不是那麼aggressive 的人生, 人生有好多 ...
出人頭地唔係衹有一條路.唔係點會講行行出狀元,條條大路通羅馬,衹係現今香港既環境,攪到家長好像單行路通向自己認為最好既路.
孩子學習好,唔係單單教改一樣就解決,這是連帶關係做成,這衹是其中一樣而已, 新加坡改評分制度,中國改英文不是主科目,這些都是教改既一種,出來效果係點未知,但起碼都係想為下一代學得好,將來為國家或地方能有改作為,當然中國改英文唔係主科,我相信都會同政治佔有一點點關係.
作者: 天外之人 時間: 24-9-16 11:01
losoco 發表於 24-9-14 18:02
呵呵，我安排小兒BB時入託兒所，
跟著在託兒所同系的幼兒學校繼續讀
幼兒學校行蒙特梳理，訓練大小肌肉 ...
你的情況同我一樣,大部份小學既同學應該都不是同一個幼稚園,所以都係從新適應,但一般都好快熟絡玩在一起,這階段更不會容易有男女尷尬情況(當然都會受有否家庭溫暖所影響),所以同你一樣心態冇所謂,開心下讀書,升中孩子都可以按自己喜歡既學校去入學,這段升學路都係玩多過讀.
谷,唔會話冇成效,衹係出來效果唔同,我衹係可以講谷屬於短暫能力,不能夠保持長久,且唔好既一面若不停咁谷,總有谷到爆既一刻,可能你係睇到出色既表面,但你唔見內心危機既一面.
人係千變萬化,更會隨機應變,不用刻意去框著孩子路,當然現實好殘酷,但如你所講,資質各有不同,冇話一直在學校帶頭帶到尾先至做到一個有用和快樂的人,這最終取決於家長所謂既安排是否真係真正適合,正常家中已經有一個溫室,在外面不用再安排另一個咩合理念既溫室.
作者: 加樂爹 時間: 24-9-17 11:48
本帖最後由 加樂爹 於 24-9-17 12:03 編輯
twhkleung 發表於 24-9-15 07:52
本帖最後由 twhkleung 於 24-9-15 08:00 編輯
係咪真係一個教改,就可改度個trend?
你有道理…所說人生1/2/3…
我想現代人是講價值, 目標為本, 同sales跑數一樣,什麼自我,都只是在有利自己時,可以出賣. 你想到這點, 個人都應該是多點人情味,令略多一點的人,很好.
說回來, 我的下文是:
讀書去爭, 只係因為這個機制, 自己把上面的一切都可以唔想, 只單併成績, 學校排名, 自己與無關系的事情作比較, 而所引致的不安!
想下, 搭飛機教你有序疏散, 就是事先要你明白刻服心理恐懼, 不會胡亂去爭迫, 而不是單靠一個機制.
A.我要改機制目的是 "教肓如何給你看到什麼前景."
- 這是要社會如何對工種的價值看法;
- 學習如何配合社會的需要
B. 而不在教育討論公平, 所指:
- 淘汰制度
- 資源不公
起步點不同
而引致日後成績有差別的主兇?
作者: 加樂爹 時間: 24-9-17 11:53
本帖最後由 加樂爹 於 24-9-17 12:04 編輯
先討論公平原則:
阿媽年代, 只有中學一條路. 這跟行車線一樣, 巴士, 小巴, 電單車, 私家車, 甚至乎自行車都一切平等擠在一起, 雖然各有快慢特點, 但為恐你大架車, 阻我去路; 你又話你載住百幾人, 一定優於你架單人車權限....; 阿三又話自己比你多幾十倍車費, 點解唔咪我行先; 阿四話我勤力喎, 你地懶未起身, 我已經排長隊搭車啦.
以直資中學為例, 資源多, 可以有較大空間編制教學內容.
若拿來比較傳統學校, 認為是不公平的競爭者, 我認為做法錯了.
有不同的學習方法, 當社會嘗試更多元化去建構教育, 嘗試把咎病的重複學習模式更改, 雖要空間及資原. 我常認為, 如果可以靠諗記學習, 是最有效的方法.
我理解是教育方法多樣化, 你要找學校去開拓新方法, 總要有足夠資源.
留意下, 直資成功的部份, 給了很多傅統小學去跟隨.
你要教育先行, 不讓部份人先富起來創新不行.
若說公平, 那大家抓死了做同一方法罷.
你可在EK組內有幾多家長問”神校VS 直資小學” 點取捨; “直資小學插班入傳統神校, 排名就是一切”; “ 教學多元化 VS 我谷得到仔女去B1A 學校, 管你什麼方法”….
有準備的家長, 會選最合自己的方法, 會多想幾步, 跟行車線一樣.
問題是:
- 小朋友是否太早去決定能力?
- 家長是否要太早去選擇?
- 家庭經濟是否主道了選擇權?
我想法是:
- 太早了
- 制度要改善#2 及#3 的問題.
作者: 加樂爹 時間: 24-9-17 12:17
本帖最後由 加樂爹 於 24-9-17 12:19 編輯
天外之人 發表於 24-9-16 11:01
人係千變萬化,更會隨機應變,不用刻意去框著孩子路,當然現實好殘酷,但如你所講,資質各有不同, ...
我同意你說個說法.
用心湊過小朋友的家長, 不是那些有什麼就"單單"推去補習班, 去報活動, 去旅行, 插B1學校那些.
那是agent , 去達到目標, 如前說, 子女成績都係自己一張成績表.
若關心留意下子女, 就明白你說的千變萬化....
明白了有限, 就會去想到行不同的路, 解決方法.
而不是單單去想公平.
作者: 天外之人 時間: 24-9-17 12:30
本帖最後由 天外之人 於 24-9-17 12:30 編輯
加樂爹 發表於 24-9-17 12:17
我同意你說個說法.
用心湊過小朋友的家長, 不是那些有什麼就推去補習班, 去報活動, 去旅行, 插B1學校那些. ...
公平衹係帶出其中一樣,教育有問題,唔係單單一樣做成,所有都係連帶關係,所以點解講家長,學校,教育局都係,衹係點樣去改善,所有野都要先踏出第一步,要家長踏出,如你所講有比較既家長都難以踏出,要令家長改變,制度就一定係先行,就好像中國新加坡一樣,家長都一樣煩教育問題,都係教育局去先做,結果未必係完美,但都叫係嘗試改善.
你在另一個主題題及直資既好,我唔反對它係有好既方面,我唔贊同因越級學習或特別書本才好這種模式,老師怎樣教法才是根本,不論直資或津貼,其實都可以一樣做法,所以我才提及公平方面,讀直資可以最後以考IB為最終考試方向,津貼就以本土DSE考試方向,各有各的好.
作者: 天外之人 時間: 24-9-17 12:43
本帖最後由 天外之人 於 24-9-17 12:46 編輯
加樂爹 發表於 24-9-17 11:53
先討論公平原則:
阿媽年代, 只有中學一條路. 這跟行車線一樣, 巴士, 小巴, 電單車, 私家車, 甚至乎自行車 ...
其實反而會覺得這個所謂既準備是否合適?是否因為係家長自己對孩子有所要求才會有這個所謂既準備?正正因為學校及那些教育團體睇到家長有呢D既準備,自然就出現了這些太早安排既教育事情,從而因此令好多孩子討厭學習真正原因.將呢條所謂既人生起跑線變成孩子痛苦去跑,唔係真正享受去跑.
PS: 我可以講真係沒什麼準備,孩子成長健康作為母親先係最深切注重,其他野基本上係屬於次要.
作者: 加樂爹 時間: 24-9-17 12:58
本帖最後由 加樂爹 於 24-9-17 14:19 編輯
天外之人 發表於 24-9-17 12:30
我唔贊同因越級學習或特別書本才好這種模式,老師怎樣教法才是根本,不論直資或津貼,其實都可以一樣做法,所以我才提及公平方面,
對於一D直資, 以越級學習, 或者用傳統死塞, 加強補課, 操卷的方法, 我真是嗤之以鼻!
他們有資源, 可以用更多方法, 可以更精準的針對弱點, 可以留意到各人長短發展, 可以嚐試不同的教育模式....他們去用傳統方法, 只懂加強吹谷拔尖, 就加幾個活動, 就是他們的教學理念?
教育學生, 係要有理念, 有短期中期...他想學生怎樣, 怎樣去配合達到目標, 就是校長的責任.
真的, 為什麼要越級學習?
不是拔苗助長, 是什麼?
把暫跟不上的學生, 你家長自己去找人補掂外, 我看不到他做的與什麼教育理念有多關乎?
回覆你, 我認為直資是要看學校的理念, 及方法.
因為資源多了, 對他們的要求要更高, 不單是學習成績.
他們或是教育的先行者.
不要與傳統學校的公平去考量.
作者: 加樂爹 時間: 24-9-17 13:34
本帖最後由 加樂爹 於 24-9-17 13:38 編輯
天外之人 發表於 24-9-17 12:43
其實反而會覺得這個所謂既準備是否合適?是否因為係家長自己對孩子有所要求才會有這個所謂既準備?正正因為學校及那些教育團體睇到家長有呢D既準備,自然就出現了這些太早安排既教育事情...
引致到幼稚園學到小學程度, 是因為幼教會”以為”留意小學收生標準, 去培訓學生為理想型.
當然, 有些龍校是給幼稚園做標準, 這是穩定”相關腳”的方法. 外人要去插入去, 便要去跟.
小學收唔收, 大部份幼稚園校長其實都無底,但只你教學做對方向, 給家長有點安心, 教得越深, 家長越BUY.
反問下,有無家長覺得幼稚園考第一有用?應該無… 所以, 幼稚園的名頭是在家長互相比併小朋友時, 一種心虛的表現.
我理解不是很多小學以幼稚園學術為收生標準.反而是小朋友氣質, 專注, 性格, 與人相處, 對人禮貌, 回覆反應, 喜受書本程度, 家庭教育等.
所以, 做到幼稚園與小學脫龍, 或更應把”答允”收生比率, 這個折掉, 可以有幫助. 但這涉及教育團體的注資外, 亦考慮到人們有教育理念, 是由幼稚園到中小學的連貫.
作者: TAIOU4 時間: 24-9-18 15:44
本帖最後由 TAIOU4 於 24-9-18 15:45 編輯
尼個訪問其實同訪問 "啖胃豬" 講經濟一樣
個個都隨口噏當祕笈
教育局廢 + 家長自私 + 一班沒臀部政棍 (臀部靈魂)
一齊玩爛個制度
B1A 家長
一定想有咁高爬咁高
細路將來一定要高薪厚識
最好下面D人冇能力上尼同我爭
B2-B3 家長
最好拉晒班B1落尼
大家玩 "多元" 發展
唔理你讀書叻唔叻
只要有樣讀書以外o既o野我叻過你
就要毀你優勢
教育局 / 公務員
我o地D細路讀ESF / IAL / GCEAL / IB
最好將DSE拉到冇人做到狀元
人人唔夠分入神科我就可以行Non-Juspas
臀部靈魂政棍
不斷翻雲覆雨
最緊要有人投我票
我o地D細路讀ESF / IAL / GCEAL / IB
你細路關鬼我事
一切罪惡根源係香港依然都係人太多
低學歷自在工數量近乎零
高學歷又要有神科加持才有高起薪點工作
如果好似英國咁
所有高學歷都係比低學歷袋多少少
睇下仲有冇人爭崩頭?
到時連基本留港價值都冇
高學歷個個走佬
人人躺平
放工北上
生活寫意
就唔會有讀書壓力啦
要生要死自己諗
你細路讀書唔叻冇理由要其他人陪你
作者: ANChan59 時間: 24-9-19 10:54
TAIOU4 發表於 24-9-18 15:44
尼個訪問其實同訪問 "啖胃豬" 講經濟一樣
個個都隨口噏當祕笈
教育局廢 + 家長自私 + 一班沒臀部政棍 (臀部 ...
我就好簡單，官員講嘅嘢，唔跟就啱多過錯。幼稚園，小學，中學都一樣。當然自己要有知識，資源嚟backup！
自己定位，獨立思考，年輕人清楚自己目標，其他就係次要。
作者: 天外之人 時間: 24-9-19 17:23
本帖最後由 天外之人 於 24-9-19 17:24 編輯
ANChan59 發表於 24-9-19 10:54
我就好簡單，官員講嘅嘢，唔跟就啱多過錯。幼稚園，小學，中學都一樣。當然自己要有知識，資源嚟backup！
...
就係睇家長自己,我的做法算係同你所講一樣,從幼稚園開始就自然去決定,回歸自然由心去做,結果是什麼不是重要,重要是身體健康為主, 知識更冇你咁高,資源都要靠政府資助.
最啱聽就係這幾句: "自己定位，獨立思考，年輕人清楚自己目標，其他就係次要。(這是講孩子唔係家長)" 但有幾多真係咁做嗎?
作者: ANChan59 時間: 24-9-19 19:27
天外之人 發表於 24-9-19 17:23
就係睇家長自己,我的做法算係同你所講一樣,從幼稚園開始就自然去決定,回歸自然由心去做,結果是什麼不是重 ...
其他人我唔知，亦唔會去抝，適合我家庭的做法，不一定適合其他人。
「愉快學習」，阿仔小學時嘅講法最精警，世界上冇乜什麼愉快學習，只有以最少的付出，得到最合理嘅回報（分數），有足夠時間空間去玩，才會有「愉快學習」。
醒目嘅，一目十行，過目不忘，舉一反三，跟拉牛上樹嘅；同樣家長，同樣學校，同樣課程，有人愉快學習，有人苦不堪言。
Scale down 心水學校標準可以好啲，也可能不會愉快得去邊。最後可能都係不走文法學校及大學，學門手藝，職業訓練，不強求升大學，才適合自己，才會愉快。到有需要張大學文憑，他自然想辦法去解決這個問題。
作者: beastiebistro 時間: 24-9-19 21:22
ANChan59 發表於 24-9-19 19:27
其他人我唔知，亦唔會去抝，適合我家庭的做法，不一定適合其他人。
「愉快學習」，阿仔小學時嘅講法最精 ...
我個人都係認為越早分流，有咁精英得咁精英；越早令家長明白無謂強求，接受現實，就唔會死谷爛谷。重點係家長教育，令佢哋盡快開竅，唔好下下強求。
作者: 天外之人 時間: 24-9-19 22:43
ANChan59 發表於 24-9-19 19:27
其他人我唔知，亦唔會去抝，適合我家庭的做法，不一定適合其他人。
「愉快學習」，阿仔小學時嘅講法最精 ...
陳SIR小朋友請得係冇錯,衹係現實中家長所謂既最合理回報係咩,怎樣才算是最合理,識但做唔合格同識做出合格有咩分別(因為有些孩子專係做比你睇唔合格)?其實你所講既有人苦不堪言,你又知道是怎麼原因做成苦不堪言,亦都可能係孩子愉快學習,衹係家長唔接受而漫罵做成孩子苦不堪言亦都說不定, 我孩子一個小學同學,佢好享受學習,亦都見到佢好愉快,但成績不是太好,不過他媽媽沒對他做什麼,所以整整六年小學都好開心渡過,成績也不過不失升上附近中學. 孩子whatsapp都有同佢聯繫,知道中學都可以維持中等,現在都入了理大.
若然最後那段都識得咁講,為何家長不是在早早既幼稚園及小學都放開懷抱. 孩子真的想通,自然一樣好似你所講咁,到有需要張大學文憑，他自然想辦法去解決這個問題。
作者: 天外之人 時間: 24-9-19 22:47
beastiebistro 發表於 24-9-19 21:22
甚是。每個人天生就唔同，讀書亦有高低／適合之分，根本就唔可能「公平」。夾硬要拍齊個教育系統係最冇效率 ...
作者: ANChan59 時間: 24-9-19 23:27
天外之人 發表於 24-9-19 22:43
適不適合其他人,睇既家長自己去決定,講出來唔代表強逼對方跟著做,衹係比人知道係可 以做得到,唔需要用 ...
本帖最後由 ANChan59 於 24-9-20 12:09 編輯
你最弊的論點係一招了- 「愉快學習」，是否太高度簡化，過份天真呢？
任何討論及觀點，都係用愉快學習作period。
另一樣野係你好鐘意估及強加你的想法係人哋嘅論述，好多時網友都不是這個意思。
作者: 加樂爹 時間: 24-9-20 09:58
這裡有些討論都有意思, 都可以想到些什麼出來....
制度，學校，家長互相影響。三方之中，家長最被動，睇住頭兩點來應對， 亦比較根深蒂固，相對難於改變。 當制度係推崇精英主義，學校又可自行擇優而教，家長只會選擇（自己認為）對孩子前途最有利嘅做法
****************
我掉返轉咁睇件事，我認為應該大幅降低大學學位，有咁精英得咁精英（好似幾十年前）。咁家長慢慢可以接受返只有真正讀得書嘅先應該上大學，其他高中畢業出嚟做嘢，學門手藝係好平常嘅事，冇咗歧視。
****************
家長, 總之各師各法. 學校只係一個教育場所.
****************
私人機構做唔掂自會被淘汰, 但好似不能用這概念在學校
****************
在外國. 技術人員貴, 有d人就好有興趣, 特別有d德國人, 車房workshop, 連屋都起得出嚟.
****************
分流都重要有multiple exits and multiple entry points 就可以。過程中父母沒有太多角色，是在讀MBA課程時，他們在金錢上的支持，我才可以達成目標。
分流不等於下流，正如我上面所講，教育制度及資歷架構有multiple entry points 就可以上流.
****************
分流之後，學習及工作經驗都可以讓學生再想清楚自己想怎樣走下去。好過掛過大學畢業，但實力可能跟不上去，特別係冇專業資格的課程，課程，考核，合格率都係好sexy！
作者: 天外之人 時間: 24-9-20 12:18
ANChan59 發表於 24-9-19 23:27
你最弊的論點係一招了- 「愉快學習」，是否太高度簡化，過份天真呢？
任何討論及觀點，都係用愉快學習作p ...
作者: ANChan59 時間: 24-9-20 12:27
beastiebistro 發表於 24-9-19 21:22
甚是。每個人天生就唔同，讀書亦有高低／適合之分，根本就唔可能「公平」。夾硬要拍齊個教育系統係最冇效率 ...
其實很多家長冇去評估自己子女的真正水平，亦無法接受給人比下去。
每個人的人生軌跡不一樣，今日嘅好或者壞，到十年過去，可能完全不一樣。
點解咁埾持一套success formula，可能父母將unfulfilled dreams 投影在子女身上，另一個係冇想過plan B 的安排及操作，又可能因為好的選擇太少了，大家都爬緊同一座金字塔。
作者: ANChan59 時間: 24-9-20 12:28
加樂爹 發表於 24-9-20 09:58
這裡有些討論都有意思, 都可以想到些什麼出來....
制度，學校，家長互相影響。三方之中，家長最被動，睇住 ...
你想到什麼亮點？可以分享嗎？
作者: 天外之人 時間: 24-9-20 12:32
加樂爹 發表於 24-9-20 09:58
這裡有些討論都有意思, 都可以想到些什麼出來....
制度，學校，家長互相影響。三方之中，家長最被動，睇住 ...
作者: beastiebistro 時間: 24-9-20 12:39
本帖最後由 beastiebistro 於 24-9-20 12:40 編輯
ANChan59 發表於 24-9-20 12:27
其實很多家長冇去評估自己子女的真正水平，亦無法接受給人比下去。
每個人的人生軌跡不一樣，今日嘅好或 ...
全對，所以問題癥結都係在家長身上。Unfulfilled dreams或者FOMO（fear of missing out）對好多家長亦係壓力，呢啲唔係政府話唔比競爭就可以消除。只有令家長明白強求冇用佢哋先有機會收手。我個人認為制度越苛刻，越摘優，越容易令迷途人士清醒。橫掂點谷都冇用，咁放棄谷囉...
當然都可能有家長選擇唔放棄，但係我認為大部份唔會堅持...
作者: ANChan59 時間: 24-9-20 12:41
天外之人 發表於 24-9-20 12:18
太高度簡化及過份天真睇家長個人觀點,要求高與低既人睇既自然會有唔同睇法,人們唔係成日講簡單復雜化唔好嗎 ...
又亂解讀我的教育方式。
難道我說錯你什麼都係「愉快學習」？
作者: beastiebistro 時間: 24-9-20 12:52
ANChan59 發表於 24-9-20 12:41
又亂解讀我的教育方式。
難道我說錯你什麼都係「愉快學習」？
作者: 加樂爹 時間: 24-9-20 13:20
本帖最後由 加樂爹 於 24-9-20 13:21 編輯
加樂爹 發表於 24-9-17 11:53
先討論公平原則:
阿媽年代, 只有中學一條路. 這跟行車線一樣, 巴士, 小巴, 電單車, 私家車, 甚至乎自行車 ...
@ANChan59 有, 我有些看法
我前文是對所謂 “教育不公平” 的反思, 所指:
- 淘汰制度
- 資源不公
- 起步點不同
他們是否從而引致日後成績有差別的主兇?
再繼而認為因不公平, 引致學生/家長從幼稚園為了選校, 而造成有壓力的源頭?
我結論是不同教育, 並不是真正元凶, 要正視的反而是:
- 小朋友是否太早去決定能力?
- 家長是否要太早去選擇?
- 家庭經濟是否主道了選擇權?
另外, 我前日看電視, 如像什麼深水埗NGO 組織大規模的課後功課托管服務, 給與新移民/低收入家庭幫助. 若你不在這區的家庭, 莫非又要說不公平嗎?
我認為:
不公並非只看資源, 或各人做法不同而去定義.
大家本身定位/關注不同, 就有不同的起始位 (同前說交通使用原則一樣).
反而, 教育應著重看不同的教育, 有沒有亮點, 即是對整體教育, 有沒有益處.
作者: ANChan59 時間: 24-9-20 13:20
beastiebistro 發表於 24-9-20 12:52
其實網友犯咗根本嘅邏輯謬誤，覺得家長係被動嘅。冇人逼迫家長要小朋友考一百分，冇人逼迫家長幫小朋友報名 ...
阿仔在中學我哋嘅要求係中上成績，入到三大，最好係專業學位，樣樣都係輕鬆及achievable ，也不會給我們光環。
到他對自己有要求就係另一回事，到時係要提醒他適當放慢腳步。
作者: beastiebistro 時間: 24-9-20 13:33
ANChan59 發表於 24-9-20 13:20
阿仔在中學我哋嘅要求係中上成績，入到三大，最好係專業學位，樣樣都係輕鬆及achievable ，也不會給我們光 ...
作者: bigbigsnake 時間: 24-9-20 13:56
ANChan59 發表於 24-9-19 23:27
本帖最後由 ANChan59 於 24-9-20 12:09 編輯
你最弊的論點係一招了- 「愉快學習」，是否太高度簡化，過 ...
本帖最後由 bigbigsnake 於 24-9-20 16:47 編輯
本帖最後由 bigbigsnake 於 24-9-20 14:03 編輯
其實個討論有D秀才遇著兵既感覺, 想真正感受咩叫愉快學習, 最好家長自己讀下大學, 後生讀唔到, 而家去讀. 咁咪知讀書過程愉唔愉快, 冇必要將自己當年冇讀好書或冇入咩學府.. 等既dreams放係細路身上以此為榮~....
我自己既學習路途係天道酬勤, 呢個世界冇幾多個%既天才, 真正天才至最勤力, 比你好高IQ, 冇去好好運用, 都會有用完既一日, 我而家每天都在學習, 亦會係呢度學野.....我亦主張work hard play hard...心態決定一切, 亦影響下一代既基本思維, 即貧窮思維一樣, 會遺傳~
共勉之....
作者: 加樂爹 時間: 24-9-20 14:07
本帖最後由 加樂爹 於 24-9-20 14:08 編輯
加樂爹 發表於 24-9-20 13:20
@ANChan59 有, 我有些看法
我前文是對所謂 “教育不公平” 的反思, 所指:
那麼, 做成教育壓力是什麼呢?
A. 自身壓力
B/C 社會行業結構
D. 教育制度
都有關係.
A. 社會大眾應對自身的價值看法:
- 不是每個人都是適合 / life style 喜愛迫到同一點的專材.
- 人是應該有自我了解
- 應該清楚了解自己將來的路
- 彈性, 多元的途徑到達自己想到的目標
B. 社會對不同工種的認同:
@Stillgood20說, 專重工藝, 但社會卻不比你錢:
我想問, 你試去做維修, 用了多少時間?
以工時計, 我比你幾錢你先肯去做?
我想, 無4-5百/鐘, 我不如坐係屋企涼冷氣好.
人有價值, 而價值受市場供求影響, 受可以替代影響…還有, 受該行業有沒有工會影響, 以及社會傳媒對其看法有影響.
C. 社會/國家立足之點夠大夠闊, 媒體懂得識別思想, 傳出正確觀念給大眾.
香港只有金融地產, 當然有一些專業如醫生, 會計…
不用講, 窄的社會產業, 引致根本性矛盾. 如我前說, 內地種田, 綠化都比你人工好…各人有自己喜好, 不用迫在某幾點.
#A 需要自身了解, 可解決壓力
#B/C 若社會並非單一產業化, 那麼不同能力的人, 都可以找到自身立本的職業, 是最理想的, 不用所有人擠到同一專業. 而社會對不同工種要保護, 不要有嚴重不公, 偏底了薪金, 亦是可以舒緩壓力.
*我是贊成最低工資, 我贊成工會, 但一切要以社會為重, 不能次次靠惡/擺工.
D. 如我前說, 壓力並不在教育機制不公平, 而是:
- "教肓如何給你看到什麼前景.",
- “如何可到達目的地”
教育制度要給任何人途徑, 去達到你要的地方.
所以, 我贊成dip, 副學士, 資力架構.
教育制度, 如我前說和搭飛機教你有序疏散 (原來有多途徑, 知道前景).
這讓你清楚明白, 你要付出的, 去決定你的快慢, 高低位置, 之後刻服心理恐懼, 不會胡亂去爭迫逃生門一樣, 因為你清楚最後的目的, 最好是上大學, 什麼都是考好公開試罷.
作者: TAIOU4 時間: 24-9-20 14:07
本帖最後由 TAIOU4 於 24-9-20 14:10 編輯
加樂爹 發表於 24-9-20 13:20
@ANChan59 有, 我有些看法
我前文是對所謂 “教育不公平” 的反思, 所指:
大部份同意
其實家長係最需要被教育
由名幼 > 名小 > 神中 > 神科
全部都係家長意願
然而又要達成目標
好多家長又不自己負起責任
概不增廣見識
也不將心比己
以至造成大量補習及口號式學棍掘起
點解學唔識學唔精又唔知
一味靠學校同外補
所謂教育不公
最不公o既係有人一早計劃好 (起步點不同)
幫細路打好個底
學乜都比你快比你順
反而有人亂聽學棍口號式說教
而自己唔係補習系就係佛系
個個以為明天會更好
到考定個升小, 呈分, DSE (淘汰制度)
才發覺人o地拎晒最好o既學校學科 (資源不公)
其實所有o野都有因果
子女唔努力就要父母努力
子女唔聰明就要父母聰明
兩邊都望天打掛
唔通教育局工作真係教育孩子咩?
係管理資源就真
作者: stillgood20 時間: 24-9-20 14:08
bigbigsnake 發表於 24-9-20 13:56
其實個討論有D秀才遇著兵既感覺, 想真正感受咩叫愉快學習, 最好家長自己讀下大學, 後生讀唔到, 而家去讀. ...
係最理想的學習條件.
一些精英可能界符e個條件.
作者: 加樂爹 時間: 24-9-20 14:23
本帖最後由 加樂爹 於 24-9-20 14:24 編輯
天外之人 發表於 24-9-11 16:47
講了咁多年,終於睇到教育局正視了整個教育制度根本問題,開始著手改善幼稚園方向.但要真正改變到家長『望子 ...
依據我對公平, 社會, 教育機制的想法. 我認為上文 " 教署對幼稚園教學限制" 可以是部份有用.
正如駕駛一樣, 唔想人超時速, 發告票是可行, 這是冶標.
但若果整條路都暢通, 你可以依自己快慢, 都可以按意願達到目的地, 可以選自己的交通工具成本.
雖然, 仍有人喜歡超速, but who care? 心裡想趕住去投胎咩?
作者: ANChan59 時間: 24-9-20 15:36
beastiebistro 發表於 24-9-20 13:33
陳sir 都知道，我嗰啲從來唔補習，只有極少量嘅付費課外活動，閒時就係大量睇書同玩，但係又考上坊間所謂「 ...
你大仔係出類拔萃人才，跟那些睇排名，睇芝達，係不同層次，希望他入到心儀大學讀純數，滿是他的目標！
我最近想嘅係，阿仔步入職場後，工作生活家庭是否愉快平衡？幾十年的時間，這個才是他真正的人生目標。
作者: ANChan59 時間: 24-9-20 15:57
bigbigsnake 發表於 24-9-20 13:56
其實個討論有D秀才遇著兵既感覺, 想真正感受咩叫愉快學習, 最好家長自己讀下大學, 後生讀唔到, 而家去讀. ...
我自己一直讀書都愉快，唯一辛苦，充滿挑戰及沒有把握係博士研究論文，因為無跡可尋，無標準答案。
愛廸生講述成功係一分天才，九十九分堅毅精神，換句話說係在失敗中學習成長，這已經說明很多事情不是什麼愉快經歷，但結果都係愉快。
共勉之！
作者: beastiebistro 時間: 24-9-20 16:00
ANChan59 發表於 24-9-20 15:36
你大仔係出類拔萃人才，跟那些睇排名，睇芝達，係不同層次，希望他入到心儀大學讀純數，滿是他的目標！
...
對，讀書與否，天生能力多寡都唔重要。最重要係搵都適合自己嘅空間天地。
作者: hfdesc2021 時間: 24-9-20 16:14
天外之人 發表於 24-9-11 16:47
講了咁多年,終於睇到教育局正視了整個教育制度根本問題,開始著手改善幼稚園方向.但要真正改變到家長『望子 ...
望子成龍者，先問問自己是“蟲”還是“龍”
作者: ANChan59 時間: 24-9-20 16:25
加樂爹 發表於 24-9-20 13:20
@ANChan59 有, 我有些看法
我前文是對所謂 “教育不公平” 的反思, 所指:
你提供很多想法，我一時不能作出回應，讓我思考下，然後分享一下。
作者: 天外之人 時間: 24-9-20 16:33
beastiebistro 發表於 24-9-20 12:52
其實網友犯咗根本嘅邏輯謬誤，覺得家長係被動嘅。冇人逼迫家長要小朋友考一百分，冇人逼迫家長幫小朋友報名 ...
明面上講係冇人逼,亦都唔會講比你聽係逼,衹係好多小朋友做出來既野係睇到似係父母逼,的確就算真係改了制度統一教材學習,亦都可能有啲要特出既家長要孩子尖子啲,照舊都會做你所講既野,但肯定起碼冇而家咁多問題既學生出現.所以因應這因素,且庫房又咁緊絕,不用資助直資這類學校,直資可以放棄DSE專注IB課程,任由用自己喜歡既教材教學,鐘意IB模式家長自然唔介意交學費,學校有本事及能力,都可以得到商界資金支持去運作.
作者: ANChan59 時間: 24-9-20 16:49
加樂爹 發表於 24-9-20 13:20
@ANChan59 有, 我有些看法
我前文是對所謂 “教育不公平” 的反思, 所指:
我對你講嘅內容覺得好難有什麼結論，不過我可以作一些補充。
我認為不是用淘汰制度來看，應該用分流，所以我先前提及的multiple entry points and multiple exits.
你講到到是否資源不公，你用深水埗社區組織協會的課後托管項目。深水埗是社區組織協會的根據地，當然係服務自己地區，沒有什麼不公平。只係其他地區NGO不以這類項目為優先，可能是老人服務或者其他社區需要更逼切。
| 歡迎光臨 教育王國 (/) |
Powered by Discuz! X1.5 |