教育王國

標題: 德信學校問題還是康和校車問題 [打印本頁]

作者: CHANTINKING 時間: 24-9-3 00:21 標題: 德信學校問題還是康和校車問題

本帖最後由 CHANTINKING 於 24-9-3 00:23 編輯

之前見到貼文，說德信管治極差，我當時覺得有人中傷學校或是不實的報道！但不幸地我的兒子真的派到德信學校入讀小一，今日開學第一日，就令我明白到「空穴來風，未必無因」這個道理。一間幾十年歷史嘅學校，校車居然差到如此極點，小一註冊日查問屋企附近是否有上落校車點？學校叫我自己致電校車公司詢問，打去問校車公司又叫我問返學校，互相推搪；八月頭學校就不停催交學校費支票，講明話遲交就冇位。我不要追問都未知上落點和時間，校方回應是先交支票，到時有校車到，就會收到通知，支票就會過數！如那區沒有校車上落點的，就不會扣數！但不會告知家長無校車，有些同學八月尾才知冇校車，冇就早講喇，等家長可以早點安排接送問題，有些家長都唔知點算好！據聞學校換了校車公司，但不知點解搵一間態度惡劣，電話不聽，whatsapp不回！只懂得叫你交車費，仲要一交就交三個月（應該知道自己衰，怕家長搭一個月就唔搭）
今日開學日，返學上車遲到25分鐘到站，剛剛開學遲一點我是理解的，但08:00返學，校車到校08:55! 最大問題係，校車就大大聲講話，學校接受坐校車遲到的，而學校就講話校車是外判的，唔關學校事，叫家長可以自己同校車公司反映，其實校車合約是學校簽完提供給家長的，學校只係一味推卸責任，我話過份都冇人會反對喇！
唔怪得之前個個叫我唔好入（（（德信學校）））啦
明天九月二日待續

作者: YINGYINGSTELLA 時間: 24-9-3 22:07

回覆 CHANTINKING 的帖子

我仔今年入讀德信小一，上星期一直追學校同校巴公司路線一直都無人答直到星期日昨天我在街上呆等30分鐘都等不到校車，最後遲了40分鐘才到學校，校長說第一學期不計遲到
今天也遲了20多分鐘，我仔話司機講粗口，車上所有人都好緊張有人喊
有打去學校問只是說處理中，如果明天繼續遲到，我會再向學校反映，有家長話有架校車無保姆但不是我仔架車不評論，但今日聽到有家長話校政混亂要轉校，其實校車遲到好小事唔使咁激動，德信係一間好學校派位派得好好，唔好意氣用事

作者: CHANTINKING 時間: 24-9-4 07:23

問題而家最慘就係在於，跟學校老師講，老師話校車是外判公司，唔關學校事；但係校車係學校同佢簽約㗎嘛！仲要我哋啲仔係著住德信嘅校服，點解唔關學校事呀

作者: YINGYINGSTELLA 時間: 24-9-4 14:07

回覆 CHANTINKING 的帖子

今日有好多同學擺搭校車想退款，有家長話好可能會報東張西望，點解校車公司可以差到咁樣，有人發消息出群組話學校PTA主席同校長在處理中，有好多人比嬲嬲樣話處理但無解決，新校長處理不了情有可原，大家試多幾日先，唔好3日遲到就去東張西望

作者: YINGYINGSTELLA 時間: 24-9-16 16:58

回覆 CHANTINKING 的帖子

開學2個星期就遲足2星期, 真的是反白眼,無助感滿滿

作者: CHANTINKING 時間: 24-10-5 23:41

回覆 YINGYINGSTELLA 的帖子

而家好多唔搭，部部車得番10個8個，時間又ok喎。應該是少左好多站

不過要唔知蝕幾耐，做生意做校車做到蝕本幾失敗！！

歡迎光臨教育王國 (/)