教育王國

標題: 中學中文應如何學習？ [打印本頁]

作者: boisacat 時間: 24-7-30 11:40 標題: 中學中文應如何學習？

明明中文係我地母語，點解中文DSE成績往往比英文低好多，原因係咩呢。文言文？好深？中學生一般出現咩問題令中文考得唔理想呢？希望有方法/方向，幫小朋友掌握好中文。

作者: LeeCC 時間: 24-7-30 14:18

DSE閱讀理解真係好難，題目難到連文章作者都唔識答

作者: gracelam 時間: 24-7-30 16:53

boisacat 發表於 24-7-30 11:40
明明中文係我地母語，點解中文DSE成績往往比英文低好多，原因係咩呢。文言文？好深？中學生一般出現咩問 ...

文言文反而唔係好深，白話文閱讀理解先係深， 2篇白話文內容，如果一個平時冇乜睇書，同埋一個17，8歲冇人生歷練，係好難答到問題。

真係要多睇書，係各方面嘅書帶出人生哲理。

不過宜家DSE只考2卷，已經比之前易咗好多好多，攞3唔難，想衝星就要落功夫了。

作者: hiuching8 時間: 24-7-31 13:16

boisacat 發表於 24-7-30 11:40
明明中文係我地母語，點解中文DSE成績往往比英文低好多，原因係咩呢。文言文？好深？中學生一般出現咩問 ...

2024 DSE level 3或以上
英文科係56.4%
中文科係65.1%

英文成績係普遍低過中文成績先啱，請你搞清楚吧

作者: boisacat 時間: 24-8-1 11:55

唔好意思，我睇左只係數間中學，如SPCC，SSGC，DGS，St.Marks, SPC, SJC 同只留意 5 and above，3 or above 真係睇都冇睇過。

作者: 2jkidsfather 時間: 24-8-1 13:33

boisacat 發表於 24-7-30 11:40
明明中文係我地母語，點解中文DSE成績往往比英文低好多，原因係咩呢。文言文？好深？中學生一般出現咩問 ...

要說清楚是拿3，定拿5+的比較

作者: boisacat 時間: 24-8-1 13:53

5 又好，3 又好，連DSE SJ既超級狀元都公開講中國語文難，係最擔心既課目，而且我只係想討論中學中文應如何學習，請不要離題討論，謝謝🙏。

作者: liverpool2023 時間: 24-8-1 19:53

提示: 作者被禁止或刪除內容自動屏蔽

作者: 10090 時間: 24-8-1 21:05

唔係中文難，只係家長普遍無重視，所以名校係用全英文教學
要改善就係唔好學咁多英文，睇返多啲中文書
超級狀元當然最驚係中文，因為佢哋係理科人，習慣有標準答案去攞滿分，中文作文沒有標準答案，但唔代表中文真係難嘅，因為一般學生根本無打算攞滿分

作者: boisacat 時間: 24-8-2 11:33

我都明白好多家長都重英輕中，我多少都係，小朋友P5 自己都開始意識到呢個問題，佢都開始看多D中文書，英文考試都冇問題，但中作就驚，但一路都好似冇從入手，有D守株待兔等開竅既感覺。當然佢都習慣左睇英文為首選。我都一路都有幫手揀中文書比佢睇，但真心自己都唔識揀。唔想小朋友去到怕先諗方法。 10個朋友9個朋友D小朋友都怕中文，都話合格考到3 可以升大學就算。我小朋友比較喜歡科幻小說，有睇下衛斯理，三体（佢話深，睇完Neflix先比較明），金庸小說未太了解中國朝代人物，未投入到，想知道有冇過來人，有好書中學必讀佳作？坊間有冇初中中文練習，有助開竅。請指教一下。

作者: liverpool2023 時間: 24-8-2 12:11

提示: 作者被禁止或刪除內容自動屏蔽

作者: YolandaTam 時間: 24-8-2 12:55 標題: 回覆樓主：

本帖最後由 YolandaTam 於 24-8-2 12:57 編輯

計我話乜都係假興趣行先，建議培養佢閱讀同對中國文化嘅興趣先，大大吓佢睇乜其實我哋管唔到㗎啦。
我女係理科數學人（ phy chem Econ M2)中文 5 英文 4，佢自己話可能因為佢課餘時間通常煲網絡小說同內地古裝劇喎。我諗如果佢英文一樣咁浸應該都會5到。

作者: 天外之人 時間: 24-8-2 15:02

liverpool2023 發表於 24-8-1 19:53
我又不覺得中文比英文難
在很多中中，中文成績都比英文好
你不如回想下孩子初出世時，你給他培育中文和英 ...

的確你用這句回應原因十分貼切(你不如回想下孩子初出世時，你給他培育中文和英文的比重吧)

我在這裡比有知識份子既人講到中文十分咁差,我孩子中文都可以得到滿意成績,你這個解釋佔有一定原因.當然在我黎講,孩子享受讀書樂趣佔有很大因素.

作者: boisacat 時間: 24-8-2 15:29

多謝指教，有高手教路，可以行啱方向。佢唔係怕中文，其實小學中文唔差，不過永遠冇信心，去過中文補習班，佢自己話幫助不大，我覺得唔跌已經還神。佢自己有借D歷史書（有公仔果D）睇下既，唔知佢興趣有幾大。我大概了解，只好慢慢沉佢出泥，都知冇咩shortcut，
因為我個仔好鍾意一個外國插畫家，佢買左一本呢個插畫家有畫既生物醫學既書，之後佢生物科知識就好似開左外掛一樣（以小學生泥講）。因為咁，所以好多時都想知，中文好既學生係睇咩書，有冇D有趣既生活習慣，所以問有冇高手教路啫，因為一本好書，可以改變一個人學習興趣令小朋友開竅。

作者: boisacat 時間: 24-8-2 16:18

本帖最後由 boisacat 於 24-8-2 16:31 編輯

回覆 liverpool2023 的帖子

我之後會去圖書館借《修煉》比佢睇下。因為佢有講the Lion, the Witch and the Wardrobe 好睇，相信呢類魔幻小說，佢可能OK。不過真係唔知我個仔開邊瓣，佢好鍾意D好深既科幻電影/小說，好鍾意 Christopher Nolan，佢話明唔晒唔緊要，concept正就可以，我同佢睇tenet睇到一頭霧水。只要唔係D詞彙太深，佢應該會睇下。射鵰可能投入唔到，D詞彙又太深，佢放棄左。自問睇書少，只能介紹自己個仔睇D好大路既書，如果有好書希望多多介紹，因為小朋友，我都睇左好左好多書衛斯理，希望同佢多D話題，當然人大左，開始都鍾意睇書，好似好有修養（但內裡唔係）

作者: liverpool2023 時間: 24-8-2 16:40

提示: 作者被禁止或刪除內容自動屏蔽

作者: boisacat 時間: 24-8-2 17:08

回覆 liverpool2023 的帖子

我都試過小五睇佢作文，心諗，點解咁衛斯理？講未來世界，咁似啱啱睇完果本《玩具》？

作者: 2010YL 時間: 24-8-5 23:40

回覆 boisacat 的帖子

咁真係要小心啲，要好好糾正小朋友作文嘅思想，因為dse作文世界，以我認知係唔容許有科幻嘅內容，所有嘅內容都可以喺現實世界實現到先得架（如果有錯請糾正）

作者: boisacat 時間: 24-8-6 11:20

回覆 2010YL 的帖子

有D 咁既事？真係未了解DSE到底係點，家下摸石過河。我唔太會搵書，相信男仔同女仔喜好好唔一樣，暑假中學都比左十幾本書要揀一本做閱讀報告。咩類型都有，如果大家有興趣個書單，我就放上呢。

作者: Raccch 時間: 24-8-6 12:14

本帖最後由 Raccch 於 24-8-6 12:14 編輯

人哋話睇得多書有幫助，我依家都準備叫阿女睇《修煉》或者《仙靈傳奇》系列，不過佢好似唔太感興趣。睇金庸又話書中語言好古代。。。

作者: jenjenny 時間: 24-8-13 20:21

點解我女睇金庸但係啲中文仲係一啲起色都冇，尤其是係作文。我自己都睇晒金庸全集，我又唔覺得對作文有咩幫助，尤其是DSE, 如果揀議論文，可以幫到啲咩呢？

作者: liverpool2023 時間: 24-8-13 20:44

提示: 作者被禁止或刪除內容自動屏蔽

作者: cafeva 時間: 24-8-13 21:20

boisacat 發表於 24-8-6 11:20
回覆 2010YL 的帖子

有D 咁既事？真係未了解DSE到底係點，家下摸石過河。我唔太會搵書，相信男仔同女仔喜 ...

有興趣呀

作者: boisacat 時間: 24-8-14 11:40

本帖最後由 boisacat 於 24-8-14 13:29 編輯

回覆 cafeva 的帖子

以下係暑期閱讀報告可選圖書，大部分都可以圖書館借到的。如果有其他中學閱讀報告list，可以推薦下邊本可以細讀，我小朋友最後揀《遇上快樂的自己》，因為其他有D太小學生，太少字，同有D借唔到。
史記如果這麼帥帝國風雲
一本正經學古文
練習簿
與火神搏鬥 35年消防生涯事件簿
小貓料亭營業中
圖書館猜情尋
小王子的領悟
人生有Take 2
下一秒來不及道別
小傷疤
遇上快樂的自己
眼紅紅
一米四八
本班最後一個乖仔
不在場證人II——法醫精神科的過去、現在與未來
不一樣的故事
13.67
古人爆料公社：韓愈吃硫磺？李清照好賭？乾隆最愛cosplay？超有事歷史真相大揭秘

作者: cafeva 時間: 24-8-14 12:20

boisacat 發表於 24-8-14 11:40
回覆 cafeva 的帖子

以下係暑期閱讀報告可選圖書，大部分都可以圖書館借到的。如果有其他中學閱讀報告list ...

我地中一果陣睇好多小思, 你可以參考下

作者: boisacat 時間: 24-8-14 13:28

回覆 cafeva 的帖子

Weekend 去借，thanks. 多謝介紹呢位土生土長既香港作家。

作者: LeeCC 時間: 24-8-15 18:15

boisacat 發表於 24-8-14 11:40
回覆 cafeva 的帖子

以下係暑期閱讀報告可選圖書，大部分都可以圖書館借到的。如果有其他中學閱讀報告list ...

學校中文閱讀報告只係有一個作者list，印象中有：金庸，阿濃，小思，龍慶台，杏林子，琦君等等

作者: boisacat 時間: 24-8-16 11:28

Thanks, 之只希望搵啱佢喜歡既書類/作者，以後可以睇多D。其實香港圖書館真係咩書都有，只係有時比人借左。

作者: liverpool2023 時間: 24-8-16 12:50

提示: 作者被禁止或刪除內容自動屏蔽

作者: lusanna 時間: 24-8-16 13:47 標題: 回覆樓主:

想問你哋喺圖書館借書，仲係喺兒童圖書嗰一層借呀，定係去咗成人那邊？

作者: liverpool2023 時間: 24-8-16 17:01

提示: 作者被禁止或刪除內容自動屏蔽

作者: lusanna 時間: 24-8-16 18:28

liverpool2023 發表於 24-8-16 17:01
成人啦！

咁下次都試下叫個女去成人嗰邊搵下書

作者: keep-calm 時間: 24-8-20 12:43

見網上有初中中文閱讀理解video class package , 有筆記老師講解video，有冇人試過效果如何？可以分享嗎？

歡迎光臨教育王國 (/)