教育王國

標題: 小學係咪有分banding？A-G？ [打印本頁]

作者: j927tijs 時間: 24-7-8 14:47 標題: 小學係咪有分banding？A-G？

本帖最後由 j927tijs 於 24-7-8 14:54 編輯

例如a123至g123.
因為阿仔問我佢話有位朋友仔話佢間學校係x幾級.我都唔知咩嚟.從來未聽過.聽到拗曬頭

作者: 天外之人 時間: 24-7-8 16:06

回覆 j927tijs 的帖子

既然未聽過就唔需要理會分咩級,當家長太深入這稔頭,亦都係開始好容易慢慢令孩子步向失去學習興趣性. 我都係冇咩高知識既家長,亦冇理會小學咩banding,衹需要令孩子好好享受學習樂趣,中學一樣可以入到孩子自己喜歡既學校.

作者: j927tijs 時間: 24-7-8 18:31

天外之人發表於 24-7-8 16:06
回覆 j927tijs 的帖子

既然未聽過就唔需要理會分咩級,當家長太深入這稔頭,亦都係開始好容易慢慢令孩子步向 ...

唔係我介意.係我覺得嗰位媽媽誤導佢個仔.個人從來唔問人哋讀邊間學校.但有人就成日中意比較.因為呢位家長見到我就借頭借路問我仔學校啲嘢.而家連佢個仔都咁樣.真心奇怪.

作者: j927tijs 時間: 24-7-8 18:32 標題: 回覆樓主：

本帖最後由 j927tijs 於 24-7-8 18:34 編輯

本帖最後由 j927tijs 於 24-7-8 18:33 編輯

估計呢個banding係佢自己諗出嚟

主要係我見識淺薄，想知道係真有其a-g class 小學定係無中生有.

作者: 天外之人 時間: 24-7-9 10:11

j927tijs 發表於 24-7-8 18:31
唔係我介意.係我覺得嗰位媽媽誤導佢個仔.個人從來唔問人哋讀邊間學校.但有人就成日中意比較.因為呢位家長 ...

無話見識淺薄,我估計同你都差唔多,衹係我唔多理呢啲咩banding而已.且學校有這banding之分,其實都可以講係家長攪成.其實應該唔止你講嗰位,好多家長都比階級觀念制度既學校誤導,以為入了所謂Band 1及名牌學校就安枕無憂.且孩子心底裡隨時衍生有眼角高睇唔起他人心態. 中學有這高低之分無可厚非,始終算係高深知識行列,最可悲係低到小學甚至幼稚園已經有這樣階級存在,所以才出現過早學習/多樣體藝等等,美其名講學多啲野,但好多都攪到成長中孩子偏科討厭學習及基礎不穩比比皆是. 因這10幾年見到好多都唔係為知識而學習,都係為分數而學習,所以呢D將來好難會成為真正專業人才,

作者: j927tijs 時間: 24-7-9 13:50

天外之人發表於 24-7-9 10:11
無話見識淺薄,我估計同你都差唔多,衹係我唔多理呢啲咩banding而已.且學校有這banding之分,其實都可以講係家 ...

我都認同你嘅講法，識得有幾位鄰居小朋友入到神校，可惜小朋友未開竅成績追唔上，學校就不斷向家長施壓。雖然小朋友係班中成績不太理想，但小朋友或那些家長講出校名都有一份自豪感！個人認為有啲錯配咗，可能小朋友唔讀神校成績可以名列前茅或輕鬆一點都不一定！所以我由搵小學畀阿仔時已經好清楚適合既就係好學校。
真心認為對學校有要求係好，但家長們可能為面子，等級制度觀念太重，所以苦了小朋友！

歡迎光臨教育王國 (/)