近排，我個女（小學）要準備大考，淨係考中英數。我個女好抗拒溫書同做練習。佢本身比較懶，成日要我推佢先肯做。尤其是係搵中文，即係佢最弱嗰科。咁啱佢臨考試之前幾日，佢見到我幫人玩塔羅牌。佢話佢自己又要玩，要問我考試會考成點。開牌之後，我同佢講，佢懶惰嘅原因其實係害怕失敗。佢要克服呢個矛盾心態先至可以考得好。講完之後，佢竟然自己好自發咁溫書做練習。啱啱派成績返嚟，比預期之中考得好好多。估唔到塔羅牌占卜都可以用嚟對付小學生。