教育王國
標題: 大家對孩子玩/使用手機的看法 [打印本頁]
作者: mama5k 時間: 24-5-24 13:23 標題: 大家對孩子玩/使用手機的看法
現在大人都幾乎機不離身，作為父母，你是怎樣看待孩子玩手機？限制時間？設權限？「親子伴玩」？
作者: 天外之人 時間: 24-5-27 11:15
這個世界已經不能避免唔接觸呢啲高科技既野,「親子伴玩」為主,慢慢引導平衡. 當然最重要係維持到令孩子享受睇書讀書樂趣,這樣就算多玩機都冇影響學習心態.
作者: retriever 時間: 24-5-27 11:47
mama5k 發表於 24-5-24 13:23 
現在大人都幾乎機不離身，作為父母，你是怎樣看待孩子玩手機？限制時間？設權限？「親子伴玩」？ ...
手機是工具, 可提高效率, 不應影響正常生活...
如手機引起反向效果, 就應放棄使用手機(電腦亦然!)
作者: 加樂爹 時間: 24-5-27 15:23
有家長可以家裡唔準開電視...
其實唔易做到, 但係我相信, 有一套念理.
作者: beastiebistro 時間: 24-5-27 15:42
mama5k 發表於 24-5-24 13:23
現在大人都幾乎機不離身，作為父母，你是怎樣看待孩子玩手機？限制時間？設權限？「親子伴玩」？ ...
我嘅小朋友係全級最遲有手提電話嘅同學，仲要係brick phone（基本上係中一先有）。
換嚟嘅係極度愛書、專注力相對強同埋溝通能力相對高嘅小孩...
作者: 加樂爹 時間: 24-5-27 16:01
補充....我覺得可以越遲越好.
之前有個友人, "好心"送左部SWITCH 比阿仔....
以前, 佢讀完書, 溫習完, 睇電視都係documentary, 歷史劇集.
鍾意找不同提材書本去學習.
喜歡下棋, 到公園現捉迷藏, 踢波....
現在, 少少左好多啦...
我當然唔開心啦, 不是讀書問題, 係你想如何生活, 用什麼去平衡生活!
作者: RainyRice 時間: 24-5-27 19:18
加樂爹 發表於 24-5-27 16:01
補充....我覺得可以越遲越好.
之前有個友人, "好心"送左部SWITCH 比阿仔....
以前, 佢讀完書, 溫習完, 睇電 ...
自己小時候，家中部遊戲機會在長假期的週末才會一家人玩。可能你可以試吓。
作者: BB-Tiger 時間: 24-5-29 00:47
mama5k 發表於 24-5-24 13:23
現在大人都幾乎機不離身，作為父母，你是怎樣看待孩子玩手機？限制時間？設權限？「親子伴玩」？ ...
作者: 順子 時間: 24-5-29 11:41
beastiebistro 發表於 24-5-27 15:42
我家係六歲前完全零電子產品（包括電話／電腦／電視），我同太太都嚴格遵守唔喺小朋友前面用。通常係佢哋瞓 ...
作者: stillgood20 時間: 24-5-29 14:40
beastiebistro 發表於 24-5-27 15:42
我家係六歲前完全零電子產品（包括電話／電腦／電視），我同太太都嚴格遵守唔喺小朋友前面用。通常係佢哋瞓 ...
細囝見到字就好悶.會瞓著覺.
(後來.我發覺每個人频率不同)
小學/中學未曾看完一本課外書.
我記得佢幾歲.一家4口坐在大廳玩鋤大D.
細囝双手打著遊戲機. 用双脚同我哋玩鋤大D
一一一一一
作者: Radiomama 時間: 24-5-30 08:37
beastiebistro 發表於 24-5-27 15:42
我家係六歲前完全零電子產品（包括電話／電腦／電視），我同太太都嚴格遵守唔喺小朋友前面用。通常係佢哋瞓 ...
Same here!
我兒在中學時的手提電話是2G, 能打電話溝通/求救，他收到第一個智能電話是17歲的生日禮物。
之前都是上學用電腦做功課、message 老師同學聯繫，生存到。
無電子產品、少電視，所以初中之前是書蟲，之後也有打機，但唔叻，所以不沉迷。我仲買咗個PlayStation俾佢暑假玩，又係玩咗幾次就收工，佢無興趣。電視根本不是他杯茶，但會上YouTube /Netflix/DisneyPlus, 睇動漫。
所以，事在人為。
作者: beastiebistro 時間: 24-5-30 08:42
Radiomama 發表於 24-5-30 08:37
Same here!
我兒在中學時的手提電話是2G, 能打電話溝通/求救，他收到第一個智能電話是17歲的生日禮物。
我認為最好都係小朋友未出世已經諗好教育方向，day one都冇就唔存在俾左要收返嘅問題...
作者: 加樂爹 時間: 24-5-30 09:57
本帖最後由 加樂爹 於 24-5-30 09:59 編輯
阿仔部SWITCH在大半年前, 要佢熄機唔熄, 嘈左大交後, 佢發脾氣, 泵左起梳化上....我就借意話個screen 爆左, 再爆吵佢一鑤, 從此就大家都無再提部機, 信部SWITCH已經壞左.
當時網上玩MINECRAFT, 佢都會睇晒果d攻略書, 去研究下點玩, 都唔小書6-7本書局有賣果d都睇晒, 佢可以話除左打機, MINECRAFT 外知識佢都了解.
MINECRAFT EDUCATION 要用 PYTHON 寫程式, 我二年級暑假比佢上左兩個月, 佢跟住自己跟左書去 CODING.
當時, 比佢用電腦係基於呢個原因.
但SWITCH 之後, 佢就只知道打機係玩...上面既野又點會再做!
最唔開心係手機, 平板既YOUTUBE, 果d 外地教打機日日V 嘩鬼叫既YOUTUBER,不管是教你冷知識, 或講冷笑話, 會剎左好多時間....
現在, 沒有SWITCH, 用電腦打機只可在假日, 平日晚飯前後看YOU TUBE.
實在講, YOUTUBE 果班V 嘩鬼叫既人, 睇得多會令人蠢左, 果腦唔多諗野…
作者: 加樂爹 時間: 24-5-30 10:52
本帖最後由 加樂爹 於 24-5-30 10:53 編輯
我記得一兩年前, 在Covid 尾段, 偶意在一份英文報章上看到登革熱在新加坡流行...阿仔問我物野叫登革熱, 同Covid 有物分別? 我簡略了幾句回答.
翌日, 佢在家用了3個鐘在網上searching, 做左10幾板powerpoint, 由背景, 徵狀, 病理, 原因, 預防, 有copy的, 有加自已意見, 這不正正就是利用電腦去讓他腦袋無邊際去學習嗎?
回想, 讀書叻既人有兩種:
一種是你比佢雞精notes, by point form, 佢足夠聰明可以掌握到應用, 快靚正, 這個方法, 可以用到入大學前.
另一種, 佢要大量背景資料, 理解後, 才能夠明白重點, 明白為什麼除了這個標準答案外, 其他答案不足既地方. 這個花時間, 不合經濟原則, 但係無辦法, 因為佢及唔上第一類人那種聰明.
我覺得佢係第二類, 佢要問, 隨他去找資料.
這是一個理念, 可以每個人不一樣, 沒對錯.
以住那一套, 單一專注學習, 用到現在, 在科技資訊"發展中", 我強調是"發展中" 因為日後再進一步, 唔通連整個教育方向改變, 正式落實到實體學校教育, 才猛然覺得自已守著那本syllabus 的方向太窄了嗎? 想下當我們說會計, 律師都可能用AI代替, 未用20年後, 要的是什麼的能力?
當然, 會計, 律師仍不會真差到那裡, 因為不是市道, 地沿因素, 而是要怎轉形下, 叻既人都係社會需要既.
回說, 有沒有好好利用科技學習?
或者, 同今天你仍會戴口罩? 接受與病毒共存? 有同樣的矛盾爭辯.
我不是說那個好, 只是當你子女行到一個地步, 你了解佢能力, 性格後, 你欣賞亦正面去幫助佢行前, 會有家長不認同, 但你要有一個理念, 不是單一對與錯, 而是有沒有預防, 如何執行, 若有問題時如何改善, 這種想法?
作者: 加樂爹 時間: 24-5-30 11:03
補充...第一類及二類人不是絕對極端, 大部份都是在兩者間.
回樓主問題, 這是一個理念, 但當你要想怎樣計劃手機時間, 要先問自己:
有沒有預防, 如何執行, 若有問題時如何改善, 這種想法.
作者: Radiomama 時間: 24-5-30 13:47
科技發展，大家都要好好趕上；不過家長和小朋友要分清楚，有些產品其實是「電子奶嘴」，這個就要遠離。
學習當然不只限於課程書本，但同樣不要迷信網絡。世界好大，我會鼓勵小朋友多接觸人、學吓睇人面色、又或者多出街、觀察事物。最近我仔long weekend ，約朋友去hiking, 曬到面紅紅，我開心都嚟唔切。
作者: beastiebistro 時間: 24-5-30 16:25
Radiomama 發表於 24-5-30 13:47
科技發展，大家都要好好趕上；不過家長和小朋友要分清楚，有些產品其實是「電子奶嘴」，這個就要遠離。
學 ...
事實上我仔係13歲去英國寄宿先得到一生第一部個人電腦。但係只需短短三年，佢已經可以自己寫website，甚至用unity寫3D game。而且寄宿學校每晚收機，平日及週末又有大量運動／課外活動去忙，真正可以放喺電腦嘅時間少之又少...
作者: akys 時間: 24-5-30 17:06
我覺得手機，平板與閱讀好難並存，所以我們盡量拖延使用電子產品嘅時間。電腦用坐檯放喺廳度。而家孩子讀大學了，覺得呢個決定冇錯。
作者: RainyRice 時間: 24-5-30 19:12
Radiomama 發表於 24-5-30 08:37
Same here!
我兒在中學時的手提電話是2G, 能打電話溝通/求救，他收到第一個智能電話是17歲的生日禮物。
見到各位孩子已長大的家長的分享都覺得很鼓舞。小朋友小學階段暫時一星期在家中接觸不多於2小時電視/ipad (非功課/學習）. 多數看兒童新聞，也有Netflix、卡通、遊戲。不過當兩個小朋友年紀差幾年，細的難以避免地會比我期望中接觸更多電子產品，但都沒有用手提電話。我聽過我大那小朋友跟朋友講自己喜歡書本遠多於電視，都覺得很安慰雖然之前為了不準他們玩Roblox都傾了很久。
現在同學朋友開始有自己的手提電話，之後要開一部只用作打電話或基本短訊的手提電話給大那個，應該又會引來一場討論和反抗。
而當如BeastieBiatro所分享，英國(甚至世界各地)越來越多學校都限制小朋友使用電子產品尤其是手提電話時，某間我有興趣的國際學校中學，學生每個小息時段可以隨意任玩手機、網上遊戲，學校網絡沒有filter，學生亦可用自己數據玩，老師覺得沒有問題也不會阻止….就算小朋友自己沒有手提電話，在學校都可以用朋友的手提電話去玩，而一班同學一起放小息也是在玩電話，亦減少了小朋友人際關係in person溝通上的機會。好可惜。
就算在家裏實行到電玩限制，學校竟然做另一套，現今為小朋友選學校真的太多顧慮，有些情況就算跟現讀生家長傾都未必可以知道。到入學之後才發覺原來學校的執行與想像預了解中有落差就很麻煩了。
(離題：希望新校長會加以整頓）
作者: 加樂爹 時間: 24-5-30 19:57
本帖最後由 加樂爹 於 24-5-30 20:02 編輯
電子產品可以幫助Coding, 學習... ? 講真句, 呢D都係小炒一碟, 大個左要學, 快好多.
人天生邏輯數理能力, 只可承認係天生, 無需提早去學太多.
所以, 我認為這是生活模式, 生活媒介, 跟學習成績不太關係.
我小時, 家裡沒那麼多錢, 中學沒有什麼看戲及同學間活動, 就是整天在校內打籃球.
多虧學校有樣的生活, 但總是覺得欠了一些距離關係.
不影響讀書成績...但係會想學生生活是什麼.
其實, 校隊係咪真係咁光環呢? 花那麼多時間!
能夠延遲接觸手機當然好, 但係同戴口罩近似, 堅持, 避得到, 甚至話唔帶可以增加免疫力, 要堅持多久, 再有需要嗎? 呢D敏感野, 我唔去討論, 只係用來帶出樓主要怎樣去理解這個題目.
可能, 當一方認為狠下手直到大學, 好理想...但這個需要一個理念, 為什麼, 要做什麼?
年前我都有問自己, 做完晒功諜, 溫晒書, 余下時間點解唔可以鍾意打機?
答案是我想孩子怎樣的生活, 生活有與人相處, 有溝通, 打機只係佔小炒一碟!
當然, 我看是與校隊打波價值同一個水平
上網不是壞事, 想清楚就有方向, 家長就有標準.
我看他上網打機...坦白講, 我沒有那種想要陪佢, 等佢回心轉意那種天真.
其實, 心裡面經常去audit 緊價值...有意無意間指示佢...
佔用幾多時間並非全部, 佢講得出說服到我為什麼, 係重點.
生活平衡係重點, 唔比佢玩手機, 又可以比佢做物?!
這個花心思呀! 黎緊暑期, 平衡發展, 就不會再困難問每日應幾多個鐘去打機啦.
心裡面有個底, 用幾多個鐘外, 最慘係失預算.
希望把我想到既野, 分享到比樓主.
作者: RainyRice 時間: 24-5-31 15:14
加樂爹 發表於 24-5-30 19:57
電子產品可以幫助Coding, 學習... ? 講真句, 呢D都係小炒一碟, 大個左要學, 快好多.
人天生邏輯數理能力, ...
本帖最後由 RainyRice 於 24-6-1 18:39 編輯
對一些家長來說，相對起covid/感冒病毒日常病毒等 ，手提電話、電子遊戲、平板電腦等產品在”上癮風險”及相關的”時間消耗”而言應該比較上跟糖果零食、大麻或吸煙更相似。可能對你而言，校隊球隊練習都有同樣的影響。
但當有機會成本opportunity cost的時候，作為家長我會考慮想小朋友閱讀/探索環境/做有益健康的運動/與人交流，還是用電子產品。在小朋友培養好並穩固好良好的生活和學習習慣及態度之前，我覺得電子產品尤其是手提的”電子奶嘴”應有限制，適可而止。
或許你的小朋友年紀已經較大，所以好似你講「做完晒功諜, 溫晒書, 余下時間點解唔可以鍾意打機? 答案是我想孩子怎樣的生活, 生活有與人相處, 有溝通, 打機只係佔小炒一碟!」。其實大方向都一樣不過程度不同，給小朋友自主的程度，亦隨着年紀有所改變。
作者: stillgood20 時間: 24-5-31 19:02
本帖最後由 stillgood20 於 24-5-31 19:02 編輯
加樂爹 發表於 24-5-30 19:57
電子產品可以幫助Coding, 學習... ? 講真句, 呢D都係小炒一碟, 大個左要學, 快好多.
人天生邏輯數理能力, ...
每個人對每一件事:有不同理解.立場.判斷.和行動.
胞弟夫婦都是教師. 所以. 追求知識的態度十分明確.教育目標.甚至怎樣去養兒育女. 有著天份....
所以. 遊戲機.電視不列入日常活動.
電視能夠亮的.也許是新聞報告 .天氣報告之類.
一一一一
相反. 我家自由得很.
讀書考試.任何時候.都開電機.
唯一. 大囝畢業.細囝入大學之後. 再玩返HiFi.
一一一一
兩個教育系統.反差很大.
姪仔姪女. 仍在求學. 資源充足.
是專業型. 學習水平是理想類型.
一一一一
可能.每個小朋友有不同特質.
我大囝係保本型.
而細囝係不知不覺型.
一一一一
同題目一樣.
我觀察緊.
孩子成長發現的分別.
或許.人與人.不能完全比較.
作者: 加樂爹 時間: 24-5-31 19:15
本帖最後由 加樂爹 於 24-5-31 19:21 編輯
RainyRice 發表於 24-5-31 15:14
對一些家長來說，相對起covid/感冒病毒日常病毒等 ，手提電話、電子遊戲、平板電腦等產品在”上癮風險”及 ...
其實...你遇到既問題，我又點會唔係煩緊，當然理解；樓主post 得出黎就係有同樣問題。唔通個個係度答你，我成功禁止左我子女去用手機，呢個係唯一方法，咁就係你要既答案？
我無把手機神性化左，我分享我既困難只係你無留意。
心態要變呀，你如果只係把手機放在完全對立面，最後子女每日用半小時，你都會唔開心。。。唯一你覺得安心只係----原來其他家長比子女用一小時，我可以禁到佢用半小時，所以我咪覺得OK 羅！
我不是challenge 你，因為我都曾經問過自已以上問題； 係咪做完功課，唔可以打機嗎？打機和校隊係咪放在同一水平上，我都真係諗過---最後，我答案係生活平衡。
我那裡說除打機外，不需要與人溝通？不要運動？
你有盲點呀，因為你放唔開打機係敵對你子女既成長。
我都寫得好仔細，係因為我可以把事情攤開，找到上網既好處。。。
找到好處，就可以定立標準，定立你要子女如何做運用方向，定立平衡的生活。
而不會我唔比你用手機，但係你又係屋企無所事事； 又或者，校隊一星期練足5日波，我滿心歡喜，但就看不順眼你返到家要打手機。
一個反思。。。
我仔問題並不是小，我不是坐著跟你說風涼話。
只係我看到他有轉變，向着好的方向去。。。
要怎樣實踐？其實我都等緊有經驗既家長，佢子女都大了，如何平衡用手機的理念及隨之而用到既方法。
摸著石頭過河。。。
我未有分享我如何摸石頭，因為首先大家對標準有唔同，所以我都無係度詳細討論。
作者: TAIOU4 時間: 24-6-1 17:29
本帖最後由 TAIOU4 於 24-6-1 17:38 編輯
尼個Topic
好明顯又係鬥Cut自己細路o既娛樂同社交
Cut得越多越個細路就越高尚
咁佢大個就唔係做醫生就係做律師云云
感覺係
o拿! 你到跟我做
乜o野電子o野都唔好畀細路掂
但又要佢要用時要識用
你跟到我做你個細路就係叻仔
你就係一個叻叻父母
好啦
有人真係就去格硬跟住做
收晒個細路D娛樂同社交
跟住個細路唔高興就唔聽話
唔聽話就日日鬧交
鬧交鬧到冇心機讀書
讀唔成書就做唔到醫生律師
你睇! 你睇!
都話掂得尼D多就讀唔到書o架啦
咁就一世
其實好多人都唔打算去拎個平衡
又冇邊個敢講點用電子產品去令成績變好
真係聽晒班 "冇生仔" o既 "教育專家" 話
絕對政治正確
我諗應該冇人好似我咁唔跟遊戲規則
4歲用iPad教Math
5歲教細路玩iPad Game學VPL
大D同佢一齊玩Robot同其他Online Game
又係用VPL睇Video自學整Robot Game(付費自學課堂 < HK$100)
玩Minecraft自己開Server裝Mod同佢一齊玩Real Life Craft
買部Switch一齊砌Labo
不過佢係唔會自己一個玩
要玩一定要我同佢玩
最後佢唔會自己煲Game煲上引
會有人同佢玩佢先玩
所以乜都控制到
又可以放心畀佢用電子產品
其實人人都做到
係個個都當電子產品係毒藥
搞到親子關系變到差晒
陣間有個阿Sir/男仔話屋企有Netflix睇又機打
叫你細路上佢屋企就真係有戲睇
作者: stillgood20 時間: 24-6-2 08:25
TAIOU4 發表於 24-6-1 17:29
尼個Topic
好明顯又係鬥Cut自己細路o既娛樂同社交
Cut得越多越個細路就越高尚
作者: 加樂爹 時間: 24-6-2 19:29
TAIOU4 發表於 24-6-1 17:29
尼個Topic
好明顯又係鬥Cut自己細路o既娛樂同社交
Cut得越多越個細路就越高尚
中間過程有無擔心過阿女打機上網用太多時間？阿女開初有無控制唔好打機時間？
這段時期 （由沉迷到控制到) 有幾長時間？
你用什麼方法控制？控制原則是什麼？
又或者我想，你由她4歲開始玩到高小前，那個時期剛巧不在學科要求時期，都會有關係。。。
等我學下野。
作者: 加樂爹 時間: 24-6-2 20:07
本帖最後由 加樂爹 於 24-6-2 20:39 編輯
stillgood20 發表於 24-6-2 08:25
知識和樂趣.未必只有一條路的.
看到你可以平常心的欣賞自己家庭孩子關係，我很開心，因為生命本應珍惜的東西你拿到了。
不虛偽的說，讀書其實係社會向上爬的途徑，是起跑線，這是家長的信仰。
在網上運用或打機這個關口上，我很務實，當然我可以狠下心，唔比阿仔用電腦。
但途中有自問有反省，同時了解自已限度，了解他的能力，他的性格。
作者: TAIOU4 時間: 24-6-2 23:07
本帖最後由 TAIOU4 於 24-6-2 23:12 編輯
加樂爹 發表於 24-6-2 19:29
謝謝你的例子。
中間過程有無擔心過阿女打機上網用太多時間？阿女開初有無控制唔好打機時間？
其實係北風與太陽的故事
有時你唔畀佢玩佢就仲想玩
倒轉你要佢玩時佢就唔玩
最初期係等佢撞爆IPad Password 1次
以後就唔會再撞
基本上現世代小朋友玩Online Game
係要配WhatsApp Group Call開Speaker一路傾計一路玩
尤其係在Covid時
唔好畀佢玩單人遊戲
玩抽卡Game時
你同佢鬥抽
你運氣比佢好
佢就冇引之後唔想玩抽卡Game
其實手機都可玩UNO, Scrabble, Rummikub等遊戲
唔係一味低質抽虛寶Game
有次佢迷上了Switch動物森友會
好似返工咁去做每日任務
我就成部機Crack o左去
Cheat晒錢同道具
差在冇在電腦砌埋間屋放落去
跟住佢第一日玩好Enjoy好開心勁買o野
第二日就開始做一D平時Game內唔會做o既事
第三日好空虛咁唔知點樣去洗錢好
然後隻Game就永久封印
真係好鬼似人生...
雖然動森砌屋仔好得意
不過我直接畀佢玩The Sims任佢砌靚屋
仲可裝埋Mods整到幾靚都得
作者: 加樂爹 時間: 24-6-3 08:41
TAIOU4 發表於 24-6-2 23:07
其實係北風與太陽的故事
有時你唔畀佢玩佢就仲想玩
倒轉你要佢玩時佢就唔玩
你地係彿祖和孫悟空既故事~~~一山還有一山高.
阿女發現飛唔出你手掌後, 心裡想再黎過, 但再被打落五指山, 真係要重頭黎過!
有時用人就係咁----我要你帶剌既特性, 但又要唯我所用!
呢個解譯, 好似教科書唔會敢講!
都係話孫悟空被罰, 入左懲教處, 坐左500碌, 唔比佢做物做物, 之後佢洗心革面.
大家就要學下, 唔好犯錯啦.
作者: 加樂爹 時間: 24-6-3 09:17
TAIOU4 發表於 24-6-2 23:07
其實係北風與太陽的故事
有時你唔畀佢玩佢就仲想玩
倒轉你要佢玩時佢就唔玩
1. 其實手機都可玩UNO, Scrabble,Rummikub等遊戲, 唔係一味低質抽虛寶Game
現在的遊戲, 唔咪家長以前果D, RGP 打打打, 或者淨食鬼, Candy Crush 果D重複性既遊戲. 有不同選擇, 仔女玩緊物, 好重要.
2. 玩開一種遊戲, 自然就沉左落去, 以下你列呢D, 要"種"到佢去玩, 要花心機, 要開始有人陪玩, 呢個考家長, 又睇性格....若果最後不如理想, 當然是彼此了解, 在背後限制既手段啦.
3. Cheat晒錢同道具, 差在冇在電腦砌埋間屋放落去
呢個係心理戰, 落得場玩, 有輸贏. 要重新再玩, 反令佢正中你下懷, 以後唔玩.
作者: stillgood20 時間: 24-6-3 11:09
加樂爹 發表於 24-6-2 20:07
看到你可以平常心的欣賞自己家庭孩子關係，我很開心，因為生命本應珍惜的東西你拿到了。
不虛偽的說，讀 ...
我在廣西梧州看了第一版.沒即時回應.
及後再查.已經編輯了！
一一一
不管那個版本. 謝謝分享！
精英教育理念.
是普遍資質較優的家長的理想.
可有比: 精英分類. 更好的系統？
是否2分法？
或者.另一個說法.精英系統.可有缺陷？
如果.精英制(框框)培育出來的.
還有再分級？
你可有要求子女去到那一級？
一一一一一
作者: 加樂爹 時間: 24-6-3 20:38
stillgood20 發表於 24-6-3 11:09
你給我的回應.是否有2個版本.
我在廣西梧州看了第一版.沒即時回應.
精英教育, 更加如你說best of the best 那一種.
理論上有, 我理解好像不斷淘汰到最後的那幾個%.
我說理論上, 是因為太遙遠, 好像是天生那些IQ多於140以上的人, 才可掌握到的.
然而, 我覺得那一撮最成功的人, 住住是每日持久經營, 不知不覺, 行到另一個階段, 才發現自己以外, 只有聊聊幾人.
教育要追求什麼...?
坦白講小朋友尚少, 若果我說我想他是best of the best, 除了我不設實際, 我覺對佢對我都好大壓力....因為每天都要找到他一些亮點去証明自己眼光, 我亦會懷疑自己係咪好自戀, 高估左自已個仔。。。。
哈哈， 我講笑， 佢絕對不是這個料子。。。不過， 路是行出來的， 佢將來隨著興趣和機會， 可以行得幾遠我唔知，我諗你明我講物。
學識可以高, 可以博大, 至少有呢個二維空間， 我就覺得人生變數多的是， 很複習， 唔容易讀通。
（呢個好似我第一個回答給你， 那種品茶趣味)
我知一旦想要到best of the best 那種境界, 沒有那種一戰功成, 覺得全世界屬於自己的心智不成.
這是個人選擇, 我可以感受到的, 好像是運動員追求那百分之一秒; 打桌球那種佈局, 絕不能有小許失誤的專注...其實係好high 架, 由極大壓力下, 轉為一點的專注.
但對於最後只嬴在一點點的差別, 對於我這個旁觀者, 我真的感受不到.
反而, 我會去欣賞孩子在背後attach 左什麼意義?
意義是什麼? 可以是目標/理念的堅持, 可以為到一個發明去堅持, 可以為到社會, 甚或國家去實踐.
個人附著的理想, 已經不在於best of the best 這個層面上.
我真心是這樣看.
作者: ANChan59 時間: 24-6-4 06:51
加樂爹 發表於 24-6-3 20:38
是的, 我第一個回覆是直想直寫, 感受多一點, 後來覺得太冗長, 不如直接講重點較好.
精英教育, 更加如你說b ...
你的角度很有趣，不過，精英教育也可以用分流作栽培（因材施教）。我講嘅精英制= ／= best of the best。
有部份精英強於學術，部分強於動手，部分強於音樂體育文化，如果可以讓他們各展所長，因材施教，遠比冇乜興趣學術走去谷學術，冇興趣讀書被逼去讀書，有興趣煮食，或者剪髪被逼去學法文。
個別歐洲國家例如德國瑞士，會有雙軌制度，學術或者工藝，這些國家尊重兩條腿走路，藍領白領都係好平等，不同華人社會，工字不出頭。
作者: stillgood20 時間: 24-6-4 09:57
加樂爹 發表於 24-6-3 20:38
是的, 我第一個回覆是直想直寫, 感受多一點, 後來覺得太冗長, 不如直接講重點較好.
精英教育, 更加如你說b ...
其實.這題目存在著教育和家教兩個重點.
家教: 真係睇家長父母的背景.意願.能力.環境.
在多個因素之下. 有完全不同的考量和方案.
重點可能不同.
同時.每個孩子的特質也不同. 可能方法也不一樣的.
目標為本.
可能目標也不同.
一一一一
回應: the best of best.
剛剛上星期.擦了一個有關易經的視頻.
伏羲氏.千古年代的占卜術數.卻在1703年遇上了德國莱布尼茨. 德國天才數學.哲學....家. 他本身建立二進制的構思.未有發表. 遇上易經八卦圖像. 確定了他的理論.
二進制由此而來.
後續.我再去查看莱布尼茨生平.
有牛頓和莱布尼茨微積分學術之爭.
莱在生時. 因牛頓在學術界地方. 壓制了莱的成就.
一山不能藏二虎. 牛頓死時.英國風光大葬.
莱死時.則冷漠飄零.
但死後.由莱的遺物知道.莱的微積分是早於牛頓.只是牛顿早向外發表. 而且.微積分的符號.流傳的是莱的.
一一一一
二進制就是電腦的O/1基礎 .
當年.莱也研究出可以運算十/一/X/÷的機械計算機.
一一一一
究竟什麼是最好的.
真係睇命數.
睇命數. 易經有數千年歷史. 真係攪笑！
(PS. 一個話題.我又飛到離天萬象遠)
作者: 加樂爹 時間: 24-6-4 11:42
ANChan59 發表於 24-6-4 06:51
你的角度很有趣，不過，精英教育也可以用分流作栽培（因材施教）。我講嘅精英制= ／= best of the best。
...
正如你說, 或者很多人視BEST OF THE BEST 單是求日後名利的途徑, 但亦可以視為越過一座山, 找到具有同樣能力的人, 再去進深自己的興趣, 這是廣闊的, 不受限的科目.
誠然, 讀書可以視作完成一個科程的柜架 (不論dse/ib), 或者是一個載體, 去指導或幫助學習.
這真是個人的選擇.
明白.
寫到呢度, 睇番個題目....是否要用手機....自已走遠左, 不過討論後就有反思
作者: 加樂爹 時間: 24-6-4 12:11
本帖最後由 加樂爹 於 24-6-4 12:13 編輯
stillgood20 發表於 24-6-4 09:57
家教: 真係睇家長父母的背景.意願.能力.環境.
在多個因素之下. 有完全不同的考量和方案.
重點可能不同.
同時.每個孩子的特質也不同. 可能方法也不一樣的.
目標為本.
可能目標也不同.
你引多左其他例子, 不過無彷.
呢個"背景.意願.能力.環境."...好實際呀, 可以用手機打機, 考慮點係家長想點, 不是完全說是子女因素. 家長願付出多少, 點去理解事件既能力. 當然, 亦同時是了解子女的特質.
人生... 莱布尼茨...張冠李戴?
微積分...一個天才數學家, 叻人.
作者: ANChan59 時間: 24-6-4 12:42
加樂爹 發表於 24-6-4 11:42
謝回覆, 很多時看到你的回覆, 會有唔同層次的了解.或者, 你從當時子女教育選擇時, 應該都從中了解什麼是教 ...
我是過來人，而且我家CEO是在教育界，我是掹車邊小半個教育界，加上我們不耻下問，會有些不同的見解。
我都有些紆腐嘅，所以要兒子讀完學士，其他就讓他自由發揮。
很多時樓主開帖後玩失聯，後續嘅討論有時比題目更有意義。
玩手機這個題目已經討論過好多次，我始終覺得仔女係自己嘅，自己盡量幫手，或者放手，很多時放手才是家長的包袱，如果肯放手，那些問題糾纏會慢慢化解。
作者: stillgood20 時間: 24-6-4 12:42
本帖最後由 stillgood20 於 24-6-4 12:43 編輯
加樂爹 發表於 24-6-4 12:11
你引多左其他例子, 不過無彷.
呢個"背景.意願.能力.環境."...好實際呀, 可以用手機打機, 考慮點係家長想 ...
有時.我講嘢莫名奇怪.
補充一句:
所謂最叻的人.
也是際遇而已.
成功者.有`解釋'的話語權.
所以.造出成績.
極之重要！
作者: 天外之人 時間: 24-6-4 12:52
ANChan59 發表於 24-6-4 12:42
我是過來人，而且我家CEO是在教育界，我是掹車邊小半個教育界，加上我們不耻下問，會有些不同的見解。
我 ...
作者: 天外之人 時間: 24-6-4 12:55
加樂爹 發表於 24-6-4 12:11
你引多左其他例子, 不過無彷.
呢個"背景.意願.能力.環境."...好實際呀, 可以用手機打機, 考慮點係家長想 ...
作者: ANChan59 時間: 24-6-4 13:48
天外之人 發表於 24-6-4 12:52
可能樓主工作忙,不是一般有空閒既師奶咁可以隨時回覆, "玩手機這個題目已經討論過好多次，我始終覺得仔女係 ...
已閱。
作者: 天外之人 時間: 24-6-4 15:52
本帖最後由 天外之人 於 24-6-4 15:54 編輯
真係唔知EK內既父母,咩為之要係Best of the Best, 什樣才叫Best of the Best既孩子,作為真真正正既父母,正常孩子健康先係Best of the Best.
現今既父母咪又係一樣玩起來長大,衹係以前冇咁易有遊戲機或手機,但都有很多其他野玩, 當然有啲可能唔玩去補補補入名校成長到了社會有一定既收入,但係唔係真係Best of the Best,自己心裡有數,所以正常冇咩需要令孩子在學術上要Best of the Best. 見有家長提及廣西梧州,四十年前真係好鄉村,十五年前回去過已經改善好多,十年前建設路老家都列為古積,但科技發達令梧州換然一新,現在我估計比那時候更要好,對比起好多外國國家,中國既成長都算係Best of the Best.
作者: stillgood20 時間: 24-6-4 20:34
本帖最後由 stillgood20 於 24-6-4 20:34 編輯
天外之人 發表於 24-6-4 15:52
真係唔知EK內既父母,咩為之要係Best of the Best, 什樣才叫Best of the Best既孩子,作為真真正正既父母,正 ...
中國文化跟西方文化不同.
我喜歡: 詩經: 綽綽有餘.
兩種層次.不用比較.
一一一
梧州.
跟國內很多城鎮一樣.
在進步中.
四十年前去梧州.坐綠皮火車.
烏煙瘴氣.
今次.高鐵直達只係兩個多小時.
世界也近了很多.
可以說.高鐵是全世界第一.(陸續還在進步)
朋友由東莞開車全程高速.也要6個鐘.
聽見都怕.
作者: 天外之人 時間: 24-6-5 17:01
stillgood20 發表於 24-6-4 20:34
中國文化跟西方文化不同.
我喜歡: 詩經: 綽綽有餘.
上天既神洲,落地既高鐵,真係特顯中國品牌,美國既430穿梭機都失去蹤影,法國TGV同日本新幹線基本上已停留著而固步自封不再創新,日本既知名品牌又不斷做假.....西方既文化及思想不知道什樣形容既好....看到香港去北京高鐵都可以有臥鋪出現,為人民生活質素改善及提高,喺呢個世界上,中國真係Best of the Best.
作者: stillgood20 時間: 24-6-5 19:36
天外之人 發表於 24-6-5 17:01
都係我所講,孩子有心讀書,東方西方都冇問題. 衹係而家西方既亂比東方更甚,作為父母以安全為上,多留在東方 ...
The best of the best, 係鬼佬野.
你查過中國文化中有嗎？
中國文化:
以上: 綽綽有餘. (叻.不用掛在咀邊)
又曰.易經之中.謙卦.
謙謙君子.
六十四卦中.只有謙卦是完好.
假若世事萬物.在六十四卦中.
作者: 天外之人 時間: 24-6-6 10:15
本帖最後由 天外之人 於 24-6-6 10:15 編輯
stillgood20 發表於 24-6-5 19:36
唔好貪心.亦唔好自大.
The best of the best, 係鬼佬野.
"沒有最好, 只有更好" 呢句在教育上所指學生學野無窮無盡,唔需要因一次考試失敗或成功就停下來.
其實各人都有自大及貪心既念頭,包括你我,衹係各人所定義既位置在那裡. 品行好自然控制得宜,唔好就會失去控制.更何況所講既野係事實,莫非你覺得不對?還是唔敢面對現實.
作者: stillgood20 時間: 24-6-6 10:41
天外之人 發表於 24-6-6 10:15
"沒有最好, 只有更好" 呢句在教育上所指學生學野無窮無盡,唔需要因一次考試失敗或成功就停下來.
其實各 ...
聰明反被聰明誤.
股票市場.見得最多.
作者: 天外之人 時間: 24-6-6 12:30
stillgood20 發表於 24-6-6 10:41
是否: 自大和貪心.形容成`正面`動力？
聰明反被聰明誤.
衹係你所講要點,見得最多就係孩子童年學習上既痛苦,你說這些所謂既"正面"好嗎?
| 歡迎光臨 教育王國 (/) |
Powered by Discuz! X1.5 |