教育王國
標題: 小朋友偏科英文，小學點揀好？ [打印本頁]
作者: angiejai 時間: 24-4-29 22:30 標題: 小朋友偏科英文，小學點揀好？
如果係你地，會同小朋友惡補弱科平衡返，定係驚逼得太緊令佢對學習失去興趣由得佢？
背景: 私幼平時英普為主，英文好，中文超差，K3 都淨係識大約50個字，拎起書就話眼瞓。數體藝音都ok，活潑坐唔定多嘢講，無宗教信仰。
聖雅各: 多功課，谷，學校比較嚴。免費，校網升中好
啟基: 硬件設施性價比相對唔高。有愛心，多活動，初小壓力細
啓思: 會更加偏科英文，學費貴。IB，校規自由，壓力較細
作者: RainyRice 時間: 24-4-29 22:38
angiejai 發表於 24-4-29 22:30 
如果係你地，會同小朋友惡補弱科平衡返，定係驚逼得太緊令佢對學習失去興趣由得佢？
背景: 私幼平時英普為 ...
在幼稚園便說偏科太早了，在現今時代大部份小朋友都覺得中文好難，但就算國際學校其實都要識中文。除非有學習障礙，正常應該學得識。怕自己教小朋友逼得太緊，可以出去找一間中文班上認字班。暑假前盡快識讀和寫多些字，上小學會輕鬆開心好多。
作者: minichong28 時間: 24-4-30 10:07
如果你諗住放洋, 讀邊間都無所謂
如果你諗住香港繼續升學, 就快快學好中文
啟思係中文小學, 好著重中文, IB都係中文教, 點會偏英文, 裡面讀既人多數係有家底國內家庭或屋企有英語背景, 所以英文先保持, 如果屋企無英文語境, 單靠學校就慘
作者: Ashleydear 時間: 24-4-30 17:55
應該先睇吓你哋家庭取向，有冇機會會去海外升學，如果有機會，而你又覺得中文要加強，無論係讀邊間學校或外補，都要首先加強中文閱讀能力。如果一直唔肯睇中文書，其實讀邊度都冇用。
作者: boboapril 時間: 24-4-30 19:49
補就唔－定等如惡補。搵多幾間同時學好中文，襯未上小－有時間，睇下邊間趣味性大d, 上小－keep -間好了，group class 玩下d小比賽，小朋友應該受落d, 亦睇吓邊個老師同小朋友夾d. 上到小學，就真係家長要跟緊d中文功課了，校內課程唔好靠補習老師。
作者: boboapril 時間: 24-4-30 19:50
啟基應該適合d
作者: chingchub 時間: 24-4-30 22:40 標題: 回覆樓主:
會否考慮放洋？如果會不久將來走，讀咩都冇所謂，如考埋公開試先走，IB都適合外國升大。但要留意IB一樣要讀中文，都唔係易。而IB課程會好忙，比較長期佢戰，好多project計分，要好自律識time mgt先合適讀。
如有心想小朋友學好中文，先唔好再谷英文住，兩科差距越遠只會越冇興趣讀中文，要盡快令兩科差距縮短！
作者: Dadagaga 時間: 24-5-1 11:05
升小前仲有幾個月，絕對有足夠時間追返中文程度，甚至可以追到小一上學期程度。升到小學，每科都要兼顧，就更難追。
作者: chriskaan 時間: 24-5-4 13:41
回覆 angiejai 的帖子
其實 , 啟基 / 啟思 , 都係以廣東話授課多 , 而且中文都係本地課程 !!
以過來人經驗分享 , 我小朋友都係幼稚園時期已經嚴重偏向英語 , 最後考小學 , 只考左幾間所謂英文直資 + 1間真全英語授課(除左中文科) 的私小 , 由於小朋友中文的確差 , 連 K2 開始幫手補習中文 + 認字的老師 , 都叫我唔好浪費小朋友成長時期的學習黃金時間 , 叫我直接搵間英文小學俾小朋友 , 老師見過好多小朋友 , 如果用3年時間去追中文 , 追完中文後又要再追成績 , 其實小朋友6年小學 , 都不停追追追 , 成績差會越讀越無自信 , 所以 , 就算當年我抽獎抽到地區一線小學都放位 , 最後決定俾小朋友入讀一間全英語授課的私小 , 俾佢用佢自己熟悉的語言去學習 , 書係小朋友讀 , 唔係家長讀 , 我亦唔想每天小朋友放學返屋企 , 對住一堆唔理解的功課等我放工返屋企再教佢做 , 當然 , 半放棄中文的背後就是靠家長的課金支持...!!
其實 , 有2間津校或直資 , 大部份科目都係以英語授課 , 你可以考慮將來俾小朋友叩門 , 但係 , 插班位少 , 而且都要睇成績 , 家長同小朋友都要努力一下 !!
最後你亦要考慮將來升學的問題 , 如果想入一間比較好的中學 , 中文能力一定唔差 , 除非你考慮升中就會俾小朋友離開香港 , 或者轉讀其他私校 / 國際學校(即係...有錢讀咩都無所謂) , 否則 , 最後都是要老老實實學好中文 !!
作者: miku2010 時間: 24-5-4 15:39
chriskaan 發表於 24-5-4 13:41
回覆 angiejai 的帖子
其實 , 啟基 / 啟思 , 都係以廣東話授課多 , 而且中文都係本地課程 !!
想請問係邊2間津同直資主要用英語教啊？(emoji)
作者: chriskaan 時間: 24-5-6 09:34
回覆 miku2010 的帖子
津校 >> 李鄭屋官立小學 及 天主教總堂區學校
作者: kissis 時間: 24-5-6 11:13
幼稚園唔會偏科啦，趁未升小落力追，唔精都至少要合格，加油
作者: RainyRice 時間: 24-5-6 13:15
angiejai 發表於 24-4-29 22:30
如果係你地，會同小朋友惡補弱科平衡返，定係驚逼得太緊令佢對學習失去興趣由得佢？
背景: 私幼平時英普為 ...
其實我小朋友到K3暑假英文開始chapter books但中文仍是文盲，P2前沒有補中文，到P2已經大致追到，到P2有上了一些普通大班中文班。中文不是最top但可以閱讀適合年齡的故事書課外書。另一K小朋友不久前也不肯讀中文故事書，現在已經可讀亦肯讀。
記得某女作家(中文）都說在10歲前都一直被讀寫障礙困擾。
只不過幼稚園/小一，不用放棄….
作者: LeeCC 時間: 24-5-6 13:22
本帖最後由 LeeCC 於 24-5-8 13:41 編輯
幼稚園咁早就斷定偏科？就算讀寫障礙都要6歲才可確診吖
作者: 小曳人 時間: 24-5-6 14:24
唔知你"惡補" 係點惡法
但我會用佢有興趣嘅野引佢
e.g. 大大下睇老鼠記者 (英文版)，睇多幾本，就氹佢睇d中文版
去行科學館，指住d中文字讀/講解展品
佢唔需要鍾意中文，但大人就用興趣吸引佢認字
至於出唔出國，我又覺得關係唔大，反而出國~ 我會先訓練孩子有一定嘅中文程度，因為以後就無機會再學
而留响HK，就行non jupas 大方向，唔讀local 課程嘅學校就無大問題
作者: kirstyau 時間: 24-5-19 16:17
angiejai 發表於 24-4-29 22:30
如果係你地，會同小朋友惡補弱科平衡返，定係驚逼得太緊令佢對學習失去興趣由得佢？
背景: 私幼平時英普為 ...
本帖最後由 kirstyau 於 24-5-19 20:45 編輯
升小，中文仲有得救。除非諗住出國讀書移民，如果長遠生存係香港，我會盡快補救中文。我嗰啲所謂偏科英文，但係中文差極有個譜，dse要攞3絕對冇問題。
家長的起心肝當BB班伴讀中文圖書。呢一刻唔係諗學到幾多字，最緊要提起佢興趣。
作者: liverpool2023 時間: 24-5-19 20:40
提示: 作者被禁止或刪除 內容自動屏蔽
作者: twhkleung 時間: 24-5-20 02:14
其實HK的語文政策真係幾失敗...
香港人>90%每日講廣東話, 聽廣東話, 出到街, 绝大多數都係睇中文字, 依家条街, 外國人又唔多, 成個環景都係中文為主, 只有寫中文少d(用keyboard), 点解响小學幼兒园揩段中文就己差過英文(点解唔係差過德文或法文)?
除了爸妈的影响, 還有其它原因嗎?
作者: poonseelai 時間: 24-5-20 07:39
twhkleung 發表於 24-5-20 02:14
其實HK的語文政策真係幾失敗...
香港人>90%每日講廣東話, 聽廣東話, 出到街, 绝大多數都係睇中文字, 依家 ...
或者要睇每個家長的期望, 樓主話孩子超差,大約懂50個中文字,我唔知這是否差,定係正常？
作者: RainyRice 時間: 24-5-20 08:37
twhkleung 發表於 24-5-20 02:14
其實HK的語文政策真係幾失敗...
香港人>90%每日講廣東話, 聽廣東話, 出到街, 绝大多數都係睇中文字, 依家 ...
本帖最後由 RainyRice 於 24-5-21 09:32 編輯
經驗之談：
兩個小朋友從小到大都有極大量親子閱讀，家中從不缺大小朋友中英文書，亦有家人的閱讀榜樣。
由於大那個的”相對上痛苦”的經驗，細那個外補加自己努力，希望可以”成功””輕鬆”涵接高小/中學。
學中文的痛苦/失敗在於：
-幼稚園沒有為家庭定下和年紀相若的認字目標，小朋友沒有特別誘因早學，家長太相信學校，以為做好學校的功課，溫好學校給的字卡便可以，沒有危機意識。
-坊間多說親子閱讀不應牽涉認字，但可能這些是針對怪獸家長的言論，沒有提到其實小朋友升小前要認多少字；小學大部份小一什至小二會有讀卷，家長更掉以輕心。
-英文易上手越來越強，小朋友更少誘因去讀難明難上手的中文故事書。
-中文追得很痛苦但小學中文程度幾何級上升，越讀越沒有興趣和信心。
-中文認字書算多，但認字之後的合適程度的橋樑書相對少，要找合適程度的橋樑書障礙重重，或者有，但經過這麼多年仍然找不到太多。就算已經外判補習，比起英文，家長仍要用幾倍力。
-普教中小朋友上堂未必完全明白。
-小朋友性格
-家長太hae
作者: poonseelai 時間: 24-5-20 08:58
RainyRice 發表於 24-5-20 08:37
本帖最後由 RainyRice 於 24-5-20 08:57 編輯
經驗之談：
請教：
1. k3的目標是什麼？
2. 香港得好少英文小學, 基本上大部分學習也是中文, 正如樓上家長講, 日常生活也是中文環境為主, 問題在哪裡？
作者: RainyRice 時間: 24-5-20 09:08
poonseelai 發表於 24-5-20 08:58
請教：
1. k3的目標是什麼？
2. 香港得好少英文小學, 基本上大部分學習也是中文, 正如樓上家長講, 日常生 ...
本帖最後由 RainyRice 於 24-5-21 09:35 編輯
理論上讀普通小學，不太認識中英文升上小學都沒有問題，但我覺得K3學校準備大量字卡和認字活動給小朋友，仍欠缺了中間那些連接詞或一些基本中文”sight words”,(因為、所以、但是、雖然、然後、忽然、便、更、使、而且、並且、….)令閱讀困難。基本上如果只做足幼稚園要求，小朋友上到小學都很辛苦。或者問題是我揀了間泰愉快學習的幼稚園。這方面，補習社是做得幾好。
或許中文是結構性難學，一定要有死記背誦成份才可以學得好？
不認識大量中文升小學本來沒有問題，但小朋友英文進步神速，大量閱讀英文，家長雖然有鼓勵並經常伴讀中文確保認字進度可以，但仍是不足。有了比較，小朋友英文越來越好，對中文越抗拒。威逼利誘下，都肯閱讀中文，現在閱讀圖書已經和同輩同程度，但中文的閱讀測驗考試要求比英文高，仍然是跟得很痛苦。
不是想嚇樓主，但中文真的要儘早追，尤其是如果小朋友英文好，學中文越遲越難攪。多讀課外書，上認字班或自己跟小朋友認字，這個年紀可以學得好快。由現在到升小還有三四個月，加油！
作者: CR400AF 時間: 24-5-20 10:08
RainyRice 發表於 24-5-20 08:37
本帖最後由 RainyRice 於 24-5-20 08:57 編輯
經驗之談：
我哋嘅經驗，係當同小朋友去茶餐廳食嘢嗰陣，教佢睇餐牌同自己點嘢食，所以佢會記到一啲比較深嘅字，例如煙肉呀午餐肉呀沙爹牛又或者公仔麵之類嘅字。如果唔係佢自己唔識字而點錯嘢，佢要自己硬食。 
作者: fmf903 時間: 24-5-20 10:33
仲咁細，唔叫偏科。是中文弱。加強一下中文就可以。
作者: mcl233 時間: 24-5-20 13:37 標題: 回覆樓主：
本帖最後由 mcl233 於 24-5-20 13:39 編輯
KG識得50個中文字，冇問題吖，當年自己位小朋友就係咁，KG出名偏淺，但又算係名幼。升小又係英小，又係出名輕鬆教得淺，仲出名中文偏弱。升埋中學仲考埋DSE，OK喎～
KG識得50個字唔係問題，取決於小朋友成長路行為和心態，佢自己採取放棄心態，家長又欣然接受，似乎咁先有問題～
BTW，中文偏弱，係同英比相對既比較～～～
| 歡迎光臨 教育王國 (/) |
Powered by Discuz! X1.5 |