教育王國

標題: 何x學生真係無禮貌 [打印本頁]

作者: live172000 時間: 24-4-22 13:33 標題: 何x學生真係無禮貌

本帖最後由 live172000 於 24-4-23 11:29 編輯

事源今日向中央圖書館對面間7-11買野排隊咁岩撞見這間學校的學生買野，點知我排緊隊個女生仲話我排得唔好都算，由得比佢排先比錢。當我同我小朋友講野，個何東女學生竟然轉向後對住我大大聲講「你講完未呀，你收聲啦。」再之後，該女生比完錢仲要特登大大力撞埋黎我同小朋友度，之後直接走去連道歉都無句，連我小朋友都覺得個姐姐好無禮貌。真係唔明著住套校服都可以咁無禮貌又惡。奉勸各位家長，可以既都無謂選此校作為升中。完全係近朱者赤，近墨者黑。老實講，平時都有見過這間學校的學生買野，但真係無諗過何東學生一出口就叫人收聲。

作者: rsx 時間: 24-4-22 20:18

咁你同小朋友講乜先？似乎有關個學生咁佢先會咁冇禮貌，片面之詞咗啲喎！

作者: live172000 時間: 24-4-23 00:30

回覆 rsx 的帖子

當時我同小朋友講下次千其要排好d隊，唔好似今次咁，唔係第時遇到同樣情況好易令人以為我地無排好隊。而我亦真係同緊兩個小朋友一齊排緊，明明前面係個阿叔就係唔知點解望一望小朋友就多左個學生向枱側邊排緊（佢就話我先係企側邊）。我小朋友都覺得奇怪點解個學生話我地企側邊…見佢lunch都唔同佢講太多因為講黎都無乜用（就算我講左我同小朋友排緊，佢只認為我唔係排），無諗過佢轉身之後就咁講野，呢間7-11本身都好窄下，而正常7-11比完錢都向前行去前邊少人位置，佢當時反而係向後邊比錢人龍行+大大力撞過黎我同小朋友度）我作為大人都覺得撞到膊頭痛左陣，小朋友又被撞痛+爭少少企唔隱，但對方係一句道歉都無就走左去後方。大家有懷疑既得閒去該7-11/m記去睇下/親身感受該校學生既言行，我都只係講返親身經歷而已。

作者: live172000 時間: 24-4-23 00:43

本帖最後由 live172000 於 24-4-23 00:44 編輯

回覆 rsx 的帖子

我係有同個學生講我同小朋友跟向阿叔後邊排緊隊，但個學生係都要話我企側邊，我果時都費事同佢拗比佢排前就算。但佢比完錢向後行再撞過黎明顯係特登行為（真係要最清楚明白都係睇cctv)。如果小朋友排左隊都被質無排隊，呢下其實我都無奈同仔女講由佢，總之自己知道有排隊做左岩既事。

作者: rsx 時間: 24-4-23 08:52

咁我都相信係個學生品行差，你下次教仔都要睇timing，因為你同人拗完兩句即時就教仔唔好這樣唔好那樣，對方一定會對號入座覺得你話緊佢，而事實上你真係講緊同佢有關嘅內容，對佢黎講內容100%負面（唔通你會讚佢，不會），比人指桑罵槐含沙射影既感覺！

所以你有一定的責任，雖然件事前因似係你啱（我相信你的陳述），但最終你有小朋友在場你蝕底！

最後如果你堅持冇錯，我建議你去學校投訴，睇埋學校處理方法，覺得唔啱先好開學校名，對間學校都公平啲，否則你又多一條罪：一竹桿打一船人

以上純粹個人意見及溫馨提示，不喜勿插

作者: live172000 時間: 24-4-23 11:15

本帖最後由 live172000 於 24-4-23 11:15 編輯

我就係拖住既都係好細（幼稚園同初小生），所以點解都由得對方行先算。作為父母我真係唔想小朋友對做岩既野都要覺自己有問題，唔係我最怕小朋友係學左永遠都係認左係自己錯就慘。至於佢撞到我同小朋友撞到痛，佢撞完佢仲特登擰個頭係笑（當我講話：你撞到人道歉都無句），呢下我都好無奈。至於唔開校名，我睇下改唔改到個題目。無論點都謝謝你意見。

作者: rsx 時間: 24-4-23 12:20

要教大把時間，等冇人時慢慢分析豈不是更好？讚成要據理力爭同時要心平氣和，也是做好榜樣的方法！

作者: TAIOU4 時間: 24-4-23 13:10

其實你影7仔到後鏡相
寫信畀佢校長最有效

又或者Post連登以何東女為題
裡面乜向左走向右走o野都寫得
唔洗寫到點到即止下唔到氣

作者: zitaeric 時間: 24-4-24 15:22 標題: 回覆樓主:

五樓講得好啱。
我識得都有何東嘅學生，係吾差。
人多地方細，好容易有誤會。吾贊成用公審方式。

作者: Rpp 時間: 24-4-24 16:28

建議樓主真係覺得有必要嘅可以打電話到該學校，描述時間地點人物事情經過，要學校給你一個滿意嘅答案＇或書信解釋，讓學校教導學生，因為好多時學生著咗校服代表間學校，一個眼神一個動作都會引起誤會。

作者: retriever 時間: 24-4-26 10:06

rsx 發表於 24-4-22 20:18
咁你同小朋友講乜先？似乎有關個學生咁佢先會咁冇禮貌，片面之詞咗啲喎！
...

細節唔係現場無人知...

不過聽個女生叫樓主收口, 似乎係位女生覺得樓主在 "單打"佢!

作者: rsx 時間: 24-4-28 14:49

retriever 發表於 24-4-26 10:06
細節唔係現場無人知...

不過聽個女生叫樓主收口, 似乎係位女生覺得樓主在 "單打"佢!

所以我話樓主有責任，當時有兩個選擇，息事寧人或直接反擊！但佢選擇咗第三個option！

作者: lot888 時間: 24-5-4 22:00

回覆 rsx 的帖子

我都對樓主講嘅嘢有保留，真係唔可以只聽其中一方當事人描述就當係事實嘅全部。久缺其他客觀因素，以自己感覺而叫人升中唔好揀該校，這種做法我自己覺得並不恰當。如樓主真想反映情况，如上面家長講，至電學校是最好做法。

作者: donaldonald 時間: 24-6-4 15:00

樓主只因一件事 (( 就建議可以既都無謂選此校作為升中 )), 真係對就讀學生,家長, 老師都不公平

想問樓主小朋友現就讀邊間學校? 如果帖子開名是樓主小朋友學校, 樓主有咩感覺?

作者: alibabah 時間: 24-6-4 15:09

回覆 live172000 的帖子

同情樓主的遭遇，無怪乎台灣很多網紅說帶小朋友的家長是脆弱的，因為好多人睇住你哋嚟食，小心及take care!

作者: 10090 時間: 24-6-4 18:17

donaldonald 發表於 24-6-4 15:00
樓主只因一件事 (( 就建議可以既都無謂選此校作為升中 )), 真係對就讀學生,家長, 老師都不公平

想問樓主小 ...

其實無話公唔公平，有啲人去餐廳食飯，覺得難食或服務差就上openrice唱衰佢，如果咁係對廚師、侍應唔公平嘅話，好多網站要執笠

作者: smallsnowman 時間: 24-8-24 03:03

lot888 發表於 24-5-4 22:00
回覆 rsx 的帖子

我都對樓主講嘅嘢有保留，真係唔可以只聽其中一方當事人描述就當係事實嘅全部。久缺其他 ...

歡迎光臨教育王國 (/)