教育王國

標題: 覺得學之園在品德教育方面教的如何？ [打印本頁]

作者: jinJJ 時間: 24-4-3 12:33 標題: 覺得學之園在品德教育方面教的如何？

請問學之園用家/認識學之園用家，覺得學校在品德教育方面教的如何？（求真用家意見，自己係街見到LH 曳學生唔計）

作者: leung133 時間: 24-4-5 21:33 標題: 回覆樓主:

學之園學生既品德較多係由家長身上學，收生時已經有所了解，學校最多是在不守規則時致電家長，但學生一般都有很好的品德

作者: yantoyan 時間: 24-4-24 14:21

品德不是重點

作者: Adiezz 時間: 24-4-24 14:27

有品德教育，但唔係課程重點，學校強調家校合作，品德家長都有責任教育

作者: conniechanny 時間: 24-4-24 15:14

品德只有一本書仔，老師派比家長自己跟自己教。時間留來主力教學術。 LH出來小朋友比較冷漠。欠缺同理心。教會學校比較著重品德。明顯出來小朋友係有分別。

作者: yantoyan 時間: 24-4-27 14:03

你上官網睇就知，佢地追求小朋友知識發展較多。

作者: ifcsir 時間: 24-6-21 01:58

conniechanny 發表於 24-4-24 15:14
品德只有一本書仔，老師派比家長自己跟自己教。時間留來主力教學術。 LH出來小朋友比較冷漠。欠缺同理心。 ...

咁不是很好

作者: Jean1769 時間: 24-6-21 10:43

conniechanny 發表於 24-4-24 15:14
品德只有一本書仔，老師派比家長自己跟自己教。時間留來主力教學術。 LH出來小朋友比較冷漠。欠缺同理心。 ...

咁請問邊間幼稚園出來會好熱血同好有同情心？我認識的LH小朋友好多都好乖好有禮貌。

你呢個評價真係唔係幾公道。

作者: 已刪除用戶 時間: 24-6-23 23:31

jinJJ 發表於 24-4-3 12:33
請問學之園用家/認識學之園用家，覺得學校在品德教育方面教的如何？（求真用家意見，自己係街見到LH 曳學生 ...

一日番得3 小時，又食茶點又走廁所又playground 玩，已經要train面試機械，仲邊有時間train品德。。。

作者: 沙之器 時間: 24-6-24 12:00

我得一個小朋友，好難同其他學校比較。只能說家長角度不覺得差，小朋友食茶點有教要講THANK YOU，校長老師在門外有同學生講早晨，呢個係身教。有聽過校長早會訓話學生不要遲到。老師有同我地講小朋友點對其他同學仔，要我地留意小朋友邊D行為。至於老師有無係課堂講德育，我唔知，ASSUME無。但本書仔的確針對到該年齡會面對到的問題，例如打招呼、分享、自己著衫等。我自己覺得品德由父母教及身教是重要過學校，畢竟學校只有3個鐘時間，太趕。而且好多操練德育既埸景都在校外，真係要靠家長多D。

作者: LittlemBB 時間: 24-6-25 06:40

conniechanny 發表於 24-4-24 15:14
品德只有一本書仔，老師派比家長自己跟自己教。時間留來主力教學術。 LH出來小朋友比較冷漠。欠缺同理心。 ...

好多時，品德都會借助繪本去引導小朋友。黎本書仔都係同一個道理，會鼓勵小朋友去完成目標，做到就有貼紙鼓勵。家校合作，黎本書仔只係派比家長小小功課，希望同仔女一齊去睇去完成。

我完全唔覺得LH 小朋友無同理心，我個女不知幾有同理心，好識顧及別人感受。

其實，面試小一都會睇禮貌，所以LH點會唔著重品德教育呀。

小朋友每朝見到同學爸媽，會主動叫xx媽媽早晨。

而我不反對既就係LH 小朋友比較活躍（你可以話曳），但好多相對醒目既小朋友都係活躍啲，唔出奇。

其實LH 所教既野唔深，好多私幼仲深過佢。

作者: terryng1205 時間: 24-6-29 00:47

LittlemBB 發表於 24-6-25 06:40
好多時，品德都會借助繪本去引導小朋友。黎本書仔都係同一個道理，會鼓勵小朋友去完成目標，做到就有貼紙 ...

咁你最後派咗什麼小學？

作者: jbbmom 時間: 24-7-1 00:23

回覆 yantoyan 的帖子

Agree

作者: LittlemBB 時間: 24-7-2 21:19

terryng1205 發表於 24-6-29 00:47
咁你最後派咗什麼小學？

我沒有參加大抽獎，所以不是派位的。除左女拔和SPCC 外，其他有去面試既直私，9成都收。

作者: terryng1205 時間: 24-7-2 21:23

LittlemBB 發表於 24-7-2 21:19
我沒有參加大抽獎，所以不是派位的。除左女拔和SPCC 外，其他有去面試既直私，9成都收。
...

我今年有學之園PN offer , 感覺易入咗。

作者: LittlemBB 時間: 24-7-2 21:32

terryng1205 發表於 24-7-2 21:23
我今年有學之園PN offer , 感覺易入咗。

邊間分校？其實出生率低左，易入左都唔出奇。不過我女升左小一，細佬下年升K2，又經歷疫情，都無研究係咪易入左啦。因為我本身唔係 target 神校，但求揾間啱自己和個女既學校咋。

作者: terryng1205 時間: 24-7-2 21:39

LittlemBB 發表於 24-7-2 21:32
邊間分校？其實出生率低左，易入左都唔出奇。不過我女升左小一，細佬下年升K2，又經歷疫情，都無研究係咪 ...

因為這討論區係公共的，就不方便透露，不過因為大女讀女校，中西區中學派位又不利男仔，用住個區派位，出名中學又比較少，除咗直私。所以讀私幼。

作者: MoMo-L 時間: 24-11-13 18:37

只重學術同競爭，其他對佢學校吾重要，佢哋好揀家長，最少都要揀old boy家長先會收，之後睇住邊、職位、收入，係一買一賣嘅商業化學校。如果比我揀佢同York ，York真心多元化同埋有heart

作者: MoMo-L 時間: 24-11-13 18:40

本帖最後由 MoMo-L 於 24-11-13 18:40 編輯

conniechanny 發表於 24-4-24 15:14
品德只有一本書仔，老師派比家長自己跟自己教。時間留來主力教學術。 LH出來小朋友比較冷漠。欠缺同理心。 ...

係呀，親戚升小先知小朋友變得無乜同理心，以前k1轉校前吾同，讀到升小只顧自己感受同埋好鍾意同人爭，同埋開始鍾意知道咩叫爾虞我詐，步入社會，最好就入呢啲咁現實、勢利眼既幼稚園，佢哋老師同校長都係差唔多，加快消滅童年既傻（童真）

作者: eleung123 時間: 24-11-14 13:22

回覆 MoMo-L 的帖子

LH既小朋友係無乜童真

作者: jbbmom 時間: 24-11-15 07:36

入LH主要為升小, 目標為本, 品德教育唔係重點

作者: jsmjsm 時間: 24-11-16 23:43

如果佢因為升小資訊透明, 就被標誌為目標為本, 品德教育不是重點, 似乎有欠公道.

畢了業三年, 學之園教的除了學術, 亦潛而默化教了小朋友品行. 家長在家教小朋友各樣情況有困難, 同老師講, 老師會一齊在學校幫手...

只係學之園家長本身都係傾向真私,會報interview class, 會催谷小朋友, 唔係學校叫..學校會支援升小, 但教學, 小朋友品格教育我覺得做返正常野.

呢個係讀左四年的觀感

當然, 我好認同, 小朋友讀呢間學校既家長, 鐘意既會好鐘意, 唔鐘意既會好唔鐘意...但百貨應百客, 按自己喜好選擇就好了.

利申: 我好喜歡, 喜歡師生關係, 喜歡同學仔, 喜歡很生活化地教學術知識, 小朋友而家P3, 仍然會回校幫手做新生大使.

各位可以不認同我, 但只係講返作為舊生家長的看法.

歡迎光臨教育王國 (/)