教育王國

標題: 求救～ 小朋友唔識中文，其他科都有A/B，可以揀咩中學？ [打印本頁]
作者: Kairi313    時間: 24-3-19 13:06     標題: 求救～ 小朋友唔識中文，其他科都有A/B，可以揀咩中學？

本帖最後由 Kairi313 於 24-3-23 10:28 編輯

依家讀緊間英文小學有調適中文班，但老師話教育局指引調適班只係俾非華裔學生。
上過教育局睇指引咩係「非華語」定義，又話不分種族，但又唔接受華裔嘅非華語學生...
兒童精神科都有更進，只係寫咗醫生信建議學校該學童需要調適班，但就冇明確學名解釋到我仔點解接收唔到中文...
我仔因為想讀大學，依家好努力惡補中文，上堂好專心咁喺隻中文字上面寫英文拼音，只能for自己讀課文，完全唔知果個字咩意思，老師既支援只係讀慢D 等佢寫得切拼音。
返學要跟教學進度，都冇機會由淺學深，應付到默書都考唔到試，所以升中只能揀非本地課程 冇中文科既學校？ 我仔理解到既中文詞語真係十個以內...
教育局冇需合既津貼中學，最壞打算係用成份糧黎讀國際學校😓
作者: KY3    時間: 24-3-19 18:23     標題: 回覆樓主:

如果讀有  IAL 的直資中學，以IAL 考大學，咁中文要求冇 DSE 咁高
作者: Kairi313    時間: 24-3-19 21:34

KY3 發表於 24-3-19 18:23
如果讀有  IAL 的直資中學，以IAL 考大學，咁中文要求冇 DSE 咁高
thx!!! 我有望過D IAL/IGCSE 直資中學，打過兩間去問，話學校都有D 中文冇咁叻既學生，但基本要求要聽得明中文。
又有參加過國際學校開放日，老師話可以唔修中文科，所以唔識都冇問題，先諗...係咪冇其他選擇
作者: retriever    時間: 24-3-25 10:21

Kairi313 發表於 24-3-19 13:06
依家讀緊間英文小學有調適中文班，但老師話教育局指引調適班只係俾非華裔學生。
上過教育局睇指引咩係「非 ...

有幾唔識先?

今時今日情勢, 中文要求只會越來越高, GIVEN 陸生過來讀書大増, 本地生所謂中文學習問題, 只會越來越不甚了了...



有無諗過轉國際學校?

或者, WORSE COME TO WORSE, 會否諗下BNO PATHWAY...
作者: RainyRice    時間: 24-3-25 18:46

又或者搵間國際學校，嘗試報名獎學金？新學校或比較少人報的學校通常都會比較容易攞，例如Malvern, invictus , DSC… 套獎學金有什麼要求就要去每個學校website研究吓。通常音樂或運動或學業都應該可以
作者: nicolemummy    時間: 24-3-25 22:08

Kairi313 發表於 24-3-19 21:34
thx!!! 我有望過D IAL/IGCSE 直資中學，打過兩間去問，話學校都有D 中文冇咁叻既學生，但基本要求 ...

用法文,德文, 西班牙文代替中文
作者: zitaeric    時間: 24-3-26 09:45     標題: 回覆樓主:

了解吓港同
作者: Greylay    時間: 24-3-26 21:48     標題: 回覆樓主：

本帖最後由 Greylay 於 24-3-26 21:49 編輯

本帖最後由 Greylay 於 24-3-26 21:48 編輯

可以講多少少資料點解唔識中文嗎？
1）自小外國出生/長大，回流返香港？
2）自小覺得英文重要，從來不教導/ 極少教小朋友中文？
3）香港出世，從小正常地教導中文/ 平常有用中文（廣東話）同小朋友溝通，但小朋友唔知點解真係無辦法領略到？

不同原因會有不同對策

作者: 1998Ruby1998    時間: 24-3-28 14:40

呢類聽落似回流讀書，似岑麗香靠拼音讀劇本嗰啲，然後去讀 CMS。

不過咁，聽唔明都好少有，鬼佬住幾年都會聽得明基本嘢，極少 10 個詞語都冇。
作者: Kairi313    時間: 24-3-29 17:41

本帖最後由 Kairi313 於 24-3-29 17:45 編輯
retriever 發表於 24-3-25 10:21
有幾唔識先?

今時今日情勢, 中文要求只會越來越高, GIVEN 陸生過來讀書大増, 本地生所謂中文學習問題, 只 ...

你同佢講中文，唔係單對單，佢意識唔到人地同佢講緊野。單對單/知人同佢講野，會望住你點頭示意明白，但你用英文問返佢咩意思，你就知佢係完全唔明、靠估。
作者: Kairi313    時間: 24-3-29 18:16

RainyRice 發表於 24-3-25 18:46
又或者搵間國際學校，嘗試報名獎學金？新學校或比較少人報的學校通常都會比較容易攞，例如Malvern, invictu ...
Thx~ 冇研究過獎學金方面㖭，我再留意下，謝謝你既建議！有去過 Invictus 開放日呀，都有同老師講過情況，可以唔洗修中文科，但間學校好似冇咩課外活動，開放日只有講過籃球隊，所以目前 Invictus 當後備，冇其他選擇就會揀呢間。
作者: Kairi313    時間: 24-3-29 18:23

nicolemummy 發表於 24-3-25 22:08
用法文,德文, 西班牙文代替中文
我仔有學緊西班牙文同法文呀，都有望過有D 國際學校都有呢兩科。但可能會揀果間 Invictus 就冇外語
作者: Kairi313    時間: 24-3-29 20:55

本帖最後由 Kairi313 於 24-3-29 21:04 編輯
Greylay 發表於 24-3-26 21:48
本帖最後由 Greylay 於 24-3-26 21:48 編輯

可以講多少少資料點解唔識中文嗎？

事源：我仔一歲前識講簡單中文疊字，爸爸、媽媽、波波、飽飽、包包、抱抱...一歲去健康院打完疫苗之後就變左第二個人，唔認得我地，同佢講野冇反應，一聽到嘈雜廣東話(電視、街市、MTR)就會撞頭/尖叫，出現左聲音敏感、食物敏感、濕疹、大小肌張力低... 總之就係全面發展倒退，由本來識行，一放落地就訓喺度，我要用揹帶揹到佢6歲，而家仲做緊物理治療。歲半轉介去智能中心用廣東話評估，當然就係乜反應都冇，成尊佛咁坐喺度，確診咗自閉症，所以有兒童精神科醫生+臨床心理學家跟進。

以前喺屋企唔可以睇廣東話頻道，我仔會尖叫、撞頭撞到D 聲冇左為止，傾電話都唔得，同佢講野唔會理你，你要佢答你問題就要用英文問佢，佢啲英文係自己自學。依家對廣東話冇負面反應，但係都仲係冇反應，心理醫生話佢好似自己閂埋左對耳咁，真係左耳入右耳出，自動過濾咗。

我仔D 英文仲好過我地，都冇本事教到佢，有時同佢講道理都係靠翻譯app…
有時我地成家喺佢隔離傾偈笑得好開心，佢先會八卦問我地講緊D 咩。
而佢鍾意食既野，佢有時會開口問我地廣東話點講，所以依家識既詞語都係佢自發想學先識。

幼稚園本來讀緊間英文幼稚園好開心，K2排到有S位就轉左去，學校都認為係我想個仔英文好，特登唔同佢講廣東話，所以學校堅持同佢零英文，佢返完學第一日就開始發惡夢，佢唔明老師俾佢嘅指令，佢用英文表達，老師唔理佢，佢就覺得溝通冇用就直接喊，返到屋企都淨係喊，唔再講嘢，就同佢退左學，襯升小學前用左兩年時間先建立返自信唔再用喊黎表達。

所以咩方法都用過，買字卡，每日教佢一隻字，叫哥哥家姐同佢講英文之後要補多句廣東話，但都係唔work...係佢自己選擇左英文係佢母語
作者: Greylay    時間: 24-3-29 21:12

IC.
Just for 參巧：
不適合本地傳統學校教育（本身中文太差（sorry 太直接，希望唔好介意），即使佢現在願意learn , 都有排追，亦未必追得掂，如果顧住攪中文，很難兼顧其他科，到時全部兩頭唔到岸，人又frustrated, 分分鐘影響情緒。
作者: Greylay    時間: 24-3-29 21:16     標題: 回覆樓主：

本帖最後由 Greylay 於 24-3-29 21:27 編輯

本帖最後由 Greylay 於 24-3-29 21:20 編輯

本帖最後由 Greylay 於 24-3-29 21:20 編輯

本帖最後由 Greylay 於 24-3-29 21:18 編輯

可以考慮先入讀國際學校先（如果你好唔想佢去真真正正special education for “A “ children 嘅學校）
中文用平常心，當係一個外國人咁，把中文當interest 咁學。


因為係academic 以外，你還同步要處理”A” 的性格特質問題，本身已經吃力，如果呢刻硬推中文，爸媽都心身疲累，分分鐘break down .

Btw, 無論怎樣選擇，要確定間學校有正面嘅 SENS 支援( 即係有專門讀過特殊教育的老師長期坐陣的學校。以我所知，有些主流學校no matter 傳統/ international school 係有聘請這些老師）

作者: Greylay    時間: 24-3-29 21:23

如果你真係好在意「中文」，試吓explore 吓 ESF
作者: Kairi313    時間: 24-3-29 21:27

1998Ruby1998 發表於 24-3-28 14:40
呢類聽落似回流讀書，似岑麗香靠拼音讀劇本嗰啲，然後去讀 CMS。

不過咁，聽唔明都好少有，鬼佬住幾年都會 ...
係呀，住喺香港十年既鬼佬(有朋友係)就算唔識寫，都起碼識聽識講
所以到依家讀緊英文小學，老師都唔信，仲同我講「佢識聽架，係佢唔想理你姐，我同佢用廣東話佢都有理我」之後老師即場同我仔講「你明明係聽得明架麻，係咪？」(我仔係唔係都點頭)「你要講，聽...到...」(我仔係可以跟住講，但唔理解，所以運用唔到)，我仔就答「聽...到...」，老師就同我講，你睇，邊個話佢唔識㗎？
我就問返我仔知唔知老師講咩，「she said I can be a good boy?」我再望返果位老師，冇人講嘢，但都仲係唔信。

放復活節假之前，有晚我仔半夜醒左，所以訓得唔好，第二日返到學校仲好眼訓，老師又用中文問佢「尋晚好夜訓咩？做咩咁夜訓」我仔就以為老師問佢星期六日去左邊度玩就答「I had a Disney casting on saturday」，老師就打俾我同我講我仔話尋晚睇Disney cartoon 所以夜訓，叫我留意下...

我成日都同我仔講，聽唔明要出聲，唔好扮明，睇人地表情、語氣靠估...
作者: Kairi313    時間: 24-3-29 21:34

本帖最後由 Kairi313 於 24-3-29 21:53 編輯
Greylay 發表於 24-3-29 21:12
IC.
Just for 參巧：
不適合本地傳統學校教育（本身中文太差（sorry 太直接，希望唔好介意），即使佢現在 ...

係呀，我都係咁諗...就算佢肯學隻字點讀點寫，同一隻字配唔同字又第二個意思，佢學到好挫敗，所以依家只係同佢應付默書就算，默得幾多得幾多，都冇時間再同佢講埋解釋，小五已經唔再係默詞語，而係課文... 佢有試過做功課都做到搣爛咗本書。追又追唔到，學校又唔俾調適中文班佢由淺學起，所以我都係諗住升中直接放棄中文課
作者: Kairi313    時間: 24-3-29 21:47

本帖最後由 Kairi313 於 24-3-29 21:57 編輯
Greylay 發表於 24-3-29 21:16
本帖最後由 Greylay 於 24-3-29 21:20 編輯

本帖最後由 Greylay 於 24-3-29 21:20 編輯

其實佢用英文參加課外活動，冇人睇得出佢係A。而係學校，一來俾人標籤咗，二來老師唔信佢唔識聽依然同佢講廣東話，佢唔明指令做錯咗又唔明點解俾人話就發脾氣，老師又當係A 仔既特性。我仔去到邊都識到朋友，好主動，有同理心，識睇人表情...
而之前試過S 位、學校嘅sen 老師都同我講「A 仔係要時間適應，你突然之間轉變佢佢會唔慣發脾氣，俾D 時間佢」但我個仔好鍾意新環境新事物，佢覺得好好玩... 唔鍾意預告，鍾意我比驚喜佢... 我只係覺得嗰啲所謂專業人士，撇除我仔可能只係因為用廣東話做評估誤診之外，每個A 仔都唔一樣，點解佢唔先了解下小朋友需要啲乜？而唔係讀死書A仔係咁就咁，要我仔喊住黎跟住果種死板重複嘅訓練方法。
作者: Greylay    時間: 24-3-29 21:55

所以有些學校放一個真正呢方面嘅老師，就可以免除咗妳所講阿仔間學校那位不了解，誤解學生嘅老師的可笑行為。
以前我小朋友間小學有請受過專業訓練的老師，那位老師平時跟其他老師一樣，會去做班主任，同時任教佢專長科目，但她對一些有需要關顧的學生係特別有一套方法的。
其中一個家長告訴我：他兒子有 ADHD , 那位老師原來每次上課會每15 mins 俾那小朋友企起身伸展吓，或是行過圈（也教導了其他同學要欣然接納），之後才埋位繼續上課。那家長和小朋友也感到很暖心。
作者: Kairi313    時間: 24-3-29 22:09

本帖最後由 Kairi313 於 24-3-29 22:12 編輯
Greylay 發表於 24-3-29 21:55
所以有些學校放一個真正呢方面嘅老師，就可以免除咗妳所講阿仔間學校那位不了解，誤解學生嘅老師的可笑行為 ...

果個老師真係好好呀！但呢9年幾，我遇親嗰啲資深既，都係死背自閉症特徵，話我應該要跟佢地既方法，冇學到野都算，每次都係有倒退跡象，又要我用時間黎追返。例如每日要佢穿珠仔練小手肌，佢第一日肯做，第二日就會發脾氣。我有同老師講佢係鍾意挑戰新野，活動教學，例如今日穿咗珠仔，聽日可以穿下通粉，老師就話唔可以改佢哋，佢哋會唔慣唔鍾意...

反而係D 新入行既，佢地會睇我仔反應而安排訓練，覺得太死板重複我仔就唔合作，佢地會每次諗新遊戲同佢玩。
作者: Greylay    時間: 24-3-29 22:14

Btw , 中文 ： 暫且放下先，將來有一天如果他突然之間好ok 好有動力去learn 時，就自然會自己主動做嘢㗎啦。
不過今日若選了IS , 妳就要預咗將來送出國繼續讀了
作者: Greylay    時間: 24-3-29 22:16

Kairi313 發表於 24-3-29 22:09
果個老師真係好好呀！但呢9年幾，我遇親嗰啲資深既，都係死背自閉症特徵，話我應該要跟佢地既方 ...

新入行老師好有心。好好喎
作者: Kairi313    時間: 24-3-29 22:22

Greylay 發表於 24-3-29 22:14
Btw , 中文 ： 暫且放下先，將來有一天如果他突然之間好ok 好有動力去learn 時，就自然會自己主動做嘢㗎啦 ...
嗯嗯嗯，我地都覺得佢應該會突然有一日聽得明/識得講，因為佢記性好，學野快，唔明偏偏成日接觸到嘅廣東話就仲未識聽...
作者: twhkleung    時間: 24-3-30 11:47

Kairi313 發表於 24-3-29 20:55
事源：我仔一歲前識講簡單中文疊字，爸爸、媽媽、波波、飽飽、包包、抱抱...一歲去健康院打完疫苗之後就變 ...
唔好理咁多, 去見位西人兒科心理學家先, 重点用英文評估下小朋友係咪SEN同IQ係咪正常,用英文做, 可保正仔仔在一個百分百理解情况下進行評估,如果一切正常, 咁再搵兒科传科医生(唔好搵政府医院了), 評估疫苗对小朋对惱部和身体(肌肉)有沒有做成長短期影响, 沒有疫苗100%安全, 可能幾万個或幾十万個会有幾個特例個案.
中文現揩段不是重点, 依家中學唔一定要DSE, 讀IB, AL, IFY, OSSD, etc. 都可考3大, 最緊要搞清楚身体情况, 我不信会有小朋友用中文時就SEN, 用英文時就正常.

明顯疫苗副作用在出現.

我仔係亞A仔, 小學時开始食留心藥, 幾年后产生可怕副作用, 五六年后副作用才慢慢減少. Anyway, 先搞清楚目前身体和精神狀况最緊要.
作者: ol_bb    時間: 24-3-30 13:44     標題: 回覆樓主：

本帖最後由 ol_bb 於 24-3-30 19:11 編輯

好多A仔天生學英文較快！
我覺得樓主可以問多幾間有AL直資，並如實告知情況！
另外平啲國際有KIS、可以試考！

作者: emmyfok    時間: 24-3-30 17:54

Kairi313 發表於 24-3-29 20:55
事源：我仔一歲前識講簡單中文疊字，爸爸、媽媽、波波、飽飽、包包、抱抱...一歲去健康院打完疫苗之後就變 ...
打針搞到咁，媽媽一定好心痛!
就咁聽落，仔仔似係大腦負責母語的區域受到影響，於是 second language 部份就自動加強，彌補母語的不足。

仔仔會嘗試從別人的表情估計廣東話的意思，這個也不似一般自閉症孩子的表現。


不過，我都不是醫生。同意上面家長所說，用英文做評估會比較好。

至於學校，如果仔仔好想留港讀大學，國際學校比較可行，non jupas 入。

直資試下 SMC 呢類英文強的學校。

介唔介意成績？有些直資如地利亞，英語語境強，學費也平，應該比其他熱門直資易入。

DSE 就不要勉強了，中文對於大學好多科嚟講也不是必需。
作者: twhkleung    時間: 24-3-30 21:22

emmyfok 發表於 24-3-30 17:54
打針搞到咁，媽媽一定好心痛!
就咁聽落，仔仔似係大腦負責母語的區域受到影響，於是 second language 部份 ...
係羅, 之前果位做評估專家既評估不能盡信, 按表面樓主講,當用英文時係一切正常, 重好有好奇心同懂得和其他小朋友溝通同玩, 咁点可能係自閉, 自閉同邊種語言無關的, 否則我便是中文常, 但就德文法文自閉, 拉丁文自閉???
Btw, 我仔正是讀SMC的.如樓主小朋友入到SMC,相信好多問题都解决, 上到高中便直接選AL就OK了.

返而担心樓主囝囝健康多d, 因為小肌肉發展受到(疫苗?)影响, 咁長远重有冇其它呢? 霖下都覺得心痛...

作者: twhkleung    時間: 24-3-30 21:35

Kairi313 發表於 24-3-29 22:22
嗯嗯嗯，我地都覺得佢應該會突然有一日聽得明/識得講，因為佢記性好，學野快，唔明偏偏成日接觸到嘅廣東話 ...
講多個我同事囝囝案例比你參考.
佢囝囝6歲入小學時仍未能說話太多,經評估(又係評估)話係自閉加學習困难, 入左特殊學校, 点知一年後, 校長話囝囝不單沒問题,可能係資優,介紹入左DBPS.

反而担心仔仔的肌肉發展多d.
作者: warez01    時間: 24-4-19 14:53

回覆 Kairi313 的帖子

Try STCC
作者: mylittleson    時間: 24-4-25 16:01

Kairi313 發表於 24-3-19 13:06
依家讀緊間英文小學有調適中文班，但老師話教育局指引調適班只係俾非華裔學生。
上過教育局睇指引咩係「非 ...
東九龍匯基有IAL課程提供，只需小學中文程度已足夠應付公開試。
作者: mandy_ng207    時間: 24-4-26 12:11

首先我非常欣賞媽媽的努力，仔仔喺咁惡劣嘅環境都無放棄學習，仲想讀大學，學習態度值得嘉許！
個人愚見，應盡快轉去國際學校，就算用晒份糧都值得一搏。
首先，國際學校教學模式與要求同本地學校唔一樣，尤其英文作文，越高班要求越高，越遲轉只會越難考／難追。
第二，國際學校教中文係會用英文輔助嚟教，學生上中文堂亦可以講英文，甚至用英文答題目（non-native class)。佢哋不會抗拒中文，雖然學得慢，但不至於零。
有興建學習才會學得好！加上你仔仔又不是無能力，比個機會佢吧！
至於你認為唔了解你仔仔的那些所謂「專家」，我係唔會理佢哋嘅，有得揀就唔見，無得揀就陽奉陰違。
作者: bbc0101    時間: 24-4-30 11:44

Kairi313 發表於 24-3-19 13:06
依家讀緊間英文小學有調適中文班，但老師話教育局指引調適班只係俾非華裔學生。
上過教育局睇指引咩係「非 ...
用Jupas 報本地大學, 可以用其他中文資歷,詳情:


https://www.edb.gov.hk/tc/student-parents/ncs-students/about-ncs-students/jupas-admission.html




不過要求係中文用調適課程. 所以你可以搵下專門提供NCS中文的中學. 你有Ed Psy 的report 證明小朋友需要入調適班,當然最直接打電話去edb 及學校問清楚最好.


你可以搵返自己的分區學校發展組問下:
https://www.edb.gov.hk/tc/contact-us/reo.html




https://www.edb.gov.hk/tc/student-parents/ncs-students/about-ncs-students/jupas-admission.html

聯招入學申請 - 接受其他中國語文科資歷

對於非華語學生，各教資會資助院校會在特定情況下，接納其他中國語文科考試的資歷，包括綜合中等教育證書(GCSE)、國際普通中學教育文憑(IGCSE)和普通教育文憑(GCE)。

特定情況是指：（甲）學生在接受小學及中學教育期間學習中國語文少於六年時間；或（乙）學生在學校學習中國語文已有六年或以上時間，但期間是按一個經調適並較淺易的中國語文課程學習，而有關的課程一般並不適用於其他大部分在本地學校就讀的學生。








歡迎光臨 教育王國 (/) Powered by Discuz! X1.5