教育王國

標題: 學校直接取錄計劃 [打印本頁]

作者: Dylanli2017 時間: 24-3-14 15:40 標題: 學校直接取錄計劃

有冇人知，學校直接取錄計劃，個別學科有特殊才華，其實要幾特殊？要國際性狀項定是香港本地獎項都可以？狀項有冇話要中四，五拎既獎先有用？中二，三果d狀算唔算？呢個計劃其實睇學生成績比較多定是特殊才華比較多？

作者: water55 時間: 24-5-3 21:35 標題: 回覆樓主：

本帖最後由 water55 於 24-5-4 08:06 編輯

我個女有被學校選中直接取錄計劃，我地選個科主要看成績d,我女全級第一

作者: Joe8889 時間: 24-5-3 22:39

我仔果間有兩個，都係級頭，一個代表香港參加物理國際賽

作者: lojo11 時間: 24-5-3 23:04

我朋友個女係中樂樂器演奏級同做多義工.. 亦都係校內活躍分子, 成績前30%

作者: happyLC2006 時間: 24-5-4 02:08

我女有被選中，佢揀果科不是神科，但佢果科攞過幾次全級第一，亦參加過好多相關的大學活動及工作坊，同時有不少社會服務方面的獎狀，我女平均名次大約級十左右，佢Sndas揀果科亦主要睇成績。

作者: 1314625 時間: 24-7-19 09:57

中學只係推薦, 而且全校只得2個名額, 而且最終決定權喺大學院校個科主任度, 咁即是要你個才華特殊到中學覺得你成功錄取的機會比其他同學大, 而且院校又覺得可以唔理你考成點都收你, 我諗個才能唔會係普通獎項咁簡單

作者: CreamBaby 時間: 24-7-19 11:13

計劃係只計高中成績、獎項，可以上教育局網站睇資料，不同大學嘅學科都有不同要求，而且每所大學亦唔係所有學科都會參加呢個計劃，教育局網站內就可以睇到晒所有大學邊啲學科有參加呢個計劃，而且仲有埋申請表格，當中有詳列要求。

利申: 我姪女係今屆DSE考生，佢係憑呢個計劃而被大學錄取。

作者: CreamBaby 時間: 24-7-19 11:27

1314625 發表於 24-7-19 09:57
中學只係推薦, 而且全校只得2個名額, 而且最終決定權喺大學院校個科主任度, 咁即是要你個才華特殊到中學覺 ...

真係睇揀選邊間大學同想讀啲乜嘢學科，我睇過晒啲內容，有啲大學真係好多要求，但有啲就比較簡單，好似我姪女揀個學科就要求唔多，姪女本身唔係考級一嘅人，但肯定會係全級top 25，因為佢揀嗰個學科申請要求就係要全級top 25，最終我姪女放榜成績並唔理想，唔夠分入讀佢揀嘅學科，但好彩參加咗計劃而被大學取錄，若則相信都要讀副學士。

作者: CreamBaby 時間: 24-7-19 11:29

我覺得最難係全校得兩個quota，點樣先至可以被選中參加呢個計劃先至係最難。

作者: BBCOW2009 時間: 24-7-19 16:57

知道中四開始選讀的學科不同，級排名是怎樣計算？

歡迎光臨教育王國 (/)