教育王國
標題: 仔女去英國讀大學 [打印本頁]
作者: wwlylo 時間: 24-3-12 19:53 標題: 仔女去英國讀大學
有冇人可share 仔女過去英國讀大學， 佢哋會開心嗎？
作者: katrinafu 時間: 24-3-12 20:07
問下仔女係咪想去英國（出國）讀書 ？
唔想的 ， 就一定唔會開心 ！
好想的 ， 只要跟得上， 同學、 室友又夾到的，相信都會開心 。
作者: wwlylo 時間: 24-3-12 20:59
佢唔想， 但屋企話事人要去佢外國讀
作者: cfs 時間: 24-3-12 21:59
wwlylo 發表於 24-3-12 20:59 
佢唔想， 但屋企話事人要去佢外國讀
大學生已經成年，邊可以迫，佢吾開心過到去同班朋友去蒲去玩，返吾到(emoji)到，你仲擔心，讀書生涯好短，最緊要開心有好回憶！小兒小六就話想去英國讀書，中二過到去非常開心，我哋見佢咁開心所以非常放心，所以個人意願好重要呀
作者: katrinafu 時間: 24-3-12 22:15
wwlylo 發表於 24-3-12 20:59
佢唔想， 但屋企話事人要去佢外國讀
咁就唔會開心囉 ， 都咁大個，要有自己主見 ，要知道自己想要甚麼 ， 唔係話事人要就得 ！
作者: wwlylo 時間: 24-3-13 08:03
話事人話佢地只16-7 歲，思想跟本未成熟。 一個思想成熟的人，係唔應該只眷戀現在安逸的生活。 人要跳出自己的舒適圈生活，經過磨練， 才會真正的成長。 離開舒適圈只係短暫的痛苦， 但將來佢一定有能力去克服更多的困難。
作者: TTEE1819 時間: 24-3-13 08:17
wwlylo 發表於 24-3-13 08:03
話事人話佢地只16-7 歲，思想跟本未成熟。 一個思想成熟的人，係唔應該只眷戀現在安逸的生活。 人要跳出自 ...
佢現在是中幾？有無時間可以在今個暑假跟佢飛一轉英國兩三星期，去感受和體驗下英國嘅生活和文化？
我孩子在小學階段，我們已經跟佢談去英國嘅事，當年佢都唔肯，say no，後來我們鼓勵佢參加暑期遊學團，遊學完畢，佢主動話第二年想再去英國遊學。過左一排，我們順勢問佢係米ready去英國讀書，佢話係。於是我們立即搵agent考學校，順利送左佢出國。
唔好迫佢，跟佢坐低好好傾下，亦比少少時間佢消化。
作者: yuyueng 時間: 24-3-13 09:15
其實都好視乎孩子個人性格既，我仔外向好動又好怕比爸爸乜都管住曬，所以讀完中三去英國留學系阿仔自己好期待既事，我仔4年寄宿生活非常開心，佢話非常值得，今年大學一年級繼續延續快樂。
話事人講既亦無錯，不過勉強無好結果，孩子意願好重要，如果起香港入到心儀大學或有興趣科目亦唔差，不如講D留學生活系點比佢知多D，等佢心動唔使強逼留學，例如大學生活無人管住，非常自由，所有時間同做咩都系自己支配，可以識多D唔同既人，放假可以去歐洲旅行，又或者問下佢想讀咩科？如果香港考唔到可以去外國讀，兩手準備。
作者: wwlylo 時間: 24-3-13 09:51
佢16歲Yr 12
作者: wwlylo 時間: 24-3-13 09:56
yuyueng 發表於 24-3-13 09:15
其實都好視乎孩子個人性格既，我仔外向好動又好怕比爸爸乜都管住曬，所以讀完中三去英國留學系阿仔自己好期 ...
我女性格屈強，但又怕事， 佢唔想離開comfort zone
作者: sumikogurashi 時間: 24-3-13 13:46
wwlylo 發表於 24-3-13 08:03
話事人話佢地只16-7 歲，思想跟本未成熟。 一個思想成熟的人，係唔應該只眷戀現在安逸的生活。 人要跳出自 ...
你家的話事人和我家的話事人睇法好相似，而我家的年青人對出國讀書唔熱衷亦唔抗拒，後來再同佢傾意願，剛剛的九月過咗去讀Year12, 而家已半年，佢話好彩自己做啱決定，在英國讀書好開心，個style 唔同香港，好多嘢發揮到，我都覺得佢成熟獨立咗。不過如果你女係好唔想又真係好難迫。
作者: wwlylo 時間: 24-3-13 15:02
謝謝你， 等我同我家的年青人傾下
作者: cfs 時間: 24-3-13 15:44
yuyueng 發表於 24-3-13 09:15
其實都好視乎孩子個人性格既，我仔外向好動又好怕比爸爸乜都管住曬，所以讀完中三去英國留學系阿仔自己好期 ...
哈哈，又係我路過，留學生生活仲包括英國好多衣魚要自己處理，宿舍成日停電，壞暖氣，宿舍啲鬼同學玩到癲晒，星期五開始飲酒食煙夜麻麻喺度唱歌，壞咗廁所要搵人整等好耐，放學四點已經天黑凍冰冰，一個人去買餸煮飯食完又自己洗，治安比以前差左好多
兩手準備
作者: yuyueng 時間: 24-3-13 16:39
cfs 發表於 24-3-13 15:44
哈哈，又係我路過，留學生生活仲包括英國好多衣魚要自己處理，宿舍成日停電，壞暖氣，宿舍啲鬼同學玩到癲 ...
其實大學一個人生活又真系多D麻煩野，三餐要自己搞掂，二年級要自己租屋等等，唔似得中學住起學校度乜都有人搞掂曬。
作者: cfs 時間: 24-3-13 16:50
yuyueng 發表於 24-3-13 16:39
其實大學一個人生活又真系多D麻煩野，三餐要自己搞掂，二年級要自己租屋等等，唔似得中學住起學校度乜都有 ...
哈哈還有個亞媽搞破壞中學生被管束就學習到點反斗唔比人捉，點偷偷煮野食，遇到不公平或者老師教得唔好，學識點向學校投訴反映，遇到好老師就死都要捉實佢，總之送出去之後，變化真係好大，好成熟
作者: katrinafu 時間: 24-3-13 19:51
yuyueng 發表於 24-3-13 16:39
其實大學一個人生活又真系多D麻煩野，三餐要自己搞掂，二年級要自己租屋等等，唔似得中學住起學校度乜都有 ...
呢個又真喎 ， 多咗好多野要自己解決， 好彩 Sixth form 她好多時已自己買餸煮飯 ， 今年大學Yr 1 , 要預備3餐 ，又要價錢平，又要夠營養，她在超市時，會打比我問D肉點煮好，又好想煮湯， 真係覺得她們好可愛。 早排因舊宿舍太殘舊被收回（ Campus 隔離） ，要搬宿舍到另一個Campus , 要搭巴士返學 ， 她說7年係英國中學都未搭過車，突然要搭車返學非常唔慣。到第一次placement 她又會安排計劃 住酒店，還是返學放學坐Uber , 計好條數話比我知安排 。
作者: twhkleung 時間: 24-3-13 20:24
wwlylo 發表於 24-3-13 08:03
話事人話佢地只16-7 歲，思想跟本未成熟。 一個思想成熟的人，係唔應該只眷戀現在安逸的生活。 人要跳出自 ...
其实埋d野要有時間比個細路有心野預備好d,老老实实,係人都怕特然變化,就算大人，如果公司話幾個月后派你去边道边道三年,大人都有压力
早d同個細路講定,假期去果邊行下，個細路會易適應.
我仔果時重搞笑,我話遲d送你去外面廣書（果時佢小四左右),佢話要帶婆婆一齊去,唔係就唔去,而一去以三年,未過HK,
大过左,多左friends四圍去認識下個世界,未听过佢話唔心....
作者: sumikogurashi 時間: 24-3-13 21:04
katrinafu 發表於 24-3-13 19:51
呢個又真喎 ， 多咗好多野要自己解決， 好彩 Sixth form 她好多時已自己買餸煮飯 ， 今年大學Yr 1 , 要預 ...
嗱！咁樣正正就係成長的一部分，如果一直喺香港你估下有冇咁多挑戰
作者: sp3014 時間: 24-3-13 21:24 標題: 回覆樓主：
本帖最後由 sp3014 於 24-3-13 21:26 編輯
身邊好多朋友嘅仔女都去英國讀書，自己嗰個都去咗讀咗幾年，so far佢都好開心，但都見有d會讀到抑鬱要返番香港，有d又快活過好似去咗天堂咁
我覺得成件事出嚟個關鍵係個小朋友自己想唔想去（不論佢係只係人去我又想去好，又或者佢唔想要自己照顧自己唔想去都好），因為去到外邊一個陌生嘅環境，200%一定會遇到大大小小嘅問題，如果佢本身想去的話，就會好有動力去解決面對，但如果佢唔想去，就會負能量咁放大問題，搞到抑鬱真係一d都唔奇怪
其實不如成家去吓英國旅行住耐少少（細路同話事人都一齊去），大人細路都試吓英國嘅生活，細路可能去完好鍾意周圍都有大草地呢，大人又會理解個生活環境同香港完全唔同，明白個細路唔想去嘅原因呢
作者: yuyueng 時間: 24-3-14 08:36
本帖最後由 yuyueng 於 24-3-14 08:37 編輯
katrinafu 發表於 24-3-13 19:51
呢個又真喎 ， 多咗好多野要自己解決， 好彩 Sixth form 她好多時已自己買餸煮飯 ， 今年大學Yr 1 , 要預 ...
的確系既，中學只系離開父母自己生活，但生活上一切有學校同老師打點安排，到左大學就真系咩都自己搞掂，孩子們都知道要自己執生，都系成長過程。
樓主個女未離開過父母而自己又唔想離開，的確需要時間做好心理準備，留起舒適區定挑戰下呢？肯挑戰一定利多於弊既。
作者: sumikogurashi 時間: 24-3-14 08:40
yuyueng 發表於 24-3-14 08:36
的確系既，中學只系離開父母自己生活，但生活上一切有學校同老師打點安排，到左大學就真系咩都自己搞掂， ...
十分認同你的講法
作者: 964000 時間: 24-3-14 10:22
wwlylo 發表於 24-3-13 08:03
話事人話佢地只16-7 歲，思想跟本未成熟。 一個思想成熟的人，係唔應該只眷戀現在安逸的生活。 人要跳出自 ...
理論上係咁講，但唔想就唔可以逼
攪到抑鬱就一世
就算唔係都可能憎父母一世（我識人就係咁）
父母應最了解自己子女，幾時逼得幾時唔得
或者去下英國學校啲summer camp睇吓會唔會改觀
作者: wloi 時間: 24-3-14 15:40
你會唔會有後路給女兒？接唔接受如果唔習慣，可以返香港或去其他地方讀書？ 如果係接受到的話，就同女兒商量下，等佢可以安心去試試留學。
我講返我女當年經歷。我其實係無想過女兒會出國讀書，不過佢自己要求又考到不錯的中學，就去左英國讀Y10. 不過佢真係唔太喜歡英國，Y10暑假，返香港報中學(原本的中學唔肯收)，結果一間傳統和一間國際學校收左佢。因為國際學校早開學，8月返左兩星期學，跟住佢自己決定都係返英國讀埋中學。
去到報大學時，除左英國，仲有報美加大學。最後英國收佢的大學ranking 最高，佢就話...就再忍多幾年。
今個暑假，佢大學畢業，亦決定繼續讀上去。暑假後會去另一個國家繼續學業。
我個人就唔會逼，除非佢的選擇太離譜，先會同佢傾。
作者: wwlylo 時間: 24-3-14 19:41
我夾在中間很難做
作者: aeiou_drm 時間: 24-3-14 20:08
wwlylo 發表於 24-3-12 20:59
佢唔想， 但屋企話事人要去佢外國讀
本帖最後由 aeiou_drm 於 24-3-14 20:26 編輯
唔同人有唔同性格， 勉強真係冇幸福，一定要溝通好。 要了解下佢點解唔願意去。 係擔心要適應新環境 ？係唔捨得屋企 ？唔捨得朋友 ？定係其他嘅原因...
仔女咁大個，如果被逼去外國， 屋企人 又不在身邊，一來要自己處理好多事 ， 又要適應新環境，無家人管住， 通宵打機打到唔起身返學又有，成日走堂嘅又有， 冇上堂冇交功課又有， 飲酒吸大麻， 甚至去賭場亦都聽聞。
真實個案 , 有學生因為唔夠出席率，學校出電郵比家長，通知要離境， 家長先知道個仔根本冇返學
作者: sumikogurashi 時間: 24-3-14 20:21
wwlylo 發表於 24-3-14 19:41
我夾在中間很難做
你家話事人態度強唔強硬？
作者: wwlylo 時間: 24-3-15 13:56
回覆 sumikogurashi 的帖子
係好強硬, 冇彎轉
作者: sumikogurashi 時間: 24-3-15 17:51
wwlylo 發表於 24-3-15 13:56
回覆 sumikogurashi 的帖子
係好強硬, 冇彎轉
咁都幾煩惱
作者: sleung2020 時間: 24-3-16 02:45
aeiou_drm 發表於 24-3-14 20:08
本帖最後由 aeiou_drm 於 24-3-14 20:26 編輯
唔同人有唔同性格， 勉強真係冇幸福，一定要溝通好。 要 ...
所以最好同小朋友齊上齊落
作者: sumikogurashi 時間: 24-3-16 10:07
aeiou_drm 發表於 24-3-14 20:08
本帖最後由 aeiou_drm 於 24-3-14 20:26 編輯
唔同人有唔同性格， 勉強真係冇幸福，一定要溝通好。 要 ...
咁大個人成日走堂, 呢啲叫唔自愛，唔識諗，咁嘅態度留在香港亦同樣會發生。
雖然話去到要自己處理曬生活上的事，其實冇家人在身邊就會好辛苦嗎？ 吓吓要人管，要人照顧，呢啲叫唔長大。留在香港亦一樣。 這類性格的只會一世倚賴。
作者: cfs 時間: 24-3-16 10:39
wwlylo 發表於 24-3-15 13:56
回覆 sumikogurashi 的帖子
係好強硬, 冇彎轉
本帖最後由 cfs 於 24-3-16 10:40 編輯
傻的嗎？無論財務，家庭以及仔女各有一半責任，絕對唔會比另一半強迫孩子做吾想做的事情，我的責任是保護我半個孩子，沒有人會知道將來結果是好是壞，香港讀或外國讀都有機會成功或失敗，最重要孩子身心發展健康！文明社會要溝通，既然佢冇彎轉，比我亦會企硬，一切由孩子決定，佢真係想喺香港讀書，我一定獨力承擔孩子在香港的學習，如果話事人嬲到連屋都趕我出門口，就更加要女人當自強，這一方面女孩子更加要學習，媽媽是女兒的榜樣，唔能夠凡事忍讓，了解孩子所需所想最緊要。
作者: 亮燈 時間: 24-3-16 20:44
wwlylo 發表於 24-3-12 20:59
佢唔想， 但屋企話事人要去佢外國讀
可能好易學壞，佢根本唔想去，但家人迫佢，之後有乜野後果？冇人知。
作者: Radiomama 時間: 24-3-17 07:46
一家人嚟，要好好傾。
「話事人」將去外地讀大學的好處和期望分享俾女兒聽。
「女兒」要講出自己對讀大學和未來的計劃和打算。
「你」要講出自己的想法和感受，當然亦有你的意見。
三人都應該互相尊重、沒有誰比誰強；當然讀書果個係女兒，佢嘅意願應該尊重。但如果佢完全冇planning, 只係想宅在家，咁要及早糾正。
作者: SIYip 時間: 24-3-17 18:12 標題: 回覆樓主：
本帖最後由 SIYip 於 24-3-17 18:15 編輯
讀書、生活係佢，而且間接影響佢未來工作。如果勉強跟大人決定，他日有咩事佢會瀨大人逼佢令佢唔如意。
我仔中學考完A Level 都考慮喺hk or uk 讀大學，雖然我有想法，但都係同佢傾，由佢決定。
唔好以為英國大學輕鬆，一樣有人fail，有人自殺。
作者: wwlylo 時間: 24-3-20 10:47
其實我覺得我女係適合去外國讀書。 佢係需要磨練。
我唔認同我另一半是這麼強硬， 但佢咁做都係想個女好。
縱使我為個女而放棄自己家庭， 對個女都一定有影響。 佢會覺得自己是破壞家庭的罪魁禍首， 佢都係唔開心。
我希望可以透過這次令個女明白有好多事情都係自己無法改變， 有時要學識妥協，要明白這個世界不會為她一個人而轉， 佢要改變自己去迎合這個世界。 讓她早日明白現實是殘酷， 佢要學識離開父母自己去生活， 要自己找出自己生存之道。
作者: TTEE1819 時間: 24-3-20 11:14
wwlylo 發表於 24-3-20 10:47
其實我覺得我女係適合去外國讀書。 佢係需要磨練。
我唔認同我另一半是這麼強硬， 但佢咁做都係想個女好。 ...
本帖最後由 TTEE1819 於 24-3-20 11:14 編輯
唔洗諗得太複雜。
跟女再談談，聆聽好重要，明白佢地好重要。
再跟話事人兩人坐低，慢慢傾。
之前大家都要提議過：趁暑假，陪女去英玩兩三星期，分分鐘有意想得到的結果。
作者: FNN 時間: 24-4-2 19:37
中國人社會對海歸的看法不同，際遇也因在外國讀過書有所不同。
以過來人分享，訓練咗獨立處理問題嘅能力，對將來做人做事快人一步，獲益良多！
作者: Kinco 時間: 24-4-3 13:14
cfs 發表於 24-3-13 15:44
哈哈，又係我路過，留學生生活仲包括英國好多衣魚要自己處理，宿舍成日停電，壞暖氣，宿舍啲鬼同學玩到癲 ...
本帖最後由 Kinco 於 24-4-3 13:17 編輯
好符合實際景況。Exactly
作者: ricenoodle 時間: 24-4-4 17:01
wwlylo 發表於 24-3-12 20:59
佢唔想， 但屋企話事人要去佢外國讀
自己唔想，去邊度都唔開心啦！
作者: sumikogurashi 時間: 24-4-4 18:27
wwlylo 發表於 24-3-20 10:47
其實我覺得我女係適合去外國讀書。 佢係需要磨練。
我唔認同我另一半是這麼強硬， 但佢咁做都係想個女好。 ...
我好buy 你所講「要學識離開父母自己去生活，自己找自己生存之道。」
唔係躲在comfort zone 乜都唔使自己煩就是開心人生，講真我家年青人當日也爭扎過去留，佢雖然唔抗拒向外闖，但佢亦曾經問過我點解我依家好地地要我去外邊讀書？ 佢沒有成績問題，返學開心，的確無走的急切，我問佢你想唔想趁年青階段有多點經歷，多點挑戰，多點磨錬，除了讀
書，試吓唔同嘅嘢？
佢最後決定衝出去試吓，估唔到佢第一次放term break 返來放假時就同我講好彩佢冇決定錯。到而家我問佢報大學，好多人都會ucas + non jupas 兩邊報，佢答我唔想返香港讀大學。
作者: Zsokol 時間: 24-4-6 14:54
過來人, 我是父母, 平常心. 或許子女不在自己身邊會覺得很大件事, 但是當事情過去了,其實真的很小事, 作為父母更應該學懂放手. 讓他自由飛吧.
| 歡迎光臨 教育王國 (/) |
Powered by Discuz! X1.5 |