教育王國
標題: 向教育局投訴學校有冇用 [打印本頁]
作者: Scck1017 時間: 24-1-16 15:31 標題: 向教育局投訴學校有冇用
我女小二(九龍城),係上堂時被一位本身有問題既男同學摸Patpat 個女當下反應唔黎,放學話我知
我即刻打返學校投訴,班主任同訓導話會小息期間男同學唔會係課室
會隔開佢哋,但之後我女同我講返係無跟進過
果位男同學仍然係班課小息,仲好似好得戚咁同我女打招呼
其他家長話我知,呢位男同學一年班當住全班除褲,見埋jj
仲拉低個女同學口罩錫左一啖,仲有好多打人事件
點解呢個男同學咁有問題仲可以繼續讀?學校一直冷處理!?
我要求調班,學校直接拒絕我!
如果向教育局投訴有冇用?報警又有冇用?!
呀女依家好驚返學,好怕男性.. 😭
作者: Jean1769 時間: 24-1-16 18:10
教育局都係掟返俾學校處理
報警可能有效d

作者: Scck1017 時間: 24-1-16 18:27
回覆 Jean1769 的帖子
請問報警會受理嗎?因為係10歲以下兒童
作者: Jean1769 時間: 24-1-16 18:29
Scck1017 發表於 24-1-16 18:27 
回覆 Jean1769 的帖子
請問報警會受理嗎?因為係10歲以下兒童
本帖最後由 Jean1769 於 24-1-16 18:36 編輯
報左先再諗。
有無罪唔係警方話事,係律政司研究夠唔夠料。10歲以下無刑事責任唔等於無其他跟進,如警戒

作者: Scck1017 時間: 24-1-16 18:35
回覆 Jean1769 的帖子
好的,唔該哂🙇🏻♀️🙇🏻♀️🙇🏻♀️
作者: NEWTL 時間: 24-1-16 18:45 標題: 回覆樓主:
如果同其他家長都fact check左,你確信真有此事,而學校又唔處理確實需要報警加通知教育局,俾壓力學校都好,要學校正視問題,不能俾類似情況再次出現

作者: Scck1017 時間: 24-1-16 18:58
回覆 NEWTL 的帖子
果位男同學有好多前科,出哂名亦都承認左有摸到,感覺學校好保佢
作者: Jean1769 時間: 24-1-16 21:48
NEWTL 發表於 24-1-16 18:45 
如果同其他家長都fact check左,你確信真有此事,而學校又唔處理確實需要報警加通知教育局,俾壓力學校都好 ...
你都啱,應該都知會埋教育局當備案,雖然最終都係發還返俾學校處理但叫做alert過教育局

作者: 寶力加 時間: 24-1-17 21:02
係咪個男仔智力有問題,學校又驚俾人話歧視

作者: k29541230 時間: 24-1-18 04:25
我吖女小二嘅時間都曾經俾男仔掀起條裙 。。唔止我女, 佢周圍掀女仔裙睇佢地內褲。。
另外係行同行之間行返埋位時 忽然擺隻手出嚟欄住掂到我女上圍。。 我女話俾老師聽 老師就係話幾句。。
之後我女周圍話俾同學知大家一齊講個男仔 另外個男仔再過嚟時我吖女就起腳踢。。 個男仔之後就驚左冇再搞事 呢啲唔係我教佢咁做。。係佢自己話我知
你叫你吖女搵幾個同學一齊話下 笑下嗰個男仔。群眾壓力下佢 等佢唔再敢囉 等老師都蚊瞓

作者: au1111 時間: 24-1-31 14:46
本帖最後由 au1111 於 24-1-31 14:50 編輯
報警有效D再報告教育局才會認真處理
作者: mumtc 時間: 24-3-4 22:31 標題: 回覆樓主:
點叫認真處理一個二年級同學?報警之後想有咩改變?趕佢出校?
如果家長唔合作,學校無咩可以做,呢個人一樣照留喺學校。唯有希望阿女下一年唔好同佢喺同一班。

作者: gcm100906 時間: 24-6-6 00:21
聽你咁講嗰個小朋友好可能係 Sen
學校有冇同你交代點樣同對方家長溝通 ? 有冇安排社工跟進?
我覺得呢兩點會比較緊要。 如果間學校係發生咗呢類型嘅事件,但係佢哋唔積極跟進及同你溝通。咁你要諗吓如果之後有其他事情,小朋友喺呢間學校仲安唔安全?
我覺得你一定要同女女講唔啱嘅係嗰個小朋友,嗰個小朋友做唔適當嘅行為,女女係唔需要驚。 因為呢個唔係佢嘅錯,一定要即日話俾老師同媽咪聽。
歡迎光臨 教育王國 (/) |
Powered by Discuz! X1.5 |