教育王國
標題: 致聖公會的高層們, 聖三一中心幼稚園家長上 [打印本頁]
作者: CYY123YY 時間: 24-1-4 16:00 標題: 致聖公會的高層們, 聖三一中心幼稚園家長上
本帖最後由 CYY123YY 於 24-1-4 16:00 編輯
你好, 聖公會的高層們,
聖三一中心幼稚園 幼兒園開學至今, 收到學校第6封通告通知有班主任離任(可能有家長都不清楚有6位老師離職, 因通告只會靜靜地網上發放給該班家長), 而校長於通告次次都係叫家長祈禱, 家長有查詢, 就答係私隱唔答。
第一位9月中已沒有上學既老師, 學校決定請本身只是代課的老師去代埋剩餘個一年。校方話係最好既安排,代課老師好有經驗,
到1月上學第一天, 就收到代課老師也請辭。然後就從校務處內一位文員去頂替班主任既職務,校方又話係最好既安排, 該位文員有資格做老師。
唯當有家長想了解她有那些經驗/幾多年經驗時, 校長只用私隱問題, 全不作笞。
而n班的小朋友, 本身適應校內生活已有難度,仲要換人, 每天見到有小朋友哭鬧不願上學。
家長除左硬食同轉校? 仲可以做d咩?
請問學校做過d咩去避免學校學校不斷流失教職員既問題?
如果如學校通知上講, 為老師祈禱係有用, 咁就天下太平, 唔會打仗吧。
你地上任咁耐有冇見過一間幼稚園可以走咁多教職員? 一年時間未夠.
2023年7月, 十幾位。2024年1月, 六位。真係全間學校既人都換哂咁濟。
家長們由上年6,7月寫信俾你地, 唔理, 去辦事處搵你地, 唔理。全部都話交番俾學校處理,
2023年7月, 處理到依家, 你地其實知道發生緊咩事嗎? 還是你地直接視而不見, 見到學校冇傷亡事故就算?
人手有調配問題, 學校流感又有大規模感染。老師學生不斷有人病倒,班房長期有唔同既陌生代課老師對住班2-5歲既小朋友, 質素參差, 水平冇保證不特止。
小朋友慢慢冇左番學既動力, 日日番學除左期待見到同學, 就係自己既班主任,
無啦啦有日家長收到通告話邊個邊個唔做, 校方隻字不提, 出完通知就當完成任務。
學生要重新適應新老師, 學習進度又會大大落後,新老師不能立即了解學生既個性與學習進度,
家長仲要同小朋友做心理輔導, 慢慢同佢解釋邊個老師走左, 去左邊, 之後都冇機會見。
而校方解決問題既方法似係迴避及解決作提問既人, 老師家長冇一幸免, 向校方作詢問既家長已被校長標籤為麻煩家長, 有家長都憂心小朋友被學校針對而不願發聲, 對校長方針有疑問的老師都因'個人原因'離任了。
你們必須要正視問題的主因
-
校長的辦事態度, 方式及其能力
才可以解決眼前問題。
就算
有新老師入職, 也恐怕未必會留多久。
家長們大都心灰意冷, 上年11月頭向學校出過信件, 唯完全沒有回音, 連已讀不回也沒有。
今次透過網上作投訴, 是情非得已, 明白家長既顧慮, 怕影響校譽影響在職老師影響學生,
但無論透過教育局也好, 透過校監會反映問題也好, 眼見問題不單止未有解決, 反而有愈趨嚴重的跡象。
小朋友們已確確切切地受到影響, 不論係心理還是成績表現, 並不是收收埋埋就可以當無事發生。
希望聖公會可以正視王校長的能力及責任感, 是否適合當一個能帶領學校的校長。
補充: 各家長, 校長的個人問題係足以摧毀一間校譽及師資良好的學校, 所以不要以為”以前聽係校譽好”就是好學校。以前的確係好好既學校, 依家就,, 大家自己睇。
作者: Jean1769 時間: 24-1-4 17:30
你搵東張有效d
作者: idy0722 時間: 24-1-4 22:16
CYY123YY 發表於 24-1-4 16:00 
你好, 聖公會的高層們, 聖三一中心幼稚園 幼兒園開學至今, 收到學校第6封通告通知有班主任離任(可能有家長 ...
我係n班小朋友家長10月都走左個班主任
作者: Emilycc8 時間: 24-1-7 02:00
今日學校旅行，校長係一開始到烏溪沙N班活動出現過之後，就全日消失左，真係離普得緊要，究竟聖三一高層們，你地覺得校長表現點呢？面對住日日都有人表示不滿嘅校長，你哋係未覺得一D都冇問題呢？
作者: heidya 時間: 24-1-7 10:39
經營不善，好影響到小朋友同家長，倒不如執埋佢，好過日日俾人鬧，遲早出事
作者: heidya 時間: 24-1-7 10:48
但是聖公會幼稚園，渣甸山校舍開始重建，睇嚟是否唔同管理人，各自管理各自學校？
作者: eatplayzzz 時間: 24-1-15 12:29
本帖最後由 eatplayzzz 於 24-1-15 12:30 編輯
本人是該校現時家長，可見證該校問題如上述所言，有多無少。N班時聽聞聖三一的優點，慕名而來，見證過以前老師，主任和前校長的實踐和愛心。與現時相比，是無得比，因為以前的教育團隊已經面目全非，現時似托兒所，有飯就食，有功課便做，沒有功課做，好大機會是又有老師主任走。
聖三一座堂明明是架構的頂層，但未見有什麼回應，只是沉默，閉口不言，一班家長投訴無門，最後手段竟是報東張，這簡直對教育工作專業的侮辱，可笑！
作者: idy0722 時間: 24-1-16 13:02
eatplayzzz 發表於 24-1-15 12:29
本人是該校現時家長，可見證該校問題如上述所言，有多無少。N班時聽聞聖三一的優點，慕名而來，見證過以前 ...
的確投訴無門
作者: idy0722 時間: 24-1-16 13:03
eatplayzzz 發表於 24-1-15 12:29
本人是該校現時家長，可見證該校問題如上述所言，有多無少。N班時聽聞聖三一的優點，慕名而來，見證過以前 ...
如果連上面都懶理，好似真係無哂方法
作者: 貓仔小花 時間: 24-1-16 18:09
我係今年新加入嘅家長，我嗰班嘅後生班主任離咗辭，我反而覺得係老屎窟班主任成日俾鑊後生班主任孭所以先走，學校係一個團隊嚟，點解只係得個校長有問題，其他老師就冇責任？
作者: Emilycc8 時間: 24-1-16 18:56
這個幾星期，校長已消失左好耐，有家長問學校，有人答去左開會，有人答病左，個個講嘅都唔同
作者: Emilycc8 時間: 24-1-16 18:58
因為我哋確確實實已經喺學校幾年，睇得到新校長上任之後，學校嘅極大變化。上年七月我哋好多家長同校董會開咗一次大會，我哋無數個家長亦去信聖公會大主教
作者: Emilycc8 時間: 24-1-16 19:06
但係最終，校監只以新校長沒有真正極大嘅過錯，唔可以就咁即刻炒佢，只係管理不善，佢會搵教育界楊馮慧懿女士做聖三一嘅教育顧問，校監就會加強指導新校長
作者: Emilycc8 時間: 24-1-16 19:09
好可惜，由新學年九月開始到而家一月，睇唔到有任何改善，以前好多嘢都係由主任去管理，佢哋去安排，實在太唔好彩，本身資深嘅四個主任全部辭哂職，開學至今啲主任根本都唔知點樣Pickup，任何活動佢哋而家只可以外判俾錢搵出邊啲公司幫手舉行
作者: nxxkichan 時間: 24-1-17 13:33
貓仔小花 發表於 24-1-16 18:09
我係今年新加入嘅家長，我嗰班嘅後生班主任離咗辭，我反而覺得係老屎窟班主任成日俾鑊後生班主任孭所以先走 ...
而因為新校長的問題，最後選擇轉校結束了5年的情結。
主任，班主任係新校長的帶領下，幾乎轉曬新人。
所以應該吾係old sea food 問題，而係校長的問題。
作者: nxxkichan 時間: 24-1-17 13:35
貓仔小花 發表於 24-1-16 18:09
我係今年新加入嘅家長，我嗰班嘅後生班主任離咗辭，我反而覺得係老屎窟班主任成日俾鑊後生班主任孭所以先走 ...
而因為新校長的問題，最後選擇轉校結束了5年的情結。
主任，班主任係新校長的帶領下，幾乎轉曬新人，沒有太多old sea food留下。
所以應該吾係old sea food 問題，而係校長的問題。
作者: idy0722 時間: 24-1-17 19:54
貓仔小花 發表於 24-1-16 18:09
我係今年新加入嘅家長，我嗰班嘅後生班主任離咗辭，我反而覺得係老屎窟班主任成日俾鑊後生班主任孭所以先走 ...
其實簡單d嚟講 想小朋友待遇好，即係要老師好，老師熱心工作有正面心態，即係要校長好，同我地出去打工嘅理論差不多 ，如果一班所謂老屎忽明明咁愛學校都要玩野嘅話，就要諗下點解會有今時今日咁嘅結果了
作者: Emilycc8 時間: 24-1-18 08:41
校長今個星期一朝早返過工之後，到今日都冇再出現過，學校有一班學生，開學至今換過好多個班主任，不停重重複複咁辭職，搵代課，助教，真空冇班主任，D家長真係忍無可忍投訴無門，真係好慘，搵左校長幾日，學校冇人確確實實回覆班家長究竟點解校長冇番學
作者: Emilycc8 時間: 24-1-18 08:46
學校地下個女孩子廁所，有兩個廁板壞咗，起碼兩個星期，總共都係得幾個座廁，壞咗兩個可以咁耐都冇人理，係有個小朋友返屋企同阿媽講，喺學校爭啲瀨尿，因為排極都未排到自己，班學生每次去廁所排隊要排好耐先有得去，其實究竟學校有咩問題？除咗校長，D主任究竟做緊乜？
作者: nxxkichan 時間: 24-1-18 09:17
Emilycc8 發表於 24-1-18 08:46
學校地下個女孩子廁所，有兩個廁板壞咗，起碼兩個星期，總共都係得幾個座廁，壞咗兩個可以咁耐都冇人理，係 ...
以前都有試過夏天壞冷氣, 因為個擺位問題, 冷氣maintenance係有困難的。
前校長處理得好好, 做到家校齊心合作一齊過渡壞冷氣的日子。
現校長的處理方式就好似等小朋友中暑... 試問甘家長會吾會俾小朋友返學...
作者: Emilycc8 時間: 24-1-18 10:11
聽聞又有個新嘅主任唔做，點解係聽聞？！我哋啲家長都覺得好匪夷所思，因為個主任已經幾個星期冇返，問學校，一時又答佢唔舒服，一時又避而不答，究竟個主任已經辭咗職，定係一直請病假，全校家長都唔知。而家聖三一其中一個好大嘅問題，就係所有嘢都唔清晰，學校完全冇透明度。
作者: Emilycc8 時間: 24-1-18 10:23
我哋真係由上年七月不停去信聖公會大主教、校董會，校牧同校監，但係佢哋都只係話知道晒全件事，明白學生同家長嘅擔憂，佢哋都好希望件事可以盡快解決，但係都係只可以交返俾學校處理。
時至今日已經過左半年，我哋呢班家長真係睇唔到學校處理咗啲乜嘢，解決咗啲咩問題！
作者: Emilycc8 時間: 24-1-18 10:27
聖公會大主教，各位聖公會高層，你哋真係忍心見到聖三一中心幼稚園繼續咁樣臭名遠播落去？
由梁校長陳校長帶領嘅聖三一中心幼稚園，一直係教育界好出名好出色嘅學校，點解你哋明明知道而家聖三一中心幼稚園問題嘅嚴重性，但係你哋都唔去接手處理？！
作者: Emilycc8 時間: 24-1-18 11:02
高校長，聖三一中心幼稚園係你幾十年來嘅心血，我哋知道你一定好心痛，希望你都幫我地再同校董會，聖公會反映下啦(emoji)(emoji)(emoji)(emoji)
作者: callmedontknow 時間: 24-1-18 16:38
回覆 Emilycc8 的帖子
其實高層根本似係已經放棄咗間學校，放棄咗班家長同放學咗班學生，真係不如抓緊時間幫小朋友轉校啦，小朋友係最無辜嘅犧牲品，返多一日就犧牲多一日
作者: patrickc318 時間: 24-1-18 22:01
其實喺度講都冇乜用，呢度都好少人睇，不如報東張西望啦
作者: Emilycc8 時間: 24-2-1 17:52
唉！剛剛收到學校通知，明天學校又有3個資深老師離職！！
作者: eleung123 時間: 24-2-2 12:39
轉校啦, 咁樣即係學校好有問題影響小朋友
作者: pandakeung 時間: 24-2-12 12:46
CYY123YY 發表於 24-1-4 16:00
你好, 聖公會的高層們, 聖三一中心幼稚園 幼兒園開學至今, 收到學校第6封通告通知有班主任離任(可能有家長 ...
現有校長做埋今個學期, 24/25 學年會換校長
作者: lolalher 時間: 24-2-23 16:34
pandakeung 發表於 24-2-12 12:46
聖三一請緊校長
请问幾月開始換新校長？
作者: juju0722 時間: 24-2-26 21:01
睇嚟同培僑幼稚園有得揮，不過聖三一都叫曾經好過，只能換人才可以有轉機。祝君好運。
作者: Aimeeeee 時間: 24-10-22 12:36
請問依家轉左校長情況如何？有改善嘛？
作者: crystal媽咪 時間: 24-12-14 22:39 標題: 回覆樓主:
真係有啲問題喎
轉咗咁多人
| 歡迎光臨 教育王國 (/) |
Powered by Discuz! X1.5 |