教育王國
標題: 初中成績是係高中成績的基礎嗎 [打印本頁]
作者: 阿狸 時間: 23-11-25 18:29 標題: 初中成績是係高中成績的基礎嗎
本帖最後由 阿狸 於 23-11-25 18:49 編輯
小朋友小學四年級之前都有返補習社，但越來越覺得效果不理想，高小後慢慢減少補習社時間，六年級下學期完全唔返補習社，反而小朋友開始自主學習，最後最後一次呈分試考得好。
小朋友升中入傳統名校，高手如雲，相比之下，小朋友成績不佳。我的想法係s1-s2比小朋友輕鬆過，唔安排補習，唔要求成績好，唔fail科就OK。
s3先關注成績，有需要就補習，小朋友經歷過起伏後，期望會有動力發力求進步。
有過來人share 下經歷嗎？
作者: tkinwong 時間: 23-11-25 21:59
中四選科，使唔使睇成績？
作者: gracelam 時間: 23-11-25 22:23
阿狸 發表於 23-11-25 18:29 
小朋友小學四年級之前都有返補習社，但越來越覺得效果不理想，高小後慢慢減少補習社時間，六年級下學期完全 ...
中英文科長期要浸， 唔補習都要keep住睇書／睇片。
數學初中如果冇7 80分，若只有5 60分，即使唔補習都要留意下有咩唔識，一定要清理， 家長搞唔掂都要外判， 否則越積越難搞⋯⋯
其他科（初中）只要肯溫習， 一定唔會低分。
P.S. 過來人
作者: Rpp 時間: 23-11-25 22:43
gracelam 發表於 23-11-25 22:23
中英文科長期要浸， 唔補習都要keep住睇書／睇片。
數學初中如果冇7 80分，若只有5 60分，即使唔補習都要 ...
我覺得你講全啱，真係過來人經驗。
作者: mcl233 時間: 23-11-26 10:38
阿狸 發表於 23-11-25 18:29
小朋友小學四年級之前都有返補習社，但越來越覺得效果不理想，高小後慢慢減少補習社時間，六年級下學期完全 ...
本帖最後由 mcl233 於 23-11-26 10:56 編輯
初中係乜科都要讀，當中當然會有高低，興趣或冇興趣，去到高中就大機會可以飛走D弱科。前題係你要保住選科機會，尤其是目標係理科，大部份中學係以成績優先去選科，所以弱科或冇興趣既科亦要盡力頂住～
這解釋為何男生往往係高中會脫胎換骨，正正就係佢已經食緊自己鍾意既餸，主科必考當然例外。又呢一兩年3大已經頗大比例改為Best5/6，已經對男生非常有利，可以用另外既副科去救主科既比較弱成績～
作者: LeeCC 時間: 23-11-26 10:50
mcl233 發表於 23-11-26 10:38
初中係乜科都要讀，當中當然會有高低，興趣或冇興趣，去到高中就大機會可以飛走D弱科。前途係你要保住選科 ...
同意，到高中，如果派到自己興趣或擅長的科目，真係唔同晒，變得非常有動力
想返起阿仔初中時，對住geog,history，ls,要寫論證essay／debate script和做VA 功課個樣，就淒涼啦
作者: mcl233 時間: 23-11-26 11:03
LeeCC 發表於 23-11-26 10:50
同意，到高中，如果派到自己興趣或擅長的科目，真係唔同晒，變得非常有動力
想返起阿仔初中時，對住geog ...
所以我係唔同意科科都要硬谷去求高分，我教年輕人係唔好放棄，高中就飛走佢，當然，佢都係鬥志強既人，基本上唔會放棄，用意只係唔想比佢誤會父母好在意佢既成績，盡力就可以～
不過，都係要睇中學既要求，和競爭如何。又所以，我係偏向讀單性別中學，女生性格基本上差唔多，佢唔掂既，相信大部份都係唔掂～ 
作者: LeeCC 時間: 23-11-26 11:07
本帖最後由 LeeCC 於 23-11-26 11:11 編輯
mcl233 發表於 23-11-26 11:03
所以我係唔同意科科都要硬谷去求高分，我教年輕人係唔好放棄，高中就飛走佢，當然，佢都係鬥志強既人，基 ...
初中時，我只要求全科合格，佢目標高中揀的科，就要要高分和排名高，才可以順利升班和入到心儀的科目，無打算揀的科合格就算，反正我地揀科不看平均分排名，只看個別科目排名
作者: mcl233 時間: 23-11-26 11:13
LeeCC 發表於 23-11-26 11:07
初中時，我只要求全科合格，佢目標高中揀的科，就要要高分和排名高，才可以順利升班和入到心儀的科目，無 ...
年輕人大大下就自動波㗎啦，學風勝一切，仲要父母係天空盤旋咩～
作者: LeeCC 時間: 23-11-26 11:15
mcl233 發表於 23-11-26 11:13
年輕人大大下就自動波㗎啦，學風勝一切，仲要父母係天空盤旋咩～
作者: Baymax 時間: 23-11-27 00:02
的男仔大概中二就開竅, 之後會追尋自己條路, 中一二最重要打好個底, 唔係分數, 英文語文能力係靠閱讀同睇片, 中文除基本語文能力, 要陪養語言及思考鑼緝, 也開始陪訓管題技考, 例如key word, marking scheme,
作者: PTL_L 時間: 23-11-27 13:51
本帖最後由 PTL_L 於 23-11-27 13:51 編輯
LeeCC 發表於 23-11-26 11:15
真的，上到高中，忽然自動波
最驚，壓力愈來愈大，唔識放鬆！
作者: LeeCC 時間: 23-11-27 15:04
PTL_L 發表於 23-11-27 13:51
最驚，壓力愈來愈大，唔識放鬆！
而家做家長的，個仔懶又擔心，個仔勤力，仲擔心，真係左右做人難
作者: PTL_L 時間: 23-11-27 16:27
LeeCC 發表於 23-11-27 15:04
而家做家長的，個仔懶又擔心，個仔勤力，仲擔心，真係左右做人難
...
作者: mcl233 時間: 23-11-27 22:26
PTL_L 發表於 23-11-27 13:51
最驚，壓力愈來愈大，唔識放鬆！
所以選科係最好能夠同時兼顧興趣和高分係最理想，相對壓力可能會細啲，最多，你既壓力係追求更好。若係初中選科，係以當時高分為優先，係高中階段係有機會中招的，到時就真係會讀得吃力～
又所以EK某些人仕一直既建議，甚麼科易讀，呢啲說法某程度上係害人既說法，須知你岩別人未必岩，最搞笑係求3求4為目標，即係5＋唔使諗，仲要4仔原來都唔係易取～
作者: LeeCC 時間: 23-11-28 06:40
本帖最後由 LeeCC 於 23-11-28 06:41 編輯
mcl233 發表於 23-11-27 22:26
所以選科係最好能夠同時兼顧興趣和高分係最理想，相對壓力可能會細啲，最多，你既壓力係追求更好。若係初 ...
易唔易讀好個人架wor,問着個文人，佢話history 易讀，背書和寫嘢就得啦，你自己係數理人信佢就死得啦
曾經有個文人話，eng lit 最易讀
作者: 阿狸 時間: 23-11-28 23:17
睇來選科都幾需要權衡各種利弊，都幾難喔。選課係唔係會好影響大學修讀乜專業？會唔會有天書參考，學校會唔會比每個同學具體建議？靠小朋友自己權衡定家長都要深度參與？
作者: LeeCC 時間: 23-11-29 07:52
本帖最後由 LeeCC 於 23-11-29 07:54 編輯
阿狸 發表於 23-11-28 23:17
睇來選科都幾需要權衡各種利弊，都幾難喔。選課係唔係會好影響大學修讀乜專業？會唔會有天書參考，學校會唔 ...
如果目標經聯招入本地大學，去書局打下書釘，明報出左最新一屆的聯招選科全攻略
如果目標外國大學，就只可以自己做功課，逐間大學網頁去睇
作者: mcl233 時間: 23-11-29 14:53
阿狸 發表於 23-11-28 23:17
睇來選科都幾需要權衡各種利弊，都幾難喔。選課係唔係會好影響大學修讀乜專業？會唔會有天書參考，學校會唔 ...
所以咪提左比較妥當係為興趣去選科囉，除非你大學報讀學糸，係完全同中學選修科毫不関連，為修而修，根本冇興趣。同之前所指某啲建議係為3為4去揀科，連要讀乜都唔知～
作者: LeeCC 時間: 23-11-29 15:17
本帖最後由 LeeCC 於 23-11-29 15:17 編輯
mcl233 發表於 23-11-29 14:53
所以咪提左比較妥當係為興趣去選科囉，除非你大學報讀學糸，係完全同中學選修科毫不関連，為修而修，根本 ...
有心儀大學的科目，要求的dse科目應該都有關連的科目，既然對大學科目有興趣，有關連的dse科目應該有d興趣的，唔會差太遠。應該唔會唔中意數的，大學想讀要有physics／M科的工科
當然跟父母意願去選科的另計啦
作者: 19801980 時間: 23-11-30 18:46
Baymax 發表於 23-11-27 00:02
的男仔大概中二就開竅, 之後會追尋自己條路, 中一二最重要打好個底, 唔係分數, 英文語文能力係靠閱讀同睇片 ...
「中文除基本語文能力, 要陪養語言及思考鑼緝, 也開始陪訓管題技考」，真心請教，如何增強這些技能？
小兒剛升中一，閱讀理解方面暫時沒有大問題，但寫作方面有待提升。
作者: Baymax 時間: 23-12-4 07:10
回覆 19801980 的帖子
原意正是掌握語言鑼輯和推理可在中文閱讀理解有優勢, 既然貴子弟能在閱讀理解過關, 相信他這方面掌握不錯, 寫作方面, 個人認為最重要是有內容, 熱情, 想像力, 從而推動寫作, 如果腦袋一片空白, 那就甚麼也寫不了, 兒子作文想不到有甚麼可寫時, 我就跟他按題目不停討論些相關的事, 他會突然開竅想到自己要寫的內容, 到考試測驗, 學校的作文題往往也跟平時作文功課的差不多, 他是把之前作過的文章內容, 稍作修改現場發揮,
作者: 19801980 時間: 23-12-4 19:33
Baymax 發表於 23-12-4 07:10
回覆 19801980 的帖子
原意正是掌握語言鑼輯和推理可在中文閱讀理解有優勢, 既然貴子弟能在閱讀理解過關, ...
謝謝你的分享。
在我來說，最頭痛的是如何訓練兒子注意文章結構，通常他在這方面失分；另外書面語的運用亦欠(emoji)順。想來除了多寫多練習，亦無他法。
作者: 加樂爹 時間: 23-12-5 11:21
本帖最後由 加樂爹 於 23-12-5 11:25 編輯
Baymax 發表於 23-11-27 00:02
的男仔大概中二就開竅, 之後會追尋自己條路, 中一二最重要打好個底, 唔係分數, 英文語文能力係靠閱讀同睇片 ...
覺得你講得好啱.
「中文除基本語文能力, 要陪養語言及思考鑼緝, 也開始陪訓管題技考」
我甚至認為很多小學讀得好的學生, 就是本身不用多教導, 他們的語言能力, 包括聽及表達能力, 再運用到思考邏輯都已經好強.
特別係男仔, 好多時要幫一幫, 除了為考試, 溝通能力 與 性格培養都有需要.
作者: 200904 時間: 23-12-5 15:19
除了成績之外，其實我有另一個考慮，就是初中開學科，學的是理論，而高中學的可能完全不同。比如，我們BAFS 學的是概念，但高中是不是那麽簡單的文字題呢？那麽文科生是否能在高中也學得好這科呢？
作者: Baymax 時間: 23-12-6 04:46
回覆 19801980 的帖子
增強書面語的運用, 首先步是閱讀, 尤其是課外書的閱讀, 看些他有興趣的書, 自然會入腦, 另外文章結構, 就要回到課文, 無論記敘文, 議論文, 按校的課文仿作練習, 例如課文是論中學生應不應打機, 仿作練可以是論中學生可否有零用錢, 家長當然要自己親自教
作者: 加樂爹 時間: 23-12-6 11:52
19801980 發表於 23-12-4 19:33
謝謝你的分享。
在我來說，最頭痛的是如何訓練兒子注意文章結構，通常他在這方面失分；另外書面語的運用亦 ...
我是以跟到阿仔現在小學4年級的看法, 所以可能有不足.
要對小學課文用的字詞盡量記憶運用, 這是一塊塊相關的字句, 當成好像一棵樹的花朵, 樹葉.
當腦內閃出一些字詞, 寫作的大綱意念, 很快便能夠隨著他們連繫起來.
如果尚記得一些句式結構, 套用在你的意念上, 便好像接著劑, 幫你寫到就是2-3行字句.
連接詞是基本, 同衣服一樣, 要熟到隨時轉換, 那文章不會枯燥.
修辭法, 例如排比, 因果..., 便幫你把一個文章一段段落架起來.
經常訓練以2-3句, 表達一個意思. 留意說明文/記叙文/議論文...這些句式隨著目的而有不同, 要自己分析總結特點規律, 例如句子要去到感情回應, 或說明, 或指示, 或推測....你可以按自己當時要求, 寫到這些句子.
我阿仔現讀四年級, 我留意課文開始複習, 就是在基本上, 加上不同的形容及修辭 (cross over)
我叫他閱讀時嘗試把所有這些外掛字辭刪去, 抽出重點, 他便能又看回到之前的基本結構了.
一篇文章, 我當每個段落70-100字, 都很容易由以上方法結構出來.
要寫要少字, 就是你想掛多少形容及修辭方法.
你現在可能找回一些小學文章, 依以上方法, 可以幫助"看穿" 中文課的內容.
作文會感到輕鬆, 不需著重用什麼特別材料, 只要簡單幾個意思寫出來, 都有幾百字了.
作者: 加樂爹 時間: 23-12-6 12:23
200904 發表於 23-12-5 15:19
除了成績之外，其實我有另一個考慮，就是初中開學科，學的是理論，而高中學的可能完全不同。比如，我們BAFS ...
引用你說 " BAFS 學的是概念，但高中是不是那麽簡單的文字題呢"
我想這個是不是用文字題, 影響在高中成績, 只是一個"外表像",
"本質"是學生對這學科的能力.
初中教育就是教育概念, 理論多, 學了是方便了解及與人溝通,
高中教育應該是開始訓練解難能力, 各人能力不同.
所以, 初中成績可能都是一個"外表像"
解釋了為什麼有"黑馬", 有"後繼無力"的學生.
真的, 家長是可以留意到仔女"本質"是什麼材料.
大部份人都是那80-90%質素的人, 勤力的, 遇同好老師/好補習/家庭環境好的可以充足發揮.
那些真學霸, 狀元...就是本質能力高.
作者: 加樂爹 時間: 23-12-6 12:37
回覆 阿狸 的帖子
所以, 依我以上想法, 樓主要考慮是子女"本質" 能力.
若他能力好, 到高中, 自然無問題.
若只是70-80% 內的普通人, 初中可以幫他改良一點能力.
但"本質"能力到高中後期會變得主導.
找到他"本質"能力強, 幫他打開眼睛, 選擇科目在這段時間.
用"期望" 去讀書, 預期"黑馬" 效果, 最好心裡面先有個底氣評估.
作者: 傻太 時間: 23-12-29 13:35
阿狸 發表於 23-11-25 18:29
小朋友小學四年級之前都有返補習社，但越來越覺得效果不理想，高小後慢慢減少補習社時間，六年級下學期完全 ...
因為中四通常可以讀到自己揀嘅科目，我中一至中三只關注將來會考公開試的科目+數學(M2有限人數)，其他最好就合格喇
亦因此和另一半分歧，話我教壞個仔，到今年中三佢先慢慢明白
作者: sumchanma 時間: 23-12-29 13:47
傻太 發表於 23-12-29 13:35
因為中四通常可以讀到自己揀嘅科目，我中一至中三只關注將來會考公開試的科目+數學(M2有限人數)，其他最好 ...
我都係咁教，不過我發現，當主攻的科高分時，仔唔會甘心其他科只係剛剛合格，佢都會盡力攞高啲分，結果初中都維持到級10之內
佢而家中四，入到心儀的科，不過佢話真係同中三好唔同，要花好多時間做一份功課。
作者: 傻太 時間: 23-12-29 14:26
sumchanma 發表於 23-12-29 13:47
我都係咁教，不過我發現，當主攻的科高分時，仔唔會甘心其他科只係剛剛合格，佢都會盡力攞高啲分，結果初 ...
你仔其他科本來都唔差喇，我果個係頭10%和尾10%嘅分野（除咗中文），神仙難救
同埋佢高小到現在一直都一星期有4-6晚去咗打波，週末又比賽，根本無乜時間，我問自己，補中西史、聖經、VA、music？定俾佢係球場上發光？迫佢補唔鍾意的科又盞影響關係，還是承受人哋因副科閒科而整體排名在你前面？
作者: kirstyau 時間: 23-12-30 16:57 標題: 回覆樓主：
本帖最後由 kirstyau 於 23-12-30 17:04 編輯
初中只要keep住above average, 高中選到心儀科目，踢走較弱/冇興趣科目，高中就好多可能性。
如讀津中考DSE，中英偏科極都要保3，唔可以唔理。大弱中 中一開始keep住中文補習保底，暫時希望最少有4。
作者: mcl233 時間: 23-12-30 21:06
kirstyau 發表於 23-12-30 16:57
初中只要keep住above average, 高中選到心儀科目，踢走較弱/冇興趣科目，高中就好多可能性。
如讀津中考DSE ...
我以前同自己位年輕人分析係，決定性係主科，並非選修科，大家都係選修科揀自己最適合既，分別唔會好大。反為，主科係多年來既基本功，難以三兩年可以谷起，得或失既重點，又不過，宜家玩法係Best5/6，已經溝淡左主科既重要性，不過起碼都仲有40-50％既影響性～
作者: kirstyau 時間: 23-12-30 21:51
mcl233 發表於 23-12-30 21:06
我以前同自己位年輕人分析係，決定性係主科，並非選修科，大家都係選修科揀自己最適合既，分別唔會好大。 ...
本帖最後由 kirstyau 於 23-12-30 22:45 編輯
中英要靠沉浸式學習 基本上3歲已經開始要培養 。因為大偏科，英文有興趣， 平時已經睇聽閱讀， 基本唔使做咩補充補習考試唔多洗溫，已經有成績，但唔好中文冇辦法，點補都係平平，不過始終中文小學上，讀書人，肯讀書又唔會好差，中間位置啦！
作者: JayJayMum 時間: 24-1-17 10:28
阿狸 發表於 23-11-25 18:29
小朋友小學四年級之前都有返補習社，但越來越覺得效果不理想，高小後慢慢減少補習社時間，六年級下學期完全 ...
作者: qinqinyan 時間: 24-2-19 14:05
阿狸 發表於 23-11-25 18:29
小朋友小學四年級之前都有返補習社，但越來越覺得效果不理想，高小後慢慢減少補習社時間，六年級下學期完全 ...
我自己做補習所以唔抗拒補習，小朋友3歲就請外籍老師上門來教，主要想學口語。之後一路都有補習，但唔係補底而是拔尖，學深一兩年，唔參加比賽同考試，冇壓力。
宜家小六後期開始學初中數同英文，佢補習唔代表冇自學能力，好似佢宜家做s3閱讀理解，所有錯處同唔識就請教返補習老師，之後再加強返唔識地方。
小朋友唔算自動自覺，我講一萬句都唔夠人地講一句，外判我輕鬆好多。
作者: 阿狸 時間: 24-2-29 09:21
非常感謝大家的討論，比左好好的建議，數學相對好掌握，仔仔有需要時，我和仔仔一起學習，都係好好的親子時光，語言課真係要好難，我都係外判比專業人士，不過都係好難搵到高質補習老師。其他副科就完全由仔仔自己打理，目前睇來都不錯。
| 歡迎光臨 教育王國 (/) |
Powered by Discuz! X1.5 |