教育王國
標題: Band3選校問題 [打印本頁]
作者: Cherryroy 時間: 23-11-21 09:03 標題: Band3選校問題
小朋友呈二,我估計一定係band3中，我應如何選校？她說想在呈三追番，其實佢還有機會嗎？佢自己見到結果都唔開心，說不想自己上band3學校。
爸爸說她顧着玩，無溫習，但實際在呈二前兩星期已經開始溫習，補習老師日日陪佢由4點溫到8點，自己見到結果都好傷心。所以想請教下我仲有咩方法幫佢。如果唔好彩真係派上band3,我怕出事。因為近排太多學童自殺～～
作者: kl2010 時間: 23-11-21 09:30
回覆 Cherryroy 的帖子
你那區? 可以派位選2C第一志願 不要太擔心
作者: cloudcloudrobot 時間: 23-11-21 09:46
Cherryroy 發表於 23-11-21 09:03 
小朋友呈二,我估計一定係band3中，我應如何選校？她說想在呈三追番，其實佢還有機會嗎？佢自己見到結果都唔 ...
無論點，考好個呈三，希望上返Band 2，加油
作者: 猴子爸 時間: 23-11-21 10:02
Cherryroy 發表於 23-11-21 09:03
小朋友呈二,我估計一定係band3中，我應如何選校？她說想在呈三追番，其實佢還有機會嗎？佢自己見到結果都唔 ...
作者: Cherryroy 時間: 23-11-21 10:17
回覆 kl2010 的帖子
我係KLN3校網，講真，我未見過自己個女咁大反應，我講我哋選好band3學校，佢鬧我，話我想佢去band3學校～
作者: adriantai 時間: 23-11-21 10:29 標題: 回覆樓主:
直資啦
作者: Cherryroy 時間: 23-11-21 10:31
回覆 cloudcloudrobot 的帖子
即係我囡呈3都可追上band2?我又想請教下如果我自行應該排五旬節，彭學高，胡兆熾邊間去博抽獎，扣門機會大啲？因為自行我知肯定唔得。
作者: gracelam 時間: 23-11-21 10:48
Cherryroy 發表於 23-11-21 10:17
回覆 kl2010 的帖子
我係KLN3校網，講真，我未見過自己個女咁大反應，我講我哋選好band3學校，佢鬧我，話 ...
如果經濟許可， 試報吓B2直資中學，可能有少少機會。
作者: cloudcloudrobot 時間: 23-11-21 10:57
本帖最後由 cloudcloudrobot 於 23-11-21 11:05 編輯
Cherryroy 發表於 23-11-21 10:31
回覆 cloudcloudrobot 的帖子
即係我囡呈3都可追上band2?我又想請教下如果我自行應該排五旬節，彭學高，胡 ...
冇話唔得既，要大大出力咁囉
以我所知，KLN3除左開平要自行過先可以叩門，其他冇自行冇揀過都可以叩。你們在KLN3已很好，大量好的Band 2/Band 3中學選擇
你所提及的學校，都係Band 2校(彭接近Band 3)，自行一試無妨。不過多口一句，盡量給你女兒認清形勢，升中唔同升小，升小抽獎全靠運氣，升中除左運氣，實力都很重要
加油
作者: minichong28 時間: 23-11-21 11:04
其實兩星期前先開始溫真係太倉卒, 常識可以背都OK, 但中, 英都係要日積月累的, 多讀多聽多寫數學就可以每日操卷, 起初可以每日10-20條去做, 測考前就一份份卷去做
加油, 希望幫到你, 同小朋友講, 一齊戰鬥埋呈三後可以鬆一鬆
我幾時都同小朋友講, 爸爸媽媽係同你一齊並肩作戰, 佢從不孤單, 同埋永遠唔會臨測考先抱佛腳, 幾時都係將準備做到最好
作者: worldcat 時間: 23-11-21 11:07
對唔住都要講聲，小朋友咁大反應而唔係反思，父母應該一路係教育方向就已經無乜要求。尊重每個家庭對小朋友的教育方向，但宜家先諗點幫小朋友會唔會太遲。你覺得個女兩星期前開始溫習已經好努力，但其他小朋友係兩個月前兩年前甚至6年前已經準備。一般考完呈一，有心追就要呈二呈三努力。 而且亦好現實咁講，呈三發力B3追上B2係最難，仲難過B2上B1。以上係同大人講GE。
回歸小朋友方面，首先同小朋友解釋升中係成績先決，宜家好好預備呈三。例如訂立好每日功課外再加2~3小時溫習時間，一星期只可睇電視+玩電子產品少於1小時。
呈一二後係B3中，呈三應該都要最少B2頭成績先穏陣少少，如果學校有實際名次加過去升中結果分佈人數，自己大約計下要追幾多名先可以入B2 POOL。
另一面，集中睇定B2C~B3A學校，小朋支其實邊識分B2 B3，特別B2C~B3A係一個比較模糊的範圍，如果一間學校有B2有B3學生入，話佢係B2就得。
KL3 相對競爭無咁大，入返B2唔係無機會。
最後呈三有改善，但計落都仲係KL3 B3A 或B2邊沿人，而且呈三學校係3月頭考，可以考慮馬上搬屋去弱區再申請轉區大抽奬(第二輪轉區申請正常係3月截。)。
作者: Cherryroy 時間: 23-11-21 11:48
回覆 worldcat 的帖子
你說得對，爸爸對她無要求，只求合格，但我有要求，就是要全部高高過75，一路p1~p5頭兩學期都無問題，到第3學期就開始下滑。所以到呈2一開學就係教一課溫一課，考前兩星期就把所有錯最多嘅再做再解。但發覺學校活動太多，令佢心散哂。（考試期間，都仲有校外比賽）所以對於今次佢係真係唔開心。
作者: Poyau 時間: 23-11-21 12:44
Cherryroy 發表於 23-11-21 10:31
回覆 cloudcloudrobot 的帖子
即係我囡呈3都可追上band2?我又想請教下如果我自行應該排五旬節，彭學高，胡 ...
請問有無考慮 德蘭(女) / KTSSS
作者: Mchacha 時間: 23-11-21 13:28
如果無唔合格，可以試吓搵d B2直資
作者: worldcat 時間: 23-11-21 13:39
回覆 Cherryroy 的帖子
如果學術上唔係真係BELOW AVERAGE，呈三收心養性增取好啲成績。上到B2最好，如果唔係就抽奬揀B2尾/B3頭，再去叩B2直資。
最緊要呈三要爭取好名次，唔係單單分數有進步就得。
作者: hiuching8 時間: 23-11-21 13:58
讀band 3先會減少自殺風險，夾硬讀唔啱程度嘅學校，年年考第尾，壓力一定大。你揀間校風好嘅band 3實際啲，等佢唔好學壞。
作者: Cherryroy 時間: 23-11-21 13:59
回覆 Mchacha 的帖子
就係唔合格，仲要兩科，英文差1分 ，數就差十幾
作者: Mchacha 時間: 23-11-21 14:03
Cherryroy 發表於 23-11-21 13:59
回覆 Mchacha 的帖子
就係唔合格，仲要兩科，英文差1分 ，數就差十幾
如果咁樣真係預算B3啦，唔好俾佢覺得B3就係洪水猛獸咁，搵間校風好嘅再發展其他潛能
作者: kl2010 時間: 23-11-21 14:08
回覆 Poyau 的帖子
選這2間都好
作者: lot888 時間: 23-11-21 14:31
樓主女兒喜觀運動，競爭心態可能大一點，如屢獲殊榮，學校名人，要讀B3，心理可能有點障礙，未必能接受。如果心態改不了，就改成績。我可先跟你分享一個技術性出貓嘅方法（其實唔應該咁做），打探中，英作題目，預先找捕習老師準備一，兩偏萬用文。背默，考試時因題目作調整，更改。一般關於游山玩水嘅描寫文，多机個四字成語都能十拿九穩，英作有関事情，人物介紹及故事記述，同一方法處理。數學就從之前測考，或師兄師姐攞上一兩年考試卷，同一份卷重做再重做，再再重做，再再再重做，要發緊夢都識寫，之後改改數字，改小小題形都要一樣全答對，目的係令小朋友習慣，一見類似嘅題目就落筆，從而建立信心，考試時頭幾條好有信心識答同冇信心唔識答，對之後答題影響好大。記住，重點係唔好貪，唔好一條未完全掌握又跳去做第二條，最失敗就係嘗試挑戰新題目。常識就張課文变做圖入腦，帶幅圖入去考試。閱請理解，無論中英都係較易失分地方，短時間難有大進展。,祝后來居上。
作者: tkinwong 時間: 23-11-21 14:40
Cherryroy 發表於 23-11-21 13:59
回覆 Mchacha 的帖子
就係唔合格，仲要兩科，英文差1分 ，數就差十幾
呢兩科唔合格，我有少少見解。
其實去到高少，英文科除咗不供詞填充，其餘嘅都係考應用/文法之類，唔係一時三刻死溫書就可以谷到。係要平時做得多閱讀理解，同埋嗰啲文法嘅練習。
數學都係，拎住本書嚟溫係冇用。都係要做練習。大人交流希望你唔介意，數學差10幾分先合格，係好大問題。如果平時數學跟得好，唔應該有咁嘅結果
作者: HK-MAN 時間: 23-11-21 15:23
lot888 發表於 23-11-21 14:31
樓主女兒喜觀運動，競爭心態可能大一點，如屢獲殊榮，學校名人，要讀B3，心理可能有點障礙，未必能接受。如 ...
作者: Cherryroy 時間: 23-11-21 15:23
回覆 Poyau 的帖子
我有打算自行kits,但佢係band2b~c會唔會扣門難啲
作者: HK-MAN 時間: 23-11-21 15:27
Cherryroy 發表於 23-11-21 11:48
回覆 worldcat 的帖子
你說得對，爸爸對她無要求，只求合格，但我有要求，就是要全部高高過75，一路p1~p5 ...
作者: HK-MAN 時間: 23-11-21 15:29
Cherryroy 發表於 23-11-21 15:23
回覆 Poyau 的帖子
我有打算自行kits,但佢係band2b~c會唔會扣門難啲
作者: adriantai 時間: 23-11-21 16:56 標題: 回覆樓主:
得罪講句，呢啲分數再諗band2 band3意義唔大啦， 趁仲小學諗下問題出係邊好過啦。
如果真係咁緊張學校，諗下直資啦
作者: Cherryroy 時間: 23-11-21 18:51
唔該哂大家意見，聽到她仲可以追，對於我同小朋友嚟講，已經好開心 ，我怕連追嘅機會都無……
作者: apple_love 時間: 23-11-21 19:01
Mchacha 發表於 23-11-21 13:28
如果無唔合格，可以試吓搵d B2直資
請問Band 2直資有邊幾間？培基、聖道迦南、德信？真道、播道、王錦輝、祟真、李國寶算嗎？
作者: kl2010 時間: 23-11-21 19:24
回覆 apple_love 的帖子
福建，香島九龍塘，播道，真道，羅氏，優才，羅定邦都是直資
作者: HK-MAN 時間: 23-11-21 23:16
Cherryroy 發表於 23-11-21 18:51
唔該哂大家意見，聽到她仲可以追，對於我同小朋友嚟講，已經好開心 ，我怕連追嘅機會都無……
...
作者: 10090 時間: 23-11-22 06:45
apple_love 發表於 23-11-21 19:01
請問Band 2直資有邊幾間？培基、聖道迦南、德信？真道、播道、王錦輝、祟真、李國寶算嗎？
...
播道、祟真、李國寶有機會係band 1，德信肯定係band 3。呢度勁多崇真打手，你小心俾圍攻。
作者: gouht111 時間: 23-11-22 12:55
Cherryroy 發表於 23-11-21 09:03
小朋友呈二,我估計一定係band3中，我應如何選校？她說想在呈三追番，其實佢還有機會嗎？佢自己見到結果都唔 ...
提外話，其實溫習係輔助佢既記憶，最重要佢平時有沒專心上堂.有冇掛住玩電子產品..呢個只有你地先知道
入返正提：可以試下直資band2
同埋要加N倍既努力考埋個呈3
點都好，加油！
| 歡迎光臨 教育王國 (/) |
Powered by Discuz! X1.5 |