教育王國

標題: 小二升上小三後多唔多人成績大跌 [打印本頁]

作者: Leanne2009 時間: 23-11-14 16:30 標題: 小二升上小三後多唔多人成績大跌

初小兩年都考級頭，一上到小三有啲科目大幅下跌，多唔多人係咁？

作者: boyboobee 時間: 23-11-16 01:35 標題: 回覆樓主:

小三學術嘅質與量比小二會有較大跨幅，係需要啲時間適應。

作者: melolo317 時間: 23-11-16 11:42

個人觀察，初小兩年，有d小朋友成績好係來自幼稚園學術基礎較其他同學強；到小三，學嘅知識深咗、闊咗，老師亦開始唔當大家係初小生咁carry, 大家就好似洗牌再來過，自然亦有d小朋友後來發力居上。

上課留心，恆常溫習，慢慢會keep得到。

作者: AndrewHo_FB 時間: 23-11-19 22:17

小學1、3、5 的課程是大躍進，例如幼稚園升小1 的深度是倍增。

作者: lojo11 時間: 23-11-20 16:49

唔多有呢個情況.. 好多都keep到小六

作者: Rtonon 時間: 23-11-20 18:05

小三之後重思考。數學思路要清晰，因為難度高左，好多高階思維題目。而中英文如果平時少睇書，字庫少，底子麻麻，就會喺閱讀理解同作文同其他人出現分水嶺。常識有情景題同報道資料題，都要轉數高先運用出嚟。

所以要睇下小朋友平時有冇自主學習，有冇出去增廣見聞～如果小一小二讀死書，只過填鴨式生活而級頭，喺小三就易滑落。

仲有，如果粗心大意唔改，滑落會更嚴重。

作者: lot888 時間: 23-11-20 21:26

如果讀勤力嘅，唔勤力成绩就退步。如果讀能力既，冇分別，級頭继續頭，及尾继續級尾。又如果讀財力嘅，就俾錢上多机堂雞精班。

作者: 3Meowshome 時間: 23-11-20 22:32

其實唔應只睇分數，要睇全級平均如何。

作者: mnhk 時間: 23-11-26 14:25

Leanne2009 發表於 23-11-14 16:30
初小兩年都考級頭，一上到小三有啲科目大幅下跌，多唔多人係咁？

反而我覺得會有小朋友開竅，開始努力讀書爬過佢地

作者: Baymax 時間: 23-11-26 23:03

上小三的考試開始多野記, 中文同常識科開始多繁雜野, 幼稚園的老本食完, 成績下滑正常, 成績好的通常是勤力温書的一族, 聰明唔温書又未開竅成績下滑, 這情況上到中學又會來另一次逆轉, 因為英中用全英語教學, 而宜的科目開始要思考, 這個時期單靠勤力死操的又會跌返落去中游

作者: jbbmom 時間: 23-11-26 23:11

會跌，不過大部分同學一齊跌，最終名次都係差唔多

作者: mnhk 時間: 23-12-2 17:27

Leanne2009 發表於 23-11-14 16:30
初小兩年都考級頭，一上到小三有啲科目大幅下跌，多唔多人係咁？

唔覺，小一小二級頭既，小三仍然級頭，就算跌都唔會大跌

作者: 藴藴 時間: 23-12-7 23:22

岩岩考完一次測驗，同一二年級比，平均分無跌，都係維持係90頭，未派成績表，唔知名次。對比一二年級，要思考既題目，要寫既嘅字多左，閱讀理解題未必會係文中搵到黎抄，分數跌都係正常。

作者: hkcsty 時間: 23-12-8 11:49

本帖最後由 hkcsty 於 23-12-8 11:51 編輯

初小仲係小朋友心態，做題比較隨意
希望高小會認真啲答題做卷

作者: hkgra 時間: 24-1-11 13:18

自己小朋友, 小一至小三, 考既名次都差唔多

作者: 天外之人 時間: 24-1-11 17:29

唔多有呢個情況. 衹係見到好多一二名轉來轉去,唔追求分數,正常都唔會理會呢啲.

作者: Rpp 時間: 24-1-11 17:49

小二升小三跌唔要緊的，有起有落先好玩，以前老師同家長都咁講。

作者: lovececing 時間: 24-1-22 09:31

反而覺得小四係分水嶺，小四d數突然深左，做功課會知，第一次成績表出左，我覺得都有d人係跌左

作者: 貓頭鷹之家 時間: 24-1-24 09:40

Leanne2009 發表於 23-11-14 16:30
初小兩年都考級頭，一上到小三有啲科目大幅下跌，多唔多人係咁？

生活習慣有沒有改變？

歡迎光臨教育王國 (/)