教育王國

標題: 求崇真國際部用家分享 [打印本頁]

作者: leungbb2018 時間: 23-11-13 07:10 標題: 求崇真國際部用家分享

想問崇真國際部英文語境係唔係好好呢？大部份都採用英文來教授？

作者: Marris 時間: 23-11-13 13:06

本帖最後由 Marris 於 23-11-13 13:36 編輯

leungbb2018 發表於 23-11-13 07:10
想問崇真國際部英文語境係唔係好好呢？大部份都採用英文來教授？

小朋友讀緊國際部，基本上初小階段英文及國語都能夠流利溝通, 並有外國口音及清晰標準國語聲韻母發音，初小學校已經會教導學生英文Presentations Skill .

英文寫作方面亦都係比較偏向較有創意，小朋友亦好肯寫，學校好鼓勵英文寫作，就算只是小一到下學期同學仔基本已經可以寫出簡單的幾十字完整英文故事.

除中文科用國語教授以外，所有科目也是以英文教授的

作者: wingyin_1028 時間: 23-11-14 00:48

Marris 發表於 23-11-13 13:06
小朋友讀緊國際部，基本上初小階段英文及國語都能夠流利溝通, 並有外國口音及清晰標準國語聲韻母發音，初 ...

想請問你認為是傳統教學還是活動教學？學術谷唔谷？有冇教深？謝謝解答。

作者: Marris 時間: 23-11-14 08:16

本帖最後由 Marris 於 23-11-15 15:55 編輯

wingyin_1028 發表於 23-11-14 00:48
想請問你認為是傳統教學還是活動教學？學術谷唔谷？有冇教深？謝謝解答。
...

英文科GS, GE 是用英國及新加坡教科書並以IB 形式主題教學，所以會比靠活動教學（佔課堂比例約50%）；中文科則按照香港直資普遍用書標準及水平用繁體普通話教授，所以靠為傳統教學；數學是英數，也是用香港普遍直資學校用書，所以程度也相若.

谷唔谷好難講到個標準，我只可以話唔輕鬆，一年只有兩考及持續評估，中英文默書大概一個月一次，其實考測默壓力唔大

但國際部英文是行IB 模式所以整個學期也有好多project 要做，經常要上網搵資料，同埋要寫嘢，而且仲要同老師及展覽期間做presentation，雖然同學仔係多嘢做但係好享受做得好開心，大家都好投入

如中文科有功課需要每組寫三次之外，基本上所有科目功課都沒有抄寫，每日功課量唔多一般2-3 樣（基本上一個鐘頭內可以完成）有時甚至乎無，但每月也有project 及 creative writing 要做需要寫作及畫畫，可以講雖然功課唔多，但係要用腦需要時間.

在英文教的目科上，我只可以講學校用書及課程比較深，如果按英文閱讀理解程度計，大概會比一般津校程度深1年半；有畢業生同我講過說國際部小六英文課程比B1AB 英中中二課程還要深.

國際部一及二有法文及日文學（唔計分的），去到三年級可以二選一繼續學習.

雖然聽落好似好忙，但係我小朋友其實還有時間發展運動及其他興趣呢

作者: wingyin_1028 時間: 23-11-14 08:55

感謝你既用心回答

作者: leungbb2018 時間: 23-11-14 22:42

多謝用心解答想問難考嗎

作者: Marris 時間: 23-11-15 11:08

本帖最後由 Marris 於 23-11-15 11:36 編輯

leungbb2018 發表於 23-11-14 22:42
多謝用心解答想問難考嗎

由於國際部係以英文及普通話教學，所以學生必須要有良好英文及國語聆聽，溝通及表達能力，呢方面能力要求會比英文部高，難唔難考真係答唔到你. 不過國際部只得一班（最多29人）而且還有部份位須留比崇幼生. 所以街外位應該最多都係得約20個.

我問過我班插班生，如果插班就需要考中英數及面試

國際部係極少call waiting, 早兩年因為無人放棄Offer ，結果搞到學校超收先被迫開多一班國際部，但只此一年，之後學校都係堅持一班政策

作者: leungbb2018 時間: 23-11-17 16:07

Thanks 謝謝詳細通知

歡迎光臨教育王國 (/)