教育王國
標題: 西太平洋幼稚園和地利亞語境邊個好？ [打印本頁]
作者: Babycii 時間: 23-10-29 16:24 標題: 西太平洋幼稚園和地利亞語境邊個好？
請問有西太平洋幼稚園用家？
語境好嗎？老師有愛心嗎？
學術深or淺？
地利亞用家有嗎？校風如何？
兩間幼稚園哪個好？
Thanks!
作者: ymyyy 時間: 23-11-3 10:33
回覆 Babycii 的帖子
我囝曾經有呢兩間幼稚園offer，最後揀咗地利亞，因為我老公比較心儀地利亞，最緊要係K2有全日班。老師有愛心，學術一般唔深亦唔淺，有語境多活動，學生有禮貌，囝囝鍾意返學會分享學校事，我哋仍然覺得揀啱學校。
雖然我哋唔係西太平洋用家，但係有了解過…佢哋係六成英語教學，
我睇佢個專訪…中文都教得唔淺例如蟹，interview當日覺得老師都有愛心。
呢兩間比較少本地人讀，所以好難搵到資料。
作者: ifcsir 時間: 23-11-5 02:22
ymyyy 發表於 23-11-3 10:33 
回覆 Babycii 的帖子
我囝曾經有呢兩間幼稚園offer，最後揀咗地利亞，因為我老公比較心儀地利亞，最緊要係 ...
地利亞知道有愛心，其實抵讀，小朋友們能英語交流？教中文程度好嗎？
作者: ymyyy 時間: 23-11-6 22:55
回覆 ifcsir 的帖子
我哋家庭背景係0語境，囝囝初初K1，老師話佢有啲唔明，而家K2，最近學校活動，我見佢同外籍老師交流，識聽同簡短回答，明顯係有進步。K2中文方面，讀短句寫單字，我覺得唔淺亦唔深，津幼+英幼嚟講佢學術已經唔錯，普遍認為英幼中文應該會教淺，我又唔覺得。
作者: foxfoxfoxchan 時間: 23-11-7 11:39
本帖最後由 foxfoxfoxchan 於 23-11-14 11:57 編輯
我囡上年岩岩在西太平洋畢業，讀足3年，升小考到St Clare正取生。可以好肯定咁講西太平洋英文教得十分好! 十分感謝西太平洋的老師!
全校上上下下，校長/老師/嬸嬸好有愛心，認得晒全校同學仔。囡囡在校期間十分喜歡番學，全班22人，我地有5個本地生(已經是全級最多本地生的班，其他班是2-3個本地)，佢最喜歡同南亞同學玩，相處十分融洽。如果升小打算是中小，就不好揀西太平洋，全部科用中文時，始終是一個大問題。
學術上當然不可以同名幼/私幼比較。但同一般卷校比，英文程度肯定是足夠小一使用。 完全可以無縫接軌英文小學，所有用英文的科目都不用擔心，自動識睇，依家在St Clare讀小一，英小(英數+英常識)，大測時，所有英文卷不用老師讀卷，全部睇得明。最新一次數學評估，因為老師不再讀題，要自己睇題目，全班只有我囡考滿分，K3時有外補phonics + reading。
中文的話，我囡一向中文差，沒本地生好，岩岩升上K3時，我囡不肯講中文，好彩老師十分體貼，規定佢同中文老師只可以講中文，慢慢進步左好多。西太平洋中文是教得淺的，直到K3時是一日抄一個詞語，每星期抄一次句子。
我囡小一大測中文不合格，上堂亦表示聽不明中文堂，但不可以怪晒西太平洋，最大的責任是我自己，因為長久以來重英輕中。
作者: ymyyy 時間: 23-11-7 22:39
回覆 foxfoxfoxchan 的帖子
請問囡囡係咪英語first language?
作者: ifcsir 時間: 23-11-8 03:00
foxfoxfoxchan 發表於 23-11-7 11:39
我囡上年岩岩在西太平洋畢業，讀足3年，升小考到St Clare正取生。可以好肯定咁講西太平洋英文教得十分好! ...
中文不能缺
作者: ifcsir 時間: 23-11-8 03:02
ymyyy 發表於 23-11-6 22:55
回覆 ifcsir 的帖子
我哋家庭背景係0語境，囝囝初初K1，老師話佢有啲唔明，而家K2，最近學校活動，我見佢 ...
本帖最後由 ifcsir 於 23-11-8 20:50 編輯
請教地利亞幼稚園，升小一多數是否地小？因為冇得睇，比較難選擇地幼
作者: foxfoxfoxchan 時間: 23-11-9 10:43
回覆 ymyyy 的帖子
不是呀，屋企是講廣東話的。不過佢就真係好鐘意好鐘意英文，睇youtube睇書都是全英文。佢聽不明中文堂的書面語，不肯認中文字，好抗拒中文。
作者: ymyyy 時間: 23-11-9 13:18
本帖最後由 ymyyy 於 23-11-9 13:31 編輯
回覆 ifcsir 的帖子
如果想升直資，中文係不能缺，地幼升地小有優勢，往外闖聽講比較多二線直資，亦有一線私校。
作者: ymyyy 時間: 23-11-9 13:28
回覆 foxfoxfoxchan 的帖子
我大囝都係咁…因為中文太弱所以考直資同一線津校全軍覆沒。今次細佬有經驗，有外補中文。
作者: foxfoxfoxchan 時間: 23-11-14 11:46
ymyyy 發表於 23-11-9 13:28
回覆 foxfoxfoxchan 的帖子
我大囝都係咁…因為中文太弱所以考直資同一線津校全軍覆沒。今次細佬有經驗， ...
| 歡迎光臨 教育王國 (/) |
Powered by Discuz! X1.5 |