教育王國

標題: 比囡囡重读U3 [打印本頁]

作者: laog 時間: 23-10-28 18:29 標題: 比囡囡重读U3

囡囡係下半年出生既細B，升U3后好多病，感冒一場接一場。學校老師都話佢每個周上1天停4天。今年佢升小，我比佢報佐7閒學校，而家有5閒出左一面結果，只得一間waiting list，其他都被拒。我捻住比佢讀多一個U3，睇下會唔會身體好點，同埋有機會再試下心儀學校有無機會。但係又驚學校唔鍾意復讀生，直接拒掉。以及佢大點會唔會因爲自己係班上最大齡既同學自卑。真係好矛盾。想聽聽大家的意見。非常感謝！

作者: Jean1769 時間: 23-10-28 19:06

好多人repeat小一再考（in my view even more crazy). 小學唔會理，但你要關心的係阿囡會唔會覺得repeat唔開心

作者: laog 時間: 23-10-28 19:12

回覆 Jean1769 的帖子

多謝回復！您的意思是讀多一年U3唔會影響面試時老師的印象嗎？因爲如果係復讀，佢提供既K2成績會係前年，唔係去年。

作者: Jean1769 時間: 23-10-28 21:40

laog 發表於 23-10-28 19:12
回覆 Jean1769 的帖子

多謝回復！您的意思是讀多一年U3唔會影響面試時老師的印象嗎？因爲如果係復讀，佢提 ...

無諗過呢個問題添。但repeat小一都會有同樣情況出現

作者: laog 時間: 23-10-28 21:43

回覆 Jean1769 的帖子

係吖。所以都好難決定。

作者: fmf903 時間: 23-10-28 22:10

下半年即係幾月？

10-12月可以考慮，但8-9月一定不repeat

作者: laog 時間: 23-10-28 22:32

回覆 fmf903 的帖子

係9月。

可否解释點解9月就唔考慮復讀嗎？謝謝！

作者: 陳生陳太 時間: 23-10-28 23:08

考直資同私校一d唔容易
留一年都唔一定有更好機會

作者: fmf903 時間: 23-10-29 00:11 標題: 回覆樓主：

本帖最後由 fmf903 於 23-10-29 00:11 編輯

男仔本身遲熟。我毫不猶豫會repeat。但係女仔repeat已經比同齡嘅大，如果一直再讀上去，其實足足俾人哋大一年。心理不好受的。
女仔整體感覺其實係比同齡成熟，如果你重讀一年，不見得學校會因為咁樣而俾多啲機會。反而要求更高。
我會建議照繼續升小一，然後你小學努力啲搵機會插班。

作者: laog 時間: 23-10-29 00:18

回覆 fmf903 的帖子

係，您講得好有道理。其實是否多讀一年會有更多機會，同埋小朋友因爲年齡而產生的自卑心理，都是我最大的顧慮。好多謝您咁夜仲回復我！

作者: Jean1769 時間: 23-10-29 00:54

laog 發表於 23-10-29 00:18
回覆 fmf903 的帖子

係，您講得好有道理。其實是否多讀一年會有更多機會，同埋小朋友因爲年齡而產生的自卑 ...

小朋友唔會因年齡產生自卑，但就會非常唔明點解要重讀K3（小一先重讀就更甚），眼見同學仔都升高一級自己留班一定唔好受。

作者: musiclover1609 時間: 23-10-29 08:37

我見過幾個九月b重讀K3的例子，有些升小學後成績拔尖，處事穩當，被老師視作高材生。也有些成績中等，能應付學校課程，但表現不突出。可以這樣看，重讀後成績拔尖的，如果不重讀，相信成績也會是中上的。重讀後成績中等的，如果不重讀，很可能會追不上。

作者: laog 時間: 23-10-29 09:22

回覆 Jean1769 的帖子

係，我個女都係，都唔想因爲升小離開而家的同學和老師。

作者: laog 時間: 23-10-29 09:25

回覆 musiclover1609 的帖子

多謝回復！其實佢而家中英數都唔差同埋好有興趣學。但係佢唔夠自信，英文表達能力唔夠，所以閒閒學校落榜。

作者: musiclover1609 時間: 23-10-29 10:03

laog 發表於 23-10-29 09:25
回覆 musiclover1609 的帖子

多謝回復！其實佢而家中英數都唔差同埋好有興趣學。但係佢唔夠自信，英文表達 ...

直資落榜不代表小朋友能力不夠啊，直資面試也看小朋友的性格，開朗、不怕生的小朋友比較亮眼。我覺得重讀與否，別人的眼光不是主因，一般老師與同學都不會因為你的小朋友大幾個月而小看她。如果真的決定重讀，你要跟她說明原因，小朋友會理解的。如果能力不夠，勉強升班，到時候追不上，更打擊自信。

作者: laog 時間: 23-10-29 12:54

回覆 musiclover1609 的帖子

感謝您的回復，好讓我覺得安慰！我囡囡就是唔夠開朗自信，回答問題聲音細。硬傷係她英語詞匯量唔夠，雖然而家識串字，臨場應對仲係弱。

作者: fmf903 時間: 23-10-29 21:29

laog 發表於 23-10-29 09:25
回覆 musiclover1609 的帖子

多謝回復！其實佢而家中英數都唔差同埋好有興趣學。但係佢唔夠自信，英文表達 ...

本帖最後由 fmf903 於 23-10-29 21:30 編輯

我覺得你女女唔係跟唔上嘅話，我覺得佢唔需要重讀啊。性格呢好影響考直私嘅成績。如果本身內向少說話，重讀一年幫助不大。有很多家長分享，小朋友學術好但臨場表現唔得，反而喺考插班筆試先發揮到。
直私遊戲係啱一些好presentable 的小朋友。

作者: laog 時間: 23-10-29 22:45

回覆 fmf903 的帖子

好多謝您的回復！看過大家的回復，感覺重讀需要好慎重。的確我女兒係比較安靜個種，學校老師都話佢好靜。之前因爲幫佢準備面試，我已經比佢好大壓力，導致佢考完女拔就喊。我唔想因爲面試强迫佢變得外向，最重要還是按照自己的節奏和喜好學習同成長。

作者: legolas625 時間: 23-10-30 01:32

9月重讀仲係適齡，考小一無學校會問，我仔係過來人。
只係當每年生日後的年尾，比人地大一歲，會被D口衰的同學笑，話佢小學之前repeat。

個人認為，repeat考小一會好D，但唔等於會考神校，而讀上去，都唔一定會成績好過人。

作者: legolas625 時間: 23-10-30 01:34

repeat就最好轉校，多D新刺激，我同仔講repeat是幫佢打好基礎，為升小做更好的準備。

作者: Goodluck2022 時間: 23-10-30 06:37

回覆 laog 的帖子

跟住先，中學公開試後再考慮也未遲。
人生太長了。

作者: laog 時間: 23-10-30 11:24

回覆 legolas625 的帖子

多謝您的耐心回復！睇左大家的留言，我都認爲比囡囡正常升小一，之後再考慮是否重讀小一比較好。

作者: Jean1769 時間: 23-10-30 15:31

laog 發表於 23-10-29 22:45
回覆 fmf903 的帖子

好多謝您的回復！看過大家的回復，感覺重讀需要好慎重。的確我女兒係比較安靜個種，學 ...

既然今年你都俾咁大壓力個女，就唔好重讀啦，下年重考一定更高期望壓力仲大。

作者: laog 時間: 23-10-30 18:39

回覆 Jean1769 的帖子

係啊，您講得好有道理。囡囡面試喊左之後，我就再無跟她説過面試。因爲咁細個小朋友，短時間都無可能突飛猛進，過度push只會適得其反。我反思這次面試唔理想，我都有好大責任。

作者: joan8599 時間: 23-10-30 20:25

我女兒是12月尾的，現在中學成績都還不錯，曾經小學時候我問過她要不要復讀一年，她非常抗拒。我覺得學校之間都不會差太多，主要看小朋友本人努不努力，最好問她的意願。

作者: laog 時間: 23-10-31 19:22

回覆 joan8599 的帖子

冇错，其实最重要都系睇小朋友自己，学习习惯，学习能力，同埋家长点样引导。我决定比囡囡读小一先。

作者: ashash123 時間: 23-11-3 01:45

本帖最後由 ashash123 於 23-11-3 01:46 編輯

回覆 laog 的帖子

當然佢大了會覺得自卑佢會覺得係咪自己唔夠叻所以要repeat
一定會有影響
同埋就算佢係全班最叻，人哋都會覺得repeat 生唔叻

作者: ashash123 時間: 23-11-3 01:49

回覆陳生陳太的帖子

我有朋友大一年半同齡小朋友再重考名小都失敗，不要浪費小朋友的光陰，特別重讀唔值得

作者: ASP2019 時間: 23-11-3 08:09 標題: 回覆樓主:

朋友仔是12月細b,小一津校，成績極差，學校由得佢升小二。
朋友接受唔到，同個仔轉校重讀小一，暫時ok。
是否重讀，需慎思。祝好。

作者: sandra1004 時間: 23-11-3 08:53

laog 發表於 23-10-28 18:29
囡囡係下半年出生既細B，升U3后好多病，感冒一場接一場。學校老師都話佢每個周上1天停4天。今年佢升小，我 ...

我女12月細b,我都曾經因為考唔到直資私校諗住重讀，但阿女話唔想同學升小一,佢再讀多次k3,最後都係升左津校小一，冇補習成績中上
至於身體方面，我女冇特別矮或者孱弱，我女每星期打籃球，打羽毛球，游水，做多d運動似乎有幫助

作者: lot888 時間: 23-11-3 18:09

我本人讚成樓主決定，先讓小朋友入讀小一，再跟成績(我指家長），識多咗其他小朋友會变得開朗及多说话.，後再插班。這個年代，只要你想，小朋友願意及配合，绝可畢業於理想小學，再進理想中學。我反而想講講樓主心目中只有直資，冇offer就考慮留班，這可能產生盲點。從客觀分析，只有3、4間直資中學成绩確特出，之後一大堆top band都係官津及小部份直資，而又有好多直資可能只是band1尾或以下。如能入讀一些地區官津名小亦是不錯，一樣能考入名直或名官津。最後樓主说不想給小朋友太大壓力，這點非常重要，如果每日返學都是壓力，继而討壓學習，或造成精神或情緒上創傷，就真是後悔莫及。

作者: tummypooh 時間: 23-11-3 19:56

Repeat 唔好讀返K3, 讀小學會有幫助, 萬一真係再考唔到直資，咁可以原校繼續小二或插其他小二，唔好浪費一年時間。

同K3, 教個啲嘢完全唔會幫到你去應付面試。同埋佢已經學過晒, 好悶的。

作者: laog 時間: 23-11-4 13:23

呢幾日家中兩位小朋友又病佐，日日一係凑佢地一係跑醫院。好多謝樓上各位的回復，比我好大信心。我都承認唔係直資就好過津校，只係我地既校網無好既津校，抽中好難。但係的確比小朋友一直讀上去好過復讀，特別係復讀K3。而家佢有兩個私校offer，跟住仲有其他學校仲未通知面試結果。如果冇其他選擇，都會比佢撿一間私校讀。

作者: Adiezz 時間: 23-11-4 13:27

laog 發表於 23-11-4 13:23
呢幾日家中兩位小朋友又病佐，日日一係凑佢地一係跑醫院。好多謝樓上各位的回復，比我好大信心。我都承認唔 ...

已經有私校offers back up，抽唔到好都可以讀住先，下年先再考慮報P1或插P2。
而且仍有機會直資call waiting。

作者: laog 時間: 23-11-7 13:40

回覆 Adiezz 的帖子

係呀，我地都係咁念。

作者: 乖寶寶布布 時間: 23-11-7 22:36 標題: 回覆樓主:

我囡都係超細b，舊年後期都有幾間call waiting，而家小一都讀得ok，不用灰心

作者: laog 時間: 23-11-7 23:06

回覆乖寶寶布布的帖子

👍🏻👍🏻多謝回復！希望小朋友們都讀得開心順利！

作者: tummypooh 時間: 23-11-8 08:52

本帖最後由 tummypooh 於 23-11-8 08:55 編輯

過來人分享
首先，重唔重讀好睇你小朋友對讀多年的容忍程度
第二，你要諗定點同佢解釋點解要讀兩年小一或K3
第三，唔使理其他人點講話咩點解要讀多年，條路係你同你小朋友的，入到間有龍或直屬學校的小學，6年後煩少好多嘢
第四，陪下小朋友睇書，出去行多啲睇多啲，同多啲唔同人玩同接觸，比你帶上咩班物班勝一百倍(假設你唔係要去神級或頂頭大熱個幾間)
第五，咩證書物證書，只係心理安慰，除非係含金量超高的

平時同小朋友講下英文、普通話或睇多啲英語、普通話電視

另外，Repeat 就寧願去P1, 原因︰

1. 唔使再學一年K3嘢
2. 兩個月的小一生活對你直私小一面試有一定幫助
3. 同上，數個月的小一生活對你直私二面或最後面試有幫助
4. 除左考多小一直私外，如小朋友已經擺脫細B差一年的差距，可以插心儀學校P2(不過比較少細B可以一年級稱王稱霸)
5. 萬一不幸都係直私全軍覆沒，咪原校升P2，繼續努力等插班

作者: Azzurro 時間: 23-11-8 10:43

repeat 肯定唔好
repeat 一年你小朋友將會承受你無窮的壓力

如果你一直一來的方法都合適的話，之後插班其他小學都不難

都係呢句，你要大概了解小朋友係公海裡面嘅位置。。。

作者: Azzurro 時間: 23-11-8 10:56

laog 發表於 23-10-28 18:29
囡囡係下半年出生既細B，升U3后好多病，感冒一場接一場。學校老師都話佢每個周上1天停4天。今年佢升小，我 ...

其實睇你幼稚園以往成績就大概知道

作者: Azzurro 時間: 23-11-8 10:56

本帖最後由 Azzurro 於 23-11-8 10:58 編輯

laog 發表於 23-10-28 18:29
囡囡係下半年出生既細B，升U3后好多病，感冒一場接一場。學校老師都話佢每個周上1天停4天。今年佢升小，我 ...

其實睇你幼稚園以往成績就大概知道

如果以往好多人成績很好，你預期可以高一點
如果以往大部分人成績一般，預期就挑低一點

全部人，包括你我，都是大數據裡面一員。。。

作者: laog 時間: 23-11-9 18:51

回覆 tummypooh 的帖子

多謝您咁詳盡既分析！我之前開玩笑問阿囡是否願意重讀K3，佢話願意，因爲唔想離開學校。但係我提醒佢佢既同學仔都會升小一，佢就唔肯重讀。所以重讀K3一定會比佢壓力，無如先升小一再睇個陣情況。

作者: derwon 時間: 23-11-14 09:27 標題: 回覆樓主:

請問如果細B 小朋友先讀住小一，明年再參加直資小一是否都可以?到時，多一年知識，也吸收了今年經驗。

作者: fmf903 時間: 23-11-14 09:28

有些學校不收重讀小一，要留意下

作者: laog 時間: 23-11-16 22:21

回覆 fmf903 的帖子

好多謝提醒！

歡迎光臨教育王國 (/)