教育王國

標題: 請教德望小學用家 [打印本頁]

作者: chubbymushroom 時間: 23-10-25 18:41 標題: 請教德望小學用家

想問德望小學小一程度，功課量，測考量如何？小朋友讀得開心嗎？謝謝(emoji)

作者: 雞寶媽媽 時間: 23-10-26 02:36

你今日有offer?

作者: chubbymushroom 時間: 23-10-26 08:18

雞寶媽媽發表於 23-10-26 02:36
你今日有offer?

是的，好感恩(emoji)

作者: ok3 時間: 23-10-26 10:40

chubbymushroom 發表於 23-10-26 08:18
是的，好感恩(emoji)

我見亞女當年都唔算辛苦, 有時我甚至覺得佢好hea下. Overall 整個小學生涯都好開心嘅. 學校收得你, 就唔使擔心咁多啦.

作者: chubbymushroom 時間: 23-10-26 12:38

ok3 發表於 23-10-26 10:40
我見亞女當年都唔算辛苦, 有時我甚至覺得佢好hea下. Overall 整個小學生涯都好開心嘅. 學校收得你, 就唔使 ...

謝謝你呀！請問學校有排名次嗎？對成績麻麻小朋友有否支援？我擔心小朋友如果成績唔好會被忽略。

作者: catf2 時間: 23-10-26 14:42

本帖最後由 catf2 於 23-10-27 14:47 編輯

chubbymushroom 發表於 23-10-26 12:38
謝謝你呀！請問學校有排名次嗎？對成績麻麻小朋友有否支援？我擔心小朋友如果成績唔好會被忽略。
...

以前小學成績表冇名次, 每科有 mean grade 比家長參考, 成績唔好會安排補底班同學嘆, 讀得好開心, 唔覺得學校好谷, 都是家長自己谷, 我女已中學, 如資料 outdate了請見諒及請其他家長指正

作者: ok3 時間: 23-10-26 17:21

chubbymushroom 發表於 23-10-26 12:38
謝謝你呀！請問學校有排名次嗎？對成績麻麻小朋友有否支援？我擔心小朋友如果成績唔好會被忽略。
...

正如上面家長所講，成績表冇名次的（家長日你可以問下班主任大約位置）.成績唔好有咩支援我就唔太清楚，因為慶幸唔需要。我成日覺得一間學校裡面，成績好同唔好都應該唔會被忽略，反而中間嗰啲會

作者: chubbymushroom 時間: 23-10-26 19:36

多謝解答

作者: chubbymushroom 時間: 23-10-28 08:51

唔好意思，想再問問德小是否有一定比例學生上德中？定係要出公海拼博？
因為網上資料並非一條龍，謝謝你(emoji)

作者: ok3 時間: 23-10-28 17:20

chubbymushroom 發表於 23-10-28 08:51
唔好意思，想再問問德小是否有一定比例學生上德中？定係要出公海拼博？
因為網上資料並非一條龍，謝謝你(em ...

早幾年仲係鬼婆校長俾人鬧到死嘅年代，最低係大約7成。近年轉左鬼佬校長後，收返嘅比例高左好多。我見亞女小學時考得好後嘅同學，最後都可以喺中學部見返面

作者: chubbymushroom 時間: 23-11-2 08:10

請問用家知唔知德望小朋友係咪好活，多唔多交流團？老師質素如何？
傳統學校我擔心係填鴨式．．

作者: catf2 時間: 23-11-2 08:56 標題: 回覆樓主：

本帖最後由 catf2 於 23-11-2 11:43 編輯

係有好多活動，攪好多參觀/參加好多校外活動架，交流團有，不過名額小要interview 揀過先去到

老師質素我覺得唔錯，填鴨式就唔係，高年班好多project做，有中英對辯，好多幾會比囡囡訓練膽量口材

作者: chubbymushroom 時間: 23-11-2 11:13

聽落唔錯

好期待

作者: AJH 時間: 23-11-2 12:01

剛升S.1嗰屆P.6 獲取錄GHS有95%, 冇選擇原校升中嘅主要係去咗國際學校同埋神校。最感恩係聖誕節假期前已收offer, 比起外面官津嘅同學少提心吊膽幾個月。

六年小學生涯，我覺得個女輕鬆開心，功課貴精不貴多。我囡最愛喺學校食飯同埋tuck shop多好嘢食喎。

學校亦都有好多機會俾女孩發揮潛能，school teams ECA 有動有靜總有一樣啱玩。

同學仲有家長之間都好有愛，咁多年來都互勵互勉。即使升咗中，一有時間都仲會落小學部探吓老師同師妹。

作者: 已刪除用戶 時間: 23-11-2 12:23

請問GH中學有行IB嗎？小朋友英文程度如何？

作者: catf2 時間: 23-11-2 14:24

本帖最後由 catf2 於 23-11-2 14:43 編輯

JILL411 發表於 23-11-2 12:23
請問GH中學有行IB嗎？小朋友英文程度如何？

冇行IB , 英文程度非常好, 學校網頁顯示 2023年DSE 70%+同學取 5/5+

作者: 已刪除用戶 時間: 23-11-2 15:19

回覆 catf2 的帖子

Thank you for your reply!

作者: rayseed 時間: 23-11-3 17:40

catf2 發表於 23-11-2 14:24
冇行IB , 英文程度非常好, 學校網頁顯示 2023年DSE 70%+同學取 5/5+

請問知唔知waiting大概幾多個位？

作者: chubbymushroom 時間: 23-11-3 18:43

請問德望小朋友放學要外補嗎？

作者: chubbymushroom 時間: 23-11-22 22:13

請問讀good hope 小朋友有冇補習？

作者: Goodluck2022 時間: 23-11-23 14:14

回覆 chubbymushroom 的帖子

當然要外補了。
除非功課自己跟，否則花1 萬至萬5 外補是必須的。

不過，個個家長也會說沒外補。

沒外補，如何英文dse 5 或以上 70%。

作者: catf2 時間: 23-11-23 15:51 標題: 回覆樓主:

小學唔係咁補吖嘛,高中就見差不多個個都補喇，校內校外競爭太大，唔補習失去了一點競爭力

作者: ok3 時間: 23-11-23 17:27

Goodluck2022 發表於 23-11-23 14:14
回覆 chubbymushroom 的帖子

當然要外補了。

小學就諗dse會唔會早左啲

唔好話gh, 今時今日我諗一般小學生外補已經係常態。當然，我相信每間學校都有人唔外補嘅，比例問題。

作者: elsa007 時間: 23-11-23 18:36

回覆 Goodluck2022 的帖子

其實你有外補唔代表人哋都要外補的

作者: Goodluck2022 時間: 23-11-23 21:37

回覆 ok3 的帖子

英文要慢慢浸，唔小學補點上中？
如果咩都中學發力，沒人入名校。

作者: ok3 時間: 23-11-23 23:29

Goodluck2022 發表於 23-11-23 21:37
回覆 ok3 的帖子

英文要慢慢浸，唔小學補點上中？

今時今日要學好英文有好多途徑，外補只係其中之一。有中學backup嘅小學，真係會有人hea住上㗎。

作者: celinechan117 時間: 23-11-23 23:32

chubbymushroom 發表於 23-10-25 18:41
想問德望小學小一程度，功課量，測考量如何？小朋友讀得開心嗎？謝謝(emoji)
...

本帖最後由 celinechan117 於 23-11-23 23:33 編輯

開心但辛苦
英文本身要好好
如果小朋友捱得苦學校係能激發佢哋學習

作者: mimwing 時間: 23-11-24 04:51

chubbymushroom 發表於 23-11-2 08:10
請問用家知唔知德望小朋友係咪好活，多唔多交流團？老師質素如何？
傳統學校我擔心係填鴨式．．
...

今時今日仲邊算填鴨式，現在要你理解同記得識得寫出黎，
係仲辛苦過填鴨

現在唔多功課，但多小測，啲題目全部考你理解力及記憶力

作者: catf2 時間: 23-11-24 09:10 標題: 回覆樓主:

德望高小啲試題真係出得尖出得刁鑽㗎，之前仲每星期數學都speedy test, 有個比分全班鬥快，我女都長期包尾 35/40嗰啲，不過錯得小又冇咩所謂，可拉返啲分數

作者: celinechan117 時間: 23-11-24 14:08 標題: 回覆樓主:

我覺得津校可能仲係填鴨式,但係呢啲私校唔係,雖然都係傳統但係就唔係真係咁填

作者: Goodluck2022 時間: 23-11-26 14:03

唔補，唔谷，長期包尾。

有媽媽跟女兒成績長期太差，兩個都去看精神科，唔知幾時被勸退。

大家入得去預了谷到爆燈。

作者: chubbymushroom 時間: 23-11-26 16:30

Goodluck2022 發表於 23-11-26 14:03
唔補，唔谷，長期包尾。

有媽媽跟女兒成績長期太差，兩個都去看精神科，唔知幾時被勸退。

想請教是學校勸退嗎？

作者: angelfish228 時間: 23-11-26 18:49

Goodluck2022 發表於 23-11-26 14:03
唔補，唔谷，長期包尾。

有媽媽跟女兒成績長期太差，兩個都去看精神科，唔知幾時被勸退。

冇聽過勸退只有留級！你真是用家？我女冇補習，小二起放手佢自己温，並有校隊生活忙碌開心但能 handle！成績約級10名，已很滿足！

作者: chubbymushroom 時間: 23-11-26 20:10

angelfish228 發表於 23-11-26 18:49
冇聽過勸退只有留級！你真是用家？我女冇補習，小二起放手佢自己温，並有校隊生活忙碌開心但能 handle！成 ...

本帖最後由 chubbymushroom 於 23-11-26 20:11 編輯

謝謝你，咁安心好多，我哋下年打算升GH小一。

作者: elsa007 時間: 23-11-26 20:25

回覆 catf2 的帖子

唔同初小的SC？頭10個交又全啱，有印仔，但唔計平時分

作者: elsa007 時間: 23-11-26 20:30

本帖最後由 elsa007 於 23-11-26 21:57 編輯

回覆 Goodluck2022 的帖子

如果要睇精神科，咁都俾小小建議當係一間學校讀到要睇精神科，唔使學校勸退，你都要再選擇自己合適的學校吧

作者: angelfish228 時間: 23-11-26 20:46

本帖最後由 angelfish228 於 23-11-26 20:56 編輯

chubbymushroom 發表於 23-10-25 18:41
想問德望小學小一程度，功課量，測考量如何？小朋友讀得開心嗎？謝謝(emoji)
...

我去年在其他post分享過，再給你參考。

GHPS
1 功課量每日6-7樣連改正，抄寫好少，詞語每個寫三次
2 默書每月中英各1-2次但現在三年級也沒見有中文背默，英默少量unseen，考試每年二次範圍多卷也深，其餘時間有評估
3 學校多活動/校隊，重視課外活動
4 鼓勵外出比賽，為校爭光
5 鼓勵學樂器但小學非強制性，小女沒學
6 由於校隊活動訓練也多，地點不方便，自己接送需考慮交通/人手安排，我會建議入校隊和課外活動需衡量自己能力，以功課學業為重，如因太多活動不能兼顧學習，那便本沒倒置了
7 學術打底很好，有各種校本工作紙温習，清晰明了
8 自家廚房，每天飯餸新鮮制作也美味，小食部也是抵食，是小女孩們最愛的地方
9 宗教氣氛濃，重視德育
10 7:30上課，如住得遠早起可能好辛苦
11 學校校園大又美，硬件佳，洗手間乾淨，唯小息不准隨意跑來跑去

小朋友如成績與課外活動也應付自如的，其實十分開心，最好能儘快培養小孩良好中英基礎，有自律自學及有學習推動力方為上策，我認為所有學校也是有人不補有人十全大補，有人多活動各種體藝，家長有自己選擇，不要人云亦云受人影響，GH有太多叻女也不要把目標定得太高，自己要根據小孩的需要/能力去走，一定時刻注意小孩的身心理平衡發展，這樣家庭生活才更美滿。

作者: celinechan117 時間: 23-11-26 20:59 標題: 回覆樓主:

付出是一定要的，這間小學適合一些專心自律性高的孩子,通常遇到有問題的,是一些專注力比較差和上堂不留心的例子,或者小朋友不適合這種學習模式

作者: catf2 時間: 23-11-26 21:54

angelfish228 發表於 23-11-26 20:46
我去年在其他post分享過，再給你參考。

GHPS

很詳盡，你真是一個很有心的媽媽，我女已經讀到高中，其實好多事我都冇上心，細個時也沒特別催谷由佢自自然然咁讀，現在佢自己好緊張學業，我也不用管太多，問心說在德小讀，底子打得好係真，不過中學真心要好勤力成績才能保持到的

作者: motiondesign 時間: 23-11-29 11:15

我都係有offer! 真係好感恩。
想請教咁多位前輩，我新聞見到中學部已經申請到IAL，請問係唔係真?定係申請緊？Many thanks

作者: motiondesign 時間: 23-11-29 11:26

angelfish228 發表於 23-11-26 20:46
我去年在其他post分享過，再給你參考。

GHPS

唔好意思，想多問一下:
1) 學校鼓勵家長參與學校活動嗎？需要家長協助學校的活動嗎？如果working mom, 唔係成日幫到學校，學校會介意嗎?

2) 有教淺考染嗎？有分精英班嗎？

3) 有呈分試嗎？

4) 升上德中駛唔駛interview? 定係校內成績就可以決定?

謝謝

作者: ok3 時間: 23-11-29 13:20

motiondesign 發表於 23-11-29 11:26
唔好意思，想多問一下:
1) 學校鼓勵家長參與學校活動嗎？需要家長協助學校的活動嗎？如果working mom, 唔係 ...

我試下答你，睇下其他人有冇補充。1. 絕對冇問題。除左初小參加過1次學校旅行同運動會做過1次家長義工外，我乜都冇做過。
2. 小學冇分精英班的。我自己覺得除左英文真係教同考得比較深外，基本上都係教乜考乜。
3. 有
4. 要. 不過我覺得只要正正常常，成績唔係真係太差，升中應該問題不大。面試都只係一個程序嚟。

作者: motiondesign 時間: 23-11-30 16:19

回覆 ok3 的帖子

多謝你嘅答覆

作者: yianleen 時間: 23-12-1 10:39

本帖最後由 yianleen 於 23-12-1 11:04 編輯

1) 學校鼓勵家長參與學校活動嗎？需要家長協助學校的活動嗎？如果working mom, 唔係成日幫到學校，學校會介意嗎?
家長可以參加做義工, 有時校隊比賽都有好多熱心媽媽幫手, 照顧成個女團

但我自己就無幫過手, 家長一啲壓力都無

2) 有教淺考深嗎？有分精英班嗎？
學校教得好有系統, 小朋友中英數常會學得識, 但考試卷要拎高分就唔容易。無精英班

3) 有呈分試嗎？
有

4) 升上德中駛唔駛interview? 定係校內成績就可以決定?
要interview, 老師有教小朋友準備, 大家班上輪流用英文impromptu

但感覺上應該正正常常都收得返晒, 上年都係咁

作者: motiondesign 時間: 23-12-4 09:07

回覆 yianleen 的帖子

太好喇，聽大家咁講，好似真係收返多D親生女....因為老實講，如果收唔返的話，黃大仙區派位真係冇咩好揀...

作者: catf2 時間: 23-12-4 10:53

motiondesign 發表於 23-12-4 09:07
回覆 yianleen 的帖子

太好喇，聽大家咁講，好似真係收返多D親生女....因為老實講，如果收唔返的話，黃大 ...

其實由5年前起都收返逾80% , 不過有D 就真係第一ROUND唔收D 家長係擔心同唔開心, 有同學S1 本來唔收, 但S1 下學期又叩門插返入來讀, 有D中二又考插班入返GHS讀, 不過比著我是家長就不會回頭(我女都咁話), 去第二間未必唔好, 要相信明天會更好

作者: motiondesign 時間: 23-12-4 11:02

回覆 catf2 的帖子

原來係咁...唉...聽你咁講，其實都有唔少學生好中意學校。好多謝你

作者: catf2 時間: 23-12-4 11:19

motiondesign 發表於 23-12-4 11:02
回覆 catf2 的帖子

原來係咁...唉...聽你咁講，其實都有唔少學生好中意學校。好多謝你 ...

佢地真係好鍾意GHS, .WTS 區未必派得好, 但TAK OI 都鍾意收GHS 囡囡, 有D 冇入返GHS 的見有D去左聖母, 聖羅撒, 播道讀, 唔想插返入GHS 都唔會去得差的地步, 我仲見過有兩個派左入保一添

作者: chunana 時間: 23-12-14 21:47

請問德幼幾多成升德小? 要點先可穩陣升小 ?
感謝

作者: catf2 時間: 23-12-19 16:20

chunana 發表於 23-12-14 21:47
請問德幼幾多成升德小? 要點先可穩陣升小 ?
感謝

近年都收8-9成, 你配合老師又冇大問題應該都好穩陣, 但當然都要好好裝備小朋友能力就更有競爭力

作者: laisan225 時間: 24-1-2 09:07

囡囡今年讀小一，英文教材制作很用心，循序漸進，
中文教材亦很豐富，很有系統，
數學著重LOGIC，學術上教材十分好!

作者: zornia 時間: 24-1-2 11:37

中文校本課程，比一般深少少
英文教高一年級英文（我覺得有d高兩年級都有）
數學無教快，係間中問得刁鑽，tricky 題目
GS都係唔同坊間書，習作/練習都難搵岩

作者: edpk1983 時間: 24-1-14 00:11

想請教下德望小學現家長，小朋友通常夜晚幾點訓？每日返七點半，放學後作息通常係點樣？感謝。

作者: chubbymushroom 時間: 24-1-15 08:34

同問。另外平日放學回家要花幾耐先可完成功課？一般自己可完成嗎？謝謝你

作者: zornia 時間: 24-1-15 09:06

初小睇佢會唔會有校隊，一星期一日，返到屋企5點，功課自己一個鐘頭都差唔多
我囡放學都仲有訓下晏覺，11點先訓，有d同學就無，9:30就上床瞓

高小校隊一星期兩日，功課都會難返d..一般都係個幾鐘（好睇佢自唔自律，一氣呵成咁做晒）
複雜d會比幾日時間做

學校就叫放手唔好同佢對功課
一般睇佢有冇做漏就算
同埋小息要佢地休息唔比溫書做功課

作者: elsa007 時間: 24-1-15 09:57

回覆 zornia 的帖子

我哋三日校隊，一般係9:00-9:30瞓覺，上年係8:30前就要瞓。我哋住得比較遠

作者: chubbymushroom 時間: 24-1-15 10:37

有冇在職媽媽分享放工之後會唔會跟功課溫習之類．．我囡未係好自律嗰種，仲有D依賴我地一齊跟功課

作者: zornia 時間: 24-1-15 16:27

chubbymushroom 發表於 24-1-15 10:37
有冇在職媽媽分享放工之後會唔會跟功課溫習之類．．我囡未係好自律嗰種，仲有D依賴我地一齊跟功課
...

要訓練自律，習慣佢每日影手冊比你睇，完成幾多通知你etc 唔識返嚟問

作者: edpk1983 時間: 24-1-15 22:04

多謝大家解答:donutloveeye:
另外，又想請教一下，每年升班，係咪全班直升，定係會將同學打散再分班？

作者: catf2 時間: 24-1-16 12:23 標題: 回覆樓主:

幼稚園,小學,中學都係每年等編班。直至中4選科後就定左讀到中6

作者: chubbymushroom 時間: 24-1-16 13:04

咁編班後有精英班嗎？定真係打散(emoji)

作者: ok3 時間: 24-1-16 13:13

chubbymushroom 發表於 24-1-16 13:04
咁編班後有精英班嗎？定真係打散(emoji)

德小冇分, 係打散的

作者: catf2 時間: 24-1-16 14:21

chubbymushroom 發表於 24-1-16 13:04
咁編班後有精英班嗎？定真係打散(emoji)

小學真係打散 , 中學 => S1-S3, 1A 英文, 1B 數, 1C中文, S4-S6 精英班 D班讀 (M2), F班讀(M1)

作者: angelfish228 時間: 24-1-17 20:34

edpk1983 發表於 24-1-14 00:11
想請教下德望小學現家長，小朋友通常夜晚幾點訓？每日返七點半，放學後作息通常係點樣？感謝。 ...

我女9點上床聽故事或傾吓計，9點半前瞓着，6點40起身，7點出門。我地算時間管理大師。
放學有校隊兩日+1日學校徵用去比賽要練習所以3日好趕，4點幾返到屋企，功課佢食lunch做大半。返黎食茶點做埋功課5點出去玩(我重視每日運動跑跳)，6點返家冲涼睇書，7點食飯，7點半自由活動(睇書30min+/youtube 15min max，有時整吓手工，8點半玩吓家庭board game，有默書就唔board game温陣。

佢好愉快輕鬆，星期六少量課外活動返校打波。星期日只relax/閱讀/玩，我地唔會做學校野。

作者: celinechan117 時間: 24-1-17 22:10

angelfish228 發表於 24-1-17 20:34
我女9點上床聽故事或傾吓計，9點半前瞓着，6點40起身，7點出門。我地算時間管理大師。
放學有校隊兩日+1日 ...

幾多年級？

作者: motiondesign 時間: 24-3-26 15:14

回覆 angelfish228 的帖子

好有參考價值，謝謝。鍾意你夠幽默

......時間管理大師

歡迎光臨教育王國 (/)