教育王國
標題: 八大是否應降低宿舍豪華舒適度，讓更多的本地生有宿舍住 [打印本頁]
作者: Arabellahk 時間: 23-9-10 13:08 標題: 八大是否應降低宿舍豪華舒適度，讓更多的本地生有宿舍住
本帖最後由 Arabellahk 於 23-9-10 16:08 編輯
香港的政府資助大學是否應降低宿舍豪華舒適度，增加每间宿舍（人少的）住宿人数，讓更多的香港本地學生有宿舍住？
作者: poonseelai 時間: 23-9-11 09:31
Arabellahk 發表於 23-9-10 13:08 
香港的政府資助大學是否應降低宿舍豪華舒適度，增加每间宿舍（人少的）住宿人数，讓更多的香港本地學生有宿 ...
好多人想住無得住？ 我識人有都唔住喎
作者: ANChan59 時間: 23-9-11 09:46
Arabellahk 發表於 23-9-10 13:08
香港的政府資助大學是否應降低宿舍豪華舒適度，增加每间宿舍（人少的）住宿人数，讓更多的香港本地學生有宿 ...
你參觀過宿舍有豪華嘅感覺？
我見到啲係幾基本，幾窄，雙人房兩張床，兩張書枱，公眾廁所及pantry。
比起我幾十年前在外國學士宿舍還要差。HBS的宿舍就真係豪華版。
作者: Yanamami 時間: 23-9-11 10:03
ANChan59 發表於 23-9-11 09:46
你參觀過宿舍有豪華嘅感覺？
我見到啲係幾基本，幾窄，雙人房兩張床，兩張書枱，公眾廁所及pantry。
作者: Arabellahk 時間: 23-9-11 10:18
ANChan59 發表於 23-9-11 09:46
你參觀過宿舍有豪華嘅感覺？
我見到啲係幾基本，幾窄，雙人房兩張床，兩張書枱，公眾廁所及pantry。
作者: ANChan59 時間: 23-9-11 10:33
Arabellahk 發表於 23-9-11 10:18
所講的豪華不是真正的豪華，只是相對於過去那些4人間、6人間、甚至8人間。為什麼大學不能先保證數量，再改 ...
香港根本就唔夠地方，同時所有學生不是都想住宿舍，以前就係6人房，係學生反影冇乜私人空間，太多人。
作者: ANChan59 時間: 23-9-11 10:36
Yanamami 發表於 23-9-11 10:03
可能佢想變兩張碌架床，咁可以瞓多一倍人。
點放四張書枱？
應該有防火條例的規定，冇得豁免。
作者: ANChan59 時間: 23-9-11 10:43
香港學生挑宿舍不全是宿位的問題，特別是歷史悠久的兩大舍堂及書院，他們要網絡，獎學金，實習位。
就算宿位夠，部份供不應求，部份無人問津。等同紅隧跟其他兩條隧道的情況。
作者: Arabellahk 時間: 23-9-11 10:44
ANChan59 發表於 23-9-11 10:33
香港根本就唔夠地方，同時所有學生不是都想住宿舍，以前就係6人房，係學生反影冇乜私人空間，太多人。
...
作者: 20120808 時間: 23-9-11 11:58
贊成減少什至取消2人房。细分其實有許多原因想住宿舍，或者家里太迫，或者同屋企関系唔好，又或者想獨立下，又或者想同同輩住吓，但又可能住得唔夠遠唔夠分。
作者: Radiomama 時間: 23-9-11 14:11
我住宿舍已是30年前，基本設施同今日嘅差唔多，現在多咗冷氣而矣。
提出6人大房的網友，住過大學宿舍未？我當年住過較少的三人房，一張單人床，另外一張碌架床；不過仍然要有三個衣櫃、三張書枱，而房內的空間也會按比例較雙人房大。
至於pantry 、洗手間、浴室、洗衣房、晾衫位置、宿舍大廳等當然共用，如果每間房都由雙人變三人，其實一濶三大。
宿舍也要平衡讀書與生活的需要，好難想像6人房的作息時間如何互相遷就和尊重；6個人唔係話宿營玩一陣就走，凈係你要上早堂早起梳洗換衫食嘢已經可能累埋另外5個陪你早起啦。
大學生活唔係話一定要有宿舍才可以享受，大學生也不是你想像咁唔在乎私人空間；要認真諗點解幾十年來會咁樣規劃，千祈唔好想當然。
作者: ANChan59 時間: 23-9-11 16:08
Radiomama 發表於 23-9-11 14:11
我住宿舍已是30年前，基本設施同今日嘅差唔多，現在多咗冷氣而矣。
提出6人大房的網友，住過大學宿舍未？我 ...
我相信楼主未住过，想当然而已！
楼主很多时的题目及意见跟现实脱节，跟政府官员及部分建制派议员差不多，坚尼地。
作者: Arabellahk 時間: 23-9-11 16:12
本帖最後由 Arabellahk 於 23-9-12 13:46 編輯
Radiomama 發表於 23-9-11 14:11
我住宿舍已是30年前，基本設施同今日嘅差唔多，現在多咗冷氣而矣。
提出6人大房的網友，住過大學宿舍未？我 ...
難道只有住過大學宿舍的人才有資格提出宿舍問題？香港的大學生差不多一半都是走讀沒住過大學宿舍，難道他們畢業後關於宿舍問題也沒有發言權？沒住過大學宿舍的人，也可以通過其他渠道了解，比如通過朋友、子女、網絡等，只不過看問題的角度不同。你說規劃幾十年未變，未必代表一定正確，這個社會不是靜止的。我幷沒說大學生全都不在乎私人空間，可以試點，若大學提供6人間，看看有沒有人申請。在乎私人空間的學生可以繼續等待1人間。
作者: Yanamami 時間: 23-9-11 17:18
6人房，香港學生係唔會有人申請的。其實無單人房，雙人都叫“免為其難”，四人房？謝了。香港學生相當“矜貴”的。
作者: ok_ko 時間: 23-9-11 17:29
本帖最後由 ok_ko 於 23-9-11 17:33 編輯
Arabellahk 發表於 23-9-10 13:08
香港的政府資助大學是否應降低宿舍豪華舒適度，增加每间宿舍（人少的）住宿人数，讓更多的香港本地學生有宿 ...
香港的大學宿舍真的很難用豪華去形容。宿舍内的設備應該比一般的公屋差（一點點）。所佔的人均面積亦不比公屋多。普通的兩人間實用面積約100平方尺。裏面有兩張2.5尺床。兩張書桌，兩個衣櫃。除了冷氣機（要入錢才能用的），沒有其他設備了。
我細路有同學住得遠，又申請唔到宿舍。最後要屈蛇。起初比佢屈蛇嘅同學後來（現在才剛開學！）後悔了。但係又唔好意思講咩。依家D細路唔同以前，唔挨得！高估了自己的容忍度。另一方面，屈蛇的一位同學明明知道要宿位。開始爭宿位時又嗲嗲吊吊，遠少少都唔肯申請。其實大學宿位是否唔夠，睇你邊個角度睇啦。我見到拿到宿位而唔返宿舍亦不少（真係唔少！）。
其實，以前就話交通唔好。現在就算住屯門，去HKU或者中大都不多於1小時。比以前好很多了。班細路又比以前吃不了苦。要考慮的可能不是增加宿位，而是分配宿位的要求。現在的情況是假如你住得遠，但成績一般，又唔肯上莊，隨時個宿位就輸比住得近但成績好的一位。
作者: Radiomama 時間: 23-9-11 21:18
Arabellahk 發表於 23-9-11 10:18
所講的豪華不是真正的豪華，只是相對於過去那些4人間、6人間、甚至8人間。為什麼大學不能先保證數量，再改 ...
「相對於過去那些4人間、6人間，甚至8人間」是指什麼年份呢？是大學宿舍？
反而大房型的宿舍在中學/小學宿舍；又或者青年旅舍、渡假屋、營地等就見過。
前者的學生是必須在同一時間起床、梳洗、到飯堂吃早餐，然後上課；就連晚上10點熄燈也是有規律的。而後者就是for 短期活動，也是按特別作息時間表而集體行動。
時代在變，今日的大學生需要什麼？當然可以問下佢哋，我都只是講吓我嘅經驗啫。
其實冇宿舍住嘅大學生仲鍾意夾份租單位住；好似中大附近有條村，就租咗比唔少學生嘞。
作者: 964000 時間: 23-9-11 23:11
Arabellahk 發表於 23-9-10 13:08
香港的政府資助大學是否應降低宿舍豪華舒適度，增加每间宿舍（人少的）住宿人数，讓更多的香港本地學生有宿 ...
香港唔興呢家野，大學生唔係中小學生，唔鍾意住集中營，呢啲叫「私隱」，不是「豪華舒適」。
作者: beastiebistro 時間: 23-9-11 23:32
ANChan59 發表於 23-9-11 16:08
我相信楼主未住过，想当然而已！
楼主很多时的题目及意见跟现实脱节，跟政府官员及部分建制派议员差不多 ...
作者: rich8 時間: 23-9-12 00:24
964000 發表於 23-9-11 23:11
香港唔興呢家野，大學生唔係中小學生，唔鍾意住集中營，呢啲叫「私隱」，不是「豪華舒適」。
...
真係太誇張，小學生就話啫！
2⃣️人一間勉強接受吧
作者: Arabellahk 時間: 23-9-12 00:31
ANChan59 發表於 23-9-11 16:08
我相信楼主未住过，想当然而已！
楼主很多时的题目及意见跟现实脱节，跟政府官员及部分建制派议员差不多 ...
8月底9月初，正是香港大學生申請宿位的高峰期。大學宿舍短缺不正是現實生活中實實在在的問題，如何與現實脫節？
作者: ANChan59 時間: 23-9-12 05:22
Arabellahk 發表於 23-9-12 00:31
讓你失望了，我住過宿舍。8月底9月初，正是香港大學生申請宿位的高峰期。大學宿舍短缺不正是現實生 ...
你在香港住過大學宿舍？抑或國內？
住過香港宿舍都唔了解現在學生的想法？
搶宿位不一定全是香港學生，更多是國內學生，香港學生最差係返屋企住，國內學生要租貴屋。
作者: ANChan59 時間: 23-9-12 05:53
Arabellahk 發表於 23-9-12 00:31
讓你失望了，我住過宿舍。8月底9月初，正是香港大學生申請宿位的高峰期。大學宿舍短缺不正是現實生 ...
你今次的回覆，第一段非常好
作者: Arabellahk 時間: 23-9-12 08:53
ANChan59 發表於 23-9-12 05:53
你今次的回覆，第一段非常好
作者: ANChan59 時間: 23-9-12 09:06
Arabellahk 發表於 23-9-12 08:53
謝謝！能得到大老的稱讚非常榮幸。
大家意見不同，都可以互相欣賞對方！
你反抽得好！
作者: Yanamami 時間: 23-9-12 10:27
本帖最後由 Yanamami 於 23-9-12 10:30 編輯
ok_ko 發表於 23-9-11 17:29
香港的大學宿舍真的很難用豪華去形容。宿舍内的設備應該比一般的公屋差（一點點）。所佔的人均面積亦不比 ...
拿到宿位但唔番宿舍，好明顯係高估自己見“簡陋”宿房實在“住唔落去”。在家千日好嘛，又有工人洗。真係，香港而家交通方便，從新界番SPCC都大有人在，大學生咁大個人仲點會怕遠？“實際需要”真係無乜，貪得意想離開屋企人視線，“獨立”一下就有。
作者: ok_ko 時間: 23-9-12 11:26
Yanamami 發表於 23-9-12 10:27
拿到宿位但唔番宿舍，好明顯係高估自己見“簡陋”宿房實在“住唔落去”。在家千日好嘛，又有工人洗 ...
你女舊校的同學可能見過中學新宿舍嘅情況，以爲大學都係咁，最坏情況最多都係周末拖喼把所有舊衣服拖走，星期一又一條好漢！
點知就好似你所講。發現原來宿舍條件對他們來説只能做貨倉。
作者: ok_ko 時間: 23-9-12 11:54
Yanamami 發表於 23-9-12 10:27
拿到宿位但唔番宿舍，好明顯係高估自己見“簡陋”宿房實在“住唔落去”。在家千日好嘛，又有工人洗 ...
大學宿舍係有佢嘅價值。有一部分人真係住得遠少少，又有一部分人真係住得逼少少。但我相信現在的宿位只用來照顧這班人一定夠。
不過大學宿位亦要滿足其他用處，如加强群體互動技能，獨立自主能力，方便學系（書院）内活動，團結書院 及招攬優異生等等。然後，有部分拿到宿位的同學又甚少入住。這才讓人感覺宿位不夠。怎樣平衡需要，這裏確實有討論空間。
假如只是爲了讓多些人住，如你所言，讀名中學的，大把學生每天從新界去QC，SPCC。挨足12年，咪一樣無宿位。
作者: ANChan59 時間: 23-9-12 15:43
ok_ko 發表於 23-9-12 11:26
你女舊校的同學可能見過中學新宿舍嘅情況，以爲大學都係咁，最坏情況最多都係周末拖喼把所有舊衣服拖走，星 ...
有些同学觉得天地堂嘅时候，宿舍就可以休息一下。
作者: ok_ko 時間: 23-9-12 17:59
ANChan59 發表於 23-9-12 15:43
有些同学觉得天地堂嘅时候，宿舍就可以休息一下。
作者: ANChan59 時間: 23-9-13 07:55
ok_ko 發表於 23-9-12 11:54
大學宿舍係有佢嘅價值。有一部分人真係住得遠少少，又有一部分人真係住得逼少少。但我相信現在的宿位只用來 ...
我同意你的分析，宿位已經不是單純住宿嘅功能，係再深入到你所描述其他群體互動及獎學金，文化交流。這些跟住宿關係不大，但重要性很高，影響將來找工作及人胍網絡。
以中大為例，很多人爭入傳統三大書院，因為歷史悠久，畢業生人數眾多，獎學金也較多，又近火車站，自然認為不夠。如果肯上山，遠離火車站，新的小型書院，住宿機會又高好多。
兒子的書院係四年全宿，競爭不大，咁筍，點解冇乜人選，因為太新，冇乜師兄師姐，獎學金規模細，較多海外宿生，阿仔喜歡這樣交流，但不少香港學生不喜歡。
我還記得他要寫一篇文章申請入住，題目是如何向海外學生推介香港。面試時環繞着這個主題討論，也問到他在海外住宿嘅體驗。4年宿位，不用上莊，不用做大龍鳳，所以他選擇這類偏遠的書院宿舍。
作者: Arabellahk 時間: 23-9-13 09:42
ANChan59 發表於 23-9-13 07:55
我同意你的分析，宿位已經不是單純住宿嘅功能，係再深入到你所描述其他群體互動及獎學金，文化交流。這些 ...
作者: ANChan59 時間: 23-9-13 10:01
Arabellahk 發表於 23-9-13 09:42
中大只有三間全宿書院，善衡、晨興位置較佳，你兒子應該在敬文。據聞敬文主要招海外留學生，每年招 ...
他当时未开敬文，两间全宿书院较多海外学生，本地学生少，又未到10名左右，以前个别全宿院长是诺贝尔经济学奖得主，不会长期在香港，係舍監面试。
不是很远，不是居住面积，只係希望可以跟多些海外学生交流，好奇心大於优秀。他有一个特点，在澳洲有home stay过，美国英国大学暑期班住过宿舍，几适合書院嘅要求。
作者: Yanamami 時間: 23-9-13 22:41
ANChan59 發表於 23-9-13 07:55
我同意你的分析，宿位已經不是單純住宿嘅功能，係再深入到你所描述其他群體互動及獎學金，文化交流。這些 ...
作者: ANChan59 時間: 23-9-14 09:59
回覆 Yanamami 的帖子
冇咁複雜！是但一條作文題目。
緊係帶佢哋去睇天橋底露宿者，劏房⋯⋯⋯⋯ 你哋有宿舍住已經好幸福，唔好嫌東嫌西。
作者: Arabellahk 時間: 23-9-15 01:53
本帖最後由 Arabellahk 於 23-9-15 09:02 編輯
ok_ko 發表於 23-9-11 17:29
香港的大學宿舍真的很難用豪華去形容。宿舍内的設備應該比一般的公屋差（一點點）。所佔的人均面積亦不比 ...
關於豪華一詞在前面已解釋過，在這裡就不再重複了，另因受標題字數限制，無位置在豪華2字加符號，造成有些人不理解不習慣這種說法。用宿舍的設備與公屋的設備比較好似不太對等，兩者的功能明顯不同，公屋的設備最少要滿足住戶基本的日常生活，而學生宿舍主要滿足學生睡覺休息，即相當於住宅的臥室。現在香港有些大學的書院或舍堂可以提供遠大於100平方呎的2人間宿舍，如城大有13平米(約140平方呎)的2人間宿舍，中大、港大有15平米(約161.5平方呎)的2人間宿舍。作為臥室15平米在香港應該不算小，如不計衛生間，香港十大屋苑的主臥超過15平米的應該很少。即使在港島半山那些1、2千萬的住宅主臥大多數應該未超過15平米，不知這些1、2千萬的住宅算不算豪宅？
作者: yuyueng 時間: 23-9-15 08:48
Arabellahk 發表於 23-9-11 10:18
所講的豪華不是真正的豪華，只是相對於過去那些4人間、6人間、甚至8人間。為什麼大學不能先保證數量，再改 ...
雖然我仔唔系起香港讀大學，不過你話4人房6人房甚至8人房，會唔會太苛刻啦？除非小學生或者初中生都仲OK，但認為高中打後，極限系雙人房，我仔大學起倫敦最貴地段既宿舍，都無3人或以上既房間，雙人房都系次選，起生活上同私人空間上，大學宿舍真系唔應該4人或以上。
作者: Arabellahk 時間: 23-9-15 09:23
yuyueng 發表於 23-9-15 08:48
雖然我仔唔系起香港讀大學，不過你話4人房6人房甚至8人房，會唔會太苛刻啦？除非小學生或者初中生都仲OK， ...
作者: yuyueng 時間: 23-9-15 09:56
Arabellahk 發表於 23-9-15 09:23
現在亞洲排第一的清華大學既提供1人間也提供8人間，8人間仍然有人申請，沒聽說學生因住8人間而受到影響。選 ...
可能對你來說2人房同8人房10人房無咩分別，我只系講下自己想法，原來系錯既，Sorry，你地繼續，今日撞鬼無拿拿行左入黎。
作者: dingyan 時間: 23-9-15 10:22
廿幾年前我住宿時是2人一間，每人僅僅一書檯一床一衣櫃，其他都要行出走廊同人共用。暑假小朋友活動在另一間大學，發現今時今日，其宿舍與當年記憶中大學宿舍的風格頗一致，簡樸。
作者: 天外之人 時間: 23-9-15 10:26
Arabellahk 發表於 23-9-15 09:23
現在亞洲排第一的清華大學既提供1人間也提供8人間，8人間仍然有人申請，沒聽說學生因住8人間而受到影響。選 ...
作者: ok_ko 時間: 23-9-15 10:36
Arabellahk 發表於 23-9-15 01:53
關於豪華一詞在前面已解釋過，在這裡就不再重複了，另因受標題字數限制，無位置在豪華2字加符號，造成有些 ...
其實你的問題早一點問，可能好一點。但過了post#30後還繼續問，其實你究竟有沒有看過其他人的睇法。
我寫約100尺。你就挑機說有些140尺，有些160尺。這是討論問題嗎？然後，還局限比較。不准計算公屋的衛生間（你可能還遺漏了厨房）。硬要只能用你的標準。其實，我多年前在英國讀書的房間已經有衛生間了。對於崇洋的來説，這不是國際標準嗎？真的用你的方法，我夠話李+X住得比大部分人差。他房間内的只能計算佢張床，是這樣嗎？
清華確實不能與香港相比。香港的人均GDP確實是比大陸的要高多倍，香港的皇子宮主確實係唔挨得。其次，去清華的來自不同省份，宿位對外省的同學是必需的。但解決香港學生的住宿問題，宿位不是必然的。明嗎？
我都學下其他網友。你地繼續，今日xx無拿拿行左入黎。 唔再覆了！
作者: Arabellahk 時間: 23-9-15 14:33
本帖最後由 Arabellahk 於 23-9-15 23:23 編輯
yuyueng 發表於 23-9-15 09:56
可能對你來說2人房同8人房10人房無咩分別，我只系講下自己想法，原來系錯既，Sorry，你地繼續，今日撞鬼無 ...
有些問題有唯一答案，有些問題無唯一答案，大家從不同角度看問題，答案可能很多，幷無對錯之分。在此平台大家對所提問題可以自由討論，可以互動。我覺得只有1人房才能保證私人空間，你認為2人房就能保證私人空間，你不同意我的說法自有你的道理，既然你可以反對我的說法，為何不允許別人有不同的想法？你也可以提出數據繼續反駁我。難道只能和你的想法一致，你才高興？好像有點雙標。希望大家在此能心平氣和的討論問題，千萬不要因意見不同而生氣。
作者: Arabellahk 時間: 23-9-16 01:35
本帖最後由 Arabellahk 於 23-9-16 07:35 編輯
ok_ko 發表於 23-9-15 10:36
其實你的問題早一點問，可能好一點。但過了post#30後還繼續問，其實你究竟有沒有看過其他人的睇法。
我寫 ...
沒有人規定不能問前面的post#。我看過其他人的睇法，但並未有人討論你說的大學宿舍的設備比公屋差，人均面積比公屋少。你提到2人間宿舍約100平方呎，我一直未查到這樣的宿舍有多少？這也是我沒有早問你的原因之一。我幷不是有意挑選140呎、160呎的宿舍，我在標題中就用了“豪華',當然是指這些面積大的宿舍。雖然這種面積的宿舍不是主流，但也有一定的數量，這樣的2人間宿舍才有改成3人或4人間的可能。我也沒選那些背山面海網上稱‘土豪型’的大宿舍。我並未局限比較，因為現在大部分宿舍的功能就相當於住宅的臥室，當然不能與公屋整套房比較，只能與公屋臥室比較。我提到住宅主臥不計衛生間，是因為香港很多住宅主臥帶衛生間，主臥裡沒有廚房。你多年前在英國的房間有衛生間並不新鮮，清華大學現在也有帶衛生間的宿舍，只不過主要只供給留學生用。
作者: ANChan59 時間: 23-9-16 06:22 標題: 回覆樓主：
本帖最後由 ANChan59 於 23-9-16 06:24 編輯
討論區係討論，不是武林大會，或者一言堂。
你陳述完你的觀點，聽聽其他網友點講，聽聽不同觀點，不一定是誰對誰錯。
如果心水清，你自己計吓多少網友支持你的看法，多少有另外觀點，在民主社會就係一清二楚。
坦白講，你自己睇番自已開嘅posts，你的觀點點解冇乜人支持？點解咁多人支持？如果多數跟你想嘅相反，你都要留要自己盲點係邊，這樣對教導孩子，自己工作都可能有影響。
在討論區，我覺得自己開個post 一定有些想法或者感覺，我講完，到其他網友有贊成，也有補充或者澄清，也有反對。我個人盡量保持彈性，吸納多啲資訊及看法，較少去爭抝誰對誰錯。
我冇乜資格教訓任何人，我只係講自己心態。會唔會我去盲撐？會有嘅！因為可能個則討論我掌握到嘅資訊比其他人多些，我想讓大家明白了解。
我又喜歡反問網友，－來希望對方了解自己講緊乜，二來想了解對方觀點的邏輯。令對方唔會覺得反感，繼續討論。
作者: Arabellahk 時間: 23-9-16 07:47
本帖最後由 Arabellahk 於 23-9-16 09:25 編輯
ANChan59 發表於 23-9-16 06:22
討論區係討論，不是武林大會，或者一言堂。
你陳述完你的觀點，聽聽其他網友點講，聽聽不同觀點，不一定是 ...
謝謝你的提醒。我只是看到有人說香港的大學宿舍不如公屋，擔心這種言論會影響到香港大學的聲譽(當然若是事實自然無問題）。我幷沒有一言堂，有時發現自己提出的觀點被人誤解，我補充澄清一下，說的更清楚一點，難道不可以嗎？請問你覺得香港的大學宿舍是不是比公屋差？能否用公屋的設備和宿舍的設備比較？難道這樣的問題在這裡大家不能討論嗎？
作者: Yanamami 時間: 23-9-16 07:59
本帖最後由 Yanamami 於 23-9-16 11:38 編輯
各她鄉村各處例，人民生活習慣思考模式都不盡相同，否則就唔叫特別行政區啦。點解成日問，大陸可以咁咁咁，香港唔可以咁咁咁？先問完大陸大學發取錄通知書美倫美奐，點解香港無，然後又問清華可以8人房，申請者大有人在，香港點解無。咁台灣都可以同性婚姻合法，點解大陸唔得？外國大學可以任人自由出入，氣氛自由開放，點解大陸同香港唔係？呢D比較完全唔係考慮當地人既，就叫離地。
作者: Radiomama 時間: 23-9-16 08:15
可彩睇番啲post, 大部分家長都唔同意香港嘅大學宿舍要改為6人或8人間格啫。
作者: Arabellahk 時間: 23-9-16 08:28
Radiomama 發表於 23-9-16 08:15
可彩睇番啲post, 大部分家長都唔同意香港嘅大學宿舍要改為6人或8人間格啫。
...
作者: barque 時間: 23-9-16 08:33 標題: 回覆樓主：
本帖最後由 barque 於 23-9-16 08:35 編輯
我覺得樓主似係想講，……. 等多些內地學生有宿舍住。
作者: Yanamami 時間: 23-9-16 08:34
Radiomama 發表於 23-9-16 08:15
可彩睇番啲post, 大部分家長都唔同意香港嘅大學宿舍要改為6人或8人間格啫。
...
作者: Yanamami 時間: 23-9-16 08:36
barque 發表於 23-9-16 08:33
我覺得樓主似係想講，……. 等多些內地學生有宿舍住。
作者: barque 時間: 23-9-16 08:46
現在的宿舍對大部份香港學生來講可能差過屋企自己間房，而多年冇變過，所以不能算豪華。而且如果真的加多啲宿舍位，都不應該只是給本地學生住。現在各間大學都有不少內地學生就讀，這批學生實在是有宿舍的需要。
建議樓主如果想講加多啲學位加多啲宿舍收多些內地學生不如直接說出來討論。
而不是強調加宿舍給本地學生
作者: Arabellahk 時間: 23-9-16 08:58
barque 發表於 23-9-16 08:33
我覺得樓主似係想講，……. 等多些內地學生有宿舍住。
作者: Radiomama 時間: 23-9-16 09:15
Yanamami 發表於 23-9-16 08:36
咁有錢，幾個學生合租沙田私樓啦。
合租村屋也可以。
作者: Radiomama 時間: 23-9-16 09:27
Arabellahk 發表於 23-9-16 08:58
我是前段時期聽聞香港本地生申請宿位非常慘烈，才有感而發提出香港的宿舍問題。某中學有一個班有多名學生考 ...
你可以話係冰山一角的故事，不過也可能是網上誇張的傳聞。
本地生申請宿舍不會是「非常慘烈」，真正有住屋需求的本地生，如住劏房嘅，舍堂樂意提供「友善安排」的。而一啲非緊急需要嘅，就按舍堂規矩啦。
三人房早在30年前都無乜巿場(我都只申請左住一年，第二、三、四年班已經搵人申請返住二人房）；更何況是4人房在今時今日的香港呢！
如果你話將宿舍變成四人套房嘅apartment，即每人有獨立房間，但共用廚房、浴室和客廳，咁又唔同，實大把人爭。
作者: barque 時間: 23-9-16 09:33
Radiomama 發表於 23-9-16 09:27
你可以話係冰山一角的故事，不過也可能是網上誇張的傳聞。
本地生申請宿舍不會是「非常慘烈」，真正有住 ...
按你嘅提議是把現在已經「豪華」嘅宿舍，再豪華化(emoji)
作者: ANChan59 時間: 23-9-16 09:34
Arabellahk 發表於 23-9-16 07:47
謝謝你的提醒。我只是看到有人說香港的大學宿舍不如公屋，擔心這種言論會影響到香港大學的聲譽(當然若是事 ...
唉！
閱！
作者: Arabellahk 時間: 23-9-16 09:35
Radiomama 發表於 23-9-16 09:27
你可以話係冰山一角的故事，不過也可能是網上誇張的傳聞。
本地生申請宿舍不會是「非常慘烈」，真正有住 ...
作者: Radiomama 時間: 23-9-16 09:58
barque 發表於 23-9-16 09:33
按你嘅提議是把現在已經「豪華」嘅宿舍，再豪華化(emoji)
Hehe, 學陳sir話齋，多元討論啫。
英美大學都有呢種宿舍單位，有啲在房內仲有私家厠浴添，我無住過，不過阿媽教我凡事要向好嘅學習，所以我都係講下之嘛。
作者: Yanamami 時間: 23-9-16 11:47
Radiomama 發表於 23-9-16 09:27
你可以話係冰山一角的故事，不過也可能是網上誇張的傳聞。
本地生申請宿舍不會是「非常慘烈」，真正有住 ...
作者: Arabellahk 時間: 23-9-16 15:38
本帖最後由 Arabellahk 於 23-9-16 15:55 編輯
有網友認為香港的大學宿舍不緊張，那為什麼香港很多大學都在建宿舍？而且數量很多。大家可以看看從今年起，除教大、嶺大（這兩所大學的宿舍應該已達標）其他大學陸續預計建成宿舍宿位的數量。
2023年港大黃竹坑約1200，2023/2024年浸大1726, 2024年科大1551, 2024年（原2026年）城大馬鞍山白石2000多，2025年中大聯合書院250 ，2026年理大何文田1200，2027年城大九龍塘1680，2028年理大九龍塘1680。
作者: Yanamami 時間: 23-9-16 17:27
本帖最後由 Yanamami 於 23-9-16 18:40 編輯
大學起宿舍，關唔關大學排名“設施”計分一項？吸引大陸學生黎，又可以“國際化”一項加分？我求其噏，唔知係咪㗎？
作者: Arabellahk 時間: 23-9-16 18:11
Yanamami 發表於 23-9-16 17:27
大家起宿舍，關唔關大學排名“設施”計分一項？吸引大陸學生黎，又可以“國際化”一項加分？我求其噏，唔知 ...
作者: Radiomama 時間: 23-9-16 18:15
Yanamami 發表於 23-9-16 11:47
我有個同學個女去UK讀，單人房宿舍，住了一年喊住同阿媽講唔掂，要共用廁所頂唔順，要改租貴啲既ensuite.:j ...
英國果班因為有好多en-suite 嘅宿舍單位提供，所以我識嘅大部份同學都係住呢種單位。反而美國有好多雙人房同香港一樣，所以冇比較冇要求。當然Y2之後可以出嚟租屋，佢哋會選擇出嚟搵地方住，平過campus housing
作者: Radiomama 時間: 23-9-16 18:16
Yanamami 發表於 23-9-16 17:27
大家起宿舍，關唔關大學排名“設施”計分一項？吸引大陸學生黎，又可以“國際化”一項加分？我求其噏，唔知 ...
的確是為了吸引「國際生」。
作者: Arabellahk 時間: 23-9-17 01:30
本帖最後由 Arabellahk 於 23-9-17 10:12 編輯
Yanamami 發表於 23-9-16 17:27
大學起宿舍，關唔關大學排名“設施”計分一項？吸引大陸學生黎，又可以“國際化”一項加分？我求其噏，唔知 ...
宿舍應該不是吸引大陸學生的主因。大學起宿舍畢竟數量有限，應該主要供給香港本地學生，因為香港大部分大學的目標是保證本科生能至少住宿1年。理大的目標好似要改為2年。當然大陸生保證住宿期較長，如嶺大已達4年、中大3年，科大2年。
作者: Arabellahk 時間: 23-9-17 15:13
本帖最後由 Arabellahk 於 23-9-19 10:06 編輯
大學宿舍主要有2種模式，一種是全宿製，學校保證所有學生在學期間有宿舍住，如中國、俄羅斯的大學。另一種是申請競爭製，不能保證所有學生有大學宿舍住，如英國、香港的大學，但宿舍條件通常比全宿製好。目前宿舍沒有統一的國際標準，如果排名機構將來將宿舍計分，應該會搞出一套國際標準。即使是同一模式，各個國家和地區的宿舍標準也不同。英國很在乎私人空間，帶衛生間的宿舍比例很大，不帶衛生間的2人間非常少。美國也非常在乎私人空間，土地也比英國多很多，但不帶衛生間的2人間比英國多很多。香港雖曾被英國殖民近百年，但沒有照搬英國的宿舍標準，而是根據香港實際情況制定自己的宿舍標準，帶獨立衛生間的宿舍比例很少。
作者: Radiomama 時間: 23-9-17 16:36
Arabellahk 發表於 23-9-17 15:13
大學宿舍主要有2種模式，一種是全宿製，學校保證所有學生在學期間有宿舍住，如中國、俄羅斯的大學。另一種 ...
澄清一下，美國的大學宿舍，沒有「申請競爭」；普遍是要求freshman 一定要住一年宿舍。朋友全家住麻省，孩子在in-state唸大學，距離屋企好近，但都要入住大學宿舍。我估係為咗讓已建成的宿舍有人住，不會丟空。
至於二年班之後，就各自精彩。有些同學是全費奬学金連住宿，又或者唔想麻煩，就會選campus housing；有些追求自己生活的、又或貪便宜一點，就會搬去租apartment/house.
另外認識一些後輩在澳洲Sydney 唸書，campus housing也是不足夠的，所以市場上會有私營的學生公寓，在大學附近，全幢大廈有不同隔格的單位，按價錢選擇。英國倫敦也有不少這種住宿安排，朋友們的子女都是這樣租住單位。
作者: Arabellahk 時間: 23-9-17 19:38
Radiomama 發表於 23-9-17 16:36
澄清一下，美國的大學宿舍，沒有「申請競爭」；普遍是要求freshman 一定要住一年宿舍。朋友全家住麻省，孩 ...
作者: Arabellahk 時間: 23-9-18 14:53
隨著各國和地區的經濟實力不斷增強，未來教育投入會進一步增加，大學宿舍無論是數量還是舒適度應該都會得到改善。很多國家和地區可能會出現全宿和非全宿共存。
作者: Sum_Ba 時間: 23-9-19 01:24
回覆 Arabellahk 的帖子
其實應該要求政府撥款起宿舍，而不是將學生擠在一起。人對生活要有基本的要求。要退回五十年前的憶苦思甜，誰願意自己去做就夠了。
作者: retriever 時間: 23-9-19 11:49
Arabellahk 發表於 23-9-11 10:18
所講的豪華不是真正的豪華，只是相對於過去那些4人間、6人間、甚至8人間。為什麼大學不能先保證數量，再改 ...
近年自由主義當道, 個人私隱等抬頭, 有無可能回到過去住大房?
我理解承傳殖民教育, 大學宿舍係大學教育之重要一部份, 跨系跨年級社交等等, 不純粹是住宿安排縮短上學距離... 但近代年輕人係我們家長棒捧在手心長大, 趨向個人主義些, 不少也不想住宿舍囉...
BTW, 據我理解國內大學住宿是更傾向住宿安排為了, 不少是大學同班同學為ROOM MATES, 有點不一樣!
作者: 高達紅色 時間: 23-9-22 10:58
其實樓主有冇去過學生宿舍？而家已經係只得上下格－張床同－張書枱，比起劏房－百尺有獨立屎坑仲細！樓主想減埋張書枱？定孖舖床位？定改為三格床定潛艇四格床？
作者: 流浪地球 時間: 23-9-22 17:52
會不會真係有平行宇宙？同一件事，每個人所見所聞都不一樣！
作者: Ella01 時間: 23-9-23 11:58
個人覺得：大學宿舍，3-4人一間更加合理。
朋友個女係本地大學讀書（四大之一），住係兩人間，里面有兩張床、兩張書枱，兩個衣櫃⋯⋯因為兩個都係本地學生，所以佢哋都好少住係宿舍。朋友個女一個星期最多住三、四日，而佢嘅室友就更加少，一個星期最多住一日，倆人連碰面機會都好少，所以朋友個女覺得自己好似住咗單人房。
其實嗰間大學，宿位係緊張以及不足嘅⋯⋯個人覺得其宿位如此安排，資源的確有啲浪費。一間宿舍，其實完全可以上床下枱，變成3-4人宿舍更加合理。
有啲人可能覺得3-4人一間，缺乏私隱。其實：如果佢真係好注重私隱，咁就唔應該申請學校宿位，去租學校附近嘅私樓豈不更好，當然前提係佢經濟可以負擔得起。
作者: Radiomama 時間: 23-9-23 15:54
Ella01 發表於 23-9-23 11:58
個人覺得：大學宿舍，3-4人一間更加合理。
朋友個女係本地大學讀書（四大之一），住係兩人間，里面有兩張床 ...
呢啲情況，其實係你朋友個女及佢同房根本唔應該住宿舍，放番間房出嚟俾其他學生住。
作者: Ella01 時間: 23-9-24 00:12
Radiomama 發表於 23-9-23 15:54
呢啲情況，其實係你朋友個女及佢同房根本唔應該住宿舍，放番間房出嚟俾其他學生住。
...
制度有問題，而且呢種情況肯定唔止一單⋯⋯
如果改為3-4人一間房，嗰兩個女仔可能都唔一定會申請宿舍。
嗰間宿舍幾年前已經放番出去啦，因為佢哋已經畢咗業
作者: Radiomama 時間: 23-9-24 07:45
如果為嚇阻公主/王子去申請大學宿舍而將房間變成4人間，對嗎？
當年我有幸可以在2人間的宿舍享受讀書生活，無理由在30年後行倒車。
作者: Yanamami 時間: 23-9-24 12:57
Ella01 發表於 23-9-23 11:58
個人覺得：大學宿舍，3-4人一間更加合理。
朋友個女係本地大學讀書（四大之一），住係兩人間，里面有兩張床 ...
作者: b3410 時間: 23-9-24 16:26
本帖最後由 b3410 於 23-9-24 16:26 編輯
Arabellahk 發表於 23-9-11 10:18
所講的豪華不是真正的豪華，只是相對於過去那些4人間、6人間、甚至8人間。為什麼大學不能先保證數量，再改 ...
參考依家有提供住宿的中學，的確有4人間，甚至6人一間。也有床 書檯，衣櫃，有洗手間，感覺都算整潔舒適。不過，中學生要求比較多，例如幾點要熄燈瞓覺，大家生活也比較規律。
大學生好難要求作息時間，如果一個人顛倒黑白，其它宿友會唔會好難頂。
作者: Ella01 時間: 23-9-24 20:32
Yanamami 發表於 23-9-24 12:57
我想問佢地自己唔住，做乜要霸住間房？
佢哋唔係唔住，係住得少，既然有正常交宿位費，而且學校同意，所以唔好話人哋霸住間房。若問點解佢哋住得少，咁就唔知了，可能因為佢哋係本地學生掛。如果係外地學生，相信唔會有嗰種情況發生。
作者: Radiomama 時間: 23-9-25 07:10
Ella01 發表於 23-9-24 20:32
佢哋唔係唔住，係住得少，既然有正常交宿位費，而且學校同意，所以唔好話人哋霸住間房。若問點解佢哋住得 ...
按公共資源來看，都算是「霸」，交咗宿舍費但沒有善用，唔止係佢自己嘥錢，也是浪費了大學資源和資助。
我認識的學生，入咗宿發現唔適合自己，係會立時退宿的，雖然已交了一個學期的宿費。至少讓舍監可以再作安排。
作者: ANChan59 時間: 23-9-25 10:00
Radiomama 發表於 23-9-25 07:10
按公共資源來看，都算是「霸」，交咗宿舍費但沒有善用，唔止係佢自己嘥錢，也是浪費了大學資源和資助。
我 ...
這個孩子很有教養。
作者: Yanamami 時間: 23-9-25 13:09
Ella01 發表於 23-9-24 20:32
佢哋唔係唔住，係住得少，既然有正常交宿位費，而且學校同意，所以唔好話人哋霸住間房。若問點解佢哋住得 ...
作者: Ella01 時間: 23-9-25 13:10
Radiomama 發表於 23-9-25 07:10
按公共資源來看，都算是「霸」，交咗宿舍費但沒有善用，唔止係佢自己嘥錢，也是浪費了大學資源和資助。
我 ...
學生去圖書館，自己唔睇書，但係佢攞d嘢霸住個位唔畀其他人坐，呢種叫霸。
學生去飯堂，買咗一個餐，食咗一半，倒咗一半，呢種唔係霸，係浪費。
所以一早講咗了：制度有問題！
作者: 天外之人 時間: 23-9-25 14:57
Radiomama 發表於 23-9-25 07:10
按公共資源來看，都算是「霸」，交咗宿舍費但沒有善用，唔止係佢自己嘥錢，也是浪費了大學資源和資助。
我 ...
PS: 仲有一點,正常大學係一個學習地方,唔需要咩豪華住宿,想要豪華住宿可到校外其他地方租住合適.唔好霸佔其他需要既學生. 等同85樓家長所講,制度太有問題,估不到由幼稚園到大學,一整個教育制度都係有問題.
| 歡迎光臨 教育王國 (/) |
Powered by Discuz! X1.5 |