教育王國

標題: 分享:自修IAL報大學 [打印本頁]

作者: 小曳人 時間: 23-8-10 16:15 標題: 分享:自修IAL報大學

本帖最後由小曳人於 23-8-10 16:26 編輯

背境:阿仔响香港讀傳統津校，自少學術能力比同學高好幾年，小學時已經參與科大雙修課程 (Dual Program-DP)，成績優異，亦見到佢對學習高中或更深知識嘅興趣同能力~

响DP先後修讀Maths，Chemistry (合資格修讀level 3，去科大上Year 1嘅課，但所讀中學唔容許學生參與)，Physics，Engineering

加上阿仔自小四開始不停話唔想返學，學校唔係學習嘅地方等~
亦先後同幾位校長要求過跳級，都被拒絕，於是，就考慮自修公開試，然後報大學

適合non-jupas 公開試
要經聯招報大學，又唔係中六畢業生 (未完成中學課程)，必需選修比中六較高嘅公開試，分別係美國嘅AP，同英國嘅IAL，呢兩個試都可以以自修生身份報考，無老師評分部份

聽前輩分享，AP課程範圍較少，但深度可能較深
而IAL係國際版A-Level，課程同程度對香港長大嘅家長們相信比較清楚，只需選修3-4科，每科6個unit : Maths/Further Maths有得揀unit，Phy/Chem/Bio 就無得揀，unit 3+6 係paper practical，問實驗相關知識，所有past paper 同 marking scheme 都可以响網上揾到

預備考試
因為阿仔仲"細"，自律能力可能唔太高，我地安排咗導師幫忙，睇下所識嘅野有無缺漏，亦教佢答題技巧，但如果孩子已經係高中，明確知道自己自修為乜，應該可以無須請導師幫忙
我地係由佢能力較強嘅數開始，教完數就教物理，同步亦開始揾導師執化學，而報考IAL係分段進行，當時因為疫情關係，官方取消咗兩次5月考期，所以阿仔係先後兩次十月+一次1月考期完成所有卷，並因為8號風球Edexcel 估出嚟個分唔好，安排過"重考"，所以，可以話係年半完成最終成績

想講嘅係，坊間唔少人唔建議拖長嚟考，或者重考，因為競爭大嘅大學可能會對此"扣分"，或被認為唔夠成熟/抗壓能力唔夠好，但响阿仔個case嚟講，呢個"考法"似乎無乜太大影響

報HK大學
阿仔最後响10月考期完成所有卷 (未計重考)，1月就入表報科大，收齊成績有update返，見到大部份人2月有面試，我地到4月先收到面試通知，係成6-7個人見阿仔+父母，當中有dept head，教職員，社工，收生職員等... 面試當中有提過要等到約6月先會一次過出offer，但其實當時我地已決定去英國，所以其實無check到收生結果...

報英國大學
因為係自修生嘅關係，所讀學校唔支持advanced learning (負責資優教育嘅老師話：要慢火煎魚)，所以我地係無predicted grade嘅，而UCAS係需要有gcse / predicted grades 俾學校睇，先出到conditional offers，呢個情況下，我地當時亦想拖一拖佢 (始終太細讀大學會錯過唔少野，而且英國對教16歲以下孩子嘅教職員有法例要求，另外佢報讀有實驗課嘅科目，有保險問題，所以手續上會比較麻煩)，所以就遲一年用實際成績去報，一出就係unconditional offer

另外，以我所知，有部份升學顧問公司同時係英國認可"學校"，可以出到predicted grades，但先決條件係有報該公司嘅課程，並經過連續性嘅評估，佢地先會出到predicted grades，有需要的話，自行問問~
順帶一提，整個UCAS申請過程都係人在英國，以國際生身份去報，所就讀學校係幾乎全無involvement (除安排地方响返學時間進行面試)，亦無叫HK津校老師做過任何reference (UCL有相關要求，我地最後取消咗UCL嘅申請)

最後，如果大家有咩問題，我會盡量以我所知去答返大家
請多多指教！

單純想分享俾同路人，謝絕訪問/轉載, except HKAGE，不過認識嘅職員都已離職...
感激HKAGE多年來嘅家長支援活動，特別係家長朋輩支援小組嘅前輩們！獲益良多！
亦多謝EK俾我打搞過嘅前輩們！陪阿仔行呢條路一d都唔容易....

作者: stillgood20 時間: 23-8-11 08:20

本帖最後由 stillgood20 於 23-8-11 10:25 編輯

小曳人發表於 23-8-10 16:15
背境:阿仔响香港讀傳統津校，自少學術能力比同學高好幾年，小學時已經參與科大雙修課程 (Dual Program-DP) ...

謝謝你詳細的分享．
資優生在常規學校學習,始終由於本質,未能妥善協調．
而且,中小學是群體,學校也不容易就個別同學作特別安排．
如此,家長本身也費勁．

細囝係資優(無IQ檢測, 無特別的學習安排)
就算在高中, 中學的校長/副校長(經驗豐富的教育工作者)仍未認同資優同學的特質．
中小學時,完全沒有一個朋友．

不過,我細囝係一個平和低調的人．是是但但, 看似平庸．
但在工作和合作較多接觸時．沒法隱藏能力．
由於低調,身邊同學/同事仍然关係沒大問題．
反而, 有困難時, 可以幫手．

……

不管什麼．

希望大家的兒子都可以過著愉快的生活．

……

作者: 小曳人 時間: 23-8-11 14:02

其實，每個孩子要行嘅路都唔同，以前我好鍾意聽前人嘅故事，因為可以了解可行方案

唔少資優生同時係積優嘅，學習上超前唔只1-2年，自修可能係其中一個可行方案

作者: ANChan59 時間: 23-8-13 15:56

多谢详尽的分享！

我们也有接近情况，但最终还是让他跟香港然后1B的課程，特意拖慢数理，反而加强语文及其他方面。后来就顺利入大学，到大学毕业后，比同龄人成熟，但“学习能力”还是超前不少。

作者: 小曳人 時間: 23-8-14 14:38

ANChan59 發表於 23-8-13 15:56
多谢详尽的分享！

我们也有接近情况，但最终还是让他跟香港然后1B的課程，特意拖慢数理，反而加强语文及其 ...

感激你多年來嘅分享！
其實呢一年响英國，係完全無advanced learning，阿仔响蘇格拉讀中四，考蘇格蘭公開試
因為佢係插班，選科時揀咗唔少無接觸過嘅科目 (management, 法文, history, food tech etc)，仲要補返同學已教課程去應付公開試

人都成熟咗唔少！

我亦好同意，語文能力好重要，上到大學大把機會寫assay！
未收到終極offer之前，曾經考慮過再拖多一年，會俾佢讀IB，佢需要嘅唔係智識上嘅訓練，而係IB教嘅學習訓練 (根據蘇格蘭呢邊嘅教育政策諮詢，IB學生較能適應大學教育，並得到較好成績，所以嚟緊教育改革都會轉IB approach)

其實每個孩子有佢自己嘅路要走，希望多d人分享，後人可以了解多d可行嘅路

作者: ANChan59 時間: 23-8-14 15:43

小曳人發表於 23-8-14 14:38
感激你多年來嘅分享！
其實呢一年响英國，係完全無advanced learning，阿仔响蘇格拉讀中四，考蘇格蘭公開試 ...

英國劍橋大學及其他大學都有做GCEAL and IB 嘅 longitudinal studies, 比較大學畢業時的成績，以不同學院的結果都係 IB 較優勝。

如果蘇格蘭改變成IB approach，都係一個好的嘗試。一個國家地區願意接受其他教育制度比自己的優秀，很不容易。

你有冇關於蘇格蘭教育改革的連結！

作者: 小曳人 時間: 23-8-14 17:02

回覆 ANChan59 的帖子

some news..https://schoolsweek.co.uk/how-scotland-delivers-reform-could-be-a-lesson-for-us-all/

官方網站
https://www.gov.scot/policies/schools/education-reform/

未見details.. 但鐵定現行考試2024年係最後一屆，教師們應該努力備課中...

作者: ANChan59 時間: 23-8-14 22:46

小曳人發表於 23-8-14 17:02
回覆 ANChan59 的帖子

some news..https://schoolsweek.co.uk/how-scotland-delivers-reform-could-be-a-l ...

多謝你的資料。

作者: 粉紅布丁狗 時間: 23-10-24 14:00

小曳人發表於 23-8-14 17:02
回覆 ANChan59 的帖子

some news..https://schoolsweek.co.uk/how-scotland-delivers-reform-could-be-a-l ...

請問是否Scotland 將會行教育改革，類似IB approach 的A level system?

作者: 小曳人 時間: 23-10-24 23:59

粉紅布丁狗發表於 23-10-24 14:00
請問是否Scotland 將會行教育改革，類似IB approach 的A level system?

本身Scotland 嘅考試機關叫SQA，有S4 考嘅 National 3/4/5，以及S5或S6考嘅一年制嘅highers 同advanced highers考試 (advanced highers 學生上4年制大學有機會讀少一年)本身，課程嘅深度大約係:
N3<N4<GCSE<N5<Highers<AL<advanced highers

一般私校S4會考N5，S5修highers，S6修highers 或advanced highers
如果S4時程度去到N4嘅學生，就會S5修N5 ，再加其他N5或highers.. (我聽過有人同我提過，數學要讀到N5先可以入大學，但唔sure)
係一個有彈性，但都係背書考試嘅制度

而SQA嘅考試只會去到2024年，即係嚟緊係最後一年舊制嘅考試
之後就會係新課程，新考試制度，但未有詳細資料...
只知唔係100%背書考試，會有project, presentation, coursework 計分，好似IB咁
事源係疫情期間，停過公開試，教育部門覺得"考試"制度有問題，亦因為大學feedback 認為IB學生比SQA 或AL 學生更容易適應大學嘅學習生活，所以，教育改革係以IB課程作參考

希望答到你嘅問題

作者: 粉紅布丁狗 時間: 23-10-30 15:52

小曳人發表於 23-10-24 23:59
本身Scotland 嘅考試機關叫SQA，有S4 考嘅 National 3/4/5，以及S5或S6考嘅一年制嘅highers 同advanced hig ...

thank you

作者: licpd 時間: 23-12-11 15:50

本帖最後由 licpd 於 23-12-16 13:02 編輯

小曳人發表於 23-8-10 16:15
背境:阿仔响香港讀傳統津校，自少學術能力比同學高好幾年，小學時已經參與科大雙修課程 (Dual Program-DP) ...

作者: 小曳人 時間: 23-12-12 18:02

本帖最後由小曳人於 23-12-12 18:06 編輯

回覆 licpd 的帖子

1. 你地分開考IAL的科目係點分佈? 兩個10月考邊科? 最後1月又考邊科?
OCT - further maths+maths 12 units
JAN - CHEM-AS 3 units
OCT - CHEM 3 units + PHY 6 units
JAN - 補返早一年8號風球嗰一個unit
(疫情期間，呢兩年無May/June 考期)

2. 幾時要告訴就讀學校放棄報DSE和經non-jupus報考大學?
應該係申請Jupus 嘅時間，唔申請

3. 用IAL成績報科大需要學校reference letter和就讀學校成績表嗎?
要成績表，現時大學入學需要嘅諮詢人，係會經網上系統入嘅，申請人其實唔知諮詢人打咗咩，而學生可以揾學校嘅老師，或者外面嘅人都得

4. 自修IAL需要通知就讀學校嗎? 平時學校測考也一樣要參與嗎?
我無正式通知，但因為去考試有請假，所以學校有紀錄，我亦有俾time table 作為請假嘅supporting。我仔應該無skip 過學校嘅考測，其實就算請假，都係就住考試時間同交通去請，e.g. 2pm 嘅考試，11:30am 走，食埋飯，輕鬆30min前到達

作者: licpd 時間: 23-12-15 00:48

本帖最後由 licpd 於 23-12-16 13:02 編輯

小曳人發表於 23-12-12 18:02
回覆 licpd 的帖子

....

作者: 小曳人 時間: 23-12-15 16:28

licpd 發表於 23-12-15 00:48
好多謝你的回復!
我地縂係S3, 遲的可能有的IAL問題要再請教你, 唔知pm你方便嗎?

無問題~ 歡迎

作者: planetearth 時間: 23-12-17 17:22

非常非常感謝你無私分享, 一路看住你分享你仔仔成長, 真為他開心入到神校. 你仔仔真的很優秀, 亦有父母悉心培養. 我跟你學到小小, 阿仔算順順利利. 過兩年入大學. 靠他自己努力爭取.

作者: 小曳人 時間: 23-12-18 16:31

planetearth 發表於 23-12-17 17:22
非常非常感謝你無私分享, 一路看住你分享你仔仔成長, 真為他開心入到神校. 你仔仔真的很優秀, 亦有父母悉心 ...

我應該係前世欠咗佢...
我相信，唔少GC家長都覺得陪佢地成長呢段路唔容易過.... 大家都應該費盡心思，無限耐性！

希望我嘅經歷幫到一d家長，亦希望大家都事事順利！
好多謝你一路以來嘅祝福

相信呢度唔少人都睇住阿仔大

作者: waterlulu 時間: 23-12-19 11:50

回覆小曳人的帖子

請問一下如果係自修生報考,
predicted grades 方面應該搵邊個俾?

作者: 小曳人 時間: 23-12-19 17:50

waterlulu 發表於 23-12-19 11:50
回覆小曳人的帖子

請問一下如果係自修生報考,

有d學校可以幫手，我地無問學校，因為阿仔細，所以等齊成績，用實際成績報 (拖咗佢一年，等佢足16歲)

作者: 都敏俊C 時間: 24-1-26 09:24

謝謝你一直無私分享，全靠你多年黎一直分享心得，令到我可以有多盞明燈，睇到條路可以點行。
祝你囝囝入咗大學一切順利

作者: kyy 時間: 24-2-13 19:30

請問non jupus 報香港的大學是否需要中文成績？有啲人話要去考返中文？

作者: 小曳人 時間: 24-2-16 18:56

kyy 發表於 24-2-13 19:30
請問non jupus 報香港的大學是否需要中文成績？有啲人話要去考返中文？

如果一直讀緊本地課程，有中文課，唔需要另外報考中文 (唔係明文寫，但見幾個前人都係呢個情況)但如果讀國際學校，就要考中文

作者: leaflily 時間: 24-6-30 08:10

多謝妳的分享，睇到呢個post，幾開心。尤其聽妳仔仔唔肯返學，幾有同感。我仔好散漫，時唔時就唔肯返學。低年級時，他課堂會駁嘴老師，「老師，講左三次/四次啦，唔講呢d，講新嘅喇」，高年級後，唔想返學，返學時課堂唔感興趣就讀小書或者其他書……

一路想係學校讀，有助於他情緒以及團體生活等方面發展。可經歷一些活動後及老師的反饋後，我深刻體會到他完全唔適合傳統教育，學校亦冇咩朋友……

作者: leaflily 時間: 24-6-30 08:26

妳的post，給我啟示，或許我們也可以走私教呢條路，唔駛大家都痛苦。

作者: TY-mama 時間: 25-4-23 23:25

leaflily 發表於 24-6-30 08:10
多謝妳的分享，睇到呢個post，幾開心。尤其聽妳仔仔唔肯返學，幾有同感。我仔好散漫，時唔時就唔肯返學。低 ...

其實我想問吓點解學校會冇乜朋友？

作者: 馬烏 時間: 25-5-17 12:51

小曳人發表於 23-8-10 16:15
背境:阿仔响香港讀傳統津校，自少學術能力比同學高好幾年，小學時已經參與科大雙修課程 (Dual Program-DP) ...

好詳細有價值的分享。
想請教一下樓主，低年級學生，未有中六畢業證，不能通過考DSE，經聯招在香港讀大學是嗎？

作者: maryson 時間: 25-5-21 16:09

TY-mama 發表於 25-4-23 23:25
其實我想問吓點解學校會冇乜朋友？

我個仔都係一直無乜朋友，主要原因係有時上堂答問題時會唔夠低調，答案連老師都好奇怪點解佢會識，同學會覺得佢招積。但佢由細到大都係咁，唔識就查問到底，識就滔滔不絕。

歡迎光臨教育王國 (/)