教育王國

標題: 基道小學九龍城 [打印本頁]

作者: anyaforger 時間: 23-7-5 08:42 標題: 基道小學九龍城

之前聽附近街坊介紹基道唔錯，話校風好，雖然都注重學業成績，但唔會猛谷，會在各方面均衡發展，但我在網上好少見到有討論，所以十五十六，始終34區好多選擇。直至尋日去咗佢地開放日，好驚喜，校舍唔大，但反而有大家庭既感覺。佢地係學校中華文化活動日，順便開放比幼兒園家長小朋友入去，所以直接同佢地D學生家長見到面，傾到計，唔似之前去其他學校既開放日，淨係㨂選咗精英，唔知係咪假象。果度既學生仔好乖，玩遊戲時主動教我小朋友。佢今朝仲話尋晚發夢在基道讀書，笑死我。我同2個讀緊小一既家長傾計，佢地都話老師好好，仔女乖咗，宜家仲會主動睇圖書，所以我好大機會揀基道。有冇人尋日都去過開放日？或在基道讀緊既家長分享下，始終揀校好重要。揀錯入錯好麻煩。

作者: yingmuffin 時間: 23-7-5 20:05 標題: 回覆樓主:

我以用家嘅身份回覆啦，我係基道小學的畢業生嘅家長，學校唔錯，老師好，學生乖巧，課程、活動平衡，我覺得係唔錯嘅選擇

作者: nakaihitoe 時間: 23-7-12 16:00

本帖最後由 nakaihitoe 於 23-7-12 17:38 編輯

我個仔仔而家都係讀緊基道小學九龍城

我已用家嘅身份同你分享

學校校長和老師好有愛

校長都好聆聽每一個家長所講嘅嘢，都會善於同家長溝通的學校，如果小朋友遇到困難，學校都會作出跟進，同埋同家長去處理和溝通。
學校校長、老師們鍾意同家長去溝通㗎！校方最喜歡就係家校合作！所以，我個仔仔喺呢間學校讀書讀得好開心！同埋學校搞好多活動㗎！可以畀小朋友去參加唔同類型的活動，佢哋真係好開心㗎！參加課外活動更加積極！因為見得到學校都內外兼備，意思即係佢哋培育小朋友，不論校內和校外嘅活動都處理得好好，所以我仔仔就好鍾意返學。

作者: anyaforger 時間: 23-7-12 22:32

從你寫既野感覺到你好鍾意學校，

我都希望將來好似你咁。我上FB都睇到學校好似活動類型好多，但學校重視學術成績嗎？屬於深、淺定適中？功課多定少？我想孩子成績同活動都兼顧，唔想偏重一邊。

作者: jacky0579 時間: 23-7-13 11:58

相信你的直覺, 開放日所收到既資訊都大多可信,無論間學校是CHUR還是HEA, 睇下自己既仔女適合邊種

作者: anyaforger 時間: 23-7-13 21:27

感謝你

我小朋友今年升K3，會繼續留意邊間最適合佢。

作者: nakaihitoe 時間: 23-7-15 18:27

本帖最後由 nakaihitoe 於 23-7-15 18:31 編輯

回覆 anyaforger 的帖子

學校功課量係適中，深淺程度都係適中，本身我都係學校家教會委員，因為我就係想睇下學校對學生啲課外/課內活動呀，其他所有嘅學校係點樣做法，所以我入PTA。見得到呢佢哋係課外同埋學術上嘅活動，老師會畀佢哋參加多D,令到佢哋學習上面提升佢哋興趣,最驚小朋友呢就係唔鍾意去學(中英數……), 當然要睇每一個老師唔同嘅做法啦，好似我小朋友數學唔係好好，咁老師呢就會邀請佢早返學校少少, 譬如：我哋學校八點十分前到達學校，老師會問我帶小朋友八點鐘返唔返到嚟呀？老師會同佢做速算。

因為我小朋友需要大放電

都要課外活動，所以暫時都取得平衡咁同埋學校都會幫手，老師會同家長傾下小朋友需要改善或提升的方向，同埋如遇到樽頸位嘅時候同老師傾，老師都會解答你點樣去幫小朋友

總結一下，我都係鍾意我仔仔係基道讀書，因為學校嘅校風真係幾好，小朋友好乖，大哥哥大姐姐識得去照顧低年級嘅小朋友，因為我小朋友都係屬於低年級，當我遇到問題嘅時候，我同學校講，學校即時同我溝通，所以暫時我都覺得呢間學校係正面嘅。

作者: nakaihitoe 時間: 23-7-16 09:08

回覆 anyaforger 的帖子

好呀！祝福你們找到合適的學校給你小朋友

作者: anyaforger 時間: 23-7-16 11:02

感謝你！

作者: 雞仔嘜 時間: 23-8-22 17:39

本帖最後由雞仔嘜於 23-8-25 13:08 編輯

請問各位用家學校編班 : 信, 望, 愛, 有無話邊班係叻D架?

作者: yingmuffin 時間: 23-8-25 15:38

佢地用信望愛分班，以示學校的期望，作為代號，沒特別意思，等於其他學校A，B，C班。

作者: SASHIMEI 時間: 23-9-20 20:49

想問下拎住15分「小一自行分配學位」報呢間，大唔大機會？

作者: nakaihitoe 時間: 23-9-26 19:22

回覆 SASHIMEI 的帖子

基小是從油麻地那邊拆校搬過來的，所以父母住九龍城讀書的不多，加上呢幾年獨生子女多了，15分應該有機會入到。

作者: strawberrychic 時間: 23-9-26 21:48

朋友讀緊，話今年比之前谷咗

作者: Poyau 時間: 23-9-27 12:36

SASHIMEI 發表於 23-9-20 20:49
想問下拎住15分「小一自行分配學位」報呢間，大唔大機會？

34網基道九龍城自行收足甚至超收
超收的話計分生只有15個位(20%)
基道有宗教 15分對上有20分/25分

2023/24學年
https://www.ktkc.edu.hk/it-school/php/webcms/files/upload/tinymce///2324p1result_1668669270.pdf

2022/23學年
https://www.ktkc.edu.hk/it-school/php/webcms/public/mainpage/component/popup_news.php?type=&id=755&lang=zh

https://drive.google.com/file/d/1DLy3NGvUejE20LFEpxOTOjPyfQUS8LXZ/view?usp=sharing

2021/22學年
https://www.ktkc.edu.hk/it-school/php/webcms/files/upload/tinymce///20212022p1.pdf

作者: 雞仔嘜 時間: 23-9-28 16:42

提示: 該帖被管理員或版主屏蔽

歡迎光臨教育王國 (/)