教育王國

標題: 小朋友郁啲就好大反應 [打印本頁]

作者: 腐竹雞蛋 時間: 23-6-12 17:45 標題: 小朋友郁啲就好大反應

雖然心知自閉寶寶同其他小朋友唔同，但佢好多行為真係好令人頭痛

作者: shuen_chan 時間: 23-6-13 11:39

有邊方面比較大問題？

作者: 腐竹雞蛋 時間: 23-6-13 18:04

shuen_chan 發表於 23-6-13 11:39
有邊方面比較大問題？

我小朋友對聲音好敏感，例如地鐵到站啲吱吱聲，其實只係好輕微嘅聲，就會按住耳仔，有時仲會大叫或者尖叫，仲有佢只肯睇英文書，一見中文書就揭都唔揭立即走人，教佢寫字就更加係世界末日一樣，就算我同佢玩遊戲，都係十分鐘內已經走咗去

作者: shuen_chan 時間: 23-6-14 09:20

腐竹雞蛋發表於 23-6-13 18:04
我小朋友對聲音好敏感，例如地鐵到站啲吱吱聲，其實只係好輕微嘅聲，就會按住耳仔，有時仲會大叫或者尖叫 ...

其實呢類特質好多自閉小朋友都有，你唔係孤單一個，當中應激行為應該隨住生活經驗多咗，聽多咗唔同嘅聲音，接觸多啲唔同質感嘅物件，重複耐心解釋，係會慢慢有改善㗎

作者: 大小世界 時間: 23-6-14 12:47

樓主，我個小朋友都係咁，佢係無端端先開始，有時搭lift或係街行行下，佢唔知係咪聽到d高頻聲音？佢就會突然fing甩我手塞住自己耳仔，問佢咩事又唔講或唔識講

作者: restlesswife 時間: 23-6-14 13:28 標題: 回覆樓主:

或者佢對邊方面有興趣就主力學，例如鍾意英文討厭中文就避重就輕，可能過一排又唔同啦

作者: 大小世界 時間: 23-6-14 17:31

restlesswife 發表於 23-6-14 13:28
或者佢對邊方面有興趣就主力學，例如鍾意英文討厭中文就避重就輕，可能過一排又唔同啦
...

抱歉借個位呻，有時真係好勞氣，係咪英文字母易認？佢又係只鍾意睇英文書或短片，唔使大人陪佢都會睇，但一到中文，伴讀都搞唔掂，但無理由放棄，雖然之前參觀唔少特殊學校，見學生已經係高中年紀，佢地既中文功課較叻個批都只係去到高小程度，我係怕我小朋友將來連高小中文程度都達唔到

作者: cowbbboy 時間: 23-6-15 12:07

湊自閉症小朋友真係唔容易，每次我同佢出去都講定去邊，坐咩車，會見到咩人，咁就會好少少，不過只要過程有啲變化，例如架車多人搭冇位坐，佢就會大大聲話冇位坐呀，搞到人哋以為佢係港童，其實佢係固執心態，之前試過幾次都係有得坐，就覺有位坐係應該嘅，我而家次次搭車前都要同佢講幾次唔係時時都有位坐，解釋好多次佢先開始接受

作者: 腐竹雞蛋 時間: 23-6-15 20:34

cowbbboy 發表於 23-6-15 12:07
湊自閉症小朋友真係唔容易，每次我同佢出去都講定去邊，坐咩車，會見到咩人，咁就會好少少，不過只要過程有 ...

照顧自閉寶寶真係好大壓力，佢個啲過激反應同固執行為都幾常係街出現，要安撫佢之餘又唔想影響到其他人，真係狠狽又尷尬，其他人嘅眼光有時令我好心痛

作者: Y123 時間: 23-6-15 21:26

6歲前係黃金治療期，搵下坊間唔同既訓練俾小朋友做，唔多唔少都有d改善

作者: Margot215 時間: 23-6-16 11:11

腐竹雞蛋發表於 23-6-15 20:34
照顧自閉寶寶真係好大壓力，佢個啲過激反應同固執行為都幾常係街出現，要安撫佢之餘又唔想影響到其他人， ...

明白媽媽真係照顧得好辛苦，不過佢地始終都會大，佢地唔係唔會進步，只係人地可能教幾次就識，佢地要教100次先識，最緊要唔好放棄，佢地係要多d去街，接觸多d唔同既人同事物

作者: 腐竹雞蛋 時間: 23-6-16 15:00

Margot215 發表於 23-6-16 11:11
明白媽媽真係照顧得好辛苦，不過佢地始終都會大，佢地唔係唔會進步，只係人地可能教幾次就識，佢地要教100 ...

除咗出街令我好困擾之外，仲有學習問題，讀緊S位已經學嘅嘢好淺，佢真係完全冇動力學野，特別係中文，我明白好難好似普通人咁，但基本溝通，寫字認字都總要識，而家佢連自己個名都唔肯寫唔識寫，將來都唔知可以點算

作者: orangecar 時間: 23-6-16 21:21

腐竹雞蛋發表於 23-6-16 15:00
除咗出街令我好困擾之外，仲有學習問題，讀緊S位已經學嘅嘢好淺，佢真係完全冇動力學野，特別係中文，我明 ...

如果想改善可以試下俾小朋友做腦神經反饋訓練，我小朋友都係自閉，唔能夠帶佢去太嘈既地方，否則會又叫又喊，仲有就係固執問題好嚴重，搞到影響生活

作者: 腐竹雞蛋 時間: 23-6-17 14:47

orangecar 發表於 23-6-16 21:21
如果想改善可以試下俾小朋友做腦神經反饋訓練，我小朋友都係自閉，唔能夠帶佢去太嘈既地方，否則會又叫又 ...

我都覺得太固執唔識轉彎好令人煩惱，你小朋友有幾嚴重？

作者: orangecar 時間: 23-6-17 19:33

腐竹雞蛋發表於 23-6-17 14:47
我都覺得太固執唔識轉彎好令人煩惱，你小朋友有幾嚴重？

平時返學都係坐港鐵，放假唔係返學搭去其他站就發脾氣，連邊卡車上車都要話事，做功課就更加唔洗講，坐定幾分鐘都難，之前一直都無佢符，好在佢都有進步

作者: 腐竹雞蛋 時間: 23-6-18 12:26

邊度做腦神經反饋訓練？都係第一次聽

作者: orangecar 時間: 23-6-18 17:09

叫V Brain，我都係sen group同其他家長交流先開始了解

作者: Y123 時間: 23-6-18 17:58

腐竹雞蛋發表於 23-6-18 12:26
邊度做腦神經反饋訓練？都係第一次聽

又或者可以試下係上環東華做針灸，都有d幫助

作者: 腐竹雞蛋 時間: 23-6-18 19:12

訓練係做啲咩？會唔會同學校課程有相同重疊？我小朋友對學習冇乜動力，如果又係差唔多嘅嘢，佢應該走夾唔抖

作者: restlesswife 時間: 23-6-19 08:54 標題: 回覆樓主:

係點樣訓練？我都想知係乜

作者: orangecar 時間: 23-6-19 18:14

腐竹雞蛋發表於 23-6-18 19:12
訓練係做啲咩？會唔會同學校課程有相同重疊？我小朋友對學習冇乜動力，如果又係差唔多嘅嘢，佢應該走夾唔抖 ...

訓練唔同學校個d，會係用電腦玩遊戲咁做訓練，佢有好多唔同種類既遊戲，所以小朋友唔會抗拒，都係好輕鬆無壓力，好似當打機咁，要戴住頭帶量度腦電波收集數據再分析，仲要戴埋耳機聽特別聲音，形式大概係訓練腦仔記住好既腦電波，係不知不覺下做左訓練，一步步慢慢改變日常行為

作者: restlesswife 時間: 23-6-20 14:05 標題: 回覆樓主:

唔該你，如果佢唔抗拒我都想俾佢試下，我知有理論話係佢地個腦d訊息係同普通人有d唔同，但我唔知點樣去練，係買d好d既魚油丸俾佢食？

作者: 腐竹雞蛋 時間: 23-6-20 17:33

想問要做幾耐先有改善呀

作者: orangecar 時間: 23-6-21 13:38

唔係立即見到唔同左，就好似平時做其他訓練咁，要密集式咁做，一個禮拜三日，每次一小時，暫時做左三個月多d，行為見到係有改善，應激反應少左，坐得定既時間長左d，同埋無之前固執得咁過份，有時都肯聽大人講野去改變主意

作者: 腐竹雞蛋 時間: 23-6-21 15:01

一個禮拜三日都幾多，平時放學咪好趕，係邊區訓練

作者: orangecar 時間: 23-6-21 16:52

腐竹雞蛋發表於 23-6-21 15:01
一個禮拜三日都幾多，平時放學咪好趕，係邊區訓練

我地係尖沙咀center訓練，交通都方便，通常兩日放學去，做完食埋晚飯返屋企，另外一日就放假去，順便同小朋友周圍行下，我記得仲有幾個中心，可以上返V Brain個網睇下

作者: restlesswife 時間: 23-6-22 21:55 標題: 回覆樓主:

睇左幾間中心都唔係太近

作者: orangecar 時間: 23-6-23 12:08

如果你有恆心，可以買在家訓練plan，好處係可以3個月內任做，不過要額外買埋條頭帶，我續埋今次都考慮緊，主要時間上控制易好多，不過我都建議你有興趣既話點都去其中一間center做左評估先，之後先再考慮

歡迎光臨教育王國 (/)