教育王國
標題: 讀書唔成，去外國升學真係有用？ [打印本頁]
作者: 9284 時間: 23-6-4 13:19 標題: 讀書唔成，去外國升學真係有用？
本帖最後由 9284 於 23-6-4 15:20 編輯
成日聽人講，喺香港讀唔成書，補多多習都冇乜效果，不如慳返D補習$，儲一筆送佢去外國好過。但係我心中又有疑問，佢喺香港即使有補習都冇成效，有阿媽督住都唔肯上心去讀書，更何況自己一個去到咁遠，D野唔識又冇人幫佢補比佢問，唔通過到去就變左乜都識？又即刻成個人有上進心左？唔會啩？！佢而家升中四，究竟我應唔應該洗成層樓既$供到佢大學畢業?(如果真係畢到業的話)至怕供完畢唔到業，我仲冇左一筆退休金，呢啲case我的確聽唔少
作者: twhkleung 時間: 23-6-4 14:27
9284 發表於 23-6-4 13:19 
成日聽人講，喺香港讀唔成書，補多多習都冇乜效果，不如慳返D補習$，儲一筆送佢去外國好過。但係佢喺香港即 ...
為一可能係
1. 以前HK學位小, HK讀唔店並非學生真係差, 只係唔夠叻,
2. 如真的差果种, 連HK小人申請的科都入唔到, 去到外国可能会入到, 但當然唔會係出名的大學了, 不景英美加澳, 大學學位同學生比例高HK好多, 相到入到大學机会大d
作者: beastiebistro 時間: 23-6-4 15:04
本帖最後由 beastiebistro 於 23-6-4 19:31 編輯
9284 發表於 23-6-4 13:19
成日聽人講，喺香港讀唔成書，補多多習都冇乜效果，不如慳返D補習$，儲一筆送佢去外國好過。但係佢喺香港即 ...
1. 當然冇包生仔呢樣嘢。香港讀得唔好同去外國讀得好唔好冇關，可以好好又可以一樣咁差。
2. 關鍵係點解佢喺香港讀唔成書呢？本身能力一般？學校錯配？對課程冇興趣？太多誘惑（打機睇youtube等）？老師提唔到興趣？根本唔喜歡學術？太忙？督促得太高壓？
部分問題去英國係會有機會改善，例如減少誘惑，或者提升學習興趣咁。唔知咩問題，唔知去英國解唔解決得到。
3. 你哋期望係咩呢？求其一間大學畢業？求其一科？一定要入好大學？一定要入「好」科？如果要求唔特別高，我相信英國要入到大學應該比香港容易。
至於入咗大學就已經係大人，讀唔讀書以至畢唔畢到業真係睇佢自己，同喺香港或者喺英國冇咩關係。
4. 當佢喺英國普通大學嘅普通科畢業，要返香港搵嘢做，但係競爭力唔夠，搵唔到或者只係搵到啲好普通嘅工，咁你又會唔會覺得嘥咗成層樓嘅錢呢？
佢留喺香港真係大學都入唔到嘅話，咁你又諗住點幫佢呢？攞嗰筆錢買層樓送俾佢？
作者: Radiomama 時間: 23-6-4 15:17
真人真事：
在香港讀B3中學，覺得自己根本冇可能入大學，於是自己舉手去加拿大讀中學；之後，一個以加拿大的中學成績考入咗香港大學；一個入咗加拿大的大學，完成埋碩士，依家在加拿大從事金融。
重點在少年人自己發奮，重新俾個讀書環境同機會佢哋。
作者: 大食媽咪 時間: 23-6-4 16:12 標題: 回覆樓主:
我同意樓上講，讀書環境好重要，而重點係本身唔係唔讀書無上進心。
我見有個朋友既仔DSE成績差到貼底，之後過咗澳洲UNSW讀foundation，成績突飛猛進，之後順利升上大學。我都覺得幾神奇。
作者: poonseelai 時間: 23-6-4 17:26 標題: 回覆樓主：
本帖最後由 poonseelai 於 23-6-4 17:30 編輯
或者轉一個啱佢嘅學習模式會有幫助,香港也有提供IAL課程學校,唔想孩子出國或了解下會否適合,費用又平過去海外
作者: kk1186 時間: 23-6-4 17:49
回覆 Radiomama 的帖子
好激勵的例子，請問Band 3學生中幾去加拿大讀中學？入到香港大學什麼學系？都好替佢哋嘅爸爸媽媽開心
作者: 三二如六 時間: 23-6-4 18:44
其實在外國留學，除了可以入到大學機會外，可以去外國見吓世面，識吓其他國家的人，從而增加個人自理能力，解決能力和自我控制能力，更可以識多啲朋友，對日後工作係好大幫助。係香港唔係無，但我相信在外國機會係多啲l
作者: Radiomama 時間: 23-6-4 19:04
kk1186 發表於 23-6-4 17:49
回覆 Radiomama 的帖子
好激勵的例子，請問Band 3學生中幾去加拿大讀中學？入到香港大學什麼學系？都好替 ...
都係中四過去讀grade 10，回港大嗰個讀Business
作者: Radiomama 時間: 23-6-4 19:08
少年人是下了好大好大決心和用功才做到嘅，英文由包尾追番上去，不容易。其中一位寄住外國監護人屋企，脫胎換骨。
作者: Chole 時間: 23-6-4 19:10
我契仔話喺加拿大冇嘢做，最exciting 嘅時候就係返學！
作者: Yanamami 時間: 23-6-4 19:19
本帖最後由 Yanamami 於 23-6-4 19:25 編輯
唔係人人適合出國。
到底仔女本身想唔想？佢唔想你送佢出國，應該唔會有乜好結果。有啲又非常唔融入外國生活，成日“思念”香港好食好住多野玩，係外國“倍感寂寞孤單”。有的甩繩馬騮，父母山高皇帝遠，出國衹係吃喝玩樂，都唔係讀書。
到底佢本身語文okay嗎？如果本身語文可以，衹係香港教育模式或氣氛唔啱，都仲可以搏下。好多時有唔少學生係香港讀到好洩氣，但出國後老師比較多鼓勵同接納，佢地係會有機會變得更積極同有自信，對學習興趣亦會番黎。
唔想花左老本到頭來得個吉，最好仲係同年青人正正經經商量同研究一下。中四了，應該有自己意願同諗法，父母既憂慮亦可以俾佢瞭解下。
作者: 9284 時間: 23-6-4 20:58
本帖最後由 9284 於 23-6-4 21:07 編輯
佢語文其實ok，好似睇netflix咁，英文戲唔開字幕佢都睇到入哂神，如果netflix睇日劇卡通，佢都開英文字幕唔開中文字，佢話睇得明，試過有一次，我開明珠台master chef australia，我問佢其實唔睇中文字幕，你明唔明人講乜，佢話佢明。而家喺學業上，佢凡係用中文答卷嘅科(中史，中文，通識)，佢都炒(得幾分夠膽死)，只有用英文答既科目可以久唔久合格吓，但英文科佢就唔讀都全班頭五，所以我唸就算佢繼續香港考DSE，中文衰左都入唔到大學，仲浪費左佢咁好既英文留喺香港無用武之地，但又唸唸吓，佢喺香港英文點好都唔及人地母語，始終係佢學習態度都係有D問題，所以我都唔知博唔博一鋪比佢去外國好。佢梗係想出國，仲話隨時出都得添，但佢阿媽成富身家既$只夠供佢去外國頂多三至四年，如果佢去到搞唔掂，我同佢都會玩完
作者: Yanamami 時間: 23-6-5 01:28
升中四已經揀左科？都唔洗再讀中史。不過得幾分其係態度問題，我女中文都好差，但衰衰地拉扯一額汗都有個3。
作者: dlam141231 時間: 23-6-5 02:04
香港讀唔成, 去外國升學, 成功例子一般都會讓人拿出來勵志.
大概七八年前吧, 親友家也是聽到好幾個港生赴加升學成功例子, 把讀書唔成的孩子送出去加拿大讀私立高中. 孩子很喜歡, 本身就熱愛溜冰, 去到加拿大還愛上加拿大國技ice hockey, 場場比賽都有睇. 但第二年學期中, 孩子在沒有通知父母的情況下, 改了機票回港, 終止學業. 只知其一原因說跟不上, 上Economics課本來就不明白那些理論, 再加上老師英語說得太快, 他聽不懂.
我只能說, 送孩子出國, 父母要留意幾點, 除了他喜歡去他願意去, 還要看挑選甚麼樣的學校. 親友選的是私立寄宿中學, 當年學費連宿費一年三萬加元+, 每年畢業季學校網站都有post升上加國名校學生名單, 看來很吸引. 但這間私立高中只收留學生, 主要來源是中國, 這些中國學生本身成績就是不俗, 只是借這間學校為跳板, 不少只就讀高中最後兩年, 勤力學業, 升學目標明確. 我後來打聽一下, 說校內港生是成績相對差的一批 (當然有個別成功例子) . 恕我直言, 如果孩子埋堆成績差的港生, 日常生活說廣東話, 英文何來進步, 何來溶入當地生活.
其次, 他赴加應當是讀grade 11(相等于中五), 但第一年進入了ESL班(English as Second Language), 孩子一切適應得很好, 交了朋友, 愛上冰球等, 校內成績亦順利過關, 第二年升上正式班grade 11. 這個ESL班, 是適應期, 他為此已多讀了一年高中. 但不知道是課程安排出錯, 抑或其他原因, 好像銜接不上, 孩子一句聽不懂, 就跑回家去.
當然這個也只是個別例子, 像樓主孩子這樣情況, 我還是鼓勵的, 沒試過怎麼知道成不成呢? 又的確有港生送去同一間私立高中而成功的例子. 只是應多了解學校課程, 才好做出決定. 如果有計劃去那間學校, 能找到同校的家長了解就更理想.
作者: twhkleung 時間: 23-6-5 11:15
本帖最後由 twhkleung 於 23-6-5 11:22 編輯
非常同意.
從鼓勵覺度, 正面故事當然好, 的而且係有不少成功反身例子. 但話說回來, 成功反身例子是这類個案的多少? 最终成绩唔好霖住去外國讀, 最终只是某大學某Program某GPA畢業, 係咪最Cost Effective呢? 不去留在HK讀又会差別多大? 因為貼主強調係用盡一切, 咁后果又真係几大吓!
不如貼主分訢請楚小朋友成績不好是什么原因先? 点解去了外國讀这些影响会不再存在? 假設負面因素真的去除, 会有什么正面因素可令小朋友追反上去? 因為如果得幾分, 恐怕有根基/基楚未夠的問题, 而在外国, 通常用年令决定入边一级而非成績.
我朋友個小朋友剛到加讀G11(讀State School), 大半年过去了, 追得很辛苦, 曰日外補習, 但最后都係冇信心九月后升G12, 决定本來要take 4 科1個Semester而改為take < 3個, 变相到G12尾時唔夠credit 畢業, 可再來讀多一年G12, 这不算是留班, 也沒有科是retake, 個profile对报U沒大影响, 只是另類留班.
所以唔係真係HK讀唔好, 去到外国会自然好
(sorry, 唔係想discourage貼主, 只希望貼主同小朋友都先作長细考慮)
作者: kk1186 時間: 23-6-5 12:40
回覆 twhkleung 的帖子
請問你朋友嘅小朋友在香港讀Band幾中學同埋成績如何？你朋友嘅小朋友嘅例子都係值得我哋反思，香港讀得唔好唔代表會係外國讀得好。
作者: twhkleung 時間: 23-6-5 13:30
kk1186 發表於 23-6-5 12:40
回覆 twhkleung 的帖子
請問你朋友嘅小朋友在香港讀Band幾中學同埋成績如何？你朋友嘅小朋友嘅例子都係值 ...
作者: twhkleung 時間: 23-6-5 13:41
本帖最後由 twhkleung 於 23-6-5 13:42 編輯
kk1186 發表於 23-6-5 12:40
回覆 twhkleung 的帖子
請問你朋友嘅小朋友在香港讀Band幾中學同埋成績如何？你朋友嘅小朋友嘅例子都係值 ...
話又咁講,雖然話成績唔係好好, 但这边學位多, 成績再差都会搵到大學收, 畢業后一样搵到工, 有人請, 如只要求在加工作生活, 其实問题不大
作者: kk1186 時間: 23-6-5 17:08
回覆 twhkleung 的帖子
加拿大中學用什麼方法來決定transfer 幾多credits ？會唔會你朋友喺香港中學讀的成績有些科目係唔合格？我識人可以transfer 所有香港的credits，佢係讀香港band one 的中學，我本來以為全部香港啲學生去到都可以transfer所有credits?
作者: twhkleung 時間: 23-6-5 22:18
kk1186 發表於 23-6-5 17:08
回覆 twhkleung 的帖子
加拿大中學用什麼方法來決定transfer 幾多credits ？會唔會你朋友喺香港中學讀的成 ...
致於加會大state schhol点决定可transfer幾多credits, 我也不清楚, 入學流情如下,
1. 一份申請表選3間中學
2. 選第一的中學會比出入學考試, 考英數
3. 要睇在HK時的中學各级transcripts.
順自估:
Case 1 - 如入學考試考得好, transcripts又好, 即表現一致, 18 credits transfer應顺利
Case 2 - 如入學考試考得好, transcripts不好, 即HK的中學程度比間state school高, 18 credits transfer應顺利
Case 3 - 如入學考試考得不好, transcripts好, 即HK的中學程度比間state school底, 18個credits未必transfer得晒
但基本上, 加中學程偏淺(除英文外), 我見呀仔的同學, b1过來的都冇問题, 所以, HK成績真的很不好才会transfer唔晒18 credits.
但加中學d英文就真係好深, 嚴格來講, 我覺得基本上唔係教緊英文, e.g., 呀仔G12一份英文assignment, 要佢用Cinderella埋個童畫故事泥評論佢係点样反女權主意, 而HK學生連女權主意重心係乜都唔知, 所以除便寫d中立,好似比左意見, 霖住英文好咪得羅(呀仔IELTS 8.5), 点知老師話唔同意佢的觀点, 唔合格, 之後醒水, 勁罵本故事, 之后才高分返.
最后, 下面是Cambridge U对加中學的評价, 如果一早見到段話, 未必会去加讀中學
Canada High School Diplomas Canadian High School Diplomas are not considered to be suitable preparation for a competitive application to the University of Cambridge.
(選Canada)
作者: kk1186 時間: 23-6-5 23:46
回覆 twhkleung 的帖子
你仔仔雅思8.5好勁，我知道香港大學英文系畢業考雅思都係8.5，請問你仔仔係咪豁免咗讀ESL？同埋請問加拿大簡中學應該揀ranking 高啲定係Ranking低啲嘅中學？謝謝你。
作者: twhkleung 時間: 23-6-6 01:08
kk1186 發表於 23-6-5 23:46
回覆 twhkleung 的帖子
你仔仔雅思8.5好勁，我知道香港大學英文系畢業考雅思都係8.5，請問你仔仔係咪豁免 ...
所以, 如果依家再選, 我會選中上(排100名內的state school)而不会選最top的stae school.
另一原因係, top state school唔代學校好或老師好, 完入主要係華印學生多而己, d老師一样可以很差. 我估私校boarding school會好d.
还有加(state school)同港英教育理念真係很唔同, 港英(理論上), 老師同學生关係好close, 學生同學校關係好好, 正所謂"母"校, 好似呀妈同仔女咁, 所以点解alumni會咁掛住母校.
但加state school一定不會, 因為理念上, 學校係一個
1. 上課地方, 學生好似生产线上的产品, 老師就係生产线上工人, 同件产品係唔会有感情, 學生同老師互动很少, 你有野唔識去問,佢會教你, 但唔識又唔問, 佢也不會理你, 唔似HK, 老師有時会搵個學生問, 你埋排成績差左禾, 係咪有冇問题呀,之類. 而且沒有班主制, 改為有一位叫guidance counsellor由一入學校就跟進學生情况到離开(理論上), 但两年來, 呀仔見佢唔夠3次
2. 學校(可能叫機構会合适ｄ) 第二個责任, 係一個中位身份去評核學生成績 (因為加拿大好多省都沒有公开試, 全靠校內平核成績比大學), 就好似考IELTS咁, 比錢后去centre考試, 考完就走, 考生同centre沒有半点感情.
可能因為以上原因, 學校同學生要保持中立地位, 學生入唔入到大學, 佢會係中立, 所以, 我問學校每年有多少學生入了边間大學, 乜科, 幾分先有机, 佢全部話唔知. 也沒有責任幫学生报考大學,所以呀仔报UK大學, 問學校評估Predicated Grade, 一句冇就真係乜幫助都冇,结果英国一間大學都唔收, 我激氣到同校長講, 學校(港英)会盡力幫學生考入大學, 乜你地唔係嫁咩!!! 佢回答一句, 制度唔同...
我依家先明白, 港英名校, 會好重視學生入唔入到大學, 入大學率, 入乜大學, 入乜科, 但加的state school係唔理埋d, 佢真係同一間考IELTS centre冇分別的.
我以上評論唔係因為呀仔考唔到大學, 所以充滿怨氣(最后呀囝入左U of T CS with scholarship), 而係想分享比大家, 加拿大中學, 從制度到理念都同HK / UK 都好唔同, 一定要明白清楚, 被免有錯唔的要求或期望
作者: twhkleung 時間: 23-6-6 01:24
本帖最後由 twhkleung 於 23-6-6 01:27 編輯
kk1186 發表於 23-6-5 23:46
回覆 twhkleung 的帖子
你仔仔雅思8.5好勁，我知道香港大學英文系畢業考雅思都係8.5，請問你仔仔係咪豁免 ...
呀仔也要讀ESL, 因為加英文要求好高, 基本上科英文唔係考英文, e.g., grammar之類, 更唔教教曰常用英文, 而係教寫批判性文張, 今年G12 english, 功課包括一份批判馬克思主意, 一份分訴種族歧视, 重有討論烏托邦, 父權同母系社会... 乜埋d係英文泥咩???
呀仔英文算OK, HK間中學DSE英文算係全港其中一間最高的, 但呀仔係理科人, 机乎比埋科英文玩死!
埋個可能也是學校排名高的唔好处, 要教考都深d, 如果唔係d家長又投訴
作者: beastiebistro 時間: 23-6-6 09:03
本帖最後由 beastiebistro 於 23-6-6 10:05 編輯
twhkleung 發表於 23-6-6 01:24
呀仔也要讀ESL, 因為加英文要求好高, 基本上科英文唔係考英文, e.g., grammar之類, 更唔教教曰常用英文, ...
我諗呢樣係好多香港家長嘅謬誤，以為自己小朋友喺香港（local school）英文成績好就即係英文好。其實香港當英文係second language咁教，根本同英國/加拿大呢啲英文係first language嘅國家教法同要求都唔一樣。
作者: twhkleung 時間: 23-6-6 09:14
beastiebistro 發表於 23-6-6 09:03
我諗呢樣係好多香港家長嘅謬誤，以為自己小朋友喺香港（local school）英文成績好就即係英文好。其實香港當 ...
作者: 小時了了 時間: 23-6-6 10:38
本帖最後由 小時了了 於 23-6-6 10:41 編輯
twhkleung 發表於 23-6-6 01:24
呀仔也要讀ESL, 因為加英文要求好高, 基本上科英文唔係考英文, e.g., grammar之類, 更唔教教曰常用英文, ...
我孩子間OSSD網校G11-G12英文，我見孩子又要睇片、剪片、作詩(要押韻)、填詞咁，孩子講有的課程內容係佢學校英國文學教嘅內容，真係唔淺的
因為孩子選修科係 Geography, 當中有貧富懸殊等社會時事內容，故這些對佢英文課適應比較易啲上手，英文科就係好似Geography 咁寫essay 。仍然一句，英文唔容易，好似通識科咁幾科融合寫essay及意見，唔係教grammar 的
作者: Goodluck2022 時間: 23-6-6 13:23
回覆 9284 的帖子
預4 球幫子女洗底入大學。
將來未必會報答你， 但最小盡了努力。
香港地， 考dse , 只有4 成入到大學。（扣除乞食科， 其實你預2 成）
有能力一定幫！
作者: 洋蔥頭媽咪 時間: 23-6-6 14:14
twhkleung 發表於 23-6-5 11:15
非常同意.
從鼓勵覺度, 正面故事當然好, 的而且係有不少成功反身例子. 但話說回來, 成功反身例子是这類個 ...
認同你，正面故事當然勵志，但失敗嘅亦比比皆是，洗過百萬供孩子出國，畢唔到業嘅又有，畢業回港同普通畢業生一樣揾萬零蚊嘅亦有，樓主講到要頃盡全部去搏，唔成功就會玩完，是否都諗住將來旨意個仔養番？對外國完全無認識，兒子又無目標態度成疑，不成功就玩完，恕直言搏唔過喎。
作者: twhkleung 時間: 23-6-6 20:52
洋蔥頭媽咪 發表於 23-6-6 14:14
認同你，正面故事當然勵志，但失敗嘅亦比比皆是，洗過百萬供孩子出國，畢唔到業嘅又有，畢業回港同普通畢 ...
我就係貼主埋句, 我唔敢除便比出精神上的支持!
作者: twhkleung 時間: 23-6-6 20:54
小時了了 發表於 23-6-6 10:38
我孩子間OSSD網校G11-G12英文，我見孩子又要睇片、剪片、作詩(要押韻)、填詞咁，孩子講有的課程內容係佢學 ...
所以都係GCE A-level好d, 起馬自己知自己事, 可以唔選A-level英文泥考
作者: twhkleung 時間: 23-6-6 21:14
本帖最後由 twhkleung 於 23-6-6 23:11 編輯
twhkleung 發表於 23-6-6 01:24
呀仔也要讀ESL, 因為加英文要求好高, 基本上科英文唔係考英文, e.g., grammar之類, 更唔教教曰常用英文, ...
保返句先, 唔好客親想去加讀中学既同學仔.
我覺得係这英文老師自己要求高但又經驗唔夠, 因為同校長傾時, 校長話佢係今年第一年教書.
我对这老師主要係以下両点不滿.
1. G12學生要考大學, 唔好比分比到大起大落, 一時70, 一時95... d學生客到死死下
2. 我覺得批判性文章, 沒有绝对"对與錯", 如表达的意見, 沒有違法, 沒有超越導得底線, 你唔應該用我唔同意你既觀点泥比好底份, 否則, 即係只准學生跟從老師意見而不許有別的看法 (呀仔醒水, 第二份assignment, 唔再講自己意見, 而係估老師想大家答乜, 结果真係羅返95份, 但咁样就令我更不滿...)
作者: Bunnygirl 時間: 23-6-6 21:49
美加大麻合法亦好普遍有朋友小朋友b3中學去加拿大私立中學，諗住small town d人純d冇咁多中國人，冇錯練得－口流利英文，但點知食大麻上𦻕，入吾到大學，依家頭痕吾知返香港好定repeat好
作者: 964000 時間: 23-6-6 23:24
9284 發表於 23-6-4 20:58
佢語文其實ok，好似睇netflix咁，英文戲唔開字幕佢都睇到入哂神，如果netflix睇日劇卡通，佢都開英文字幕唔 ...
如果唔想洗咗成層樓，不如轉國際學校，洗費係出國少過一半，學習課程跟外國，老師較encouraging, 避了中文弱項，較大機會提升學習興趣，而且香港IS成績都好校風亦好。
作者: twhkleung 時間: 23-6-7 03:12
Bunnygirl 發表於 23-6-6 21:49
美加大麻合法亦好普遍有朋友小朋友b3中學去加拿大私立中學，諗住small town d人純d冇咁多中國人，冇錯練得 ...
我有d朋友的仔女, 小時唔喜欢讀書, 一早出來做野, 好彩冇學壤, 幾年后便知讀書重要, 好彩屋企支持佢, 最後從反校園, 遲总好过
作者: poonseelai 時間: 23-6-7 06:43
964000 發表於 23-6-6 23:24
如果唔想洗咗成層樓，不如轉國際學校，洗費係出國少過一半，學習課程跟外國，老師較encouraging, 避了中文 ...
我也覺得不如試下留港轉學制，但升中四，IS對成績也有要求，樓主形容孩子除了英文，其他科都唔得，或者可試下提供IAL私校，專供幾科
作者: 洋蔥頭媽咪 時間: 23-6-7 12:57
本帖最後由 洋蔥頭媽咪 於 23-6-7 17:28 編輯
9284 發表於 23-6-4 20:58
佢語文其實ok，好似睇netflix咁，英文戲唔開字幕佢都睇到入哂神，如果netflix睇日劇卡通，佢都開英文字幕唔 ...
雖然未必啱聽，但送得孩子出國讀書，就一定要有心理準備， 計清楚條數條路要點行， 年青人嘅態度又是否值得咁做， 撐咗隻艇出大海， 唔夠動力嘅話就會進退兩難。
樓主提到兒子雖然英文能力唔錯， 但學校成績好差，所有中文答嘅科目都炒，英文答嘅科目就久唔久先合格， 學習態度的確好大問題， 要留意響香港嚟講可能覺得英文唔錯， 但去到外國英文只係好基本嘅嘢，冇乜競爭力， 唔肯努力嘅話比佢出國根本就係倒錢落海，咁嘅情況我就唔建議畀佢出國， 反而樓主應該好好同兒子傾下，首先要改善佢嘅學習態度， 點唔鍾意都好讀書本來就係學生自己嘅責任， 毫無責任感去到邊都一樣攪唔掂。
呢個帖子跟樓主身兒子有啲相似，可以睇下
https://www.edu-kingdom.com/forum.php?mod=viewthread&tid=3875847&extra=page%3D1
作者: coco209 時間: 23-6-7 15:21
中文弱，如果中文科DSE得1，其他科有3-4，還可在港升學嗎？
作者: 洋蔥頭媽咪 時間: 23-6-7 17:40
本帖最後由 洋蔥頭媽咪 於 23-6-7 18:12 編輯
coco209 發表於 23-6-7 15:21
中文弱，如果中文科DSE得1，其他科有3-4，還可在港升學嗎？
中文弱，其他科得 3-4 唔夠高分，大學唔會破格取錄。
有心想讀上去而家庭經濟負擔到 .
- 未上高中可考慮轉跑道，直資/國際學校揀 IB/ AL，避中文用non jupas 入本地大學
- 考慮出國或返國內升學
- DSE後行其他路，由 FD/毅進 讀起，再上HD / AD 再駁上大學
作者: kooliestgirl 時間: 23-6-8 07:50 標題: 回覆樓主:
有無想過在港讀國際學校？咁就唔洗點讀中文，亦平過出國，儲多幾年錢大學先出？
作者: 9284 時間: 23-6-8 12:20
kooliestgirl 發表於 23-6-8 07:50
有無想過在港讀國際學校？咁就唔洗點讀中文，亦平過出國，儲多幾年錢大學先出？
...
作者: beastiebistro 時間: 23-6-8 12:36
本帖最後由 beastiebistro 於 23-6-8 12:40 編輯
9284 發表於 23-6-8 12:20
佢張滿江紅既成績表, 我真係唔認為一間好既國際學校會收佢, 其實我都有唸, DSE考完知道佢有幾差先至比佢出 ...
點解你認為滿江紅嘅成績表會冇香港國際學校收，但係到時就會有外國大學收呢？就算咁嘅成績真係有外國大學收，嗰啲大學其實你會唔會想俾錢佢去讀呢？讀咗有咩意思呢？
既然錢係問題，其實你都冇咩選擇喎。現階段好似只有試吓香港嘅國際學校，哪怕係你心目中冇咁「好」嗰啲。
其實係仲有一個辦法嘅。英國唔少大學有Foundation year。一年制，如果成績達標就可以上返嗰間大學嘅year 1。呢樣唔係寄宿學校，唔會有咩寄宿體驗。但係，如果目標為本，錢又有限，都係一個選擇。當然未必會係一線大學，不過如果aim for啲比較好嘅二線大學，都未嘗不可一試。
但係最後佢肯唔肯俾心機讀書上返嗰間大學都係睇佢自己。（起碼咁就避開咗所有中文based嘅科目）
作者: Poyau 時間: 23-6-8 12:44
9284 發表於 23-6-8 12:20
佢張滿江紅既成績表, 我真係唔認為一間好既國際學校會收佢, 其實我都有唸, DSE考完知道佢有幾差先至比佢出 ...
英國? 程度上 中四 = Y11 考 GCSE
如果九月開學未足15歲 可選 Y10
GCSE 正常讀兩年 較一年濃縮課程佳
亦可中五才去 Sixth form 讀 AL
或者留港讀 IFY 有 NCUK 大學保底
作者: kooliestgirl 時間: 23-6-8 13:14
9284 發表於 23-6-8 12:20
佢張滿江紅既成績表, 我真係唔認為一間好既國際學校會收佢, 其實我都有唸, DSE考完知道佢有幾差先至比佢出 ...
試下apply睇下點先啦，如果財力有問題，我唔建議夾硬出國，而且唔係一定讀到書先有前途，出來做下野知道辛苦再讀返都無問題
你仲要諗下洗晒d錢比小朋友讀書，將來你地老了點算好？呢個年頭都唔會靠仔女養，做父母愛錫子女係必然，但都要睇能力，如果旨意小朋友將來養返你地，只成為佢地負擔
作者: Azzurro 時間: 23-6-8 13:20
人生留留長，有些人二十幾歲開始發力，有些人三十幾歲開始發力
當然失敗的人總比成功的人多，好野永遠係稀缺的呢
我一個朋友中學讀書一般去了美國cc，之後博士畢業，宜家係某行業龍頭之一
另外一個係以前 dbs 讀書，之後係香港讀cc，之後好似屋企有錢去英國補底
有錢確實可以有多一個機會，但是成功比例當然依然很低
可以放心的是
失敗例子冇人會記得，冇人會得閒去理，所以都唔存擔心冇面嘅問題
別人只會記著成功例子呢
作者: zitaeric 時間: 23-6-8 13:56 標題: 回覆樓主:
佢現在中三？準備升中四？
中文科吾得，揀佐科未？
中四吾揀中文嗰些会吾好些？
現在係 Band 幾學校？
但又講英文嘅科目都係吾穩定，似乎吾關中文或者英文嘅問題。有冇勤力過？
有好多細路見到人走我又想走，以為輕輕鬆鬆，可以玩多過讀書。我見有兩類，輕鬆渡日，吾洗点讀都高分，嗰些本來起香港就係學霸同聰明類。另一類話好多野讀好忙，佢地好勤力去準備考公開試。去到高中点都吾可以hea, 起外國無王管，吾会突如奇來好佐成績？萬一搞好成績，學壞了就吾知点算。
香港至少有家人，有心怎会補吾到，應該合格吾難，
非常吾贊成用甘大部份積蓄去外國讀書在這個case，徐非錢不是問題。
作者: 小時了了 時間: 23-6-8 14:23
本帖最後由 小時了了 於 23-6-8 14:27 編輯
9284 發表於 23-6-4 13:19
成日聽人講，喺香港讀唔成書，補多多習都冇乜效果，不如慳返D補習$，儲一筆送佢去外國好過。但係我心中又有疑問，佢喺香港即使有補習都冇成效，有阿媽督住都唔肯上心去讀書，更何況自己一個去到咁遠，D野唔識又冇人幫佢補比佢問，唔通過到去就變左乜都識？又即刻成個人有上進心左？唔會啩？！佢而家升中四，究竟我應唔應該洗成層樓既$供到佢大學畢業?(如果真係畢到業的話)至怕供完畢唔到業，我仲冇左一筆退休金，呢啲case我的確聽唔少
樓上唔少網友分享過係香港讀, 但可以考慮其他課程, 唔考DSE, 我分享吓 香港: >>> DSE (JUPAS) vs 自修或兼讀 IAL/GCEAL/OSSD (Non JUPAS) https://www.edu-kingdom.com/forum.php?mod=viewthread&tid=3750842 這資料俾你容易啲搵直資/ 私校 / 國際學校 / 補習社 / 網校
以下是4 個國家, 我早年詳細資料搜集過讀高中比較平 (~由十萬至廿幾萬一年) (英國寄宿學校一般幾十萬一年比較費), 你不妨參考下
日本 (十幾廿萬一年連寄宿): https://www.edu-kingdom.com/forum.php?mod=viewthread&tid=3764441
加拿大(十幾廿萬一年連住宿 homestay): https://www.edu-kingdom.com/forum.php?mod=viewthread&tid=3789614 & https://www.edu-kingdom.com/forum.php?mod=viewthread&tid=3796256
愛爾蘭 (廿幾萬一年連寄宿): https://www.edu-kingdom.com/forum.php?mod=viewthread&tid=3754583
廿萬英國公立政府預科學校&新西蘭/紐西蘭GCEAL課程留學 https://www.edu-kingdom.com/forum.php?mod=viewthread&tid=3699273
作者: 小時了了 時間: 23-6-8 14:37
本帖最後由 小時了了 於 23-6-8 14:39 編輯
9284 發表於 23-6-4 13:19
成日聽人講，喺香港讀唔成書，補多多習都冇乜效果，不如慳返D補習$，儲一筆送佢去外國好過。但係我心中又有 ...
如果，如果轉換咗高中環境，高中成績能成功轉好，之後可以用Non Jupas 申請報讀返香港嘅大學。如真是這情况，樓主只是要負擔高中3年~八十萬以內的費用，而不是外國大學3或4年~一百五十至二百萬的費用了
辦法，總比困難多，加油樓主
作者: 小時了了 時間: 23-6-8 14:54
9284 發表於 23-6-4 13:19
成日聽人講，喺香港讀唔成書，補多多習都冇乜效果，不如慳返D補習$，儲一筆送佢去外國好過。但係我心中又有 …
加拿大BC 省讀2年 Associate Degree/ Diploma銜接BC省大學 https://www.edu-kingdom.com/forum.php?mod=viewthread&tid=3800920
本地香港如 DSE 成績不好, 建議讀副學士 / 文憑再銜接考香港嘅大學
條條大路通羅馬
作者: Nbranson 時間: 23-6-9 10:16
讀唔成書全班考尾幾嗰啲去外國讀書真係有用。但係讀到嘅，除非你入到美國Ivey league英國兩三大.... 其餘嗰啲二線大學，分別都唔大，過去十年係美芝投資銀行對沖基金反而見得多本地大學global finance quant fin 嘅學生。而家大公司的hr真係會攞呢份transcript逐科睇，香港學生喺外國讀二線大學好多都係碌喎成績唔見得人。呢個年代冇得呃㗎啦。.
作者: 9284 時間: 23-6-9 17:42
Nbranson 發表於 23-6-9 10:16
讀唔成書全班考尾幾嗰啲去外國讀書真係有用。但係讀到嘅，除非你入到美國Ivey league英國兩三大.... 其餘嗰 ...
作者: Yanamami 時間: 23-6-10 02:12
9284 發表於 23-6-9 17:42
講到好似你咁恐怖, 會唔會太極端呀? 如果真係, 仲有人送D仔女去外國讀書既? ...
作者: LeeCC 時間: 23-6-10 06:39
本帖最後由 LeeCC 於 23-6-10 06:41 編輯
其實都睇小朋友過到去識的生活圈子和朋友圈子
有親戚係香港讀band3學校，無心向學，讀完初中過去加拿大跟一個親戚住，長輩係專業人士，cousins都係軍隊工作，屋企好有規矩，住的地方又無乜華人，天寒地凍，同學的興趣係打hockey,佢生得細粒，無參加，初初真係悶到抽筋，結果養成睇書習慣，連教科書都覺得好睇，最後讀埋master返來
作者: Radiomama 時間: 23-6-10 09:05
9284 發表於 23-6-8 12:20
佢張滿江紅既成績表, 我真係唔認為一間好既國際學校會收佢, 其實我都有唸, DSE考完知道佢有幾差先至比佢出 ...
其實佢自己開竅未？又還是仍要阿媽推一推、才肯郁？
我之前分享嘅兩個cases, 都係年輕人自己已諗通、肯努力才會達到目標。
第一個在band 3已屬級頭，但學校往績無學生入到三大，所以佢先覺悟自己的處境而要求去加拿大。當然屋企有一定程度經濟能力。
第二個係得到加拿大的auntie支持，全力負擔其學費及照顧埋生活，最後以加拿大中學成績可經non jupas 回港唸大學。在這情況下，孩子在那兩年怎會不搏盡。
別人成功不代表自己也會成功，最緊要睇清楚自己的條件。
作者: twhkleung 時間: 23-6-10 09:39
9284 發表於 23-6-9 17:42
講到好似你咁恐怖, 會唔會太極端呀? 如果真係, 仲有人送D仔女去外國讀書既? ...
可能这位網友只係善意提醒而已, 不用太坦心, 正如F500公司管理增, 有幾為名校畢業, 有幾多非明校畢業, 我之前好似見过份文章, 名校(美國Ivey league英國兩三大)畢業的, 真實比例真係一d都唔高(什致可用低來形容), 特別的STEM科技業.
目前最重要係睇下自己小朋友係"幾有心想從新出发", 努力學業.
重要小心一点, 目前成績唔好, 但有冇基楚問题, 因為过去時已是高中, 有基楚問题既話, 呀仔會追得几辛苦, 佢夠成熟面到自己條路末? 否則, 不如在HK repeat一年, 或轉其它校加讀低一年,再努力.
我自己只見过成績唔係太好去外国讀而可成功回來, 但仍未見过成績好差, 特別係高中偕段, 而又有好大學好成績回來.
作者: zitaeric 時間: 23-6-10 11:38 標題: 回覆樓主:
有公司，廿幾個同事，個個至少十幾萬一個月，大部份吾係咩名牌大學出生，但全部都經驗豐富。我屋企人做某大企業HR，In 同一個人要in 五，六次先請，學歷係基本，人特質係主要，見到你太名牌出身，反而会擔心你做吾做得長等等。現在仲成日講只有G5先好，做工只識投行，其實幾落後。最終成吾成功，吾係在乎你咩大學出身，當然吾係太差，肯努力，憑自身性格同上進一定吾会太差。
樓主可以先同佢細心傾，張屋企狀況話佢知，了解佢有冇想做咩，如果真係想試吓出國，先去聽吓升國講座，同升學顧問了解吓，好似現在都好興中五後出去讀foundation之類，自已再計吓條數，每步都要有佢参與，仲有時間考慮，一步一步揾資料，慢慢就唸到。
囝嗰到，如果要出去，都要睇中四，五成績表，所以要比人睇到進步，又吾合格到合格。
其實，多人走了，香港相對較以前容易同多佐位，好似東華，係好吾錯，收分都吾高，性價比又高，可以研究吓。
升中四，少佐中文，又只剩自己喜歡科，應該成績會好轉。
識朋友，dse 後過了uk大學讀英文，當時中文dse吾過關，去了foundation, 之後讀得非常好，好似仲準備考埋個教書牌。 點都好，先認真讀書，知道父母苦心，鼓勵佢有上進心，路係人行，但要肯努力去行。
作者: angelleungyp 時間: 23-6-12 14:00
當年囝仔讀band 1B學校，校內Form 4成績中下，好大機會不能入讀香港的大學。如果入到，都係入到比較次幾等的大學/科目。於是乎我們在他升中五時候，靶心一橫送他到英國寄宿中學讀書。之後我們完全估唔到他A-Level取得非常好成績，並且用 oversea student 身份能入讀到uk dentistry 呢！
作者: kk1186 時間: 23-6-12 14:53
回覆 angelleungyp 的帖子
是不是去到外國沒有人同佢打機？其實喺香港好多男仔掛住同朋友打機所以成績唔好，去到嗰邊冇人同佢打機就可以靜心讀書？你仔仔應該本身資質唔錯
作者: 9284 時間: 23-6-13 15:56
本帖最後由 9284 於 23-6-13 15:57 編輯
angelleungyp 發表於 23-6-12 14:00
當年囝仔讀band 1B學校，校內Form 4成績中下，好大機會不能入讀香港的大學。如果入到，都係入到比較次幾等 ...
其實我女而家都係B1學校, 可能幼稚園讀國際學校, 睇開英文書, 同鬼佬溝通開, 到到升小學入左去一間中文好勁既直資小學, 又普教中, D中文課程又勁深, 所以一直以來中文/中文教的科都好低分, 對自己無哂信心, 到升到去中學情況都無改善, 所以今年升中四選科, 我都唔預佢可以選到自己喜歡既科目, 而且我好相信DSE死中文的話, 佢都無大學收, 情況其實同你仔仔好似, 所以我都把心一橫想送佢去外國讀寄宿, 就算去到最尾入唔到D咩好大學/科目, 起碼都叫去外國體驗過, 唔多唔少對小朋友既性格同成長, 我相信都會起到作用
作者: kk1186 時間: 23-6-14 10:38
回覆 9284 的帖子
佢自己想唔想去？如果佢自己想去，有推動力，成功機會就比較大。同埋你可唔可以去陪讀，如果媽媽可以喺身邊陪讀，又會好啲。我識嘅個案就係喺香港讀書成績中間，英文好，但係中文唔好，為咗避中文DSE，而家去咗英國讀書，聽聞讀得唔錯。
作者: 9284 時間: 23-6-14 16:41
kk1186 發表於 23-6-14 10:38
回覆 9284 的帖子
佢自己想唔想去？如果佢自己想去，有推動力，成功機會就比較大。同埋你可唔可以去陪讀， ...
作者: hoihoima 時間: 23-6-18 00:11
回覆 Nbranson 的帖子
quant fin 確係好受I Bank 歡迎，本港好大學的quant fin不愁出路
| 歡迎光臨 教育王國 (/) |
Powered by Discuz! X1.5 |