教育王國
標題: IB & DSE [打印本頁]
作者: 天外之人 時間: 23-4-24 12:59 標題: IB & DSE
這個主題好像影響各家長想小朋友將來入大學之路選擇，在升中版停止了討論，但為以後既小朋友學習路，值得討論一下。
看到有專業家長提及IB 的歷史原因係支持外交官及經常relocation 的家庭，這一點我係十分之認同及有需要，始終香港係國際社會，有不同地方國家既家庭小朋友搬遷到來生活，自然相應用他們地方的教學方式學習，這樣冇咁容易不適應。 我既著眼點係，香港教育制度做得唔好，且有點識英文會有高人一等心態，以便從小偏向英文重於中文學習幣處(有數據講先識英學中困難過先識中學英)，自然慢慢中文能力越來越抗拒，心態上為了入大學偏向這個IB模式方向學習，從而令本土既DSE不吃香，且更令部份如有位med.家長所指本土學生不公平心態。
我唔否認IB有佢既好，DSE亦都唔係差，衹係一個小朋友有心學習，向那一種模式都一樣可以。衹係教育局應該係要攪好自己梗式，令本土既人對自己地方既教育模式唔抗拒，讀到各地大學認可人才能力，自然其他地方大學都一樣招攬，本地大學更多於招收，咁先係香港教育制度之福。
講到直資有IB學習咁好，家長又真係十分願意交學費，自然學校唔怕冇學生，政府就更唔需要資助IB學校，它們都一樣有能力辦好，應將更多資源投放於DSE統一學校仲好，若然直資都教DSE，那便統一跟所有學校一樣教學，咁樣政府才可給予教學資源比直資學校。 唔明白家長為何會怕統一教學，最起碼大部份家長唔會因此有選校煩惱，北區同中環學校都係一樣咁學，資優學生可在網上學取到高知識(唔明白可小休或放學時候向老師提問)，唔需要學校去遷就呢類學生，這樣每間學校就在於老師教學能力(老師更唔會固步自封)，且學校就更用心向著學生和老師，唔會衹為了學校名聲去教學，容易走向壞方向發展(德信學校就是其中一個例子)。
作者: poonseelai 時間: 23-4-24 13:56 標題: 回覆樓主：
本帖最後由 poonseelai 於 23-4-24 13:56 編輯
何謂"專業家長"？ 為何討論兩個不同制度由英文講起？
作者: retriever 時間: 23-4-24 16:37
天外之人 發表於 23-4-24 12:59 
這個主題好像影響各家長想小朋友將來入大學之路選擇，在升中版停止了討論，但為以後既小朋友學習路，值得討 ...
我親友在大學教書, 他不太喜歡IB 入來的學生;
討論兩學制有不同方面, 學習方式, 入U 機會... 後者涉及資源分配機制!
如果提到如舊POST 說到的公平問題, 我總覺得有資源的家庭永遠有更多選舉, 沒什麼好怨的...
如果可以重來, 我寧願復古, HKCEE/HKAL, YES, I AM AN OLD CAKE
作者: 天外之人 時間: 23-4-25 11:40
本帖最後由 天外之人 於 23-4-25 11:42 編輯
回覆 poonseelai 的帖子
專業各人定義都不同,在EK會講很多什麼數據分析呢類家長都算係專業人仕.
冇咩特別會帶出為何由英文說起,其實兩個制度都係需要學英文,衹是帶出為何好多家長所講中文好難原因,中文漢語公認係全世界最難學排名第一,且小朋友正常從小學習階段學野好快,舊世界主導既英文語言更令各家長覺得小朋友能流利運用會有優越感,且又是不難學語言之一,好多便從小捨難取易,從小不停咁灌輸英文,自然成長越大,對更難運用既中文更抗拒.自然慢慢在升學路上,涉足了家長會偏向小朋友用那一種教育制度,甚至出國去.
作者: 天外之人 時間: 23-4-25 12:03
本帖最後由 天外之人 於 23-4-25 12:04 編輯
回覆 retriever 的帖子
所以"教育"呢方面就更顯重要,
的確有資源家長係有多方面選擇,這衹是個人家庭問題,制度方面是大環境,每個地方應有自己獨特專業及好既教育制度,令學習既學子真正學有所成.
PS: 睇今次在國內旅行,在其中一個景點與幾位中小學生傾計,真係兩個唔同世界,令我孩子都獲益良多.
作者: retriever 時間: 23-4-25 13:28
天外之人 發表於 23-4-25 12:03
回覆 retriever 的帖子
所以"教育"呢方面就更顯重要,
"政府就更唔需要資助IB學校，它們都一樣有能力辦好，應將更多資源投放於DSE統一學校仲好"
直資是按人頭收資助的... 我很好奇揀了IB 的學生, 是否仍然為學校收到政府資助...
我一直反對DSE. 覺得由廣受認可的HKCEE 轉為全新的DSE有點不明不白... DSE 當年加入LS 目的也是可疑的...
你可否分享一下, 從幾位國內中小學生傾計, 如何獲益良多?
作者: 天外之人 時間: 23-4-25 17:31
回覆 retriever 的帖子
作為普通家長的我,你我所認知既獲益良多可能都不同.
我的普通話普普通通,所以大部份都是孩子與他們傾計居多,我同先生都係隨意插些話,在我感覺這次傾計國內中小學生全無害羞之心(可能現今國內安全指數提昇好多),孩子與他們的熱情對答如流亦令我感覺她自信感滿滿(或許本身都好有自信心),這點已經令我覺得她有獲益良多感覺,真的要再有深層次學術交流,更不是一般半天或幾小時遊學可以做到,當然現今科技咁發達,留了雙方面Wechat也可以得到,
作者: ANChan59 時間: 23-4-26 07:41
IB 係相對香港小學，初中及NSS學制，IBDP 相對DSE係考試，係兩回事。
作者: 天外之人 時間: 23-4-26 10:11
ANChan59 發表於 23-4-26 07:41
IB 係相對香港小學，初中及NSS學制，IBDP 相對DSE係考試，係兩回事。
作者: poonseelai 時間: 23-4-26 10:24
天外之人 發表於 23-4-26 10:11
不論所指學制好,考試制度好,大部份家長最主要都係一個原因,令小朋友學得到好,這個才是最根本.問自己就知道, ...
不知你講下dse好同無咁好嘅地方, 包括學制和考試制度兩方面
作者: 天外之人 時間: 23-4-26 10:51
回覆 poonseelai 的帖子
其實我衹係個普通家長,無稔到咁複雜既野,o黎到EK多年來見到好多專業家長所指呢樣好呢樣唔好,各持己見.
但都如我上幾版所講,孩子有興趣學習,邊類學制及考試制度都一樣可以做到,衹係我o地身在所謂公平既香港,有自己制度,應該攪好自己制度令世界認可. 好多人講DSE中文科好難考,仲講係死亡之科,咪睇下考評局點樣攪好啲,唔係話要個個教育官員係"孔子",但希望都貼近啲"孔子"教育思想,唔好將名利金錢影響到教育. 我係覺得攪好咗幼稚園及小學部份,肯定大部份中學學生都係精英,自然話之理IB或DSE都有信心.
作者: poonseelai 時間: 23-4-26 10:57 標題: 回覆樓主：
本帖最後由 poonseelai 於 23-4-26 10:58 編輯
中文已不是死亡之科, 英文取3比率已低過中文, 家長們又好似無問題咁。我同意幼稚園小學中學打好個底好重要, 而家比大學資源好多, 有人比喻好似養隻雞仔自小無啖好食, 大個打補針效用有幾大？
你又對dse無睇法, 一句唔差, 唔知怎討論
作者: retriever 時間: 23-4-26 11:03
本帖最後由 retriever 於 23-4-26 11:11 編輯
天外之人 發表於 23-4-25 17:31
回覆 retriever 的帖子
作為普通家長的我,你我所認知既獲益良多可能都不同.
國內細路無咁害羞, 這點是的, 看起來自信也可能是的...
這方面跟兩地的教養習慣有關, 香港可能規舉較多, 特別中產家庭; 內地較鬆, 內地大部分小孩由老人帶養, 除非老人是退休老師或軍人之類, 否則對孩子帶養限制都較少的...
這方面有好有不好啦. 跟國內孩子一起吃飯, 會看到明顯差別.
國內小孩說話滔滔, 但搶起飯菜來有點無規無舉... 所以, 雙方家長聊起, 國內家長會讚香港孩子有禮乖巧, 香港家長讚國內孩子口才了得
能力方面, 要看遇到哪裡的孩子... 譬如: 某校國內交流, 遇杭州某私校, 會驚訝對方代表中英文了得... 這裡重點關鍵字是, 杭州, 私校, 代表...
作者: retriever 時間: 23-4-26 11:10
天外之人 發表於 23-4-26 10:51
回覆 poonseelai 的帖子
其實我衹係個普通家長,無稔到咁複雜既野,o黎到EK多年來見到好多專業家長所指呢樣 ...
唔知如何比較以往HKCEE 跟現在DSE 的中文... 但DSE 中文科有包袱... 因為要保留教育中華文化的目的 ... 即係要保留文學部份, 包括賞析...
以往的英文, 當外語學, 是以應用為主要學習目的... 要賞析, 可唸英國文學...
國際學校學中文, 是當外語學, 當然比DSE 易...
IB 的中文有不同等級, 我不太清楚, 留返比其他高人講啦...
作者: poonseelai 時間: 23-4-26 11:36
retriever 發表於 23-4-26 11:10
唔知如何比較以往HKCEE 跟現在DSE 的中文... 但DSE 中文科有包袱... 因為要保留教育中華文化的目的 ... ...
本帖最後由 poonseelai 於 23-4-26 11:39 編輯
我唔係高人, 只係一個孩子唸ib school嘅師奶
ib所有語文分3級, 母語水平, 2nd language and 從未學過（ab initio), 可按孩子能力選, 當然個別學校有規定, 例如大部分IS要求考或只提供英文母語水平, 另外一個語文可以考2nd language or ab initio, 如孩子母語不在學校提供課程內（見過日文）, 有學校會提供協助考母語水平。
直資大部分要求考中文ib母語水平， 有只提供英文 as second language
據我所知, dse中文無分科, 好似英文可考少一張paper? 但最高只會獲4分
作者: retriever 時間: 23-4-26 11:45
本帖最後由 retriever 於 23-4-26 11:46 編輯
poonseelai 發表於 23-4-26 11:36
本帖最後由 poonseelai 於 23-4-26 11:39 編輯
我唔係高人, 只係一個孩子唸ib school嘅師奶
請教一下:
我理解IB 中文分A, B... 中文A 給母語為中文的學生... 是否還有HL, SL 之分?
內容是否以應用為主?
DSE 中文包含文學內容及賞析是事實, 也是難攪之處... 包袱不能掉... 當天還攪了 "不用範文"...
作者: poonseelai 時間: 23-4-26 11:49 標題: 回覆樓主:
其實今時今日更要考慮在AI日益普及情況下, 孩子需要什麼技能, 學校教育模式如何配合更重要
作者: poonseelai 時間: 23-4-26 11:54
本帖最後由 poonseelai 於 23-4-26 14:45 編輯
retriever 發表於 23-4-26 11:45
請教一下:
我理解IB 中文分A, B... 中文A 給母語為中文的學生... 是否還有HL, SL 之分?
所有ib母語水平也包括文學分析, 分HL and SL, 兩者分別在教學時數及paper數目。母話水平再分literature同language and literature, 後者有分析文學作品以外作品, 例如廣告。選literature 要看好多本（唔肯定是否十本左右）文學作品。
ib中文無範文, 由學校選文學作品, 有時間分享下D考試題目
作者: poonseelai 時間: 23-4-26 13:49
本帖最後由 poonseelai 於 23-4-26 14:31 編輯
retriever 發表於 23-4-26 11:45
請教一下:
我理解IB 中文分A, B... 中文A 給母語為中文的學生... 是否還有HL, SL 之分?
ib 語文A literature HL 要睇13部作品, SL 9部
https://www.ibo.org/programmes/diploma-programme/curriculum/language-and-literature/language-a-literature-slhl/
ib 語文A Language & literature HL 要睇6部作品, SL 4 部
https://www.ibo.org/programmes/diploma-programme/curriculum/language-and-literature/language-a-language-and-literature-slhl/
IBO has prescribed reading list. I think school decide the list of books to study:
https://ibpublishing.ibo.org/prl/?lang=en
作者: poonseelai 時間: 23-4-26 14:08 標題: 回覆樓主：
本帖最後由 poonseelai 於 23-4-26 14:20 編輯
下面是2016年Nov Chinese Language and literature SL paper 2, 一小時三十分內選一條回答, 佔25分：
回答下列任何一個討論題。你的回答必須以課程第三部分選修的兩部文學作品為基礎。如果沒有根據這兩部作品進行討論，就不能得到高分。回答中應闡明你是怎樣通過語言文字和相關背景來閱讀理解每一部文學作品的。
1. 在你選修的兩部文學作品中，作者如何通過友誼的刻畫，來加強作品的主題？
2. 在你選修的兩部文學作品中，作者如何透過描寫低下階層的貧困生活，進而突顯當時的社會問題？
3. 在你選修的兩部文學作品中，作者如何通過家庭中的代溝現象，來探討社會中不同的價值觀？
4. 在你選修的兩部文學作品中，人物性格如何受到社會環境的影響，而產生了不同的變化？
5. 「文學作品的作用不在於提供娛樂，而在於達到某個政治性或社會性的功能。」你同意嗎？ 請透過你選修的兩部文學作品，加以分析說明。
6. 在文學作品中，作者有時會使用特別的方法來處理時間元素，例如改變敘述的時間順序，或對現在和過去做些特別的安排。請分析在你選修的兩部文學作品中，作者如何使用時間元素去達到特定的效果？
我知有家長以ib取7分比率高於Dse取5**比率, 總結ib easy job, 我只可以話好彩唔係我考, 而選chinese A 的孩子中文唔會太差, 才敢選。
作者: ANChan59 時間: 23-4-27 04:57
天外之人 發表於 23-4-26 10:51
回覆 poonseelai 的帖子
其實我衹係個普通家長,無稔到咁複雜既野,o黎到EK多年來見到好多專業家長所指呢樣 ...
你的子女可能重細，你只留意幼稚園及小學可以理解。
但你教育的資訊就幾落後及表面，你喜歡就好！
作者: 天外之人 時間: 23-4-27 12:11
回覆 ANChan59 的帖子
我都覺得自己落後同表面,且都年過半百,不想浪費太多金錢在自己身上,就算考到什麼証書文憑,以香港老闆心態,這年紀都唔太歡迎,所以儘量給予孩子需要,自己夠生活就夠.
我所指IB & DSE討論,不在於各自內裡怎樣可考取好成績,我相信幼稚園小學部份基礎攪唔好,考邊一個制度都唔會好,更唔係靠學校以往亮麗數據給予自己孩子一定可以考取到.
作者: ANChan59 時間: 23-4-27 14:17
回覆 天外之人 的帖子
你說的無忘初衷係一個好的提醒，但教育制度及社會變化係越來越快，係好難唔作調整，到某些十字路口或關鍵時刻，無忘初衷才有效，但不是所有時候。
我也是將兒子的幼兒園到小學係完全好輕鬆，只係數學做多些增潤課程，到中學他想入某間中學，我們只是支持，那時的變化牽涉到孩子，不再是你我家長們說了算。當所都係動態的時候，就要按當時環境作適合的調整。
我講的跟家長學歷無關，係要有容乃大，聽多啲其他看法，意見，自己自我調整就可以。
如果你講lB 跟DSE比較，我提出應該分開學制及考試制度，你跳去幼小，我會覺得你逃避自己概念錯誤，用搬龍門來逃避。就算你幼小搞掂，咁中學大學還是要面對，點解唔將條教育錬從頭到尾一條龍咁去了解？
我唔再多口啦！
作者: 天外之人 時間: 23-4-28 12:30
本帖最後由 天外之人 於 23-4-28 12:55 編輯
回覆 ANChan59 的帖子
社會變化的確係越來越快同越新穎，但教育制度正常唔會太受時代影響，一個從小冇知識既小朋友都係慢慢去吸收知識，絕唔會好像AI咁一次性入晒資料在腦內。不如講坐在電腦前唔需要到學校也可以吸收全球知識，可能以後就會用此方式，衹係少了一種人與人之間群體既體驗吧。
-
你所指論據冇錯，可能我與你想法有點不同，我冇稔過你所指既搬龍門來逃避或概念錯誤問題，IB著重所講既個人思考性及世界認受性，DSE著重學科深入知識和世界性未夠全面，講學習及到外國一流大學方面感覺IB係比DSE好啲，但能力上正常應該係比IB強，衹是兩個制度都係有一個共通點，都要基礎能力好，這點才是我著重，因為攪得好這點，你選咩制度學校都唔會有太大影響自己能力，更唔會擔心入咩學校都煩惱。
-
其次你所講應該分開學制及考試制度，這點我係好認同，香港教育局應該係攪好自己DSE，所以投放資源應該以自己制度為主，正常唔需要將資源又放在其他制度，正常去得IB直資或國際學校的學生，應該金錢上冇咩太大問題。
PS:其實我係有點覺得IB係華而不實,DSE反而實而不華感覺.(個人觀點)
作者: poonseelai 時間: 23-4-28 14:56
天外之人 發表於 23-4-28 12:30
回覆 ANChan59 的帖子
社會變化的確係越來越快同越新穎，但教育制度正常唔會太受時代影響，一個從小冇知識 ...
本帖最後由 poonseelai 於 23-4-28 17:28 編輯
“(DSE)能力上正常應該比IB強", 你指那些能力？我日日同dse畢業生工作, 睇下感覺同唔同。
而你講要基礎能力好, 指那些？
另一點係dse2009年至今已超過十年, 海外大學認受性無問題
作者: Radiomama 時間: 23-4-28 23:30
天外之人 發表於 23-4-28 12:30
回覆 ANChan59 的帖子
社會變化的確係越來越快同越新穎，但教育制度正常唔會太受時代影響，一個從小冇知識 ...
其實你對IB的印象/想法從何而來？
小兒由幼稚園開始就已經進入IB curriculum, 咁多年的培育，都係一步一步螺旋式學習，由基礎教育開始，並不見得比其他學制「蝕底」。
中學畢業後，他開始幫學生補習Maths, Physics同Econ; 有IB、DSE、GCSE的學生，也有內地和加拿大的中學生，從旁觀察，見他對學生講解concept有板有眼，沒有「揸流攤」。
所以不見得IB教育流於花拳繡腿，因為如果係咁，大學不會俾佢哋咁容易攞credits.
作者: ANChan59 時間: 23-4-29 00:16
Radiomama 發表於 23-4-28 23:30
其實你對IB的印象/想法從何而來？
小兒由幼稚園開始就已經進入IB curriculum, 咁多年的培育，都係一步一 ...
我覺得你嘥氣，一直以來太多人根本冇做功課，以訛傳訛當真。睡著的人，講幾多次都冇用。一個網友話某個教授認為lB學生渣，就算有十個教授認為 1B學生在綜合性較優勝，他們都係信某個教授係真嘅。
又或者係對2020-21香港多咗l B撞扁，所以個別家長心心不憤，又知道嘈唔到教育局，大學又唔敢出聲，於是用「道德高地」在EK嘈無辜的 1B家長。
這種情況係冇解決辦法，信者恆信，不信者恆不信。如果基本資訊都係錯嘅，講咁多次都唔去fact checked ，冇討論空間及必要性。
作者: poonseelai 時間: 23-4-29 07:51
ANChan59 發表於 23-4-29 00:16
我覺得你嘥氣，一直以來太多人根本冇做功課，以訛傳訛當真。睡著的人，講幾多次都冇用。一個網友話某個教 ...
我時常話人怕出名豬怕肥，ib school 高調公布成績咪日日做戰靶，提供 AL 的學校可能正悶聲發大財，唔覺唔覺D學生入咗神科，又無人嘈，近一兩年，AL成績咪一樣通賬了。
作者: Radiomama 時間: 23-4-29 09:32
ANChan59 發表於 23-4-29 00:16
我覺得你嘥氣，一直以來太多人根本冇做功課，以訛傳訛當真。睡著的人，講幾多次都冇用。一個網友話某個教 ...
我不打算改變任何人的想法，但在討論區總有後來者入來搜尋資料，讓摸索中的人找到多一塊碎片去了解事情，總是好事。
作者: poonseelai 時間: 23-4-29 10:37
Radiomama 發表於 23-4-29 09:32
我不打算改變任何人的想法，但在討論區總有後來者入來搜尋資料，讓摸索中的人找到多一塊碎片去了解事情， ...
所以我問樓主指那些能力, 睇下大家要求是否唔同, 如果其他人咁啱睇到咪自己分析下。
作者: Radiomama 時間: 23-4-29 10:49
retriever 發表於 23-4-24 16:37
我親友在大學教書, 他不太喜歡IB 入來的學生;
討論兩學制有不同方面, 學習方式, 入U 機會... 後者涉及資 ...
「不太喜歡IB學生」，是什麼意思？會否太主觀？
我認識的教授同講師，甚至專負責學生事務的朋友，好少這樣評價大學生；通常會以本地生、內地生、國際生去分野，當然有時都流於stereotype 的討論。
作者: ANChan59 時間: 23-4-29 11:23
poonseelai 發表於 23-4-29 07:51
我時常話人怕出名豬怕肥，ib school 高調公布成績咪日日做戰靶，提供 AL 的學校可能正悶聲發大財，唔覺唔 ...
本帖最後由 ANChan59 於 23-4-29 11:32 編輯
嘈 1B係偏見，槍打出頭鳥。原罪係因為家長有資源及有選擇，類似憎人富貴厭人貧的心態。塘邊鶴心態不改，點做都有燥音。
就算學校唔做，家長都會擺上FB，避免不了！FB及朋友圈因為較多實名制，會少好多網絡欺凌。EK越嚟越多鍵盤戰士啦（我不是指樓主，他是有禮貌的。）。
兒子當年不是撞扁，我們一直都替撞扁及家長們鼓掌，體育精神嗎！
入唔到M神科咪入Q神科，或者搞邊科，為什麼全世界都要M呢？畸形社會，畸形心態。
作者: ANChan59 時間: 23-4-29 11:27
Radiomama 發表於 23-4-29 09:32
我不打算改變任何人的想法，但在討論區總有後來者入來搜尋資料，讓摸索中的人找到多一塊碎片去了解事情， ...
我明白你用心良苦，但樓主在其他帖已經聽了不少網友解釋箇中分別。
信者恆信，不信者恆不信。
所以我講嘥氣！
作者: poonseelai 時間: 23-4-29 13:57
ANChan59 發表於 23-4-29 11:27
我明白你用心良苦，但樓主在其他帖已經聽了不少網友解釋箇中分別。
信者恆信，不信者恆不信。
陳 sir 好有火 
我覺得好多新同事無 common sense, 好難攪, 唔知關唔關學制事
作者: barque 時間: 23-4-29 15:07
天外之人 發表於 23-4-27 12:11
回覆 ANChan59 的帖子
我都覺得自己落後同表面,且都年過半百,不想浪費太多金錢在自己身上,就算考到什麼証 ...
我想說明大家在對從少打好‘基礎’兩個字嘅理解和定義非常之不同。從小學階段的所謂數學和科學知識嘅深入學習，看似是基礎知識的穩固，其實有點似是而非。
反而IB的P Y P和M YP的課程，給小朋友有大量閱讀和寫作的訓練。而不是去區分讀文科話讀理科的學生，到高中和大學時學生按自己嘅興趣去揀選文科，理科或者科學時。我見唔少讀理科或科學的學生都能寫得一篇好文章，而且因為是在高中和大學時，學生是按自己的能力和興趣去選擇學科，亦都不覺得他們有在科學和數學上有能力不足的地方。
反而覺得從小過分着重數學的超前學習和科學的所謂打好基礎基礎學習用了過多的時間和鑽研，相反花在學習寫作和閱讀的時間少了。
作者: barque 時間: 23-4-29 15:11
poonseelai 發表於 23-4-29 13:57
陳 sir 好有火
我覺得好多新同事無 common sense, 好難攪, 唔知關唔關學制事
本帖最後由 barque 於 23-4-29 15:12 編輯
有些讀書成績好好，但係critical thinking 的能力好弱。其實都幾影響工作上嘅表現和晉升嘅機會。
有時大家對從小打好基礎的定義，都幾不同
作者: poonseelai 時間: 23-4-29 15:46
barque 發表於 23-4-29 15:11
本帖最後由 barque 於 23-4-29 15:12 編輯
有些讀書成績好好，但係critical thinking 的能力好弱。其實 ...
本帖最後由 poonseelai 於 23-4-29 15:48 編輯
高分(考試高分)低能(工作能力)見唔少，包括三大畢業生，無 common sense 比無 critical thinking skill 仲差，連好基本的工作都做唔好
唉，而家好差嘅都可能要請，少人入行
作者: ANChan59 時間: 23-4-29 17:37
poonseelai 發表於 23-4-29 13:57
陳 sir 好有火
我覺得好多新同事無 common sense, 好難攪, 唔知關唔關學制事
乜我好火咩？咁要自己查找不足！
現在香港學生普遍common sense 弱咗係事實，學制有一定程度關係。另外一個原因係學校、家長及學生「學習」係考試主導，成績優先，所以靠補習操卷，機械化吸收知識，做成高分低能。
作者: barque 時間: 23-4-29 18:12
ANChan59 發表於 23-4-29 17:37
乜我好火咩？咁要自己查找不足！
現在香港學生普遍common sense 弱咗係事實，學制有一定程度關係。另外一 ...
本帖最後由 barque 於 23-4-29 18:13 編輯
這樣算是打好成績基礎
作者: ANChan59 時間: 23-4-29 18:41
barque 發表於 23-4-29 18:12
本帖最後由 barque 於 23-4-29 18:13 編輯
這樣算是打好成績基礎
你講得好啱，考試成績為本為基礎！
其他網友不斷咁講，香港產業單一化，做成個別產業起薪點高，個個希望小朋友入到神科搵真銀。如果香港有更大發展空間，搵錢差不多，就冇咁多爭議。
作者: poonseelai 時間: 23-4-29 18:50
ANChan59 發表於 23-4-29 17:37
乜我好火咩？咁要自己查找不足！
現在香港學生普遍common sense 弱咗係事實，學制有一定程度關係。另外一 ...
本帖最後由 poonseelai 於 23-4-29 19:38 編輯
分享一單近日無common sense case:
客人告之個仔(18歲）買咗樓收租, 叫我地報價處理報稅事宜, 叫個同事draft 個email問個客多D資料, 個同事港大畢業, 入嚟做咗5年, 佢個draft 話 個客自己買咗層樓再轉比個仔, 我問這個資訊從那裡來, 個客無講喎, 佢答個仔無收入, 買唔到樓，所以個客要自己買咗先。
唉, 雖然stamp duty不是我們主要服務範圍, 佢亦未買過樓, 但咁大個人完全無留意身邊事物？無聽過仔女買樓屋企人比錢？唔知有香港永久居民身份證印花稅平D(只限一個物業）？唔知如果個客轉比個仔要比多一次印花稅？無留意近日全城哄動的大案？除了無common sense, 唔識解釋。
作者: ANChan59 時間: 23-4-29 20:18
poonseelai 發表於 23-4-29 18:50
本帖最後由 poonseelai 於 23-4-29 19:38 編輯
分享一單近日無common sense case:
會唔會係家庭社經地位差異，對買樓及stamp duty 冇乜點留意。
作者: Radiomama 時間: 23-4-29 20:34
我近日返中大接觸咗唔少學生，有讀緊、也有fresh grad 、及畢業了十年八載的，他們都是彬彬有禮，玩得做得嘅年輕人。
我們一班老鬼真係好感動，也希望可以盡綿力support年輕一代；無論咩學制升上大學，只要肯學就有機會。
有一位在19年由內地來港的學生，今年畢業，寫咗首歌，對這山城充滿希望和感覺，令人動容。
有容乃大，香港人要加油。
作者: poonseelai 時間: 23-4-29 20:39
ANChan59 發表於 23-4-29 20:18
會唔會係家庭社經地位差異，對買樓及stamp duty 冇乜點留意。
其他行業年輕人可能係，這位同事港大會計系畢業，年半已考完會計師專業試，一定讀過 stamp duty
作者: ANChan59 時間: 23-4-29 20:47
Radiomama 發表於 23-4-29 20:34
我近日返中大接觸咗唔少學生，有讀緊、也有fresh grad 、及畢業了十年八載的，他們都是彬彬有禮，玩得做得 ...
很贊成有容乃大。
作者: ANChan59 時間: 23-4-29 20:51
poonseelai 發表於 23-4-29 20:39
其他行業年輕人可能係，這位同事港大會計系畢業，年半已考完會計師專業試，一定讀過 stamp duty
...
本帖最後由 ANChan59 於 23-4-29 23:25 編輯
正如你所講高分低能。
昨晚跟阿仔傾他的倫敦稅務情況，他可以合法安排到由40 ％降至20%，這是基本常識。
作者: ckh689 時間: 23-4-29 22:08
ANChan59 發表於 23-4-29 17:37
乜我好火咩？咁要自己查找不足！
現在香港學生普遍common sense 弱咗係事實，學制有一定程度關係。另外一 ...
作者: ANChan59 時間: 23-4-29 23:28
ckh689 發表於 23-4-29 22:08
呢幾日DSE嗰邊，個個話數學卷炒咗，因為同之前啲pass papers唔同，就知道而家啲學生只係靠操卷同補習，一改 ...
這些就是補習操卷「基礎穩健」，如果基礎真係好，點變都識得點答，只係慢咗！
作者: 靜靜媽 時間: 23-5-1 15:11
回覆 天外之人 的帖子
謝謝樓主，引發我嘅思考，好有用
作者: ANChan59 時間: 23-5-1 17:41
poonseelai 發表於 23-4-26 14:08
下面是2016年Nov Chinese Language and literature SL paper 2, 一小時三十分內選一條回答, 佔25分：
回答 ...
我都幾懷疑有多少彈 1B中文易的家長有睇過1B中文卷，入面的深淺，多元化，融滙貫通才可以考得好。
我見過1B中英文考試或者功課的rubric 係幾合理，睇學生的理解，分析，論點及結構，言之有理就可以。不是港式教育的標準答案及中文的揣摸朕意。
作者: poonseelai 時間: 23-5-1 18:45
ANChan59 發表於 23-5-1 17:41
我都幾懷疑有多少彈 1B中文易的家長有睇過1B中文卷，入面的深淺，多元化，融滙貫通才可以考得好。
我見過 ...
本帖最後由 poonseelai 於 23-5-1 19:22 編輯
無分別，他們只會話取7分%高過dse 5**，所以容易
作者: ANChan59 時間: 23-5-1 19:35
poonseelai 發表於 23-5-1 18:45
本帖最後由 poonseelai 於 23-5-1 19:22 編輯
無分別，他們只會話取7分%高過dse 5**，所以容易
A bit simple and naive.
睇吓份卷然後再評論，我會覺得這才合理，而不是玩％作比較！
作者: ANChan59 時間: 23-5-1 19:48
poonseelai 發表於 23-5-1 18:45
本帖最後由 poonseelai 於 23-5-1 19:22 編輯
無分別，他們只會話取7分%高過dse 5**，所以容易
他們又忘記DSE 5** 拉curve 這麼低，跟深淺冇必然關係。
作者: 天外之人 時間: 23-5-2 12:12
本帖最後由 天外之人 於 23-5-2 12:20 編輯
ANChan59 發表於 23-5-1 17:41
我都幾懷疑有多少彈 1B中文易的家長有睇過1B中文卷，入面的深淺，多元化，融滙貫通才可以考得好。
我見過 ...
對呀,那些講DSE考中文難稔去讀較易讀中文既IB家長,對真正中文運用認知究竟有多深有多高? 連我咁差既中文都可教到小朋友中文咁好,係唔係真係有啲問題?當然小學老師指導都係主要因素,但我相信從小玩普通話朗誦做成影響會很大.
作者: 天外之人 時間: 23-5-2 12:13
本帖最後由 天外之人 於 23-5-2 12:21 編輯
回覆 barque 的帖子
我所理解既"基礎"學習唔係超前學野及死板方向學,更唔係衹著重數學和科學,我所指基礎中英數三樣主科能"靈活運用",死板就一定做唔到呢點.我反而認識既IB在小朋友未入幼稚園開始就已經自學中.享受到固中學習樂趣後,自然之後死板填鴨教育都唔係咩難事.
作者: 天外之人 時間: 23-5-2 12:48
本帖最後由 天外之人 於 23-5-2 12:48 編輯
回覆 Radiomama 的帖子
我對IB冇咁大深厚認識,大概知道主要多為思考方向學習,唔會死板一樣去探究知識.其實IB這樣子學習方式,已經係小朋友從小開始會有,好多時候都係大人阻止佢地發展,這方面我早期在其他版面都有提過. 我係唔反對學習用那一種制度,衹係香港自己地方應有佢自己專業性制度,能得到世界公認許可,有咩唔好點樣改善,令自己地方既孩子學習考得好做到專業人才,咁就係一個好制度,唔好比人覺得難入其他國家大學或唔公平,就偏向考其他國家既制度.
-
唔係話IB就係花拳繡腿,大學俾佢哋咁容易攞credits有冇其他原因就唔知,但若IB或DSE兩個人都頂尖,我係感覺DSE那位會實在啲.
作者: ANChan59 時間: 23-5-2 13:13
天外之人 發表於 23-5-2 12:12
對呀,那些講DSE考中文難稔去讀較易讀中文既IB家長,對真正中文運用認知究竟有多深有多高? 連我咁差既中文都 ...
雖然自小有很好的普通話老師教導他會話及寫作，我也有特別去旁聽過幾次。我不相信從小學普通話朗讀，就會有好的中文。老師用活動教學模式反而讓我印象深刻。
我自己及兒子自小跟先父學簡單古文，例如千字文，幼學詩，三字經，唐詩宋詞，不是市面上的一般做法。
他的1B中文老師教他寫作方法可以參照英文框架思維，因為lB訓練跟香港傳統語文訓練有很大分別，強調分析，正反論證，舖陳，結構都是寫論文的ABC。
我個人相信兩文三語，從小開始培養，訓練兒子，不是為考試成績，是提高整體語文素養及應用性。什麼其他外語只是枝節。
作者: 加樂爹 時間: 23-5-2 13:44
本帖最後由 加樂爹 於 23-5-2 13:53 編輯
近日睇番AnChan59 在10年前對IB既說明, 用家評語,令我對教育多一些了解.
https://www.edu-kingdom.com/forum.php?mod=viewthread&tid=2498694&fromuid=3411624
IB 給了小孩從小教育模式的連接, 由閱讀, 愛思考, 提意見, 創作, 主動學習....
DSE 教育就是少了這個靈魂, 這個靈魂是從內化到外, 影響到科目製定,進度及評審.
這個靈魂, 我想正正就是對樓主問怎樣可以改善DSE競爭力的答案!
靈魂就是什麼樣的學習價值,
好可惜, 教育局及好多家長依然討論緊DSE 與 IB 那個評估比較深.
即是在同一個學年內, 那種學生學得教深入. 總之, 我識你唔識就係勁!
最終引致 DSE 在考試評估上, 沒有看重閱讀, 思考,提意見, 主動學習;
縱使他口頭上就求學不是求分數,鼓勵自主學習!
舉個例子, 以閱讀為例:
傳統學校只會留意到閱讀對語文寫作成績既增長, 所以讀既都係故事書, 學既都係越深越好既生字. 初小年級, 就練抄寫, 無錯字,多生字; 到高年級, 索性記生字,學dictionary treasure, 做 workbooks , 快靚正! 呢D先至攞到分, 先至證明DSE比IB勁!
閱讀是什麼?!
本質就是愛思考, 提意見, 創作, 主動學習罷!
1. IB 在其他科目上會應用到閱讀帶來既 “紅利”, 老師會留意學生在思想上成長, 才會有鼓勵, 小朋友/家長才會願意繼續學習! DSE 沒有這個“紅利”學校只留意 寫作, 語文運用的成績!
2. 另一方面, IB 範圍闊, 適合多廣闊閱讀, 溶合理解的小朋友. 這是IB要取高分的不定性, 亦是 “逼” 學生多閱讀, 思考及 “嘗試跳出自己柜架”去處理困難既能力.
IB 課程會涉及宏觀, 個人對社會, 環境, 應用...相關的思想及討論.
DSE 課程可能會較深, 以前讀A. Maths, 到預科到Pure Maths, 真係好講天份, 或許DSE 就是講究這種天份,不是宏觀分析, 而是深入, 單一鑽研某一難題,你唔識就係唔識, 無讀就係無讀, 無得繞圈子, 扮識!
IB 是否吹水科?! 要睇學生本身質素及能力, 好似星爺話演戲由外到內, 再由內到外, 有能力既人係睇得出既. 要攞到36分以上, 有能力既人, 相信再考慮鑽入微觀某一科研項目不會太難.
若果到時覺得好難, 咪轉到其他科, 不一定要讀神科.
相信學生浸淫在IB咁多年, 讀書多了,人都應該不會只係死心眼係一兩個專科上. 加上在外國讀書, 眼光胸襟都好D, 明白能力配對, 甚或是追求個人興趣.
呢個就係學習既基本既道理.
作者: Radiomama 時間: 23-5-2 13:57
天外之人 發表於 23-5-2 12:48
回覆 Radiomama 的帖子
我對IB冇咁大深厚認識,大概知道主要多為思考方向學習,唔會死板一樣去探究知識.其實 ...
無論咩學制，最Top果班都會係各有優點，最緊要學識互相尊重同互相合作。
香港作為一個城市有自己嘅考試制度，其實真係好特別；未來的發展冇人知，但考評局同教育界要做好眼前的功夫，咁我哋先至有未來。
中文基礎都是多讀多寫，朗誦技巧是輔助，能有效培養小孩自信去運用語文，尤為可貴。
在小學及中學的IB課程，每個主科都有（1）基礎知識部份，學生必須學習和掌握，並且會經過考評。但除此之外，subject rubric也會要求學生能（2）表達自己所學、（3）以所習知識應用在世界和生活之中，最後就是評估學生的（4）學習態度及上課表現。以上4項一籃子計算才成為學生的成績。
因此IB學生被認為「著重presentation 型」的學習，其實是外界不了解IB的模式吧了。
作者: 天外之人 時間: 23-5-2 14:29
回覆 ANChan59 的帖子
我所指出朗誦對佢好大影響原因,係令佢於玩耍情況下聽與講都會深刻啲,從而理解內裡所講意思,文中運用與及寫作也是一種方式,加上表演這種活動教學模式,慢慢加深中文興趣及愛好,自然對中文更唔會討厭.其實都同你先父方式大同小異,衹係孩子學既時候心情,我這種就簡單,你先父這種就會比較更深入,若指導唔好就令孩子枯燥無味失去興趣,不過大家共通點都係一樣,都係想小朋友開心去學,從小冇為考試成績方向發展.
作者: 加樂爹 時間: 23-5-2 14:45
本帖最後由 加樂爹 於 23-5-2 14:47 編輯
我得IB 與 DSE 有點像選傳統/國際學校既討論...
唔係那個優秀一點, 而是適合唔同學習性格既人.
有人喜歡在範圍入精益求精, 可以在安穩區內的考題範圍; 有人則喜歡涉獵不同知識.
當然, 我講既係IB要高分果D, 如果低分, 確實係可以吹水吹番黎.
DSE 低分既, 應該無咁易吹番黎.
所以, 唔應該討論 讀DSE 壓力太大, 讀IB 好唔好?
想唔需要付出, 又可以有IB既光環.
IB 要高分先至有光環罷!
另外, 從小要了解下學習性格.
好似 好多家長話小朋友唔肯讀書, 喜歡表達意見, 轉數快, 所以要活動教學, 小功課...
當睇完IB 既課程內容, 就有點似是而非.
作者: 天外之人 時間: 23-5-2 14:46
回覆 加樂爹 的帖子
睇到呢點,多年前有次在餐廳上看到一位家長及小朋友,小朋友在看書中,家長就看著手機,不時見佢問家長野,問多幾次後家長就語氣上大聲講自己睇多啲,小朋友就獨自不再出聲看書去. 這位小朋友其實應該係IB所講方式學習求知中,雖不知道誰對誰錯,但家長的回應其實已經阻礙了佢既發展.
作者: ANChan59 時間: 23-5-2 14:46
加樂爹 發表於 23-5-2 13:44
近日睇番AnChan59 在10年前對IB既說明, 用家評語,令我對教育多一些了解.
https://www.edu-kingdom.com/fo ...
多謝你的支持及嘗試瞭解1B是什麼！你可以再睇埋NSS vs IB，都幾發人深省。（應該都是置頂文章）
你看的是第二版，第一版在日誌，應該是13年前開始。當時開始多人講，因為DBS及SPCC引入Pre-IB 及IBDP，我將自己摸索的經驗過程分享出來，在日誌中吸收其他網友的意見，兩年後再滙總出來，放在大海。
自己正在放假，今早又入去看一次，發覺很多當年講嘅的情況及預測，很多都正確。除了最大爭議的神科多收NJ而不是J，這個出乎我意料之外，問題出在前港大醫學院長的吹水承諾，讓NSS家長有錯誤的期望。
我之前講過很多次都係睇重1B培訓學生的十大特徵，我們家庭看教育係20-30年後社會，世界需要什麼人才？那10個特徵就是我們希望孩子能夠掌握及實踐。
十年後，看到自己兒子的成長及發展，慶幸選擇了Pre-IB and IBDP，走出另一條大道。
作者: poonseelai 時間: 23-5-2 14:46
Radiomama 發表於 23-5-2 13:57
無論咩學制，最Top果班都會係各有優點，最緊要學識互相尊重同互相合作。
香港作為一個城市有自己嘅考試制 ...
不少人覺得 presentation = 吹水, 花巧嘢, 其實一個好的presentation 需要好多功夫, 如果各位工作上有睇下別人做presentation 或自己要做 presentation 時應該明白, 只有極少的人不用準備功夫就可以做到。
作者: ANChan59 時間: 23-5-2 15:07
天外之人 發表於 23-5-2 14:29
回覆 ANChan59 的帖子
我所指出朗誦對佢好大影響原因,係令佢於玩耍情況下聽與講都會深刻啲,從而理解內裡所 ...
你有自己睇法我冇意见，我尊重言論自由。
朗诵不会让你更深入思考，阅读，写作，思考才会领略文字，语文的功力。
我之前讲儿子的普通话老师用multi tasking 教学，係好特别，他一边打球或者一边玩游戏，同时跟老师用普通话沟通交流。係令佢出口的普通话係自然反应，不是课堂那种。
你讲得啱，绝大多数人不懂得如何教古文及文言文，不懂装懂的人教学生，中文自然会成为死亡之卷。
我同意先父的看法，写作之前是认字，他先教单字，同埋这些简单入面不同的典故，每个都是历史故事及人物，加上一些中华文化传统的教化，所以对文字的认识是另一个层次，朗读是另一种形式的学习文字，先父称之为唸口簧，然后才去到写作。
文字是士兵，写作是兵法，作者是将军，遣辞用语等同调兵遣将，要有先后，主次，脈络。
你的教育理念跟我可以讲很不同，我已经经过了，二十多年过去，我知道我教养孩子的结果，跟圣经颇一致。
“教養孩童，使他走當行的道，就是到老他也不偏離。”
作者: 加樂爹 時間: 23-5-2 15:10
天外之人 發表於 23-5-2 14:46
回覆 加樂爹 的帖子
睇到呢點,多年前有次在餐廳上看到一位家長及小朋友,小朋友在看書中,家長就看著手機,不 ...
我常覺得家長好似點燃火種既炭精, 找機會同精神, 好花心機!
當小朋友願意討論, 我很開心, 因為證明"點燃了", 只要同佢再傾下, 佢又會有新點子....
現在, 我好多時叫阿仔睇書, 書講既全面同認真好多.
例如, 小三學生, 你係過來人, 都明白開始有小小分派, 口頭過不去既情況.
他們不再是小朋友, 像小一二, 一切都單純而行.
佢自已揀左本psycology 睇完後, 又再揀本politics 去睇.
我在旁, 看呢本politics 是由古希臘羅馬的政制, 到近代思想...
應該解決唔到佢既問題.
所以, 現在諗緊找什麼類別既書引佢去睇.
(當然, 困難係 我唔會找果種好心好報, 世界美好既書, 這正如我不能向他完全講解我既體法一樣)
作者: 加樂爹 時間: 23-5-2 15:15
ANChan59 發表於 23-5-2 14:46
多謝你的支持及嘗試瞭解1B是什麼！你可以再睇埋NSS vs IB，都幾發人深省。（應該都是置頂文章）
你看的是 ...
作者: ANChan59 時間: 23-5-2 15:17
poonseelai 發表於 23-5-2 14:46
不少人覺得 presentation = 吹水, 花巧嘢, 其實一個好的presentation 需要好多功夫, 如果各位工作上有睇下 ...
可能因為他們一向沒有準備充足去present。
自己去做presentation，係準備好多嘢，瞭解對象，深淺度，內容提要，先後次序，加入娛樂原素提高專注力及參與度，準備過程可以好複雜。特別在大學，有Q ＆A，或者我歡迎同學／學員隨時提問，我預備的比要教嘅多好多內容。
一節45分鐘的演講，三個小時的課堂，8個小時的培訓課程，可以要兩個到四個星期斷斷續續的備課。
作者: ANChan59 時間: 23-5-2 15:21
加樂爹 發表於 23-5-2 15:15
我多謝你的IB 分析, 不單是專業, 是很全面的個人感覺分析, 很中肯.其他回應者, 都很認真, 高質呀
...
我不是專業，只是以用家身份我手寫我心！
作者: ANChan59 時間: 23-5-2 15:33
poonseelai 發表於 23-5-2 14:46
不少人覺得 presentation = 吹水, 花巧嘢, 其實一個好的presentation 需要好多功夫, 如果各位工作上有睇下 ...
有時候時間唔容許，只有10分鐘準備，presentation 較短，2-3個重點，弄清思路就可以上，但要靈活執生，觀察位觀眾，同事，同學的臨場反應，臨時作出調整。
作者: poonseelai 時間: 23-5-2 16:00
ANChan59 發表於 23-5-2 15:17
可能因為他們一向沒有準備充足去present。
自己去做presentation，係準備好多嘢，瞭解對象，深淺度，內容 ...
陳sir 講了presentation 的重點
作者: retriever 時間: 23-5-2 16:08
本帖最後由 retriever 於 23-5-2 16:38 編輯
ANChan59 發表於 23-4-29 17:37
乜我好火咩？咁要自己查找不足！
現在香港學生普遍common sense 弱咗係事實，學制有一定程度關係。另外一 ...
個人覺得不是學制的問題, 是家長BABY 呢代細路既成長, 技藝可能高左多左, 但從經驗中學習既能力係差左既, 亦可能影響所謂COMMON SENSE...
最簡單, 呢代細路學習什麼都係找老師/教練... 隨便舉個例子, 我地果代打兵兵波, 係一班細路跟著個鄰居哥哥四圍打, 被人"猜台", 接唔到人地個開波, 就在旁邊觀看偷師, 睇下人點樣會失敗, 睇下又點樣先成功... 大家都在失敗中嘗試; 在經驗中, 無論自己的或他人的, 歸納, 推論, 嘗試, 驗証...
相反, 呢代學野, 係教練直接告訴你"曉門", 技術提昇快, 找多幾個教練, 學多幾門技能... 但教授以外的呢? 但歸納, 類推這些能力少了... 這些是所謂COMMON SENSE 所需要的...
作者: poonseelai 時間: 23-5-2 16:08
加樂爹 發表於 23-5-2 15:10
我諗重點在家長的態度及原意.家長拒絕回答討論, 小朋友立刻感受到.
我常覺得家長好似點燃火種既炭精, 找機 ...
父母在孩子學習路上扮演什麼角色？
有興趣可google Dr Sugata's project "The hole in the wall", 了解孩子self teaching 能力好高
樓主之前也有講過, 孩子用電腦學就不用老師？唔係不再需要老師, 而是老師由以往傳遞知識, 變為引導學生去思考問題, 其實仲難, 父母角色就係多鼓勵孩子, 聽他們分享。
作者: retriever 時間: 23-5-2 16:12
本帖最後由 retriever 於 23-5-2 16:44 編輯
ANChan59 發表於 23-5-2 14:46
多謝你的支持及嘗試瞭解1B是什麼！你可以再睇埋NSS vs IB，都幾發人深省。（應該都是置頂文章）
你看的是 ...
港大E 多收NJ, 據說因為CU 搶客... 始終DSE 某分數線以上的人數有限, 多去了CU, 港大E 不願降分收人, 那變成比例上多收了NJ
作者: retriever 時間: 23-5-2 16:26
本帖最後由 retriever 於 23-5-2 16:49 編輯
Radiomama 發表於 23-4-29 10:49
「不太喜歡IB學生」，是什麼意思？會否太主觀？
我認識的教授同講師，甚至專負責學生事務的朋友，好少這 ...
這當然是 "一家之言", 但相信也和學科有關...
親友教授純理科, 覺得IB 生 :
'樣樣都況況而談, 說得頭頭是道, 好似瓣瓣都掂. 但要做起事來, 就不見人 (跑了)"
親友說IB 生的GROUND WORK 普遍不夠好...
相信IB 生長期訓練PRESENTATION 等等, 在社科商科可能優勢較明顯, 而在純理科或理工科可能會出現我親友所說的現象.
作者: retriever 時間: 23-5-2 16:30
poonseelai 發表於 23-4-29 07:51
我時常話人怕出名豬怕肥，ib school 高調公布成績咪日日做戰靶，提供 AL 的學校可能正悶聲發大財，唔覺唔 ...
批評者係加埋"社會正義" 元素的... 直資, 學費, 大學學額, 富人/窮人等等...
作者: ANChan59 時間: 23-5-2 16:38
retriever 發表於 23-5-2 16:08
個人覺得不是學制是, 是家長BABY 呢代細路既成長, 技藝可能高左多左, 但從經驗中學習既能力係差左既, 亦可 ...
我很認同家庭及學校教育才是讓學生高分低能的最大原因。
你講嘅歸納，推論，嘗試，驗證⋯在運動方面，很似PDCA，係很好的比喻。我希望孩子學動動也是這個原因，很難有活動可以短時間經歷成敗得失，而且要在短時間內調整策略，心理壓力，打法，扭轉劣勢。看似不重要，但對運動員的心理質素有很大的提升！
上面我講過10 characteristics IBers懂得冒險，接受失敗，調節心態，這是讓孩子及年輕人更懂得面對現實及挑戰。學習面對失敗及成功，比較單純考試成績好係很不同嘅理念，
作者: ANChan59 時間: 23-5-2 16:45
retriever 發表於 23-5-2 16:12
港大E 多收NJ, 據說因為CU 搶客... 始終DSE 某分數線以上的人數有限, 多去了CU, 港大E 不願降分收人, 那變 ...
港大醫學院的說法係荒謬的，香港考生人數一直減少，所以5*及5**人數必定會下跌，死守某個分數係懸木求魚。應該係大學不要只顧面字，降低Jupas 入學分數，減少社會爭議。
作者: poonseelai 時間: 23-5-2 16:48
retriever 發表於 23-5-2 16:26
這當然是 "一家之言", 但相信也和學科有關...
親友教授純理科, 覺得IB 生 :
本帖最後由 poonseelai 於 23-5-2 17:04 編輯
正如每套卡通片總有一個主角係肥仔，ib做 group work 總有人出口唔出手，或直情無参與過，可能你朋友就係遇到那些
presentation 只是課程一部分，並無長期訓練，亦無需要
作者: ANChan59 時間: 23-5-2 17:02
retriever 發表於 23-5-2 16:26
這當然是 "一家之言", 但相信也和學科有關...
親友教授純理科, 覺得IB 生 :
我只是澄清一下，你親友是指最近入學的學生？抑或一向都係這樣表現？
作者: retriever 時間: 23-5-2 17:12
ANChan59 發表於 23-5-2 17:02
我只是澄清一下，你親友是指最近入學的學生？抑或一向都係這樣表現？
...
約莫5-6年前說起的吧, 也沒有一直討論這事...
為何這樣問?
作者: 加樂爹 時間: 23-5-2 17:26
本帖最後由 加樂爹 於 23-5-2 17:27 編輯
poonseelai 發表於 23-5-2 16:08
父母在孩子學習路上扮演什麼角色？
有興趣可google Dr Sugata's project "The hole in the wall", 了解孩 ...
找到了, 總結分享如下:
- Firstly, they need to be allowed to crowd around computers which are connected to the internet.
- Secondly, they need the absence of a teacher.
Mitra isn’t saying that we don’t need teachers, just that don’t need the type of teacher who gives uni-directional instructions, rather you need a teacher to be a friend, formoral support and a role model, to guide you through learning.
What children need is a self-organised learning environment – and it does help if you have an adult who isn’t necessarily knowledgeable but is admiring who spurs children on (like hisown Grandmother did).
作者: ANChan59 時間: 23-5-2 17:31
retriever 發表於 23-5-2 17:12
約莫5-6年前說起的吧, 也沒有一直討論這事...
為何這樣問?
因為我會有三個睇法，首先在疫情期間，lab work 係缺乏或者少咗，會不會是這個原因。第二個原因係這個別學生的入學成績是否遠低於香港平均lB成績？又或者不是讀三大理科？Free riders are everywhere in university and business world.
兒子當年告知lab work幾有挑戰性，要自己設計實驗，描述如何操作，然後由同學去做你個實驗，他發現你聰明都好，但係一教其他人做就辭不達意，錯誤百出。有些同學成績普通，但描述清晰，其他同學可以跟到，而且成功，將來做研究及教學有特別優勢。
作者: ANChan59 時間: 23-5-2 17:38
加樂爹 發表於 23-5-2 17:26
找到了, 總結分享如下:
老師的角色會變成facilitator, coach and moderator ，不是傳統的教師角色。
Inquiry learning 跟spoon feed 係很不同的學習模式。
作者: retriever 時間: 23-5-2 17:56
本帖最後由 retriever 於 23-5-2 17:56 編輯
ANChan59 發表於 23-5-2 17:31
因為我會有三個睇法，首先在疫情期間，lab work 係缺乏或者少咗，會不會是這個原因。第二個原因係這個別學 ...
親友在教老牌大學... 他教的科, 也不止MAJOR 純理會上, 理工科的也會上... 不能再說多, 再多就透露身份喇 不過他確實會接觸WIDER SPECTRUM 的學生, 可以比較到不同學制背景的學生吧...
作者: 加樂爹 時間: 23-5-2 18:10
retriever 發表於 23-5-2 16:26
這當然是 "一家之言", 但相信也和學科有關...
親友教授純理科, 覺得IB 生 :
retriever 有一句我認同, 特別對純理科/理工科的現象:
相信IB 生長期訓練PRESENTATION 等等, 在社科商科可能優勢較明顯, 而在純理科或理工科可能會出現我親友所說的現象.
我之前有貼文, 都想知道中小教學與優質的科研人才有什麼關係.
現在我想, 優秀的人才很大原因不在學制上.
只要你給他適當的學科基礎, 引導, 以及上游機會.
好的純理科生在中學後顯露會出來!
這些優質的純理科生, 在IB 及DSE 都會出現.
但那些次一級的, 可能仍可在IB中取得不錯的成績.
我相信, 這就是為何有人認為IB 不及DSE 程度深的原因.
但是, 優質的純理科生是天生的, 若他在IB 制度內, 相信都不會遜於DSE 的, 甚至乎由於對知識追求的主動性, 肯討論, 肯犯錯及創造, 可能會更好.
作者: cafeva 時間: 23-5-2 18:30
ANChan59 發表於 23-5-2 16:45
港大醫學院的說法係荒謬的，香港考生人數一直減少，所以5*及5**人數必定會下跌，死守某個分數係懸木求魚。 ...
我咁講比人鬧C
作者: Bluegene 時間: 23-5-2 18:40
ANChan59 發表於 23-4-29 23:28
這些就是補習操卷「基礎穩健」，如果基礎真係好，點變都識得點答，只係慢咗！
...
作者: ANChan59 時間: 23-5-2 18:42
retriever 發表於 23-5-2 17:56
親友在教老牌大學... 他教的科, 也不止MAJOR 純理會上, 理工科的也會上... 不能再說多, 再多就透露身份喇: ...
Sure. Just curiosity.
作者: ANChan59 時間: 23-5-2 18:48
Bluegene 發表於 23-5-2 18:40
想簡單補充下今年DSE Core Maths的情況。今年的難度大幅提升，應該係自2012年開始DSE以來最難，並不是轉下 ...
我都係聽網友講轉題型。
數學及理科係要明白及通嘅，靠死背，操卷係唔識轉彎嘅。
我衰d咁講，成日認為DSE係最深最難，終於求仁得仁！
作者: ANChan59 時間: 23-5-2 18:55
cafeva 發表於 23-5-2 18:30
你都咁講
我咁講比人鬧C
事實上就算冇NJ，死守36分收生，都係收唔到JUPAS 學生。
所以日嘈夜嘈 1BO嘅網友係搵錯對象，係搵唔到解決辦法！
我臉皮厚，唔怕俾人鬧。而且Ek網友較敬老，鬧我鬧得少d。
作者: ANChan59 時間: 23-5-2 19:14
加樂爹 發表於 23-5-2 18:10
retriever 有一句我認同, 特別對純理科/理工科的現象:
相信IB 生長期訓練PRESENTATION 等等, 在社科商科 ...
我有兩點補充，第一係 1B任何學科，做完功課及project 都可能要做independent oral presentation，這個跟文科？理科冇乜關係。
理科生跟學制有重大關係，因為DSE核心科目以文科為主，數理為副，不少數理強但未到滿天星嘅理科生，因為憨居的入學要求入不到理工科。點會冇關係！
作者: Bluegene 時間: 23-5-2 21:24
本帖最後由 Bluegene 於 23-5-2 22:53 編輯
ANChan59 發表於 23-5-2 18:48
我都係聽網友講轉題型。
數學及理科係要明白及通嘅，靠死背，操卷係唔識轉彎嘅。
我覺得core maths 係必修，普通人人謮，冇必要一次過同全面大幅加深。當然有人話因为換咗出卷考官。
出得深，只係壓縮條curve右邊尾，同推高curve 峯位。始終都係咁上下多%人分布于各grade。男仔計數叻始终較多，難嘅對佢地有著數。對於信心不足同学只會更加打擊，表現下滑。
DSE係咪較深好難講，不過DSE就冇發水。U Admission 點樣分配分析唔同學制成績，要考佢哋智慧。
作者: planetearth 時間: 23-5-2 21:34
以下comment我只針對理科情況。
我讀傳統理工科， 兒子讀ib學校，MYP+IBDP, 我覺得MYP數理科基礎不夠 紮實. 有啲飄渺, 我唔知用咩詞比較貼切,在數學科方面，我 一路都比個仔有enrichment ，例如小時會自己報online math course. 大啲會報港大科大啲 enrichment課程。
可能讀ib 兒子有比較強的 自學動機。 我覺得係IB學校嘅優點。 我覺得我仔好有好奇心自學能力同research能力都強, 好有主見。 好多嘢只要自己有興趣都會自己去學,例如自己報網上course自學programming。 呢啲可能係ib課程浸出嚟。
一些本地學校, ibdp之前是傳統/dse課程，基礎會紮實啲。而igcse+IBDP可能会好D，因為數學further math深好多，起碼數學叻嘅學生有得揀.
網友所講又錯唔哂。 lB學校對數理科基礎知識唔夠紮實,我见唔少由細個睇到大的阿仔D同学數理唔夠強,,唔少他們自己理科父母都投訴. 所以不是我一個人的意見.可能D父母要求會高小小.
數理科嘅基礎近百年都唔會點變, 變化細好多. 如果係文科如果閱讀寫作能力強，IB的培養好有優勢. 我仔雖然是理工男, 但閱讀,寫作presentation能力都好好.
DSE中英文通識冇得揀。IBDP所有科目都有HL同SL 有得揀。但DSE全得一個level. 要拿好成積, 对一般学生难好多, 不過其實我唔清楚DSE的程度。只系覺得如果對一個理科生, 兩科語文對他們會好大挑戰. 因為唔系每個學生都可以文理雙全. 如果只講尖子咩學制都難唔到佢，都好能夠发辉，因為尖子或其尖子父母點都會有好多其他途徑學多D嘢.
以上只係個人观点, 不代表全面. 多謝大家分享.
作者: ANChan59 時間: 23-5-2 22:07
Bluegene 發表於 23-5-2 21:24
我覺得core maths 係必修，普通人人謮，冇必要一次過同全面大幅加深。當然有人話因为換咗出卷考官。
出得 ...
我有時都唔明班教育奴才個腦諗d乜嘢！玩班學生為乜呢？
作者: Bluegene 時間: 23-5-2 22:53
ANChan59 發表於 23-5-2 22:07
我有時都唔明班教育奴才個腦諗d乜嘢！玩班學生為乜呢？
作者: ANChan59 時間: 23-5-2 23:28
Bluegene 發表於 23-5-2 22:53
個個都想顯示重要性、有價值，之前係中文不過被人閙到七彩，宜家到數學。 ...
最弊嘅係考DSE嘅學生家長，寧願去嘈 1BO，唔敢去嘈教育局及考評局，我真係覺得啼笑皆非。
我想起周思來一番說話，有美國傳媒訪問他，中國冇示威自由，他說中國人有去美國大使館反對美國政府嘅示威自由！
作者: ANChan59 時間: 23-5-2 23:49
planetearth 發表於 23-5-2 21:34
以下comment我只針對理科情況。我讀傳統理工科， 兒子讀ib學校，MYP+IBDP, 我覺得MYP數理科基礎不夠 紮實. ...
你的分享很好，多啲不同角度分析及了解。
你兒子完成IBDP未？抑或還是在學中？
你講得啱，我兒子在初中已經去到AP數學及史丹福大學的數學程度，所以我哋可能覺得數學程度上冇乜問題。
理科有d唔同，我預科的Organic Chemistry 係外國大二用書，作者係Morrision and Boyd。香港AL係教深好多，係不成比例，如果大學不修化學，我覺得係有d浪費時間青春。
入大學又睇什麼入什麼學制，英美加澳及香港的收生標準不一樣，個別國家要all rounded，而非死讀書考試。所以自己協助孩子選擇他喜歡的路，不用理其他人說三道四就可以。
作者: ABC-DAD 時間: 23-5-3 06:07
本帖最後由 ABC-DAD 於 23-5-3 09:41 編輯
ANChan59 發表於 23-5-2 23:28
最弊嘅係考DSE嘅學生家長，寧願去嘈 1BO，唔敢去嘈教育局及考評局，我真係覺得啼笑皆非。
我想起周思來一 ...
陳蛇，只是某幾位疑似DSE 家長的個別言論過火而已，不能一竹竿打一船人呢。
正如當初DSE 一度被嘲笑抄襲IB 卻是四不像一樣，NSS 係免費義務教育，跟大部分義務教育一樣，水平比上不足，比下有餘，大部分家長都明白要自己加Enrichment 嘅。
教育不宜只針對考試去評估其價值，改善要時間，十年樹木 百年樹人似乎係老生常談，但現實確如此嘛。
善用新高中學制嘅公共資源，再自己努力突圍仍然係普遍家庭嘅策略，對IB 嘅不合理挑釁同誤解，IB 家長要發言表態，DSE 家長也要發言，免得被劣質言論污衊標籤為盲流。
尊重大家作為家長嘅選擇，無必要針鋒相對，擇善固執就皆大歡喜。學習presentation 有其他可行方法的，不是某一個學制就可以包羅萬有，學習嘅路好長遠嘅。
Enjoy your time with family.
作者: poonseelai 時間: 23-5-3 09:47
ABC-DAD 發表於 23-5-3 06:07
陳蛇，只是某幾位疑似DSE 家長的個別言論過火而已，不能一竹竿打一船人呢。
正如當初DSE 一度被嘲笑抄襲IB ...
作為ib家長我有時間盡量答下有關ib問題啦，在這個post可以理性討論下，其他就一句攞完着數仲唔認之類，真的好難聽。
無人話一個學制可以包羅萬有，孩子學習時間就係咁多，學 knowledge, skill 定其他？每個制度重點唔同，各取所需啦。
| 歡迎光臨 教育王國 (/) |
Powered by Discuz! X1.5 |