教育王國

標題: 升學後關係 [打印本頁]

作者: baby8384 時間: 23-4-8 14:53 標題: 升學後關係

請問大家，小朋友過外國都是青春期，過外國後同父母關係怎樣？可以分享一下嗎？

作者: Activehealth 時間: 23-4-10 08:53

關係改善咗，因為分隔開，更加會珍惜彼此關係。

以前阿仔在家十問九不應，依家反而主動打電話返屋企。

我哋做父母亦學識放手，要尊重佢已經係大人（剛18歲）有自己決定。亦喜見佢成熟咗，可以照顧自己，可能在外撞得板多終於學會了！父母話佢會黑面駁咀反抗，俾其他人話正會學到野。

阿仔係自己想在外國生活果隻，佢係港孩一名，之前完全被照顧周到，所以初時外國生話要自己搞衣食住行，適應都唔容易！但條路係佢自己揀，所以佢無得complain，唯有發揮小宇宙刻服。

作者: baby8384 時間: 23-4-10 17:43

Activehealth 發表於 23-4-10 08:53
關係改善咗，因為分隔開，更加會珍惜彼此關係。

以前阿仔在家十問九不應，依家反而主動打電話返屋企。

多謝你回覆，我都希望阿仔會做到

作者: baby8384 時間: 23-4-12 13:51

Activehealth 發表於 23-4-10 08:53
關係改善咗，因為分隔開，更加會珍惜彼此關係。

以前阿仔在家十問九不應，依家反而主動打電話返屋企。

謝謝你回覆

作者: kayanjojo 時間: 23-4-17 23:27

大仔11歲去boarding，未夠一年已經變左好多。我覺得佢比以前更加愛爸媽，放假返黎見到細佬非常caring，有一個哥哥的感覺。依家已經14歲，可以帶細佬出去，買嘢佢食，學會了愛。

作者: 964000 時間: 23-4-23 06:42

Activehealth 發表於 23-4-10 08:53
關係改善咗，因為分隔開，更加會珍惜彼此關係。

以前阿仔在家十問九不應，依家反而主動打電話返屋企。

青春期，見少D哦少D，反而會減少磨擦。
不過又可能好多野會自己「收埋」咗，所謂獨立，可能係成長的階段。

作者: lemon2005 時間: 23-4-23 15:11

回覆 Activehealth 的帖子

好開心聽到你正面嘅分享，仔仔由一個個港孩變咗一個獨立嘅人，你仔仔自己點解揀去外國讀書？佢會唔會自己煮嘢食？識唔識到朋友？

作者: Activehealth 時間: 23-4-23 16:18

lemon2005 發表於 23-4-23 15:11
回覆 Activehealth 的帖子

好開心聽到你正面嘅分享，仔仔由一個個港孩變咗一個獨立嘅人，你仔仔自己點解揀 ...

阿仔由細到大在港讀IS，我哋有AUS passport，佢兩歲時已經幫佢報咗AUS boarding school 俾佢初中返去讀。

佢上到中學，一路唔肯返AUS boarding school 考簡單入學試，到最後Y8 last call 返去考，入Grade 9 boarding 都唔肯返，佢話要喺HK 完成IB 返AUS 讀大學。但點知2018 HK 開始social movements, 佢突然話唔想喺HK想立即返AUS，但實在搞唔切之後COVID AUS 開始lockdown。

我怕佢喺HK 出街搞事，應承佢一考完IBDP即刻同佢返AUS，AUS （南半球）比HK遲半年開學，所以佢有半年gap year適應澳洲生活。佢果時－個人住一間兩房flat周圍冇餐廳只有超市，所以學識自己煮，之前只學校上堂學過煮嘢食，但識唔到朋友覺得好悶。

今年一月初搬咗過省入大學宿舍，佢話唔想再自己－個住，寧願住dorm。二月開學撞返以前中學兩個同學，仲有宿舍識到新朋友。

歡迎光臨教育王國 (/)