教育王國

標題: 請問如不是用英語同bb 溝通但想入讀國際學校難嗎？ [打印本頁]

作者: beansbeans 時間: 23-3-19 19:22 標題: 請問如不是用英語同bb 溝通但想入讀國際學校難嗎？

如題，Bb下年讀n班，但父母同佢用廣東話溝通多，考國際學校會好難嗎？如入到小朋友會唔會係學校唔識用英文溝通？

作者: Nbs 時間: 23-3-20 00:00

beansbeans 發表於 23-3-19 19:22
如題，Bb下年讀n班，但父母同佢用廣東話溝通多，考國際學校會好難嗎？如入到小朋友會唔會係學校唔識用英文 ...

我女幾年前考 ESF K, basic requirement 係要show 到小朋友聽得明英文（唔使開口講）。而家多咗人報，唔知會唔會難咗。不過我好記得國際學校嘅概念係 "we teach in English. Not teach English”, 所以小朋友最低限度入學時要識 d 英文吧 (一入咗就學得好快嘅，嗰個就唔怕）

作者: melobi12 時間: 23-3-20 13:37

beansbeans 發表於 23-3-19 19:22
如題，Bb下年讀n班，但父母同佢用廣東話溝通多，考國際學校會好難嗎？如入到小朋友會唔會係學校唔識用英文 ...

考K1主要睇小朋友聽唔聽得明英文（因為有啲小朋友interview 時可能連講嘢都唔多識），加上其他方面age appropriate 發展就多數ok。

屋企講廣東話唔緊要，但你要俾佢去啲IS playgroup/N，等佢習慣英文呢個language。我自己會喺小朋友interview 前2-3個月屋企都轉埋全英（主要等佢習慣，因為有D K1係會家長同小朋友一齊interview，咁如果你入去玩緊時你問小朋友英文，佢答你中文就會麻煩少少）。

到收到心儀offer你已經可以轉返全廣東話，小朋友好快適應。

作者: beansbeans 時間: 23-3-20 22:51

回覆 melobi12 的帖子

想請問Victoria ， tutor time，Kingston，York 會係用全英文上堂嗎？

作者: beansbeans 時間: 23-3-20 22:52

回覆 Nbs 的帖子

聽講esf 多數收外國passport學生多嗎？

作者: 964000 時間: 23-3-21 06:25

beansbeans 發表於 23-3-19 19:22
如題，Bb下年讀n班，但父母同佢用廣東話溝通多，考國際學校會好難嗎？如入到小朋友會唔會係學校唔識用英文 ...

如果家冇語境要搵全英n, bilingual 個D唔夠，平時ECA，睇電視都英文
另外屋企請個英文好D的菲傭
你要令佢in時好自然用英文，如果平時少用，去到陌生環境會更冇信心唔敢講
咁細個入到去就自然好快會溝通到，但入學assessment 未必通過到

作者: Nbs 時間: 23-3-21 07:57

beansbeans 發表於 23-3-20 22:52
回覆 Nbs 的帖子

聽講esf 多數收外國passport學生多嗎？

本帖最後由 Nbs 於 23-3-21 07:59 編輯

唔係呀，我女無外國passport
佢N 時係讀york, 唔係全英文㗎
我地喺佢入K 班前係全家都係用英文同佢講嘢

作者: JKLhome 時間: 23-3-26 01:23

回覆 beansbeans 的帖子

外國passport 有priority 因為要達到政府要求70% FP 學生

作者: Michunny 時間: 23-4-10 22:59

回覆 beansbeans 的帖子

Victoria & TT 兩間都有好高比例嘅外籍老師，所以小朋友入咗去學得好快。當然屋企有人同佢講吓英文係好事，但係冇嘅話我唔覺得會點樣落後—我見班上的同學仔D爹哋媽咪都主要係講廣東話，但係佢哋講英文都完全冇問題。另外兩間就唔熟啦。反而係interview嘅時候，學校會用英文同家長傾偈.

歡迎光臨教育王國 (/)