教育王國
標題: 是否沒有報讀名幼（eg. 學之園）小一面試去唔到熱門名校？ [打印本頁]
作者: PeppaMami 時間: 23-3-18 17:34 標題: 是否沒有報讀名幼（eg. 學之園）小一面試去唔到熱門名校？
今年我嘅小朋友面試效果不如人意，係咪當初決定唔去學術型幼稚園是一個錯誤嘅決定呢？
我見到好多名幼畢業的小朋友最終都有唔少好好嘅offer，想知道果啲係名幼畢業然後去到名小嘅小朋友宜家是否學習開心？成績是否都好？
因為我好想知道到底當初選擇唔去名幼的決定是對定係錯，或者永遠都唔會有答案…
作者: nman0802 時間: 23-3-18 18:00
回覆 PeppaMami 的帖子
名幼與否，重點唔係學校個名會幫到你，而係小朋友係學術、表達能力、溝通能力嘅水平係點。
如果你唔係讀名幼，咁你自己有無額外幫佢外補？或者家長自己教？
作者: Jean1769 時間: 23-3-18 18:14
一分錢一分貨，語境呢d要用錢買。唔敢講名幼係咪就有好offer, 但語文能力普遍好過券幼都好合理
作者: HK-CR7 時間: 23-3-18 20:29 標題: 回覆樓主：
本帖最後由 HK-CR7 於 23-3-18 20:49 編輯
利申名幼 考小都有不少offer 但我想講主要靠我地家長跟得貼同上面試班 再自己操 學校講真幫助係有但不大 學樓上講語景係有幫助 但學術都係太淺 要考神校唔夠
作者: piglover 時間: 23-3-18 21:02
PeppaMami 發表於 23-3-18 17:34 
今年我嘅小朋友面試效果不如人意，係咪當初決定唔去學術型幼稚園是一個錯誤嘅決定呢？
我見到好多名幼畢業 ...
無論如何，都無得返轉頭再重新選擇㗎啦。
不如努力向前望。在小學重新出發。
無人同時讀名幼，又讀普通幼稚園。公說公有理 婆說婆有理。
當初點選擇，都過佐去了。面試係緣份遊戲，無被取錄，不代表差嘅。有小朋友平時學術好，但面試不被取錄的，大有人在。成功取錄又不代表真係好。
作者: jbbmom 時間: 23-3-18 22:21
本帖最後由 jbbmom 於 23-3-18 22:21 編輯
唔好諗返轉頭，於事無補，向前看，近年插班機會多，加油!
作者: Heyyo 時間: 23-3-18 23:25
考小只係第一步 嚟緊每年都不斷洗牌 如果有實力又想更上一層樓 仲有好多機會
作者: mrsmay 時間: 23-3-19 01:43
唔一定名幼先入到熱門學校
呢啲熱門學校都會收非名幼
只不過比例上少啲
名幼家長普遍都目標清晰，出心出力出錢出時間去栽培足3-4年，付出咗咁多，成功率高啲都係正常
不過其實名幼都有零offer
緣份遊戲
作者: piglover 時間: 23-3-19 07:38
mrsmay 發表於 23-3-19 01:43
唔一定名幼先入到熱門學校
呢啲熱門學校都會收非名幼
只不過比例上少啲
名幼零offer又真係無聽過，如果有報三私，至少三私一定其中一間會收。
不過，樓主後悔都無用，都過佐去。不如努力寫求位信。
一係小一谷好d小朋友，考插班啦。
作者: ustvct 時間: 23-3-19 09:50 標題: 回覆樓主：
本帖最後由 ustvct 於 23-3-19 09:58 編輯
考小一只是人生開始，甚至只是開始的開始，每個孩子一定可以穩到最適合的學校！
作者: f00130 時間: 23-3-19 11:09
名幼如學之園 有公佈升學資料在網站 會見到畢業生去咩學校 何謂熱門名小睇你自己點定義
其實都已成定局 無需要諗返轉頭 小學努力啲 做好自己 家長跟貼些 總有出路 加油
作者: yeeling0101 時間: 23-3-19 11:28
不一定。
有人免費k，有Spcc 同拔offer.
有人乜乜園(多分校)，零offer.
睇家長點樣協助小朋友而已。
學術唔係直私唯一收生要求，你研究下啲post，不少家長呻小朋友學術好好，但零offer 的。
仲有幾個月小一派位放榜，好好準備小朋友學術同待人接物，針對性準備叩門吧。
作者: hundred100 時間: 23-3-19 11:47
本帖最後由 hundred100 於 23-3-22 07:28 編輯
PeppaMami 發表於 23-3-18 17:34
今年我嘅小朋友面試效果不如人意，係咪當初決定唔去學術型幼稚園是一個錯誤嘅決定呢？
我見到好多名幼畢業 ...
識得人讀*園，也有去唔到的。即使去到又如何？讀幾年三私之一，唔少都轉一綫津了。由小一19x人，到小五得9X人。
過去的沒得再來，好好裝備，大把機會轉校。～～當年龍年阿仔劵幼，同班只得三人考直私，都有offer。我認為同學校關係不大，系家長冇做好準備多滴。
作者: deco99 時間: 23-3-19 13:02
hundred100 發表於 23-3-19 11:47
x園，也有去唔到的。即使去到又如何？讀幾年三私之一，唔少都轉一綫津了。由小一19x人，到小五得9X人。
過 ...
答返樓主問題，普通幼當然都有人入名校，比例一定無名幼咁高，好大原因係名幼家長一早target名校。我唔信幼稚園會決定一個人命運，小朋友如果係讀書材料一定有機會插班或升入好中學，你唔使後悔，向前望，自己盡力就好。
作者: PeppaMami 時間: 23-3-19 13:24
多謝大家，因為自問好用心教小朋友，所以面試結果落差好大，自己心情都有些許低落，不過我都明白，這只是開始，我諗我會更加正面教育好小朋友，無論係學術定係品德性格。
作者: 多多宝 時間: 23-3-19 17:00
PeppaMami 發表於 23-3-19 13:24
多謝大家，因為自問好用心教小朋友，所以面試結果落差好大，自己心情都有些許低落，不過我都明白，這只是開 ...
熱門學校本身競爭都大，名幼亦唔係個個都可以去到，亦都唔係間間可以入到。如果你只報了熱門學校（eg over3000人爭百幾個學位），最後一手waiting都有可能。但係如果間間都去唔到2nd in，或多或少說明自己的教學方式出現問題，正常學術過關的小朋友通常至少都可以過到1st in。
作者: 快樂火雞 時間: 23-3-19 17:16
現在還早，到六七月還會有兩三千個熱門直私的位放出來，音樂椅游戲玩到九月都沒完。
其實直私的學額非常充足，現在頭那批一人揸住四五個，到時放出來，就會由神校開始一層層call落去，人人都有機會
在現階段不用太焦慮
作者: lambeanmama 時間: 23-3-19 18:43
PeppaMami 發表於 23-3-18 17:34
今年我嘅小朋友面試效果不如人意，係咪當初決定唔去學術型幼稚園是一個錯誤嘅決定呢？
我見到好多名幼畢業 ...
這個是永遠也不會知道答案的。
不過既成事實，也不用糾結因由，倒不如專注於小朋友日後的發展。考小學只是一個階段而已；不代表小朋友日後的發展的。
加油呀！
作者: Dollys 時間: 23-3-19 18:56
PeppaMami 發表於 23-3-19 13:24
多謝大家，因為自問好用心教小朋友，所以面試結果落差好大，自己心情都有些許低落，不過我都明白，這只是開 ...
作者: Dollys 時間: 23-3-19 18:58
PeppaMami 發表於 23-3-19 13:24
多謝大家，因為自問好用心教小朋友，所以面試結果落差好大，自己心情都有些許低落，不過我都明白，這只是開 ...
我諗你都會發覺，明明做得好好，就係晉級無自己份
作者: Jean1769 時間: 23-3-19 19:47
Dollys 發表於 23-3-19 18:58
如果你有心考名小，你沒有選擇名幼係絕對錯誤，
我諗你都會發覺，明明做得好好，就係晉級無自己份
...
本帖最後由 Jean1769 於 23-3-19 19:48 編輯
我都係果句啦，一分錢一分貨。名幼收咁貴自有佢原因，否則點解咁多人爭住俾錢。無可能期望免費券幼俾到一樣既野（唔係指offer數目，係學術底子、學校環境、語境、教材、課程編排、細路presentation等）
樓主當初唔揀，慳左唔少錢，呢樣咪另類得著。至於上面話券幼都有神校offer， 百中無一。而且父母課後點加料法，who knows
作者: fmf903 時間: 23-3-19 21:26
PeppaMami 發表於 23-3-18 17:34
今年我嘅小朋友面試效果不如人意，係咪當初決定唔去學術型幼稚園是一個錯誤嘅決定呢？
我見到好多名幼畢業 ...
本帖最後由 fmf903 於 23-3-19 21:28 編輯
如揀劵幼，一樣要自己狂教狂補。名幼家長都要谷100%，普通幼要谷200% 先跟得貼。我會贊成讀面試班，係睇小朋友係公海咩位置，要加幾多力再推佢上去。
有讀名幼，同班有人零offer, 因為父母都hea 。
當我以為自己小朋友已經係頭15名，原來仲有好多人勁你好多，事實上只係排30。再來過，我會再努力啲。
作者: fmf903 時間: 23-3-19 21:30
PeppaMami 發表於 23-3-18 17:34
今年我嘅小朋友面試效果不如人意，係咪當初決定唔去學術型幼稚園是一個錯誤嘅決定呢？
我見到好多名幼畢業 ...
只想講 靠學校都唔夠考，只係自己準備唔夠。
作者: Anne_Hall 時間: 23-3-19 21:53
而家只係起步，最後大家目標都係讀大學，就算讀唔到心水小學都唔使灰心，讀書真係要等小朋友自己開竅同自覺，開始時可以父母幫手谷，唔代表讀上去可以保持到。小朋友有自己既路，父母盡左力但求問心無愧。
作者: Anaisbear 時間: 23-3-20 01:36
樓主，我覺得重點唔係有冇讀名幼，係家長提供嘅支援同準備足唔足夠。
如果好早喺呢度爬文，應該有聽過大量家長講過，考小學唔可以靠幼稚園，考小成績亮麗，背後十成十係父母發功。
我有朋友仔讀學之園滿手Offer包括女拔/德望/優才/培橋/王錦輝etc, 佢長期讀兩個唔同嘅面試班，兩個都係超級谷嗰種，所以佢唔係用學之園嘅身份考入去，係大B身份加學之園加父母發功(讀谷嘅面試班，父母要跟好多度，練習好多)。
我朋友都係攞晒Offer先至同我哋朋友分享，其實佢讀咁多面試班。如果你唔認識佢，你以為佢用學之園身份去攞到咁好成績….
所以如果係明白嘅規矩，就知道好多考試成績亮麗嘅小朋友，父母係好拼命。佢哋嘅盡力同用力，唔係一般家長講嘅盡力，程度其實唔一樣。
我睇盡身邊朋友嘅個案，如果唔係讀名幼，機會係有受到影響，但係唔係咁大。
我自己小朋友嘅幼稚園都係冇學術，自己教，有上面試班亦跟到足，三四個Offer都會有。
作者: PeppaMami 時間: 23-3-20 08:08
回覆 Anaisbear 的帖子
多謝你嘅分享，我好想知道小朋友要去到點樣嘅學術深度呢？
作者: patsm 時間: 23-3-20 08:50 標題: 回覆樓主:
学術K3頭可應付到小一已足夠,係中英數常全面性,呢d係基本入場券,但考小唔係單靠學術,小朋友主动,學以致用,突出到優点才是優勢,再加上有禮愛笑,懂得與人分享,才可突圍
作者: Azzurro 時間: 23-3-20 09:25
你從心儀嘅小學睇學生從邊啲幼稚園黎
你就知道點樣部署
我小朋友嘅中上小學大概係咁：60%名牌幼稚園，20%收費幼稚園，20%免費幼稚園
你自己想象最好嘅小學係點啦
目前呢個遊戲規則已經二十年（直資有二十年歷史）
好多萬人經過呢個遊戲流水線
跟規則去玩係錯唔到
但是話說回頭，正如某校長說：最重要贏在終點線！
不少人係神校最後都去唔到神科
作者: glo000 時間: 23-3-20 11:11
咁多年...成日都講乜乜名幼先入到，計下數先，間間名幼都百幾至幾百人只有當中十個八個學生入到名小...仲要有好多係識人/有家姐哥哥向名校入面讀或舊生仔女先收入名幼...N無入到名小果班真係天生叻同醒目底，父母出少少力谷都叻過人，唔係好關間學校事，叻小朋友間間名幼名小都想收，佢地滿手offer 好易入，睇清楚有雞先定蛋先
作者: fmf903 時間: 23-3-20 12:05
PeppaMami 發表於 23-3-20 08:08
回覆 Anaisbear 的帖子
多謝你嘅分享，我好想知道小朋友要去到點樣嘅學術深度呢？
果種學術我覺得唔係片面識認字，是理解力及表達能力。還有日常生活知識。數學邏輯思維，並不是單純15以內加減，考小時，有些題目已包含代數，乘除喺裏面。
作者: fmf903 時間: 23-3-20 12:07
Anaisbear 發表於 23-3-20 01:36
樓主，我覺得重點唔係有冇讀名幼，係家長提供嘅支援同準備足唔足夠。
如果好早喺呢度爬文，應該有聽過大量 ...
你覺得好啱，家長係好拼命。
作者: P師奶 時間: 23-3-20 14:36 標題: 回覆樓主:
幼稚園只係起點，入名幼唔一定入到神校、神科，入券幼亦有機會喺升中、升大學時跑贏返
過去咗就算了，好好培養小朋友吧
作者: Dollys 時間: 23-3-20 17:54
事實係絕大部份考得好既小朋友均來自名幼，
有時好簡單的interview內容，偏偏就係選中名幼而選唔中自己。
所以樓主後悔都正常，如果真的心儀名小，想當初應選擇名幼。
作者: manmonster 時間: 23-3-20 18:05
樓主加油，不要懊悔現在已沒法改變的事，當日的決定總有當日的理由。鼓起勇氣和小朋友一起成長和努力吧。
另外，香港主流教育至今仍以「學術含量」和「苦讀」為首，想開開心心又在競爭劇烈的升小（和日後的升中）階段中脫穎而出，個人覺得一點也不容易。
作者: kidscostume 時間: 23-3-20 18:19
成日有朋友問我名幼好唔好，讀成點，我會答俾得起錢就梗係讀，同基本私幼都真係有分別嘅（何況卷幼）
但夾埋車費雜費都成萬蚊一個月，值唔值呢其實就唔係好值😂
作者: Dollys 時間: 23-3-20 18:40
kidscostume 發表於 23-3-20 18:19
成日有朋友問我名幼好唔好，讀成點，我會答俾得起錢就梗係讀，同基本私幼都真係有分別嘅（何況卷幼）
但夾 ...
作者: kidscostume 時間: 23-3-20 19:17
回覆 Dollys 的帖子
唔至在1萬幾千就當然有得讀梗讀名幼，但我識人就要成個家庭節衣縮食咁讀，我就覺得唔值嘅。前前後後俾左30萬，其實家長都要好發功，最後成功就係學校拎哂個光環咁⋯
利申：讀緊名幼
作者: piglover 時間: 23-3-20 19:39
kidscostume 發表於 23-3-20 19:17
回覆 Dollys 的帖子
唔至在1萬幾千就當然有得讀梗讀名幼，但我識人就要成個家庭節衣縮食咁讀，我就覺得唔 ...
我有朋友話讀名幼嘅人係傻嘅。
她話自己免費券幼，再加6千補習費加課外活動，覺得咁樣更有得著wor。
作者: rchan1 時間: 23-3-20 19:57
piglover 發表於 23-3-20 19:39
我有朋友話讀名幼嘅人係傻嘅。
她話自己免費券幼，再加6千補習費加課外活動，覺得咁樣更有得著wor。
其實讀名幼+每月過萬興趣班學嘢好普遍
作者: Jean1769 時間: 23-3-20 20:02
Dollys 發表於 23-3-20 17:54
事實係絕大部份考得好既小朋友均來自名幼，
有時好簡單的interview內容，偏偏就係選中名幼而選唔中自己。
...
exactly
如果真的心儀名小，想當初應選擇名幼。當初唔選擇，不外乎慳錢。現在錢慳左，還有乜好怨？邊有兩全其美。
名幼學術好，係幫家長慳到外補時間，唔外補都唔會死得哂。名幼就算零offer，去叩門時點都有得見一見啦
作者: Dollys 時間: 23-3-20 20:45
其實樓主都好清楚明白，
考小學並唔係考得咁全面，
名小點解偏偏都係揀嗰班學生，
仲要年年都係咁上下數量
作者: Dollys 時間: 23-3-20 20:58
就以樓主所講嘅學之園為例，
佢哋嘅學生比到人一種感覺係三文兩語一定做得到，
小學可能係冇考英文嘅情況下，點樣去選擇學生，
其實當我哋都咁覺得嘅時候，人哋學校都係咁覺得
作者: Charlotte_mom 時間: 23-3-20 21:43
本帖最後由 Charlotte_mom 於 25-6-4 21:00 編輯
Dollys 發表於 23-3-20 20:58
就以樓主所講嘅學之園為例，
佢哋嘅學生比到人一種感覺係三文兩語一定做得到，
小學可能係冇考英文嘅情況下 ...
delete
作者: Dot0716 時間: 23-3-20 23:31
PeppaMami 發表於 23-3-18 17:34
今年我嘅小朋友面試效果不如人意，係咪當初決定唔去學術型幼稚園是一個錯誤嘅決定呢？
我見到好多名幼畢業 ...
我劵幼，算有間不錯嘅offer，所以唔係完全關學校事
作者: 火球公主 時間: 23-3-21 09:28
好多人話冇答案，我唔同意。
如果樓主一開始已知係重視考小，而冇揀名幼，本身就係戰略失誤行錯棋。
上面好多家長都講，其實無論讀名幼或者券幼，家長都要自己跟，至於語境呢啲用錢買既，你慳咗學費一樣可以喺其它地方買返語境，例如出面英文上堂，所以呢個point唔係太成立。
讀名幼最大既價值唔係小朋友學到乜嘢，而係家長你身邊群緊咩人。讀名幼既個個家長都戰鬥格，遇到啲樂意分享啲既有問必答，大家上咩外補班學咩興趣班，你自己會有壓力自己要做好啲。又或者遇到志同道合既家長大家可以一齊傾多啲，你又會有壓力自己要跟多啲。更加唔好講，有啲幼稚園或者家教會會搞啲升小考小分享會，呢啲係錢買唔到的。
所以，樓主既問題係有答案，想考直私，請讀名幼。
唔係話名幼包生仔，唔係話券幼冇希望，只係個機會大好多咁解，而個機會唔係因為間幼稚園既名，而係家長你喺當中自己既改同努力。
作者: gabejang 時間: 23-3-21 09:40
piglover 發表於 23-3-20 19:39
我有朋友話讀名幼嘅人係傻嘅。
她話自己免費券幼，再加6千補習費加課外活動，覺得咁樣更有得著wor。
作者: patsm 時間: 23-3-21 09:49
火球公主 發表於 23-3-21 09:28
好多人話冇答案，我唔同意。
如果樓主一開始已知係重視考小，而冇揀名幼，本身就係戰略失誤行錯棋。
agreed!呢樣真,家長氛圍,結識嘅人,係推動力
作者: Dollys 時間: 23-3-21 10:18
樓主由一開始已部署錯誤，
考小問啲好簡單既問題，去過first in，
基本上非名幼，係好難突圍
作者: piglover 時間: 23-3-21 12:19
Dollys 發表於 23-3-21 10:18
樓主由一開始已部署錯誤，
考小問啲好簡單既問題，去過first in，
基本上非名幼，係好難突圍 ...
樓主可能慳佐學X園學費，去佐上其他補習班，興趣班。
但如果樓主目標係直私，真係第一步已經行錯佐。
本人朋友教某熱門直資，她都好坦白講，學校嘅學生主要來自某幾間出名私幼。
作者: Ckw2019 時間: 23-3-21 12:31
如果考直私，係咪讀名幼係真係會有影響。
我小朋友係名幼，當年有位K3插班入黎，我地家長們都話佢幾叻，佢嘅能力比唔少現讀生好。點知有啲第一round已經無得in，有得in都入唔到下round. 最後得好少同唔算好一線嘅直資offer. 平時能力渣過佢嘅都有好offer.
大家都推斷其中一個原因係當初報名啲小學時，佢要用返K2學校名報名，同交舊校嘅成績表而扣分。
作者: Jean1769 時間: 23-3-21 12:39
piglover 發表於 23-3-21 12:19
樓主可能慳佐學X園學費，去佐上其他補習班，興趣班。
但如果樓主目標係直私，真係第一步已經行錯佐。
學校有很多名幼學生，唔係因為名幼個brand,而係因為名幼有比較多佢想要的類型的學生。
有offer呢班，如果佢keep住自己quality, 但讀人名邨幼，一樣可以有offer
作者: Jean1769 時間: 23-3-21 12:41
Ckw2019 發表於 23-3-21 12:31
如果考直私，係咪讀名幼係真係會有影響。
我小朋友係名幼，當年有位K3插班入黎，我地家長們都話佢幾叻，佢 ...
本帖最後由 Jean1769 於 23-3-21 12:42 編輯
你應該諗多左。
我地家長們都話佢幾叻，佢嘅能力比唔少現讀生好。—》人哋客氣說話你又當真。
平時能力渣過佢嘅都有好offer。—〉點樣渣法？學術？不嬲都講學術唔係唯一
如果真係個嘜頭咁重要，咁點解唔係所有同校生入到1st in呢。
作者: fmf903 時間: 23-3-21 12:52
火球公主 發表於 23-3-21 09:28
好多人話冇答案，我唔同意。
如果樓主一開始已知係重視考小，而冇揀名幼，本身就係戰略失誤行錯棋。
本帖最後由 fmf903 於 23-3-21 12:54 編輯
可以用中學係band 3 同band 1 分別，band 3 中學都有人上大學但機率低，券幼普遍同學之間學習氛圍低，家長之間大部分想讀津小。即使係劵幼最叻（以為好勁），出到公海同名幼比，有可能係名幼最後一名。正如band 3 考第一名，都會差過band 1 包尾。
我諗所有讀得名幼的家長都好搏，唔埋堆係唔知自己水平去到邊。
作者: 快樂火雞 時間: 23-3-21 13:26
Charlotte_mom 發表於 23-3-20 21:43
我姨甥係名幼
區內有間龍頭小學，簡介會都難有位，但會去呢間名幼辦私家簡介會
而校長係同家長講「英文就 ...
作者: rchan1 時間: 23-3-21 13:36
火球公主 發表於 23-3-21 09:28
好多人話冇答案，我唔同意。
如果樓主一開始已知係重視考小，而冇揀名幼，本身就係戰略失誤行錯棋。
作者: 四隻貓 時間: 23-3-21 13:46
rchan1 發表於 23-3-21 13:36
非常認同係果種氛圍, 唔淨止班家長，係連果班小朋友個個都已經好READY去面試既狀態! o係名幼, 老師校長一早 ...
本帖最後由 四隻貓 於 23-3-22 08:47 編輯
Yes, 記得我女果年有位女同學早退去DGJS 2nd in，成班同學一齊同佢打氣歡送佢出門口。果種氛圍係上面試班都得唔到的。
我女已經高中了，佢仍然記得考小學interview嘅事，佢話到而家都覺得interview 好好玩
作者: fwstides 時間: 23-3-21 18:12
好多馬仔
作者: hundred100 時間: 23-3-21 19:00
本帖最後由 hundred100 於 23-3-21 19:11 編輯
Dot0716 發表於 23-3-20 23:31
我劵幼，算有間不錯嘅offer，所以唔係完全關學校事
我都認為唔關學校事，平時有家長伴讀已足夠已付升小。咁細個就去train小朋友應付interview，個類學校唔系我杯茶。幼稚園都冇理由外補學術，應該多滴興趣班。有幾多名幼讀名小?唔好同我講沙田某大大臨幾千人爭的某直資叫名校，沙田二線津都唔會差過佢。__當然呢滴都系純粹個人睇法
作者: kirstyau 時間: 23-3-21 22:21 標題: 回覆樓主：
本帖最後由 kirstyau 於 23-3-21 22:21 編輯
我2個中學了。 條條大路通羅馬 ，村學劵幼>津小>名津中+名直中。重點培養好愛閱讀，我就有少少錯誤，側重左英文，6年小學keep住搵外國人老師訓練英語說話。小學考好校內試，目標keep係top10。
作者: f00130 時間: 23-3-21 22:58
幾間名私幼學生人數加加埋埋都十分可觀 而那班家長通常都目標一致 士氣高昂 就係想考直私 而部份學校又有面試支援 咁照計所謂名幼生成功考到直私的人數佔多其實都不無道理。試想下普通卷幼、村幼有多少家長係認真準備面試 或到底報唔報都係個問題。
亦唔少hea 啲的名幼家長 交俾學校又跟唔足 最終得三私之一offer 咁其實三私近年真係唔難入（可能有報就有機會call wait?)其實三私呢啲又算唔算名小？俾著係呢啲offer 又會唔會想讀呢
作者: patsm 時間: 23-3-22 08:50 標題: 回覆樓主:
各取所需,我自己就覺得幾年嘅名幼學習是有所得著,而呢d並不是出去外補就得
作者: Greylay 時間: 23-3-22 09:15
PeppaMami 發表於 23-3-18 17:34
今年我嘅小朋友面試效果不如人意，係咪當初決定唔去學術型幼稚園是一個錯誤嘅決定呢？
我見到好多名幼畢業 ...
本帖最後由 Greylay 於 23-3-22 09:46 編輯
本帖最後由 Greylay 於 23-3-22 09:44 編輯
本帖最後由 Greylay 於 23-3-22 09:43 編輯
at least 我唔係。當年我嘅case 唔係無報，而係報咗要放棄。因為我小朋友係細B, 幾間名幼當年都在面試前夕分別打電話俾我： 問我會唔會考慮PN, 放棄K1, 佢哋話如果我揀PN , 不用我in , 立即收。我問佢地： 你嘅意思係咪即使我跟日子來K1 interview , 你哋肯定唔收？，佢哋分別都係答係。所以我最後全部同佢哋講：sorry 呀，我唔打算重讀PN, 既然係咁，我都唔嚟面試啦。
最後繼續留喺那間唔出名嘅私幼讀，
升小時我幫小朋友報咗8 間小學，收到6 個正取offers, ( 包括3C1D) , , 其實只係最top 兩間唔收（SPCCps and DGJS) , 最後我哋決定揀自行分配25 分入到嘅英文津小（沒有中學backup) . 當然又會有人指指點點話摃居，唔應該咁揀。不過我小朋友真心自己想揀間津小（因為係daddy 母校）。
結果，我地6 年小學都無補過習，現在升中也無外補，無跟大隊氛圍去做（大隊小一第一日返學約家長早餐已經話食完之後一齊去搵補習社）。
因為我和daddy 都好一致認為小學課程可以放手自己應付，同埋唔想因為超前教育影響小朋友上堂的專注度。最後升中， 我地考嘅中學，100% 全部正取offers ( SPCC, 四大女直 and 赤提即in 即收派半年船）
作者: Greylay 時間: 23-3-22 09:37
PeppaMami 發表於 23-3-18 17:34
今年我嘅小朋友面試效果不如人意，係咪當初決定唔去學術型幼稚園是一個錯誤嘅決定呢？
我見到好多名幼畢業 ...
所以樓主，無論什麼原因都好，唔好為自己決定覺得guilty, 條條大路通羅馬，小朋友只是剛起步，大把發光
發亮嘅機會。叻嘅小朋友放在那裏都係叻。
但可以有少少經驗上建議，如果你係初小階段做到，小朋友肯定行對了成功之路。
1）要盡快建立自主學習能力（stand firm , 做晒功課，搵完書先可以玩）
2)早睡，才有精神，好嘅專注力上堂聽老師講書（我地小學六年，返學日子重不過2100睡覺）
3）課餘時間，課外活動需要，但唔好多，亦唔駛一定要精（除非小朋友真係好有talent 係那方面），做到all round 就得，唔好特登為升中走去狂操音體。，留番啲時間專注學業上。（我地升中時連琴試都未考過，運動係zero),
4)每天一定要俾時間小朋友自由地享樂（當然做好功課之後啦）
樓主加油呀！
祝福你小朋友有開心愉快嘅小學生活，有美好嘅將來！
作者: fmf903 時間: 23-3-22 09:40
Greylay 發表於 23-3-22 09:15
at least 我唔係。當年我嘅case 唔係無報，而係報咗要放棄。因為我小朋友係細B, 幾間名幼當年都在面試前夕 ...
你小朋友好叻，父母更厲害！
作者: ustvct 時間: 23-3-22 09:57
回覆 Greylay 的帖子
請問是否從來不需要同小朋友跟功課、課堂教學？
作者: PeppaMami 時間: 23-3-22 10:06
回覆 Greylay 的帖子
好多謝你嘅回覆，俾左我信心，讓我知道我揀嘅呢條路都係有機會得嘅。
作者: 寶力加 時間: 23-3-22 10:11
Greylay 發表於 23-3-22 09:37
所以樓主，無論什麼原因都好，唔好為自己決定覺得guilty, 條條大路通羅馬，小朋友只是剛起步，大把發光
...
會唔會你個小孩係資優兒童，自己無去check
作者: hundred100 時間: 23-3-22 10:11
Greylay 發表於 23-3-22 09:15
本帖最後由 Greylay 於 23-3-22 09:46 編輯
本帖最後由 Greylay 於 23-3-22 09:44 編輯
作者: Greylay 時間: 23-3-22 10:20
ustvct 發表於 23-3-22 09:57
回覆 Greylay 的帖子
請問是否從來不需要同小朋友跟功課、課堂教學？
因為我要返工的。所以我自小就叫佢放學回家休息30mins ( 食吓tea , 但不可看電視，玩玩具，iPad ) , 就去做功課。完成晒才可以自由玩。
呢樣我好firm , 四大長老都必定要嚴格follow ,
大約過咗小一，其實我見小朋友基本上自動自覺嘅習慣都established 咗，所以P1 - P3 , 我只會回家check 有無抄漏手冊，做漏功課，跟番唔識做佢圈咗出嚟題目，睇埋有無做錯。p4以上就全部唔睇，功課由她錯，因為錯咗佢真係會上心啲，唔想自己再錯嘅決心大啲，佢就會自動自覺tune 台改善
作者: Greylay 時間: 23-3-22 10:24
PeppaMami 發表於 23-3-22 10:06
回覆 Greylay 的帖子
好多謝你嘅回覆，俾左我信心，讓我知道我揀嘅呢條路都係有機會得嘅。
係呀。你諗吓，家境差，（多數名幼名小是要學費的，幾間傳統名津龍小除外），讀唔到名幼名小嘅小朋友，係咪真係無個叻？無個有希望？肯定唔會啦。
作者: Greylay 時間: 23-3-22 10:27
Greylay 發表於 23-3-22 10:24
係呀。你諗吓，家境差，（多數名幼名小是要學費的，幾間傳統名津龍小除外），讀唔到名幼名小嘅小朋友，係 ...
本帖最後由 Greylay 於 23-3-22 10:27 編輯
Btw, 我可以肯定地說，－早established 好自主學習態度係真係十分好好重要。
初小建立咗，升中後佢都仍然keep 住，父母會舒服好多。
作者: jbbmom 時間: 23-3-22 10:29
本帖最後由 jbbmom 於 23-3-22 10:31 編輯
回覆 Greylay 的帖子
Thank you for sharing.
作者: Greylay 時間: 23-3-22 10:30
hundred100 發表於 23-3-22 10:11
好厲害。我大仔地區名津小五，完全冇補習，同其他家長一傾，發現自己系例外的怪物。但我想象唔到小朋友放學 ...
我都係咁諗，大攰了。其實我buy “ 有精神，先會有好專注力，先會上堂留心，吸收快”,
我1-5 是不會有興趣班，因為返學太攰。興趣班會在星期六，星期日全日玩
作者: f00130 時間: 23-3-22 10:56
Greylay 發表於 23-3-22 10:30
我都係咁諗，大攰了。其實我buy “ 有精神，先會有好專注力，先會上堂留心，吸收快”,
我1-5 是不會有興趣 ...
作者: carawingwing 時間: 23-3-22 10:59
Greylay 發表於 23-3-22 10:27
本帖最後由 Greylay 於 23-3-22 10:27 編輯
Btw, 我可以肯定地說，－早established 好自主學習態度係真 ...
多謝你既分享呀，我都同意亦希望小朋友建立好習慣同態度好重要。請問你小朋友幼稚園既時候又點安排呢？我小朋友仲係幼稚園，有一齊訂立時間表，而家努力中。。
作者: Greylay 時間: 23-3-22 11:08
f00130 發表於 23-3-22 10:56
小朋友好叻！想請教你小朋友是否亦能做到每天自律地溫習？星期六、日會抽部份時間溫習嗎？ ...
小學6年每天自律溫習就無咁乖啦，我係咁叫「你最好每日搵少少時間望－次嗰日教過嘅嘢啦」囉，佢會話知啦，但係唔會真係做。我地平時都唔會要佢操supplementary exercises ( 返學太攰了），
所以最後都係有測驗考試前早around 一個星期開始溫習（我地學校好遲先出測考timetable ) , 但係考試測驗時嘅自動自覺溫書，佢就真係做到，呢樣佢唔會欺場，其實佢做到咁，我還可以要求什麼呢？！真係已經老懐安慰，唔會忍心每日要佢 on- stop 地努力，條「腞筋」是不能長時間拉的，會斷的」。
作者: fwstides 時間: 23-3-22 11:08 標題: 回覆樓主：
本帖最後由 fwstides 於 23-3-22 16:59 編輯
作者: Greylay 時間: 23-3-22 11:14
carawingwing 發表於 23-3-22 10:59
多謝你既分享呀，我都同意亦希望小朋友建立好習慣同態度好重要。請問你小朋友幼稚園既時候又點安排呢？我 ...
無呀。其實幼稚園除咗功課，佢只係玩玩玩。
只係真係要佢「做完功課先可以玩」- 呢條底線－走要持守，底線退咗你（父母）就大鑊了
作者: Greylay 時間: 23-3-22 11:22
fwstides 發表於 23-3-22 11:08
讀劵幼多數諗住原區升一線津
名幼家長迷信直小>津小，以為比你考先係好嘢，辛苦考入直資小朋友先會優秀。其 ...
本帖最後由 Greylay 於 23-3-22 11:25 編輯
本帖最後由 Greylay 於 23-3-22 11:25 編輯
(emoji)
作者: Greylay 時間: 23-3-22 11:24
f00130 發表於 23-3-22 10:56
小朋友好叻！想請教你小朋友是否亦能做到每天自律地溫習？星期六、日會抽部份時間溫習嗎？ ...
本帖最後由 Greylay 於 23-3-22 11:27 編輯
不過選擇玩乜，其實我地自小就在不知不覺下安排咗，佢唔會意識係我地有plan 過㗎，但係因為習慣咗，又真係變成佢興趣。
我地係買好多board games 回家玩㗎。又好玩，又親子，玩得多，我覺得佢腦筋真係伶活好多㗎。到現在大了，佢每年書展會叫我買書迷證，去足咁多日，主力去啲board game counter 係咁試玩，玩夠就買兩三盒特別有興趣嘅回家。
幼稚園時佢每日有一小時時TV/ 睇碟： 主要揀peppa pig , peppa pig 啲英文又好聴又易明白。
好好笑，佢現在Form 1 , 前幾日無端端攞番晒啲peppa pig 出嚟睇，話真係好正。
作者: carawingwing 時間: 23-3-22 11:24
Greylay 發表於 23-3-22 11:14
無呀。其實幼稚園除咗功課，佢只係玩玩玩。
只係真係要佢「做完功課先可以玩」- 呢條底線－走要持守，底線 ...
多謝你，我會繼續堅持，只係有時諗起細個媽咪迫我食菜，一路到好大個都係愈迫愈唔願食，有時迫同堅持之間我仲需要多點點領悟同技巧
作者: hundred100 時間: 23-3-22 11:38
本帖最後由 hundred100 於 23-3-22 11:46 編輯
fwstides 發表於 23-3-22 11:08
讀劵幼多數諗住原區升一線津
名幼家長迷信直小>津小，以為比你考先係好嘢，辛苦考入直資小朋友先會優秀。其 ...
認同，我大仔龍年劵幼，幼稚園期間表現平庸，當年為免落入寶校，報了幾間backup，點知真系落入寶校。讀私立，小一初時排名中遊，小三已經前10%。你估那些靠面試班，操題入來的私幼生可以保持優勢好耐?大把機會。後來見好多相熟同學轉國際，直龍，津校。我地都轉返地區津校，見識山外之山。
作者: Greylay 時間: 23-3-22 11:41
carawingwing 發表於 23-3-22 11:24
多謝你，我會繼續堅持，只係有時諗起細個媽咪迫我食菜，一路到好大個都係愈迫愈唔願食，有時迫同堅持之間 ...
本帖最後由 Greylay 於 23-3-22 11:46 編輯
其實我又唔覺得「逼」嘅感覺會持續好耐。我地都好守信用。話咗做好就可以自由玩，我哋都真係說到做到，唔會「坤」佢嘅，eg. 明明佢決定瞓係度玩冥想，我就就去叫佢，你咁無聊㗎，不如去睇吓書，做吓乜乜…
（呢樣唔會嘅），
所以我見我女無乜嘢，無覺得好唔開心。我曾經一次問過佢： 妳會唔會想玩咗先功課？，佢話： 唔好，做完先玩玩得開心啲，唔駛玩玩吓又要去做功課，影響我心情
作者: patsm 時間: 23-3-22 12:09 標題: 回覆樓主:
條條大路通羅馬,大家set嘅底線唔同,有人幼稚園起跑,有人小学,亦有人中學,大学或者社會大學,揀到令自己家庭最配合到的方法就0K啦
作者: fmf903 時間: 23-3-22 13:28
Greylay 發表於 23-3-22 11:24
本帖最後由 Greylay 於 23-3-22 11:27 編輯
不過選擇玩乜，其實我地自小就在不知不覺下安排咗，佢唔會 ...
你選擇正確。其實board game 是一個好好教材，我仔都係3歲開始玩，腦筋靈活，輸左唔緊要，肯再來過。
作者: Dollys 時間: 23-3-22 15:17
任何一間小學，
中學都可以有高才生，
何必讀名校，慳返啲錢好過啦
作者: Greylay 時間: 23-3-22 21:59
carawingwing 發表於 23-3-22 10:59
多謝你既分享呀，我都同意亦希望小朋友建立好習慣同態度好重要。請問你小朋友幼稚園既時候又點安排呢？我 ...
本帖最後由 Greylay 於 23-3-22 22:00 編輯
呀。突然醒起，我幼稚園有俾佢玩咗兩年英詩朗誦。點解會揀speech 呢，因為我小朋友自小就喜歡講嘢，佢講嘢把聲又大又響但幾清晰，我哋當時諗，咁不如去學吓speech 啦。到升小時，我不能否認speech 幫佢建立咗presentation skill and 自信心，所以當時佢升小interview 第一間時已經好淡定，好cheerful 同好肯出聲。無乜怯場。
作者: BB-Tiger 時間: 23-3-23 15:33
Jean1769 發表於 23-3-21 12:41
本帖最後由 Jean1769 於 23-3-21 12:42 編輯
你應該諗多左。
利申 大仔當年無讀N只報一間券幼，屋企樓下，當時間券幼仲未有依家出名，因為我個細B，offer 下午班，我大個書記，如果無上午班我唔take offer，結果收上午班。佢三年後從無外補，下午放學就去迪士尼玩。報小一大家都報屋企附近4大津小，我地反其道報遠少少一線尾二線頭，6年一直無外補，最後佢中一offer比其他入4大津小嘅舊同學好好多，大部分男仔派左B2, B3。
作者: Jean1769 時間: 23-3-23 15:36
BB-Tiger 發表於 23-3-23 15:33
I can't agree with you any, sorry not any more. 名幼名校無疑係一個名牌，畀人一種好勁呀咁嘅感覺，但真 ...
我只是想講好多時家長眼裡出西施。只睇到自己小朋友點比人叻法然後就好多陰謀論。查實細路入到去面試表現成點佢點知？
至於你咁大篇野，我睇唔出你想回應我d乜。
作者: tummypooh 時間: 23-3-23 15:58
唔覺有咩關係。
呢個問題年年都有人問。
名幼都有全軍覆沒的人，券幼都有手執幾間神級的人，其實父母發力遠多於學校，只係名幼大多數父母資源較豐富。
小朋友內向同外向，快熱同慢熱亦都唔一定可以改到。
冇咩好後悔，想入心儀中學繼續努力學術或特異功能，插班睇筆試同成績先。
作者: tummypooh 時間: 23-3-23 16:08
本帖最後由 tummypooh 於 23-3-23 16:17 編輯
回覆 PeppaMami 的帖子
另外，你所謂的名小又係邊啲？ 神級個幾間，你係舊生好過識字，所以如要後悔的話，點解你同你另一半當年唔係個間讀。
一般直私，小朋友英文有一定要求，有啲可能要求埋普通話。有啲又要你認好多中文字，其實呢啲我諗你只靠名幼都冇用。
老實講，小一直私呢個遊戲，有啲小朋友真心係唔啱玩，唔係佢唔叻，純粹係個遊戲規則對佢不利。
你的名幼，以學之園為例，一年有幾多學生畢業，佢出返個入名小的比例出黎的話，可能都唔係特別出眾。
入名幼，可能係其中一步，但非必要。每個小朋友都唔一樣，入唔到名小一，唔係世界末日， 年年不知幾多學生換來換去。
樓上有講名幼語境有錢買唔到。一定要名幼先有語境？
學英語的方法實在太多，睇你點去用。
我女幼稚園，全部人講廣東話，但佢出去玩，用英文同其他小朋友溝通係冇問題，而家小學啲同學有不少都係用英文溝通。 佢同另一位讀國際學校的小朋友全程用英文溝通玩，都係冇問題。
作者: deco99 時間: 23-3-23 16:17
Greylay 發表於 23-3-22 09:15
本帖最後由 Greylay 於 23-3-22 09:46 編輯
本帖最後由 Greylay 於 23-3-22 09:44 編輯
其實我小朋友情況同你女有d似，佢都係細b讀普通私幼，完全無外補，最後都入到我哋最鍾意嘅學校，我哋家長完全放手唔使理佢學習。
但我覺得近年考小嘅風氣越來越癲，我都唔夠膽俾人哋建議。小朋友如果真係讀書材料，一定有辦法入到dream school，只係早或遲。但好多小朋友可能真係易受環境影響，所以我也理解有家長希望子女自幼讀名校。
作者: Jean1769 時間: 23-3-23 16:18
tummypooh 發表於 23-3-23 16:08
回覆 PeppaMami 的帖子
另外，你所謂的名小又係邊啲？ 神級個幾間，你係舊生好過識字，所以如要後悔的話， ...
其實應該話入名小係咪真係咁重要先，入左去往往覺得不外如是啦。
名唔名小我覺得最重要分別係父母有無名校光環威威
作者: tummypooh 時間: 23-3-23 16:21
回覆 Jean1769 的帖子
其實係，把口係為左小朋友日後條路同生活，但我估有一半都係父母朋輩之間的比較居多。
作者: Greylay 時間: 23-3-23 16:54
deco99 發表於 23-3-23 16:17
其實我小朋友情況同你女有d似，佢都係細b讀普通私幼，完全無外補，最後都入到我哋最鍾意嘅學校，我哋家長 ...
本帖最後由 Greylay 於 23-3-23 16:56 編輯
係呀，要在主流做法之中選行其他路其實唔容易，要有好強大嘅抗壓力才可以勇敢去做不動搖。好似我咁，我估當年好多人會揀咗重讀PN, 當日不是完全無猶豫過，不過好短時間就回神同自己講： 我小朋友又唔係因為能力不及而需要重讀，何必要咁選擇呢？！
作者: Greylay 時間: 23-3-26 23:58
fmf903 發表於 23-3-22 13:28
你選擇正確。其實board game 是一個好好教材，我仔都係3歲開始玩，腦筋靈活，輸左唔緊要，肯再來過。
...
本帖最後由 Greylay 於 23-3-27 00:45 編輯
作者: fmf903 時間: 23-3-27 10:26
Greylay 發表於 23-3-23 16:54
本帖最後由 Greylay 於 23-3-23 16:56 編輯
係呀，要在主流做法之中選行其他路其實唔容易，要有好強大 ...
不過你的case 應是少有的。
本身小朋友資質好+ 父母教得好所以有此成績。
名幼入名小比劵幼私幼的確高很多，這都是事實。for 一般人唔知點籌備考小，入名幼起碼唔會行錯。
作者: Jean1769 時間: 23-3-27 11:46
fmf903 發表於 23-3-27 10:26
不過你的case 應是少有的。
本身小朋友資質好+ 父母教得好所以有此成績。
名幼入名小比劵幼私幼的確高很多 ...
跟本就係。百中無一
條問題就好似問，我每期只買一注六合彩係咪就無機會中頭獎呢？
唔係無，但人哋期期買幾十注又去唔同投注站撞下手神，中獎機會大少少都好正常
作者: kisani 時間: 23-3-27 11:57
Jean1769 發表於 23-3-27 11:46
跟本就係。百中無一
條問題就好似問，我每期只買一注六合彩係咪就無機會中頭獎呢？
純粹個人感受
作者: kisani 時間: 23-3-27 12:10
本帖最後由 kisani 於 23-3-27 12:13 編輯
fmf903 發表於 23-3-27 10:26
不過你的case 應是少有的。
本身小朋友資質好+ 父母教得好所以有此成績。
名幼入名小比劵幼私幼的確高很多 ...
名幼入名小比劵幼私幼的確高很多係正常, 因為比錢入名幼ge家長大部份都係目標清晰會考直資私立小學(甚至可能喺群眾壓力下變到非入直私小不可, 哪怕係地區一線津小除左幾間神津), 唔會只靠大抽獎. 咁考ge學生多, 有offer的又自然比卷幼多. 另外本身非進取型ge家長其實一入到名幼都唔多唔少會比大圍氣氛薰陶, 比資源(錢+時間+心力)準備小朋友升小.
一線小學screen portfolio時見家長願意投放資源比小朋友讀名幼(至少私幼), 都會較大信心比offer你. 特別係直私小學因為要收費, 如果讀卷幼去考直私我諗校方都預你in黎當拎經驗/ 水泡. 另外近年我諗直私小都會睇小朋友喺幼稚園階段會否經常轉校, 因依2年直私小都面對學生不停轉校, 如果小朋友能由同一私幼N直升到K3 (or冇讀N, 直接由K1升到K3)會印象分好D.
| 歡迎光臨 教育王國 (/) |
Powered by Discuz! X1.5 |