教育王國
標題: 陸小 vs 民生 [打印本頁]
作者: hoada 時間: 23-2-15 23:00 標題: 陸小 vs 民生
請問小兒在陸小小二考入級25名內, 學習態度良好。性格文靜乖巧,愛數理科目。陸小冇呈分,冇得外闖。家有細佬妹。
家長們覺得值得試插班民小,播道,培橋或優才,更上一層樓嗎?

作者: Poyau 時間: 23-2-18 17:39
hoada 發表於 23-2-15 23:00 
請問小兒在陸小小二考入級25名內, 學習態度良好。性格文靜乖巧,愛數理科目。陸小冇呈分,冇得外闖。家有 ...
陸小一條龍升羅氏基金
羅氏數理科成績不下於提及的學校
轉校想更上一層樓考慮港同 赤提 英華

作者: piglover 時間: 23-2-18 17:53
hoada 發表於 23-2-15 23:00 
請問小兒在陸小小二考入級25名內, 學習態度良好。性格文靜乖巧,愛數理科目。陸小冇呈分,冇得外闖。家有 ...
如果四選一,我會選優才,因為有IB。
另外三間主要考DSE,培橋可選一個唔知咩外國考試(sorry,忘記名)。
Law’s DSE唔差得過呢3間,點解要轉?

作者: hoada 時間: 23-2-18 19:51 標題: 回覆樓主:
因為發覺佢排名彿徘徊放B1C 至B2A 之間。 其他學校都keep 到B1B to B1C。

作者: piglover 時間: 23-2-19 07:19
hoada 發表於 23-2-18 19:51 
因為發覺佢排名彿徘徊放B1C 至B2A 之間。 其他學校都keep 到B1B to B1C。
本帖最後由 piglover 於 23-2-19 07:20 編輯
考DSE係靠小朋友自身能力和努力,你估入到Band 1a學校,就個個小朋友都係5**?學校學習氣氛不差,而小朋友又努力學習的話,成績自然就會好。
你如果而家越級挑戰,小朋友如果不喜歡新學校,拒絕學習,可能影響更大。
新學校如果同學成績很好,小朋友發覺自己無論多努力,都係中下遊,可能影響埋自信心。

作者: NANA999 時間: 23-2-28 12:18
回覆 hoada 的帖子
人往高處走 有機會去更好排名的學校一定要試試,不要懼怕高校壓力。
作者: 周杰倫老婆 時間: 23-3-10 00:11
hoada 發表於 23-2-18 19:51 
因為發覺佢排名彿徘徊放B1C 至B2A 之間。 其他學校都keep 到B1B to B1C。
羅氏以前係Band 1C,依家上左Band 1B,從來都冇落過Band 2
作者: piglover 時間: 23-3-10 11:01
唔覺得民生勁過陸小好多。
陸小多活動,一條龍直上中學,學費親民。中學不算差。
民生大班,學費貴,不是百分百上中學。重點,我識幾個從民小上民中嘅朋友,異口同聲話,唔會比自己小朋友返民生。
有細佬妹,如果其他小朋友都入民小,你一年學費興趣班,要10萬一個,樓主計好數未?
都係考DSE,民生同Law’s,有分別嗎?
除非你想轉IB,你可以考慮GT and 真道。

作者: pigapple 時間: 23-3-10 15:18
回覆 piglover 的帖子
兩間學校網站公佈dse level 4+ 以上成績,絕對有明顯差異。
作者: 73662710 時間: 23-3-10 19:53
hoada 發表於 23-2-15 23:00 
請問小兒在陸小小二考入級25名內, 學習態度良好。性格文靜乖巧,愛數理科目。陸小冇呈分,冇得外闖。家有 ...
民生超大班,學費貴!不保證上民中!
作者: Carey1205 時間: 23-4-6 23:48
你接唔接受到民生一班40人,一級6-7班? 小朋友跌次第時佢能唔夠冷靜咁追返上去? 呢個係轉校好常出現既問題;另外,其實陸小本身都唔錯,只係唔係傳統名校,你想小朋友轉校既目的係為左啲咩?追求更高一線?咁就唔係揀民生,羅氏同民生級數其實唔係真係相差好遠,諗唔到咩理由要咁轉,band1abc條數好多人都話可以篤出黎,所以唔係去到最勁個幾間,其他同樣係band1既,咁樣比真係意義唔大。
轉來轉去,不如問下小朋友點諗

作者: Anne_Hall 時間: 23-4-8 11:52
X生壓力大啲,識人兩個小朋友一個頂唔住轉校,一個頂到,雖然成績好,但考試前壓力大到喊,好辛苦。

作者: alien_ho 時間: 23-4-16 02:20
呢兩間揀,一定揀陸小,雖然無民小名氣咁高,但支援 資源一定比民小好
民小係好大,但其實d 野係唔會用到
小息又唔比周圍走,課外活動又另再加錢
當然樓主係鍾情「名校」,咁應該更上一層樓,而唔係揀民小去轉,唔值得

作者: hoada 時間: 23-10-23 04:56 標題: 回覆樓主:
個人感覺陸慶濤英文語境吾夠, 亦想有龍同呈分試,所以先target 優才同民生。

作者: minichong28 時間: 23-10-24 11:50
回覆 hoada 的帖子
同意, 見識過民生小學既校本Notes, 非常專業和全方位, 剩係讀佢都夠
歡迎光臨 教育王國 (/) |
Powered by Discuz! X1.5 |