教育王國
標題: 升上中學溫書放手唔放手 [打印本頁]
作者: kittytyl 時間: 23-2-13 12:52 標題: 升上中學溫書放手唔放手
先講我自己，高小學已經半放手，冇同佢溫過書，最多只係睇吓佢考試範圍同幫手執齊筆記，自己溫書做練習自己對埋。呈分有搵人幫佢補一科弱的。小六下學期考試全放手，範圍我都唔知，補習都cut埋，因為已經有學校收，輕鬆一下先，見成績仍然保持，都老懷安慰。
升上中一突然有咁多科目，其實都想跟下，原來自己有心冇力，抽唔到太多時間俾佢，最重要佢慣咗自己跟，唔太想我插手，咁就算啦，都係中一咪由佢摸索下囉。以為大部份家長中學都係咁，近排先發現有幾位身邊家長中一都係全跟的，除咗補習，仲會自己跟埋其他科，如果係全職媽媽會陪溫書，教佢重點，要背那些，真心非常佩服
考咗一次試，其實我都滿意，除咗中文可以有進步空間，不過中文一向都係弱，其他科都好好，尤其係自己溫習的情況下，真係唔可以挑剔，但另一位家長講中一其實唔可以放手，係咪成績名列前茅的人都要家長幫手呢？有時自己會內疚，如果因為冇幫佢、考得唔夠好，又或者如果我出啲力佢會唔會真係有名列前茅呢？我咁嘅心態好似唔係太好….定係香港讀書，大部份都要補習，家長跟進一下？
迷惘的家長
作者: Rpp 時間: 23-2-13 13:08
kittytyl 發表於 23-2-13 12:52 
先講我自己，高小學已經半放手，冇同佢溫過書，最多只係睇吓佢考試範圍同幫手執齊筆記，自己溫書做練習自己 ...
中一仲唔放幾時先至放手好？可能我啲要求唔高，全部仔女小學二年級已經完全俾佢哋自己去摸索。邊有時間跟得咁多，最多弱科俾錢去補一補。
作者: cheesepancake 時間: 23-2-13 14:10 標題: 回覆樓主：
本帖最後由 cheesepancake 於 23-2-13 14:14 編輯
本帖最後由 cheesepancake 於 23-2-13 14:13 編輯
半放手中。 第一次UT & exam 俾我想像中好，全科合格
暫時測驗考試時做下嫦娥，日哦夜哦咁叫佢溫書。 最多幫佢印下past paper, 串下生字。
希望中二可以全放手
作者: 0030 時間: 23-2-13 14:33
小一有同她溫書，之後全部自己搞定，中學更加無跟過～無補習全部自己搞定，不過測驗/考試考得差
作者: kittytyl 時間: 23-2-13 14:47
有啲讀書好叻嘅小朋友真係唔使完全跟進咁, 但係如果普普通通呢? 幫吓手係咪真係可以更上一層樓呢
作者: kittytyl 時間: 23-2-13 14:50
Rpp 發表於 23-2-13 13:08
中一仲唔放幾時先至放手好？可能我啲要求唔高，全部仔女小學二年級已經完全俾佢哋自己去摸索。邊有時間跟 ...
有家長就係話中一先要幫下佢, 因為突然間轉變, 有成十幾科要考試! 我係認同應該要盡早放手, 所以我二三年班開始, 已經逐漸放手，只跟進佢比較弱嘅科目。一直去到五六年班都係咁都有唔錯成績，只係唔知中學仲可唔可以咁
作者: 7-seven 時間: 23-2-13 15:22
其實唔駛咁焦慮，你都講又唔係係考得差，人生路漫長總要落地行。步入青春期，家長多啲生活關心，少啲學業成績攀比。
世界係有參差，人亦各不相同。我係唔覺得陪讀就可以名列前茅，佢識諗自會唔明問老師。就算能力許可辭工全職陪讀，分分鐘攪到雞飛狗跳。「有補習需要不如外判，盡心意聽天命。」這是我的想法。
作者: PTL_L 時間: 23-2-13 15:25
kittytyl 發表於 23-2-13 12:52
先講我自己，高小學已經半放手，冇同佢溫過書，最多只係睇吓佢考試範圍同幫手執齊筆記，自己溫書做練習自己 ...
作者: 天外之人 時間: 23-2-13 17:19
本帖最後由 天外之人 於 23-2-13 17:21 編輯
回覆 kittytyl 的帖子
唔關事,要唔要跟睇家長自己,如你所講上到中學好多都無能為力(因我都係),雖知道幫唔到咩,有時候小朋友仲會叫核對一下背默下來的文字查看都不錯. 所以你覺得小朋友能力OK,應放心比佢自己慢慢過渡適應. 見好多人都講全世界既小朋友都會補習,有些仲要係幼稚園開始,可能全部都以分數為學習目標吧,所以有此怪既教育.但去到高深既中學,自己主動要補習都無所謂.
我的小朋友中一都放晒手比佢自己適應,第一季仲有一科唔合格出現,但慢慢都適應晒,維持翻小學時候應有水準,我覺得就OK.始終中學最終都係睇最後既DSE.
作者: Rpp 時間: 23-2-13 18:21
PTL_L 發表於 23-2-13 15:25
由高小起已逐步放手，去到中學，係零參與度，成績好唔好，份卷唔係寫我名，小朋友自己承擔後果！以自己觀察 ...
咪係樣衰係佢咋嘛，特別多孩家庭少點智慧同佢哋鬥智都會縮短壽命，記得幼稚園去到半路競然話執書包忘了帶水杯同外套，哭鬧叫我返屋企攞，睬你都傻，我叫佢兩個選擇，一係用手掌裝水飲，二係開口向老師借紙杯，至於外套一係凍死，二係向老師借外套，功課唔駛講啦。
作者: Yanamami 時間: 23-2-13 18:43
本帖最後由 Yanamami 於 23-2-13 18:45 編輯
kittytyl 發表於 23-2-13 12:52
先講我自己，高小學已經半放手，冇同佢溫過書，最多只係睇吓佢考試範圍同幫手執齊筆記，自己溫書做練習自己 ...
我覺得你可以放手，方向完全正確。別眼紅人家一時高分過你，而家俾佢自己摸索，佢有咁既能力，千金難買呢。我自己同你一樣，升中後全放手，唔需要佢名列前茅的，衹要中上有多就得。如果佢有某科有困難，佢會開聲，先再揾補習都唔遲。中一，仲有好多時間摸索同適應。
作者: 洋蔥頭媽咪 時間: 23-2-13 19:38
kittytyl 發表於 23-2-13 12:52
先講我自己，高小學已經半放手，冇同佢溫過書，最多只係睇吓佢考試範圍同幫手執齊筆記，自己溫書做練習自己 ...
放手要響小學開始慢慢做，樓主響高小開始慢慢放做得非常好， 上到中學孩子開始慢慢習慣， 唔使你幫成績都唔錯證明孩子本身都有能力 ，方向完全正確。要明白讀書始終要靠自己，越高年級越見真章， 只要孩子有自信有鬥心，其實唔使理人哋點講亦唔需要去比較。
我仔都係由小三開始放手， 慢慢培養佢自學能力，中學完全無理，只會喺背後作支援。中一果年我仔考級三，之後佢慢慢搵到啱自己嘅讀書方法，由中二至中六，每年考核成績都keep住考到級一或級二，最後DSE 亦取得亮麗成績， 大膽講句成個中學生捱都算係名列前茅。
所以樓主唔需要太在意人哋點睇， 上到中學家長必須要慢慢放手， 衹要培養良好嘅學習態度及自學能力， 孩子終生受用。
作者: kittytyl 時間: 23-2-14 07:22
7-seven 發表於 23-2-13 15:22
其實唔駛咁焦慮，你都講又唔係係考得差，人生路漫長總要落地行。步入青春期，家長多啲生活關心，少啲學業成 ...
你講得啱, 青春期確實仲有好多其他事需要關心。小朋友讀書方面從小都係生性的，我冇時間俾佢，見到人哋媽媽全力以赴，係自己內疚，所以搵人傾吓確係好
作者: kittytyl 時間: 23-2-14 07:31
Yanamami 發表於 23-2-13 18:43
我覺得你可以放手，方向完全正確。別眼紅人家一時高分過你，而家俾佢自己摸索，佢有咁既能力，千金難買呢 ...
是的, 我一開始確實是想讓他自己摸索，可能中途考完試，自己有啲矛盾。雖然升上中學，預咗Band 1A學校一定個個都咁叻, 真正經歷又會有感受, 見到小朋友一開始未能如小學名列前茅都怕佢唔開心，不過小朋友似乎智慧比我高，佢同我講有同學某一科一星期會補習3小時，但其實考試都只係高佢2分，為咗2分冇咗三個鐘玩樂時間，佢覺得唔值得
我係應該選擇相信佢嘅，聽完大家講個心又好啲
作者: Yanamami 時間: 23-2-14 10:09
kittytyl 發表於 23-2-14 07:31
是的, 我一開始確實是想讓他自己摸索，可能中途考完試，自己有啲矛盾。雖然升上中學，預咗Band 1A學校一定 ...
作者: 洋蔥頭媽咪 時間: 23-2-14 12:12
kittytyl 發表於 23-2-14 07:31
是的, 我一開始確實是想讓他自己摸索，可能中途考完試，自己有啲矛盾。雖然升上中學，預咗Band 1A學校一定 ...
中一仲可以食老本，但再上就好睇孩子實力，1A都一樣有人入唔到大學，家長能幫到嘅有限，所以培養好自學能力係非常重要。
學習時期就好比一場長途賽，中段有人超前少少冇咩大不了，耐力足夠的話最後仍然可以獲勝，學校成績多2分少2分好少事，眼光要望遠啲，將來同學要面對嘅其實係同屆DSE嘅考生，所以家長必須學懂放手，讓孩子摸索在錯敗中吸取經驗，茁壯成長。
作者: 傻太 時間: 23-2-14 13:48
我仲有請假返屋企齋坐
作者: Rpp 時間: 23-2-14 17:51
傻太 發表於 23-2-14 13:48
我仲有請假返屋企齋坐
作者: cltw1211 時間: 23-2-14 22:51
kittytyl 發表於 23-2-13 12:52
先講我自己，高小學已經半放手，冇同佢溫過書，最多只係睇吓佢考試範圍同幫手執齊筆記，自己溫書做練習自己 ...
放吾放吾駛同人比，我自己要番工都係全力以赴，自己精神負擔到就得
作者: jesswu 時間: 23-2-14 23:31 標題: 回覆樓主:
今年升中。完全放手。
其實以前小學由4年級已冇理佢。
但小學時考試會同佢溫。
一升中，乜都冇理。佢自己搞店
作者: cherrieshum 時間: 23-2-15 00:02
本帖最後由 cherrieshum 於 23-2-15 22:43 編輯
回覆 jesswu 的帖子
阿仔小二已經放手，全部功課自己做，自己執拾書包，所以成績不理想，但我好輕鬆。幸好他每天有閱讀習慣。
作者: b3410 時間: 23-2-15 11:32
睇小朋友能力，因人而異。大女就跟到中一左右，細女好似幼稚園已經開始自動自覺
可能平時教家姐已經自己消化吸收。
不過，自己跟過的更加了解，如果中間需要出手幫一幫，好快可以知道如何去幫。
無論如何，學習態度最重要，上堂認真聽書事半功倍。
中學身邊同學朋輩影響頗大，好多時候請教一下同學，或者大家一起溫習討論，已經可以解決問題。每次測考之後自己學會反思，點解好，點解唔好。knowledge夠唔夠？答題方法問題？思考方法問題？等等，如何改善。
如果需要補習，知道自己需要補乜，有針對性的去選擇。
作者: 流浪地球 時間: 23-2-15 14:06
放不放手取決於家長能不能放過自己。
作者: cherrieshum 時間: 23-2-15 22:44
流浪地球 發表於 23-2-15 14:06
放不放手取決於家長能不能放過自己。
作者: Yanamami 時間: 23-2-16 14:08
本帖最後由 Yanamami 於 23-2-16 14:18 編輯
有日去九龍城食粉，對面坐一對夫婦，中間一個九龍城名校小學生，目測小三以下，可能老來得女（又唔似祖輩），父母對夾在中間女孩無微不至，仍用幼稚園階段的卡通食具，爸爸細心將粉夾到小碗中給女兒，然後遞上卡通匙羹隻，我傻了眼，用匙羹吃粉？高難度吧。然後不久，爸問女，還要多些嗎？十問九不應的，但老爸耐性非凡。旁邊的母親也服侍週到，久不久把汽水送到小咀邊。
很多時父母在剝奪孩子學習和解決問題的能力吧（這裡是自理力）。看著看著，悲從中來。
在ig上見到一個日本媽媽，紀錄著與女兒在厨房的互動，打蛋、切青瓜、蛋沙律，或是弄其他吃的，年幼的女兒把蛋殻都掉到打在碗中的蛋液，或者是笨拙地將整條青瓜切成五六份就弄沙律。大人若怕小孩笨手笨腳，要求完美，那她永遠也學不到，不會改進。那就是剝奪她學習的機會了。
作者: Rpp 時間: 23-2-16 17:06
Yanamami 發表於 23-2-16 14:08
有日去九龍城食粉，對面坐一對夫婦，中間一個九龍城名校小學生，目測小三以下，可能老來得女（又唔似祖輩） ...
第一個金叵羅。
作者: bananaGi 時間: 23-2-16 17:14
Yanamami 發表於 23-2-16 14:08
有日去九龍城食粉，對面坐一對夫婦，中間一個九龍城名校小學生，目測小三以下，可能老來得女（又唔似祖輩） ...
小三.
我朋友是小五仲帶私家餐具出去食飯...
作者: Rpp 時間: 23-2-16 17:26
bananaGi 發表於 23-2-16 17:14
小三.
我朋友是小五仲帶私家餐具出去食飯...
我哋小二自己搭車番學放學，對比係咪殘忍左點。
作者: bananaGi 時間: 23-2-17 09:54
Rpp 發表於 23-2-16 17:26
我哋小二自己搭車番學放學，對比係咪殘忍左點。
你唔人道
(講笑)
作者: b3410 時間: 23-2-17 10:22
Rpp 發表於 23-2-16 17:26
我哋小二自己搭車番學放學，對比係咪殘忍左點。
作者: 車車Wong 時間: 23-2-17 11:05
b3410 發表於 23-2-17 10:22
小三哥哥帶小一妹妹放學，一起走失，揾唔到巴士站。電話遙控，讀路牌加GPS揾到路返來。 ...
作者: Rpp 時間: 23-2-17 11:11
bananaGi 發表於 23-2-17 09:54
你唔人道
(講笑)
仔佢話我記錯係小三自己搭巴士返學放學，賓姐姐走後老豆送到小二學期尾，小三學期開始背書包每日俾50蚊零用錢食M記茶點，小朋友記得咗啲野。
作者: bananaGi 時間: 23-2-17 11:13
b3410 發表於 23-2-17 10:22
小三哥哥帶小一妹妹放學，一起走失，揾唔到巴士站。電話遙控，讀路牌加GPS揾到路返來。 ...
叻仔
作者: Rpp 時間: 23-2-17 11:18
b3410 發表於 23-2-17 10:22
小三哥哥帶小一妹妹放學，一起走失，揾唔到巴士站。電話遙控，讀路牌加GPS揾到路返來。 ...
上落站唔駛過馬路，帶妹妹去佢哋小學接放學，亞妹大大嗌哥哥，佢哋面都紅，跟同學仔話唔係親亞妹，係間隔屋既妹妹，到高年級啲仔有幫手接送細妹。
作者: kittytyl 時間: 23-2-20 08:08
謝謝大家回覆。上星期家長日，老師都覺得小朋友學業唔需要插手，學校冇級名次，只有科目上1/4及中位數grade參考，原來小朋友大部份也是top 25%甚至更高，除咗中文。
但老師都是覺得可以放手俾佢自己處理。至於補習中文，小朋友暫時不願意，唯有睇多一個學期先
既然學業上可以放心，就繼續關心多啲青春期變化。
作者: 200904 時間: 23-3-21 10:59
回覆 kittytyl 的帖子
每個家庭不同，每個小朋友都不同。我也曾經有你這樣的想法，覺得如果我不放手，孩子的成績會不會更上一層樓？我女可能同你的小朋友一間學校。我只是在期末，讓小朋友對比自己和前1/4成績，以及成績表上每科有沒有名次，然後告訴我，她自己對每個學科的理解，以及下一學期有什麽具體計劃和目標。我聽了之後，會表達我的想法，然後討論。她可以不接受我的建議，按她自己的方法再試試。
我覺得作爲中學生的家長，我會給更大的空間。更鼓勵她們參加學校的各種社團。
作者: 肥win 時間: 23-3-31 16:40
200904 發表於 23-3-21 10:59
回覆 kittytyl 的帖子
每個家庭不同，每個小朋友都不同。我也曾經有你這樣的想法，覺得如果我不放手，孩子 ...
作者: 200904 時間: 23-3-31 16:51 標題: 回覆樓主:
全級前1/4名次， 如果全級200人，前1/4即前50名
作者: tsangnamnam 時間: 23-4-2 22:07
小女與樓主孩子應該是同一學校吧。我們是中學部插班生，跟你一樣在此校經歷了第一次考試和第一次家長日。我們都一樣高小開始放手。一來我能力上已經跟唔上她的學習，二來我們在職父母在時間上和精力上也很難幫到小朋友什麼了。
小孩子慢慢熟習自己要留心，不懂的要主動向老師發問。
升上中學後，面對很多新科目，起初孩子可能不知道如何著手，或者會有錯用力氣的時候，但這就是他們摸索學習方法的機會，他們試試跌碰，長遠來說，必會比我們事事指導，獲得更佳效果的。
作者: 謀哩咩安抓 時間: 23-4-26 14:19
個個家庭背景同小朋友都唔同, 好難一慨而論
就算係外國人, 都有D係天生天養, 有D一樣會谷
我地係完左呈分試就慢慢放手, 當有我個仔心儀既直資收左佢後, 佢慢慢先知道之前努力讀書有幾重要, 努力過先可以得到自己想要既野, 然後多左自覺
佢本身由細到大都好鐘意閱讀, 所以自己溫習都唔大問題
作者: wuliwen 時間: 23-5-4 16:39
考完呈分試，升了心怡的地區Band 1 中學，就沒有理她了。
現在已經中三。很快要選科。
告訴她要 3+3，初中3年要玩開心D。高中3年要努力D。
沒有補習，考10幾20幾名，玩下校隊，很多課外活動。
開心的校園生活。
在家彈下鋼琴(流行曲)，看小説，切下 puzzle, LEGO.
一下子就14 嵗了。
| 歡迎光臨 教育王國 (/) |
Powered by Discuz! X1.5 |