教育王國
標題: 大家小學有冇開始補習？ [打印本頁]
作者: pinkladycat 時間: 23-1-27 01:52 標題: 大家小學有冇開始補習？
小一 ，呀女依家出左去一間專補數既補習 ，
諗緊好唔好搵一個補全科既上門好d 
大家有冇以經開始補緊？補習社定上門？
作者: TungCh 時間: 23-1-27 11:22 標題: 回覆樓主:
我仔小二，仲未開始補。如果上門，我就會選擇只補弱科。
作者: pinkladycat 時間: 23-1-27 18:08
TungCh 發表於 23-1-27 11:22 
我仔小二，仲未開始補。如果上門，我就會選擇只補弱科。
上門真係要逐個老師試 
媽媽貪心d,上門就想咩科都補下
作者: Peterck0228 時間: 23-1-27 18:48
提示: 作者被禁止或刪除 內容自動屏蔽
作者: pinkladycat 時間: 23-1-27 22:33
Peterck0228 發表於 23-1-27 18:48
上門好貴如果唔係我都想比人教，自己教十分勞氣
係呀~ 但我見有大學生補就平d
作者: Jean1769 時間: 23-1-28 08:59
不會咁細個就補，咁快就靠外力中學點算。
當然跟唔上就無法。
作者: yanthai77 時間: 23-1-29 00:47
Jean1769 發表於 23-1-28 08:59
不會咁細個就補，咁快就靠外力中學點算。
當然跟唔上就無法。
其實補習很多時候都不是小朋友差
只係媽媽唔想勞氣唔想教！ 
我個女k2開始就有上門補習老師教
都係比較輕鬆 小學開始就專科專教
如果撞啱測驗考試默書就會再教得仔細啲
平時的話
都係當鞏固當天所學嘅嘢
或者預習下一課
作者: Jean1769 時間: 23-1-29 00:50
yanthai77 發表於 23-1-29 00:47
其實補習很多時候都不是小朋友差
只係媽媽唔想勞氣唔想教！
但這些其實不需外人/父母協助，應該自己能夠做到。
在我角度會令小孩養成依賴，純個人睇法
作者: jesswu 時間: 23-1-29 22:10 標題: 回覆樓主:
小學如果自己跟到便不需補習。
自己不想/冇時間跟睇下小朋友自己搞唔搞得店，唔店先揾外援
作者: Peterck0228 時間: 23-1-31 00:17
提示: 作者被禁止或刪除 內容自動屏蔽
作者: pinkladycat 時間: 23-1-31 00:33
Jean1769 發表於 23-1-28 08:59
不會咁細個就補，咁快就靠外力中學點算。
當然跟唔上就無法。
作者: pinkladycat 時間: 23-1-31 00:34
yanthai77 發表於 23-1-29 00:47
其實補習很多時候都不是小朋友差
只係媽媽唔想勞氣唔想教！
咁你小朋友一星期補幾多日？ 
作者: pinkladycat 時間: 23-1-31 00:35
jesswu 發表於 23-1-29 22:10
小學如果自己跟到便不需補習。
自己不想/冇時間跟睇下小朋友自己搞唔搞得店，唔店先揾外援
...
跟到當然想自己跟 ，但我應該好快投降
作者: pinkladycat 時間: 23-1-31 00:35
Peterck0228 發表於 23-1-31 00:17
全職湊小朋友，煮飯家務都係一個人做哂的時候，有上門補習幫輕好多
...
係呀，係呀! 
作者: yanthai77 時間: 23-1-31 00:44
pinkladycat 發表於 23-1-31 00:34
咁你小朋友一星期補幾多日？
2堂zoom 1堂上門 不過我淨係補一科英文
其他全部自己跟
如果測驗、考試 會再密啲
作者: daisypig 時間: 23-2-1 12:11
雙職家長. 小朋友二年級, 放學後返補習, 補習社對功課同溫默書/考試, 如果有默書考試, 放左工返屋企會同小朋友再覆習一次
作者: Kasiufung 時間: 23-2-1 13:48
pinkladycat 發表於 23-1-27 01:52
小一 ，呀女依家出左去一間專補數既補習 ，
諗緊好唔好搵一個補全科既上門好d 大家有冇以經開始 ...
小二，我是上門補習同zoom, 因為出外補習用好多時間行嚟行去,除非補習社喺樓下.
今時今日小學課程，比以前深咗好多,我覺得冇補習冇家長幫手教導, 一般小朋友好難自行搞掂。
作者: pinkladycat 時間: 23-2-1 13:56
Kasiufung 發表於 23-2-1 13:48
小二，我是上門補習同zoom, 因為出外補習用好多時間行嚟行去,除非補習社喺樓下.
今時今日小學課程，比以 ...
同意 深左好多 ，好多中文字都改變晒
作者: Philichak 時間: 23-2-1 14:55
有無可能去大學搵D留學生練口語?
作者: Peterck0228 時間: 23-2-1 14:58
提示: 作者被禁止或刪除 內容自動屏蔽
作者: 天外之人 時間: 23-2-1 15:34
感覺呢個世界令小朋友真正喜歡學習心態變晒,真係唔好講小學,未入幼稚園都已經有人開始補,真係............
作者: dididada00 時間: 23-2-1 18:37
回覆 Kasiufung 的帖子
完全同意，真的，現在小學課程較以前深，之前我都是自己教孩子，但英文grammar和數學自己教唔掂，最後都要找私補，轉私補後孩子較受教，可能我較幸運，轉了2，3個老師後找到一個令我驚喜的老師，他用我從沒想像(也不懂)的方法教數，孩子數學現在每次考試都90以上。
作者: 豬QQ 時間: 23-2-1 20:37
我見我姨甥女都係小3咁上下先俾我姐的去補習
作者: chiubbbb 時間: 23-2-13 00:35 標題: 回覆樓主:
無補習，我覺得返學巳經好辛苦，仲要去補習真係好慘 
除非成績好差，我情願花時間比佢做運動去下公園relax下
作者: 天外之人 時間: 23-2-13 15:54
回覆 chiubbbb 的帖子
冇錯,有時候仲會越補越差,間接做成冇晒讀書學習興趣.
作者: 簡單啲來講 時間: 23-2-13 19:15
本帖最後由 簡單啲來講 於 23-2-13 19:16 編輯
Peterck0228 發表於 23-1-31 00:17
全職湊小朋友，煮飯家務都係一個人做哂的時候，有上門補習幫輕好多
...
煮飯家務買餸交俾姐姐，阿媽同小朋友全科補習，連埋樂器。從接送返來，捉住佢，一條龍包埋所有學習。呢個都算親子，越補越有感情來。
作者: Azzurro 時間: 23-2-20 09:53
中文，英語和 GS 成績好的同學基本上都不太需要補習
因為都有睇書習慣
有睇書習慣的話，也不太需要補習了
學校教科書一年來來去去都係十幾二十本
補習讀呢十幾二十本讀到滾瓜爛熟，都不如小朋友睇課外書一兩百本
質和量都相差太遠了
數學的話就要買練習冊多做練習先有數感
數學冇法睇到識
作者: snakesnake2013 時間: 23-2-26 22:40 標題: 回覆樓主：
本帖最後由 snakesnake2013 於 23-2-26 22:40 編輯
小三小朋友， 無補習，都堅決唔補.
放學都已經好攰，所以我寧願佢自己做功課，唔識就等我返來教.
都同意有位媽媽講，如果小朋友有睇開書，基本上佢一點就明，一理通，百理明，所以我都係叫佢睇課外書多過温學校既課本.
作者: piglover 時間: 23-2-27 13:59
補習，睇自己需要。有人係低分補。
但有更多人係，高分都會再補。例如英文。普通津小教得太浅，如果以為高分唔補習，就錯了。醒目的家長，會補習教深2-3年。
作者: linggo 時間: 23-3-2 16:32
小六, 補左6年..
作者: pinkladycat 時間: 23-3-2 17:24
linggo 發表於 23-3-2 16:32
小六, 補左6年..
一個補全科？ 定唔同專科咁補
作者: pinkladycat 時間: 23-3-6 13:07
回覆 dididada00 的帖子
有介紹嗎？
作者: deco99 時間: 23-3-6 15:51
點解好似個個都補？可能唔補個都懶得出聲，我小朋友無外補，都唔使我跟，佢自己搞掂
作者: piglover 時間: 23-3-7 19:08
pinkladycat 發表於 23-3-2 17:24
一個補全科？ 定唔同專科咁補
專科專人專補最有用。
不過，價錢一定唔平。
作者: Rtonon 時間: 23-3-8 14:21
deco99 發表於 23-3-6 15:51
點解好似個個都補？可能唔補個都懶得出聲，我小朋友無外補，都唔使我跟，佢自己搞掂
...
我見人人都補，我冇補，有時都會諗，係咪蝕底左？
作者: tkinwong 時間: 23-3-9 13:59
deco99 發表於 23-3-6 15:51
點解好似個個都補？可能唔補個都懶得出聲，我小朋友無外補，都唔使我跟，佢自己搞掂
...
我兩個小朋友，一個初中，一個高小。聽佢哋講，絕大部份人有補習。無補嗰啲，係家長自己睇到實。
作者: mmmandddy 時間: 23-3-10 09:54
我2個小朋友都有補，大的拔尖，細的補底。
作者: pinkladycat 時間: 23-3-10 10:57
mmmandddy 發表於 23-3-10 09:54
我2個小朋友都有補，大的拔尖，細的補底。
請問私補定專科班？
作者: pinkladycat 時間: 23-3-10 10:58
tkinwong 發表於 23-3-9 13:59
我兩個小朋友，一個初中，一個高小。聽佢哋講，絕大部份人有補習。無補嗰啲，係家長自己睇到實。
...
家長有能力教到，識教 當然最好 ~ 
作者: mmmandddy 時間: 23-3-10 11:13
回覆 pinkladycat 的帖子
大：專科班
細：功課班+專科班
作者: pinkladycat 時間: 23-3-10 11:14
mmmandddy 發表於 23-3-10 11:13
回覆 pinkladycat 的帖子
大：專科班
可以私信請教小小野嗎？
作者: fibe0313 時間: 23-3-13 20:59 標題: 回覆樓主:
女宜家小一，未開始補。屋村村校，無出面咁深，跟到進度就算了，返足一日學已經好攰。。。
作者: gloryu2 時間: 23-3-13 22:00
補習定義係放學搵人補，定去出d專科班。例如大眾教室，數妍，學英文呢類呀。我細女小一，有自己教，都有試過補呀，不過依家冇補。要睇下咩要求啦，專科班正常會學快少少，或需要補底。
作者: eeffocoffee 時間: 23-3-13 22:41
提示: 作者被禁止或刪除 內容自動屏蔽
作者: pinkladycat 時間: 23-3-13 22:43
fibe0313 發表於 23-3-13 20:59
女宜家小一，未開始補。屋村村校，無出面咁深，跟到進度就算了，返足一日學已經好攰。。。
...
作者: pinkladycat 時間: 23-3-13 22:45
gloryu2 發表於 23-3-13 22:00
補習定義係放學搵人補，定去出d專科班。例如大眾教室，數妍，學英文呢類呀。我細女小一，有自己教，都有試 ...
望過大眾 ，都分得好開 中文同作文係分2個課程 ，令我卻步。
作者: pinkladycat 時間: 23-3-13 22:45
eeffocoffee 發表於 23-3-13 22:41
放學補習好攰，但追唔上又無辦法一定要補
係呀 ，有時見到都心痛 ，仲多功課
作者: kekawai 時間: 23-3-14 17:24
我都準備同小朋友報補習班。
原本以為我1對2搞得掂2個小一，但我高估左自己耐性同小朋友自覺性。唔篤住都唔溫書。第一次評估一個中上，一個中下，唔想再差落去。但都有d 心痛咁細個就每日長時間補習！
作者: chiubbbb 時間: 23-3-15 23:38 標題: 回覆樓主:
今日又有小朋友睇唔開做飛人，其實做家長，係咪除了睇業績，仲要照顧下子女身心靈呢！大家都要反思，上完一日課，仲要去補習，做功課，溫書，沒完沒了 
作者: jbbmom 時間: 23-3-16 19:00
小三, 暫時無補, 成績中等, 阿媽收貨, 返全日已經好忙, 唔捨得佢咁辛苦
作者: 加樂爹 時間: 23-3-17 12:15
其實不單考慮學習成績決定係咪要補.有效, 有系統學習方法, 好像太刻板.
多一點同理心, 就覺得辛苦, 同心痛, 都好兩難.
留意下小朋友情緒, 同生活平衡.
作者: Godark 時間: 23-3-18 07:18
連休息都冇乜時間仲補！children at primary age are old enough to tell you what they want and need, just ask them
作者: linggo 時間: 23-3-20 13:15
回覆 pinkladycat 的帖子
功課班...操卷
作者: cherrieshum 時間: 23-3-20 13:15
本帖最後由 cherrieshum 於 23-3-20 13:17 編輯
pinkladycat 發表於 23-1-27 01:52
小一 ，呀女依家出左去一間專補數既補習 ，
諗緊好唔好搵一個補全科既上門好d 大家有冇以經開始 ...
我阿女中三，阿仔小六從沒有補習。
作者: swh2020 時間: 23-3-23 10:43
本帖最後由 swh2020 於 23-3-23 10:43 編輯
我仔今年小六畢業，從來沒有補習，成績從小一開始不斷進步，最近也都考到級前三，反而很多初小就開始補習的同學到5、6年級的時候成績排名退後。作為家長，我會監督平時做功課質量，唔明的地方會要求跟進搞清楚。
作者: 天外之人 時間: 23-3-23 11:32
回覆 swh2020 的帖子
家長冇咁大要求,做到小朋友唔抗拒學習,自然學習動力都提高.
作者: Lisahan 時間: 23-3-23 13:53
小一，讀三私，有補英數專科
作者: 天外之人 時間: 23-3-23 17:39
本帖最後由 天外之人 於 23-3-23 17:40 編輯
唔知有冇統計,睇到好多冇補習孩子都可以輕鬆學得好,家長普遍都係冇咩排名要求,對小朋友自然咁學到知識就足矣. 特別在於由幼稚園到初小就要小朋友補習這些,小朋友真係有咁差? 還是過早就想小朋友小一就有小四知識心態? 教育學習理應循序漸進穩固基礎,得一想二想快心態不應存在,且對小朋友身心發展正常都唔好. 就好像伊朗沙特事件咁,某國得一想二心態做事,多年來一事無成仲攪到人哋叫苦連天,但另一國簡簡單單就可以解決雙方問題,其實都係同一道理.
作者: Jean1769 時間: 23-3-23 20:31
天外之人 發表於 23-3-23 17:39
唔知有冇統計,睇到好多冇補習孩子都可以輕鬆學得好,家長普遍都係冇咩排名要求,對小朋友自然咁學到知識就足 ...
我都唔明，咁細就要補習，幾時補到高中？朋友小孩無補習，讀神校都仲係中上游位置。佢話咁早補習會減低小孩學習興趣喎
作者: fibe0313 時間: 23-3-23 21:27
天外之人 發表於 23-3-23 17:39
唔知有冇統計,睇到好多冇補習孩子都可以輕鬆學得好,家長普遍都係冇咩排名要求,對小朋友自然咁學到知識就足 ...
我女d同學仔多數都係低分補。但普遍係小朋友專注力無咁強，上堂唔吸收，惡性循環。同意樓上所講，作為家長，每日功課睇住，會了解到當日老師教既，丫女識幾多。唔明白既地方我自己會再教。我覺得咁樣做，比出面跟功輔班好。
作者: 天外之人 時間: 23-3-24 11:37
本帖最後由 天外之人 於 23-3-24 11:37 編輯
fibe0313 發表於 23-3-23 21:27
我女d同學仔多數都係低分補。但普遍係小朋友專注力無咁強，上堂唔吸收，惡性循環。同意樓上所講，作為家長 ...
所以有小朋友既家長,可以講係冇咁自由,且肯定係會辛苦好多,又要想舒服享受,又要小朋友學得好,唔係單靠因為小朋友先天好就得,各小朋友先天都有好既一面,衹係家長既後天做法做成孩子咩成果.
-
專注力會同享受係成正比,每個人對某樣野特別上心,自然就會更專注那件事. 正常幼稚園及初小學的東西,怎麼可能會好難?開心去學正常一定可以學得到,衹係家長既要求及付出既時間和耐性係好重要, 低分補唔係問題,怪就怪為了入讀好學校,補些越級課程等等,所以點解講學校都係做成家長這樣子.
作者: chanwendy 時間: 23-3-31 10:15
個人真係接受唔到咁細個就補習, 小一就要補, 點讀上去? 我兩個小朋友, 大的今年中五, 都係上年中四下學期先開始補英文, 細的今年中二, 都仲係冇補習, 自己搞掂去.
作者: booboo_long 時間: 23-4-15 22:51
自己教冇補習，1對2係好攰，尤其要教功課默書考試，但小朋友成績亮麗，共同進退果隻感覺係無價。
童年只有一次，只要佢地需要我，我都會繼續陪佢地讀書，補習冇自己跟得咁貼，加上返全日真係好攰，補完真係冇得抖架，見到都心痛。
作者: dididada00 時間: 23-4-18 00:20
piglover 發表於 23-3-7 19:08
專科專人專補最有用。
不過，價錢一定唔平。
是但找一間屋企附近的補習社放低孩子做功課, 等父母放工接走, 這種功課班一般收費較平, 小朋友學
唔到野, 但適合家長把補習社當作托兒所, 如果不是以上原因, 這種功課班真是既浪費金錢又浪費時
間;
2) 父母需要外出工作, 無暇照顧學業, 屋企有錢, 便去X研, X民等專科補習, 但這些所謂專科班通常一個導
師對一組4-8個學生, 有些什至同組學生來自不同年級, 這種專科班通常較功課班好;
3) 不論父母需要外出工作與否, 屋企有錢, 真心想孩子成績好, 又或者想升中入名校, 就搵私補一對一教,
如遇到好導師, 通常一對一私補最有效, 但較昂貴;
說到小朋友做功課問題, 需要做幾耐可以有很大出入, 有些家長指定孩子放學回家稍作休息10-15分鐘洗過面去過廁所食過下午茶就要開工做功課, 做功課時關電視拿走手機, 如果小朋友專心做功課而又識做的話, 通常1-2小時內或吃晚餐前可以完成. 相反, 有些家長容許孩子做功課時邊看電視或邊玩手機或邊看YT, 咁樣做功課梗係做得耐啦, 又或者有些小朋友雖然也算專心做, 但太多野唔識, 咁又係做得耐, 不能把所有責任推到學校.
| 歡迎光臨 教育王國 (/) |
Powered by Discuz! X1.5 |