教育王國

標題: *過來人你問我答* 新加坡升學入讀政府中學 [打印本頁]

作者: ki_0116 時間: 23-1-24 20:08 標題: *過來人你問我答* 新加坡升學入讀政府中學

Halo, 由於呢幾年好多朋友都由香港舉家移居新加坡, 所以每次當我同佢地分享關於我中學時代誤大誤撞用左一個月時間準備當地每年9月尾ge AEIS (Admissions Exercise for International Students, 每年passing rate 只有25%)，好好彩成功入讀新加坡本地中學讀書ge經驗 (讀f.3同f.4之後考GCE OLEVEL), 佢地都好有興趣知多d, 甚至之後考慮送仔女去當地升讀本地中學. 想當年我作爲海外學生ge學費一年大幾只係差不多SGD1500一年（本地人唔洗錢) , 而homestay都只係SGD1000 一個月, 一年生活費都係幾萬蚊港紙, 但而加貴左一倍都唔只

.
所以開個post睇吓有無家長有興趣知多啲, 有無問題想問？

個人背景:
1.香港人, 非新加坡藉
2. 起新加坡讀完GCE OLEVEL 之後去左英國讀高中之後考入英國Top5 U

作者: ustvct 時間: 23-1-28 22:45

回覆 ki_0116 的帖子

多謝Ching有心分享。請問一般係香港要做咩準備，幾時過去讀書比較好，考咩試過去新加坡，過去之後條路點行？點比較新加坡同香港教育？係新加坡讀完，再去英國讀書有咩優勢？

作者: ki_0116 時間: 23-1-29 19:14

唔洗客氣，如果係想入政府中學的話，就需要考當地考AEIS，只係考英文同數學，pass 左就再等政府根據學生住邊區而派位。每年9月尾10月頭開考之後11月尾放榜下年1月開學，當地有好多3-6個月ge預備班，基本上係去熟習個課程，如果學生本身讀緊香港英文中小學，個人認為讀3個月預備班就夠。如果想報考我之前間預備班可以PM我。

所以家長應該起香港1月頭要開始準備搵學校搵寄宿家庭，學生考完試6月就應該去當地讀預備班。入讀政府學校只可以入小二至小五、中一至中三，無得入小六同中四的，因為呢兩年要考升學試。中四要考GCE O LEVEL，成績最Top學生之後會入番JC（junior college) 繼續讀2年高中考GCE A LEVEL，之後再考大學，成績中上至普通ge學生通常會選擇讀理工學院如新加坡理工學院，南陽理工學院讀3年後再考大學。

我認為香港同新加坡教育相似，但係英文深好多同時間中文好容易，但係又會練習到普通話。如果讀政府中學就需要讀佢地必修social science，姐係要讀番有關新加坡歷史，文化，國家起源等等，個人覺得幾有趣，同埋讀當地學校間唔中有social service，幫手賣下旗。學生放假時學校都會安排一D額外課程起理工學院讀下一D例如business 或 accounting ge 課程，個人覺得好好，可以寫多D野起CV上面。

如果起新加坡考完OLEVEL 或 ALEVEL去英國基本上應該會係覺得英國大學D野好易（個人經驗係商科同數學科目），因為當地打左底學ge英文同數學夠深，容易考得好。

作者: ki_0116 時間: 23-1-29 19:16

ustvct 發表於 23-1-28 22:45
回覆 ki_0116 的帖子

多謝Ching有心分享。請問一般係香港要做咩準備，幾時過去讀書比較好，考咩試過去新加 ...

上面回覆左

作者: mn_cwl 時間: 23-2-14 19:04

通常在新加坡讀書後容易入籍嗎？

作者: ustvct 時間: 23-3-8 18:08

ki_0116 發表於 23-1-29 19:14
唔洗客氣，如果係想入政府中學的話，就需要考當地考AEIS，只係考英文同數學，pass 左就再等政府根據學生住 ...

這幾年是否多左香港人過去讀書，包括中學小學？

作者: superb8868 時間: 23-6-15 00:52

而家先開始plan, 想出年去讀A level, 會唔會太遲？

作者: bblove100 時間: 23-7-4 18:49

回覆 ki_0116 的帖子

如果讀星加坡寄宿學校,你知怎樣申請嗎?校風嚴嗎?

歡迎光臨教育王國 (/)