教育王國
標題: 關於選校煩惱 [打印本頁]
作者: Winghtsang 時間: 22-12-31 16:00 標題: 關於選校煩惱
本帖最後由 Winghtsang 於 23-11-8 12:35 編輯
Delete
作者: hkpapa852 時間: 22-12-31 16:22
Winghtsang 發表於 22-12-31 16:00 
身邊冇人有小朋友，冇人比到意見我，所以想係到請教咁多位🙇🏻♀️我係基層家庭，住九龍， ...
作者: AgapePa 時間: 22-12-31 16:29
回覆 Winghtsang 的帖子
全部直資都有學費減免計劃，間間要求唔同，由半價到全免都有。直接交申請表俾學校，其他人唔會知邊個有減免。直資多中產家庭和公務員入讀，公務員都係用政府資助。
除了學費，學校其他必需洗費唔多。
作者: 快樂火雞 時間: 22-12-31 16:29
以學費來計，大部分直資的學費都係三萬以下，一般家庭完全可以負擔。
同埋近年學童不足，大部分直資去到六七八月都仲狂call人，連好多熱門直資都不能倖免。所以想讀直資的，好多時最後都入到，當然中間過程都幾煎熬下。
作者: Jean1769 時間: 22-12-31 17:19 標題: 回覆樓主：
本帖最後由 Jean1769 於 22-12-31 17:19 編輯
你目標係邊間先，最top果幾間就算唔係超有錢人都係真中產，基層入到去盞自卑，就算免學費都係咁話。如果平民直私都okay, 仲有你話佢英語能力強，係邊個講先，有無同同齡私幼學生比較下？先至知係咪真係強
作者: sandra1004 時間: 22-12-31 17:21
Winghtsang 發表於 22-12-31 16:00
身邊冇人有小朋友，冇人比到意見我，所以想係到請教咁多位🙇🏻♀️我係基層家庭，住九龍， ...
本帖最後由 sandra1004 於 22-12-31 17:22 編輯
我大女細仔
12月細B，2月大b
住公屋
仔女都無讀N班
讀屋企附近免費幼稚園
無外補
連興趣班都無
大女細仔有試考直資
兩個都入到tsl二面
唔覺得係越級挑戰
大女叩門都有心儀津校收左
細仔有tsl offer
PS 大女細仔都係書蟲
作者: adriantai 時間: 22-12-31 17:44 標題: 回覆樓主:
點解津貼學校吾適合？
你鍾意邊間直資？ 定係 人云亦云 報六七間幾上？
作者: uscayenne 時間: 22-12-31 19:09 標題: 回覆樓主：
本帖最後由 uscayenne 於 22-12-31 19:11 編輯
試考了才想吧！考試的過程中也會感受到同學的熏圍。
不過如果學校不近，要加校車費用，可能每月也要一二千。
作者: Anne_Hall 時間: 22-12-31 21:02
Winghtsang 發表於 22-12-31 16:00
身邊冇人有小朋友，冇人比到意見我，所以想係到請教咁多位🙇🏻♀️我係基層家庭，住九龍， ...
試左考到再諗吧，出面啲人真係好勁。英文強點睇到？考到movers嗎？還是串字能力,閱讀能力較高？
作者: Vengerov 時間: 22-12-31 21:06 標題: 回覆樓主:
有興趣咪照報。我小朋友也讀直資，唔覺得全部有錢人，起碼超過一半搭校巴。我諗好多普通中產/小康。最後都係講能力。讀書叻或音體強，學校課外活動也不貴（體比音便宜，兩者也最緊要有天份）。總之最緊要學業handle到。
作者: Winghtsang 時間: 22-12-31 21:32
本帖最後由 Winghtsang 於 23-11-8 12:36 編輯
delete
作者: 快樂火雞 時間: 22-12-31 21:39
其實考小的學術沒有傳說的那麼誇張的。
主要係最top班小朋友hold曬第一輪offer，搞到好似好難入咁。
到六月音樂椅遊戲開始，有心人都會入到心儀學校
作者: Winghtsang 時間: 22-12-31 21:52
回覆 快樂火雞 的帖子
原來係咁，謝謝你解答
作者: nman0802 時間: 22-12-31 22:05
本帖最後由 nman0802 於 22-12-31 22:06 編輯
回覆 Winghtsang 的帖子
直私一定唔會係有錢人嘅世界，真正有錢人好多已經去晒國際學校/或者出埋國。但直私家長普遍(相對地)用多少少資源去培育小朋友，所以我唔知你「基層」exactly 係咩意思 ….. 見你小朋友有學唔同與趣班Phonics，都唔係好基層…..
至於地點問題，確實係一個重要考慮…..特別係有d直私可能係龍校，一讀12年，你唔會想小朋友每日花2-3個鐘係交通上，仲未計課外活動後接送；所以建議你要預先睇定校車（+車費）/自己接送 /搬屋可能性。
作者: deco99 時間: 22-12-31 22:13
鍾意梗係試咗先，否則一定有遺憾。我都係鍾意好多龍校壓力小，活動多，可能津校有，但多係新派直資私立。除咗神校，直資大多係普通家庭，基層家庭都有。
但地點絕對係我考慮因素，都要睇校車安排，有學校距離遠但校車快都可以接受。
作者: Anne_Hall 時間: 22-12-31 23:47
Winghtsang 發表於 22-12-31 21:32
感謝咁多位回覆：）
我係今個月頭先諗佢升小啲野，唔係一開始就target直小，初心係想小朋友讀happy school ...
考直資最緊要中文表達能力同對常識既認知，轉數快。英文反而只係其中一部分。其實而家好多小朋友英文都叻，所以一定要煲中文，要認多啲字讀到出嚟。另外數學都好鍾意考，考邏輯思維同計數，要快同即時理解到簡單文字題。
作者: jbbmom 時間: 23-1-1 00:57
本帖最後由 jbbmom 於 23-1-1 00:57 編輯
地點係重要因素，依家返全日，放學已經無咗大半日，交通時間太長小朋友會好攰，返到屋企仲要做功課同溫習。但都見唔少家長照考左先，有offer先煩交通安排。
作者: Szetimmy0225 時間: 23-1-1 01:12 標題: 回覆樓主:
K2 就要補習呀！ 唉!
作者: 10090 時間: 23-1-1 08:54
名牌直資學校學費只是前菜，佢玩嘅活動費用先至係主菜，例如去幾萬蚊的歐洲交流團，唔通到時又申請減免咩
但唔係間間係咁嘅，唔好報一綫名校，其他可以試
作者: musiclover1609 時間: 23-1-1 08:55
Winghtsang 發表於 22-12-31 16:00
身邊冇人有小朋友，冇人比到意見我，所以想係到請教咁多位🙇🏻♀️我係基層家庭，住九龍， ...
不一定要讀直資，很多津貼小學都很好。如果小朋友學習能力不錯，讀一線津小不會覺得辛苦，還有空餘時間時間廣泛閱讀，你的壓力也會較輕。
作者: 10090 時間: 23-1-1 08:58
返學校用45分鐘以內都合理嘅，太近反而唔好，返學搭車係學習時間管理自理技巧的一種方法
作者: Zleep 時間: 23-1-1 11:04
本帖最後由 Zleep 於 23-1-1 11:05 編輯
回覆 Szetimmy0225 的帖子
已成常態，莫見怪 ！我係老人家式教法，暫時接受唔到此派新式操作。
作者: f00130 時間: 23-1-1 11:45
部份直資學費2-3千一個月 學費唔算高 其實都十分大眾化、小康之家至中產都有..如果係神級學校就另計 當中就多中產 有部份真有錢人。而好多真有錢嘅走去讀國際學校啦..
其實津校都有些係相對多活動的，你可以搵多些關於本區學校嘅資料比較下…
另，我認為學校距離係重要嘅 計計車程 值唔值得山長水遠去讀 有冇可能搬（但記住有些看似好近但坐校車都兜好耐的）
若你認同某學校的理念 想試嘅就試咗先 得咗再慢慢諗
作者: Szetimmy0225 時間: 23-1-1 12:02
Zleep 發表於 23-1-1 11:04
回覆 Szetimmy0225 的帖子
已成常態，莫見怪 ！我係老人家式教法，暫時接受唔到此派新式操作。
我都係! 我都係覺得幼稚園係人生最開心時間! 只有吃喝玩樂! 盡量享受人生的珍貴幾年!
作者: 快樂火雞 時間: 23-1-1 12:49
其實直資同津校的分別不是那麼大的，有得揀，地區名津不見得差過直資。
直資的成績其實依賴家長的付出多過學校本身
作者: Jean1769 時間: 23-1-1 16:05
快樂火雞 發表於 23-1-1 12:49
其實直資同津校的分別不是那麼大的，有得揀，地區名津不見得差過直資。
直資的成績其實依賴家長的付出多過 ...
本帖最後由 Jean1769 於 23-1-1 16:06 編輯
直資就係活動教學，唔知係點得黎的錯覺
作者: hkpapa852 時間: 23-1-1 16:13
Winghtsang 發表於 22-12-31 21:32
感謝咁多位回覆：）
我係今個月頭先諗佢升小啲野，唔係一開始就target直小，初心係想小朋友讀happy school ...
作者: valentinored 時間: 23-1-1 17:34
直資私家有平有貴, 量力而為, 冇謂申請什麼減免學費
作者: Sebbaba 時間: 23-1-1 17:50 標題: 回覆樓主:
本帖最後由 Sebbaba 於 23-1-10 17:20 編輯
直資是多人報名，但未嘗試過又怎知道呢。再者，小朋友才5歲，即使競爭對手有再多的資源，在那麼短時間里，也很難跟＂普通人＂拉開很大的距離。
難不難很看個人，多數失敗的人會告訴我們很難；而成功的人也許一半也會告訴我們很難，目的是為了突出自己多麼厲害。
網絡世界的建議妳要小心解讀理解。很多都是幸災樂禍的瓜子客。記住，當妳有個目標的時候，想妳失敗的人永遠比想妳成功的人多，所以成熟的人不會輕易跟別人分享自己的目標，而是默默努力。
最後，我不覺得讀直資的家庭有多麼所謂的有錢。絕大部份都只是正常的中低下＂中產＂，對學費敏感，都是苦命的家長。不要把别人看的太高，也不用把自己看的太低。報個名，去面個試，有多大的成本？如果妳覺得自己是基層家庭甚麽都没有，妳又怕輸掉甚麽呢？
作者: Sebbaba 時間: 23-1-1 18:12 標題: 回覆樓主:
相信自己，相信自己小朋友。是否有＂資格＂讀直資學校這個問題，交給面試官。
有資源學鋼琴和外補，其實也某種程度看到樓主家庭有基础財力支持小朋友讀書。不過財政預算這個很個人，但我堅信現今香港社會不存在因為沒錢不能讀書的問題。多花時間直接打電話給小學詢問。得到的一手信息比這裡的意見來的更真實和中立。
作者: sandra1004 時間: 23-1-1 19:45
valentinored 發表於 23-1-1 17:34
直資私家有平有貴, 量力而為, 冇謂申請什麼減免學費
本帖最後由 sandra1004 於 23-1-1 21:01 編輯
謝謝解答
作者: Zleep 時間: 23-1-1 20:10
Szetimmy0225 發表於 23-1-1 12:02
我都係! 我都係覺得幼稚園係人生最開心時間! 只有吃喝玩樂! 盡量享受人生的珍貴幾年!
...
俗語都有話： 蔗渣的價錢也可以打出燒鵝脾的味道 
作者: Jean1769 時間: 23-1-1 20:21
sandra1004 發表於 23-1-1 19:45
本帖最後由 sandra1004 於 23-1-1 19:45 編輯
師姐mama,你好
我答你會你信唔信
我答你唔會又信唔信
個細路本身又會唔會因而感到自卑你最認識佢你先知喎
作者: Szetimmy0225 時間: 23-1-1 20:27
Zleep 發表於 23-1-1 20:10
無錯，睇住自己小朋友越級挑戰然後又俾到驚喜自己，有時我真係自歎不如，既然自己都做唔到，為何要3，4歲就 ...
我都係喜歡舊式嘅套! 慢火煎魚! 逐步嚟! 我仔係小學成績係 30/10/11/6/5/4/1/2/1/1/1/1
作者: sandra1004 時間: 23-1-1 20:55
Jean1769 發表於 23-1-1 20:21
我答你會你信唔信
我答你唔會又信唔信
本帖最後由 sandra1004 於 23-1-1 21:02 編輯
謝謝解答
作者: CamilleLily 時間: 23-1-1 21:55
其實不論直私定官津都有不同家庭背景既小朋友幼小中以至大學甚至出黎做野都一樣
當然比例上可能有分別
但天外有天，不論基層中產抑或富豪級，總有人比自己更有家底
個人覺得相比小朋友，家長心態調整更重要
經歷過考小遊戲，其實直私都有不同種類
有新派較活動教學，有走國際路線，亦有比官津更傳統
自己未準備考小時真係無咩概念架
不妨睇多d聽多d資料
作者: lopoto 時間: 23-1-1 22:17
我唔覺得基層入唔到直資，其中一D直小學費 (2022-2023學年)都唔算太貴，一個月都係大約2千元，有D仲係英文小學，如果仔仔真係英文能力強，可以試下去考
陸慶濤︰$13000
林文燦︰$14140
嶺小︰$17380
英華︰$18000
陳守仁︰$19800
播道︰$218000
至於地區，我覺得唔算好大問題，唔係個個屋企樓下都有心儀小學，有D同區搭校車都要30-45分鐘，咁如果真係考到區外心儀小學，點解唔去讀?
作者: piglover 時間: 23-1-2 05:58
Winghtsang 發表於 22-12-31 21:32
感謝咁多位回覆：）
我係今個月頭先諗佢升小啲野，唔係一開始就target直小，初心係想小朋友讀happy school ...
睇YouTube嘅英文同真正學習上嘅英文好係有距離嘅。希望你清楚明白。
小朋友ORT睇到Level幾？愛睇英文書嗎？
作者: Poyau 時間: 23-1-2 08:13
Winghtsang 發表於 22-12-31 16:00
身邊冇人有小朋友，冇人比到意見我，所以想係到請教咁多位🙇🏻♀️我係基層家庭，住九龍， ...
請問小學是那個校網
不同校網官津選擇有別 升中亦有別
例如34/35/41網升中同為九龍城區
大抽獎35網小學較34/41網平均
作者: Charlotte_mom 時間: 23-1-2 11:00 標題: 回覆樓主：
本帖最後由 Charlotte_mom 於 25-6-4 21:14 編輯
delete
作者: piglover 時間: 23-1-2 13:22
直資學費減免條門檻都唔係低。你有錢可以比小朋友去補phonics，我估都唔會基層得去邊。你當自己無減免。
至於直資是否一定活動教學？唉，其實，你應該諗多佐。好多直資都係比較傳統嘅，同你想像是完全不一樣。
不要以為直資就代表活動教學，免費津小就一定好傳統。你深入了解一下。不要有美麗的誤會。
作者: jesswu 時間: 23-1-2 13:41 標題: 回覆樓主:
有興趣就報左先考左先。
有offer再諗。
我小朋友讀私小(但不是英小)，可以講，同學背景一定不是大部分富貴人家。其實去到邊都不同階層同學，自不自卑看個人心態，香港地直私學費有限，自己經濟應付到便可。
直私也不一定與補習文化掛勾。要補官津也大把人補。我小朋友私小見不少同學仔補，但我小朋友就冇，應付到便是。
另外車程也要考慮，步程以外最好有校車，單程以1小時內爲佳。
作者: ok3 時間: 23-1-2 13:59
樓主真係謙，仲有閒錢俾小朋友學呢樣學嗰樣，相信基層極有限。學費減免好大機會冇你份。
作者: Sebbaba 時間: 23-1-2 15:25
Winghtsang 發表於 22-12-31 21:32
感謝咁多位回覆：）
我係今個月頭先諗佢升小啲野，唔係一開始就target直小，初心係想小朋友讀happy school ...
1. 首先直小相對津小有自由度設計校本課程，即是學校可以設計屬於自己的課程，不受教育局限制，因此在政策上確實比津小自由。但有了這個自由度之後學校如何操作是另一個問題。需要自己再進一步了解個別學校的教育模式和課程內容。FYI，廣泛認為活動教學的2家學校是CKY（私小）和港同（直小）；
2. 恭喜妳找到兒子的興趣和長處！我深信没有人比妳和先生更了解你們兒子。所以根本不用給任何人證明妳對兒子天賦的看法。妳的看法就是最權威和有說服力，沒有之一。網上其他人懂個屁。
3. 有了目標之後，下一步就是準備工作。目前妳最大的挑戰不是金錢，或資料收集；而是妳的先生。但boss很難搞，所以還是先從收集資料開始吧。依次最靠谱的信息來源是：學校網站，學校電話查詢，用家（真朋友）的一手信息，和好的面試班的老師分享；最後才是網上討論區的意見。
個人認為妳可以先研究港同，TSL和WKF看看是否比較合適。之後再擴大範圍驗證自己的假設。
加油！
作者: deco99 時間: 23-1-2 15:44
Sebbaba 發表於 23-1-2 15:25
1. 首先直小相對津小有自由度設計校本課程，即是學校可以設計屬於自己的課程，不受教育局限制，因此在政策 ...
港同係活動教學嗎？我覺得港同優才培僑wkf真道都有d類似，唔似傳統咁重抄寫，唔會好多功課，多活動，低年級可能無排名，但都同樣有默書考試，要溫書做功課，同本地學校差別無咁大，只係無升中壓力。
作者: Sebbaba 時間: 23-1-2 15:50
deco99 發表於 23-1-2 15:44
港同係活動教學嗎？我覺得港同優才培僑wkf真道都有d類似，唔似傳統咁重抄寫，唔會好多功課，多活動，低年 ...
如果你追求要與傳統學校100％不一樣的話，那麼應該没有local school 是活動教學。
另外，個人認為活動教學的定義跟是否有默書考試没甚麽關係。
作者: Winghtsang 時間: 23-1-2 17:16
本帖最後由 Winghtsang 於 23-11-8 12:37 編輯
delete
作者: Winghtsang 時間: 23-1-2 17:21
本帖最後由 Winghtsang 於 23-11-8 12:38 編輯
Delete
作者: aes@ivy 時間: 23-1-2 17:41
本帖最後由 aes@ivy 於 23-1-2 17:43 編輯
Winghtsang 發表於 23-1-2 17:16
再次感謝大家意見。
其實我覺得自己真係基層，住公屋，每個月洗錢比仔仔外補學興趣班，但自己就節衣縮食， ...
直資照去考，有OFFER先諗
自行我就會揀基華，起碼有舊生分，而且九龍城中學校網好D
自行唔得，真係要大抽獎先諗校網入面，錦泰應該係屬於「谷」個類 (聞說保良D津校都係「谷」)
作者: Winghtsang 時間: 23-1-2 17:45
回覆 aes@ivy 的帖子
自行揀基華都大機會入到，我畢左業好耐，唔知而家呢間學校係點
作者: jesswu 時間: 23-1-2 18:10
Winghtsang 發表於 23-1-2 17:45
回覆 aes@ivy 的帖子
自行揀基華都大機會入到，我畢左業好耐，唔知而家呢間學校係點 ...
首先不需對直私存過多幻想。始終大家目標都是dse條水，活動教學衹是綽頭野，要比較可能比較：龍/非龍；升B1%；很谷/中谷/冇咁谷；學校升中支援等
申請學費减免要求不低，不是容易申請到全額。
基華世襲穩陣，傳統小學，學術英文比外面深，校本課程。AB班爲精英班，一直流傳A班足以升wfn, B班銀禧。
級頭入到1A中學。KL3超靚校網大把B1學校。
作者: jesswu 時間: 23-1-2 18:16
Winghtsang 發表於 23-1-2 17:16
再次感謝大家意見。
其實我覺得自己真係基層，住公屋，每個月洗錢比仔仔外補學興趣班，但自己就節衣縮食， ...
short list TSL, YW, Logos, 了解過多少？
TSL升中強，但冇中學，屬KL1，有了解過區內心水中學嗎？冇中學的小學好靠家長背後發功，過十人入spcc不是手到擒來的。
YW小學並不輕鬆，但上書院比例高，不過書院衹有約1b，心足否？
Logos 11年讀12年的課程，比較趕。有中學但中學衹有約b2A, 不過有IB，畢業生多出國。
作者: gabejang 時間: 23-1-2 19:28
jesswu 發表於 23-1-2 18:10
首先不需對直私存過多幻想。始終大家目標都是dse條水，活動教學衹是綽頭野，要比較可能比較：龍/非龍；升B ...
作者: jesswu 時間: 23-1-2 19:35
gabejang 發表於 23-1-2 19:28
頭幾句講得好啱，好多人都話想揀無壓力、活動教學嘅學校但冇諗到之後想小朋友行咩路 ...
正如揀幼稚園時要happy school, 不增值，要完全愉快童年。
到升小時，又panic點解叩不到門 
今時今日，連IS都不是一定happy的。cky很國際化很活動吧，補習%高到難以置信
作者: gabejang 時間: 23-1-2 19:39
jesswu 發表於 23-1-2 19:35
正如揀幼稚園時要happy school, 不增值，要完全愉快童年。
到升小時，又panic點解叩不到門
作者: Jean1769 時間: 23-1-2 19:46
jesswu 發表於 23-1-2 19:35
正如揀幼稚園時要happy school, 不增值，要完全愉快童年。
到升小時，又panic點解叩不到門
說對一半，就算isch都很多人十全大補，英文都補先誇張。是家長風氣問題多過學校引起。
作者: piglover 時間: 23-1-2 19:58
Winghtsang 發表於 23-1-2 17:16
再次感謝大家意見。
其實我覺得自己真係基層，住公屋，每個月洗錢比仔仔外補學興趣班，但自己就節衣縮食， ...
TSL YW Logos都不算係好活動教學。
活動教學，並不等於唔谷。呢d學校，特別係一條龍嘅學校，個個星期，科科都不定期Quiz，家長真係要成日跟功課。否則，就會收到老師電話。
當然，入到直龍，你係win嘅，大可以不理老師電話，但求合格，順利升上中學。
作者: a23859829 時間: 23-1-2 21:29
Winghtsang 發表於 23-1-2 17:16
再次感謝大家意見。
其實我覺得自己真係基層，住公屋，每個月洗錢比仔仔外補學興趣班，但自己就節衣縮食， ...
我哋都係住公屋，小朋友讀卷幼，今年我仔都有幾間offer（包括3私其中一間），所以俾啲信心俾自己同小朋友，有時未試過唔知得唔得(emoji)(emoji) 讀卷幼都會有成功例子，我身邊都識幾個，加油(emoji)(emoji)
作者: Winghtsang 時間: 23-1-2 21:40
回覆 a23859829 的帖子
多謝你鼓勵
我同仔仔都會努力！
作者: a23859829 時間: 23-1-2 21:51
Winghtsang 發表於 23-1-2 21:40
回覆 a23859829 的帖子
多謝你鼓勵
加油(emoji)(emoji)(emoji)(emoji)
作者: JKLhome 時間: 23-1-3 00:53
回覆 hkpapa852 的帖子
其實最尾要有呈分試同DSE ，即係要趕課程，邊有咁多活動教學呀。我心目中真到做到比較活動教學既學校只有港同and 聖提
作者: JKLhome 時間: 23-1-3 00:56
回覆 deco99 的帖子
呢幾開升到中學港同成績最好，最值得讀
作者: melodychui 時間: 23-1-3 01:45
回覆 Winghtsang 的帖子
如果考到直資，到時再與老公溝通。
作者: SerenaYuen_FB 時間: 23-1-3 02:13
其實如果比到學費就到時考左先，因為最後你都係要有offer 先有得唸。
我見都多家長話最後都係要考dse，而家活動happy 上到小5，小6或中學都係谷，唔好以為活動教學比傳統好。但我自己反而唔係甘睇，我小朋友都係唔鐘意坐定定學個種，佢會覺得悶，鐘意玩住學，其實好多家長有種錯誤的唸法，成日覺得happy school hea 學唔到野，其實happy learning 都可以谷，happy learning happy school 的定義係玩住學，唔代表hea 或一定淺，佢地主要係教學方法唔同，無甘死板。
我覺得而家係要唸點樣的裝備，小朋友20年後先可以行得更遠。我覺得學術夠用就得，對將來作用唔大講真，20年後按個制咩info 都有了，所以而家係要唸點幫小朋友搵到岩的讀書方便，應付個考試就可以了，香港讀書從來只要讀好中英＋識考試技巧＋記憶力就唔會差得去邊，唔須要不停谷不停抄寫的，如果家長仲用緊死記方式去教小朋友，佢地會讀得好辛苦的。所以我覺得應該搵岩讀書方法，培養小朋友presentation skill，自信心，學習興趣，解難，創意甘先係長遠，所以我唔考慮谷的名小，小學亦唔須要好勁，最緊要係岩小朋友讀。
我囡都係卷幼0外補，但我有每日教30分鐘＋睇書，暫時都有5間1線直私offer，而佢係讀得輕鬆，日玩夜玩個種，反而我見我fd 讀lh，日讀夜讀＋n個興趣班，忙到玩的時間都無，但佢都係我個d offer，所以唔係話私或名幼就一定好，卷幼就一定唔好，我從來只會相信自己，因為只有父母先知咩係岩小朋友，我覺得而家太多人迷失左係名校光環到，其實如果自己讀過名校就會知個光環只係滿足父母，名校內有好多人都只為滿足父母而讀，讀書唔知為咩，無目標無自己興趣的，當畢業後連自己想點都唔知。
作者: Carrie827 時間: 23-1-3 06:54
SerenaYuen_FB 發表於 23-1-3 02:13
其實如果比到學費就到時考左先，因為最後你都係要有offer 先有得唸。
我見都多家長話最後都係要考dse，而 ...
邊五間先
作者: 西瓜包 時間: 23-1-3 07:23
Carrie827 發表於 23-1-3 06:54
邊五間先
本帖最後由 西瓜包 於 23-1-3 07:29 編輯
我都好好奇好多家長話自己冇學嘢考到，除咗APS, SFA, TSL，福小唔使拍片。所有拍片都要show你流利英語同一項才能。這項才能真係好多家長自己教到？（個別家長自己教琴例外，但有幾多個？）所以有啲留言聽下就好啦
之前網上有家長分享佢個仔冇外補入到男拔，啲人再問佢，原來佢讀基督堂幼稚園，自己教個仔琴同佢係屋企同個仔講英文，老公教奧數…咁同其他家長外補有乜分別？只係有啲家長可以自教或佢個小朋友配合度高。而其他小朋友係要俾人教先得嘅分別。所以我唔會話人哋N個補習班，因為呢個遊戲規則係要你咁玩。做咗唔一定有但冇做機會確實小。
作者: gabejang 時間: 23-1-3 08:11
SerenaYuen_FB 發表於 23-1-3 02:13
其實如果比到學費就到時考左先，因為最後你都係要有offer 先有得唸。
我見都多家長話最後都係要考dse，而 ...
作者: piglover 時間: 23-1-3 08:38
西瓜包 發表於 23-1-3 07:23
本帖最後由 西瓜包 於 23-1-3 07:29 編輯
我都好好奇好多家長話自己冇學嘢考到，除咗APS, SFA, TSL，福 ...
Agree with you。
我都識人零外補有好多offer，係因為家長係高學歷FTM，自己都可以操流利英文，在家教學。自己又識樂器，仲係演級。
網上嘅嘢，信一半就好啦。
移民潮之下，又真係知道有少量券幼都入到DGJS呢d神校。
作者: nnchung 時間: 23-1-3 08:49
其實住公屋, 已經勝過唔少偽中產.... 仲有千金難買少年窮,...
作者: 西瓜包 時間: 23-1-3 09:04
piglover 發表於 23-1-3 08:38
Agree with you。
我都識人零外補有好多offer，係因為家長係高學歷FTM，自己都可以操流利英文，在家教學 ...
本帖最後由 西瓜包 於 23-1-3 09:05 編輯
只要玩過呢個遊戲規則就會明果啲話自己乜都冇考到係真偽，你再走一轉小紅書就會明你怎解會入唔到，有個小朋友打功夫翻關斗你冇2年以上功力都做唔到。呢啲叫唔學可以拍到才能果part?你真係企係度笑入到？站係學校立場，有呢啲小朋友同完全冇嘢睇嘅小朋友一比，你覺得學校怎揀？呢啲好正常啦
券幼唔係唔得，家長要出盡力囉。過程嘛一樣
作者: f00130 時間: 23-1-3 09:16
無錯 網上嘅嘢信一半就好 因為總有不同的聲音 視乎你想信那邊
我個人唔同意嘅係有些人鼓催外補、面試班嘅風氣
乜一個幼稚園生真係要學好高深嘅嘢先應付到小一面試咩 乜拍片真係咁難要出面「專業」老師教先識講？父母高學歷要即係要高成點先教到個五、六歲小朋友？
問下自己有冇認真花時間教小朋友先 無需要咁快否定自己教唔到、唔識教、冇時間之類 做父母本應係最了解小朋友嘅人 若都唔知點教 點解會認為出面嘅人幫到手？父母的角色絕對係關鍵！
作者: 西瓜包 時間: 23-1-3 09:48
f00130 發表於 23-1-3 09:16
無錯 網上嘅嘢信一半就好 因為總有不同的聲音 視乎你想信那邊
我個人唔同意嘅係有些人鼓催外補、面試班嘅風 ...
冇人講拍片需要專業人士指導，係拍片內容要求show小朋友才能。真係可以冇學過野拍到？
作者: kennethlau96 時間: 23-1-3 09:49
家長自己教，外補其實都唔係重點，條條大路通羅馬，最緊要學校係要揀選一啲會重視仔女教育嘅家長就夠。相信大家上得EK搵答案、討論的家長們都俱備基本條件。
網上分享大家都只係會拎出各人身邊嘅經歷出嚟分享，可能自己本身聽返黎嘅分享都未必咁準確，亦都無得分出真假，因為無大數據支持。
分享嘅大家都係相信自己經歷，但唔代表事實之全部，就算名幼，名面試班都係每年需要不斷收集資訊。其實聽大家成日呢間VS個間討論，有邊個家長真係讀晒咁多間，就算係用家又係咪就可以代表晒成間學校好與壞呢，每間學校總有人讀得開心讀得好，總有人讀得唔順，呢啲答案都係唔可以以偏概全。
卷幼、私幼都一定有人讀得好讀得唔好，
小朋友資質都有分高低喇，有啲可能早熟有啲遲熟，
家長陪睇書、練習同出去外補其實都係要配合返家庭因素，無話好與壞。
好似上面個比較話自己卷幼同LH得出offer係一樣，其實可能係小朋友資質有關？
我小朋友都係讀LH 暫時有10間offer,包括男神，我又覺得無外補讀卷幼唔會俾到呢個result我。
所以都係個句，聽還聽，睇還睇，都係要自己試過先知。
作者: f00130 時間: 23-1-3 09:54
西瓜包 發表於 23-1-3 09:48
冇人講拍片需要專業人士指導，係拍片內容要求show小朋友才能。真係可以冇學過野拍到？
...
我身邊識嘅都係普通如唱歌、彈琴（一級琴譜）roller skating 等都入到圍
作者: f00130 時間: 23-1-3 10:00
kennethlau96 發表於 23-1-3 09:49
家長自己教，外補其實都唔係重點，條條大路通羅馬，最緊要學校係要揀選一啲會重視仔女教育嘅家長就夠。相信 ...
作者: piglover 時間: 23-1-3 10:05
kennethlau96 發表於 23-1-3 09:49
家長自己教，外補其實都唔係重點，條條大路通羅馬，最緊要學校係要揀選一啲會重視仔女教育嘅家長就夠。相信 ...
小朋友認真受教，加上家長又肯認真教，一定好過外補㗎。
問題係，幾多小朋友會肯聽家長教？
有時自己教，會犧牲親子關係。所以，有d錢要比人使嘅。
作者: 西瓜包 時間: 23-1-3 10:08
piglover 發表於 23-1-3 10:05
小朋友認真受教，加上家長又肯認真教，一定好過外補㗎。
問題係，幾多小朋友會肯聽家長教？
正如霍啟剛話佢呢仔女係外面搵人教游水一樣應該全港冇教練勁得過郭晶晶啩
作者: LeeCC 時間: 23-1-3 10:14
西瓜包 發表於 23-1-3 10:08
正如霍啟剛話佢呢仔女係外面搵人教游水一樣應該全港冇教練勁得過郭晶晶啩
...
郭晶晶係跳水
作者: 西瓜包 時間: 23-1-3 10:21
LeeCC 發表於 23-1-3 10:14
郭晶晶係跳水
游泳4式佢冇可能唔識囉
作者: 快樂火雞 時間: 23-1-3 10:30
香港一直都存在操練過度的問題。
其實好多時，家長的操練遠超學校要求。
以英文爲例，Starter已經夠過神校的簡歷關有餘，但好多虎媽會操練到flyer，費時又無乜幫助。
講到小紅書，更加浮誇到無人有，九成都係補習老師販賣焦慮。
作者: LeeCC 時間: 23-1-3 10:30
西瓜包 發表於 23-1-3 10:21
游泳4式佢冇可能唔識囉
作者: hkpapa852 時間: 23-1-3 10:57
本帖最後由 hkpapa852 於 23-1-3 11:25 編輯
Winghtsang 發表於 22-12-31 16:00
身邊冇人有小朋友，冇人比到意見我，所以想係到請教咁多位🙇🏻♀️我係基層家庭，住九龍， ...
如果妳認為小朋友好動, 津貼傳統學校唔適合佢, 咁妳要諗諗, 妳個仔應該唔係億中無一既好動小朋友, 咁點解幾十年嚟咁多"好動"既小朋友讀傳統官津學校都無問題, 而妳覺得"唔適合"呢?
另外, 要諗下 "去學校讀書" 係為咗乜?
知識以外, 係要學習群體生活, 學習規舉/紀律, 以至學習如何"適應社會"
現今太多家長, 將焦點放係自己子女身上, 不少小朋友自小有4大護法6大護衞跟身, 個個都好似王子公主上身, 自我中心都不得了, 所以呢班小朋友更需要學習
除非小朋友天賦異禀, 有能力可以改變世界, 咁全世界都要繞住佢去轉, 但現實呢? 絕大部份既小朋友, 再叻都好也只是世界中既一粒微塵, 佢地最終要脫離 4大護法6大護衞 獨立去面對世界, 迎合世界 (記住, 唔好期望個世界會迎合你).
今天家長"遷就"/"寵養"小朋友, 但世界又會唔會呢?
就算妳有本事"寵養"小朋友18年入到大學, 妳估佢大學生涯又會如何? 日後出嚟做嘢又會如何?
好多時, 甚麼 "愉快學習", "活動教學" 都只係 Marketing 既口號, 如果自己連呢幾個名詞實際係乜都唔知, 就唔好盲目跟風
黃大仙天虹夠話愉快學習兼活動教學, 妳肯報我相信一定收, 但妳想唔想小朋友去讀先?
作者: adriantai 時間: 23-1-3 11:08
hkpapa852 發表於 23-1-3 10:57
如果妳認為小朋友好動, 津貼傳統學校唔適合佢, 咁妳要諗諗, 妳個仔應該唔係億中無一既好動小朋友, 咁點解 ...
講得好 
作者: adriantai 時間: 23-1-3 11:14 標題: 回覆樓主:
十個家長起碼有八個覺得自己仔女吾適合傳統
作者: lambeanmama 時間: 23-1-3 11:18
hkpapa852 發表於 23-1-3 10:57
如果妳認為小朋友好動, 津貼傳統學校唔適合佢, 咁妳要諗諗, 妳個仔應該唔係億中無一既好動小朋友, 咁點解 ...
Very well said.
其實小朋友去到三年級。望著當年升上不同小學嘅幼稚園同學仔；你會發現，有人讀坊間「公認」的Happy School、有人讀神校、也有人讀傳說中的谷谷三寶；但其實讀落開不開心，最大的決定因素，可能其實是父母有幾睇得開成績和排名二事。
現今世代年輕人個個十八般武藝、兩文三語是基本的；但才藝再勁、學術再優秀，但不懂與人相處、不懂compromise, 去到大學或出來社會工作，其實都好大鑊(emoji)
作者: 天外之人 時間: 23-1-3 11:38
Winghtsang 發表於 22-12-31 16:00
身邊冇人有小朋友，冇人比到意見我，所以想係到請教咁多位🙇🏻♀️我係基層家庭，住九龍， ...
唔需要為了自己面子,入咩學校都好,令小朋友開心去享受學習生涯就足夠.
作者: hkpapa852 時間: 23-1-3 11:43
Winghtsang 發表於 22-12-31 16:00
身邊冇人有小朋友，冇人比到意見我，所以想係到請教咁多位🙇🏻♀️我係基層家庭，住九龍， ...
選校感想
作者: f00130 時間: 23-1-3 11:53
甚麽為之活動教育 似乎唔同人心目中有唔同的定義
係咪多活動就係活動教學？係咪活動教學等於happy school? 係咪happy school 等於happy learning ? 係咪happy learning 就等於少測驗考試少功課？ 係咪活動教學就啱好動寶寶 係咪活動教學代表唔守規則無社會規範？有興趣的話自己研究了解一下唔同學校的理念和點演譯。
其實呢 又真係無咩人會讀過幾間學校去比較 各人都係從主觀角度去睇
我覺得傳統和活動兩者各有捧場客 自己認為邊種適合小朋友、小朋友讀得開心順意便可。
作者: 西瓜包 時間: 23-1-3 11:56
adriantai 發表於 23-1-3 11:14
十個家長起碼有八個覺得自己仔女吾適合傳統
我都係一個呀但原來間間都有抄抄寫寫，咁定唔定性為傳統學校呢？
作者: adriantai 時間: 23-1-3 11:58
西瓜包 發表於 23-1-3 11:56
我都係一個呀但原來間間都有抄抄寫寫，咁定唔定性為傳統學校呢？
...
咁我其實都係其中一個，不過無錢讀國際
作者: hkpapa852 時間: 23-1-3 12:02
f00130 發表於 23-1-3 11:53
甚麽為之活動教育 似乎唔同人心目中有唔同的定義
係咪多活動就係活動教學？係咪活動教學等於happy school? ...
Happy school
係 "家長想自己happy"， 定真係＂家長想小朋友happy" ?
作者: f00130 時間: 23-1-3 12:06
hkpapa852 發表於 23-1-3 12:02
Happy school
係 "家長想自己happy"， 定真係＂家長想小朋友happy" ?
讀傳統都可以好happy
作者: 天外之人 時間: 23-1-3 12:13
回覆 f00130 的帖子
真正發揮到Happy Learning就係最好,係唔係Happy School都冇所謂.
反而我覺得小朋友階段,於學習及適應能力強,理應唔好要有舒適區及有太多限制,若能從不適應情況下早啲面對,對小朋友先係一件好事.那些講什麼合小朋友理念令佢快上手等等,好像想佢走捷徑那樣,唔合理念及唔適應自己既就唔好接觸,解決好面前既野就得,總係覺得幣多於利. 若能早早解決好,那對佢將來在社會上,所有不適應既事同物都會容易快適應,就算失敗都會早走出唔好心態.這是我心得.
作者: kennethlau96 時間: 23-1-3 12:17
本帖最後由 kennethlau96 於 23-1-3 12:51 編輯
鹹魚青菜各有所愛，其實樓主此貼都係想詢問應否嘗試考直資，係12月出貼相信不是今年應考生。
我覺得不需要太早去訂性自己小朋友，大家嘅討論也都需要切合返樓主的問題核心，太過偏離去討論津校直資比較我覺得有小小跑題。
對於樓主嘅考慮，我覺得應該比小朋友嘗試考直資過程，對於家長與小朋友都係有得著。直接斬咗條路，等電腦安排真係好？
係安排考直小路途中，對於小朋友鍛煉，對家長心態都係一種成長的經歷。
而結果與選擇可以之後再作考慮。另外補充一句，安排自己小朋友教育對樓主嚟講係一個設身處地嘅主觀問題，而宏觀思維只可以作為參考。
作者: gabejang 時間: 23-1-3 12:19
kennethlau96 發表於 23-1-3 09:49
家長自己教，外補其實都唔係重點，條條大路通羅馬，最緊要學校係要揀選一啲會重視仔女教育嘅家長就夠。相信 ...
作者: adriantai 時間: 23-1-3 12:38 標題: 回覆樓主:
其實合乎小朋友程度自然讀得比較happy ，只不過家長覺得個刻蝕底咗
作者: Winghtsang 時間: 23-1-3 13:35
本帖最後由 Winghtsang 於 23-11-8 12:39 編輯
Delete
作者: Winghtsang 時間: 23-1-3 14:14
本帖最後由 Winghtsang 於 23-11-8 12:40 編輯
Delete
作者: 陳柒 時間: 23-1-3 14:28
首先、要同老公有共識。花幾多錢落教育度、揀乜學校、都要有商有量。
第二、成績好就只得一個方法、就係死鋤爛鋤。資優除外。果啲多課外活動又成績好既、就係死鋤爛鋤之餘、仲谷埋你課外活動。揀之前要諗清楚。
第三、要諗下女子將來想點。如果你只係想佢入大學讀個護士電腦土木工程（我角度睇都算搵到錢啦）、其實唔洗搞咁多。如果你目標係醫生律師環球金融、就最好谷入名校喇。
第四、科技進步、資訊流通、依家好多地方分享催谷子女方法、有心既自己谷好過學校谷。值唔值得俾錢讀私校、都要諗諗。
作者: Anne_Hall 時間: 23-1-3 14:55
其實真係試左先無壞，直資學校有自己一太簡人標準，間間唔同，佢簡你即係適合學校，到時再去諗讀唔讀都唔遲。
我仔當年面試班老師都話佢適合讀直資，但考完叩埋門，先發現傳統官津先鍾意收佢呢類學生，我仔都係得3間唔係最top既直資肯收佢，但叩門都收到地區名津offer。
| 歡迎光臨 教育王國 (/) |
Powered by Discuz! X1.5 |