教育王國

標題: Sen 小朋友 [打印本頁]

作者: 已刪除用戶 時間: 22-11-19 08:11 標題: Sen 小朋友

我小朋友6歲，最近確診左adhd+asd, 依家讀緊國際學校。其實一路以嚟都滿意學校既，even知道小朋友係sen,我仲好高興自己當初誤打誤撞入入左呢間學校，因為咁岩得咁橋、呢間學校對sen小朋友係都算多支援，而我讀緊呢間唔係啲咩出名既學校，我地之前係放棄左啲比較出名既Is,揀左依家呢間。

但最近我小朋友開始食藥，做訓練，明明岩岩開始有進步，學校提出用consequences 呢個plan,原本我係好ok.但當聽到學校既consequences 係小朋友拎左紅牌果陣，就會打俾家長，接佢番屋企、我覺得好shocking. 學校話因為要保障其他小朋友安全。但我小朋友唔係嚴重個案，學校話留意到佢會尖叫、但唔係佢misbehave, 佢只係係課室入面可能太多野刺激到佢，佢唔識點處理，就用尖叫呢個方法，因為知道尖叫，就會有老師帶佢出去，佢就會舒服番啲。而學校會因為小朋友尖叫而出紅牌，因為佢會近距離係同學耳邊尖叫、對同學黎講係唔安全。

我想知其他國際學校係未都會同樣處理方法，如果唔係既話、大家有冇邊間國際學校建議我地可以轉過去？因為我擔心長遠落去。我作為家長都唔係好想成日因為行為問題而提早接走小朋友。

作者: Youweird 時間: 22-11-19 08:45

听闻habour school 对这样的小朋友非常适合

作者: 已刪除用戶 時間: 22-11-19 08:47

回覆 Youweird 的帖子

謝謝你回覆。呢間都是我考慮之列，只係因為我住新界，有啲遠，都想搵下有冇其他選擇，但都會去睇下。謝謝你

作者: 964000 時間: 22-11-19 09:28

kittyuk 發表於 22-11-19 08:11
我小朋友6歲，最近確診左adhd+asd, 依家讀緊國際學校。其實一路以嚟都滿意學校既，even知道小朋友係sen,我 ...

Sensory overload
consequence對SEN冇用，佢哋都控制唔到
學校愈小班愈好，同學校商量下比佢有需要就戴ear muffles(有毛好大舊個D），容許佢隨時可以離開班房，佢有更好方法解脫就不用尖叫，始終尖叫好影響人。
我地幼稚園時課室里有個sensory cart, 比小朋友有需要時隨時用（唔一定SEN），有muffles, fidget toys 等，大大下會好啲。

作者: 已刪除用戶 時間: 22-11-19 09:33

其實學校已一早對佢用後果，例如要去校長室。我對呢樣都冇意見，因為明白學校都要保障其他小朋友安全同學習環境，但琴日個meeting 話要加多樣後果落去就係send 佢番屋企，我先咁shocking.因為其實學校所有要求/提議，我一向好接受，好配合，而學校認為需要多啲資源去support 我小朋友從而加多50%學費，我亦都爭配合，學校提議精神科醫生食藥，我又毫不猶豫去做。但好似我作為家長，已經做左好多野去配合，換黎學校好似小小事就送佢番屋企去解決。

作者: mandy_ng207 時間: 22-11-19 11:01

kittyuk 發表於 22-11-19 09:33
其實學校已一早對佢用後果，例如要去校長室。我對呢樣都冇意見，因為明白學校都要保障其他小朋友安全同學習 ...

PM傾

作者: 964000 時間: 22-11-19 12:11

kittyuk 發表於 22-11-19 09:33
其實學校已一早對佢用後果，例如要去校長室。我對呢樣都冇意見，因為明白學校都要保障其他小朋友安全同學習 ...

已經收多50%學費，其實shadow teacher 都請到了，除了send返屋企冇其他方法？有沒有見psycho? 醫生主要只係開藥。
其實之前有冇tackle 佢尖叫的原因和情緒，否則只係叫佢唔好咁做，但又冇教佢唔舒服時可以點做，才6歲佢都好無助，講直如果罰下佢就控制到就唔叫SEN了。

作者: 已刪除用戶 時間: 22-11-19 12:20

回覆 964000 的帖子

我地如果去到‘shadow’呢個地步就唔止加50%，會加超過100%。我地有見心理學家，本身係做遊戲治療，但做左幾個session,心理學家認為已經唔需要，所以改左耐唔耐見小朋友同家長，update下睇下有咩可以教到學校同家長點做。
其實之前我覺得學校處理得好好，亦覺得學校係想幫小朋友，我都好感恩，但自從我小朋友岩岩開始用藥，有進步，佢地就覺得姐係佢係控制到自己，而且又要保障同班同學既安全，所以提出將會加個send小朋友番屋企作為後果。但老實，作為家長，聽到學校咁講，好失望，好唔開心。因為我唔係咩都唔合作既家長，學校話點就點。但依家竟然岩岩有進步左幾日就話佢係控制到，所以再發生就出紅牌，可能兩次就要番屋企。我一路認知學校係好包容，但我作為家長，可能係我自私，但真係接受唔到因為呢個原因，學校要我提早接佢走，亦唔認為學校呢個做法係包容。

作者: 964000 時間: 22-11-19 12:38

kittyuk 發表於 22-11-19 12:20
回覆 964000 的帖子

我地如果去到‘shadow’呢個地步就唔止加50%，會加超過100%。我地有見心理學家，本身 ...

我聽過請shadow冇咁貴喎，pm you

作者: sonokosy 時間: 22-11-19 14:37

回覆 kittyuk 的帖子

雖然學校咁樣提出啫，但家長都可以表達自己睇發。你對兩次紅牌就送佢話屋企有保留，咪嘗試同學校溝通可唔可以唔call家長接走，而係settle佢喺個corner或者其房間俾佢time-out。又或者可以同學校提出3次甚至5次紅牌先要家長接走佢？
其實學校認為佢食咗藥後有進步，但仍想幫佢改善行為，等小朋友明白有乜嘢唔可以做，某程度上都係為咗小朋友好。而家6歲year 2呢個年紀，大家目標應該都係想幫助佢integrate返去主流班上堂，如果而家唔train佢，越大就會越難執。我都明白作為家長最擔心係小朋友三日唔埋就收到學校電話要去接小朋友。但另一方面睇，如果小朋友真係成日喺人耳邊尖叫，咁又的確會對其他人構成危險。點都好，媽媽唔好假定咗小朋友一定會經常收紅牌先。學校同得你訂呢個目標，相信都係想幫小朋友改善問題，一般幾個月後學校都會同你檢討下個成效如何。

作者: 已刪除用戶 時間: 22-11-19 14:45

回覆 sonokosy 的帖子

其實我小朋友依家係主流班，我明白學校都想幫手改善小朋友行為，只係唔太認同送佢番屋企就教到佢。其實我有同學校提及帶佢去第二間房，但學校唔接受。所以我係完全唔介意用time out.我亦好明白尖叫有機會對其他同學做成危險，所以學校如果time out 佢，送佢去校長室，我都從來無異議。

作者: sonokosy 時間: 22-11-19 14:46

回覆 kittyuk 的帖子

A仔你要佢去間新學校，佢要適應過新環境、新老師同新同學咪仲麻煩。除咗紅牌接走呢樣之外，家長對而家間學校有無其他唔滿意？如果無，其實係咪真係需要轉校呢？如果食藥後小朋友係有進步，學校想tune埋佢d唔好嘅行為其實係好事。
btw, 你小朋友接受緊咩治療？我識人返咗ABA之後，返到學校仲衰過唔train。

作者: sonokosy 時間: 22-11-19 14:49

回覆 kittyuk 的帖子

唔好太frustrated. 不如觀望下紅牌呢個安排下小朋友個情況係點先。如果太頻繁，咪再同老師溝通，甚至考慮轉校囉。你唔好因為紅牌制度未執行就咁快panic先，或者小朋友喺紅牌制度下真係有改善呢。

作者: 已刪除用戶 時間: 22-11-19 14:54

回覆 sonokosy 的帖子

其實我地學校負責處理果個staff就係有學過aba. 我唔知學校用緊既方法係未Aba,因為我對Aba認識唔深，但聽學校講緊既有啲似我認知既Aba做法。
其實我又唔係話即刻要轉校，只係需要搵定back up, 如果到時真係有需要時，起碼知道我地可以去邊。

作者: SISian 時間: 22-11-19 15:48

回覆 kittyuk 的帖子

冇影子老師都敢多收50%，無言
觀望吓進展，再準備定backup plan，加油，希望最終有解決方案

作者: ramboyy 時間: 22-11-19 20:58

想知邊間

歡迎光臨教育王國 (/)