教育王國

標題: 初中補數邊間好？ [打印本頁]

作者: chelsea_jbb 時間: 22-11-16 09:05 標題: 初中補數邊間好？

初中補數邊間好？

作者: 2009kid 時間: 22-11-17 07:44

補底定拔尖？
試過大班細班，大班唔同校放埋一齊，跟唔貼學校教個課，補底果個結果去咗1對2嘅班，老師跟學校進度

數學比較好果個都由大班轉左細班，因為大班啲嘢較淺，因學生程度不一，結果轉左專攻該校嘅挑戰題嘅小班1對2-3
初中唔建議誇區補，你學校邊區搵番附近細班導師肯跟學校進度就ok
我哋細班有分1A津校/直資，1B-C班，band2中文數

如果純粹想感受大班，等個細路feel下其他同學嘅進度，也讓老師知其整體能力，就可以去大型連鎖店

純個人意見

作者: chelsea_jbb 時間: 22-11-17 08:52

回覆 2009kid 的帖子

多謝你咁詳細的意見. 我問過幾間初中補習班好多都係堂上做完冇功課, 如果補底係咪應該搵番有課後練習果d比較好呢?

作者: 2009kid 時間: 22-11-17 10:05

我都有問過不同補習老師，數學來講就算上完一堂你唔做功課，隔幾日已經忘記左大部分，一定要靠做功課鞏固，不過我家年青人上過一個班，佢話全班都唔交功課，所以我都唔交，結果同阿sir夾咗返多一堂純操卷（免費），類似返補習社做補習功課,等阿Sir知佢有邊啲未掌握到

亦都上過一間係有功課大約兩三版，唔算話太辛苦，但一去到考試其實之前都要加堂，一星期由1變3堂，鞏固加強，專攻弱項或唔熟

作者: kirstyau 時間: 22-11-17 13:51 標題: 回覆樓主：

本帖最後由 kirstyau 於 22-11-17 13:55 編輯

超研教育，有測驗有功課，唔交2次功課冇得入課室上堂，測驗唔合格要補測，補測完唔達標要罰停一個月。

如果數底弱，建議睇片班，因為測驗冇限時正路實達標，睇片班一樣要交功課，唔交功課，唔發下一堂片

同埋HY Lau講書都快，片可停可以返轉頭睇，但片都係得一個星期多限期要睇完，但正常一定一星期內睇完，因為要交功課，如果唔係冇下堂片。

大由中二補到依家中五。佢話高中好有用，因為學校老師唔會教走捷徑，始終公開試要同時間鬥快。

初中想有人逼下計數，打好底都ok嘅，但預咗唔會跟學校次序。

作者: adagrape 時間: 22-11-23 21:51

數都係要做要操，不過要搵適合程度的補習社。我仔仔補緊嗰間係教快過學校，做思考題目多，佢介紹同班同學去，兩個都進步左好多，但係我介紹朋友女兒去，佢就覺得太深，話學校淺好多，唔肯做。所以適合先至係好。

作者: jasprincess 時間: 23-1-6 11:21

adagrape 發表於 22-11-23 21:51
數都係要做要操，不過要搵適合程度的補習社。我仔仔補緊嗰間係教快過學校，做思考題目多，佢介紹同班同學去 ...

請問可以告知邊間補習社嗎?

作者: adagrape 時間: 23-1-6 18:21

回覆 jasprincess 的帖子

學研教育中心, 係威邦商業中心,李sir教

歡迎光臨教育王國 (/)