教育王國
標題: 較淺中文程度的中學？官津校仲有冇留班呢樣嘢？ [打印本頁]
作者: angel-papa 時間: 22-10-24 02:08 標題: 較淺中文程度的中學？官津校仲有冇留班呢樣嘢？
其實而家仲有冇程度較淺嘅中文中學呢？起碼至少係有得讀, 唔出咁多開放嘅題目或者思考題⋯⋯
因為同朋友傾開原來依家中一啲中文係好多開放嘅題目, 要自己根據讀咗嘅資料又或者以往教過嘅課程，再用自己嘅意見寫落去份卷度。 不論中文還是中國歷史都係⋯
嚟緊我仔都會升中，如果係咁嘅情況，應該會不停留班囉
⋯
其實我都想知道官津嘅學校，係唔係冇留班呢樣嘢？我記得以前好多時都係寫「試升」，啲同學仔升升下就中學畢業啦！
唔知依家仲有冇啲咁嘅嘢？
作者: 妹妹頭 時間: 22-10-24 06:59
angel-papa 發表於 22-10-24 02:08 
其實而家仲有冇程度較淺嘅中文中學呢？起碼至少係有得讀, 唔出咁多開放嘅題目或者思考題⋯⋯
因為同朋友 ...
作者: medicine 時間: 22-10-24 07:57
angel-papa 發表於 22-10-24 02:08
其實而家仲有冇程度較淺嘅中文中學呢？起碼至少係有得讀, 唔出咁多開放嘅題目或者思考題⋯⋯
因為同朋友 ...
就算樓上話最多留兩年,試問,假如入了一間"B1A校",本滿心歡喜.誰知"中一"話追不上進度,留一年班.好不容易升到"中二",準備升"中三",又話留一年~~作爲家長和學生,這壓力可曾想象?是衆多會員可以承受的嗎?是否會思考不如轉一間要求低少少的學校,至少身心健康~~(這裏的中一,中二,中三可以換做其他年級,即中二,中三,中四,類推)
作者: 洋蔥頭媽咪 時間: 22-10-24 08:36
本帖最後由 洋蔥頭媽咪 於 22-10-24 08:37 編輯
angel-papa 發表於 22-10-24 02:08
其實而家仲有冇程度較淺嘅中文中學呢？起碼至少係有得讀, 唔出咁多開放嘅題目或者思考題⋯⋯
因為同朋友 ...
小學有留過班嗎？中學當然都有留班/試升呢樣嘢，如果孩子現在衹是小學生，何不努力幫小朋友打好底子去升中？反而諗啲較淺程度嘅學校呢 !
學生吸收知識後應該要學懂融會貫通，將學咗嘅嘢靈活運用，而唔係把課文搬字過紙。要知道無論咩中學，六年後大家都要面對同一個公開試，課程比其他中學淺，即意味著公開試預計會滿缸紅，家長又是否樂見？若完全唔介意，其實收 Band 3學生嘅中學比起 Band 1已經算係好淺，家長可以跟據自己小朋友嘅能力去選擇。
作者: 7-seven 時間: 22-10-24 10:57
洋蔥頭媽咪 發表於 22-10-24 08:36
小學有留過班嗎？中學當然都有留班/試升呢樣嘢，如果孩子現在衹是小學生，何不努力幫小朋友打好底子去升中 ...
佢係咩希望中文科程度較淺？官津校考文憑試中文一定唔會淺得去邊。
作者: Yanamami 時間: 22-10-24 15:10
將來要考DSE, 係唔會有較淺中文程度呢樣野。除非你讀間直資有GCE AL俾你考，避開左個中文，不過中一至三點都要面對。
作者: bbc2018 時間: 22-10-24 16:50
點止去到中三，女神校要考埋中四上學期，之後才知有無GCE AL 讀
作者: Jessy 時間: 22-10-24 20:42
聽過直資可以留班超過兩次
作者: angel-papa 時間: 22-10-24 21:01
多謝你哋意見！因為小朋友真係好抗拒中文，而家一路都可以升得到，都係勉強能應付⋯但係一講到作文、作句、長題目嗰啲問題，佢就真係束手無策
我其實係擔心佢有機會喺學校面對唔到自己掌握唔到嘅壓力⋯自信心越來越低⋯
其實見佢考親試都好努力溫習中文，可惜中文真係要一點一滴累積返嚟⋯唔係話背晒成個課文就可以好好成績
作者: Poyau 時間: 22-10-25 13:41
angel-papa 發表於 22-10-24 02:08
其實而家仲有冇程度較淺嘅中文中學呢？起碼至少係有得讀, 唔出咁多開放嘅題目或者思考題⋯⋯
因為同朋友 ...
本地升學? DSE 中文為主科 必修
如選直資 AL 可考三科 不一定考語文
中文考 GCSE 英文考 IELTS 代替
作者: 洋蔥頭媽咪 時間: 22-10-26 08:03
angel-papa 發表於 22-10-24 21:01
多謝你哋意見！因為小朋友真係好抗拒中文，而家一路都可以升得到，都係勉強能應付⋯但係一講到作文、作句、 ...
抗拒都要比心機，中文弱更加要比別人放更多時間，除非你打算出國升學，出國工作，否則留港的話中文係冇得避。
作者: gracelam 時間: 22-10-26 10:56
angel-papa 發表於 22-10-24 21:01
多謝你哋意見！因為小朋友真係好抗拒中文，而家一路都可以升得到，都係勉強能應付⋯但係一講到作文、作句、 ...
除非唔打算考DSE，或短期內出國讀書，否則點都要面對中文科㗎啦，DSE中文冇level 3連大學門檻都過唔到。
作者: PuffyBobby 時間: 22-10-27 17:30
回覆 angel-papa 的帖子
其實唔止中文科, 上到中學好多科目都唔係死背死記就得, 我女學校既History, 中國歷史, 生活與社會同埋地理科既測驗+考試卷都有應用題, 即係俾個case study或者一篇文章或者一份剪報, 然後問有關既嘢, 所以中英文既書寫能力都要好囉
作者: angel-papa 時間: 22-10-28 12:41
多謝你哋咁多位意見！我哋的確有打算安排他將來外國升學，不過仲未講得實係什麼階段，都想睇返外國嗰邊嘅生活情況穩定啲先，所以應該會高中之後才去(emoji)
作者: eit2003 時間: 22-10-28 13:12
angel-papa 發表於 22-10-28 12:41
多謝你哋咁多位意見！我哋的確有打算安排他將來外國升學，不過仲未講得實係什麼階段，都想睇返外國嗰邊嘅生 ...
| 歡迎光臨 教育王國 (/) |
Powered by Discuz! X1.5 |