教育王國
標題: 求培道小學用家意見 [打印本頁]
作者: Sameemum 時間: 22-10-22 07:54 標題: 求培道小學用家意見
女兒今年剛入傳統名小小一，教學太悶，班人數太多、功課太多，小朋友學校學習效果不佳之餘，又要每天應付功課，透不過氣。考慮儘快轉校，培道是其中一個option。雖然肯定轉培道必定比現在的學校少功課，師生比例，更好一倍，但因為培道也是用各類textbook，擔心都是textbook 主導之下，會教學同樣單向、刻板、重操練，etc；但又聽說他們的教學比較互動？，所以想求用家分享以下方面，讓我深入了解：
1）教學是textbook主導，單向、操練為主？還是老師能夠跳出textbook的框框，教學多有互動及活動？
2）好多人話培道淺，但有人話其實佢中文深、數學都刁鑽，IT也走得前。請問小一小二用家可否分享一下，小一中文及數學要求小朋友要學咩，做到d咩？
3）聽說今年小一不再默書、考試，培道近年校長也主張不用回家做功課，請問用家學校是否都能做到？
4）培道英文科的教學是聽得最少，是否傳統只跟textbook，學生字、grammar？
5）用家覺得，小朋友在學校學習的效果如何？eg有d學校，老師不會看小朋友接收如何，自有自教，小朋友唔識就外補或阿媽搞掂，呢d我認為是學習效果不佳。如果老師能夠因應小朋友的能力，設計不同教學方法/活動，幫助他們學得更明白，不是靠阿媽或外補，就能學到，咁學習效果就很好了。
不好意思，多問題，又刁鑽，因為轉校，不想再轉錯。
（我明白國際學校都可能是我杯茶，但因為國際學校用普通話學中文，培道是廣東話學中文，我小朋友是廣東話學比較得心應手，所以想了解培道多一些）
作者: Carly0909 時間: 22-10-22 08:44
Sameemum 發表於 22-10-22 07:54 
女兒今年剛入傳統名小小一，教學太悶，班人數太多、功課太多，小朋友學校學習效果不佳之餘，又要每天應付功 ...
想請教班人數太多的意思係大概幾多人算是多呢？謝謝！
作者: Sameemum 時間: 22-10-22 14:23
回覆 Carly0909 的帖子
42人一班
作者: Carly0909 時間: 22-10-22 15:54
Sameemum 發表於 22-10-22 14:23
回覆 Carly0909 的帖子
42人一班
謝謝回覆(emoji)(emoji)
作者: Starry-starry 時間: 22-10-22 21:37
我係現任初小用家～ 希望少少意見幫到你。
1）無錯，其實有textbook, 好難完全跳出既定框架。 所以主要都係跟住書嚟教，然後做作業既模式。就算課堂中間有啲活動，最後其實都係要測考默。如果你期望係project based探究式學習之類，真係要考慮下國際學校。
2）學校唔算多功課，抄寫功課都好少，但其實都有要求。每隔一陣就會有啲唔計分既課堂評估，題目唔算難，但事先唔會話俾家長聽，考完派卷返嚟簽名先知，會俾你睇到小朋友既學習進度。
我自己覺得中文要求比較高，真係用左最多心力既一科。雖然平時啲小默書唔計分，剩係默詞語，但舊年小一計考試分既中默課文，係要背默的。中文考試都一定會考上堂教左既2篇古典詩詞，要識背同識解，仲有教過既課文同做過既練習，範圍都幾闊。連課外閱讀理解篇文都長長地。不過幸好考試範圍好清晰，同埋啲題目都會起課堂教過。
數學相對之下易應付啲，但都覺得個課程都有少少急。（不過全港都係用咁既課本，都冇辦法喇。）考試題目…我覺得合理再偏難少少，未算係最刁鑽既級別。
IT的確走得幾前，小一都會有少少coding既野學下。呢科我唔識教，佢自己上堂跟老師學，考試都考得好好。我反而好欣賞視藝既教學，老師設計課程好用心，而且全部作品起課堂完成，連我嗰位畫畫毫無興趣既小朋友，都學到好多野，好感恩。
3）對，今年小一生比較幸福，全年都唔需要考試，但運作既詳情唔清楚。近幾年沒有下午既課堂，其實冇可能唔駛帶功課返屋企做。如果能夠恢復下午既課堂，學校有功課堂既話，以佢地既功課份量，初小小朋友又肯專心做既話，應該真係唔駛帶返嚟做。
4）英文教學係你講既呢種傳統教法。一星期得一次NET teacher lesson 。
5）我既小朋友冇外補，去年考試都考得可以。上學期完全上實體課，知識既野掌握得幾好，媽媽主要幫佢練識平日默書啲字，同埋考試前俾佢做下練習，理解到題目就可以。但下學期有一半時間停課起屋企上zoom, 雖然學校已經完全跟返學時間表嚟上，但可能對住電腦好難專心，明顯知識上立即好多甩漏，我就要教埋知識層面既野。下半學期返到實體課，情況立即改善好多。所以我認為返到實體課，留心上堂就學得好好。不過認真講，初小學生要應付考試既話，媽媽好難完全甩身唔教佢。
作者: wejiyu 時間: 22-10-22 22:57
英文是場景教學
作者: Sameemum 時間: 22-10-23 06:19
Starry-starry 發表於 22-10-22 21:37
我係現任初小用家～ 希望少少意見幫到你。
1）無錯，其實有textbook, 好難完全跳出既定框架。 所以主要都 ...
作者: Sameemum 時間: 22-10-23 07:27
Sameemum 發表於 22-10-22 07:54
女兒今年剛入傳統名小小一，教學太悶，班人數太多、功課太多，小朋友學校學習效果不佳之餘，又要每天應付功 ...
1）小一第一次及第二次中文考試，各教的兩篇詩詞，是哪首？如果唔記得，可以分享你記得的那些，告知是那個年級，那個學段都得呀，萬謝！
2）知道小一到現在10月尾，教了幾多課嗎？
3）中英數功課方面，除了textbook，textbook所提供的作業外，是否也要做其他補充練習、工作紙？
4）小一中英文都有作文嗎？如果有，是否同其他學校一般做法，即比個幾個問題你，答完當作完？
5）你記得半天上課情況下，小一每天一般有多少項家課？印象中最多幾多樣？
不好意思，問得好仔細。因為我發覺，一般討論時，大家說「多」、「少」、「幾分鐘內完成」其實也不太客觀，因為A家長覺得的「多」，可能在「B」家長覺得「少」；A小朋友15分鐘內完成的功課，可能B小朋友要1小時。所以我覺得問教了幾多課、什麼詩詞，幾多樣功課，更能讓我清楚我小朋友能否應付，因為我知道培道用邊套書。麻煩你了！
作者: Sameemum 時間: 22-10-23 07:28
wejiyu 發表於 22-10-22 22:57
英文是場景教學
作者: alien_ho 時間: 22-10-23 08:36
Sameemum 發表於 22-10-22 07:54
女兒今年剛入傳統名小小一，教學太悶，班人數太多、功課太多，小朋友學校學習效果不佳之餘，又要每天應付功 ...
其實wkf 咪好岩
點解當日放左….
作者: Sameemum 時間: 22-10-23 11:03
回覆 alien_ho 的帖子
所以後悔莫及，其實放棄了當晚已經訓唔著，連續兩晚流淚訓不到…點解？因為父母溝通出問題，連累個小朋友lor，都係自己把持不住，自己覺得對個女最好應該堅持，不應顧慮其他… 利申：其實爸爸一開始係鍾意wkf，但毫無research，中斷經阿媽遊說，爸爸轉為覺得受吓壓力好，最後8月尾媽媽確定女兒不能承受長時間做功課的壓力，發現wkf更適合小朋友，但想遊說翻爸爸不果，又出於天時地利人和的因素下，沒有再遊說的時間機會，就很傻的，選擇了爸爸較喜歡的…
作者: puiyima 時間: 22-10-23 11:26
回覆 Sameemum 的帖子
考番插班WKF or 培僑，應該適合你小朋友
作者: Starry-starry 時間: 22-10-23 12:44
回覆 Sameemum 的帖子
1）舊年小一兩測兩考，每次都要考兩首，即係舊年總共教左8首。我比較記得既有《靜夜思》《清明》《登樂游原》《憫農》…
2）頭個幾月教左幾多課我真係冇咩印象…. 我剩係記得每次考試測驗詳考既課文，大約係4課書。
3）除左作業，學校會有自製既工作紙，同埋有啲網上練習要做。不過都係側重理解知識既能力，好少寫好多字，所以都好快做完。
4）舊年中英有作文，呢份卷要考試。中文作文工作紙係要看圖寫四素句+形容詞。英文作文工作紙就係有圖有問題嚟引導作答咁。
5）佢地小一冇常識科，中英數每日每科最多2個項目，即係每日3-6項不等，印象中通常都係4-5項。不過抄寫真係好少，中文全年一課書都冇抄過，剩係寫詞語，英文都係寫詞語，小朋友專心做既話，冇抄寫既日子，好多時大約半小時都能夠完成，有抄寫功課嗰日預一小時內。
不過要注意，今年學校轉左三考，唔再係以往兩測兩考，而且今年小一轉左完全唔需要考試模式，呢類關於課程進度既硬資料，未必再岩今年既小一生用。
作者: Starry-starry 時間: 22-10-23 12:51
多口問一句，小朋友係唔鐘意傳統坐定定學習模式，定係怕左學校既一大堆功課？如果只係怕功課可以考慮培道，如果唔想坐定定就可能要再搵更加活潑啲既學校。
我當年心儀培道，係因為知道自己小朋友性格好內向，會坐定定配合老師，去新派直資做好多project既學習模式未必適合，但又唔想去傳統小學日日做一大堆功課磨滅學習興趣，培道係比較平衡得到。
作者: wejiyu 時間: 22-10-23 14:39
小一用家，从9月到现在，回家無作业；Happy School
作者: yukaiZ20 時間: 22-10-23 14:55
本帖最後由 yukaiZ20 於 22-10-23 14:56 編輯
培道我覺得她的聯繫中學很有潛力，成績上升中。請記住，培道中學是幾年前招的大部分B2學生入來，卻最後帶出了B1的成績，這個確實值得關注。
作者: afunnybert 時間: 22-10-23 19:09
本帖最後由 afunnybert 於 22-10-24 11:34 編輯
升中情況可以參考
https://www.ptps.edu.hk/CP/pG/20/21/29
功課唔少
測驗多..默書都多…
中文數學都應該比起津校深少少，中文小一開始算係比較要比力。學校懂得用別個分式引小朋友做沉悶既事..講起當年小一會作文，但頗外就不時要寫「感想報告」例如睇完奧運既感想….（最少150字、其實都係作文）。第一年無通識改為 創科。小一會開始學藝術史..
思維教育做得好好;值得欣賞係每個小朋友對校長對學校神奇地有份歸屬感。小朋友好自動自覺做功課溫書。課外活動都多野玩
英文就的確要睇..小朋友自己本身能力，學校英文同普通津校差唔多。
當年有兩間英小offer ..
但因為小朋友中文比較差，英文能力較佳；而且小朋友自己本身對自己有要求，所以揀咗間比較輕鬆啲。
唔係想像中Happy 🥹功課唔少，默書算多…唔計分小測都密
但學校有能力令小朋友好鍾意返學自己會積極溫書，見到今年最新升中成績都有接近一半band 1..再者見到今年去到三年級課程明顯感覺谷左..暫時覺得第時女考中學盡可攻退可守。
(小學用家、成績級內算前頭10-12%）
作者: SerenaYuen_FB 時間: 22-10-23 23:45
請問培小有幾多人可以升返去培道中學的？我上網見話得好少，請問係咩原因？Thx
作者: SerenaYuen_FB 時間: 22-10-23 23:50
回覆 Sameemum 的帖子
不過我fd 個囡讀緊，佢話Wkf 都好紅了，唸住幫個囡轉校而家，所以唔使後悔
作者: alien_ho 時間: 22-10-24 07:18
SerenaYuen_FB 發表於 22-10-23 23:45
請問培小有幾多人可以升返去培道中學的？我上網見話得好少，請問係咩原因？Thx ...
因為佢係中文中學
同埋近呢幾年先上到band 1C
以前一直都係band 2
作者: celinechan117 時間: 22-10-24 07:22
Sameemum 發表於 22-10-23 11:03
回覆 alien_ho 的帖子
所以後悔莫及，其實放棄了當晚已經訓唔著，連續兩晚流淚訓不到…點解？因為父母溝通 ...
本帖最後由 celinechan117 於 22-10-24 07:38 編輯
wkf係好，但自律性要高先得！同埋適合好主動學習的小朋友，唔好後悔，
去培道，再唔得先再諗！
作者: afunnybert 時間: 22-10-24 11:35
alien_ho 發表於 22-10-24 07:18
因為佢係中文中學
同埋近呢幾年先上到band 1C
以前一直都係band 2
https://www.ptps.edu.hk/CP/pG/20/21/29
作者: yukaiZ20 時間: 22-10-24 12:44
這才正是最厲害的地方。招進來的B2學生, 卻帶出來B1成績，比起其他一些學校不停地靠勸退成績低而招入成績優的學生來維持自己的Banding, 這才是值得關注的。
作者: SerenaYuen_FB 時間: 22-10-24 13:04
回覆 yukaiZ20 的帖子
想問下其實點知入去的係band 2 學生？
作者: afunnybert 時間: 22-10-24 13:08
本帖最後由 afunnybert 於 22-10-25 11:56 編輯
回覆 yukaiZ20 的帖子
係，呢幾年坦白講見到女女呢幾年成續曾經有再考慮試試女女會唔會有更好選擇（試左成功扣一線津）
但係回顧返喺呢間學校得到嘅嘢未必其他一線你所講勸退學校可以有。
誘發到小朋友自己鍾意返、好掛住個校長。
學校了解女女偏重讀書，會安排好多唔同活動推薦女女參加。
種種嘅因素，包括個女強烈表示「好鍾意而家呢間學校」，
令到我打消晒所有轉校念頭。
佢繼續維持而家嘅成績，
繼續鍾意讀書，條路就自然長。
作者: SerenaYuen_FB 時間: 22-10-24 13:23
回覆 afunnybert 的帖子
培小係屬1線尾小學？
Yes，其實小朋友鐘意返學就自然學到好多野，因為佢地會自發去學習，問點解，黎樣都係我所重視的，重視過所謂排名。好似我囡讀緊happy school 幼稚園，每日功課都係寫10-20隻字，但佢寫得好開心，仲不停問我d 字點寫，我覺得佢自發去學習比起谷佢寫d 深字更寶貴。反而見到我fd 個仔讀學xx，k3 做功課要用2個鐘，我見到的只係可悲（每個父母要求唔同，無話岩唔岩，但黎d 唔係我所要，就算小朋友勁到識fly)
作者: apricot2018 時間: 22-10-24 13:30
Starry-starry 發表於 22-10-23 12:51
多口問一句，小朋友係唔鐘意傳統坐定定學習模式，定係怕左學校既一大堆功課？如果只係怕功課可以考慮培道， ...
我小朋友同您小朋友一樣性格，斯文內向，請問有冇邊幾間小推薦？心儀少功課，關心學生嘅學校。謝謝！
作者: afunnybert 時間: 22-10-24 13:35
本帖最後由 afunnybert 於 22-10-25 19:36 編輯
回覆 SerenaYuen_FB 的帖子
我諗係二線頭左右..只不過佢有個靚嘅校網。
當時仲好似有啲啲質疑校長誇張有愛心，入到去呢呢幾年發現..原來一切都係真實。校長真係好錫每一個小朋友。呢一點一定唔係淨係我小朋友覺得（開學嘅時候校長親自着上唔同搞笑造型衫喺學校門口迎接小朋友..）。
作者: afunnybert 時間: 22-10-24 13:37
本帖最後由 afunnybert 於 22-10-24 19:26 編輯
回覆 apricot2018 的帖子
留意番係培道上到三年班開始轉傳統教學，功課都唔少、默書都唔少
。只不過少抄寫、多思維功課。
如果係希望少功課，
要諗留意
作者: apricot2018 時間: 22-10-24 14:18
afunnybert 發表於 22-10-24 13:37
回覆 apricot2018 的帖子
留意番係培道上到三年班開始轉傳統教學功課都唔少。默書都唔少只不過少 ...
其實在香港除咗is, 都唔會諗住話冇功課／ 太輕鬆，但求返學比較傳統津小咁大壓力，同埋啲老師冇咁衰有愛心。
作者: Poyau 時間: 22-10-24 18:15
SerenaYuen_FB 發表於 22-10-23 23:45
請問培小有幾多人可以升返去培道中學的？我上網見話得好少，請問係咩原因？Thx ...
培道小學有培道中學21個聯繫位
2022年22人升讀聯中
唔計聯中 近三成升B1中學
培道2022年升中派位
https://www.edu-kingdom.com/forum.php?mod=redirect&goto=findpost&ptid=3869390&pid=49146274
作者: Jean1769 時間: 22-10-24 18:27
SerenaYuen_FB 發表於 22-10-24 13:23
回覆 afunnybert 的帖子
培小係屬1線尾小學？
學XX做功課要兩小時？朋友小朋友是用家，佢話少功課好快做完，K2先學寫字K1仲係劃線條。會唔會係你朋友小孩不專心做咋。
作者: Poyau 時間: 22-10-24 18:32
SerenaYuen_FB 發表於 22-10-24 13:04
回覆 yukaiZ20 的帖子
想問下其實點知入去的係band 2 學生？
九龍城區B1位足 本區女校選擇多
MCS > 聖家 > 九真 > 培道 > 德蘭
B1女生有九真/男女校丘佐榮保底
培道中學中一收生以B2生為主
不過其增值力從文憑試成績可見
《請問培道係 band幾？》
https://www.edu-kingdom.com/forum.php?mod=viewthread&tid=3864801
作者: SerenaYuen_FB 時間: 22-10-24 18:37
本帖最後由 SerenaYuen_FB 於 22-10-24 18:41 編輯
回覆 Jean1769 的帖子
你朋友小朋友讀緊K2? 我講k3，k2 開學唔多功課，下學期先黎料，唔係點谷到成績，無free lunch 的。佢地k2尾k3 頭已經寫緊句子，嘴巴黎d 複雜的字了，而且仲要靠家長外補先谷到甘靚的成績，所以名幼都係谷出黎其實
作者: Jean1769 時間: 22-10-24 18:40
SerenaYuen_FB 發表於 22-10-24 18:37
回覆 Jean1769 的帖子
你朋友小朋友讀緊K2? 我講k3，k2 開學唔多功課，下學期先黎料，唔係點谷到成績，無f ...
朋友小孩已升小。佢話到K3下學期先較多功課幫助小一接軌
其實考過小都知做練習（或功課）對考小無乜幫助，始終表達力先最重要，無乜面試要考做卷
作者: Starry-starry 時間: 22-10-24 19:16
回覆 apricot2018 的帖子
如果冇「太輕鬆」既期望，又重視關愛既話，真係可以考慮一下培道。我覺得學校對小朋友真係好好，好正向教育。好似我個小朋友好想試下做班中管秩序既學生，要寫信俾班主任申請。後來寫完即使老師冇選中佢，都偶然會俾佢做幾日。小朋友返嚟同我講嗰陣覺得好開心。我覺得呢類簡單既action，其實對鼓勵小朋友好有幫助。你知道內向既小朋友，就算成績好，通常起普通學校都俾人當隱形，所以見到班主任肯咁樣俾啲機會佢，嘗試一下跳出怕醜框框，我心中都好感動。
同埋好同意另一位家長所講，小朋友係好莫名奇妙地喜歡學校同埋校長，超有歸屬感。同埋會好自動自覺去做功課同願意溫習。舊年有同學仔完左學年轉校，我見佢都考得可以，多口問佢一句想唔想轉校，點知佢好認真好強調咁同我講：「我一定要留返起培道架，我唔會轉校架！」所以都打消念頭。其實只要佢自己願意學習，唔好失去信心同興趣，將來先能靠佢自己去克服困難，呢樣野比死谷佢知識更加寶貴。
作者: SerenaYuen_FB 時間: 22-10-24 19:33
回覆 Starry-starry 的帖子
我見有人話1星期得1堂net，所以想問下學校英文如何，夠唔夠，要外補嗎？另外學校多活動嗎？謝謝
作者: afunnybert 時間: 22-10-24 19:36
本帖最後由 afunnybert 於 22-10-25 19:37 編輯
Starry-starry 發表於 22-10-24 19:16
回覆 apricot2018 的帖子
如果冇「太輕鬆」既期望，又重視關愛既話，真係可以考慮一下培道。我覺得學校對 ...
嗯。
過去呢幾年都有感學校了解小朋友發展需要；無論係主動型或者被動型嘅小朋友、偏重讀書或否嘅小朋友；學校都能夠關顧，能夠感受到學校作出小安排讓小朋友 真 「全面」均衡發展，而不至於學業上。
。
作者: Siusiu5 時間: 22-10-25 00:04
Sameemum 發表於 22-10-22 14:23
回覆 Carly0909 的帖子
42人一班
作者: alien_ho 時間: 22-10-25 08:07
Siusiu5 發表於 22-10-25 00:04
邊間？真係好多人一班。。。
離不開係私龍
作者: wejiyu 時間: 22-10-25 09:00
回覆 Sameemum 的帖子
1、小朋友角色扮演，用書本的英文場景進行對話；2、一個星期一堂NET課程；
3、小一的功課都在學校完成，回到家無功課
4、小一無默書、無考試，所以很輕鬆
5、老師教的很用心，視聽藝術、普通話、音樂課都是學校精心設計和安排的，小朋友好喜歡
6、我的小朋友讀了2個月，期間喜歡返學，喜歡學習，喜歡校長和老師
7、老師很用心，和家長有whatsapp溝通，把每個細節都替家長考慮到
總之，如果家長不太care英文，對升中無太高要求（例如：一定要讀SPCC、女拔.......），培道是個好的選擇；關鍵是為小朋友建立了學習的興趣，這對小朋友的一生都很重要。
作者: Sameemum 時間: 22-10-26 07:55
Starry-starry 發表於 22-10-23 12:51
多口問一句，小朋友係唔鐘意傳統坐定定學習模式，定係怕左學校既一大堆功課？如果只係怕功課可以考慮培道， ...
不好意思，咁遲覆，阿女今週測驗週><
答你問題：小朋友兩個問題都有！
小朋友性格外向，好鍾意講野，如果有人陪，會不停講！但佢可以坐聽聽聽書，也會及喜歡守規矩。但由於名小教學非常沈悶，人數太多，舉了手都無咩機會答問題，所以非常單向，小朋友只能由早到放學都無嘢講，好痛苦。（小息係2x10分鐘，好珍貴，我女也是靠它享受僅有同小朋友互動一下的時間）
第一日返學，懷着緊張又興奮的心情期待。第二日返學開始流淚，不停問點解小學一啲都冇得玩？點解小學返咁耐？到現在她終於接受現實，不再問這兩個問題了。
試過佢做功課做到好眼瞓，眼睛快要合起來，我說這兩樣功課算了吧明天不要交了。她不行，堅持要完成。
她性格本身非常樂天，最近好興奮同我講，媽咪，我終於諗到點樣可以開心啲啦，就係每日同自己講最後一日了（意思係就快到星期五了）。看見她的堅持，她的樂天，我既佩服，又心痛。
其實我知在香港主流本地小學，讀書都是大同小異的辛苦，我女的名小，其實已經不是最惡劣。但眼見她升小學後，睡眠比以前差，體力精神也明顯較以前差好多，覺得影響到身體接受不了，所以覺得應該要趁早轉校。
作者: Sameemum 時間: 22-10-26 08:11
多謝各位用家及其他家的慷慨回覆！從前我只聽聞培道淺、開心、就算成績差的學生也愛上學！但現在了解更多了，其實不能說淺，只是鋪排、重點不同。說實話，聽罷各位資訊，及看過培道的小一課程簡介會，真心覺得，可能培道是全香港的本地傳統小學中，最好的一間！因為好成績，可以只是谷出谷得起的小朋友，谷不起的會成為犧牲品。但一間好學校，是能夠真正教育人，不論質素如何，在她手中，都能夠被拯救，被提升，被「點著」，發光發熱，這才是高手！
作者: Sameemum 時間: 22-10-26 08:22
對於我女來說，培道小一小二是非常適合，只是再上去同樣面對傳統課程，我要考慮自己能否接受…
國際學校課程似乎是我杯茶，但因為普教中，雖然我懂普通話，但因為家中多用廣東話，國際學校又一定全日上課，課後時間其實不多，所以我覺得這方面我support不到她。
…
不能完美，做媽媽總要學取捨…
作者: Sameemum 時間: 22-10-26 08:23
wejiyu 發表於 22-10-25 09:00
回覆 Sameemum 的帖子
1、小朋友角色扮演，用書本的英文場景進行對話；2、一個星期一堂NET課程；
作者: Carly0909 時間: 22-10-26 08:28
Sameemum 發表於 22-10-26 08:11
多謝各位用家及其他家的慷慨回覆！從前我只聽聞培道淺、開心、就算成績差的學生也愛上學！但現在了解更多了 ...
本帖最後由 Carly0909 於 22-10-26 08:29 編輯
又唔好咁一面倒認為邊d學校先係好，因為總有適合學校既小朋友
只係樓主小朋友同學校未必夾。
最重要係父母察覺到有問題能夠適時處理小朋友需要，同小朋友溝通到令大家開心舒服同埋適合佢學習模式嘅方法。
相信你地努力試完之後，其實先發覺只係當初選錯唔適合你小朋友既學校，而睇返你同你先生既選校過程，棄WKF選名小，大家都會知你地係想俾佢試高d，唔得先算果種，但試完唔岩就喺度話人哋學校點點點，其實唔係咁好，只可以話你哋之前research不足，總之宜家選返適合的就好了。
作者: afunnybert 時間: 22-10-26 09:07
本帖最後由 afunnybert 於 22-10-26 10:30 編輯
回覆 Sameemum 的帖子
噢
咁又唔敢代表係最好嗰間我認為的確「沒有最好的學校、只有適合。」
其實我自己現時第二個小朋友，都未必會將佢100%放返入培道。
女女性格比較積極、培道英文課程來說比較一般，本身從小都會自行尋求學習英語的機會。例如心醉於英語小說..
性格各方面、語文能力都唔同。成條路連幼稚園鋪排都唔一樣，都唔代表一定最適合呢間學校。
祝福你同你嘅小朋友，能夠搵到間合適的小學繼續向前熱愛學習!
作者: Sameemum 時間: 22-10-26 09:10
是的是的，沒有最好，只有最適合。
作者: wejiyu 時間: 22-10-26 10:22
回覆 Sameemum 的帖子
學校用的英文書是longman Express，比很多津學校選擇的elect要少少深，但我小朋友幼稚園讀的是英文私立幼稚園，培道的英文課對我小朋友比較淺，所以我小朋友有外補劍橋英語。11月我女的班會有新的插班生，每個月頭（10月和11月）都有新同學加入；
作者: apricot2018 時間: 22-10-27 10:30
Starry-starry 發表於 22-10-24 19:16
回覆 apricot2018 的帖子
如果冇「太輕鬆」既期望，又重視關愛既話，真係可以考慮一下培道。我覺得學校對 ...
培道都多人爭，touchwood 如果入唔到，除咗培道仲有冇其他近似嘅選擇？謝謝您
作者: wg_ann 時間: 22-10-27 12:28
Sameemum 發表於 22-10-26 07:55
不好意思，咁遲覆，阿女今週測驗週><
答你問題：小朋友兩個問題都有！
聽你的描述，基本上已十分肯定呀囡不適合依家的學校，快到絕望的邊緣，應該盡快轉校，再拖下去，恐怕除了身體上的虛耗，心理上的發展也會受影響。
現在雖有移民潮，但插班始終要等要位才有機會，除了培道，最好shortlist多幾間合適的學校入表，邊間收就轉左先方為上策。
作者: Poyau 時間: 22-10-27 14:51
apricot2018 發表於 22-10-27 10:30
培道都多人爭，touchwood 如果入唔到，除咗培道仲有冇其他近似嘅選擇？謝謝您
...
嶺小?
作者: Sameemum 時間: 22-10-27 18:55
wg_ann 發表於 22-10-27 12:28
聽你的描述，基本上已十分肯定呀囡不適合依家的學校，快到絕望的邊緣，應該盡快轉校，再拖下去，恐怕除了 ...
謝謝建議及資訊呀！！
作者: Starry-starry 時間: 22-10-27 19:52
回覆 apricot2018 的帖子
我當年除左考培道之外，都有去考禮賢，兩間起我心目中都係關愛行先，不相伯仲。你都可以去研究下禮賢適唔適合你既小朋友😊😊
作者: Starry-starry 時間: 22-10-28 00:39
回覆 Sameemum 的帖子
如果讀左兩個月，小朋友已經要咁樣「自我鼓勵」，功課又做到咁夜影響健康，睇嚟呢間學校真係唔太適合。
唉，校長舊年開學前家長會，已經話升小既環境轉變好大，唔好一開始就嚇親佢地，仲千叮萬囑我地做家長千祈唔好因為一時既成績話啲小朋友，俾啲空間佢地慢慢學習同適應，聽到你女女返學由期待變喊哂口真係有啲心痛。
我舊年睇學校老師zoom 教書既時候，都幾多機會俾小朋友答問題，佢地都幾多玩法，唔係剩係舉手答問題咁。例如老師指定左一個小朋友答完後，下一題就俾嗰位小朋友選一位同學答；有時又會特登搵全堂未出過聲既小朋友答；有時會亂叫學號；都有啲似遊戲。可能覺得佢地仲細，需要俾多啲互動逼佢地留心啲聽書~~
都認同上面幾位家長所講，培道既英文課程比較基本，語境冇其他學校咁多。我以前讀既私幼係net teacher班主任，幼稚園4年英文個底打得好好，一過到嚟真係覺得淺，有食老本既感覺。我一直都有考慮要唔要外補深啲…..同埋入培道唔好諗住中學入超級神校，如果單用數字嚟計業績，培道其實唔算亮眼。衡量教育成效唔應該咁單純只用數字嚟量化（我自己覺得），不過大趨勢如此冇辦法。
冇一間學校係完美的，有90% match到心中所求已經好好。我自己選校係比較著重關愛既環境，同埋希望學校多啲課外活動。學術覺得唔足夠可以再另外教佢，但學校氣氛係冇可能靠屋企補足到。
希望你搵到岩小朋友既學校，如果非走不可，要漁翁撒網式報多幾間關愛/活動式教學既學校。祝一切順利～～
作者: hkhk8888 時間: 22-10-28 09:40
apricot2018 發表於 22-10-27 10:30
培道都多人爭，touchwood 如果入唔到，除咗培道仲有冇其他近似嘅選擇？謝謝您
...
作者: pig.apple 時間: 22-10-28 09:49
Starry-starry 發表於 22-10-27 19:52
回覆 apricot2018 的帖子
我當年除左考培道之外，都有去考禮賢，兩間起我心目中都係關愛行先，不相伯仲。 ...
同意，禮賢係好有愛心嘅學校。利申：我係用家
作者: Sameemum 時間: 22-10-28 10:23
Starry-starry 發表於 22-10-28 00:39
回覆 Sameemum 的帖子
如果讀左兩個月，小朋友已經要咁樣「自我鼓勵」，功課又做到咁夜影響健康，睇嚟呢間 ...
作者: Ruby_1226 時間: 22-11-2 06:52
Sameemum 發表於 22-10-22 07:54
女兒今年剛入傳統名小小一，教學太悶，班人數太多、功課太多，小朋友學校學習效果不佳之餘，又要每天應付功 ...
前幾天剛剛參觀了啟基學校，聽了校內介紹，非常適合你的需求。粵英授課，又是活動教學，小朋友開心做功課，你可以關注了解一下。
作者: Sameemum 時間: 22-11-24 23:17
回覆 Ruby_1226 的帖子
剛剛才看到你post，謝謝你呀！
作者: Sameemum 時間: 23-1-5 12:32
Starry-starry 發表於 22-10-22 21:37
我係現任初小用家～ 希望少少意見幫到你。
1）無錯，其實有textbook, 好難完全跳出既定框架。 所以主要都 ...
1）有用家題過學校有好清晰的默書測考範圍，可否舉個例子？是否即eg範圍列明默邊6個詞語，及背默範圍，佢就只會默那6個詞語及背默？
2）上年小一一般每次默幾多個詞語？
3）今年小二每次默書有幾多個詞語？
4）上到小二，d常識甘唔甘？eg小朋友自己讀卷d字應付到嗎？因為現在的學校，常識d中文比中文卷更深更多
作者: Starry-starry 時間: 23-1-14 09:41
我岩岩login先睇到你個問題～～
1）默書範圍真係好清晰，佢派嗰張默書範圍紙，跟住讀識哂就一定得，就算課外加分題都係事先俾埋題目，你起屋企跟住嚟教小朋友就可以。上年小一中文考默通常係2課詞語 +1段背默。詞語你睇返中文書下面既詞語表就知道有幾多。今年小二中文考默係2課詞語 + 1段課文讀默 + 1段課文背默。
2）之前去閱常識卷，我自己覺得有啲深，出既題目考得好仔細。不過我個小朋友一向最鐘意呢科，日日拎本書出嚟同屋企人玩問答比賽，所以佢閱讀呢啲字既能力就冇問題。
其實間間小學都會有啲要求，我冇特別同其他學校比較課程，唔敢講培道整體偏深定偏淺。但小朋友潛力好大，最緊要佢個心係喜歡學習，慢慢都會應付到學校要求，所以唔駛太過擔心佢應付唔嚟。好似常識嗰啲，真係佢發自內心喜歡學，結果就不知不覺咁學識哂啲字，靠逼真係逼唔來。
同埋岩岩返左全日制，選擇左導修課既日子，只要小朋友專心做，真係完全做得哂功課返屋企，呢樣真係好感恩。
作者: Sameemum 時間: 23-2-7 14:13
Starry-starry 發表於 23-1-14 09:41
我岩岩login先睇到你個問題～～
1）默書範圍真係好清晰，佢派嗰張默書範圍紙，跟住讀識哂就一定得，就算 ...
我也是剛剛才看到你回覆，謝謝你回覆呀！
我明白了，即係默D咩，完全事先知道。那麼平時D默書默幾多？是否全部課文下的詞語？我知平時默書不計分，考默才計分，但我其實關注平時默書多D，我覺得重要的，反而考默是不值得駁命，因為平時默溫得好，考試就不用溫可以了。但我又知我女食唔落太多，所以想知，小一小二，平時中文默書，默幾多？就是一課課文下所有詞語嗎？還是只是課文下的其中e.g. 6個詞語？每次1段背默(2-3小句）？
你果個好叻呀，認到這麼多字！其實我女係鐘意寫中文字，但佢就無因為興趣認得D字了＝）
不過我知，假以時日，她總能認到的。^^
作者: melobi12 時間: 23-2-7 22:13
Sameemum 發表於 22-10-26 08:22
對於我女來說，培道小一小二是非常適合，只是再上去同樣面對傳統課程，我要考慮自己能否接受…
國際學校 ...
本帖最後由 melobi12 於 23-2-7 22:15 編輯
八卦路過，見到你女女自我鼓勵嗰段，睇到心都up埋，好彩你係開明嘅媽媽，唔執著留喺名小。
我對培道冇認識，只係想糾正小小你對IS嘅印象，等你多條路諗下。
其實好多IS所謂返全日，都只係放1-3點，就算上埋學校ECA，都只係2-4點，而且小學嚟講，正常weekdays 唔會有咩功課，放學仲有好多時間做自己想做嘅嘢呀。
普通話方面你亦唔使擔心，小朋友學語言好快，讀IS正常亦唔使你support 佢啲咩學業嘢，放手交俾學校就可以了。如果想中文好，可以選擇相對冇咁國際嘅IS（多啲本地學生，對中文要求會高啲），同埋因為放學好多時間，就算你落重藥外補中文，小朋友都唔會好大負擔。
冇記錯 YMCA SWCS 係比較走IS路線得嚟，用local 中文同數學課程嘅private school （真係走IS路線，唔係話純粹用外國課程就當IS嗰種）。聽返嚟評價都幾好，而且有愛心，我知好多唔敢完全轉去IS嘅家長都鍾意呢間學校，你可以研究下。
作者: Sameemum 時間: 23-2-9 05:20
melobi12 發表於 23-2-7 22:13
本帖最後由 melobi12 於 23-2-7 22:15 編輯
八卦路過，見到你女女自我鼓勵嗰段，睇到心都up埋，好彩你 ...
作者: melobi12 時間: 23-2-9 07:00
Sameemum 發表於 23-2-9 05:20
謝謝資訊！可否講多少少，YMCA SWCS 如何走真國際路線？
IS版都好常討論呢間學校，你可以去睇下（通常睇 “local school轉IS嘅post就會揾到）。
最近其中一個post:
基信小學定HKCA保良局國際好d https://www.edu-kingdom.com/forum.php?mod=viewthread&tid=3873984
作者: jasonyfho 時間: 23-11-6 18:04
本帖最後由 jasonyfho 於 23-11-6 18:05 編輯
睇左大家既討論, 咁多位既意見都好有用!
今年輪到我幫小朋友選校. 我想問下培道小學既英文情況. 以高小而言, 小朋友既能力會唔會普遍已經可以係英文堂全英文對話, 甚至和NET teacher 可以自如傾談?
我知培小係中小, 但想知會唔會其實英文都做得OK? 謝謝!
作者: pinkladycat 時間: 23-12-12 22:59 標題: 回覆樓主:
請問培道係中文數學？ 會有 science? 弦樂團有嗎？
| 歡迎光臨 教育王國 (/) |
Powered by Discuz! X1.5 |